Lesson 15: Қауымның жетілгендігін анықтауға арналған сұрақтар

(1) Қауымның рухани өмірін қамтамасыз ету үшін шағын топтар қызмет ете ме?

Сау қауымда әдетте рухани өмір сақталатын шағын топтық қызмет бар. Бұл үй қауымдары, жексенбілік сабақтар немесе қызметтің басқа түрлері болуы мүмкін. Топтар ұйымдастырылған немесе бейресми болуы мүмкін; әдетте рухани жаңғыру солардан басталады. Қауымның рухани өмірі тек ғибадат қызметтері арқылы ғана тұрақты болып, жандандырылмайды; рухани өсу мен жауапкершілік әдетте шағын топтарда жүзеге асады. Қауым жетекшілері қызметтің осы түрін дамыту және оның мақсаттарына жетуі үшін бәрін жасауы керек; егер қауымның құрылымы рухани өмірді қамтамасыз етпесе, оған өзгеріс қажет.

(2) Қауым кімге тиесілі?

Егер қауымға қызмет ету мен қаржылай қолдау үшін жауапкершілік алатын бағышталған сенушілер тобы болмаса, қауым жетілмеген болып табылады.

Егер қызмет бағушының жеке ісі ретінде жұмыс жасаса, қауым ешқашан жетілмейді; егер қауымның ғимараты жалға алынатын болса және жалдау ақысын басқа ұйым төлесе, қауым қауым жетілмеген болып табылады.

Ең дұрысы, ғимарат пен қызмет қауым мүшелерінің тобына тиесілі болуы керек. Егер қауымның ғимараты жалға алынатын болса, қауым оның ақысын төлеуге жауапкершілікті өз мойнына алуы керек.

Жергілікті қауымның Мәсіх қайта келгенге дейін жалғаса беретіндей етіп ұйымдастырылуы керек.

(3) Жергілікті қызмет қалай қаржыландырылады?

Қауымның ең жақсы қаржылық жағдайы – қауым мүшелерінің ондық арқылы оны қаржыландырып тұруы. Егер қауымдастық сыртқы ұйымнан қаржыландырылатын болса, ол әлі де жетілмеген және осал. Егер қаржыны қауым емес, бағушы немесе бірнеше берушілер берсе, қауым әлі де сенімнің жетілген отбасысына айналған жоқ.

Ондық – Құдайдың жергілікті қауымды қаржыландыру әдісі. Жетекшілер ондықдықтың мағынасын үйретуі және бірте-бірте өзін-өзі қаржыландыруы керек. Қауым сыртқы қолдауға тәуелді болмауы керек; оны қауымның мүмкіндіктерін кеңейтетін жобаларға қолдануы керек.

(4) Қауым бағушының жалақысын қамтамасыз ете ме?

Киелі кітапта бағушы барлық уақытын қызметке арнайды деп жазылған. Кейде бұл егер қауым жаңадан құрылған болса мүмкін болмайды. Бірақ бағушының қаржылық қажеттіліктеріне алаңдамай, қызметке назар аударуына мүмкіндік беретін қолдауды дамыту мақсаты болуы керек.

(5) Қаржылық есеп беру жүйесі қалай ұйымдастырылған?

Ондықты бір емес, бірнеше адам жинап, қадағалап отыруы керек. Қауымның қаржылық басымдықтары мен ережелерін белгілеуге бірнеше құрметті адамдар қатысуы керек. Қауымдастық мүшелері қауымның қаржылық жүйесінің қалай жұмыс істейтінін білуі керек.

(6) Ізгі хабар бөгде адамдарға қалай уағыздалады?

[1]Қауымның бірінші міндеті – қауымдастыққа бағышталған мүшелеріне қамқорлық жасау, бірақ тағы бір басты мақсат бар – бұл жақын маңдағы адамдарға Ізгі хабар уағыздау. Қауымдастық қауымнан тыс адамдарға оның жұмысын көруге және Ізгі хабарды естуге мүмкіндік беретін іс-шаралар жүргізуі керек. Олардың кейбіреулері өздігінен болуы мүмкін, ал басқалары арнайы дайындықты қажет етеді. Ұйымдастыру қабілеттері бар қауым мүшелері іс-шараларды ұйымдастыруға үйретілуі керек.

(7) Қауым өз аймағындағы қажеттіліктерге қалай жауап береді?

Шіркеу өз аймағындағы қажеттіліктерге жауап беру жолдарын табуы керек; бірінші кезекте Құдайдың сүйіспеншілігі мен Киелі кітап қағидаттарын көрсету болуы керек.

(8) Ұлты мен әлеуметтік жағдайына байланысты қауым қызметінен шеттетілген адамдар бар ма?

Кедей адамдар киімі қандай болса да қауымда өздерін жақсы сезінеді ме? Қауым ата-анасы қызметке келмейтін балалардың қауымға баруын қолдайды ма? Қауым олар үшін емес деп санайтын этникалық топ бар ма?

(9) Қонақтарды қалай қарсы алады?

Қауым өз қауымының мүшелерін қонақтарды қарсы алуға үйретуі керек. Келушілермен амандасудың басты мақсаты – олардың өздерін жайлы сезінуі және олардың қабылдайтынына көз жеткізуі. Бірнеше адам қонақтармен танысуға тырысуы керек. Тек тағы бір қызметке ғана емес, сонымен қатар көбірек ақпарат біліп, сұрақтар қоятын мүмкіндіктері болуы үшін кішігірім топқа немесе үй жиналысына шақыруы керек.

(10) Қауым жаңадан тәубеге келген адамдармен шәкірттікпен айналысу үшін қандай әдістерді қолданады?

Егер адам қауымда немесе басқа жерде Ізгі хабарды қабылдаса, оны қызметке ғана емес, сонымен қатар бірден шәкірттілікпен айналысуға да тарту керек. Бағушымен жеке сөйлесуден бастауға болады, содан кейін апта сайын шағын топтық кездесу өткізсе болады. Қауым жаңадан сенімге келгендерге қызмет етуге дайын болуы керек.

(11) Қауым рухани жетілуді қалай сипаттайды?

Рухани жетілген адамдар қандай болады? Қауымдастыққа рухани жетілген адамның сипаттамасы қандай болатынын үйрету қажет. Бұл сипаттамада әрқашан жетекшілік қабілеттер немесе түрлі таланттар бола бермейді. Бірақ оларды иемденген адамға құрмет көрсетіліп қана қоймай, сонымен бірге ол басқаларға да үлгі болуы керек.

(12) Мақсатты рухани өсу жүйесі бар ма?

[2]Қауымның маңызды міндеті – өз қауымдастығының мүшелерінің рухани өсуіне көмектесу (Ефест. хат 4:11-13). Қауым жетекшілері рухани өсуді жаңадан сенімге келгендердің жеке бастамасына қалдырып, тек уағыз айтса, рухани өсу өздігінен болады деп үміттенбеуі керек. Бағушылар адамдарды рухани тәртіппен айналысуға ынталандыру тұжырымдамасын жүзеге асыруы қажет және барлық қатысушылар үшін, мысалы, бетпе-бет әңгімелесу, шағын топтық кездесулер, сабақтар және т.б. сияқты есептілік жүйесі болуы керек.

(13) Адамдардың қауымға өздерін арнауға мүмкіндік беретін мүшелік құрылымы бар ма?

Өздерін қауымға арнағысы келетін адамдар бұл бағышталудың нені білдіретінін нақты білуі керек. Кейбір қауымдар олардың қауымдастықтарында мүшелік жоқ екенін айтады, бірақ әр қауым өзіне келушілерін, сондай-ақ қауымының бағышталған мүшелерін біледі. Қауымды құрайтын адамдардың кім екенін әркім білуі керек.

(14) Қауым мүшелігіне қойылатын талаптар түсінікті әрі нақты ма?

Әркім қауым мүшелігіне кіру үшін не істеу қажет екенін білуі керек; қауымдастыққа қосылу талаптары мен процесі жазбаша түрде көрсетілуі керек.

(15) Жаңадан сенімге келген адам қауымдастыққа қаншалықты тез уақытта қосыла алады?

Өзін қауымға арнағысы келетін жаңадан сенімге келген адам бірден қызметке тартылуы керек. Бұл оның жетекшілікке қызметке тағайындалуы керек дегенді білдірмейді, бірақ оның қауымның бір мүшесі екенін білу маңызды.

(16) Қауымның құндылықтары мен стандарттарын сақтауға кім жауапты?

Қауымның мәнін анықтайтын қауымдастыққа бағышталған мүшелер тобы болады. Бұл қауым қызметшілері кеңесі немесе денені басқарушы деп атауға болатын, дауыс беру құқығына ие қауым мүшелерінің тобы болуы мүмкін. Жетекшілер бұл топтың дамуына ерекше назар аударуы керек, онда болатын өзгерістер қауымның болашағын анықтай алады. Бағушы осы топтың алдында есеп беруі керек және оларды барлық нәрседен хабардар етіп отыруы керек. Бағушы мен жетекшілік топтың қызметтік басымдықтары бірдей болуы керек.

(17) Қауым нақты аян-мақсатты ұстанады ма?

Бағушы, жетекшілер тобы және қауымға бағышталған мүшелер тобы қауымдастықтың мақсаттарын талқылауға және қауымның аян-мақсатын дамытуға уақыт бөлуі керек. Олар Қауым қолдай алатын аян-мақсаттарды дамытуы керек. Қауымдастық қауымның аян-мақсатына бағышталған болуы керек.

(18) Қауым мүшелері қауымның ілімдерін біледі ме?

Қауым өз қауымдастығының мүшелерін ғибадат етуге және рухани тәжірибе алуға ғана жетелемеуі керек; оның мүшелігіне кіретін әрбір адам өзі және оның қауымы неге сенеді деген сұраққа жауап бере алуы керек. Қауым мүшелері мәсіхшіліктің негізгі ілімдерін және өздерінің қауымдарының нақты ілімдерін түсіндіре алуы керек.

(19) Қауымдастық мүшелері қауым мен деноминацияның қалай байланысты екенін түсінеді ме?

Қауым өзінің деноминациясына бағышталған болуы керек. Бірлестіктегі қарым-қатынас қауым ілімдерін ұстануға көмектеседі; қауым мүшелерін жалпы іс-шараларға қатысуға ынталандыру керек.

(20) Ғибадат қызметтері қалай жоспарланады және бағаланады?

Ғибадат қызметін жетекшілер дұға ету арқылы жоспарлауы керек. Егер Киелі Рух қызметке күтпеген бағытта жетекшілік етсе, бұл керемет, бірақ, негізінен, жетекшілер жоспарды ұстануы керек: қызметтің егжей-тегжейін пысықтау үшін кездесулер өткізу қажет.

Егер қауымның ғибадат қызметі дұрыс болса, қауымдастық оған қатысады және қызығады. Қауым көбірек мәсіхшілер қызығушылық танытып, өздерін қауымға арнауы үшін қызметтің әр түрлі бөліктеріне әр түрлі адамдарды тартуға тырысуы керек.

(21) Шомылдыру рәсімі мен Нан үзу рәсімі қаншалықты Киелі кітаптық нұсқауға сай және мағыналы түрде орындала ма?

Әрбір шынымен сенімге келген адам бірден шомылдыру рәсімінен өтуі немесе шомылдыру рәсіміне өтуге дайындалуы керек. Нан үзу рәсіміне құтқарылу туралы куәліктері бар барлық адамдар қатысуы керек және ол рәсімге қатысушылардың ғибадат ете алуларына көмектесетіндей етіп жасалуы керек.

(22) Киелі кітапта берілген қауым тәртібі сақталады ма?

Қауым күнәға қарсы тұруы керек. Егер қауым мүшесі кінәлі болса, оны әшкерелеу керек. Мұндағы мақсат - оны тәубеге келуге және күнәны жеңуге жетелеу.

(23) Қауымды басқаруға қатысатын жетекшілер тобы бар ма?

Жетекшілік топ құрылмайынша, қызмет өсе алмайды. Әр адам шектеулі адамдар санына әсер ете алады және белгілі бір жауапкершілікті орындай алады, сондықтан қауымның қызметі бір адамның қызметі болмауы керек.

[3](24) Жетекшілік топқа кіруге мүшелерді таңдау, дайындау және қосылу қалай жүзеге асырылады?

Жетекшілік топ құрылмайынша, қызмет өсе алмайды. Ол үшін адамдарды таңдауда өте мұқият болу керек. Бірақ қауым әрқашан болашақта жауапкершілік ала алатын адамдарды тауып, оларды дамыту үшін еңбектенуі керек. Қызметтің өсуі үйретілетін жетекшілердің санына байланысты.

(25) Қауым басшылығы қауымдағы даулар мен мәселелерге қалай жауап береді?

Шешілмеген қайшылықтар қауымға зиян келтіреді. Қауымдастыққа жеке дауларды шешудің жолдарын үйрету қажет. Қауым жетекшілері оларды елемеу жүрмеулері керек және татуласуға көмектесуге дайын болуы керек.

(26) Қауым басқа қауымдармен бірге миссионерлерді қолдай ма?

Егер қауым шынымен де Құдай патшалығын кеңейткісі келсе, ол жергілікті ықпалды кеңейту үшін ғана жұмыс істемейді, басқа қызметтерді қолдау үшін де жұмыс істейді. Егер қауым өзіне пайда әкелмейтін қызметке қолдау көрсетсе, оның бұны Құдайдың ұлылығы үшін жасап жатқанын көрсетеді.

(27) Қауым жаңа қауымдардың құрылуына көмектеседі ме?

Жетілген қауым өзі орналасқан аймаққа жақын жерде жаңа қауым құруға көмектесуі керек; жаңа қауымдастық бұрынғы қауым жұмыс істемеген адамдармен қарым-қатынас орната алады.

(28) Қауым қауымдастықтағы барлық жастағы және санаттағы адамдарға қызмет ете ме?

Балалардың, қарттардың, жастардың, жас отбасылардың, еркектердің, үйленбегендердің және мүшелердің басқа санаттарының қажеттіліктері қауым үшін маңызды болуы керек; сонымен қатар, қауымдастық рухани жетілудің барлық деңгейіндегі адамдардың қажеттіліктері туралы ойлауы керек.

(29) Қауымдастық мүшелері қауым мүшелерінің қажеттіліктеріне жауап беріп, қамқорлық жасай ма?

Қауым қауымдастықтағы адамдардың қаржылық қажеттіліктерін қанағаттандыруы керек, олардың көпшілігі қауым жетекшілерінің қатысуынсыз өзара көмек арқылы қанағаттандырылуы тиіс. Егер қауым мүшелерінің көпшілігі өзгелерге көмектесу үшін жауапкершілікті сезінбесе, қауым әлі жетілмеген.

(30) Қауым адамдардың қаржылық қажеттіліктерін қанағаттандыруды қалай қамтамасыз етеді?

Қауымда қажеттіліктерді анықтауға жауапты қауым қызметшілері болуы керек (Елшілердің істері кітабында қауым осы қызметке қауым қызметшілерін тағайындады).