► स्थानीय मण्डली के हो ? यो अरू सबै प्रकारका समूहहरूभन्दा कसरी भरक छन् ?

स्थानीय मण्डलीको यो परिभाषालाई सात वटा अत्यावश्यक तत्वहरूमा विभाजन गर्न सकिन्छ। यी तत्वहरू यस पाठश्रृङ्खलामा थप व्याख्या गरिएको छ।

तल, परिभाषाको प्रत्येक भागहरूको थप व्याख्याको साथ दोहोर्याइएका छन्।[1]

► निम्न प्रत्येकको लागि, यो किन मण्डलीको आवश्यक विशेषता हो भनेर छलफल गर्नुहोस्। यदि कुनै मण्डलीमा यो विशेषताको अभाव छ भने केही परिणामहरू के हुनेछन् ?”

स्थानीय मण्डली विश्वासीहरूको समूह हो जसले आत्मिक परिवार र विश्वासको समुदायको रूपमा कार्य गर्दछ …

मण्डली मसीही विश्वासद्वारा निर्मित एउटा समूह हो। यो संसारको कुनै पनि अन्य समूह भन्दा बलियो सम्बन्ध छ।

[2]… पश्चात्ताप गर्ने सबैलाई सुसमाचार र मण्डलीको संगति प्रस्ताव गर्दै …

मण्डलीले जातीय समूह वा मानिसहरूका वर्गहरूलाई बहिष्कार गर्न सक्दैन र अझै पनि सुसमाचारप्रति विश्वासयोग्य हुन सक्दैन। कुनै साझा जातीयता वा सामाजिक वर्ग आवश्यक छैन। साथै, यदि मण्डली सुसमाचारप्रति विश्वासयोग्य छ भने केही पापहरूलाई क्षमा गर्न अस्वीकार गर्न सकिदैन।

… बप्तिस्मा र प्रभु भोजको अभ्यास गर्दै …

येशूले यी समारोहहरूको लागि मण्डलीलाई निर्देशन दिनुभयो। बप्तिस्माले येशूमा परिवर्तनद्वारा मण्डलीमा प्रवेश गर्नुलाई बुझाउँछ। प्रभु भोजले सुसमाचारमा प्रकट गरिएको अनुग्रहलाई प्रतिनिधित्व गर्दछ।

… आराधना, संगति, सुसमाचार प्रचार र चेलापनमा सहयोग गर्दै …

यी मण्डलीका अत्यावश्यक उद्देश्यहरू हुन्। यी महत्त्वपूर्ण उद्देश्यहरू पूरा गर्न मण्डलीको लागि सहयोग आवश्यक छ।

… पवित्र आत्माको वरदानद्वारा ख्रीष्टको शरीरको कार्य पूरा गर्दै …

मण्डलीका आत्मिक कार्यहरू मानवीय क्षमताले मात्र पूरा गर्न सकिंदैन।

… परमेश्वरको वचनमा समर्पित …

मण्डलीले आफ्नो सुसमाचार, सिद्धान्त र अधिकारको लागि बाइबलमा निर्भर छ। यदि कुनै मण्डलीले बाइबलको आज्ञा पालन नगर्ने निर्णय गऱ्यो भने, मण्डलीले सिकाउने आफ्नो अधिकार गुमाउँछ।

… बाइबलीय सिद्धान्तमा आधारित एकताको, अनुग्रहको अनुभव, र आत्माको जीवनको साथमा।

मण्डलीका सदस्यहरू एक-अर्काप्रति प्रतिबद्ध हुन सक्छन् किनभने तिनीहरूसँग यी तीन चीजहरू एकसाथ छन्। यी तीनै चीज बिना, साँचो ख्रीष्टियन संगति अस्तित्वमा रहँदैन।

► एक बिद्यार्थीले समूहको लागि एफिसी ३:१-१० पढ्नुपर्छ। पावलले आफ्नो सेवकाईको बारेमा के-कस्ता कुराहरू भने ?

पावलले भने कि उनको सेवकाईको एक महत्त्वपूर्ण भाग मण्डलीको व्याख्या गर्नु थियो, त्यसैले हामी जान्दछौं कि मण्डलीको व्याख्या गर्नु आजको सेवकाईको एक महत्त्वपूर्ण भाग हुनुपर्छ। अन्यजातिका विश्वासीहरूलाई मण्डलीमा ल्याइनेछ र मण्डलीले संसारमा परमेश् वरको बुद्धि प्रदर्शन गर्नेछ भनेर परमेश्वरले योजना बनाउनुभयो।

हामीले मण्डली कुनै भवन होइन भन्ने कुरा सम्झनु पर्छ। मण्डलीको धेरै पहिले पुस्ताको समयमा ख्रीष्टियनहरूसँग मण्डली भवनहरू थिएन। यसको अर्थ यो हो कि जब नयाँ नियमले मण्डलीको बारेमा कुरा गर्छ, यसले मानिसहरूको बारेमा कुरा गरिरहेको हुन्छ।

परमेश्वरको योजनाको लागि मण्डली कति महत्त्वपूर्ण छ भनी एफिसीले व्याख्या गर्छ।

र परमेश्‍वरले सबै कुरा उहाँका पाउमुनि राखिदिनुभयो, र मण्‍डलीको निम्‍ति उहाँलाई नै सबै कुराको शिर बनाइदिनुभयो, जुन मण्‍डली उहाँको शरीर, उहाँको पूर्णता हो। र उहाँले नै सबै थोक परिपूर्ण पार्नुहुन्‍छ (एफिसी १:२२-२३)।

यस पदले येशू मण्डलीको शिर हुनुहुन्छ र मण्डली उहाँको शरीर हो भनी बताउँछ। यसले यो भन्छ कि मण्डलीमा परमेश्वरको पूर्णता छ।

एउटा ठूलो शहरको लागि सबै पानी उपलब्ध गराउने एउटा नदीको कल्पना गर्नुहोस्। लाखौं मानिसहरूले पानी प्रयोग गर्छन्, तैपनि तिनीहरूले जाति मात्रामा प्रयोग गर्छन नदीमा बग्ने पानीभन्दा कम छ। यो कति पानी हो भनेर कल्पना गर्न गाह्रो छ।[1]

तर परमेश्वरको पूर्णताको बारेमा के छ ? यदि परमेश्वरले संसारको लागि आफ्नो आशिष्, अनुग्रह र शक्ति खन्याउनको लागि एउटा भाँडो वा पठाउने माध्यम बनाउनुभयो भने, कस्तो प्रकारको भाँडोले परमेश्वरको पूर्णतालाई थाम्ने छ ? यस पदले भन्छ कि मण्डली त्यो भाँडो हो। मण्डलीले संसारको लागि परमेश्वरको आशिषहरु समावेश गर्दछ।

याद गर्नुहोस, परमेश्वरको आशिषहरू भएको मण्डली भवन होइन, तर ख्रीष्टियन संगतिमा भएका मानिसहरूको समूह हो।

यस संसार सुरु हुनु भन्दा अगाडि नै मण्डलीको लागि परमेश्वरको योजना अस्तित्वमा थियो। त्यसोभए मण्डलीको लागि परमेश्वरको मनमा कस्तो उद्देश्य थियो ?

एफिसी ३:१०-११ मा फेरी हेर्नुहोस्।

ताकि यसरी मण्‍डलीद्वारा परमेश्‍वरका विभिन्‍न किसिमका ज्ञान स्‍वर्गीय स्‍थानहरूमा शासकहरू र अख्‍तियारवालाहरूका माझमा प्रकट गरिओस्‌। योचाहिँ ख्रीष्‍ट येशू हाम्रा प्रभुमा उहाँले पूरा गर्नुभएको अनन्‍त उद्देश्‍यअनुसार थियो।

वाक्यांश ध्यान दिनुहोस्, “विभिन्‍न किसिमका ज्ञान।” परमेश्वरसँग जीवनका हरेक परिस्थिति र हरेक पक्षको लागि ज्ञान छ। परमेश्वरको ज्ञान ब्रह्माण्डमा, आत्मिक संसार सहित, परमेश्वरले मण्डली मार्फत के गर्नुहुन्छ भन्ने कामहरूद्वारा प्रकट हुनुपर्छ। एक व्यक्तिले मण्डलीमा देखेका कुराहरूद्वारा परमेश्वरको बारेमा आफ्नो समझ प्राप्त गर्दछ। मण्डलीलाई देख्दा मानिसलाई परमेश्वरको आराधना गर्न उत्प्रेरित हुनुपर्छ। उसले मण्डलीमा काम गर्दा परमेश्वरको ज्ञान देख्नुपर्छ। संसारले यी सबै कुराहरू शनिबारको आराधना सेवाबाट देख्ने छैन। तिनीहरूले यसलाई हरेक दिन र जीवनको हरेक परिस्थितिमा मण्डलीको कार्यद्वारा देख्छन्।

► जीवनका केही परिस्थितिहरूका उदाहरणहरू के के हुन् जहाँ परमेश्वरको ज्ञान महत्त्वपूर्ण छ ?

के परमेश्वरको धेरै गुनाको ज्ञानमा पारिवारिक समस्याहरू, गरिबी, बेरोजगारी, अपर्याप्त आवास, कमजोर शिक्षा, किशोर-किशोरीले गरेको अपराध, बालबालिकाको बेवास्ता, चिकित्सा आवश्यकताहरू, र अन्य मानवीय समस्याहरूको ज्ञान समावेश छन् ? अवश्य पनि यसले गर्छ। संसारले परमेश्वरको ज्ञानलाई कसरी हेर्छन ? तिनीहरूले यसलाई मण्डलीद्वारा प्रदर्शित भएको देख्नुपर्छ, जसरी मण्डलीले विश्वासको समुदायमा परमेश्वरका समाधानहरू कसरी जीवित छन् भनेर प्रदर्शन गर्दछ।

► एक बिद्यार्थीले समूहको लागि एफिसी ३:२०-२१ पढ्नुपर्छ।

परमेश्वरले बनाउनुभएका हरेक कुराको उद्देश्य परमेश्वरको महिमा गर्नु हो। मण्डली त्यही ठाउँ हो जहाँ परमेश्वरको विशेष महिमा हुन्छ, किनभने

• त्यहाँ उहाँले प्रेम र छुटकाराको प्रदर्शन गर्नुहुन्छ।

• उहाँको स्वरूपमा बनाइएका प्राणीहरूले स्वेच्छाले उहाँको आराधना र आज्ञा पालन गर्ने ठाउँ यही हो।

• विश्वासको परिवारले परमेश्वरबाट आशिष् पाएको जीवन प्रदर्शन गर्ने ठाउँ यही हो।

• छुटकारा पाएका मानिसहरू सुसमाचार प्रचारद्वारा अरूको छुटकारामा भाग लिने ठाउँ यही हो।

मण्डलीले अहिले जे गरिरहेको छ, त्यसद्वारा परमेश्वरको विश्वव्यापी, अनन्त महिमा हुनेछ। तपाईंको स्थानीय मण्डलीले गर्ने काम परमेश्वरको महिमाको अनन्त स्मारकको रूपमा खडा हुनेछ।

बाइबलले एउटा मण्डलीको बारेमा कुरा गर्छ, तर यसले स्थानीय मण्डलीहरूको बारेमा पनि कुरा गर्दछ। उदाहरणका लागि, प्रेरित यूहन्‍नाले एसियाका सातवटा मण्डलीलाई लेखे (प्रकाश १:४)। पावलले “परमेश्‍वरका मण्‍डलीहरू” उल्लेख गरे (१ कोरिन्थी ११:१६)।

स्थानीय विश्वासीहरु एउटा मण्डलीको भाग हो, तैपनि यसलाई मण्डली पनि भनिन्छ। नयाँ करारका थुप्रै प्रेरितहरुले लेखेका पत्रहरू विशेष स्थानका मण्डलीहरूलाई सम्बोधन गरिएका छन्।

► कुनलाई परमेश्वरको मन्दिर, एकल विश्वव्यापी मण्डली वा स्थानीय मण्डलीलाई भन्न सकिन्छ ?

एफिसी २:२०-२१ मा, पावलले भने कि मूल जगमा रहेको एउटा मण्डली, परमेश्वरको मन्दिर हो। पद २२ मा, तिनले एफिसीका विश्वासीहरू परमेश्वरको घर हुन् भनी बताए। अर्को पदमा तिनले कोरिन्थीका विश्वासीहरूलाई तिनीहरू परमेश्वरको मन्दिर हुन् भनेर बताए (१ कोरिन्थी ३:१६)। त्यसकारण, हामी देख्दछौं कि एउटै विश्वव्यापी मण्डली परमेश्वरको मन्दिर हो; यद्यपि स्थानीय मण्डली पनि हो।

► कुनलाई ख्रीष्टको शरीर भन्न सकिन्छ, एकल विश्वव्यापी मण्डली वा स्थानीय मण्डलीलाई ?

[1] पावलले एउटै मण्डलीलाई ख्रीष्टको शरीरको रूपमा बताय (एफिसी १:२३)। तथापि, कोरिन्थीको मण्डलीलाई पत्र लेख्दै, पावलले यसो भने: “तिमीहरू ख्रीष्‍टका शरीर हौ” (१ कोरिन्थी १२:२७)। तिनले कोरिन्थीका विश्वासीहरू मात्र ख्रीष्टको शरीरको भाग हुन् भनेर भनेनन्। तिनीहरू त्यस ठाउँका लागि ख्रीष्टको शरीर थिए।

परमेश्वरले प्रत्येक विश्वासीले एउटा पूर्ण मण्डलीको रूपमा काम गरेको चाहनुहुन्छ, तिनीहरूलाई आवश्यक पर्ने सबै कुराहरू एक ठाउँको लागि ख्रीष्टको शरीर हुनुपर्छ।

पावलले स्थानीय मण्डलीका सदस्यहरूलाई आँखा, खुट्टा र हातजस्ता शरीरका अङ्गहरूसित तुलना गरे। निस्सन्देह, शरीरका अंगहरू काम गर्न एकै ठाउँमा एकसाथ हुनुपर्दछ। उहाँले तिनीहरूलाई शरीरको अङ्ग हुन् र शरीरका अन्य अङ्गहरू संसारभरि छरपष्ट छन् भनेर भनिरहनुभएको थिएन। तिनीहरू त्यस ठाउँको लागि सम्पूर्ण शरीर थिए।

पावलले कोरिन्थीहरूलाई सम्पूर्ण मण्डली एकै ठाउँमा भेला हुँदा केही कुराहरू गर्नुपर्ने कुरा बताए (१ कोरिन्थी ५:४-५)। उहाँले स्पष्ट रूपमा विश्वव्यापी मण्डलीको कुरा गरिरहनुभएको थिएन, तर स्थानीय मण्डलीको कुरा गरिरहनुभएको थियो। स्थानीय विश्वासी(मण्डली)ले मण्डलीको रूपमा काम गर्दा यसको विशेष अधिकार हुन्छ।

परमेश्वरले स्थानीय मण्डलीका लागि आवश्यक पर्ने पवित्र आत्माका वरदानहरू दिनुहुन्छ। मण्डलीका सदस्यहरूले विश्वासीको आवश्यकता पूरा गर्न विभिन्न वरदानहरूसँगै मिलेर काम गर्छन्।

किनभने स्थानीय विश्वासी ख्रीष्टको शरीर, परमेश्वरको मन्दिर र मण्डली हो, यो जहाँ छ त्यहाँको मण्डली हुनु पर्याप्त छ।

स्थानीय मण्डलीको पर्याप्तताको अर्थ स्थानीय निकायसँग आफ्नो स्थानमा सेवकाईको लागि आवश्यक पर्ने वरदानहरू र स्रोतहरू छन् भन्ने हो। अन्य कतैबाट सहयोग नपाए तापनि स्थानीय मण्डलीले मण्डलीको रूपमा काम गर्न सक्छ। मण्डलीका स्थानीय अगुवाहरूले विश्वासीहरुलाई स्थानीय सेवकाईको लागि दर्शन र लक्ष्यहरू विकास गर्न मदत गर्छन्। मण्डलीले सेवकाईलाई आर्थिक रूपमा सहयोग गर्न र मण्डलीका सदस्यहरूको हेरचाह गर्न मिलेर काम गर्छन्।

नयाँ ख्रीष्टमा परिवर्तन भएकाहरुलाई मण्डलीको जीवनमा नल्याएसम्म तिनीहरूलाई संरक्षण गर्न गाह्रो छ। स्थानीय मण्डलीमा भाग नलिए सम्म विश्वासीलाई राम्ररी चेला बनाउन सकिंदैन। मण्डलीको अनुभव बिना कुनै व्यक्तिलाई सेवकाईको लागि प्रशिक्षित गर्न सकिंदैन।

जबसम्म त्यहाँ मण्डली हुँदैन तबसम्म कुनै समुदायमा सुसमाचारको दृश्य रूप हुँदैन। दृश्य रूप मण्डली भवन होइन, तर परमेश्वरसँगको सम्बन्धमा जीवन प्रदर्शन गर्ने विश्वासको कार्यरत परिवार हो। जबसम्म त्यहाँ मण्डली हुँदैन, तबसम्म संख्रीष्टियन हुनुको अर्थ के हो भनेर बुझ्न सक्दैन। कुनै समुदायमा त्यहाँ मण्डली नभएसम्म पूर्ण रूपमा सुसमाचार प्रचार गरिएको मान्न सकिँदैन।

१. ख्रीष्टमा परिवर्तन भएका व्यक्तिलाई जातीयता, सामाजिक स्तर वा उसको विगतको पापको कारण मण्डलीबाट बहिष्कृत गर्नु हुँदैन।

२. मण्डलीका कार्यहरू मण्डलीमार्फत पवित्र आत्माको कार्यद्वारा मात्र पूरा गर्न सकिन्छ।

३. मण्डलीको एकता बाइबलीय सिद्धान्त, अनुग्रहको अनुभव र आत्माको जीवनमा आधारित छ।

४. परमेश्वरले मण्डलीमा गर्नुभएका कामहरूद्वारा उहाँको बुद्धि संसारमा प्रकट हुन्छ।

५. स्थानीय मण्डलीको पर्याप्तताको अर्थ स्थानीय निकायसँग आफ्नो स्थानमा सेवकाईको लागि आवश्यक पर्ने वरदानहरू र स्रोतहरू छन् भन्ने हो।

६. मण्डली ख्रीष्टमा परिवर्तन गर्नेहरूको संरक्षण गर्नको लागि, विश्वासीहरूलाई चेला बनाउनको लागि र सेवकहरूलाई तालिम दिनको लागि आवश्यक छ।

७. जबसम्म मण्डली त्यहाँ हुँदैन तबसम्म एउटा समुदाय पूर्ण रूपमा सुसमाचार प्रचार गरिएको हुँदैन।

१. पाठ ३ को लागि सात सारांश भनाईहरू कण्ठ गर्नुहोस्। सात सारांश भनाईहरू (सात अनुच्छेदहरू) मध्ये प्रत्येकको अर्थ र महत्त्व को व्याख्या गर्दै एक अनुच्छेद कसैलाई लेख्नुहोस् जो तपाईको कक्षामा भाग लिएको छैन। अर्को कक्षा सुरु हुन अगाडी नै यो कार्य तपाईको कक्षा अगुवालाई बुझाउनु होला। छलफलको समयमा कक्षा अगुवाले तपाईंलाई सोध्नुभयो भने समूहलाई अनुच्छेद बाँड्न तयार हुनुहोस्। अर्को कक्षा सत्रको सुरुमा सम्झनाबाट भनाईहरू लेख्नुहोस्।

२. तपाईले आफ्नो कक्षा बाहिरको शिक्षण अवसरहरूको तालिका आफैं बनाउन सम्झनुहोस् र तपाईंले सिकाए पछि कक्षा अगुवालाई प्रतिबेदन दिनुहोस्।

३. लेखन कार्यभार: एफिसी ५:२५-३२ पढ्नुहोस्। ख्रीष्ट र मण्डलीबीचको सम्बन्धबारे केही वाक्यहरू लेख्नुहोस्।