► के कोही व्यक्ति ख्रीष्टियन हुन सक्छ र मण्डली बिना ख्रीष्टियन जीवन बिताउन सक्छ ? [1]

मानिसहरू मण्डलीमा आउनुका थुप्रै असल कारणहरू हुन सक्छन्। कोही व्यक्ति सिक्न, परमेश्वरको उपस्थिति महसुस गर्न, स्वीकार्यता र मित्रता महसुस गर्न, प्रोत्साहित हुन्, परिवर्तन हुन, अरूसँग परमेश्वरको उपासना गर्न, परमेश्वर र उहाँका जनहरूप्रति प्रतिबद्धता देखाउन, मण्डलीको सेवकाईमा सहायता गर्न, र परमेश्वरले के गर्नुहुनेछ भनेर हेर्नको लागि मण्डलीमा आउन सक्छ।

यदि कुनै व्यक्ति मण्डलीमा आउँदैन भने, माथिको सूचीका कुराहरू उसको लागि महत्त्वपूर्ण हुदैन। कुन प्रकारको व्यक्तिले यी कुराहरूको वास्ता गर्दैन ?

उपस्थित हुनाले कुनै व्यक्ति ख्रीष्टियन हो भनेर प्रमाणित गर्दैन, तर यदि कुनै व्यक्ति सम्भव भएसम्म मण्डलीमा उपस्थित भइरहेको छैन भने, सायद ऊ पनि ख्रीष्टियन होइन।

► मण्डलीको सदस्यता किन महत्त्वपूर्ण छ ? के यदि मण्डलीमा जानु र ख्रीष्टियन हुनु मात्र पर्याप्त छैन र ?

अघिल्लो पाठमा हामीले पावलको सेवकाईको प्राथमिकता मण्डलीको व्याख्या गर्नु थियो भनेर देख्यौं। पावलले मण्डलीलाई जोड दिए किनभने मण्डली संसारभरि मुक्तिको योजना लागू गर्ने परमेश्वरको तरिका हो।

प्रेरित पावलले भने,

सबै कुरा सृजनुहुने परमेश्‍वरमा युग-युगदेखि लुप्‍त रहेका रहस्‍यको योजना के हो, सो सबै मानिसलाई खुलस्‍त गराउने अनुग्रह मलाई दिइयो, ताकि यसरी मण्‍डलीद्वारा परमेश्‍वरका विभिन्‍न किसिमका ज्ञान स्‍वर्गीय स्‍थानहरूमा शासकहरू (एफिसी ३:९-१०)।

“रहस्‍य” परमेश्वरको आफ्नो पूर्णता व्यक्त गर्ने र मण्डलीमा आफ्नो बुद्धि प्रकट गर्ने योजना हो। मण्डली ती मानिसहरूको संगति हो जसले परमेश्वरको योजना अनुसार जवाफ दिएका छन् र त्यसप्रति आफूलाई समर्पित गरेका छन्। यदि कुनै व्यक्तिले मण्डलीप्रति प्रतिबद्ध छैन भने, उसले परमेश्वरको योजनाप्रति प्रतिबद्ध छैन।

► मानिसहरूले मण्डलीको सदस्यता लिन इन्कार गर्नुका केही कारणहरू के-के हुन् ?

परमेश्वर प्रत्येक विश्वासीभित्र बस्नुहुन्छ, तर उहाँ मण्डलीमा (प्रतिबद्ध विश्वासीहरूको समूह) एक विशेष तरिकामा बस्नुहुन्छ। यी पदहरूले परमेश्वर कहाँ बस्नुहुन्छ भनी बताउँछ भन्ने हेर्नुहोस् :

उहाँमा [येशू ख्रीष्ट] पूरै घर ठीकसँग एकैसाथ जोडिएर प्रभुमा एउटै पवित्र मन्‍दिर हुनलाई बढ्‌दैजान्‍छ। अनि पवित्र आत्‍मामा परमेश्‍वरको वासस्‍थान हुनलाई तिमीहरू पनि उहाँमा एकसाथ निर्माण हुँदैजान्‍छौ (एफिसी २:२१-२२)।

परमेश्वर मण्डलीमा बस्नुहुन्छ। मण्डली, विश्वासीहरूको समूह, त्यो घर हो जुन परमेश्वर आत्माद्वारा बस्नुहुन्छ।[1] मण्डलीमा परमेश्वरको बासस्थान उद्देश्यहरूका लागि हो जुन व्यक्तिहरूले पूरा गर्न सक्ने भन्दा टाढाको कुरा हो। यदि कुनै व्यक्तिले मण्डलीमा प्रतिबद्ध हुन अस्वीकार गर्छ भने, उसले परमेश्वरको यो योजनाको हिस्सा हुन अस्वीकार गरिरहेको हुन्छ।

जब उसले पापको दोषी छु भनी मान्छ तब मानिसले आफ्नो आत्मिक पहिचान भेट्टाउँछ, त्यसपछि परमेश्वरको प्रेम, अनुग्रह र स्वीकार्यताको अनुभव हुन्छ। जब उसले पश्चाताप गर्छ र ख्रीष्टमा आफ्नो विश्वास राख्छ, उसले परमेश्वरको सन्तान बन्छ। यो एक व्यक्तिले पाउने सबै भन्दा महत्त्वपूर्ण पहिचान हो।

विश्वासीको परमेश्वरको परिवारको सदस्यको रूपमा आत्मिक पहिचान पनि छ (एफिसी २:१९)। अरु विश्वासीहरू उसको आत्मिक भाइहरु र बहिनीहरू हुन्। उसले भेट्ने कुनै पनि साँचो ख्रीष्टियन सँग उसको आत्मीयता महसुस हुन्छ।

मण्डली परमेश्वरको विश्वव्यापी परिवारको रूपमा र साथै परमेश्वरको स्थानीय परिवारको रूपमा कार्य गर्ने स्थानीय मण्डलीको रूपमा पनि अवस्थित छ। कुनै भाइ वा बहिनीलाई खाँचो छ भने, उसलाई स्थानीय आत्मिक परिवारले तिनलाई मदत गर्छ। जसरी एक विश्वासीले आफ्नो आत्मिक परिवारले आफूलाई मदत गर्न तयार भएको आशा गर्न सक्छ, त्यसरी नै उसले पनि परिवारप्रति प्रतिबद्ध र अरूलाई मदत गर्न तयार हुनुपर्छ। यदि आफ्नो समय र स्रोतसाधन यसमा समर्पित गर्ने विश्वासीहरू नभएको भए परिवारबाटको मदत प्राप्त हुने अस्तित्वमा हुने थिएन।

कोही व्यक्तिले मदत माग्छन् तर अरूलाई मदत गर्न कहिल्यै उपलब्ध हुँदैनन्। परिवारप्रति प्रतिबद्ध हुनुको अर्थ के हो भन्ने कुरा उनीहरूले बुझेका छैनन्।

अरू मानिसहरूले आफ्नो हेरचाह आफै गर्छन् र अरू सबैले पनि त्यस्तै गरून् भन्ने आशा राख्छन्। तिनीहरूले अरूको आवश्यकताको लागि आफ्नो जिम्मेवारी छन् भनि बुझ्दैनन्।

► परमेश्वरको परिवार प्रतिको प्रतिबद्ध हुनुपर्छ भनेर तपाईंले कुनै व्यक्तिलाई कसरी व्याख्या गर्नुहुन्छ ?

एक व्यक्तिले व्यक्तिगत रूपमा परमेश्वरको सत्यतामा विश्वास गर्नुपर्छ र व्यक्तिगत रूपमा परमेश्वरको आज्ञा पालन गर्ने छनौट गर्नुपर्छ। परमेश्वरसँगको मानिसको सम्बन्ध तब सुरु हुन्छ जब उसले पश्चात्ताप गर्छ र ख्रीष्टमा विश्वास गर्छ। परमेश्वरसँगको उसको सम्बन्ध अरू कसैमा निर्भर गर्दैन। प्रत्येक विश्वासीसँग परमेश्वरको वचन बुझ्नको लागि डोऱ्याउन पवित्र आत्मा हुन्छ।

तथापि, थुप्रै मसीहीहरू आफ्नो मनोवृत्तिमा असाध्यै स्वतन्त्र भएका छन्। तिनीहरूका आफ्नै धारणाहरू तिनीहरूको अन्तिम अधिकार बन्छन्। तिनीहरू धर्मशास्त्रको आफ्नै व्याख्यामा मात्र विश्वास गर्छन्। तिनीहरू आफ्नो वरदान मण्डलीको सफलतामा समर्पण गर्नुको साटो व्यक्तिगत रूपमा सफल हुन तिनीहरूले वरदानहरू प्रयोग गर्न चाहन्छन्। तिनीहरूका महत्त्वपूर्ण निर्णयहरू तिनीहरूको आफ्नै विचार, आफ्नै भावना र आफ्नै इच्छाहरूमा आधारित हुन्छन् र मण्डलीको बुद्धिद्वारा निर्देशित हुँदैनन्।

धेरै मानिसहरूले मण्डलीको उद्देश्य बताउन सक्दैनन्। तिनीहरूले व्यक्तिहरूलाई केही फाइदाहरू प्रदान गर्न मात्र यसलाई मूल्यवान् ठान्छन्। तिनीहरू यसमा एक परिवार जस्तै प्रतिबद्ध छैनन्। तिनीहरू कुनै पनि आत्मिक अधिकार स्वीकार्दैनन्। तिनीहरू चाडै मण्डली छोड्न र कुनै समस्या छ भने अर्को को खोजी गर्न तत्पर हुन्छन्। यो समस्या जताततै छ, तर कुनै संस्कृतिका मानिसहरूमा आत्मिक तवरमा स्वतन्त्र हुने प्रयास गर्ने प्रवृत्ति बढी हुन्छ किनभने तिनीहरूको संस्कृतिले व्यक्तिगत स्वतन्त्रतामा जोड दिन्छ।

थुप्रै मण्डलीहरूले मानिसहरू आत्मिक तवरमा स्वतन्त्र छन् भन्ने अनुमानलाई स्वीकारेका छन्। व्यक्तिहरूले कसरी उत्तम नतिजा प्राप्त गर्न व्यक्तिगत निर्णयहरू गर्न सक्छन् भनेर प्रवचनहरूले निर्देशन दिन्छ। थुप्रै मण्डलीहरू मानिसहरूको टोलीद्वारा नेतृत्व गरिन्छ जसले कार्यक्रम सञ्चालन गर्छन्, र मण्डली दर्शकहरूको भीड हुन्छ। अर्को प्रकारको मण्डली पास्टरको व्यक्तिगत उद्यम हो, र उसले मानिसहरूलाई राख्न र उनीहरूको आर्थिक सहयोग सङ्कलन गर्न पर्याप्त लाभ हरू प्रदान गर्ने प्रयास गर्दछ।

मण्डलीको नयाँ नियमको चित्र भनेको एक स्थानीय भक्त विश्वासीहरुको समूह हो जसले जिम्मेवारी बाँड्ने गर्दछ। सहयोगी मानिसहरू, प्रतिबद्ध भक्त विश्वासीहरुको रूपमा बाहेक मण्डलीले आफ्नो जिम्मेवारी पूरा गर्न असम्भव छ। नयाँ नियमका धेरैजसो प्रेरितहरुले लेखेका पत्रहरू व्यक्तिहरूलाई सम्बोधन गरिएको होइन, तर मण्डलीहरूलाई सम्बोधन गरिएको छ, र त्यसरी नै व्याख्या गरिनुपर्छ र लागू गरिनुपर्छ।

► सूचीको प्रत्येक बुँदाको लागि, भक्त विश्वासीहरुले कसरी यो जिम्मेवारी बाँड्न सक्छ र एक जना व्यक्तिले भन्दा अझ राम्रोसँग कसरी गर्न सक्छ भनेर छलफल गर्नुहोस्।

१. सुसमाचार प्रचार गर्नुहोस् (मत्ती २८:१८-२०)।

२. भक्त विश्वासीहरुको रूपमा आराधना गर्नुहोस् (१ कोरिन्थी ३:१६)।

३. सिद्धान्त कायम राख्नुहोस् (१ तिमोथी ३:१५, यहूदा ३)।

४. पास्टरहरूलाई आर्थिक सहयोग गर्नुहोस् (१ तिमोथी ५:१७-१८)।

५. मिसनरीहरू पठाउनुहोस् र समर्थन गर्नुहोस् (प्रेरित १३:२-४, रोमी १५:२४)।

६. खाँचोमा परेका सदस्यहरूलाई मदत गर्नुहोस् (१ तिमोथी ५:३)।

७. पापमा फस्ने सदस्यहरूलाई अनुशासन दिनुहोस् (१ कोरिन्थी ५:९-१३)।

८. बप्तिस्मा र प्रभुको भोजको अभ्यास गर्नुहोस् (मत्ती २८:१९, १ कोरिन्थी ११:२३-२६)।

९. विश्वासीहरूलाई परिपक्वताको लागि चेला बनाउनुहोस् (एफिसी ४:१२-१३)।

यी मध्ये धेरैजसो कामहरू एक जना व्यक्तिले स्वतन्त्र रूपमा पुरा गर्न सक्दैनन्। तिनीहरू विश्वासीहरूको समूहको सहयोग र नेतृत्वको संरचनामा निर्भर हुन्छन्।

[1] परमेश्वरले प्रत्येक विश्वासीलाई स्थानीय मण्डलीप्रति प्रतिबद्ध हुन र त्यस मण्डलीलाई संसारमा आफ्नो उद्देश्य मदत गरेर पूरा गर्न बोलाउनुहुन्छ। कुनै सदस्यले मण्डलीमा सेवा नगरेसम्म, उसले ख्रीष्टको शरीरको अङ्गको रूपमा आफ्नो उद्देश्य पूरा गर्दैन।

परमेश्वरसँग विश्वासीहरूको स्थानीय निकायको लागि एउटा योजना छ। उहाँले जे कुराहरू आवश्यक छ र सदस्यहरूबाट प्रतिबद्धताको आवश्यकताहरु दिनुहुन्छ।

► एक बिद्यार्थीले समूहको लागि १ कोरिन्थी १२:१२-२७ पढ्नुपर्छ।

पावलले मण्डलीका सदस्यहरूले भौतिक शरीरका अङ्गहरू जस्तै मिलेर काम गर्नुपर्छ भने। एउटा अङ्गले अरूबाट स्वतन्त्र हुने कोसिस पनि गर्नु हुँदैन। एउटा अङ्गले अरू बिना धेरै कुरा हासिल गर्न सक्दैन।

एक जना ख्रीष्टियनले मण्डलीको जीवनमा उसको क्षमताको महत्त्व भेट्टाउँछ भन्ने कुरा बुझ्नुपर्छ। जसरी आँखा वा कान शरीरको लागि काम गर्ने बाहेक अरु कामको लागि बेकार हुन्छ, त्यसरी नै कुनै व्यक्तिले मण्डलीको प्रतिबद्ध सदस्यको रूपमा काम नगरेसम्म परमेश्वरको इच्छामा महत्त्वपूर्ण उद्देश्य भेट्टाउन सक्दैन।

► एक बिद्यार्थीले समूहको लागि प्रेरित २:४६-४७ पढ्नुपर्छ।

प्रभुले हरेक दिन मण्डलीमा थप्दै जानुभयो। मण्डलीको प्रारम्भिक दिनहरूमा मण्डलीमा सामेल हुनु जटिल कुरा थिएन। ख्रीष्टमा परिवर्तन र विश्वासको गवाही सदस्यताको आधारभुत थियो। औपचारिक सदस्यता प्रक्रिया वा सदस्यता नियमहरूको सूची बिना पनि, मण्डलीमा को छ भनेर हेर्न सजिलो थियो।

प्रायजसो मण्डली औपचारिक सदस्यता बिना नै सुरु हुन्छ। सुरुमा मण्डलीमा सेवकाईको टोली हुन्छ। त्यसपछि, सेवकाईमा प्रतिक्रिया जनाउने र त्यसमा संलग्न हुने स्थानीय मानिसहरू थपिन्छन्। यो समूह व्यावहारिक कुराहरू, आत्मिक विषयहरू, भविष्यको लागि दृष्टिकोण र सँगै जीवन बाँड्ने पक्षहरूबारे छलफल गर्न बारम्बार भेला हुन्छ। त्यहाँ सदस्यताको सूची छैन, तर त्यहाँ प्रतिबद्ध व्यक्तिहरू को हुन् भनेर सबैलाई थाहा छ।

जब मण्डली बढ्दै जान्छ, त्यहाँ प्रश्नहरू खडा हुन्छन्। धेरै मानिसहरू मण्डलीमा जान्छन् र क्रियाकलाबहरूमा भाग लिन्छन्; तर मण्डलीका मानिसहरू को हुन् ? मण्डली चाहिँ साक्षी हुनुपर्छ, तर मण्डलीका मानिसहरू को हुन् भनेर समुदायलाई थाह छैन भने त्यो कसरी साक्षी हुन सक्छ ? हामी मण्डलीलाई शरीरमा भएका अरूलाई मदत गर्न प्रतिबद्ध हुन सिकाउँछौं, तर ती को हुन् भनेर तिनीहरूले कसरी थाहाँ पाउन सक्छन् ? यदि कुनै व्यक्तिले सुधारको जवाफ दिन इन्कार गर्छ र खुला पापमा जीवन बिताउँदछ भने, विश्वासी भई जीवन बिताउने विश्वासीहरूको मूल समूहबाट उसलाई कसरी अलग गर्न सकिन्छ ?

धेरै आधुनिक मण्डलीहरूमा व्यापक सदस्यताको आवश्यकताहरू छन्। तिनीहरूसँग सिद्धान्तको भनाई, सदस्यको जीवनशैलीको लागि नियमहरू, र परीक्षण अवधि हुन्छ। नयाँ ख्रीष्टमा परिवर्तन भएका व्यक्तिका लागि छिटै ती मण्डलीहरूको सदस्य बन्न सजिलो हुदैन।

ख्रीष्टमा नयाँ परिवर्तन भएका व्यक्तिलाई तुरुन्तै मण्डलीको संगतिमा स्वीकार गरिनुपर्ने आवश्यक छ। उ एक-अर्का प्रतिको प्रतिबद्ध विश्वासीहरूको समूहको भाग हुन आवश्यक छ। ख्रीष्टमा परिवर्तन हुँदा उसले ख्रीष्टियन नभएका साथीहरू गुमाउँछन् र उसलाई ख्रीष्टियन संगतिको खाँचो पर्छ।

ख्रीष्टमा नयाँ परिवर्तन गर्ने व्यक्तिलाई पनि अरू ख्रीष्टियनहरूसँगको घनिष्ठ सङ्गतबाट आउने चेलापनको खाँचो छ। उससँग आफ्नो जीवन साटासाट गर्ने मानिसहरूका मूल्य मान्यताहरूले उसलाई आकार दिईनेछ।

यदि कुनै ख्रीष्टमा परिवर्तन गर्ने व्यक्तिले उच्च सदस्यता आवश्यकताहरू जुन उसले बुझ्न नसक्नुको कारण मण्डलीमा सामेल हुन सक्दैन भने के हुन्छ ? यदि उसलाई सदस्यताबाट बाहिर राखियो भने, उसले महसुस गर्दछ कि उसलाई मण्डलीमा स्वीकार गरिएको छैन। उसलाई तत्काल कुनै न कुनै प्रकारको सदस्यता चाहिएको छ। प्रारम्भिक मण्डलीले ख्रीष्टमा परिवर्तन गर्नेहरूलाई चाँडै सदस्यको रूपमा सामेल गराउन सक्षम थियो।

साधारण सदस्यता/ संगतिको सदस्यता

यदि मण्डलीले ख्रीष्टमा परिवर्तन गर्नेहरूलाई चाँडै सदस्य बनाउन राम्रो काम गऱ्यो भने, मण्डलीको सदस्यतामा परिपक्व ख्रीष्टियनहरू नभएका मानिसहरू समावेश हुनेछन्। ख्रीष्टमा नयाँ परिवर्तन भएका व्यक्तिहरूले मण्डलीका सबै महत्त्वपूर्ण सिद्धान्तहरू बुझ्दैनन्। तिनीहरूले परिपक्व ख्रीष्टियन जीवनशैली विकास गरेका हुदैनन्। त्यसकारण, तिनीहरू मण्डलीको लागि निर्णय गर्न जिम्मेवार व्यक्तिहरु हुनुहुँदैन। मण्डलीको सदस्यतामा परिपक्व ख्रीष्टियन नभएका मानिसहरू समावेश हुने भएकोले, मण्डलीको साधारण सदस्यताले मण्डलीको निर्देशनको बारेमा निर्णय गर्नु हुँदैन।

साधारण सदस्यताभित्र परिचालक निकाय गठन गर्ने सदस्यहरू हुनुपर्दछ। मण्डलीको परिचालक निकाय परिपक्व मसीहीहरू मिलेर बनेको हुनुपर्छ जसले मण्डलीले सिकाएका सिद्धान्तहरू र जीवनशैली बुझ्छन्। यो त्यो समूह हो जसले मण्डलीको लागि निर्णय गर्दछ। यस समूहको सदस्यतामा मण्डलीको सामान्य सदस्यता भन्दा उच्च आवश्यकताहरू हुनुपर्दछ। यस समूहका मानिसहरूले मण्डलीमा शिक्षक र अगुवाको रूपमा सेवा गर्न सक्छन्। परिचालक निकायले मण्डली त्यसको शिक्षा र उद्देश्यप्रति सत्य रहिरहोस् भनेर पक्का गर्दछ।

साधारण सदस्यताले साँचो ख्रीष्टमा परिवर्तन भएका व्यक्तिहरुलाई स्वीकार्छ जो मण्डलीप्रति प्रतिबद्ध छन्। साधारण सदस्यताको लागि आवश्यकताहरू ख्रीष्टियन धर्मको आधारभूत कुराहरू र त्यस विशेष मण्डली प्रतिको प्रतिबद्धता हो। ख्रीष्टमा परिवर्तन गर्ने व्यक्ति साँच्चिकै परिवर्तित भएको देखिन्छ भने उसलाई तुरुन्तै साधारण सदस्यतामा स्वीकार गर्न सकिन्छ। ख्रीष्टमा परिवर्तन गर्ने व्यक्तिले मण्डलीमा संगति र संलग्नता प्राप्त गर्दछ जुन उसलाई तुरुन्तै आवश्यक पर्दछ। कुनै-कुनै मण्डलीहरूले साधारण सदस्यतालाई “संगति” भन्छन्।

► ख्रीष्टमा नयाँ परिवर्तन भएका व्यक्तिले किन चाँडै मण्डलीमा सामेल हुनु आवश्यक छ ?

► माथि वर्णन गरिएको सदस्यताको प्रणालीमा, संगति के हो, र यसको सदस्य कस्तो प्रकारको व्यक्ति हो ? परिचालक निकाय भनेको के हो र यसको कस्तो प्रकारको मानिसहरुको सदस्य हो ?

परिपक्व ख्रीष्टियनको सदस्यता

दोस्रो प्रकारको सदस्यताको लागि सदस्यहरू सैद्धान्तिक रूपमा स्वस्थ र पर्याप्त परिपक्व हुनु आवश्यक छ ताकि उनीहरूलाई मण्डलीको निर्णयहरूमा मतदान गर्न भरोसा गर्न सकियोस्। यस समूहले मानिसहरूलाई पास्टर सहित सेवाका पदहरूमा निर्वाचित गर्छ। तिनीहरूले या त व्यावसायिक निर्णयहरूमा मतदान गर्छन् वा ती निर्णयहरू बनाउने प्रतिनिधिहरूको समूहलाई निर्वाचित गर्छन्।

सदस्यताले मण्डलीको सरकारलाई नियन्त्रण गर्ने भएकोले, ख्रीष्टमा नयाँ परिवर्तन हुने व्यक्तिलाई तुरुन्तै सदस्यतामा स्वागत गर्न सकिंदैन। मण्डलीमा जति बढी रूढिवादी र सतर्कता हुन्छ, सदस्यता आवश्यकताहरूको सूची त्यति नै लामो हुन्छ र ख्रीष्टमा परिवर्तन हुनेहरु र सदस्यता बीचको समयावधि त्यति नै लामो हुन्छ। मण्डलीले ख्रीष्टमा परिवर्तन हुने व्यक्तिको आधारभूत विवरणको सट्टा, एक परिपक्व ख्रीष्टियनले गर्नुपर्ने सबै कुराहरू समावेश गर्न सदस्यता आवश्यकताहरू निर्धारण गर्दछ। ख्रीष्टमा परिवर्तन हुने व्यक्तिले मण्डलीको सदस्य हुन योग्य नभएता पनि वर्षौंसम्म मण्डलीको जीवनमा भाग लिन सक्छ। कोही-कोही ख्रीष्टमा परिवर्तन गर्नेहरू सदस्य हुन नसक्ने भएकोले छोड्न सक्छन्।

भक्त विश्वासीको सदस्यता

कुनै-कुनै मण्डलीहरूमा, सामान्यतया आराधनमा उपस्थित हुनेहरूलाई सदस्य मानिन्छ। कुनै अन्य अधिकारीहरूले मण्डलीको व्यवसायको निर्णय गर्न सक्छन्, तर मण्डलीमा उपस्थित हुने जो कोही पनि सदस्य हुन्। मण्डलीले तिनीहरूसँग सदस्यहरूको सूची नभएको दाबी गर्न सक्छ। तथापि, सदस्यहरूको कुनै सूची नभएको दाबी गर्ने मण्डलीमा पनि, को भित्र छ र को छैन भनेर निर्धारण गर्ने अलिखित प्रणाली छ।

भक्त विश्वासीहरुको सदस्यता भएको मण्डलीमा, मण्डलीको नियन्त्रण पास्टर वा प्रभावशाली परिवारका अगुवाहरूको हातमा हुन सक्छ।

यदि कुनै युवा मण्डलीमा अन्तिम अधिकार भक्त विश्वासीहरुको सदस्यतामा छ भने, केही वर्षमा यो कस्तो हुनेछ भनेर भविष्यवाणी गर्ने कुनै तरिका हुने छैन।

यदि भक्त विश्वासीहरुको सदस्यता भएको पुरानो मण्डलीमा स्थिरता छ भने, सम्भवतः यसलाई पारिवारिक समूहले वा बलियो ले, दीर्घकालीन पास्टरले नियन्त्रण गरेका हुन सक्छन्। त्यहाँ तिनीहरूलाई काम पुरा गर्ने तरिकाको नियमहरू व्याख्या गर्न गाह्रो हुनेछ, तर तिनीहरूले नियन्त्रणमा भएकाहरूलाई भरोसा गर्छन्। लिखित नीतिहरू अस्तित्वमा नहुन सक्छन् वा बेवास्ता गर्न सकिन्छ। जब पास्टर वा अन्य अगुवाहरूलाई प्रतिस्थापित गरिन्छ, मण्डलीमा ठूलठूला परिवर्तनहरू द्वारा गएको हुन सक्छन्।

► माथि वर्णन गरिएका दुई सदस्यताको प्रणालीहरूमा तपाईं के फाइदा र बेफाइदा देख्नुहुन्छ ?

► निम्न दुई उदाहरणहरु हेर्नुहोस्, एउटा संयुक्त राज्य अमेरिकाको मण्डलीको र अर्को फिलिपिन्सको मण्डलीको बिषयमा। यी दुई विवरणमा छलफल गर्नुहोस् कि तपाईंले चिनेका मण्डलीहरूमा मण्डलीको सदस्यतासँग कसरी तुलना गरिन्छ।

भिक्टरी च्यापल संगति

भिक्टरी च्यापलका अधिकांश गतिविधिहरूमा उपस्थित हुनको लागि सर्वसाधारणहरूलाई आमन्त्रित गरिएको छ, जसमा आराधना सेवाहरू, घरेलु भक्त विश्वासीहरुका बैठकहरू र बाइबल अध्ययनहरू समावेश छन्। सबैले आराधना, आवश्यकताहरू बाँड्न, प्रार्थना गर्न, भक्त विश्वासीको भोजन, व्यवस्थित छलफल, र अनौपचारिक संगतिमा भाग लिन सक्छन्। तथापि, नयाँ नियमले स्थानीय मण्डली बनाउने मानिसहरूको समूहलाई पहिचानयोग्य हुनुपर्छ भनेर संकेत गर्दछ। के मानिसहरू मण्डली हुन् भनेर सार्वजनिक रूपमा यो थाहा पाउनुपर्छ। यस्तो पहिचानयोग्य समूह बिना, यो असम्भव छ कि मण्डलीसँग संसारसामु स्पष्ट गवाही छ, साँचो ख्रीष्टियन संगति बाँड्नु जुन मित्रताभन्दा बाहिर ख्रीष्टियन एकतामा आधारित छ, बाइबलीय मण्डलीले अनुशासनको अभ्यास गर्दछ, र मण्डलीको सेवकाईको लागि एकसाथ जिम्मेवारी वहन गर्दछ। त्यसकारण, भिक्टरी च्यापलको सेवाहरूको जिम्मेवारी भक्त विश्वासीहरु भित्रको “संगति” भनिने समूहमा निर्भर गर्दछ।

संगतिमा रहेकाहरूले पूरा गरेका मापदण्डहरू

आत्मिक वृद्धिका चिन्हहरू अरू पनि थुप्रै विशिष्टताहरू छन् भनेर हामी थाहाँ पाउँछौं, तर तलको सूचीले एकता र साँचो ख्रीष्टियन संगतिको लागि आवश्यक लाग्ने आधारभूत कुराहरू प्रदान गर्दछ।

(१) आत्मिकी जीवन

परमेश्वरसँग आज्ञाकारी सम्बन्धमा हिंड्नको लागि ख्रीष्टमा परिवर्तन, आत्मिक इच्छा र प्रतिबद्धताको प्रमाण प्रदर्शन गर्नुहोस्।

(२) बाइबलीय नैतिकता

यौन अनैतिकता, लागूपदार्थको अवैध प्रयोग, सुर्तीजन्य पदार्थ र रक्सीजन्य पदार्थबाट टाढै रहनुहोस्।

(३) मण्डलीको प्रतिबद्धता

स्वास्थ्य, अन्य सेवकाई वा शनिवारको लागि रोक्न नसकिने एक प्रकारको काममा रोजगारीले बाधा पुर्‍याएको अवस्थामा बाहेक मण्डलीका सबै सेवाहरूमा विश्वासयोग्य भई उपस्थित हुनुहोस्।

मण्डलीको भेटीमा दशांश दिनुहोस्।

(४) सैद्धान्तिक एकता

भिक्टरी च्यापलको विश्वासको भनाईको एकता र बुझाइ आवश्यक छ। पास्टरले प्रत्येक उम्मेदवारसँग छलफल र निर्देशनको समय साझा गर्नुहुनेछ।

(५) व्यावहारिक नैतिकता

सबै सम्बन्धहरूमा इमानदारीता र प्रतिबद्धताहरूप्रति विश्वासयोग्यता कायम राख्नुहोस्। संगतिमा भएकाहरूप्रति प्रेम र वफादारीसँग मिल्दो व्यवहार कायम राख्नुहोस्।

नीतिहरू

हामीले थाहा गर्यौ कि केही नयाँ सदस्यहरू निरन्तरता हुने छैनन्, तर हामी परिक्षण अवधि नराख्ने छनौट गर्छौं, किनकि ख्रीष्टमा नयाँ परिवर्तन हुने व्यक्तिहरूलाई मण्डलीमा तुरुन्तै संलग्न हुनु आवश्यक पर्दछ।

पास्टरले उम्मेदवारको अन्तर्वार्ता लिएपछि संगतिको लागि प्रस्ताव गरिएको नामलाई परिचालक निकायले मूल्याङ्कन गर्नेछ।

संगतिमा स्वीकृत येशूमा परिवर्तन भएको व्यक्तिले पहिले नै बप्तिस्मा नलिएको भए उसको लागि बप्तिस्माको निर्धारित तालिका बनाइनेछ।

यदि संगतिमा कुनै विश्वासीले आवश्यकताहरूको उल्लङ्घन गरेको पाइयो भने, परिचालक निकायले विश्वासीलाई संगतिबाट हटाउन सक्छ वा उसलाई परिक्षणकालको लागि र जवाफदेहीताको अवधिको लागि अनुमति दिन सक्छ, त्यसपछि उसको मुद्दालाई पुनर्विचार गरिनेछ।

फिलिपिन्सको बाइबल मेथोडिस्ट मण्डली

येशू ख्रीष्टलाई मेरो मुक्तिदाता र प्रभुको रूपमा ग्रहण गरेपछि, उहाँको मृत्युमा विश्वास गरेर, उहाँको रगत बगाउदै गरेको र उहाँको पुनरुत्थान मेरो मुक्तिको लागि पूर्ण कार्यको रूपमा, अब म ख्रीष्टको विश्वव्यापी शरीरसँग एकताबद्ध छु। तर जसरी शरीरका धेरै अङ्गहरू छन्, त्यसरी नै ख्रीष्टको शरीर पनि छ। निष्कपट प्रार्थनाको माध्यमबाट, म फिलिपिन्स बाइबल मेथोडिस्ट मण्डली परिवारसँग एकताबद्ध हुन पवित्र आत्माले डोऱ्याएको महसुस गर्छु — यसको संगति, विश् वास र आत्मिक अनुशासनको लागि परमेश् वरले मलाई झन्-झन् सक्षम पार्नुभएको छ। यसो गर्दा, म आफूलाई परमेश्वर र अन्य सदस्यहरूप्रति निम्न कुराहरू गर्न प्रतिबद्ध गर्दछु:

पहिलो, मेरो मण्डलीको एकताको रक्षा गर्न

• अरू सदस्यहरूप्रति प्रेमको कार्य गरेर (१ पत्रुस १:२२)

• गफ गर्न वा निन्दा गर्न अस्वीकार गरेर (एफिसी ४:२९)

• यसका नियुक्त गरिएका अगुवाहरूलाई पछ्याएर (हिब्रू १३:१७)

• परमेश्वरको अनुग्रहबाट बाहिरिएका भाइबहिनीहरूप्रति दया राखेर (गलाती ६:१-२)

दोस्रो, मेरो मण्डलीको जिम्मेवारीमा बाड्न

• यसको वृद्धिको लागि प्रार्थना गरेर (१ थेसलोनिकी १:१-२)

• मण्डलीमा नआएकाहरूलाई उपस्थित हुन निमन्त्रणा दिएर (लूका १४:२३)

• आगन्तुकहरूलाई न्यानो स्वागत गरेर (रोमी १५:७)

• मानिसहरूलाई येशू ख्रीष्टसँग परिचय गराएर (प्रेरित ८:३३-३५)

तेस्रो, मेरो मण्डलीको सेवकाईको सेवा गर्न

• आत्मिक वरदानहरू खोजि गरेर (१ पत्रुस ४:१०)

• पास्टरहरूसँग सेवा गर्न सुसज्जित भएर (एफिसी ४:११-१२)

• सन्तहरू, भोका, नाङ्गै, रोगी, एकल महिला, अनाथ, र झ्यालखानामा परेकाहरूको सेवा गर्ने दासको हृदय विकास गरेर - साधन र अवसर प्रदान गरिएको छ (मत्ती २५:३१-४६, फिलिप्पी २:३-७)

चौथो, मेरो मण्डलीको गवाहीलाई समर्थन गरेर

• विश्वासयोग्य भई उपस्थित भएर (हिब्रू १०:२५)

• प्रचार गरिएझैं परमेश्वरको वचनलाई नम्रतापूर्वक ग्रहण गरेर, र त्यसको ज्योतिमा हिंडेर (१ यूहन्‍ना १:९-१०)

• पवित्र जीवनलाई पछ्याएर (हिब्रू १२:१४, फिलिप्पी १:२७)

• गल्तीहरू स्वीकार गरेर (याकूब ५:१६)

• प्रभु भोजमा भाग लिएर (१ कोरिन्थी ११:२३-२६)

• नियमित रूपमा दिएर (लेवीहरू २७:३०, १ कोरिन्थी १६:२, २ कोरिन्थी ९:७)

यसमा हस्ताक्षर ________ दिनमा ______________ गरियो

सदस्यको हस्ताक्षर _______________________________

स्वीकृत गर्ने: _______________________________ स्थानीय मण्डलीको पास्टर

१. परमेश्वर विश्वासीहरूको समूहमा विशेष तरिकाले बस्नुहुन्छ।

२. मण्डली परमेश्वरको परिवार हो, जहाँ विश्वासीहरू पारिवारिक सम्बन्धप्रति प्रतिबद्ध हुन्छन्।

३. मण्डलीको सदस्यता मण्डलीको लागि परमेश्वरको योजनाप्रति प्रतिबद्ध हुने एउटा तरिका हो।

४. भक्त विश्वासीहरुले मण्डलीका जिम्मेवारीहरू सँगै बाँड्नुपर्छ।

५. मण्डलीको जीवनमा प्रयोग गर्दा व्यक्तिको क्षमता सबैभन्दा मूल्यवान् हुन्छ।

६. ख्रीष्टमा नयाँ परिवर्तन भएका व्यक्तिलाई तुरुन्तै मण्डलीमा सामेल गराउनु आवश्यक छ।

७. मण्डलीको सदस्यताको लागि परिपक्वताको आवश्यकता हुनु हुँदैन।

१. पाठ ५ को लागि सात सारांश भनाईहरू कण्ठ गर्नुहोस्। सात सारांश भनाईहरू (सात अनुच्छेदहरू) मध्ये प्रत्येकको अर्थ र महत्त्व को व्याख्या गर्दै एक अनुच्छेद कसैलाई लेख्नुहोस् जो तपाईको कक्षामा भाग लिएको छैन। अर्को कक्षा सुरु हुन अगाडी नै यो कार्य तपाईको कक्षा अगुवालाई बुझाउनु होला। छलफलको समयमा कक्षा अगुवाले तपाईंलाई सोध्नुभयो भने समूहलाई अनुच्छेद बाँड्न तयार हुनुहोस्। अर्को कक्षा सत्रको सुरुमा सम्झनाबाट भनाईहरू लेख्नुहोस्।

२. तपाईले आफ्नो कक्षा बाहिरको शिक्षण अवसरहरूको तालिका आफैं बनाउन सम्झनुहोस् र तपाईंले सिकाए पछि कक्षा अगुवालाई प्रतिबेदन दिनुहोस्।

३. लेखन कार्यभार: तपाईंको मण्डलीमा उपस्थित हुने व्यक्तिहरू प्रतिबद्ध सदस्यहरूको प्रतिशत अनुमान लगाउनुहोस्। तपाईंको मण्डलीमा कोही व्यक्ति कसरी सदस्य बन्छ भन्ने कुराको वर्णन गर्नुहोस्।