Lesson 3: ਯਿਸੂ ਦੀ ਤਰ੍ਹਾਂ ਅਗਵਾਈ ਕਰਨਾ

ਇਸ ਪਾਠ ਦੇ ਅੰਤ ਵਿੱਚ, ਵਿਦਿਆਰਥੀ ਹੇਠਾਂ ਦੱਸੇ ਕੰਮ ਕਰਨ ਦੇ ਯੋਗ ਹੋਣੇ ਚਾਹੀਦੇ ਹਨ:

(1) ਉਨ੍ਹਾਂ ਯੋਗਤਾਵਾਂ ਨੂੰ ਪਹਿਚਾਣਨਾ ਜਿੰਨਾਂ ਨੇ ਯਿਸੂ ਨੂੰ ਮਹਾਨ ਆਗੂ ਬਣਾਇਆ।

(2) ਪਰਮੇਸ਼ੁਰ ਦੁਆਰਾ ਦਿੱਤੇ ਮਿਸ਼ਨ ਅਤੇ ਬੁਲਾਹਟ ਦੇ ਅਨੁਸਾਰ ਆਪਣੀਆਂ ਰੋਜ਼ਾਨਾ ਪ੍ਰਾਥਮਿਕਤਾਵਾਂ ਨੂੰ ਢਾਲਣਾ।

(3) ਭਵਿੱਖ ਦੇ ਆਗੂਆਂ ਨੂੰ ਸਿੱਖਿਅਤ ਕਰਨ ਦੀ ਪ੍ਰਕਿਰਿਆ ਨੂੰ ਵਿਕਸਿਤ ਕਰਨਾ ਤਾਂ ਕਿ ਭਵਿੱਖ ਦੇ ਵਿੱਚ ਸੇਵਕਾਈ ਦੀ ਟੀਮ ਬਣਾਈ ਜਾ ਸਕੇ।

(4) ਜਿੰਨ੍ਹਾਂ ਲੋਕਾਂ ਦੀ ਉਹ ਅਗਵਾਈ ਕਰਦਾ ਹੈ ਉਨ੍ਹਾਂ ਦੇ ਵਿੱਚ ਉਸਦੀ ਦਾਸ ਵਾਲੀ ਭੂਮਿਕਾ ਦੀ ਸ਼ਲਾਘਾ ਕਰਨੀ।

ਜਦੋਂ ਆਗੂ ਦੂਸਰਿਆਂ ਦੀ ਸੇਵਾ ਕਰ ਰਹੇ ਹੁੰਦੇ ਹਨ ਤਾਂ ਉਹ ਬਹੁਤ ਜਿਆਦਾ ਯਿਸੂ ਦੇ ਵਰਗੇ ਹੁੰਦੇ ਹਨ।

ਅਗਵਾਈ ਅਜਿਹਾ ਸ਼ਬਦ ਹੈ ਜੋ ਮਜ਼ਬੂਤ ਭਾਵਨਾਵਾਂ ਨੂੰ ਜਾਗ੍ਰਿਤ ਕਰਦਾ ਹੈ। ਜਦੋਂ ਸੰਸਾਰਿਕ-ਮਾਨਸਿਕਤਾ ਵਾਲੇ ਲੋਕ ਆਗੂਪੁਣੇ ਦੇ ਬਾਰੇ ਸੋਚਦੇ ਹਨ, ਉਹ ਸ਼ਕਤੀ ਅਤੇ ਅਹੁਦੇ ਦੇ ਬਾਰੇ ਸੋਚਦੇ ਹਨ। ਆਗੂ ਹੋਣ ਦਾ ਮਤਲਬ “ਬੋਸ” ਬਣਨਾ ਹੈ। ਅਭਿਲਾਸ਼ੀ ਆਗੂ ਉੱਚੇ ਅਹੁਦਿਆਂ ਤੇ ਪਹੁੰਚਣਾ ਚਾਹੁੰਦੇ ਹਨ ਅਤੇ ਵੱਡੀਆਂ ਪਦਵੀਆਂ ਨੂੰ ਪ੍ਰਾਪਤ ਕਰਨਾ ਚਾਹੁੰਦੇ ਹਨ। ਇੱਥੋਂ ਤੱਕ ਕਿ ਪਾਸਬਾਨ ਵੀ ਅਜਿਹੀ ਮਾਨਸਿਕਤਾ ਰੱਖ ਸਕਦੇ ਹਨ। ਉਹ ਆਪਣਾ ਧਿਆਨ ਵੱਡੀਆਂ ਕਲੀਸਿਆਵਾਂ, ਉੱਚੇ ਅਹੁਦਿਆਂ ਅਤੇ ਵੱਡੇ ਆਦਰ ਨੂੰ ਪ੍ਰਾਪਤ ਕਰਨ ਦੇ ਵੱਲ ਲਗਾ ਸਕਦੇ ਹਨ।

ਇਸ ਸੰਸਾਰਿਕ ਮਾਨਸਿਕਤਾ ਦੀ ਪ੍ਰਤੀਕਿਰਿਆ ਦੇ ਕਾਰਨ ਕੁਝ ਮਸੀਹੀ ਆਗੂਪੁਣੇ ਦੀ ਧਾਰਨਾ ਦੇ ਵਿਰੁੱਧ ਪ੍ਰਤੀਕਿਰਿਆ ਕਰਦੇ ਹਨ। ਇੱਕ ਵਾਰ ਇੱਕ ਪਾਸਬਾਨ ਨੇ ਕਿਹਾ, “ਮੈਂ ਆਪਣੀ ਕਲੀਸਿਆ ਦੇ ਵਿੱਚ ਆਗੂ ਨਹੀਂ ਬਣਨਾ ਚਾਹੁੰਦਾ, ਮੈਂ ਸਿਰਫ਼ ਸੇਵਾ ਕਰਨੀ ਚਾਹੁੰਦਾ ਹਾਂ।” ਪਰ, ਹਾਲਾਂਕਿ ਉਸਦਾ ਕਥਨ ਬਹੁਤ ਹਲੀਮ ਲੱਗਾ, ਪਰ ਇਸਦੇ ਨਾਲ ਉਸਦੀ ਕਲੀਸਿਆ ਦੇ ਵਿੱਚ ਅਗਵਾਈ ਅਤੇ ਉਦੇਸ਼ ਦੀ ਧਾਰਨਾ ਖ਼ਤਮ ਹੋ ਗਈ। ਸਾਰੀਆਂ ਸੰਸਥਾਵਾਂ, ਇੱਥੋਂ ਤੱਕ ਕਿ ਕਲੀਸਿਆਵਾਂ ਦੇ ਵਿੱਚ ਆਗੂਆਂ ਦੀ ਜਰੂਰਤ ਹੁੰਦੀ ਹੈ।

ਪਾਸਬਾਨਾਂ ਨੂੰ ਸਮਝਣਾ ਚਾਹੀਦਾ ਹੈ ਕਿ ਪਾਸਬਾਨ ਸ਼ਬਦ ਦਾ ਮੁੱਢਲਾ ਅਰਥ “ਚਰਵਾਹਾ” ਹੈ। ਇੱਕ ਚਰਵਾਹੇ ਦੇ ਕੋਲ ਬਹੁਤ ਪ੍ਰਭਾਵਸ਼ਾਲੀ ਕੰਮ ਨਹੀਂ ਹੁੰਦਾ ਹੈ। ਇੱਕ ਚਰਵਾਹਾ ਆਪਣੇ ਦਿਨ ਬਦਬੂ ਭਰੀਆਂ ਭੇਡਾਂ ਦੇ ਨਾਲ ਬਿਤਾਉਂਦਾ ਹੈ। ਉਸਦੇ ਕੰਮ ਦੇ ਬਹੁਤ ਹੀ ਅਕਾ ਦੇਣ ਵਾਲੇ ਕੰਮ ਸ਼ਾਮਿਲ ਹਨ: ਖਾਣਾ ਅਤੇ ਪਾਣੀ ਲੱਭਣਾ, ਭਟਕ ਜਾਣ ਵਾਲੇ ਲੇਲਿਆਂ ਦੇ ਪਿੱਛੇ ਜਾਣਾ ਅਤੇ ਜ਼ਖਮੀ ਹੋਈਆਂ ਭੇਡਾਂ ਦੀ ਦੇਖਭਾਲ ਕਰਨੀ।

ਇੱਕ ਚਰਵਾਹੇ ਦੇ ਕੋਲ ਇੱਕ ਮਹੱਤਵਪੂਰਨ ਭੂਮਿਕਾ ਹੁੰਦੀ ਹੈ। ਇੱਕ ਚਰਵਾਹਾ ਬਹੁਤ ਨੀਵੇਂ ਕੰਮ ਕਰਦਾ ਹੈ, ਪਰ ਇੱਕ ਚਰਵਾਹਾ ਝੁੰਡ ਨੂੰ ਸੁਰੱਖਿਅਤ ਰੱਖਣ ਦੀ ਭਾਰੀ ਜਿੰਮੇਵਾਰੀ ਨੂੰ ਨਿਭਾਉਂਦਾ ਹੈ। ਝੁੰਡ ਉਹ ਚਰਵਾਹੇ ਤੇ ਨਿਰਭਰ ਰਹਿੰਦਾ ਹੈ ਜੋ ਇੱਕ ਆਗੂ ਹੈ।

ਯਿਸੂ ਇੱਕ ਸੱਚੇ ਆਗੂ ਦਾ ਨਮੂਨਾ ਪ੍ਰਦਾਨ ਕਰਦਾ ਹੈ। ਉਹ ਅਜਿਹਾ ਚਰਵਾਹਾ ਸੀ ਜਿਸਨੇ ਹਲੀਮੀ ਨਾਲ ਪਰ ਇੱਕ ਡੂੰਘੇ ਉਦੇਸ਼ ਦੀ ਭਾਵਨਾ ਨਾਲ ਸੇਵਾ ਕੀਤੀ। ਉਹ ਮਜ਼ਬੂਤ ਸੀ ਪਰ ਦਯਾ ਦੇ ਨਾਲ ਭਰਿਆ ਹੋਇਆ ਸੀ। ਉਹ ਕਿਸੇ ਅਹੁਦੇ ਦੀ ਭਾਲ ਵਿੱਚ ਨਹੀਂ ਸੀ, ਪਰ ਉਹ ਆਪਣੇ ਮਿਸ਼ਨ ਤੇ ਭਰੋਸਾ ਰੱਖਦਾ ਸੀ। ਯਿਸੂ ਦਾਸ-ਆਗੂਆਂ ਦੇ ਲਈ ਇੱਕ ਨਮੂਨਾ ਪ੍ਰਦਾਨ ਕਰਦਾ ਹੈ।

► ਉਨ੍ਹਾਂ ਮਹਾਨ ਸਫਲ ਆਗੂਆਂ ਦੇ ਬਾਰੇ ਸੋਚੋ ਜਿੰਨਾਂ ਨੂੰ ਤੁਸੀਂ ਨਿੱਜੀ ਤੌਰ ਤੇ ਜਾਣਿਆ ਹੈ। ਅਜਿਹੀਆਂ ਤਿੰਨ ਜਾਂ ਚਾਰ ਵਿਸ਼ੇਸ਼ਤਾਵਾਂ ਦੀ ਸੂਚੀ ਬਣਾਉ ਜਿੰਨਾਂ ਨੇ ਇਸ ਵਿਅਕਤੀ ਨੂੰ ਇੱਕ ਚੰਗਾ ਆਗੂ ਬਣਾਇਆ। ਕੀ ਇਹ ਵਿਸ਼ੇਸ਼ਤਾਵਾਂ ਯਿਸੂ ਦੀ ਸੇਵਕਾਈ ਦੇ ਵਿੱਚ ਵੀ ਵੇਖੀਆਂ ਜਾ ਸਕਦੀਆਂ ਹਨ? ਕੀ ਤੁਹਾਡੀਆਂ ਸੇਵਕਾਈ ਦੇ ਵਿੱਚ ਇਹ ਵਿਸ਼ੇਸ਼ਤਾਵਾਂ ਪਾਈਆਂ ਜਾਂਦੀਆਂ ਹਨ?

ਯਿਸੂ ਵਿਖਾਉਂਦਾ ਹੈ ਕਿ ਸੱਚੇ ਆਗੂਪੁਣੇ ਦੇ ਵਿੱਚ ਹਲੀਮੀ ਭਰੀ ਸੇਵਾ ਸ਼ਾਮਿਲ ਹੁੰਦੀ ਹੈ। ਹਲੀਮੀ ਦਾ ਅਰਥ ਨਿਰਬਲਤਾਈ ਜਾਂ ਅਸਪੱਸ਼ਟਤਾ ਨਹੀਂ ਹੈ; ਯਿਸੂ ਬਹੁਤ ਮਜ਼ਬੂਤ ਸੀ। ਇੰਜੀਲਾਂ ਬਾਰ-ਬਾਰ ਯਿਸੂ ਦੇ ਅਧਿਕਾਰ ਨੂੰ ਦਰਸਾਉਂਦੀਆਂ ਹਨ।[1] ਪਰ ਯਿਸੂ ਨੇ ਅਧਿਕਾਰ ਦੀ ਪ੍ਰਾਪਤੀ ਆਦਰ ਦੀ ਮੰਗ ਕਰਕੇ ਨਹੀਂ ਸਗੋਂ ਸੇਵਾ ਕਰਕੇ ਪ੍ਰਾਪਤ ਕੀਤੀ। ਜਦੋਂ ਉਸਦੇ ਚੇਲਿਆਂ ਨੇ ਰਾਜ ਦੇ ਵਿੱਚ ਅਹੁਦਿਆਂ ਦੇ ਬਾਰੇ ਬਹਿਸ ਕੀਤੀ, ਤਾਂ ਯਿਸੂ ਨੇ ਕਿਹਾ:

ਪਰ ਉਸ ਨੇ ਉਨ੍ਹਾਂ ਨੂੰ ਆਖਿਆ ਕਿ ਪਰਾਈਆਂ ਕੌਮਾਂ ਦੇ ਰਾਜੇ ਉਨ੍ਹਾਂ ਉੱਤੇ ਹੁਕਮ ਚਲਾਉਂਦੇ ਹਨ ਅਤੇ ਜਿਹੜੇ ਉਨ੍ਹਾਂ ਉੱਤੇ ਇਖ਼ਤਿਆਰ ਰੱਖਦੇ ਹਨ ਸੋ ਗਰੀਬਨਵਾਜ ਕਹਾਉਂਦੇ ਹਨ। ਪਰ ਤੁਸੀਂ ਏਹੋ ਜੇਹੇ ਨਾ ਹੋਵੋ ਸਗੋਂ ਤੁਹਾਡੇ ਵਿੱਚ ਜਿਹੜਾ ਵੱਡਾ ਹੈ ਉਹ ਛੋਟੇ ਵਰਗਾ ਅਤੇ ਜਿਹੜਾ ਸਰਦਾਰ ਉਹ ਟਹਿਲੂ ਵਰਗਾ ਬਣੇ। ਕਿਉਂਕਿ ਵੱਡਾ ਕੌਣ ਹੈ, ਉਹ ਜਿਹੜਾ ਖਾਣ ਨੂੰ ਬੈਠਦਾ ਹੈ ਯਾ ਉਹ ਜਿਹੜਾ ਟਹਿਲ ਕਰਦਾ ਹੈ? ਭਲਾ, ਉਹ ਨਹੀਂ ਜਿਹੜਾ ਖਾਣ ਨੂੰ ਬੈਠਦਾ ਹੈ? ਪਰ ਮੈਂ ਤੁਹਾਡੇ ਵਿੱਚ ਟਹਿਲੂਏ ਵਰਗਾ ਹਾਂ (ਲੂਕਾ 22:25-27)।

ਇਸ ਪਾਠ ਦੇ ਵਿੱਚ ਅਸੀਂ ਉਨਾਂ ਵਿਸ਼ੇਸ਼ਤਾਵਾਂ ਦੇ ਵੱਲ ਵੇਖਾਂਗੇ ਜਿੰਨਾਂ ਨੇ ਯਿਸੂ ਨੂੰ ਇੱਕ ਮਹਾਨ ਆਗੂ ਬਣਾਇਆ। ਅਸੀਂ ਸਿੱਖਾਂਗੇ ਕਿ ਅਸੀਂ ਯਿਸੂ ਦੀ ਉਦਾਹਰਨ ਤੇ ਚੱਲਦੇ ਹੋਏ ਪ੍ਰਭਾਵਸ਼ਾਲੀ ਆਗੂ ਕਿਵੇਂ ਬਣ ਸਕਦੇ ਹਾਂ।

ਇੱਕ ਮਹਾਨ ਆਗੂ ਦੇ ਕੋਲ ਇੱਕ ਸਪੱਸ਼ਟ ਮਿਸ਼ਨ ਹੁੰਦਾ ਹੈ ਅਤੇ ਉਹ ਉਸ ਮਿਸ਼ਨ ਤੇ ਆਪਣਾ ਪੂਰਾ ਧਿਆਨ ਲਗਾਉਂਦਾ ਹੈ। ਯਿਸੂ ਆਪਣੇ ਮਿਸ਼ਨ ਨੂੰ ਜਾਣਦਾ ਸੀ। ਯਿਸੂ ਦੇ ਮਿਸ਼ਨ ਦਾ ਸਾਰ ਮਰਕੁਸ 10:45 ਦੇ ਵਿੱਚ ਦਿੱਤਾ ਗਿਆ ਹੈ: “ਕਿਉਂਕਿ ਮਨੁੱਖ ਦਾ ਪੁੱਤ੍ਰ ਵੀ ਆਪਣੀ ਟਹਿਲ ਕਰਾਉਣ ਨਹੀਂ ਸਗੋਂ ਟਹਿਲ ਕਰਨ ਅਤੇ ਬਹੁਤਿਆਂ ਦੇ ਲਈ ਨਿਸਤਾਰੇ ਦੇ ਮੁੱਲ ਭਰਨ ਨੂੰ ਆਪਣੀ ਜਾਨ ਦੇਣ ਆਇਆ।”

ਆਪਣੇ ਪਹਿਲੇ ਜਨਤਕ ਸੰਦੇਸ਼ ਦੇ ਵਿੱਚ, ਯਿਸੂ ਨੇ ਆਪਣੇ ਸ੍ਰੋਤਿਆਂ ਨੂੰ ਦੱਸਿਆ ਕਿ ਉਹ ਯਸਾਯਾਹ ਦੇ ਵਿੱਚ ਭਵਿੱਖਬਾਣੀ ਕੀਤੇ ਹੋਏ ਆਪਣੇ ਮਿਸ਼ਨ ਨੂੰ ਪੂਰਾ ਕਰਨ ਲਈ ਆਇਆ ਸੀ:

ਪ੍ਰਭੂ ਦਾ ਆਤਮਾ ਮੇਰੇ ਉੱਤੇ ਹੈ, ਇਸ ਲਈ ਜੋ ਉਸਨੇ ਮੈਨੂੰ ਮਸਹ ਕੀਤਾ ਹੈ, ਭਈ ਗ਼ਰੀਬਾਂ ਨੂੰ ਖੁਸ਼ ਖਬਰੀ ਸੁਣਾਵਾਂ। ਉਸਨੇ ਮੈਨੂੰ ਘੱਲਿਆ ਹੈ ਕਿ ਬੰਧੂਆਂ ਨੂੰ ਛੁੱਟਣ ਅਤੇ ਅੰਨ੍ਹਿਆਂ ਨੂੰ ਵੇਖਣ ਦਾ ਪ੍ਰਚਾਰ ਕਰਾਂ ਅਤੇ ਕੁਚਲਿਆਂ ਹੋਇਆਂ ਨੂੰ ਛੁਡਾਵਾਂ। ਅਤੇ ਪ੍ਰਭੂ ਦੀ ਮਨਜੂਰੀ ਦੇ ਵਰ੍ਹੇ ਦਾ ਪ੍ਰਚਾਰ ਕਰਾਂ (ਲੂਕਾ 4:18-19, ਜੋ ਕਿ ਯਸਾਯਾਹ 61:1-3 ਤੋਂ ਲਿਆ ਗਿਆ ਹੈ)।

ਯਿਸੂ ਦਾ ਮਿਸ਼ਨ ਉਸਦੇ ਪ੍ਰਤੀਦਿਨ ਦੇ ਫੈਸਲਿਆਂ ਦੀ ਅਗਵਾਈ ਕਰਦਾ ਸੀ। ਜਦੋਂ ਉਸਨੇ ਯਹੂਦਿਯਾ ਤੋਂ ਗ਼ਲੀਲ ਦੇ ਵੱਲ ਯਾਤਰਾ ਕੀਤੀ ਉਸਦੇ ਮਿਸ਼ਨ ਨੇ ਉਸਦੀ ਯਾਤਰਾ ਦੇ ਰਾਹ ਦੀ ਅਗਵਾਈ ਕੀਤੀ। ਯਹੂਦੀ ਰੱਬੀ (ਧਰਮ ਗੁਰੂ) ਅਕਸਰ ਯਰਦਨ ਨਦੀ ਦੇ ਪੂਰਬੀ ਪਾਸੇ ਵੱਲ ਯਾਤਰਾ ਕਰਦੇ ਸਨ ਤਾਂ ਕਿ ਉਹ ਸਾਮਰੀਆਂ ਤੋਂ ਹੋਣ ਵਾਲੀ ਅਸ਼ੁੱਧਤਾਈ ਤੋਂ ਬਚ ਸਕਣ। ਪਰ ਯਿਸੂ ਦੀ ਯਾਤਰਾ ਦੇ ਰਾਹ ਦੀ ਅਗਵਾਈ ਸਾਮਰੀ ਔਰਤ ਦੇ ਨਾਲ ਪਰਮੇਸ਼ੁਰ ਦੀ ਦਯਾ ਸਾਂਝੀ ਕਰਨ ਦੇ ਮਿਸ਼ਨ ਦੁਆਰਾ ਹੋ ਰਹੀ ਸੀ। ਇਸਦੇ ਕਾਰਨ ਉਸਨੂੰ ਸਾਮਰਿਯਾ ਦੇ ਵਿੱਚੋਂ ਦੀ ਲੰਘਣਾ ਪਿਆ (ਯੂਹੰਨਾ 4:4)। ਇੱਕ ਮਸੀਹੀ ਆਗੂ ਦੇ ਤੌਰ ਤੇ, ਤੁਹਾਡਾ ਮਿਸ਼ਨ ਤੁਹਾਡੇ ਪ੍ਰਤੀਦਿਨ ਦੇ ਫੈਸਲਿਆਂ ਦੀ ਅਗਵਾਈ ਕਰਦਾ ਹੈ।

ਇੱਕ ਆਗੂ ਦੇ ਰੂਪ ਵਿੱਚ, ਜਿੰਨਾ ਤੁਸੀਂ ਪ੍ਰਾਪਤ ਕਰ ਸਕਦੇ ਹੋ ਉਸ ਨਾਲੋਂ ਵੀ ਜਿਆਦਾ ਕਰਨ ਵਾਲਾ ਕੰਮ ਹੈ। ਉਸਦੀਆਂ ਆਪਣੀਆਂ ਪ੍ਰਾਥਮਿਕਤਾਵਾਂ ਨੂੰ ਕਿਵੇਂ ਨਿਰਧਾਰਿਤ ਕਰਦੇ ਹੋ? ਤੁਸੀਂ ਸਭ ਕੁਝ ਨਹੀਂ ਕਰ ਸਕਦੇ, ਅਤੇ ਤੁਹਾਨੂੰ ਸਭ ਕੁਝ ਨਹੀਂ ਕਰਨਾ ਚਾਹੀਦਾ। ਤੁਹਾਨੂੰ ਮੌਕਿਆਂ ਦਾ ਮੁਲਾਂਕਣ ਆਪਣੇ ਮਿਸ਼ਨ ਦੇ ਦੁਆਰਾ ਕਰਨਾ ਚਾਹੀਦਾ ਹੈ। ਹਰੇਕ ਆਗੂ ਦੇ ਕੋਲ ਦੋ ਸੂਚੀਆਂ ਹੋਣੀਆਂ ਚਾਹੀਦੀਆਂ ਹਨ-ਇੱਕ “ਕਰਨ ਵਾਲੇ ਕੰਮਾਂ ਦੀ ਸੂਚੀ” ਅਤੇ “ਨਾ ਕਰਨ ਵਾਲੇ ਕੰਮਾਂ ਦੀ ਸੂਚੀ।” ਕਰਨ ਵਾਲੇ ਕੰਮਾਂ ਦੀ ਸੂਚੀ ਵਿੱਚ ਉਹ ਕੰਮ ਹਨ ਜੋ ਤੁਹਾਨੂੰ ਪੂਰੇ ਕਰਨੇ ਚਾਹੀਦੇ ਹਨ। ਨਾ ਕਰਨ ਵਾਲੇ ਕੰਮਾਂ ਦੀ ਸੂਚੀ ਵਿੱਚ ਅਜਿਹੇ ਕੰਮ ਸ਼ਾਮਿਲ ਹਨ ਜੋ ਤੁਹਾਨੂੰ ਤੁਹਾਡੇ ਮਿਸ਼ਨ ਤੋਂ ਭਟਕਾਉਂਦੇ ਹਨ। ਜੋ ਤੁਹਾਨੂੰ ਆਪਣੇ ਮਿਸ਼ਨ ਤੋਂ ਭਟਕਾਉਂਦੇ ਹਨ। ਹੋ ਸਕਦਾ ਹੈ ਕਿ ਕਿਸੇ ਹੋਰ ਦੀ ਉਹ ਕੰਮ ਕਰਨ ਦੇ ਲਈ ਬੁਲਾਹਟ ਹੋਵੇ, ਪਰ ਇਹ ਕੰਮ ਤੁਹਾਡੇ ਲਈ ਨਹੀਂ ਹਨ। ਤੁਹਾਡੇ ਮਿਸ਼ਨ ਦੇ ਦੁਆਰਾ ਤੁਹਾਡੀਆਂ ਪ੍ਰਤੀਦਿਨ ਦੀਆਂ ਪ੍ਰਾਥਮਿਕਤਾਵਾਂ ਦੀ ਅਗਵਾਈ ਹੋਣੀ ਚਾਹੀਦੀ ਹੈ।

ਪੌਲੁਸ ਰਸੂਲ ਇੱਕ ਅਜਿਹੇ ਆਗੂ ਦੀ ਉਦਾਹਰਨ ਹੈ ਜੋ ਆਪਣੇ ਮਿਸ਼ਨ ਨੂੰ ਜਾਣਦਾ ਸੀ। ਪੌਲੁਸ ਨੂੰ ਰੋਮ ਦੇ ਮੁੱਖ ਸ਼ਹਿਰਾਂ ਵਿੱਚ ਕਲੀਸਿਆਵਾਂ ਸਥਾਪਿਤ ਕਰਨ ਦੇ ਲਈ ਬੁਲਾਇਆ ਗਿਆ ਸੀ। ਉਹ ਕਿਸੇ ਹੋਰ ਦੀ ਧਰੀ ਨੀਂਹ ਤੇ ਉਸਾਰੀ ਨਹੀਂ ਕਰਨਾ ਚਾਹੁੰਦਾ ਸੀ। ਪਰ ਉਹ ਸ਼ੁਭ-ਸਮਾਚਾਰ ਅਜਿਹੇ ਲੋਕਾਂ ਤੱਕ ਲੈ ਕੇ ਜਾਣਾ ਚਾਹੁੰਦਾ ਸੀ ਜਿੰਨ੍ਹਾਂ ਨੇ ਅਜੇ ਤੱਕ ਇਸਨੂੰ ਨਹੀਂ ਸੁਣਿਆ ਸੀ (ਰੋਮੀਆਂ 15:20)। ਇਸੇ ਮਿਸ਼ਨ ਦੇ ਦੁਆਰਾ ਪੌਲੁਸ ਦੀਆਂ ਯਾਤਰਾਵਾਂ ਦੀ ਅਗਵਾਈ ਹੁੰਦੀ ਸੀ, ਨਾਲ ਹੀ ਇਹ ਕਿ ਉਹ ਕਿੰਨੇ ਦੇਰ ਉੱਥੇ ਰੁਕੇਗਾ ਅਤੇ ਇੱਥੋਂ ਤੱਕ ਕਿ ਉਹ ਕਿਹੜੇ ਸੰਦੇਸ਼ ਦਾ ਪ੍ਰਚਾਰ ਕਰੇਗਾ। ਪੌਲੁਸ ਦਾ ਮਿਸ਼ਨ ਉਸਦੇ ਹਰੇਕ ਫੈਸਲੇ ਦੀ ਅਗਵਾਈ ਕਰਦਾ ਸੀ।

► ਇੰਨਾਂ ਪ੍ਰਸ਼ਨਾਂ ਦੀ ਚਰਚਾ ਕਰੋ:

• ਪਰਮੇਸ਼ੁਰ ਨੇ ਤੁਹਾਨੂੰ ਕਿਹੜਾ ਮਿਸ਼ਨ ਦਿੱਤਾ ਹੈ? ਆਪਣੇ ਸ਼ਬਦਾਂ ਦੇ ਵਿੱਚ ਆਪਣੇ ਮਿਸ਼ਨ ਦਾ ਸਾਰ ਲਿਖੋ।

• ਕੀ ਤੁਸੀਂ ਉਨ੍ਹਾਂ ਲੋਕਾਂ ਦੇ ਨਾਲ ਆਪਣਾ ਮਿਸ਼ਨ ਸਾਂਝਾ ਕੀਤਾ ਹੈ ਜੋ ਸੇਵਕਾਈ ਦੇ ਵਿੱਚ ਤੁਹਾਡੇ ਨਾਲ ਜੁੜਦੇ ਹਨ?

• ਕੀ ਤੁਹਾਡਾ ਦਰਸ਼ਨ ਤੁਹਾਡੇ ਪ੍ਰਤੀਦਿਨ ਦੇ ਫੈਸਲਿਆਂ ਦੀ ਅਗਵਾਈ ਕਰਦਾ ਹੈ?

[1]ਯਿਸੂ ਨੇ ਆਪਣੀ ਸੇਵਕਾਈ ਦੇ ਆਰੰਭ ਤੋਂ ਹੀ, ਬਹੁਤ ਧਿਆਨਪੂਰਵਕ ਚੇਲਿਆਂ ਦੇ ਇੱਕ ਸਮੂਹ ਨੂੰ ਚੁਣਿਆ ਅਤੇ ਉਨ੍ਹਾਂ ਨੂੰ ਸਿਖਲਾਈ ਦਿੱਤੀ ਜੋ ਉਸਦੇ ਪਿਤਾ ਦੇ ਕੋਲ ਵਾਪਿਸ ਜਾਣ ਤੋਂ ਬਾਅਦ ਉਸਦੀ ਸੇਵਕਾਈ ਨੂੰ ਜਾਰੀ ਰੱਖਣ ਵਾਲੇ ਸਨ। ਇੰਨ੍ਹਾਂ ਚੇਲਿਆਂ ਨੇ ਉਸ ਤੋਂ ਸਿੱਖਿਆ, ਉਸਦੇ ਨਾਲ ਸਮਾਂ ਬਿਤਾਇਆ, ਉਸਦੇ ਨਾਲ ਸੇਵਕਾਈ ਕੀਤੀ, ਅਤੇ ਸੰਸਾਰ ਭਰ ਦੇ ਵਿੱਚ ਉਸਦੇ ਸੰਦੇਸ਼ ਨੂੰ ਫੈਲਾਇਆ। ਯਿਸੂ ਨੇ ਆਪਣੇ ਸਰੂਪ ਦੇ ਦੁਆਰਾ ਇੰਨ੍ਹਾਂ ਚੇਲਿਆਂ ਤੇ ਮੋਹਰ ਲਗਾਈ ਅਤੇ ਫਿਰ ਕਲੀਸਿਆ ਤਿਆਰ ਕਰਨ ਦੇ ਲਈ ਉਨ੍ਹਾਂ ਦਾ ਉਪਯੋਗ ਕੀਤਾ।

ਲੂਕਾ ਨੇ ਸੇਵਕਾਈ ਦੇ ਦਬਾਅ ਦੇ ਬਾਰੇ ਲਿਖਿਆ। “ਇੰਨੇ ਨੂੰ ਜਾਂ ਹਜਾਰਾਂ ਲੋਕ ਇੱਕਠੇ ਹੋਏ ਐਥੋਂ ਤੋੜੀ ਜੋ ਇੱਕ ਦੂਜੇ ਡਿੱਗਿਆ ਪੈਂਦਾ ਸੀ ਤਾਂ ਉਹ ਪਹਿਲਾਂ ਆਪਣੇ ਚੇਲਿਆਂ ਨੂੰ ਕਹਿਣ ਲੱਗਾ” (ਲੂਕਾ 12:1)। ਭਾਵੇਂ ਕਿ ਹਜਾਰਾਂ ਦੇ ਵਿੱਚ ਸੇਵਕਾਈ ਕਰਨੀ ਜਿਆਦਾ ਉਤਸੁਕਤਾ ਵਾਲੀ ਸੀ, ਪਰ ਯਿਸੂ ਚੇਲਿਆਂ ਦੇ ਲਈ ਕੀਤੀ ਜਾਣ ਵਾਲੀ ਸੇਵਕਾਈ ਤੋਂ ਨਹੀਂ ਭਟਕਿਆ। ਉਹ ਜਾਣਦਾ ਸੀ ਕਿ ਰਾਜ ਨੂੰ ਸਥਾਪਿਤ ਕਰਨ ਦੇ ਲਈ, ਉਸਨੂੰ ਕਲੀਸਿਆ ਦੀ ਅਗਵਾਈ ਕਰਨ ਦੇ ਲਈ ਆਪਣੇ ਚੇਲ੍ਹਿਆਂ ਨੂੰ ਸਿਖਲਾਈ ਦੇਣੀ ਹੈ। ਚੇਲ੍ਹਿਆਂ ਨੂੰ ਸਿਖਲਾਈ ਦੇਣ ਦੇ ਦੁਆਰਾ ਅਸੀਂ ਅੱਗਲੀ ਪੀੜ੍ਹੀ ਦੇ ਆਗੂਆਂ ਨੂੰ ਤਿਆਰ ਕਰਦੇ ਹਾਂ।

ਪੌਲੁਸ ਨੇ ਵੀ ਇਹੀ ਨਮੂਨਾ ਅਪਣਾਇਆ। ਉਹ ਭੀੜਾਂ ਦੇ ਵਿੱਚ ਪ੍ਰਚਾਰ ਕਰਦਾ ਸੀ, ਪਰ ਉਹ ਆਪਣਾ ਧਿਆਨ ਹਰੇਕ ਸ਼ਹਿਰ ਦੇ ਵਿੱਚ ਕੁਝ ਆਗੂਆਂ ਨੂੰ ਸਿਖਲਾਈ ਦੇਣ ਦੇ ਵਿੱਚ ਲਗਾਉਂਦਾ ਸੀ। ਉਹ ਅੱਜ ਦੇ ਆਗੂਆਂ ਦੇ ਲਈ ਨਮੂਨਾ ਪ੍ਰਦਾਨ ਕਰਦਾ ਹੈ। ਪੌਲੁਸ ਨੇ ਪਾਸਬਾਨਾਂ ਸੱਦਾ ਦਿੱਤਾ ਕਿ ਉਹ ਸੰਤਾਂ ਨੂੰ ਸੇਵਕਾਈ ਦੇ ਲਈ ਤਿਆਰ ਕਰਨ (ਅਫ਼ਸੀਆਂ 4:12)। ਪਾਸਬਾਨ ਕਲੀਸਿਆ ਦੇ ਸਾਰੇ ਕੰਮ ਕਰਨ ਦੇ ਲਈ ਜਿੰਮੇਵਾਰ ਨਹੀਂ ਹੈ; ਪਾਸਬਾਨ ਕਲੀਸਿਆ ਦੇ ਮੈਂਬਰਾਂ ਨੂੰ ਸਿਖਲਾਈ ਦੇਣ ਅਤੇ ਉਨ੍ਹਾਂ ਨੂੰ ਕਲੀਸਿਆ ਦੇ ਕੰਮ ਲਈ ਤਿਆਰ ਕਰਨ ਦੇ ਪ੍ਰਤੀ ਜਿੰਮੇਵਾਰ ਹੈ। ਪ੍ਰਭਾਵਸ਼ਾਲੀ ਆਗੂ ਦੂਸਰੇ ਆਗੂਆਂ ਨੂੰ ਸਿਖਲਾਈ ਦਿੰਦੇ ਹਨ।

ਇੱਕ ਆਤਮਿਕ ਆਗੂ ਨੂੰ ਚੇਲ੍ਹਿਆਂ ਦੀ ਚੋਣ ਧਿਆਨਪੂਰਵਕ ਕਰਨੀ ਚਾਹੀਦੀ ਹੈ[1]

► ਪੜ੍ਹੋ ਯੂਹੰਨਾ 1:35-51, ਯੂਹੰਨਾ 2:1-11, ਮੱਤੀ 4:18-22, ਲੂਕਾ 5:1-11, ਅਤੇ ਲੂਕਾ 6:12-16.

ਜਦੋਂ ਤੁਸੀਂ ਇੰਨਾਂ ਵਚਨਾਂ ਨੂੰ ਪੜਿਆ, ਕੀ ਤੁਸੀਂ ਪ੍ਰਕਿਰਿਆ ਤੇ ਧਿਆਨ ਦਿੱਤਾ? ਯਿਸੂ ਨੇ ਆਪਣੀ ਜਨਤਕ ਸੇਵਕਾਈ ਦੇ ਪਹਿਲੇ ਹਫ਼ਤੇ ਵਿੱਚ ਅੰਦ੍ਰਿਆਸ ਅਤੇ ਯੂਹੰਨਾ ਨੂੰ ਉਸਦੇ ਪਿੱਛੇ ਆਉਣ ਦਾ ਸੱਦਾ ਦਿੱਤਾ। ਅੰਦ੍ਰਿਆਸ ਸ਼ਮਊਨ ਪਤਰਸ ਨੂੰ ਯਿਸੂ ਦੇ ਕੋਲ ਲੈ ਕੇ ਆਇਆ। ਯਿਸੂ ਨੇ ਫਿਲਿਪੁਸ ਨੂੰ ਸੱਦਾ ਦਿੱਤਾ ਜਿਸਨੇ ਨਥਾਨੀਏਲ ਲੱਭਿਆ (ਯੂਹੰਨਾ 1:35-51)। ਇਹ ਉਨ੍ਹਾਂ ਦੇ ਸੱਦੇ ਦਾ ਪਹਿਲਾ ਕਦਮ ਸੀ। ਉਨ੍ਹਾਂ ਨੇ ਯਿਸੂ ਨੂੰ ਮੰਨ ਲਿਆ, ਪਰ ਉਹ ਅਜੇ ਉਸਦੇ ਸਥਾਈ ਪੈਰੋਕਾਰ ਨਹੀਂ ਬਣੇ ਸਨ। ਇਸ ਯਿਸੂ ਦੇ ਪਿੱਛੇ ਚੱਲਣ ਦਾ ਸੱਦਾ ਸੀ। ਬਾਅਦ ਦੇ ਵਿੱਚ ਯਿਸੂ ਨੇ ਉਨ੍ਹਾਂ ਨੂੰ ਪੂਰੇ ਸਮੇਂ ਦੇ ਚੇਲੇ ਹੋ ਜਾਣ ਦਾ ਸੱਦਾ ਦਿੱਤਾ।

ਯੂਹੰਨਾ 2 ਅਧਿਆਏ ਇਸ ਪ੍ਰਕਿਰਿਆ ਦਾ ਅਹਿਮ ਪੜਾਅ ਹੈ। ਕਾਨਾ ਦੇ ਵਿਆਹ ਤੇ, ਯਿਸੂ ਨੇ ਆਪਣੀ ਮਹਿਮਾ ਚੇਲ੍ਹਿਆਂ ਦੇ ਅੱਗੇ ਪ੍ਰਗਟ ਕੀਤੀ। ਬਾਕੀ ਦੇ ਮਹਿਮਾਨਾਂ ਨੂੰ ਚਮਤਕਾਰ ਦੇ ਬਾਰੇ ਪਤਾ ਨਹੀਂ ਲੱਗਾ; ਇਹ ਚਿੰਨ੍ਹ ਚੇਲ੍ਹਿਆਂ ਦੇ ਲਈ ਸੀ। ਯਿਸੂ ਨੇ ਚੇਲ੍ਹਿਆਂ ਦੇ ਅੱਗੇ ਆਪਣੇ ਆਪ ਨੂੰ ਪ੍ਰਗਟ ਕੀਤਾ ਤਾਂ ਕਿ ਉਹ ਉਸ ਤੇ ਭਰੋਸਾ ਕਰ ਸਕਣ। ਅਤੇ ਉਸਦੇ ਚੇਲ੍ਹਿਆਂ ਨੇ ਉਸ ਤੇ ਵਿਸ਼ਵਾਸ ਕੀਤਾ (ਯੂਹੰਨਾ 2:11)।

ਮੱਤੀ 4:18-22 ਦੀ ਘਟਨਾ ਯਿਸੂ ਦੇ ਨਾਸਰਤ ਤੋਂ ਕਫਰਨਾਹੂਮ ਦੇ ਵੱਲ ਚਲੇ ਜਾਣ ਅਤੇ ਪ੍ਰਚਾਰ ਅਰੰਭ ਕਰਨ ਤੋਂ ਬਾਅਦ ਹੁੰਦੀ ਹੈ (ਮੱਤੀ 4:12-17)। ਗ਼ਲੀਲ ਦੇ ਸਮੁੰਦਰ ਕੰਢੇ ਚੱਲਦੇ ਹੋਏ, ਯਿਸੂ ਨੇ ਸ਼ਮਊਨ, ਅੰਦ੍ਰਿਆਸ, ਯਾਕੂਬ ਅਤੇ ਯੂਹੰਨਾ ਨੂੰ ਉਸਦੇ ਪਿੱਛੇ ਚੱਲਣ ਦਾ ਸੱਦਾ ਦਿੱਤਾ। “ਅਤੇ ਓਹ ਝੱਟ ਜਾਲਾਂ ਨੂੰ ਛੱਡ ਕੇ ਉਹ ਤੇ ਮਗਰ ਹੋ ਤੁਰੇ” (ਮੱਤੀ 4:20)। ਯੂਹੰਨਾ 1 ਅਧਿਆਏ ਵਿੱਚ ਇਸ ਅਰੰਭਿਕ ਬੁਲਾਹਟ ਤੋਂ ਬਾਅਦ, ਇੰਨ੍ਹਾਂ ਚੇਲ੍ਹਿਆਂ ਨੇ ਆਪਣੇ ਮੱਛੀਆਂ ਫੜਣ ਦੇ ਕੰਮ ਨੂੰ ਜਾਰੀ ਰੱਖਿਆ ਸੀ। ਹੁਣ ਯਿਸੂ ਨੇ ਉਨ੍ਹਾਂ ਨੂੰ ਸੇਵਕਾਈ ਦੇ ਲਈ ਬੁਲਾਇਆ: “ਹੁਣ ਤੋਂ ਤੁਸੀਂ ਮਨੁੱਖਾਂ ਨੂੰ ਫੜਣ ਵਾਲੇ ਹੋਵੋਗੇ” (ਲੂਕਾ 5:10)।

ਇਸ ਪ੍ਰਕਿਰਿਆ ਦਾ ਅੱਗਲਾ ਪੜਾਅ ਯਿਸੂ ਦੇ ਦੁਆਰਾ ਚੇਲ੍ਹਿਆਂ ਦੀ ਚੋਣ ਕਰਨਾ ਸੀ। ਬਹੁਤ ਸਾਰੇ ਪੈਰੋਕਾਰਾਂ ਦੇ ਵਿੱਚੋਂ (ਉਨ੍ਹਾਂ ਨੂੰ ਯੂਹੰਨਾ 6 ਵਿੱਚ “ਚੇਲ੍ਹੇ” ਕਿਹਾ ਗਿਆ), ਯਿਸੂ ਨੇ ਬਾਰ੍ਹਾਂ ਅਜਿਹੇ ਲੋਕ ਚੁਣੇ ਜੋ ਉਸਦੇ ਬਹੁਤ ਨਜਦੀਕੀ ਬਣੇ।

ਯਿਸੂ ਨੇ ਬਾਰ੍ਹਾਂ ਦੀ ਚੋਣ ਕਰਨ ਵਿੱਚ ਕੋਈ ਜਲਦਬਾਜੀ ਨਹੀਂ ਕੀਤੀ। ਅਜਿਹਾ ਜਾਪਦਾ ਹੈ ਕਿ ਇਹ ਪ੍ਰਕਿਰਿਆ ਕਈ ਮਹੀਨਿਆਂ ਤੱਕ ਚੱਲਦੀ ਰਹੀ। ਇਸਦੇ ਨਾਲ ਯਿਸੂ ਨੂੰ ਉਨ੍ਹਾਂ ਸਾਰਿਆਂ ਦੇ ਨਾਲ ਸਮਾਂ ਬਿਤਾਉਣ ਦਾ ਸਮਾਂ ਮਿਲਿਆ। ਅਕਸਰ, ਇੱਕ ਆਗੂ ਕਿਸੇ ਵਿਅਕਤੀ ਨੂੰ ਜਾਣਨ ਦੇ ਲਈ ਬਿਨਾਂ ਸਮੇਂ ਬਿਤਾਏ ਅੱਗਲੇ ਆਗੂ ਦੀ ਚੋਣ ਕਰ ਲੈਂਦਾ ਹੈ। ਇੱਕ ਬੁੱਧੀਮਾਨ ਆਗੂ ਕਿਸੇ ਵਿਅਕਤੀ ਦੇ ਵਿੱਚ ਅਗਵਾਈ ਕਰਨ ਦੀਆਂ ਯੋਗਤਾਵਾਂ ਦਾ ਮੁਲਾਂਕਣ ਕਰਨ ਦੇ ਲਈ ਕੁਝ ਕੰਮ ਸੌਂਪਦਾ ਹੈ।

ਇੱਕ ਆਤਮਿਕ ਆਗੂ ਨੂੰ ਆਪਣੇ ਚੇਲ੍ਹਿਆਂ ਦੇ ਨਾਲ ਸਮਾਂ ਬਿਤਾਉਣਾ ਚਾਹੀਦਾ ਹੈ

► ਜਿਆਦਾ ਉਤਸੁਕਤਾ ਕਿਸ ਗੱਲ ਵਿੱਚ ਹੈ, ਬਹੁਤ ਸਾਰੇ ਲੋਕਾਂ ਤੱਕ ਵਚਨ ਪਹੁੰਚਾਉਣਾ ਜਾਂ ਕੁਝ ਲੋਕਾਂ ਨੂੰ ਸਿਖਲਾਈ ਦੇਣਾ? ਲੰਬੇ ਸਮੇਂ ਦੇ ਲਈ ਕਿਹੜੀ ਗੱਲ਼ ਜਿਆਦਾ ਜਰੂਰੀ ਹੈ? ਯਿਸੂ ਨੇ ਬਾਰ੍ਹਾਂ ਮਨੁੱਖਾਂ ਦੇ ਉੱਤੇ ਜਿਆਦਾ ਜ਼ੋਰ ਕਿਉਂ ਦਿੱਤਾ?

ਯਿਸੂ ਨੇ ਆਪਣਾ ਜਿਆਦਾ ਸਮਾਂ ਬਾਰ੍ਹਾਂ ਰਸੂਲਾਂ ਦੇ ਲਈ ਸਮਰਪਿਤ ਕੀਤਾ। “ਅਰ ਉਹ ਨੇ ਬਾਰਾਂ ਪੁਰਸ਼ ਠਹਿਰਾਏ ਜੋ ਉਹ ਦੇ ਨਾਲ ਰਹਿਣ ਅਤੇ ਉਹ ਉਨ੍ਹਾਂ ਨੂੰ ਭੇਜੇ ਭਈ ਪਰਚਾਰ ਕਰਨ, ਨਾਲੇ ਭੂਤਾਂ ਦੇ ਕੱਢਣ ਦਾ ਇਖ਼ਤਿਆਰ ਰੱਖਣ” (ਮਰਕੁਸ 3:14-15)। ਪਹਿਲਾਂ ਉਹ ਉਸਦੇ ਤਰੀਕਿਆਂ ਨੂੰ ਸਿੱਖਣ ਦੇ ਲਈ ਉਸਦੇ ਨਾਲ ਸਮਾਂ ਬਿਤਾਉਣਗੇ। ਫਿਰ ਹੀ ਉਹ ਸੇਵਕਾਈ ਦੇ ਲਈ ਘੱਲੇ ਜਾਣ ਦੇ ਲਈ ਤਿਆਰ ਹੋ ਸਕਦੇ ਸਨ।

ਮਰਕੁਸ ਯਿਸੂ ਦੇ ਗ਼ਲੀਲ ਦੇ ਰਾਂਹੀ ਗੁਜ਼ਰਨ ਦੀ ਇੱਕ ਯਾਤਰਾ ਨੂੰ ਦਰਜ ਕਰਦਾ ਹੈ: “ਅਤੇ ਉਹ ਨਹੀਂ ਚਾਹੁੰਦਾ ਸੀ ਜੋ ਕਿਸੇ ਨੂੰ ਖਬਰ ਹੋਵੇ (ਕਿ ਉਹ ਉੱਥੇ ਹੈ), ਇਸ ਲਈ ਕਿ ਉਹ ਆਪਣੇ ਚੇਲਿਆਂ ਨੂੰ ਸਿਖਾਲਦਾ ਸੀ” (ਮਰਕੁਸ 9:30-31)। ਯਿਸੂ ਦਾ ਮੁੱਖ ਕੰਮ ਭੀੜਾਂ ਤੱਕ ਪਹੁੰਚਣ ਦੇ ਲਈ ਕਿਸੇ ਪ੍ਰੋਗ੍ਰਾਮ ਨੂੰ ਬਣਾਉਣਾ ਨਹੀਂ ਸੀ, ਪਰ ਅਜਿਹੇ ਮਨੁੱਖਾਂ ਨੂੰ ਵਿਕਸਿਤ ਕਰਨਾ ਸੀ ਜੋ ਕਲੀਸਿਆ ਦੀ ਅਗਵਾਈ ਕਰਨਗੇ।

ਯਿਸੂ ਨੇ ਹਜਾਰਾਂ ਦੇ ਲਈ ਪ੍ਰਚਾਰ ਕੀਤਾ, ਪਰ ਉਸਦਾ ਮੁੱਢਲਾ ਕੰਮ ਕੁਝ ਲੋਕਾਂ ਨੂੰ ਭਵਿੱਖ ਦੀ ਸੇਵਕਾਈ ਦੇ ਲਈ ਸਿਖਲਾਈ ਦੇਣਾ ਸੀ। ਯਿਸੂ ਜਾਣਦਾ ਸੀ ਕਿ ਜੇਕਰ ਸਿਖਲਾਈ ਕਿਸੇ ਛੋਟੇ ਸਮੂਹ ਦੇ ਵਿੱਚ ਕੀਤੀ ਜਾਂਦੀ ਹੈ ਤਾਂ ਇਹ ਜਿਆਦਾ ਪ੍ਰਭਾਵਸ਼ਾਲੀ ਹੁੰਦੀ ਹੈ। ਰੋਬਰਟ ਕੌਲਮੈਨ ਚੇਤਾਵਨੀ ਦਿੰਦੀ ਹੈ, “ਜਿੰਨ੍ਹੀ ਜਿਆਦਾ ਤੁਹਾਡੀ ਸੇਵਕਾਈ ਵਧੇਗੀ, ਵਿਅਕਤੀਗਤ ਤੌਰ ਤੇ ਚੇਲ੍ਹਿਆਂ ਨੂੰ ਸਿਖਾਉਣਾ ਉਨ੍ਹਾਂ ਹੀ ਕਠਿਨ ਹੋ ਜਾਵੇਗਾ। ਪਰ ਜਿੰਨੀ ਜਿਆਦਾ ਸੇਵਕਾਈ ਵੱਧ ਜਾਵੇਗੀ, ਫਿਰ ਚੇਲ੍ਹਿਆਂ ਨੂੰ ਸਿਖਲਾਈ ਦੇਣਾ ਉਨਾਂ ਹੀ ਜਿਆਦਾ ਮਹੱਤਵਪੂਰਨ ਹੋ ਜਾਂਦਾ ਹੈ।”

ਜਦੋਂ ਤੁਸੀਂ ਇੰਜੀਲਾਂ ਨੂੰ ਪੜਦੇ ਹੋ ਤਾਂ ਪਾਉਂਦੇ ਹੋ ਕਿ ਯਿਸੂ ਸੇਵਕਾਈ ਦੇ ਸਮੇਂ ਆਪਣੇ ਤਿੰਨ ਚੇਲ੍ਹਿਆਂ ਅਕਸਰ ਹੀ ਕੋਲ ਰੱਖਦੇ ਸਨ। ਯਿਸੂ ਅਤੇ ਉਸਦੇ ਚੇਲ੍ਹੇ ਅਕਸਰ ਉਜਾੜਾਂ ਦੇ ਵਿੱਚ ਸਿਖਲਾਈ ਦੇ ਲਈ ਜਾਂਦੇ ਸਨ। ਧਰਤੀ ਤੇ ਆਪਣੀ ਸੇਵਕਾਈ ਦੇ ਅੰਤ ਦੇ ਸਮੇਂ ਵਿੱਚ ਯਿਸੂ ਨੇ ਆਪਣੇ ਚੇਲ੍ਹਿਆਂ ਦੇ ਨਾਲ ਹੋਰ ਵੀ ਜਿਆਦਾ ਸਮਾਂ ਬਿਤਾਇਆ। ਯਰੂਸ਼ਲਮ ਦੇ ਵਿੱਚ ਆਪਣੇ ਆਖਰੀ ਹਫ਼ਤੇ ਦੇ ਦੌਰਾਨ ਯਿਸੂ ਨੇ ਜਿਆਦਾਤਰ ਆਪਣੇ ਚੇਲ੍ਹਿਆਂ ਨੂੰ ਆਪਣੇ ਕੋਲ ਹੀ ਰੱਖਿਆ। ਇੰਨ੍ਹਾਂ ਮਨੁੱਖਾਂ ਨੂੰ ਸਿਖਲਾਈ ਦੇਣਾ ਉਸਦੇ ਮੁੱਖ ਕੰਮਾਂ ਦੇ ਵਿੱਚੋਂ ਇੱਕ ਸੀ।

ਇੱਕ ਯਹੂਦੀ ਕਹਾਵਤ ਹੈ, “ਇੱਕ ਚੇਲ੍ਹਾ ਉਹ ਹੁੰਦਾ ਹੈ ਜੋ ਆਪਣੇ ਗੁਰੂ ਦੀ ਮਿੱਟੀ ਖਾਂਦਾ ਹੈ।” ਇੱਕ ਚੇਲ੍ਹਾ ਆਪਣੇ ਗੁਰੂ ਦੇ ਇੰਨਾ ਨੇੜੇ ਚੱਲਦਾ ਹੈ ਕਿ ਉਹ ਗੁਰੂ ਦੇ ਪੈਰਾਂ ਦੁਆਰਾ ਉੱਡਣ ਵਾਲੀ ਮਿੱਟੀ ਨੂੰ ਖਾਂਦਾ ਹੈ। ਇੱਕ ਚੇਲ੍ਹਾ ਉਹੀ ਖਾਂਦਾ ਸੀ ਜੋ ਗੁਰੂ ਖਾਂਦਾ ਸੀ; ਇੱਕ ਚੇਲ੍ਹਾ ਉੱਥੇ ਜਾਂਦਾ ਸੀ ਜਿੱਥੇ ਗੁਰੂ ਜਾਂਦਾ ਸੀ; ਚੇਲ੍ਹਾ ਆਪਣੇ ਗੁਰੂ ਦੇ ਨਮੂਨੇ ਅਤੇ ਉਸਦੀ ਸਿੱਖਿਆ ਦੇ ਪ੍ਰਤੀ ਸਮਰਪਿਤ ਹੁੰਦਾ ਸੀ। ਬਾਅਦ ਦੇ ਵਿੱਚ ਉਹ “ਮਸੀਹੀ” ਅਖਵਾਏ; ਉਹ ਆਪਣੇ ਗੁਰੂ ਜਿਹੇ ਬਣ ਗਏ ਸਨ।

ਇਸੇ ਪ੍ਰਕਾਰ ਪੌਲੁਸ ਦੇ ਵੀ ਚੇਲ੍ਹੇ ਸਨ ਜਿਵੇਂ ਤਿਮੋਥਿਉਸ, ਤੀਤੁਸ, ਲੂਕਾ ਅਤੇ ਤੁਖੀਕੁਸ। ਪੌਲੁਸ ਨੇ ਉਨ੍ਹਾਂ ਦੇ ਨਾਲ ਸਮਾਂ ਬਿਤਾ ਕੇ ਉਨ੍ਹਾਂ ਨੂੰ ਸੇਵਕਾਈ ਦੇ ਲਈ ਸਿਖਲਾਈ ਦਿੱਤੀ।

ਇੱਕ ਵਾਰ ਫਿਰ ਤੋਂ, ਇਹ ਸਾਨੂੰ ਅੱਜ ਦੇ ਲਈ ਇੱਕ ਨਮੂਨਾ ਪ੍ਰਦਾਨ ਕਰਦਾ ਹੈ। ਤੁਸੀਂ ਆਪਣੀ ਸੇਵਕਾਈ ਕਰਦੇ ਹੋਏ, ਆਪਣੀ ਟੀਮ ਦੇ ਮੈਂਬਰਾਂ ਨੂੰ ਉਤਸ਼ਾਹਿਤ ਕਰ ਸਕਦੇ ਹਾਂ, ਤਾਂ ਕਿ ਉਹ ਸੇਵਕਾਈ ਕਰਨੀ ਸਿੱਖ ਸਕਣ। ਇੱਕ ਸਫਲ ਕਲੀਸਿਆਈ ਆਗੂ ਨੇ ਕਿਹਾ, “ਮੈਂ ਸੇਵਕਾਈ ਦੀ ਕੋਈ ਵੀ ਯਾਤਰਾ ਕਿਸੇ ਜੁਆਨ ਸੇਵਕ ਨੂੰ ਨਾਲ ਲੈ ਜਾਣ ਤੋਂ ਬਿਨਾਂ ਨਹੀਂ ਕਰਦਾ, ਤਾਂ ਕਿ ਉਹ ਸੇਵਕਾਈ ਕਰਨੀ ਸਿੱਖ ਸਕਣ। ਮੇਰੇ ਲਈ ਭਵਿੱਖ ਦੇ ਕਲੀਸਿਆ ਦੇ ਆਗੂਆਂ ਨੂੰ ਸਿਖਲਾਈ ਦੇਣਾ ਮੇਰੀ ਸੇਵਕਾਈ ਕਰਨ ਜਿੰਨਾ ਹੀ ਜਰੂਰੀ ਹੈ” ਇਸ ਪਾਸਬਾਨ ਨੇ ਸਮਝਿਆ ਕਿ ਇੱਕ ਪ੍ਰਭਾਵਸ਼ਾਲੀ ਆਗੂ ਦੂਸਰੇ ਆਗੂਆਂ ਨੂੰ ਸਿਖਲਾਈ ਦਿੰਦਾ ਹੈ।

ਇੱਕ ਆਤਮਿਕ ਆਗੂ ਆਪਣੇ ਚੇਲ੍ਹਿਆਂ ਦੇ ਲਈ ਸੇਵਕਾਈ ਦਾ ਨਮੂਨਾ ਹੋਣਾ ਚਾਹੀਦਾ ਹੈ

ਚੇਲ੍ਹਿਆਂ ਦੇ ਪੈਰ ਧੋਣ ਤੋਂ ਬਾਅਦ, ਯਿਸੂ ਨੇ ਕਿਹਾ, “ਇਸ ਲਈ ਜੋ ਮੈਂ ਤੁਹਾਨੂੰ ਇੱਕ ਨਮੂਨਾ ਦੇ ਛੱਡਿਆ ਹੈ ਤਾਂ ਜੋ ਜਿਵੇਂ ਮੈਂ ਤੁਹਾਡੇ ਨਾਲ ਕੀਤਾ ਤੁਸੀਂ ਭੀ ਤਿਵੇਂ ਹੀ ਕਰੋ” (ਯੂਹੰਨਾ 13:15)। ਯਿਸੂ ਨੇ ਨਮੂਨਾ ਦੇ ਕੇ ਸਿਖਾਇਆ। ਉਹ ਜਾਣਦਾ ਸੀ ਕਿ ਇਹ ਕਹਿਣਾ ਕਾਫੀ ਨਹੀਂ ਹੈ ਕਿ “ਅਜਿਹਾ ਕਰੋ।” ਸਾਨੂੰ ਇਹ ਵਿਖਾਉਣਾ ਹੋਵੇਗਾ ਕਿ ਇਸਨੂੰ ਕਿਵੇਂ ਕਰਨਾ ਹੈ। ਯਿਸੂ ਨੇ ਖੁਦ ਕਰ ਕੇ ਵਿਖਾਉਣ ਤੋਂ ਬਿਨਾਂ ਆਪਣੇ ਚੇਲ੍ਹਿਆਂ ਨੂੰ ਕੁਝ ਵੀ ਕਰਨ ਦੇ ਲਈ ਨਹੀਂ ਕਿਹਾ।

ਚੇਲ੍ਹਿਆਂ ਨੇ ਯਿਸੂ ਨੂੰ ਪ੍ਰਾਥਨਾ ਕਰਦੇ ਹੋਏ ਵੇਖਿਆ ਅਤੇ ਕਿਹਾ, “ਪ੍ਰਭੂ ਸਾਨੂੰ ਪ੍ਰਾਥਨਾ ਕਰਨੀ ਸਿਖਾ” (ਲੂਕਾ 11:1)। ਯਿਸੂ ਨੇ ਸਿਰਫ਼ ਪ੍ਰਾਥਨਾ ਦੇ ਬਾਰੇ ਇੱਕ ਪਾਠ ਹੀ ਨਹੀਂ ਪੜਾਇਆ। ਉਸਨੇ ਪ੍ਰਾਥਨਾ ਕੀਤੀ। ਜਦੋਂ ਚੇਲ੍ਹਿਆਂ ਨੇ ਉਸਨੂੰ ਪ੍ਰਾਥਨਾ ਕਰਦੇ ਹੋਏ ਵੇਖਿਆ, ਤਾਂ ਉਹ ਖੁਦ ਪ੍ਰਾਥਨਾ ਬਾਰੇ ਸਿੱਖਣ ਲਈ ਉਤਾਵਲੇ ਹੋ ਗਏ। ਜਦੋਂ ਵਿਦਿਆਰਥੀ ਸਿੱਖਣ ਦੇ ਭੁੱਖ ਰੱਖਦੇ ਹਨ, ਤਦ ਉਹ ਵਧੀਆ ਸਿੱਖਦੇ ਹਨ!

ਚੇਲ੍ਹਿਆਂ ਨੇ ਯਿਸੂ ਨੂੰ ਪ੍ਰਚਾਰ ਦੇ ਦੌਰਾਨ ਵਚਨਾਂ ਦਾ ਉਪਯੋਗ ਕਰਦੇ ਹੋਏ ਸੁਣਿਆ। ਯਿਸੂ ਅਕਸਰ ਪੁਰਾਣੇ ਨੇਮ ਦੇ ਹਵਾਲੇ ਦਿੰਦਾ ਸੀ। ਉਸਨੇ ਬਾਈਬਲ ਦੇ ਪ੍ਰਚਾਰ ਦਾ ਨਮੂਨਾ ਦਿੱਤਾ। ਕੀ ਚੇਲ੍ਹਿਆਂ ਨੇ ਇਹ ਪਾਠ ਸਿੱਖਿਆ? ਜੀ ਬਿਲਕੁਲ! ਜਦੋਂ ਪਤਰਸ ਨੇ ਰਸੂਲਾਂ ਦੇ ਕਰਤੱਬ 2 ਦੇ ਵਿੱਚ ਪ੍ਰਚਾਰ ਕੀਤਾ ਤਾਂ ਉਸਨੇ ਯੋਏਲ, ਜ਼ਬੂਰ 2 ਅਤੇ ਜ਼ਬੂਰ 110 ਦੇ ਹਵਾਲੇ ਦਿੱਤੇ। ਪਤਰਸ ਨੇ ਆਪਣੇ ਪ੍ਰਚਾਰ ਨੂੰ ਪਵਿੱਤਰ ਵਚਨਾਂ ਤੇ ਆਧਾਰਿਤ ਕਰਨਾ ਯਿਸੂ ਤੋਂ ਹੀ ਸਿੱਖਿਆ ਸੀ। ਰਸੂਲਾਂ ਦੇ ਕਰਤੱਬ ਦੇ ਵਿੱਚ ਹਰੇਕ ਸੰਦੇਸ਼ ਪੁਰਾਣੇ ਨੇਮ ਦੇ ਹਵਾਲੇ ਦਿੰਦਾ ਹੈ।

ਪੌਲੁਸ ਨੇ ਇਸੇ ਹੀ ਵਿਧੀ ਨੂੰ ਅਪਣਾਇਆ। ਉਸਨੇ ਬਾਰ-ਬਾਰ ਲਿਖਿਆ, “ਤੁਸੀਂ ਮੇਰੇ ਨਮੂਨੇ ਨੂੰ ਵੇਖਿਆ ਹੈ। ਮੇਰੀ ਰੀਸ ਕਰੋ।”[2] ਪੌਲੁਸ ਨੇ ਉਦਾਹਰਨ ਬਣ ਕੇ ਸਿਖਾਇਆ। ਤੀਤੁਸ ਅਤੇ ਤਿਮੋਥਿਉਸ ਜਿਹੇ ਚੇਲ੍ਹਿਆਂ ਨੇ ਆਤਮਿਕ ਆਗੂ ਪੌਲੁਸ ਦੇ ਨਮੂਨੇ ਤੋਂ ਸਿੱਖਿਆ।

ਅੱਜ ਅਸੀਂ ਜਿੰਨ੍ਹਾਂ ਨੂੰ ਸਿਖਲਾਈ ਦਿੰਦੇ ਹਾਂ, ਉਨ੍ਹਾਂ ਦੇ ਲਈ ਉਦਾਹਰਨ ਬਣਨਾ ਚਾਹੀਦਾ ਹੈ। ਉਹ ਸਾਡੀਆਂ ਸਫਲਤਾਵਾਂ ਅਤੇ ਅਸਫਲਤਾਵਾਂ ਨੂੰ ਵੇਖਦੇ ਹਨ। ਸਭ ਤੋਂ ਵੱਧ ਉਹ ਸਾਡੇ ਚਰਿੱਤਰ ਨੂੰ ਵੇਖਦੇ ਹਨ ਜਦੋਂ ਅਸੀਂ ਆਪਣੀਆਂ ਗ਼ਲਤੀਆਂ ਨੂੰ ਮੰਨਦੇ ਹਾਂ ਅਤੇ ਸਿੱਖਦੇ ਹਾਂ। ਚੇਲ੍ਹੇ ਸਾਡੀ ਉਦਾਹਰਨ ਨੂੰ ਵੇਖ ਕੇ ਸੇਵਕਾਈ ਦੀ ਅਸਲੀਅਤ ਬਾਰੇ ਸਿੱਖਦੇ ਹਨ।

ਇੱਕ ਆਤਮਿਕ ਆਗੂ ਚੇਲ੍ਹਿਆਂ ਨੂੰ ਜਿੰਮੇਵਾਰੀ ਵੰਡਦਾ ਹੈ

► ਪੜ੍ਹੋ ਮੱਤੀ 10:5-11:1.

ਸ਼ੁਰੂਆਤ ਤੋਂ ਹੀ ਯਿਸੂ ਦਾ ਉਦੇਸ਼ ਚੇਲ੍ਹਿਆਂ ਨੂੰ ਸੇਵਕਾਈ ਦੇ ਲਈ ਤਿਆਰ ਕਰਨਾ ਸੀ। ਉਸਨੇ ਉਨ੍ਹਾਂ ਨੂੰ ਆਪਣੇ ਪਿੱਛੇ ਚੱਲਣ ਲਈ ਬੁਲਾਇਆ, ਤਾਂ ਕਿ ਉਹ ਉਨ੍ਹਾਂ ਨੂੰ ਮਨੁੱਖਾਂ ਦੇ ਫੜਣ ਵਾਲੇ ਬਣਾ ਸਕੇ (ਮੱਤੀ 4:19)।

ਯਿਸੂ ਦੇ ਨਾਲ ਉਨ੍ਹਾਂ ਦੇ ਪਹਿਲੇ ਸਾਲ ਵਿੱਚ ਉਨ੍ਹਾਂ ਨੇ ਜਿਆਦਾਤਰ ਯਿਸੂ ਦੀ ਸੇਵਕਾਈ ਨੂੰ ਵੇਖਿਆ। ਉਨ੍ਹਾਂ ਨੇ ਉਸਦੀ ਉਦਾਹਰਨ ਤੋਂ ਸਿੱਖਿਆ। ਜਦੋਂ ਉਨ੍ਹਾਂ ਨੇ ਚੰਗੀ ਤਰ੍ਹਾਂ ਵੇਖ ਅਤੇ ਸਿੱਖ ਲਿਆ ਫਿਰ ਯਿਸੂ ਨੇ ਉਨ੍ਹਾਂ ਨੂੰ ਸੇਵਕਾਈ ਦੇ ਲਈ ਭੇਜਿਆ। ਮੱਤੀ 10 ਵਿਖਾਉਂਦਾ ਹੈ ਕਿ ਯਿਸੂ ਨੇ ਆਪਣੇ ਚੇਲ੍ਹਿਆਂ ਨੂੰ ਜਿੰਮੇਵਾਰੀਆਂ ਸੌਂਪੀਆਂ।

ਉਸਨੇ ਉਨ੍ਹਾਂ ਨੂੰ ਅਧਿਕਾਰ ਦਿੱਤਾ (ਮੱਤੀ 10:1)।

ਬਾਹਰ ਘੱਲਣ ਤੋਂ ਪਹਿਲਾਂ, ਯਿਸੂ ਨੇ ਚੇਲ੍ਹਿਆਂ ਨੂੰ ਆਪਣੇ ਸੌਂਪੇ ਹੋਏ ਮਿਸ਼ਨ ਨੂੰ ਕਰਨ ਦੇ ਲਈ ਅਧਿਕਾਰ ਦਿੱਤਾ। ਕਈ ਵਾਰ ਆਗੂ ਆਪਣੇ ਸਹਾਇਕਾਂ ਨੂੰ ਅਧਿਕਾਰ ਦੇਣ ਤੋਂ ਡਰਦੇ ਹਨ। ਪਰ, ਅਧਿਕਾਰ ਤੋਂ ਬਿਨਾਂ ਜਿੰਮੇਵਾਰੀ ਦੇਣਾ ਉਨ੍ਹਾਂ ਨੂੰ ਅਯੋਗ ਬਣਾਉਂਦਾ ਹੈ ਜਿੰਨ੍ਹਾਂ ਨੂੰ ਤੁਸੀਂ ਸਿਖਲਾਈ ਦੇ ਰਹੇ ਹੋ। ਸਾਨੂੰ ਆਪਣੇ ਸਹਾਇਕਾਂ ਨੂੰ ਉਸ ਸਮੇਂ ਤੱਕ ਜਿੰਮੇਵਾਰੀ ਨਹੀਂ ਦੇਣੀ ਚਾਹੀਦੀ ਜਦੋਂ ਤੱਕ ਅਸੀਂ ਉਨ੍ਹਾਂ ਨੂੰ ਉਸ ਜਿੰਮੇਵਾਰੀ ਦੇ ਲਈ ਅਧਿਕਾਰ ਨਹੀਂ ਦਿੱਤਾ ਹੈ।

ਉਸਨੇ ਉਨ੍ਹਾਂ ਨੂੰ ਸਪੱਸ਼ਟ ਹਦਾਇਤਾਂ ਦਿੱਤੀਆਂ (ਮੱਤੀ 10:5-42)

ਯਿਸੂ ਨੇ ਆਪਣੇ ਚੇਲ੍ਹਿਆਂ ਨੂੰ ਇੱਕ ਸਪੱਸ਼ਟ ਸੰਦੇਸ਼ ਦਿੱਤਾ: ਰਾਜ ਦਾ ਪ੍ਰਚਾਰ ਕਰੋ। ਉਨ੍ਹਾਂ ਦਾ ਕੰਮ ਸਪੱਸ਼ਟ ਸੀ। ਉਹ ਜਾਣਦੇ ਸਨ ਕਿ ਯਿਸੂ ਉਨ੍ਹਾਂ ਤੋਂ ਕੀ ਉਮੀਦ ਕਰਦਾ ਹੈ।

ਯਿਸੂ ਨੇ ਆਪਣੇ ਚੇਲ੍ਹਿਆਂ ਨੂੰ ਦੱਸਿਆ ਕਿ ਉਨ੍ਹਾਂ ਨੂੰ ਕਿੱਥੇ ਸੇਵਕਾਈ ਕਰਨੀ ਚਾਹੀਦੀ ਹੈ: ਇਸਰਾਏਲ ਦੀਆਂ ਗੁਆਚੀਆਂ ਹੋਈਆਂ ਭੇਡਾਂ ਦੇ ਵਿੱਚਕਾਰ। ਬਾਅਦ ਦੇ ਵਿੱਚ, ਰਸੂਲਾਂ ਨੇ ਪਰਾਈਆਂ ਕੌਮਾਂ ਦੇ ਵਿੱਚ ਵੀ ਪ੍ਰਚਾਰ ਕੀਤਾ, ਪਰ ਜਦੋਂ ਉਹ ਸੇਵਕਾਈ ਕਰਨੀ ਸਿੱਖ ਰਹੇ ਸਨ, ਯਿਸੂ ਨੇ ਉਨ੍ਹਾਂ ਨੂੰ ਘਰ ਦੇ ਨੇੜੇ ਤੋਂ ਅਰੰਭ ਕਰਨ ਦੇ ਲਈ ਕਿਹਾ। ਸਾਨੂੰ ਉਹ ਹਰੇਕ ਸੰਭਵ ਕੰਮ ਕਰਨਾ ਚਾਹੀਦਾ ਹੈ ਜਿਸ ਨਾਲ ਸਾਡੇ ਵਿਦਿਆਰਥੀਆਂ ਦੀ ਸਫਲ ਹੋਣ ਵਿੱਚ ਸਹਾਇਤਾ ਕੀਤੀ ਜਾ ਸਕੇ। ਅਜਿਹੇ ਟੀਚੇ ਦੇ ਨਾਲ ਸ਼ੁਰੂ ਕਰੋ ਜਿਸਨੂੰ ਪੂਰਾ ਕਰਨਾ ਆਸਾਨ ਹੋਵੇ। ਯਿਸੂ ਨੇ ਉਨ੍ਹਾਂ ਦੇ ਲਈ ਵਾਜਿਬ ਟੀਚੇ ਨਿਰਧਾਰਿਤ ਕੀਤੇ।

ਯਿਸੂ ਨੇ ਆਪਣੇ ਚੇਲ੍ਹਿਆਂ ਨੂੰ ਸਤਾਅ ਦੇ ਬਾਰੇ ਹਦਾਇਤਾਂ ਦਿੱਤੀਆਂ। ਸਤਾਅ ਇਸ ਲਈ ਨਹੀਂ ਆਏਗਾ ਕਿਉਂਕਿ ਚੇਲ੍ਹੇ ਸੇਵਕਾਈ ਦੇ ਵਿੱਚ ਅਸਫਲ ਹੋ ਗਏ ਹਨ, ਪਰ ਇਹ ਇਸ ਲਈ ਹੋਵੇਗਾ ਕਿਉਂਕਿ ਯਿਸੂ ਦੀ ਆਗਿਆਕਾਰੀ ਕਰਨ ਦੀ ਬੁਲਾਹਟ ਉਨ੍ਹਾਂ ਦੇ ਵਿੱਚ ਅਤੇ ਉਸਦਾ ਇਨਕਾਰ ਕਰਨ ਵਾਲਿਆਂ ਦੇ ਵਿੱਚਕਾਰ ਇੱਕ ਫੁੱਟ ਪਾ ਦਿੰਦੀ ਹੈ।

ਉਸਨੇ ਉਨ੍ਹਾਂ ਨੂੰ ਟੀਮਾਂ ਦੇ ਵਿੱਚ ਭੇਜਿਆ (ਮਰਕੁਸ 6:7)।

ਯਿਸੂ ਨੇ ਸੇਵਕਾਈ ਦੇ ਵਿੱਚ ਟੀਮਾਂ ਦੇ ਮਹੱਤਵ ਬਾਰੇ ਵਿਖਾਇਆ। ਉਸਨੇ ਚੇਲ੍ਹਿਆਂ ਨੂੰ ਦੋ-ਦੋ ਦੀਆਂ ਟੀਮਾਂ ਦੇ ਵਿੱਚ ਘੱਲਿਆ। ਕੁਝ ਮਹੀਨਿਆਂ ਦੇ ਬਾਅਦ, ਯਿਸੂ ਨੇ ਆਪਣੇ 72 ਪੈਰੋਕਾਰਾਂ ਨੂੰ ਦੋ-ਦੋ ਦੀਆਂ ਟੀਮਾਂ ਬਣਾ ਕੇ ਭੇਜਿਆ (ਲੂਕਾ 10:1)। ਇਹ ਅਰੰਭਿਕ ਕਲੀਸਿਆ ਦੀ ਸੇਵਕਾਈ ਦੇ ਲਈ ਇੱਕ ਨਮੂਨਾ ਬਣ ਗਿਆ ਸੀ। ਪਤਰਸ ਅਤੇ ਯੂਹੰਨਾ ਨੇ ਇਕੱਠਿਆਂ ਸੇਵਕਾਈ ਕੀਤੀ। ਬਰਨਾਬਾਸ ਅਤੇ ਸੌਲੁਸ ਨੇ ਇਕੱਠਿਆਂ ਯਾਤਰਾ ਕੀਤੀ। ਪੌਲੁਸ ਅਤੇ ਸੀਲਾਸ ਨੇ ਇਕੱਠਿਆਂ ਸੇਵਕਾਈ ਕੀਤੀ।

ਇੱਕ ਆਤਮਿਕ ਆਗੂ ਨੂੰ ਆਪਣੇ ਚੇਲ੍ਹਿਆਂ ਦੀ ਨਿਗਰਾਨੀ ਕਰਨੀ ਚਾਹੀਦੀ ਹੈ

ਚੇਲ੍ਹਿਆਂ ਦੇ ਸੇਵਕਾਈ ਤੋਂ ਵਾਪਿਸ ਆਉਣ ਦੇ ਬਾਅਦ, ਉਨ੍ਹਾਂ ਨੇ ਯਿਸੂ ਨੂੰ ਜਾਣਕਾਰੀ ਦਿੱਤੀ (ਮਰਕੁਸ 6:30)। ਕੀਤੇ ਹੋਏ ਕੰਮ ਦੀ ਜਾਣਕਾਰੀ ਲੈਣਾ ਯਿਸੂ ਦੁਆਰਾ ਚੇਲ੍ਹਿਆਂ ਨੂੰ ਸਿਖਲਾਈ ਦੇਣ ਦਾ ਮਹੱਤਵਪੂਰਨ ਹਿੱਸਾ ਸੀ। ਸਿਰਫ਼ ਜਿੰਮੇਵਾਰੀ ਵੰਡ ਕੇ ਸੌਂਪ ਦੇਣਾ ਹੀ ਕਾਫੀ ਨਹੀਂ ਹੈ; ਇੱਕ ਪ੍ਰਭਾਵਸ਼ਾਲੀ ਆਗੂ ਆਪਣੇ ਚੇਲ੍ਹੇ ਦੇ ਕੰਮ ਦਾ ਮੁਲਾਂਕਣ ਵੀ ਕਰਦਾ ਹੈ। ਬਿਨਾਂ ਮੁਲਾਕਣ ਦੇ ਜਿੰਮੇਵਾਈ ਸੌਂਪਣ ਦੇ ਨਾਲ ਚੰਗਾ ਨਤੀਜਾ ਨਹੀਂ ਆਉਂਦਾ ਹੈ।

► ਪੜ੍ਹੋ ਮੱਤੀ 17:14-21

ਹੋਵਾਰਡ ਹੈਂਡ੍ਰਿਕ ਨੇ ਸਿਖਾਇਆ ਕਿ ਅਸਫਲ ਹੋਣਾ ਸਿੱਖਣ ਦੀ ਪ੍ਰਕਿਰਿਆ ਦਾ ਇੱਕ ਮਹੱਤਵਪੂਰਨ ਹਿੱਸਾ ਹੈ। ਚੇਲ੍ਹਿਆਂ ਨੇ ਪੁੱਛਿਆ, “ਅਸੀਂ ਇਸ ਮੁੰਡੇ ਵਿੱਚੋਂ ਦੁਸ਼ਟ-ਆਤਮਾ ਬਾਹਰ ਕਿਉਂ ਨਹੀਂ ਕੱਢ ਸਕੇ?” ਯਿਸੂ ਨੇ ਉਨ੍ਹਾਂ ਨੂੰ ਵਿਸ਼ਵਾਸ ਦੇ ਸਿਖਾਉਂਦੇ ਹੋਏ ਉੱਤਰ ਦਿੱਤਾ। ਸੇਵਕਾਈ ਦੇ ਅਰੰਭਿਕ ਪੜਾਅ ਵਿੱਚ ਅਸਫਲ ਹੋਣਾ ਯਿਸੂ ਦੇ ਸਵਰਗ ਤੇ ਚਲੇ ਜਾਣ ਤੋਂ ਬਾਅਦ ਅਸਫਲ ਹੋਣ ਨਾਲੋਂ ਜਿਆਦਾ ਬਿਹਤਰ ਸੀ!

ਪ੍ਰਭਾਵਸ਼ਾਲੀ ਨਿਗਰਾਨੀ ਦੇ ਵਿੱਚ ਮੁਲਾਂਕਣ ਸ਼ਾਮਿਲ ਹੈ। ਜਦੋਂ ਕੋਈ ਚੇਲ੍ਹਾ ਕਿਸੇ ਕੰਮ ਨੂੰ ਕਰਨ ਵਿੱਚ ਅਸਫਲ ਹੋ ਜਾਂਦਾ ਹੈ ਤਾਂ ਉਸਨੂੰ ਟੀਮ ਵਿੱਚੋਂ ਬਾਹਰ ਨਹੀਂ ਕੱਢਿਆ ਜਾਂਦਾ। ਇਸਦੀ ਬਜਾਏ, ਸਾਨੂੰ ਅਸਫਲਤਾ ਦੇ ਕਾਰਨ ਦਾ ਮੁਲਾਂਕਣ ਕਰਨਾ ਚਾਹੀਦਾ ਹੈ ਅਤੇ ਭਵਿੱਖ ਦੇ ਸੁਧਾਰ ਦੇ ਲਈ ਯੋਜਨਾ ਬਣਾਉਣੀ ਚਾਹੀਦੀ ਹੈ।

ਯਿਸੂ ਲੂਕਾ 9 ਵਿੱਚ ਇਹ ਨਮੂਨਾ ਵਿਖਾਉਂਦਾ ਹੈ:

• 9:1-6 ਵਿੱਚ ਯਿਸੂ ਨੇ ਬਾਰ੍ਹਾਂ ਚੇਲ੍ਹਿਆਂ ਨੂੰ ਘੱਲਿਆ।

• 9:10 ਵਿੱਚ, ਉਨ੍ਹਾਂ ਨੇ ਆਪਣੀ ਯਾਤਰਾ ਦੀ ਜਾਣਕਾਰੀ ਦਿੱਤੀ।

• 9:37-43 ਵਿੱਚ, ਚੇਲ੍ਹੇ ਇੱਕ ਦੁਸ਼ਟ ਆਤਮਾ ਨੂੰ ਨਹੀਂ ਕੱਢ ਸਕੇ।

• 9:46-48 ਵਿੱਚ ਯਿਸੂ ਨੇ ਉਨ੍ਹਾਂ ਨੂੰ ਪਰਮੇਸ਼ੁਰ ਦੇ ਰਾਜ ਦੀ ਮਹਾਨਤਾ ਦੇ ਬਾਰੇ ਸਿਖਾਇਆ।

• 9:49-50 ਦੇ ਵਿੱਚ ਯਿਸੂ ਨੇ ਯੂਹੰਨਾ ਨੂੰ ਸੇਵਕਾਈ ਪ੍ਰਤੀ ਇੱਕ ਬੁਰਾ ਫੈਸਲਾ ਲੈਣ ਦੇ ਕਾਰਨ ਝਿੜਕਿਆ।

• 9:52 ਵਿੱਚ ਯਿਸੂ ਨੇ ਆਪਣੇ ਚੇਲ੍ਹਿਆਂ ਨੂੰ ਸਾਮਰਿਯਾ ਦੇ ਵਿੱਚ ਇੱਕ ਯਾਤਰਾ ਦੀ ਤਿਆਰੀ ਕਰਨ ਦੇ ਲਈ ਭੇਜਿਆ।

• 9:54-55 ਵਿੱਚ ਯਿਸੂ ਨੇ ਯਾਕੂਬ ਅਤੇ ਯੂਹੰਨਾ ਨੂੰ ਸੇਵਕਾਈ ਦੇ ਇੱਕ ਹੋਰ ਬੁਰੇ ਫੈਸਲੇ ਦੇ ਲਈ ਝਿੜਕਿਆ।

• 10:1 ਵਿੱਚ ਯਿਸੂ ਨੇ ਇੱਕ ਵੱਡੇ ਸਮੂਹ ਨੂੰ ਸੇਵਕਾਈ ਕਰਨ ਦੇ ਲਈ ਭੇਜਿਆ।

ਯਿਸੂ ਨੇ ਸਿੱਖਿਆ, ਜਿੰਮੇਵਾਰੀ ਸੌਂਪਣ, ਅਤੇ ਮੁਲਾਂਕਣ ਦੇ ਵਿੱਚ ਫੇਰ ਬਦਲ ਨੂੰ ਉਪਯੋਗ ਕੀਤਾ। ਉਹ ਚੇਲ੍ਹਿਆਂ ਤੋਂ ਅੱਕਿਆ ਨਹੀਂ, ਜਦੋਂ ਉਹ ਅਸਫਲ ਹੋ ਗਏ ਤਦ ਵੀ ਨਹੀਂ। ਇਸਦੀ ਬਜਾਏ, ਉਸਨੇ ਅਸਫਲਤਾ ਦਾ ਇਸਤੇਮਾਲ ਇੱਕ ਸਿਖਾਉਣ ਦੇ ਮੌਕੇ ਵੱਜੋਂ ਕੀਤਾ।

ਬਾਅਦ ਦੇ ਵਿੱਚ ਪੌਲੁਸ ਨੇ ਇਹੀ ਨਮੂਨੇ ਨੂੰ ਅਪਣਾਇਆ। ਉਸਨੇ ਕਰੇਤ ਦੇ ਵਿੱਚ ਕਲੀਸਿਆ ਦੀ ਅਗਵਾਈ ਕਰਨ ਦੇ ਲਈ ਤੀਤੁਸ ਨੂੰ ਨਿਯੁਕਤ ਕੀਤਾ, ਅਤੇ ਅਫ਼ਸੁਸ ਦੇ ਵਿੱਚ ਤਿਮੋਥਿਉਸ ਨੂੰ ਠਹਿਰਾਇਆ। ਫਿਰ ਉਸਨੇ ਉਨ੍ਹਾਂ ਨੂੰ ਅੱਗੇ ਦੀ ਸਿਖਲਾਈ ਦੇਣ ਦੇ ਲਈ ਪੱਤ੍ਰੀਆਂ ਲਿਖੀਆਂ। ਪਹਿਲਮੀ ਮਿਸ਼ਨਰੀ ਯਾਤਰਾ ਦੇ ਦੌਰਾਨ ਕਲੀਸਿਆਵਾਂ ਨੂੰ ਅਰੰਭ ਕਰਨ ਤੋਂ ਬਾਅਦ, ਪੌਲੁਸ ਆਪਣੀ ਦੂਸਰੀ ਮਿਸ਼ਨਰੀ ਯਾਤਰਾ ਤੇ ਕਲੀਸਿਆਵਾਂ ਦੀ ਨਿਗਰਾਨੀ ਕਰਨ ਦੇ ਲਈ ਵਾਪਸੀ ਕੀਤੀ (ਰਸੂਲਾਂ ਦੇ ਕਰਤੱਬ 15:36)।

ਸਿਖਲਾਈ ਦੇ ਲਈ ਇਹ ਵਿਧੀ ਅੱਜ ਵੀ ਪ੍ਰਭਾਵਸ਼ਾਲੀ ਹੈ। ਬਹੁਤ ਸਾਰੇ ਆਗੂ ਨਵੇਂ ਸੇਵਕਾਂ ਨੂੰ ਕਿਸੇ ਵੀ ਨਿਗਰਾਨੀ ਅਤੇ ਜੁਆਬਦੇਹੀ ਤੋਂ ਬਿਨਾਂ ਘੱਲ ਦਿੰਦੇ ਹਨ-ਅਤੇ ਜਦੋਂ ਉਹ ਅਸਫਲ ਹੋ ਜਾਂਦੇ ਹਨ ਤਾਂ ਫਿਰ ਹੈਰਾਨ ਹੁੰਦੇ ਹਨ। ਸਾਨੂੰ ਇਸ ਪ੍ਰਕਾਰ ਨਹੀਂ ਸੋਚਣਾ ਚਾਹੀਦਾ, “ਮੈਂ ਇਹ ਪਾਠ ਸਿਖਾ ਦਿੱਤਾ ਹੈ, ਇਸ ਲਈ ਉਹ ਇਸਨੂੰ ਸਹੀ ਹੀ ਕਰਨਗੇ।” ਇਸਦੀ ਬਜਾਏ ਨਿਗਰਾਨੀ ਇੱਕ ਲਗਾਤਾਰ ਚੱਲਣ ਵਾਲੀ ਪ੍ਰਕਿਰਿਆ ਹੈ। ਜੇਕਰ ਤੁਸੀਂ ਆਗੂਆਂ ਨੂੰ ਸਿਖਲਾਈ ਦੇਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਨਿਗਰਾਨੀ ਦੇ ਵਿੱਚ ਜਰੂਰ ਸਮਾਂ ਬਿਤਾਉਣਾ ਚਾਹੀਦਾ ਹੈ।

ਹੋਵਾਰਡ ਹੈਂਡ੍ਰਿਕ ਨਵੇਂ ਆਗੂਆਂ ਦੀ ਸਿਖਲਾਈ ਦੇ ਚਾਰ ਪੜਾਵਾਂ ਦੀ ਸੂਚੀ ਦਿੰਦਾ ਹੈ:

1. ਦੱਸਣਾ: ਸਮੱਗਰੀ ਨੂੰ ਸਿਖਾਉਣਾ। ਯਿਸੂ ਨੇ ਆਪਣੇ ਚੇਲ੍ਹਿਆਂ ਦੇ ਲਈ ਰਾਜ ਦੇ ਸੰਦੇਸ਼ ਦਾ ਪ੍ਰਚਾਰ ਕੀਤਾ।

2. ਵਿਖਾਉਣਾ: ਸੇਵਕਾਈ ਦੇ ਲਈ ਨਮੂਨਾ ਪ੍ਰਦਾਨ ਕਰਨਾ। ਯਿਸੂ ਨੇ ਚੇਲ੍ਹਿਆਂ ਨੂੰ ਸੇਵਕਾਈ ਕਰਕੇ ਵਿਖਾਈ।

3. ਅਭਿਆਸ ਕਰਨਾ: ਸਿੱਧੀ ਨਿਗਰਾਨੀ ਦੇ ਅਧੀਨ ਸੇਵਕਾਈ। ਯਿਸੂ ਨੇ ਚੇਲ੍ਹਿਆਂ ਨੂੰ ਸੇਵਕਾਈ ਕਰਨ ਦੇ ਲਈ ਭੇਜਿਆ ਅਤੇ ਉਨ੍ਹਾਂ ਨੇ ਅਨੁਭਵ ਦਾ ਮੁਲਾਂਕਣ ਕੀਤਾ।

4. ਕਰਨਾ: ਸਿੱਧੀ ਨਿਗਰਾਨੀ ਤੋਂ ਬਿਨਾਂ ਸੇਵਕਾਈ। ਪੰਤੇਕੁਸਤ ਤੋਂ ਬਾਅਦ, ਚੇਲ੍ਹਿਆਂ ਨੇ ਯਿਸੂ ਦੀ ਨਿਗਰਾਨੀ ਤੋਂ ਬਿਨਾਂ ਸੇਵਕਾਈ ਕੀਤੀ।

► ਤੁਸੀਂ ਚੇਲ੍ਹਿਆਂ ਨੂੰ ਆਗੂਪੁਣੇ ਦੇ ਵਿੱਚ ਸਿਖਾਉਣ ਦੇ ਲਈ ਕੀ ਕਰ ਰਹੇ ਹੋ? ਜਿੰਨਾਂ ਪੜਾਵਾਂ ਦਾ ਅਸੀਂ ਅਧਿਐਨ ਕੀਤਾ ਹੈ ਉਨ੍ਹਾਂ ਦੇ ਵਿੱਚੋਂ ਕਿਹੜੇ ਅਸੀਂ ਪ੍ਰਭਾਵਸ਼ਾਲੀ ਢੰਗ ਦੇ ਨਾਲ ਕਰਦੇ ਹਾਂ? ਕਿਹੜੇ ਪੜਾਵਾਂ ਦੇ ਵਿੱਚ ਸੁਧਾਰ ਦੀ ਜਰੂਰਤ ਹੈ? ਇੱਕ ਸਮੂਹ ਦੇ ਰੂਪ ਵਿੱਚ, ਚਰਚਾ ਕਰੋ ਕਿ ਤੁਸੀਂ ਭਵਿੱਖ ਦੇ ਆਗੂਆਂ ਦੀ ਅਗਵਾਈ ਕਰਨ ਦੇ ਵਿੱਚ ਹੋਰ ਜਿਆਦਾ ਪ੍ਰਭਾਵਸ਼ਾਲੀ ਕਿਵੇਂ ਹੋ ਸਕਦੇ ਹੋ। ਇਹ ਚਰਚਾ ਉਸ ਸਮੇਂ ਤੱਕ ਚੱਲਦੀ ਰਹਿਣੀ ਚਾਹੀਦੀ ਹੈ ਜਦੋਂ ਤੱਕ ਤੁਹਾਡੇ ਕੋਲ ਆਪਣੀ ਸੇਵਕਾਈ ਦੇ ਵਿੱਚ ਆਗੂਆਂ ਨੂੰ ਵਿਕਸਿਤ ਕਰਨ ਦੇ ਲਈ ਯੋਜਨਾ ਨਾ ਹੋਵੇਗੀ।

ਸਾਡੇ ਚੇਲ੍ਹਿਆਂ ਦੇ ਦੁਆਰਾ ਨਵੇਂ ਚੇਲ੍ਹੇ ਬਣਾਏ ਜਾਣੇ ਚਾਹੀਦੇ ਹਨ

ਯਿਸੂ ਨੇ ਆਪਣੇ ਚੇਲ੍ਹਿਆਂ ਨੂੰ ਕਿਹਾ, “ਤੁਸਾਂ ਮੈਨੂੰ ਨਹੀਂ ਚੁਣਿਆ ਪਰ ਮੈਂ ਤੁਹਾਨੂੰ ਚੁਣਿਆ ਅਤੇ ਤੁਹਾਨੂੰ ਠਹਿਰਾਇਆ ਸੀ ਜੋ ਤੁਸੀਂ ਜਾ ਕੇ ਫਲਦਾਰ ਹੋਵੋ ਅਤੇ ਤੁਹਾਡਾ ਫਲ ਕਾਇਮ ਰਹੇ...” (ਯੂਹੰਨਾ 15:16)। ਯਿਸੂ ਨੇ ਆਪਣੇ ਚੇਲ੍ਹਿਆਂ ਨੂੰ ਹੋਰ ਜਿਆਦਾ ਚੇਲ੍ਹੇ ਬਣਾਉਣ ਦੀ ਸਿਖਲਾਈ ਦਿੱਤੀ। ।

► ਪੜ੍ਹੋ ਮੱਤੀ 13:31-32

ਪਰਮੇਸ਼ੁਰ ਦੇ ਰਾਜ ਬਾਰੇ ਯਿਸੂ ਦਾ ਰਾਈ ਦੇ ਬੀਜ ਦਾ ਦ੍ਰਿਸ਼ਟਾਂਤ ਦੱਸਦਾ ਹੈ ਕਿ ਕਿਵੇਂ ਇਹ ਰਾਜ ਇਸਦੇ ਮੁੱਢਲੇ ਰੂਪ ਨਾਲੋਂ ਕਿਵੇਂ ਬਹੁਤ ਜਿਆਦਾ ਵੱਧ ਜਾਂਦੀ ਹੈ। ਜਿਵੇਂ ਇੱਕ ਰਾਈ ਦਾ ਛੋਟਾ ਜਿਹਾ ਬੀਜ ਉਮੀਦ ਨਾਲੋਂ ਵੀ ਵੱਡੇ ਆਕਾਰ ਦਾ ਬਣ ਗਿਆ, ਇਸੇ ਪ੍ਰਕਾਰ ਕਲੀਸਿਆ ਉਮੀਦ ਨਾਲੋਂ ਵੀ ਜਿਆਦਾ ਵੱਡੇ ਆਕਾਰ ਦੇ ਵੱਧ ਜਾਵੇਗੀ। ਪੁਰਾਣੇ ਨੇਮ ਦੇ ਵਿੱਚ, ਜਿੱਥੇ ਪੰਛੀ ਕਿਸੇ ਰੁੱਖ ਤੇ ਟਿਕਾਣਾ ਬਣਾਉਂਦੇ ਹਨ ਤਾਂ ਇੱਕ ਅਜਿਹੇ ਰਾਜ ਨੂੰ ਦਰਸਾਉਂਦਾ ਹੈ ਜਿਸਦੇ ਵਿੱਚ ਬਹੁਤ ਸਾਰੇ ਦੇਸ਼ ਸ਼ਾਮਿਲ ਹਨ (ਦਾਨੀਏਲ 4:12 ਅਤੇ ਹਿਜ਼ਕੀਏਲ 31:6)। ਯਿਸੂ ਨੇ ਵਾਇਦਾ ਕੀਤਾ ਕਿ ਜਿਵੇਂ ਹੀ ਨਵੇਂ ਚੇਲ੍ਹੇ ਬਣਦੇ ਜਾਣਗੇ, ਉਸੇ ਪ੍ਰਕਾਰ ਕਲੀਸਿਆ ਆਪਣੇ ਮੁੱਢਲੇ ਆਕਾਰ ਨਾਲੋਂ ਬਹੁਤ ਵੱਡਾ ਹੋ ਜਾਵੇਗਾ ਅਤੇ ਉਹ ਬਹੁਤ ਸਾਰੇ ਦੇਸ਼ਾਂ ਤੱਕ ਪਹੁੰਚ ਜਾਵੇਗਾ।

ਡਾ.ਰੋਬਰਟ ਕੌਲਮੈਨ ਨੇ ਲਿਖਿਆ ਕਿ ਸੇਵਕਾਈ ਦਾ ਮੁੱਖ ਮੁਲਾਂਕਣ ਉਸਦੇ ਵਾਧੇ ਦੇ ਦੁਆਰਾ ਹੁੰਦਾ ਹੈ। “ਇੱਥੇ ਅੰਤ ਦੇ ਵਿੱਚ ਸਾਨੂੰ ਸਭ ਨੂੰ ਮੁਲਾਂਕਣ ਕਰਨਾ ਚਾਹੀਦਾ ਹੈ ਕਿ ਸਾਡੇ ਜੀਵਨਾਂ ਦਾ ਵਿਕਾਸ ਕਿਵੇਂ ਚੱਲ ਰਿਹਾ ਹੈ। ਜੋ ਵਿਅਕਤੀ ਸਾਨੂੰ ਸੌਂਪੇ ਗਏ ਹਨ ਕਿ ਉਹ ਮਹਾਨ ਆਗਿਆ ਦੇ ਦਰਸ਼ਨ ਨੂੰ ਸਮਝ ਸਕਣਗੇ, ਅਤੇ ਕਿ ਉਹ ਇਸਨੂੰ ਹੋਰਨਾਂ ਵਿਸ਼ਵਾਸਯੋਗ ਮਨੁੱਖਾਂ ਨੂੰ ਸੌਂਪਣਗੇ ਜੋ ਦੂਸਰਿਆਂ ਨੂੰ ਵੀ ਸਿਖਾਉਣ ਦੇ ਯੋਗ ਹੋਣ? ਉਹ ਸਮਾਂ ਬਹੁਤ ਜਲਦੀ ਆ ਜਾਵੇਗੀ ਜਦੋਂ ਸਾਡੇ ਸੇਵਕਾਈ ਉਨ੍ਹਾਂ ਦੇ ਹੀ ਹੱਥਾਂ ਵਿੱਚ ਹੋਵੇਗੀ।”[3]

ਯਿਸੂ ਦੀ ਮਹਾਂ-ਜਾਜਕਾਈ ਵਾਲੀ ਪ੍ਰਾਥਨਾ ਦਾ ਵਿਚਕਾਰਲਾ ਹਿੱਸਾ ਉਸਦੇ ਚੇਲ੍ਹਿਆਂ ਤੇ ਕੇਂਦਰਿਤ ਹੈ (ਯੂਹੰਨਾ 17:6-19)। ਇਹ ਪ੍ਰਾਥਨਾ ਯਿਸੂ ਦੇ ਦੁਆਰਾ ਉਸਦੇ ਚੇਲ੍ਹਿਆਂ ਦੀ ਅਗਵਾਈ ਕਰਨ ਦੇ ਬਾਰੇ ਬਹੁਤ ਕੀਮਤੀ ਸਬਕਾਂ ਨੂੰ ਸਿਖਾਉਂਦੀ ਹੈ।[1]

(1) ਪਹਿਲਾ, ਅਸੀਂ ਜਿੰਨ੍ਹਾਂ ਦੀ ਅਗਵਾਈ ਕਰਦੇ ਹਾਂ ਉਨ੍ਹਾਂ ਦੀ ਸੁਰੱਖਿਆ ਕਰਦੇ ਹਾਂ

ਯਿਸੂ ਨੇ ਪ੍ਰਾਥਨਾ ਕੀਤੀ, “ਜਦੋਂ ਮੈਂ ਉਨ੍ਹਾਂ ਦੇ ਨਾਲ ਸੀ, ਮੈਂ ਉਨ੍ਹਾਂ ਦੀ ਰੱਖਿਆ ਕੀਤੀ।” ਇੰਜੀਲਾਂ ਦੇ ਵਿੱਚ ਯਿਸੂ ਨੇ 20 ਤੋਂ ਵੀ ਵੱਧ ਵਾਰ ਆਪਣੇ ਚੇਲ੍ਹਿਆਂ ਨੂੰ ਖ਼ਤਰੇ ਤੋਂ ਸਾਵਧਾਨ ਰਹਿਣ ਲਈ ਕਿਹਾ। ਉਸਨੇ ਗ਼ਲਤੀਆਂ ਤੋਂ ਉਨ੍ਹਾਂ ਦੀ ਸੁਰੱਖਿਆ ਕੀਤੀ। ਜਦੋਂ ਅਸੀਂ ਚੇਲ੍ਹਿਆਂ ਨੂੰ ਸਿਖਲਾਈ ਦਿੰਦੇ ਹਾਂ, ਸਾਨੂੰ ਉਨ੍ਹਾਂ ਦੀ ਸੰਸਾਰ ਦੇ ਖ਼ਤਰਿਆਂ ਤੋਂ ਰੱਖਿਆ ਕਰਨੀ ਚਾਹੀਦੀ ਹੈ। ਸਾਡੀ ਸਿਖਲਾਈ ਅਭਿਆਸਕ ਹੋਣੀ ਚਾਹੀਦੀ ਹੈ।

► ਤੁਹਾਡੇ ਸਭਿਆਚਾਰ ਦੇ ਵਿੱਚ ਨਵੇਂ ਸੇਵਕ ਕਿਹੜੇ ਖ਼ਤਰਿਆਂ ਦਾ ਸਾਹਮਣਾ ਕਰਦੇ ਹਨ? ਇੱਕ ਆਤਮਿਕ ਆਗੂ ਦੇ ਤੌਰ ਤੇ, ਤੁਸੀਂ ਉਨ੍ਹਾਂ ਨੂੰ ਇੰਨ੍ਹਾਂ ਖ਼ਤਰਿਆਂ ਦੇ ਨਾਲ ਨਜਿੱਠਣ ਦੇ ਲਈ ਕਿਵੇਂ ਤਿਆਰ ਕਰੋਗੇ?

(2) ਜਦੋਂ ਉਹ ਪਰਿੱਪਕ ਹੋ ਰਹੇ ਹੁੰਦੇ ਹਨ, ਤਾਂ ਅਸੀਂ ਸਾਡੀ ਆਤਮਿਕ ਅਗਵਾਈ ਅਧੀਨ ਆਉਣ ਵਾਲੇ ਲੋਕਾਂ ਤੇ ਭਰੋਸਾ ਕਰਦੇ ਹਾਂ

ਯਿਸੂ ਨੇ ਪ੍ਰਾਥਨਾ ਕੀਤੀ, “ਮੈਂ ਇਹ ਬੇਨਤੀ ਨਹੀਂ ਕਰਦਾ ਜੋ ਤੂੰ ਓਹਨਾਂ ਨੂੰ ਜਗਤ ਵਿੱਚੋਂ ਚੁੱਕ ਲਵੇਂ ਪਰ ਇਹ ਜੋ ਤੂੰ ਦੁਸ਼ਟ ਤੋਂ ਓਹਨਾਂ ਦੀ ਰੱਛਿਆ ਕਰੇਂ” (ਯੂਹੰਨਾ 17:15)। ਯਿਸੂ ਜਾਣਦਾ ਸੀ ਕਿ ਉਸਦੇ ਚੇਲ੍ਹੇ ਪ੍ਰੀਖਿਆਵਾਂ ਦਾ ਸਾਹਮਣਾ ਕਰਨਗੇ, ਪਰ ਜਿੰਨ੍ਹਾਂ ਨੂੰ ਉਸਨੇ ਤਿਆਰ ਕੀਤਾ ਸੀ, ਉਸਨੂੰ ਉਨ੍ਹਾਂ ਤੇ ਭਰੋਸਾ ਸੀ। ਸਾਨੂੰ ਉਨ੍ਹਾਂ ਨਵੇਂ ਆਗੂਆਂ ਤੇ ਭਰੋਸਾ ਕਰਨਾ ਸਿੱਖਣਾ ਚਾਹੀਦਾ ਹੈ ਜੋ ਸਾਡੀ ਅਗਵਾਈ ਦੇ ਅਧੀਨ ਹਨ। ਇਸ ਲਈ ਸਾਨੂੰ ਆਗੂਪੁਣੇ ਦੇ ਵਿੱਚ ਤਾਨਾਸ਼ਾਹੀ ਵਾਲੀ ਧਾਰਨਾ ਦਾ ਤਿਆਗ ਕਰਨ ਅਤੇ ਮਹੱਤਵਪੂਰਨ ਫੈਸਲਿਆਂ ਨਾਲ ਦੂਜਿਆਂ 'ਤੇ ਭਰੋਸਾ ਕਰਨ ਦੀ ਲੋੜ ਹੈ

ਅਜਿਥ ਫਰਨਾਡੋ ਲਿਖਦਾ ਹੈ ਕਿ ਆਗੂ ਦੋ ਤਰੀਕਿਆਂ ਦੇ ਨਾਲ ਆਪਣੇ ਚੇਲ੍ਹਿਆਂ ਨੂੰ ਵੇਖ ਸਕਦੇ ਹਨ।

• ਕਮਜ਼ੋਰ ਆਗੂ ਆਪਣੇ ਚੇਲ੍ਹਿਆਂ ਦੀਆਂ ਕਮਜ਼ੋਰੀਆਂ ਤੇ ਧਿਆਨ ਲਗਾਉਂਦੇ ਹਨ।

• ਪ੍ਰਭਾਵਸ਼ਾਲੀ ਆਗੂ ਆਪਣੇ ਚੇਲ੍ਹਿਆਂ ਦੀਆਂ ਦੀਆਂ ਯੋਗਤਾਵਾਂ ਤੇ ਧਿਆਨ ਲਗਾਉਂਦੇ ਹਨ ਅਤੇ ਉਨ੍ਹਾਂ ਦੀਆਂ ਕਮਜ਼ੋਰੀਆਂ ਤੇ ਵੀ ਕੰਮ ਕਰਦੇ ਰਹਿੰਦੇ ਹਨ। ਪ੍ਰਭਾਵਸ਼ਾਲੀ ਆਗੂ ਦੂਸਰਿਆਂ ਨੂੰ “ਉਮੀਦ ਦੀਆਂ ਨਜ਼ਰਾਂ” ਦੇ ਨਾਲ ਵੇਖਦੇ ਹਨ।

(3) ਸਿਖਲਾਈ ਦੇਣ ਤੋਂ ਅਸੀਂ ਆਪਣੇ ਚੇਲ੍ਹਿਆਂ ਨੂੰ ਸੰਸਾਰ ਦੇ ਵਿੱਚ ਸੇਵਕਾਈ ਕਰਨ ਦੇ ਲਈ ਭੇਜਦੇ ਹਾਂ

ਯਿਸੂ ਨੇ ਪ੍ਰਾਥਨਾ ਕੀਤੀ, “ਜਿਸ ਤਰਾਂ ਤੈਂ ਮੈਨੂੰ ਜਗਤ ਵਿੱਚ ਘੱਲਿਆ ਮੈਂ ਵੀ ਓਹਨਾਂ ਨੂੰ ਜਗਤ ਵਿੱਚ ਘੱਲਿਆ” (ਯੂਹੰਨਾ 17:18)। ਪੰਤੇਕੁਸਤ ਦੇ ਬਾਦ ਚੇਲ੍ਹਿਆਂ ਨੇ ਉਹ ਮਹਾਨ ਮਿਸ਼ਨ ਨੂੰ ਕਰਨਾ ਅਰੰਭ ਕੀਤਾ ਜਿਸਦ ਲਈ ਯਿਸੂ ਨੇ ਉਨ੍ਹਾਂ ਨੂੰ ਤਿਆਰ ਕੀਤਾ ਸੀ। ਅਸੀਂ ਚੇਲ੍ਹਿਆਂ ਦੀ ਅਗਵਾਈ ਕਰਦੇ ਹਾਂ, ਤਾਂ ਕਿ ਉਹ ਜਰੂਰਤਮੰਦ ਸੰਸਾਰ ਦੇ ਵਿੱਚ ਸ਼ੁਭਸਮਾਚਾਰ ਨੂੰ ਫੈਲਾ ਸਕਣ।

ਯਿਸੂ ਨੇ ਕਿਹਾ, “ਉਨ੍ਹਾਂ ਵਿੱਚ ਮੇਰੀ ਵਡਿਆਈ ਹੋਈ ਹੈ” (ਯੂਹੰਨਾ 17:10)। ਜਦੋਂ ਅਸੀਂ ਆਪਣੇ ਚੇਲ੍ਹਿਆਂ ਨੂੰ ਬਾਹਰ ਘੱਲਦੇ ਹਾਂ, ਤਾਂ ਸਾਨੂੰ ਇਹ ਗੱਲ ਨਿਸਚਿਤ ਕਰਨੀ ਚਾਹੀਦੀ ਹੈ ਇਸਤੋਂ ਯਿਸੂ ਨੂੰ ਵਡਿਆਈ ਮਿਲੇ। ਸਾਡੇ ਵਿੱਚ ਆਪਣੇ ਚੇਲ੍ਹਿਆਂ ਤੋਂ ਵਡਿਆਈ ਪ੍ਰਾਪਤ ਕਰਨ ਦਾ ਪਰਤਾਵਾ ਹੋ ਸਕਦਾ ਹੈ। ਅਸੀਂ ਦੂਸਰਿਆਂ ਨੂੰ ਸਿਖਲਾਈ ਦੇਣ ਦੀ ਆਪਣੀ ਯੋਗਤਾ ਦੇ ਕਾਰਨ ਦੂਸਰਿਆਂ ਤੋਂ ਮਹਿਮਾ ਪ੍ਰਾਪਤ ਕਰਨ ਦੇ ਪਰਤਾਵੇ ਵਿੱਚ ਪੈ ਸਕਦੇ ਹਾਂ। ਇਸਦੇ ਬਜਾਏ ਸਾਨੂੰ ਇਸ ਗੱਲ ਨੂੰ ਪੱਕਿਆਂ ਕਰਨਾ ਚਾਹੀਦਾ ਹੈ ਕਿ ਸਾਰੀ ਵਡਿਆਈ ਪਰਮੇਸ਼ੁਰ ਨੂੰ ਹੀ ਮਿਲਣੀ ਚਾਹੀਦੀ ਹੈ।

ਯਿਸੂ ਦੀ ਉਦਾਹਰਨ ਸੇਵਕਾਈ ਦੇ ਵਿੱਚ ਟੀਮਾਂ ਦੇ ਮਹੱਤਵ ਨੂੰ ਵਿਖਾਉਂਦੀ ਹੈ। ਟੀਮ ਦੀ ਸੇਵਕਾਈ ਦੇ ਵਿੱਚ ਨਵੇਂ ਸੇਵਕਾਂ ਦੀ ਅਗਵਾਈ ਕਰਨਾ ਅਤੇ ਸੰਗੀ ਪਾਸਬਾਨਾਂ ਦੇ ਨਾਲ ਚੰਗੇ ਸੰਬੰਧਾਂ ਦੀ ਉਸਾਰੀ ਕਰਨਾ ਸ਼ਾਮਿਲ ਹੈ। ਸਾਡੀ ਰਚਨਾ ਦੂਸਰੇ ਲੋਕਾਂ ਦੇ ਨਾਲ ਸੰਬੰਧ ਬਣਾਉਣ ਦੇ ਲਈ ਕੀਤੀ ਗਈ। ਟੀਮਾਂ ਇੰਨੀਆਂ ਜਿਆਦਾ ਮਹੱਤਵਪੂਰਨ ਕਿਉਂ ਹਨ?

ਟੀਮਾਂ ਸੰਤੁਲਨ ਪ੍ਰਦਾਨ ਕਰਦੀਆਂ ਹਨ

ਯਿਸੂ ਨੇ ਲੋਕਾਂ ਨੂੰ ਵੱਖ-ਵੱਖ ਪਿਛੋਕੜਾਂ ਤੋਂ ਚੁਣਿਆ। ਪਤਰਸ ਅਤੇ ਯੂਹੰਨਾ ਇੱਕ ਦੂਸਰੇ ਦੇ ਵਿਰੋਧੀ ਸਨ। ਮੱਤੀ ਨੇ ਰੋਮ ਦੇ ਵਿੱਚ ਕੰਮ ਕਰਦਾ ਸੀ, ਜਦਕਿ ਸ਼ਮਊਨ ਕਨਾਨੀ ਰੋਮੀਆਂ ਨੂੰ ਯਹੂਦਿਯਾ ਤੋਂ ਬਾਹਰ ਕੱਢਣਾ ਚਾਹੁੰਦਾ ਸੀ। ਇਹ ਪੁਰਸ਼ ਇੱਕ ਦੂਸਰੇ ਦੇ ਉਲਟ ਸਨ। ਚੇਲ੍ਹਿਆਂ ਨੂੰ ਚੁਣਨ ਦੇ ਵਿੱਚ, ਯਿਸੂ ਨੇ ਉਨ੍ਹਾਂ ਦੀ ਅਲੱਗ-ਅਲੱਗ ਸਮੂਹਾਂ ਤੋਂ ਚੋਣ ਕੀਤੀ।

ਭਾਵੇਂ ਕਿ ਅਸੀਂ ਇੱਕ ਟੀਮ ਦੇ ਵਿੱਚ ਅਜਿਹੇ ਵਿਰੋਧੀ ਲੋਕਾਂ ਰੱਖਣ ਦੀ ਕਠਿਨਾਈਆਂ ਨੂੰ ਵੇਖਦੇ ਹਾਂ, ਪਰ ਸਾਨੂੰ ਇੰਨਾਂ ਅਲੱਗ-ਅਲੱਗ ਵਿਅਕਤੀਤਵਾਂ ਤੋਂ ਮਿਲਣ ਵਾਲੇ ਲਾਭਾਂ ਨੂੰ ਨਜ਼ਰਅੰਦਾਜ ਨਹੀਂ ਕਰਨਾ ਚਾਹੀਦਾ। ਪਤਰਸ ਜਿਹਾ ਰਸੂਲ ਵੱਡੀਆਂ ਘੋਸ਼ਨਾਵਾਂ ਕਰਨ ਦੇ ਵਿੱਚ ਬਹੁਤ ਜਲਦਬਾਜ਼ੀ ਕਰਦਾ ਸੀ। ਉਸਨੇ ਸਮੂਹ ਵਿੱਚ ਥੋਮੇ ਅਤੇ ਅੰਦ੍ਰਿਆਸ ਜਿਹੇ ਸਾਵਧਾਨ ਵਿਅਕਤੀਆਂ ਸੰਤੁਲਨ ਬਣਾਇਆ। ਅਰੰਭਿਕ ਕਲੀਸਿਆ ਨੂੰ ਅਗਵਾਈ ਦੇ ਵਿੱਚ ਅਲੱਗ-ਅਲੱਗ ਤਰ੍ਹਾਂ ਦੇ ਵਿਅਕਤੀਤਵਾਂ ਤੋਂ ਬਹੁਤ ਲਾਭ ਪ੍ਰਾਪਤ ਹੋਇਆ।

ਬੁੱਧੀਮਾਨ ਆਗੂ ਆਪਣੀ ਟੀਮ ਦੇ ਮੈਂਬਰਾਂ ਨੂੰ ਅਲੱਗ-ਅਲੱਗ ਪਿਛੋਕੜ ਤੋਂ ਚੁਣਦੇ ਹਨ। ਇੱਕ ਮਜ਼ਬੂਤ ਟੀਮ ਕਲੀਸਿਆ ਦੇ ਆਗੂਪੁਣੇ ਵਿੱਚ ਵੱਲ-ਵੱਖ ਤਰ੍ਹਾਂ ਦੇ ਬਲ ਨੂੰ ਲਿਆਉਂਦਾ ਹੈ। ਟੀਮ ਦੇ ਕਿਸੇ ਮੈਂਬਰ ਨੂੰ ਆਰਥਿਕ ਮੁੱਦਿਆਂ ਦੇ ਬਾਰੇ ਬਿਹਤਰ ਜਾਣਕਾਰੀ ਹੋ ਸਕਦੀ ਹੈ; ਹੋ ਸਕਦਾ ਹੈ ਕਿ ਕੋਈ ਹੋਰ ਨਿੱਜੀ ਸੰਬੰਧ ਬਣਾਉਣ ਦੀ ਮਜ਼ਬੂਤ ਹੋਵੇ, ਅਤੇ ਕੋਈ ਹੋਰ ਬਾਈਬਲ ਦੇ ਵਿੱਚੋਂ ਡੂੰਘੀਆਂ ਗੱਲਾਂ ਕੱਢਣ ਵਾਲਾ ਹੋਵੇ। ਇਹ ਸਭ ਇਕੱਠੇ ਹੋ ਕੇ ਕਲੀਸਿਆ ਦੇ ਲਈ ਇੱਕ ਸੰਤੁਲਿਤ ਅਗਵਾਈ ਪ੍ਰਦਾਨ ਕਰਦੇ ਹਨ।

ਟੀਮਾਂ ਬੁੱਧੀਮਾਨੀ ਵਾਲੀ ਸਲਾਹ ਦਿੰਦੀਆਂ ਹਨ

ਜਦੋਂ ਯਿਸੂ ਚੇਲ੍ਹਿਆਂ ਨੂੰ ਤਿਆਰ ਕਰ ਰਿਹਾ ਸੀ ਤਾਂ ਉਹ ਜਾਣਦਾ ਸੀ ਕਿ ਉਹ ਕਲੀਸਿਆ ਦੇ ਲਈ ਨੀਂਹ ਧਰ ਰਿਹਾ ਹੈ। ਪੰਤੇਕੁਸਤ ਦੇ ਬਾਅਦ ਕਲੀਸਿਆ ਨੂੰ ਬਹੁਤ ਸਾਰੇ ਕਠਿਨ ਫੈਸਲਿਆਂ ਦਾ ਸਾਹਮਣਾ ਕਰਨਾ ਪੈਣਾ ਸੀ। ਯਿਸੂ ਜਾਣਦਾ ਸੀ ਕਿ ਫੈਸਲਾ ਲੈਂਦੇ ਸਮੇਂ ਚੇਲ੍ਹਿਆਂ ਨੂੰ ਇੱਕ ਦੂਸਰੀ ਦੀ ਜਰੂਰਤ ਪਵੇਗੀ।

ਅਰੰਭਿਕ ਕਲੀਸਿਆ ਦੇ ਅੱਗੇ ਇੱਕ ਕਠਿਨ ਫੈਸਲਾ ਇਹ ਸੀ ਕਿ, “ਪਰਾਈਆਂ ਕੌਮਾਂ ਦੇ ਵਿਸ਼ਵਾਸੀ ਕਲੀਸਿਆ ਦਾ ਹਿੱਸਾ ਕਿਵੇਂ ਬਣ ਸਕਦੇ ਹਨ?” ਕੀ ਉਨ੍ਹਾਂ ਦੇ ਲਈ ਸਾਰੀ ਯਹੂਦੀ ਸ਼ਰਾ ਦੇ ਪਿੱਛੇ ਚੱਲਣਾ ਜਰੂਰੀ ਹੈ?” ਭਾਵੇਂ ਇਹ ਸਾਨੂੰ ਸਾਧਾਰਨ ਜਾਪਦੀ ਹੈ, ਪਰ ਇਹ ਇੱਕ ਕਠਿਨ ਫੈਸਲਾ ਸੀ। ਇਹ ਕਿਸੇ ਨਿੱਜੀ ਪ੍ਰਾਥਮਿਕਤਾ ਦਾ ਮੁੱਦਾ ਨਹੀਂ ਸੀ; ਭੋਜਨ ਅਤੇ ਸੁੰਨਤ ਦੀ ਸ਼ਰਾ ਪੁਰਾਣੇ ਨੇਮ ਤੇ ਹੀ ਆਧਾਰਿਤ ਸਨ। ਇਸ ਫੈਸਲੇ ਦੇ ਵਿੱਚ ਲੰਬੇ ਸਮੇਂ ਦੇ ਨਤੀਜੇ ਆਉਣੇ ਸਨ। ਅੱਜ ਮੈਂ ਅਤੇ ਤੁਸੀਂ ਵੀ ਇਸ ਫੈਸਲੇ ਦੇ ਨਾਲ ਪ੍ਰਭਾਵਿਤ ਹੁੰਦੇ ਹਾਂ; ਜੇਕਰ ਯਰੂਸ਼ਲਮ ਦੀ ਕਲੀਸਿਆ ਨੇ ਅਲੱਗ ਤਰੀਕੇ ਦਾ ਫੈਸਲਾ ਲਿਆ ਹੁੰਦਾ, ਤਾਂ ਅੱਜ ਵੀ ਪਰਾਈਆਂ ਕੌਮਾਂ ਵਾਲੇ ਮਸੀਹੀਆਂ ਦੇ ਯਹੂਦੀ ਸ਼ਰਾ ਨੂੰ ਪੂਰਿਆਂ ਕਰਨਾ ਜਰੂਰੀ ਹੁੰਦਾ।

ਰਸੂਲਾਂ ਦੇ ਕਰਤੱਬ 15 ਵਿਖਾਉਂਦਾ ਹੈ ਕਿ ਮੁੱਢਲੀ ਕਲੀਸਿਆ ਨੇ ਇਸ ਮਹੱਤਵਪੂਰਨ ਮੁੱਦੇ ਦਾ ਨਿਪਟਾਰਾ ਕਿਵੇਂ ਕੀਤਾ। ਅਲੱਗ-ਅਲੱਗ ਧਾਰਨਾਵਾਂ ਨੂੰ ਸੁਣਨ ਤੋਂ ਬਾਅਦ ਉਹ ਇੱਕ ਅੰਤਿਮ ਫੈਸਲੇ ਤੇ ਪਹੁੰਚੇ। ਪਰਾਈ ਕਲੀਸਿਆ ਨੂੰ ਲਿਖੀ ਇੱਕ ਪੱਤ੍ਰੀ ਦੇ ਵਿੱਚ ਰਸੂਲ ਨੇ ਇਸ ਫੈਸਲੇ ਦੇ ਬਾਰੇ ਬਹੁਤ ਸੁੰਦਰ ਵਚਨਾਂ ਦੇ ਵਿੱਚ ਵਿਆਖਿਆ ਕੀਤੀ, “ਕਿਉਂਕਿ ਪਵਿੱਤ੍ਰ ਆਤਮਾ ਨੇ ਅਤੇ ਅਸਾਂ ਚੰਗਾ ਜਾਣਿਆ ਜੋ ਇਨ੍ਹਾਂ ਜਰੂਰੀ ਗੱਲਾਂ ਤੋਂ ਬਿਨਾ ਤੁਹਾਡੇ ਉੱਤੇ ਹੋਰ ਕੁਝ ਭਾਰ ਨਾ ਪਾਈਏ” (ਰਸੂਲਾਂ ਦੇ ਕਰਤੱਬ 15:28)। ਆਤਮਾ ਨੇ ਕਲੀਸਿਆ ਦੇ ਆਗੂਆਂ ਇਕੱਠੇ ਕਰਨ ਵਿੱਚ ਅਗਵਾਈ ਕੀਤੀ, ਅਤੇ ਉਨ੍ਹਾਂ ਨੂੰ ਆਪਣੀ ਰਾਏ ਸਾਂਝੀ ਕਰਨ ਦੀ ਪ੍ਰਵਾਨਗੀ ਦਿੱਤੀ, ਅਤੇ ਫਿਰ ਸਮੂਹ ਨੂੰ ਇੱਕ ਸਹੀ ਫੈਸਲੇ ਤੱਕ ਪਹੁੰਚਣ ਦੇ ਵਿੱਚ ਅਗਵਾਈ ਕੀਤੀ।

ਕਹਾਉਤਾਂ ਦਾ ਲੇਖਕ ਫੈਸਲਾ ਲੈਣ ਦੇ ਸਮੇਂ ਜਿਆਦਾ ਸਲਾਹਾਂ ਲੈਣ ਦੇ ਮਹੱਤਵ ਤੇ ਜ਼ੋਰ ਦਿੰਦਾ ਹੈ।

• ਮੂਰਖ ਦੀ ਚਾਲ ਉਹ ਦੀ ਆਪਣੀ ਨਿਗਾਹ ਵਿੱਚ ਚੰਗੀ ਹੈ, ਪਰ ਬੁੱਧਵਾਨ ਸਲਾਹ ਨੂੰ ਮੰਨ ਲੈਂਦਾ ਹੈ (ਕਹਾਉਤਾਂ 12:15)।

• ਜਦੋਂ ਅਗਵਾਈ ਨਹੀਂ ਤਾਂ ਲੋਕ ਡਿੱਗ ਪੈਂਦੇ ਹਨ, ਪਰ ਬਹੁਤੇ ਸਲਾਹੁਆਂ ਨਾਲ ਬਚਾਉ ਹੈ। (ਕਹਾਉਤਾਂ 11:14)।

• ਤੂੰ ਚੰਗੀ ਮੱਤ ਲੈ ਕੇ ਤਾਂ ਆਪਣਾ ਯੁੱਧ ਕਰ, ਬਹੁਤੇ ਸਲਾਹੂਆਂ ਨਾਲ ਹੀ ਬਚਾਓ ਹੈ (ਕਹਾਉਤਾਂ 24:6)।

ਇਹ ਕਲੀਸਿਆ ਦੇ ਆਗੂਆਂ ਦੇ ਲਈ ਇੱਕ ਮਹੱਤਵਪੂਰਨ ਸਿਧਾਂਤ ਹੈ। ਜੇਕਰ ਤੁਸੀਂ ਦੂਸਰਿਆਂ ਨੂੰ ਸੁਣਨਾ ਨਹੀਂ ਚਾਹੁੰਦੇ ਹਾਂ, ਤਾਂ ਕਹਾਉਤਾਂ ਦੱਸਦੀ ਹੈ ਕਿ ਤੁਸੀਂ ਬੁੱਧੀਮਾਨ ਨਹੀਂ ਹੋ। ਇੱਕ ਮੂਰਖ ਹਮੇਸ਼ਾਂ ਸੋਚਦਾ ਹੈ ਕਿ ਉਹ ਸਹੀ ਹੈ, ਪਰ ਬੁੱਧੀਮਾਨ ਵਿਅਕਤੀ ਦੂਸਰਿਆਂ ਨੂੰ ਸੁਣਨ ਦਾ ਇਛੁੱਕ ਹੁੰਦਾ ਹੈ।

ਜੇਕਰ ਕਿਸੇ ਟੀਮ ਦਾ ਉਦੇਸ਼ ਬੁੱਧੀਮਾਨੀ ਦੀ ਸਲਾਹ ਦੇਣਾ ਹੈ, ਸਾਨੂੰ ਅਜਿਹੇ ਲੋਕਾਂ ਦੀ ਜਰੂਰਤ ਹੈ ਜੋ ਸਾਡੇ ਨਾਲੋਂ ਅਲੱਗ ਸੋਚ ਰੱਖਦੇ ਹਨ। ਟੀਮ ਦੀ ਚੋਣ ਕਰਦੇ ਸਮੇਂ ਸਾਨੂੰ ਇਹ ਧਿਆਨ ਰੱਖਣਾ ਚਾਹੀਦਾ ਹੈ ਕਿ ਅਸੀਂ ਸਾਰੇ ਲੋਕ ਆਪਣੇ ਜਿਹੇ ਹੀ ਨਾ ਚੁਣੀਏ। ਸਾਨੂੰ ਅਜਿਹੇ ਲੋਕਾਂ ਦੀ ਜਰੂਰਤ ਨਹੀਂ ਹੈ ਜੋ ਸਦਾ ਜਲਦੀ ਦੇ ਨਾਲ ਸਾਡੇ ਨਾਲ ਸਹਿਮਤ ਹੋ ਜਾਂਦੇ ਹਨ।

ਟੀਮਾਂ ਉਤਸ਼ਾਹ ਪ੍ਰਦਾਨ ਕਰਦੀਆਂ ਹਨ

ਉਪਦੇਸ਼ਕ ਦੀ ਪੋਥੀ ਇੱਕ ਟੀਮ ਦੇ ਫਾਇਦੇ ਦਾ ਵਰਣਨ ਕਰਦੀ ਹੈ। “ਇੱਕ ਨਾਲੋਂ ਦੋ ਚੰਗੇ ਹਨ ਕਿਉਂ ਜੋ ਉਨ੍ਹਾਂ ਦੀ ਮਿਹਨਤ ਦੀ ਚੰਗੀ ਖੱਟੀ ਹੁੰਦੀ ਹੈ। ਕਿਉਂਕਿ ਜੇ ਉਹ ਡਿੱਗ ਪੈਣ ਤਾਂ ਇੱਕ ਜਣਾ ਦੂਜੇ ਨੂੰ ਚੁੱਕੇਗਾ ਪਰ ਹਾਏ ਉਹ ਦੇ ਉੱਤੇ ਜਿਹੜਾ ਇਕੱਲਾ ਡਿੱਗਦਾ ਹੈ ਕਿਉਂ ਜੋ ਉਸ ਦਾ ਦੂਜਾ ਕੋਈ ਨਹੀਂ ਜੋ ਉਹ ਨੂੰ ਚੁੱਕ ਖੜਾ ਕਰੇ!” (ਉਪਦੇਸ਼ਕ ਦੀ ਪੋਥੀ 4:9-10)।

ਜਦੋਂ ਕਲੀਸਿਆ ਨੇ ਵਿਰੋਧ ਦਾ ਸਾਹਮਣਾ ਕੀਤਾ, ਰਸੂਲਾਂ ਨੇ ਇੱਕ ਦੂਸਰੇ ਨੂੰ ਉਤਸ਼ਾਹਿਤ ਕੀਤਾ। ਲੂਕਾ ਨੇ ਅਰੰਭਿਕ ਕਲੀਸਿਆ ਦੇ ਵਿੱਚ ਦੂਸਰੇ ਦੇ ਸਮਰਥਨ ਨੂੰ ਬਿਆਨ ਕਰਨ ਲਈ “ਇੱਕ ਮਨ” ਵਾਕ ਦਾ ਉਪਯੋਗ ਕੀਤਾ।

ਮਹਾਨ ਮਿਸ਼ਨਰੀ ਹਡਸਨ ਟੇਲਰ ਇਸ ਸਿਧਾਂਤ ਨੂੰ ਬਿਆਨ ਕਰਦਾ ਹੈ। ਟੈਲਰ ਸੇਵਕਾਈ ਕਰਨ ਦੇ ਜੋਸ਼ ਨਾਲ ਚੀਨ ਦੇ ਵਿੱਚ ਗਿਆ ਸੀ, ਪਰ ਉਹ ਜਲਦੀ ਹੀ ਨਿਰਾਸ਼ ਹੋ ਗਿਆ। ਉਸਦੇ ਕੁਝ ਸਮਰਥਕਾਂ ਨੇ ਉਸਨੂੰ ਆਰਥਿਕ ਸਹਾਇਤਾ ਭੇਜਣੀ ਬੰਦ ਕਰ ਦਿੱਤੀ। ਸਥਾਪਿਤ ਮਿਸ਼ਨਰੀ ਉਸਦੇ ਆਲੋਚਕ ਸਨ। ਇੱਥੋਂ ਤੱਕ ਕਿ ਬ੍ਰੀਟਿਸ਼ ਸਰਕਾਰ ਨੇ ਵੀ ਉਸਦਾ ਵਿਰੋਧ ਕੀਤਾ। ਉਸਦੀ ਮੰਗੇਤਰ ਨੇ ਇੰਗਲੈਂਡ ਤੋਂ ਉਸਨੂੰ ਚਿੱਠੀ ਲਿਖੀ ਕਿ ਉਹ ਨਿਸਚਿਤ ਨਹੀਂ ਹੈ ਕਿ ਉਸਨੂੰ ਇੱਕ ਮਿਸ਼ਨਰੀ ਦੇ ਨਾਲ ਵਿਆਹ ਕਰਨਾ ਚਾਹੀਦਾ ਹੈ ਜਾਂ ਨਹੀਂ। ਟੇਲਰ ਬਹੁਤ ਨਿਰਾਸ਼ ਹੋਇਆ ਅਤੇ ਉਹ ਵਾਪਿਸ ਜਾਣ ਦੇ ਲਈ ਤਿਆਰ ਹੋ ਗਿਆ।

ਇਸ ਸਮੇਂ ਦੇ ਦੌਰਾਨ, ਵਿਲੀਅਮ ਬਰਨਸ ਨਾਮਕ ਇੱਕ ਪੁਰਾਣੇ ਸਕੋਟਿਸ਼ ਮਿਸ਼ਨਰੀ ਨੇ ਉਸਦੇ ਨਾਲ ਚੀਨ ਦੇ ਇੱਕ ਖੇਤਰ ਵਿੱਚ ਸ਼ੁਭਸਮਾਚਾਰ ਪ੍ਰਚਾਰ ਦੀ ਇੱਕ ਯਾਤਰਾ ਦੇ ਵਿੱਚ ਸੱਤ ਮਹੀਨੇ ਬਿਤਾਏ। ਦੋਵਾਂ ਨੇ ਮਿਲ ਕੇ ਯਾਤਰਾ ਕੀਤੀ, ਇੱਕਠਿਆਂ ਪ੍ਰਾਥਨਾ ਕੀਤੀ ਅਤੇ ਪ੍ਰਚਾਰ ਕੀਤਾ। ਟੇਲਰ ਨੇ ਚੀਨ ਦੇ ਲਈ ਆਪਣੇ ਦਰਸ਼ਨ ਨੂੰ ਮੁੜ ਸੁਰਜੀਤ ਕੀਤਾ। ਜੌਨ ਪੋਲੋਕ ਨੇ ਲਿਖਿਆ, “ਵਿਲੀਅਮ ਬਰਨਸ ਨੇ ਹਡਸਨ ਟੇਲਰ ਨੂੰ ਹਡਸਨ ਟੇਲਰ ਤੋਂ ਬਚਾ ਲਿਆ”

ਹਡਸਨ ਟੇਲਰ ਨੇ ਬਾਅਦ ਦੇ ਵਿੱਚ ਚੀਨ ਇੰਨਲੈਂਡ ਮਿਸ਼ਨ ਨੂੰ ਸਥਾਪਿਤ ਕੀਤਾ ਅਤੇ ਹੁਣ ਉਹ ਆਧੁਨਿਕ ਸਮੇਂ ਦੇ ਇੱਕ ਮਹਾਨ ਮਿਸ਼ਨਰੀ ਵੱਜੋਂ ਜਾਣਿਆ ਜਾਂਦਾ ਹੈ; ਵਿਲੀਅਮ ਬਰਨਸ ਨੂੰ ਲਗਭਗ ਕੋਈ ਨਹੀਂ ਜਾਣਦਾ। ਪਰ ਚੀਨ ਇੰਨਲੈਂਡ ਮਿਸ਼ਨ ਦੇ ਦੁਆਰਾ ਪਰਿਵਰਤਿਤ ਹੋਏ ਹਜ਼ਾਰਾਂ ਲੋਕਾਂ ਦੀ ਕੁਝ ਪਹਿਚਾਣ ਦਾ ਵਿਲੀਅਮ ਬਰਨਸ ਵੀ ਹੱਕਦਾਰ ਹੈ। ਬਰਨਸ ਨੇ ਇੱਕ ਬਹੁਤ ਹੀ ਅਹਿਮ ਪਲ ਦੇ ਵਿੱਚ ਹਡਸਨ ਟੇਲਰ ਨੂੰ ਉਤਸ਼ਾਹਿਤ ਕੀਤਾ। ਟੀਮਾਂ ਉਤਸ਼ਾਹ ਪ੍ਰਦਾਨ ਕਰਦੀਆਂ ਹਨ।

ਟੀਮਾਂ ਜੁਆਬਦੇਹੀ ਪ੍ਰਦਾਨ ਕਰਦੀਆਂ ਹਨ

ਸਾਡੇ ਵਿੱਚੋਂ ਸਭਨਾਂ ਦੇ ਲੁਕੀਆਂ ਹੋਈਆਂ ਗੱਲਾਂ ਹਨ-ਉਹ ਵਿਸ਼ੇਸ਼ਤਾਵਾਂ ਜੋ ਅਸੀਂ ਖੁਦ ਨਹੀਂ ਵੇਖ ਸਕਦੇ। ਅਸੀਂ ਆਪਣੀ ਸੇਵਕਾਈ ਦੇ ਵਿੱਚ ਅਜਿਹੀ ਕਮਜ਼ੋਰੀਆਂ ਨੂੰ ਲਿਆਉਂਦੇ ਹਾਂ ਜੋ ਸਾਡੇ ਪਰਿਵਾਰਿਕ ਪਿਛੋਕੜ, ਮਸੀਹੀ ਬਣਨ ਤੋਂ ਪਹਿਲਾਂ ਦੇ ਸਾਡੇ ਜੀਵਨ ਅਤੇ ਸਾਡੇ ਵਿਅਕਤੀਤਵ ਤੋਂ ਆਉਂਦੀਆਂ ਹਨ। ਇਹ ਗੱਲਾਂ ਸਾਡੀ ਸੇਵਕਾਈ ਨੂੰ ਪ੍ਰਭਾਵਿਤ ਕਰਦੀਆਂ ਹਨ।

ਸ਼ਾਇਦ ਅਸੀਂ ਇੰਨਾਂ ਕਮਜ਼ੋਰੀਆਂ ਨੂੰ ਆਪਣੇ ਅੰਦਰ ਖੁਦ ਨਾ ਵੇਖ ਸਕੀਏ, ਪਰ ਟੀਮ ਦੇ ਦੂਸਰੇ ਲੋਕ ਸਾਨੂੰ ਅਜਿਹੇ ਖੇਤਰਾਂ ਦੇ ਬਾਰੇ ਚੇਤਾਵਨੀ ਦੇ ਸਕਦੇ ਹਨ ਜੋ ਸਾਡੀ ਸੇਵਕਾਈ ਨੂੰ ਬਰਬਾਦ ਕਰ ਸਕਦੇ ਹਨ। ਇਬਰਾਨੀਆਂ ਦੇ ਲੇਖਕ ਨੇ ਮਸੀਹੀਆਂ ਨੂੰ ਇੱਕ ਦੂਸਰੇ ਨੂੰ ਭਲੇ ਕੰਮਾਂ ਦੇ ਵਿੱਚ ਉਤਸ਼ਾਹਿਤ ਕਰਨ ਦੇ ਲਈ ਕਿਹਾ (ਇਬਰਾਨੀਆਂ 10:24)। ਯੂਨਾਨੀ ਭਾਸ਼ਾ ਦੇ ਵਿੱਚ “ਧਿਆਨ ਰੱਖੀਏ” ਦਾ ਮੂਲ ਸ਼ਬਦ ਦਾ ਅਰਥ ਕਿਸੇ ਨੂੰ ਉਕਸਾਉਣਾ ਜਾਂ ਉਤਸ਼ਾਹਿਤ ਕਰਨਾ ਹੈ। ਕਈ ਵਾਰ ਇਸ ਗੱਲ ਦੇ ਨਾਲ ਸਹਿਮਤੀ ਪ੍ਰਗਟ ਨਹੀਂ ਕੀਤੀ ਜਾਂਦੀ। ਸਾਡੇ ਵਿੱਚੋਂ ਕਿਸੇ ਨੂੰ ਉਸਕਾਇਆ ਜਾਣਾ ਪਸੰਦ ਨਹੀਂ ਹੈ, ਪਰ ਜੁਆਬਦੇਹੀ ਬਹੁਤ ਕੀਮਤੀ ਹੈ। ਹਰੇਕ ਮਸੀਹੀ ਆਗੂ ਦੇ ਕੋਲ ਘੱਟੋ-ਘੱਟ ਇੱਕ ਅਜਿਹਾ ਵਿਅਕਤੀ ਹੋਣਾ ਚਾਹੀਦਾ ਹੈ ਜੋ ਇਹ ਕਹਿ ਸਕੇ, “ਇੱਕ ਕੰਮ ਬੁੱਧੀਮਾਨੀ ਵਾਲਾ ਨਹੀਂ ਹੈ। ਤੁਹਾਨੂੰ ਇਸ ਤੇ ਮੁੜ ਵਿਚਾਰ ਕਰਨਾ ਚਾਹੀਦਾ ਹੈ।”

ਮੱਧ ਕਾਲ ਦੇ ਮੱਠਾਂ ਤੋਂ ਲੈ ਕੇ ਵੈਸਲੀ ਦੀਆਂ ਸ਼੍ਰੇਣੀ ਜਮਾਤਾਂ ਅਤੇ ਅਜੋਕੇ ਸਮੇਂ ਦੇ ਪ੍ਰੋਮਿਸ ਕੀਪਰ ਸਮੂਹਾਂ ਤੱਕ, ਮਸੀਹੀ ਆਗੂਆਂ ਦੀ ਜੁਆਬਦੇਹੀ ਦੇ ਵਿੱਚ ਲੰਬੀ ਪ੍ਰਥਾ ਹੈ। ਅਜੋਕੀ ਕਲੀਸਿਆ ਦੇ ਆਗੂ ਹਫ਼ਤਾਵਰ ਜੁਆਬਦੇਹੀ ਤੋਂ ਲਾਹਾ ਲੈਂਦੇ ਹਨ। ਇਹ ਇੱਕ ਦੇ ਨਾਲ ਇੱਕ, ਛੋਟੇ ਸਮੂਹ ਦੇ ਵਿੱਚ ਜਾਂ ਫੋਨ ਤੇ ਵੀ ਕੀਤੀ ਜਾ ਸਕਦੀ ਹੈ। ਇਹ ਜੁਆਬਦੇਹੀ ਸਾਨੂੰ ਕਿਸੇ ਆਤਮਿਕ ਖ਼ਤਰੇ ਦੇ ਵਿੱਚ ਬਹੁਤ ਦੂਰ ਤੱਕ ਡਿੱਗਣ ਤੋਂ ਪਹਿਲਾਂ ਚੇਤਾਵਨੀ ਦੇ ਸਕਦੀ ਹੈ।

ਚੰਗੀ ਜੁਆਬਦੇਹੀ ਹਰੇਕ ਸਾਥੀ ਤੋਂ ਪੂਰਨ ਇਮਾਨਦਾਰੀ ਅਤੇ ਸਾਥੀਆਂ ਦੇ ਵਿੱਚਕਾਰ ਸੰਪੂਰਨ ਗੁਪਤਤਾ ਦੀ ਮੰਗ ਕਰਦੀ ਹੈ। ਤੁਸੀਂ ਜੁਆਬਦੇਹੀ ਦੇ ਪ੍ਰਸ਼ਨਾਂ ਦੀਆਂ ਬਹੁਤ ਸਾਰੀਆਂ ਉਦਾਹਰਨਾਂ ਲੱਭ ਸਕਦੇ ਹੋ। ਇੱਕ ਸੂਚੀ ਦੇ ਵਿੱਚ ਹੇਠਾਂ ਦਿੱਤੇ ਪ੍ਰਸ਼ਨ ਹਨ:

• ਕੀ ਇਸ ਹਫ਼ਤੇ ਤੁਸੀਂ ਪਰਮੇਸ਼ੁਰ ਦੇ ਨਾਲ ਲਗਾਤਾਰ ਸਮਾਂ ਬਿਤਾਇਆ ਹੈ?

• ਕੀ ਇਸ ਹਫ਼ਤੇ ਤੁਸੀਂ ਆਪਣੀ ਇਮਾਨਦਾਰੀ ਦੇ ਨਾਲ ਕਿਸੇ ਤਰ੍ਹਾਂ ਦਾ ਸਮਝੌਤਾ ਕੀਤਾ ਹੈ?

• ਕੀ ਇਸ ਹਫ਼ਤੇ ਤੁਹਾਡੀਆਂ ਸੋਚਾਂ ਪਵਿੱਤਰ ਰਹੀਆਂ ਹਨ?

• ਕੀ ਇਸ ਹਫ਼ਤੇ ਤੁਸੀਂ ਕੋਈ ਜਿਨਸੀ ਪਾਪ ਕੀਤਾ ਹੈ?

• ਇਸ ਹਫ਼ਤੇ ਤੁਸੀਂ ਆਪਣੀ ਪਤਨੀ ਜਾਂ ਪਤੀ ਦੇ ਲਈ ਕਿਹੜਾ ਮਹੱਤਵਪੂਰਨ ਕੰਮ ਕੀਤਾ ਹੈ?

• ਕੀ ਇਸ ਹਫ਼ਤੇ ਤੁਸੀਂ ਕਿਸੇ ਗ਼ੈਰ-ਵਿਸ਼ਵਾਸੀ ਦੇ ਨਾਲ ਆਪਣੇ ਵਿਸ਼ਵਾਸ ਨੂੰ ਸਾਂਝਾ ਕੀਤਾ ਹੈ?

• ਕੀ ਤੁਸੀਂ ਇੰਨਾਂ ਸਾਰੇ ਉੱਤਰਾਂ ਨੂੰ ਸਚਿਆਈ ਦੇ ਨਾਲ ਦੱਸਿਆ ਹੈ?

ਪ੍ਰੀਖਿਆ ਦੇ ਸਮੇਂ ਵਿੱਚ ਇੱਕ ਟੀਮ ਦੀ ਜੁਆਬਦੇਹੀ ਬਹੁਤ ਮਹੱਤਵਪੂਰਨ ਹੁੰਦੀ ਹੈ। ਇੱਕ ਨਵੇਂ ਪਾਸਬਾਨ ਨੂੰ ਲਿਖਦੇ ਹੋਏ, ਪੌਲੁਸ ਨੇ ਸਲਾਹ ਦਿੱਤੀ ਕੀ ਇੱਕ ਲੰਬੇ ਸਮੇਂ ਦੀ ਸੇਵਕਾਈ ਨੂੰ ਕਿਵੇਂ ਉਸਾਰਿਆ ਜਾ ਸਕਦਾ ਹੈ। ਪੌਲੁਸ ਨੇ ਤਿਮੋਥਿਉਸ ਨੂੰ ਚੇਤਾਵਨੀ ਦਿੱਤੀ “ਪਰ ਜੁਆਨੀ ਦੀਆਂ ਕਾਮਨਾਂ ਤੋਂ ਭੱਜ ਅਤੇ ਜਿਹੜੇ ਸਾਫ਼ ਦਿਲ ਤੋਂ ਪ੍ਰਭੁ ਦਾ ਨਾਮ ਲੈਂਦੇ ਹਨ ਉਨ੍ਹਾਂ ਨਾਲ ਧਰਮ, ਨਿਹਚਾ, ਪ੍ਰੇਮ ਅਤੇ ਮਿਲਾਪ ਦੇ ਮਗਰ ਲੱਗਾ ਰਹੁ” (2 ਤਿਮੋਥਿਉਸ 2:22)। ਪੌਲੁਸ ਇਸ ਗੱਲ ਨੂੰ ਸਮਝ ਗਿਆ ਕਿ ਤਿਮੋਥਿਉਸ ਦੇ ਆਤਮਿਕ ਜੀਵਨ ਨੂੰ ਪਰਮੇਸ਼ੁਰ ਦੇ ਹੋਰ ਅਜਿਹੇ ਪੈਰੋਕਾਰਾਂ ਦੇ ਨਾਲ ਮਿਲ ਕੇ ਲਾਭ ਹੋਵੇਗਾ ਜੋ ਸਾਫ਼ ਦਿਲ ਤੋਂ ਪ੍ਰਭੂ ਦਾ ਨਾਮ ਲੈਂਦੇ ਹਨ।

► ਜੇਕਰ ਤੁਸੀਂ ਕਿਸੇ ਸੇਵਕਾਈ ਦੀ ਟੀਮ ਦਾ ਹਿੱਸਾ ਹੋ, ਤਾਂ ਕੁਝ ਅਜਿਹੇ ਲਾਭ ਸਾਂਝੇ ਕਰੋ ਜੋ ਤੁਹਾਨੂੰ ਆਪਣੀ ਟੀਮ ਤੋਂ ਮਿਲਦੇ ਹਨ। ਕੀ ਸੇਵਕਾਈ ਦੀ ਟੀਮ ਦਾ ਹਿੱਸਾ ਹੋਣ ਦੀਆਂ ਕੀ ਚੁਣੌਤੀਆਂ ਹਨ?

ਇੱਕ ਟੀਮ ਦੇ ਨਾਲ ਕੰਮ ਕਰਨਾ

ਯਿਸੂ ਨੇ ਇੱਕ ਸਮੂਹ ਦੇ ਵਿੱਚ ਅਲੱਗ-ਅਲੱਗ ਵਿਅਕਤੀਤਵਾਂ ਦੀ ਇੱਕ ਟੀਮ ਦਾ ਨਮੂਨਾ ਪੇਸ਼ ਕੀਤਾ। ਯਿਸੂ ਨੇ ਉਨ੍ਹਾਂ ਦੇ ਵੱਖਰੇਵੇਆਂ ਨੂੰ ਲਿਆ ਅਤੇ ਇੱਕ ਅਜਿਹੀ ਟੀਮ ਬਣਾਈ ਜੋ ਸ਼ੁਰੂਆਤੀ ਕਲੀਸਿਆ ਦੀ ਅਗਵਾਈ ਕਰ ਸਕਦੀ ਸੀ। ਕਲੀਸਿਆ ਨੂੰ ਪਤਰਸ ਦੀ ਦਿਲੇਰੀ ਅਤੇ ਫਿਲਿਪੁੱਸ ਦੇ ਨਰਮ ਆਤਮਾ ਦੀ ਜਰੂਰਤ ਸੀ। ਇੱਕ ਆਗੂ ਦੀ ਵੱਡੀ ਚੁਣੌਤੀ ਕਿਸੇ ਪੈਰੋਕਾਰਾਂ ਦੇ ਸਮੂਹ ਨੂੰ ਟੀਮ ਦੇ ਵਿੱਚ ਬਦਲਣਾ ਹੁੰਦੀ ਹੈ।

ਅਜਿਥ ਫਰਨਾਂਡੋ ਸ਼੍ਰੀ ਲੰਕਾ ਤੋਂ ਇੱਕ ਕਲੀਸਿਆਈ ਆਗੂ, ਇੱਕ ਟੀਮ ਦੀ ਉਸਾਰੀ ਕਰਨ ਦੀਆਂ ਚੁਣੌਤੀਆਂ ਨੂੰ ਚੰਗੀ ਤਰ੍ਹਾਂ ਸਮਝਦਾ ਹੈ। ਉਹ ਲਿਖਦਾ ਹੈ:

ਸ਼ਾਇਦ ਸ਼ੁਭਸਮਾਚਾਰ ਆਧਾਰਿਤ ਕਲੀਸਿਆ ਦੇ ਵਿੱਚ ਇੱਕ ਦੁੱਖਭਰੀ ਗੱਲ ਇਹ ਹੈ ਕਿ ਅਕਸਰ ਸਾਡੇ ਫੈਸਲਿਆਂ ਅਤੇ ਕਿਰਿਆਵਾਂ ਦੇ ਸਮੇਂ ਧਰਮ ਸਿੱਖਿਆਵਾਂ ਨਾਲੋਂ ਭਾਵਨਾਵਾਂ ਜਿਆਦਾ ਹਾਵੀ ਹੋ ਜਾਂਦੀਆਂ ਹਨ। ਬਾਈਬਲ ਆਧਾਰਿਤ ਮਸੀਹੀ ਕਹਿੰਦਾ ਹੈ, “ਕਿਸੇ ਵਿਅਕਤੀ ਦੇ ਬਾਰੇ ਮੇਰੀਆਂ ਜੋ ਵੀ ਭਾਵਨਾਵਾਂ ਹਨ, ਮੈਂ ਉਸਨੂੰ ਸਵੀਕਾਰ ਕਰਾਂਗਾ ਕਿਉਂਕਿ ਪਰਮੇਸ਼ੁਰ ਚਾਹੁੰਦਾ ਹੈ ਕਿ ਮੈਂ ਅਜਿਹਾ ਕਰਾਂ ਅਤੇ ਮੈਂ ਪਰਮੇਸ਼ੁਰ ਦੇ ਕੋਲੋਂ ਉਸਦੇ ਨਾਲ ਸ਼ਾਂਤੀਪੂਰਵਕ ਕੰਮ ਕਰਨ ਦੀ ਕ੍ਰਿਪਾ ਮੰਗਾਂਗਾ।” ਸਾਡੀ ਧਰਮ ਸਿੱਖਿਆ ਕਹਿੰਦੀ ਹੈ ਕਿ ਕਿਸੇ ਨਾਲ ਕੰਮ ਕਰਨ ਦੇ ਲਈ ਅਜਿਹਾ ਯਤਨ ਸਫਲ ਹੋ ਜਾਏਗਾ, ਭਾਵੇਂ ਸਾਡੀਆਂ ਭਾਵਨਾਵਾਂ ਕੋਈ ਹੋਰ ਸੰਦੇਸ਼ ਦੇਣ। ਸਾਡੀ ਧਰਮ ਸਿੱਖਿਆ ਸਾਨੂੰ ਇਸ ਸੰਬੰਧ ਦੇ ਪ੍ਰਤੀ ਸਖ਼ਤ ਮਿਹਨਤ ਕਰਨ ਦੇ ਵੱਲ ਲੈ ਜਾਂਦੀ ਹੈ। ਅਸੀਂ ਉਸ ਵਿਅਕਤੀ ਦੇ ਲਈ ਅਤੇ ਸਾਡੇ ਨਾਲ ਉਸਦੇ ਸੰਬੰਧ ਦੇ ਲਈ ਪ੍ਰਾਥਨਾ ਕਰਦੇ ਹਾਂ। ਅਸੀਂ ਉਸਨੂੰ ਮਸੀਹੀ ਪਿਆਰ ਵਿਖਾਉਣਾ ਚਾਹੁੰਦੇ ਹਾਂ ਅਤੇ ਉਸਦੀ ਭਲਿਆਈ ਦੇ ਲਈ ਹਰ ਸੰਭਵ ਯਤਨ ਕਰਦੇ ਹਾਂ। ਅਸੀਂ ਸੁਫਨੇ ਵਿਕਸਿਤ ਕਰਦੇ ਹਾਂ ਕਿ ਇਹ ਵਿਅਕਤੀ ਟੀਮ ਦੇ ਰਾਂਹੀ ਕੀ ਉਪਲੱਭਧੀ ਕਰ ਸਕਦਾ ਹੈ।21F21F[1]

1 ਕੁਰਿੰਥੀਆਂ 12:12-25 ਸਾਨੂੰ ਸਿਖਾਉਂਦਾ ਹੈ ਕਿ ਮਸੀਹ ਦੀ ਦੇਹ ਦੇ ਵਿੱਚ ਸਾਡੇ ਕੋਲ ਇਹ ਹੱਕ ਨਹੀਂ ਹੈ ਕਿ ਅਸੀਂ ਕਿਸੇ ਵਿਅਕਤੀ ਨੂੰ ਸਿਰਫ਼ ਇਸ ਲਈ ਇਨਕਾਰ ਕਰ ਦਈਏ ਕਿਉਂਕਿ ਅਸੀਂ ਉਸਨੂੰ ਪਸੰਦ ਨਹੀਂ ਕਰਦੇ। ਜੇਕਰ ਤੁਸੀਂ ਕਿਸੇ ਕਲੀਸਿਆ ਨੂੰ ਬਣਾਉਗੇ ਤਾਂ ਉਸ ਵਿੱਚ ਅਜਿਹੇ ਮੈਂਬਰ ਵੀ ਹੋਣਗੇ ਜੋ ਤੁਹਾਨੂੰ ਚੰਗੇ ਨਹੀਂ ਲੱਗਣਗੇ। ਇੱਕ ਮਸੀਹੀ ਆਗੂ ਦੇ ਰੂਪ ਵਿੱਚ ਤੁਹਾਨੂੰ ਕਹਿਣਾ ਚਾਹੀਦਾ ਹੈ, “ਮੇਰੀਆਂ ਨਿੱਜੀ ਭਾਵਨਾਵਾਂ ਚਾਹੇ ਕੁਝ ਵੀ ਹੋਣ, ਮੈਂ ਇਸ ਵਿਅਕਤੀ ਨੂੰ ਸਵੀਕਾਰ ਕਰਾਂਗਾ ਕਿਉਂਕਿ ਪਰਮੇਸ਼ੁਰ ਨੇ ਇਸ ਵਿਅਕਤੀ ਨੂੰ ਮੇਰੀ ਦੇਖਭਾਲ ਦੇ ਅਧੀਨ ਰੱਖਿਆ ਹੈ। ਮੈਂ ਪਰਮੇਸ਼ੁਰ ਦੇ ਪਾਸੋਂ ਇਸ ਵਿਅਕਤੀ ਦੇ ਨਾਲ ਕੰਮ ਕਰਨ ਦੀ ਕ੍ਰਿਪਾ ਮੰਗਾਂਗਾ, ਅਤੇ ਮੈਂ ਪਰਮੇਸ਼ੁਰ ਤੋਂ ਉਸਦੀ ਬਰਕਤ ਅਤੇ ਸੇਵਕਾਈ ਦੇ ਵਿੱਚ ਉਸਦੇ ਵਾਧੇ ਦੀ ਮੰਗ ਕਰਾਂਗਾ।”

ਇੱਕ ਵਾਰ ਕਿਸੇ ਨੇ ਇੱਕ ਭਵਿੱਖ ਦੇ ਪਾਸਬਾਨ ਤੋਂ ਪੁੱਛਿਆ, “ਤੁਸੀਂ ਇੱਕ ਪਾਸਬਾਨ ਕਿਉਂ ਬਣਨਾ ਚਾਹੁੰਦੇ ਹੋ?” ਜੁਆਨ ਵਿਅਕਤੀ ਦੇ ਉੱਤਰ ਦਿੱਤਾ, “ਮੈਂ ਏਅਰਪੋਰਟ ਇੱਕ ਵਿਅਕਤੀ ਨੂੰ ਇੱਕ ਪਾਸਬਾਨ ਦਾ ਸੂਟਕੇਸ ਫੜੇ ਹੋਏ ਵੇਖਿਆ। ਮੈਂ ਚਾਹੁੰਦਾ ਹਾਂ ਕਿ ਕੋਈ ਮੇਰਾ ਸੂਟਕੇਸ ਵੀ ਫੜੇ!”

ਯਿਸੂ ਦਾ ਨਜ਼ਰੀਆ ਬਹੁਤ ਹੀ ਅਲੱਗ ਸੀ! ਇਹ ਜੁਆਨ ਸੇਵਾ ਕਰਵਾਉਣਾ ਚਾਹੁੰਦਾ ਸੀ; ਯਿਸੂ ਸੇਵਾ ਕਰਨਾ ਚਾਹੁੰਦਾ ਸੀ। “ਕਿਉਂਕਿ ਮਨੁੱਖ ਦਾ ਪੁੱਤ੍ਰ ਵੀ ਆਪਣੀ ਟਹਿਲ ਕਰਾਉਣ ਨਹੀਂ ਸਗੋਂ ਟਹਿਲ ਕਰਨ ਅਤੇ ਬਹੁਤਿਆਂ ਦੇ ਲਈ ਨਿਸਤਾਰੇ ਦੇ ਮੁੱਲ ਭਰਨ ਨੂੰ ਆਪਣੀ ਜਾਨ ਦੇਣ ਆਇਆ” (ਮਰਕੁਸ 10:45)। ਯਿਸੂ ਸਾਨੂੰ ਵਿਖਾਉਂਦਾ ਹੈ ਕਿ ਸੱਚੀ ਅਗਵਾਈ ਦੇ ਵਿੱਚ ਸੇਵਾ ਸ਼ਾਮਿਲ ਹੁੰਦੀ ਹੈ। ਯਿਸੂ ਨੇ ਆਪਣੇ ਆਪ ਨੂੰ ਨੀਵਿਆਂ ਕੀਤਾ, ਅਤੇ ਦਾਸ ਦਾ ਰੂਪ ਧਾਰਿਆ (ਫਿਲਿੱਪੀਆਂ 2:7)।

► ਪੜ੍ਹੋ ਯੂਹੰਨਾ 13:1-20.

ਇੰਜੀਲਾਂ ਦੇ ਵਿੱਚ ਅਜਿਹੇ ਬਹੁਤ ਸਾਰੇ ਸਥਾਨ ਹਨ ਜਿੱਥੇ ਅਸੀਂ ਯਿਸੂ ਦੀ ਦਾਸ ਵਾਲੀ ਅਗਵਾਈ ਦੇ ਨਮੂਨੇ ਨੂੰ ਵੇਖ ਸਕਦੇ ਹਾਂ, ਪਰ ਇਸਦੀ ਇੱਕ ਸਭ ਤੋਂ ਸ਼ਕਤੀਸ਼ਾਲੀ ਉਦਾਹਰਨ ਉਹ ਹੈ ਜਿੱਥੇ ਯਿਸੂ ਆਪਣੇ ਚੇਲਿਆਂ ਦੇ ਪੈਰ ਧੋਂਦਾ ਹੈ। ਇਸ ਪ੍ਰਕਾਰ, ਯਿਸੂ ਵਿਖਾਉਂਦਾ ਹੈ ਕਿ ਦਾਸ ਬਣਨ ਦਾ ਕੀ ਅਰਥ ਹੈ।

ਕੁਝ ਲੋਕ ਯਿਸੂ ਦੁਆਰਾ ਅਖੀਰੀ ਭੋਜ ਤੇ ਕੀਤੇ ਇਸ ਕੰਮ ਦੇ ਨਾਲ ਜੁੜਣ ਦੇ ਲਈ ਕਲੀਸਿਆਵਾਂ ਦੇ ਵਿੱਚ ਪੈਰ-ਧੋਣ ਦੀ ਰਸਮ ਕਰਦੇ ਹਨ। ਇਹ ਇੱਕ ਬਹੁਤ ਹੀ ਸੁੰਦਰ ਸਭਾ ਹੋ ਸਕਦੀ ਹੈ, ਇਹ ਇਹ ਜਾਣਨਾ ਬਹੁਤ ਹੀ ਸ਼ਕਤੀਸ਼ਾਲੀ ਹੈ ਕਿ ਉੱਥੇ ਯਿਸੂ ਨੇ ਕੋਈ ਖਾਸ ਰਮਸ ਪੂਰੀ ਨਹੀਂ ਕੀਤੀ ਸੀ। ਇਸਦੀ ਬਜਾਏ ਉਸਨੇ ਉਹ ਕੰਮ ਕੀਤਾ ਜੋ ਉਸ ਸਮੇਂ ਕਰਨ ਦੀ ਜਰੂਰਤ ਸੀ।

ਯਰੂਸ਼ਲਮ ਦੀਆਂ ਘੱਟੇ ਵਾਲੀਆਂ ਗਲੀਆਂ ਦੇ ਕਾਰਨ ਇੱਕ ਨੌਕਰੀ ਕਰਨ ਵਾਲੇ ਦਾਸ ਦੇ ਲਈ ਖਾਣੇ ਤੇ ਆਉਣ ਵਾਲੇ ਮਹਿਮਾਨਾਂ ਦੇ ਪੈਰ ਧੋਣੇ ਇੱਕ ਰਮਸ ਸੀ। ਇਹ ਇੱਕ ਨੀਵਾਂ ਕੰਮ ਸੀ ਜੋ ਕਿਸੇ ਸਭ ਤੋਂ ਨੀਵੇਂ ਨੌਕਰ ਨੂੰ ਦਿੱਤਾ ਜਾਂਦਾ ਸੀ। ਜਦੋਂ ਯਿਸੂ ਪਸਾਹ ਦਾ ਪਰਬ ਮਨਾਉਣ ਦੇ ਲਈ ਚੇਲਿਆਂ ਦੇ ਨਾਲ ਇਕੱਠਾ ਹੋਇਆ, ਤਾਂ ਉਸ ਕਮਰੇ ਵਿੱਚ ਕੋਈ ਦਾਸ ਨਹੀਂ ਸੀ। ਕੋਈ ਵੀ ਚੇਲ੍ਹਾ ਇਸ ਕੰਮ ਨੂੰ ਕਰਨ ਦੇ ਲਈ ਅੱਗੇ ਨਹੀਂ ਆਇਆ; ਉਹ ਯਿਸੂ ਦੇ ਰਾਜ ਦੇ ਵਿੱਚ ਉੱਚੇ ਅਹੁਦੇ ਦੀ ਉਮੀਦ ਦੇ ਵਿੱਚ ਸਨ। ਯਿਸੂ ਨੇ ਗੋਡੇ ਨਿਵਾਏ ਅਤੇ ਸਭ ਤੋਂ ਨੀਵੇਂ ਨੌਕਰ ਦਾ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ।

ਇਹ ਦ੍ਰਿਸ਼ ਆਗੂਪੁਣੇ ਦੇ ਬਾਰੇ ਯਿਸੂ ਦੇ ਨਜ਼ਰੀਏ ਨੂੰ ਪ੍ਰਗਟ ਕਰਦਾ ਹੈ। ਦੂਸਰੇ ਲੋਕ ਤਾਕਤ ਦੇ ਲਈ ਅਗਵਾਈ ਦੇ ਅਹੁਦੇ ਨੂੰ ਪਾਉਣਾ ਚਾਹੁੰਦੇ ਸਨ। ਉਨ੍ਹਾਂ ਦਾ ਟੀਚਾ ਸੰਸਥਾ ਦੇ ਵਿੱਚ ਸਭ ਤੋਂ ਉੱਚੇ ਅਹੁਦੇ ਤੇ ਪਹੁੰਚਣਾ ਸੀ। ਯਿਸੂ ਪਹਿਲਾਂ ਤੋਂ ਹੀ ਸਭ ਤੋਂ ਉੱਪਰ ਸੀ; ਉਹ ਚੇਲ੍ਹਿਆਂ ਦਾ ਸੁਆਮੀ ਸੀ। ਪਰ ਉਸਨੇ ਆਪਣੀ ਇੱਛਾ ਦੇ ਨਾਲ ਸਭ ਤੋਂ ਨੀਵਾਂ ਸਥਾਨ ਲੈ ਲਿਆ।

ਮਸੀਹ ਜਿਹਾ ਆਗੂ ਬਣਨ ਦਾ ਇਹੀ ਅਰਥ ਹੈ। ਮਸੀਹ ਜਿਹਾ ਆਗੂ ਅਜਿਹੇ ਕੰਮ ਕਰਦਾ ਹੈ ਜਿਸਨੂੰ ਹੋਰ ਕੋਈ ਨਹੀਂ ਕਰਨਾ ਚਾਹੁੰਦਾ। ਇੱਕ ਮਸੀਹ ਜਿਹਾ ਆਗੂ ਦੂਸਰਿਆਂ ਨੂੰ ਉੱਚੀ ਆਵਾਜ ਦੇ ਹੁਕਮਾਂ ਨਾਲ ਪ੍ਰੇਰਿਤ ਨਹੀਂ ਕਰਦਾ, ਪਰ ਉਹ ਆਪਣੀ ਹਲੀਮ ਸੇਵਾ ਦੇ ਨਾਲ ਅਜਿਹਾ ਕਰਦਾ ਹੈ।

[1]ਇੱਕ ਵਾਰ ਕਿਸੇ ਨੇ ਕਿਹਾ, “ਦਾਸ ਦੀ ਆਤਮਾ ਦੀ ਪ੍ਰੀਖਿਆ ਇਹ ਹੈ ‘ਜਦੋਂ ਮੇਰੇ ਨਾਲ ਇੱਕ ਦਾਸ ਵਾਲਾ ਰਵੱਈਆ ਵਰਤਿਆ ਜਾਂਦਾ ਹੈ ਤਾਂ ਮੈਂ ਕਿਵੇਂ ਪ੍ਰਤੀਕਿਰਿਆ ਕਰਦਾ ਹਾਂ?” ਜਦੋਂ ਯਿਸੂ ਦੀ ਉਦਾਹਰਨ ਤੇ ਚੱਲਣ ਵਾਲੇ ਆਗੂ ਨਾਲ ਦਾਸ ਵਾਲਾ ਵਤੀਰਾ ਕੀਤਾ ਜਾਂਦਾ ਹੈ ਤਾਂ ਉਹ ਬੁਰਾ ਨਹੀਂ ਮਨਾਉਂਦਾ। ਇਹ ਨਾ ਭੁੱਲੋ ਕਿ ਯਿਸੂ ਨੇ ਬਾਕੀ ਚੇਲ੍ਹਿਆਂ ਦੇ ਨਾਲ ਯਹੂਦਾਹ ਦੇ ਵੀ ਪੈਰ ਧੋਤੇ ਸਨ। ਕੀ ਤੁਸੀਂ ਹਲੀਮੀ ਦੇ ਨਾਲ ਅਜਿਹੇ ਮਨੁੱਖ ਦੇ ਪੈਰ ਧੋਣ ਦੀ ਕਲਪਨਾ ਕਰ ਸਕਦੇ ਹੋ ਜਿਸਨੇ ਪਹਿਲਾਂ ਤੋਂ ਹੀ ਤੁਹਾਨੂੰ ਧੋਖਾ ਦੇਣ ਦਾ ਮਨ ਬਣਾ ਲਿਆ ਹੈ?

ਜਦੋਂ ਉਹ ਚੇਲ੍ਹਿਆਂ ਦੇ ਪੈਰ ਧੋ ਚੁੱਕਾ ਤਾਂ ਯਿਸੂ ਨੇ ਇੰਨ੍ਹਾਂ ਅਹੁਦੇ ਭਾਲਣ ਵਾਲੇ ਮਨੁੱਖਾਂ ਨੂੰ ਕਿਹਾ, “ਇਸ ਲਈ ਜੋ ਮੈਂ ਤੁਹਾਨੂੰ ਇੱਕ ਨਮੂਨਾ ਦੇ ਛੱਡਿਆ ਹੈ ਤਾਂ ਜੋ ਜਿਵੇਂ ਮੈਂ ਤੁਹਾਡੇ ਨਾਲ ਕੀਤਾ ਤੁਸੀਂ ਭੀ ਤਿਵੇਂ ਹੀ ਕਰੋ (ਯੂਹੰਨਾ 13:15)। ਤੀਹ ਸਾਲਾਂ ਦੇ ਬਾਅਦ ਸ਼ਮਓਨ ਪਤਰਸ ਨੇ ਸ਼ਾਇਦ ਇਹ ਲਿਖਦੇ ਹੋਏ ਯਿਸੂ ਦੀ ਹਲੀਮੀ ਨੂੰ ਯਾਦ ਕੀਤਾ ਹੋਵੇਗਾ, “ਇੱਕ ਦੂਜੇ ਦੀ ਸੇਵਾ ਕਰਨ ਦੇ ਲਈ ਮਨ ਦੀ ਹਲੀਮੀ ਨਾਲ ਲੱਕ ਬੰਨ੍ਹੋ” (1 ਪਤਰਸ 5:5)। ਜਿਵੇਂ ਯਿਸੂ ਨੇ ਦੂਜੇ ਚੇਲ੍ਹਿਆਂ ਦੀ ਸੇਵਾ ਕਰਨ ਦੇ ਲਈ ਲੱਕ ਬੰਨ੍ਹਿਆ, ਸਾਨੂੰ ਵੀ ਦੂਸਰਿਆਂ ਦੀ ਸੇਵਾ ਕਰਨ ਦੇ ਲਈ ਹਲੀਮੀ ਦੇ ਨਾਲ ਲੱਕ ਬੰਨਣਾ ਚਾਹੀਦਾ ਹੈ।

ਮਸੀਹੀ ਆਗੂਆਂ ਦੇ ਤੌਰ ਤੇ ਅਸੀਂ ਸੇਵਾ ਕਰਨ ਦੇ ਮੌਕਿਆਂ ਦੀ ਭਾਲ ਕਰਨ ਦੀ ਬਜਾਏ ਅਸੀਂ ਅਹੁਦਿਆਂ ਦੇ ਪਿੱਛੇ ਭੱਜਣ ਦੀ ਪ੍ਰੀਖਿਆ ਦੇ ਵਿੱਚ ਪੈ ਸਕਦੇ ਹਾਂ। ਯਿਸੂ ਨੇ ਵਿਖਾਇਆ ਕਿ ਮਸੀਹੀ ਅਗਵਾਈ ਸੇਵਾ ਹੀ ਹੈ।

ਤੁਹਾਡੇ ਜੀਵਨ ਦੇ ਅੰਤ ਵਿੱਚ, ਦੂਸਰੇ ਮਸੀਹੀ ਸੇਵਕਾਂ ਦੇ ਇੱਕ ਆਤਮਿਕ ਸਲਾਹਕਾਰ ਦੇ ਤੌਰ ਤੁਹਾਡੀ ਸੇਵਕਾਈ ਦੀ ਮਹਾਨ ਵਿਰਾਸਤ ਬਣ ਸਕਦਾ ਹੈ। ਜੇਕਰ ਤੁਸੀਂ ਆਪਣੀ ਸੇਵਕਾਈ ਦੇ ਦੌਰਾਨ 12 ਮਸੀਹੀ ਸੇਵਕਾਂ ਦੇ ਆਤਮਿਕ ਸਲਾਹਕਾਰ ਬਣਦੇ ਹੋ, ਤਾਂ ਤੁਹਾਡਾ ਪ੍ਰਭਾਵ ਉਨ੍ਹਾਂ 12 ਦੁਆਰਾ ਤਿਆਰ ਕੀਤੇ ਜਾਣ ਵਾਲੇ ਸੇਵਕਾਂ ਦੁਆਰਾ ਗੁਣਾ ਹੋ ਜਾਂਦਾ ਹੈ।

ਦੁੱਖ ਦੀ ਗੱਲ ਇਹ ਹੈ, ਕਿ ਭਾਵੇਂ ਮਸੀਹੀ ਆਗੂ ਹੋਰ ਸੇਵਕਾਂ ਦੀ ਆਤਮਿਕ ਅਗਵਾਈ ਮਹੱਤਵ ਨੂੰ ਜਾਣਦੇ ਹਨ, ਪਰ ਕੁਝ ਹੀ ਲੋਕ ਦੂਸਰੇ ਸੇਵਕਾਂ ਦੀ ਆਤਮਿਕ ਅਗਵਾਈ ਕਰਦੇ ਹਨ। ਅਸੀਂ ਸੇਵਕਾਈ ਦੇ ਇਸ ਪਹਿਲੂ ਨੂੰ ਕਿਉਂ ਨਕਾਰਦੇ ਹਾਂ?

ਇਸਦਾ ਇੱਕ ਕਾਰਨ ਆਤਮਿਕ ਸਲਾਹਕਾਰ ਹੋਣ ਦੀ ਕੀਮਤ ਹੈ। ਆਤਮਿਕ ਸਲਾਹ ਦੇ ਲਈ ਕੀਮਤੀ ਸਮਾਂ ਦੇਣਾ ਪੈਂਦਾ ਹੈ। ਅਸੀਂ ਅਕਸਰ ਵਿਸ਼ਵਾਸ ਕਰਦੇ ਹਾਂ ਕਿ ਨਵੇਂ ਆਗੂਆਂ ਦੀ ਆਤਮਿਕ ਅਗਵਾਈ ਕਰਨ ਵਿੱਚ ਬਿਤਾਇਆ ਜਾਣ ਵਾਲਾ ਸਮਾਂ ਵੱਡਿਆਂ ਸਮੂਹਾਂ ਵਿੱਚ ਵਧੀਆ ਬਿਤਾਇਆ ਜਾ ਸਕਦਾ ਹੈ।

ਇਸਦਾ ਇੱਕ ਹੋਰ ਕਾਰਨ ਉਹ ਨਿਰਾਸ਼ਾ ਹੈ ਜੋ ਆਤਮਿਕ ਅਗਵਾਈ ਦੇ ਨਾਲ ਜੁੜੀ ਹੋਈ ਹੈ। ਇਹ ਕਹਿਣਾ ਬਹੁਤ ਚਮਕਦਾਰ ਲੱਗਦਾ ਹੈ ਕਿ, “ਮੈਂ ਅੱਗਲੀ ਪੀੜ੍ਹੀ ਦੇ ਆਗੂਆਂ ਨੂੰ ਸਿਖਲਾਈ ਦੇ ਰਿਹਾ ਹਾਂ।” ਇਸਦੀ ਅਸਲੀਅਤ ਅਕਸਰ ਬਹੁਤ ਘੱਟ ਉਤਸੁਕਤਾ ਵਾਲੀ ਹੁੰਦੀ ਹੈ।

ਬਹੁਤ ਵਾਰ ਯਿਸੂ ਆਪਣੇ ਚੇਲ੍ਹਿਆਂ ਦੇ ਧੀਮੇ ਵਿਕਾਸ ਦੇ ਪ੍ਰਤੀ ਨਿਰਾਸ਼ ਹੋਇਆ ਹੋਵੇਗਾ। ਯਿਸੂ ਦੇ ਨਾਲ ਤਿੰਨ ਸਾਲ ਬਿਤਾਉਣ ਤੋਂ ਬਾਅਦ ਫਿਲਿਪੁਸ ਦੇ ਪੁੱਛਿਆ, “ਪ੍ਰਭੁ ਜੀ ਪਿਤਾ ਦਾ ਸਾਨੂੰ ਦਰਸ਼ਣ ਕਰਾ ਤਾਂ ਸਾਨੂੰ ਤ੍ਰਿਪਤ ਆਊ” (ਯੂਹੰਨਾ 14:8)। ਯਿਸੂ ਦੁਆਰਾ 5000 ਦੀ ਭੀੜ ਨੂੰ ਖਵਾਉਣ ਦੇ ਕੁਝ ਮਹੀਨਿਆਂ ਦੇ ਬਾਅਦ, ਚੇਲ੍ਹਿਆਂ ਦਾ ਸਾਹਮਣਾ 4000 ਲੋਕਾਂ ਦੀ ਭੀੜ ਨਾਲ ਹੋਇਆ। ਉਨ੍ਹਾਂ ਨੇ ਪੁੱਛਿਆ, “ਇਸ ਉਜਾੜ ਵਿੱਚ ਕੋਈ ਇਨ੍ਹਾਂ ਨੂੰ ਰੋਟੀਆਂ ਨਾਲ ਕਿੱਥੋਂ ਰਜਾ ਸੱਕੇ?” (ਮਰਕੁਸ 8:4)

ਪੌਲੁਸ ਰਸੂਲ ਨੇ ਇਸੇ ਪ੍ਰਕਾਰ ਦੀ ਨਿਰਾਸ਼ਾ ਦਾ ਸਾਹਮਣਾ ਕੀਤਾ। ਯੂਹੰਨਾ ਮਰਕੁਸ ਪਹਿਲੀ ਮਿਸ਼ਨਰੀ ਯਾਤਰਾ ਦੇ ਦੌਰਾਨ ਛੱਡ ਕੇ ਚਲਾ ਗਿਆ (ਰਸੂਲਾਂ ਦੇ ਕਰਤੱਬ 13:13)। ਦੇਮਾਸ ਨੂੰ ਕਈ ਮਹੀਨੇ ਸਿਖਲਾਈ ਦੇਣ ਤੋਂ ਬਾਅਦ, ਪੌਲੁਸ ਨੇ ਇੱਕ ਇਕਾਂਤ ਕੈਦ ਵਿੱਚੋਂ ਲਿਖਿਆ, “ਕਿਉਂ ਜੋ ਦੇਮਾਸ ਨੇ ਇਸ ਵਰਤਮਾਨ ਜੁੱਗ ਨਾਲ ਮੋਹ ਲਾ ਕੇ ਮੈਨੂੰ ਛੱਡ ਦਿੱਤਾ” (2 ਤਿਮੋਥਿਉਸ 4:10)।

ਆਤਮਿਕ ਸਲਾਹਕਾਰੀ ਦੀ ਸੇਵਕਾਈ ਕੀਮਤੀ ਹੈ ਅਤੇ ਇਸ ਵਿੱਚ ਨਿਰਾਸ਼ਾ ਆ ਸਕਦੀ ਹੈ, ਪਰ ਇਹ ਇੱਕ ਆਗੂ ਦੇ ਕੰਮ ਦਾ ਮਹੱਤਵਪੂਰਨ ਹਿੱਸਾ ਹੈ। ਹਰੇਕ ਪਰਿਪੱਕ ਮਸੀਹੀ ਆਗੂ ਨੂੰ ਭਵਿੱਖ ਦੇ ਆਗੂਆਂ ਦੀ ਆਤਮਿਕ ਅਗਵਾਈ ਕਰਨੀ ਚਾਹੀਦੀ ਹੈ। ਇਸਦੇ ਨਾਲ ਹੀ ਹਰੇਕ ਮਸੀਹੀ ਆਗੂ ਦੇ ਕੋਲ ਇੱਕ ਆਤਮਿਕ ਸਲਾਹਕਾਰ ਹੋਣਾ ਚਾਹੀਦਾ ਹੈ ਜੋ ਸੰਘਰਸ਼ ਦੇ ਸਮੇਂ ਸਮਰਥਨ ਕਰ ਸਕੇ।

ਹੋਵਾਰਡ ਹੈਂਡ੍ਰਿਕ ਨੇ ਕਿਹਾ ਕਿ ਹਰੇਕ ਵਿਅਕਤੀ ਨੂੰ ਉਸਦੇ ਜੀਵਨ ਵਿੱਚ ਤਿੰਨ ਲੋਕਾਂ ਦੀ ਜਰੂਰਤ ਹੁੰਦੀ ਹੈ:

1. ਹਰੇਕ ਵਿਅਕਤੀ ਨੂੰ ਇੱਕ ਪੌਲੁਸ ਦੀ ਜਰੂਰਤ ਹੈ, ਇੱਕ ਅਜਿਹਾ ਆਤਮਿਕ ਸਲਾਹਕਾਰ ਜੋ ਤੁਹਾਨੂੰ ਲਗਾਤਾਰ ਵਿਕਾਸ ਦੇ ਲਈ ਚੁਨੌਤੀ ਦਿੰਦਾ ਹੈ।

2. ਹਰੇਕ ਵਿਅਕਤੀ ਨੂੰ ਇੱਕ ਬਰਨਾਬਾਸ ਦੀ ਜਰੂਰਤ ਹੈ, ਇੱਕ ਅਜਿਹਾ ਦੋਸਤ ਜੋ ਤੁਹਾਨੂੰ ਇੰਨਾਂ ਪਿਆਰ ਕਰਦਾ ਹੋਵੇ ਕਿ ਉਹ ਤੁਹਾਡੀਆਂ ਕਮਜ਼ੋਰੀਆਂ ਦੇ ਪ੍ਰਤੀ ਤੁਹਾਡੇ ਨਾਲ ਇਮਾਨਦਾਰ ਹੋਵੇ।

3. ਹਰੇਕ ਵਿਅਕਤੀ ਨੂੰ ਇੱਕ ਤਿਮੋਥਿਉਸ ਦੀ ਜਰੂਰਤ ਹੈ, ਇੱਕ ਨਵਾਂ ਵਿਅਕਤੀ ਜਿਸਦੀ ਤੁਸੀਂ ਮੰਤਵ ਵਿੱਚ ਸਿਖਲਾਈ ਅਤੇ ਅਗਵਾਈ ਕਰ ਸਕੋ।

► ਇਸ ਪਾਠ ਦਾ ਅੰਤ ਅਜਿਹੇ ਪ੍ਰਸ਼ਨ ਪੁੱਛਣ ਨਾਲ ਕਰੋ:

• “ਮੇਰਾ ਪੌਲੁਸ ਕੋਣ ਹੈ?”

• ਮੇਰਾ ਬਰਨਾਬਾਸ ਕੋਣ ਹੈ?”

• ਮੇਰਾ ਤਿਮੋਥਿਉਸ ਕੋਣ ਹੈ?”

(1) ਹੇਠਾਂ ਦਿੱਤੇ ਟੇਬਲ ਦੇ ਵਿੱਚ, ਅਜਿਹੇ ਚਾਰ ਸਮਿਆਂ ਦੀ ਸੂਚੀ ਬਣਾਉ ਜਦੋਂ ਚੇਲ੍ਹਿਆਂ ਨੇ ਯਿਸੂ ਦੀ ਸੇਵਕਾਈ ਨੂੰ ਵੇਖਿਆ। ਉਨ੍ਹਾਂ ਗੱਲਾਂ ਬਾਰੇ ਲਿਖੋ ਜੋ ਚੇਲ੍ਹਿਆਂ ਦੇ ਯਿਸੂ ਦੀ ਸੇਵਕਾਈ ਵੇਖਣ ਦੁਆਰਾ ਸਿੱਖਿਆ।

(2) ਅਜਿਹੇ ਦੋ ਜਾਂ ਤਿੰਨ ਲੋਕਾਂ ਦੀ ਸੂਚੀ ਬਣਾਉ ਜਿੰਨ੍ਹਾਂ ਦੀ ਤੁਸੀਂ ਭਵਿੱਖ ਦੇ ਵਿੱਚ ਅਗਵਾਈ ਕਰ ਸਕਦੇ ਹੋ। ਇੱਕ ਛੋਟਾ ਪੈਰਾਗ੍ਰਾਫ ਲਿਖੋ ਜਿਸਦੇ ਵਿੱਚ ਤੁਸੀਂ ਦੋ ਪ੍ਰਸ਼ਨਾਂ ਦਾ ਉੱਤਰ ਦਿਓਗੇ:

• ਜਿਸ ਵਿਅਕਤੀ ਦੀ ਮੈਂ ਆਤਮਿਕ ਅਗਵਾਈ ਕਰਦਾ ਹੈ ਉਸ ਵਿੱਚ ਮੈਂ ਕਿਹੜੀਆਂ ਯੋਗਤਾਵਾਂ ਵੇਖਣੀਆਂ ਚਾਹੁੰਦਾ ਹਾਂ?

• ਜਿਸ ਵਿਅਕਤੀ ਦੀ ਮੈਂ ਆਤਮਿਕ ਅਗਵਾਈ ਕਰਦਾ ਹੈ, ਮੈਂ ਕੀ ਚਾਹੁੰਦਾ ਹਾਂ ਕਿ ਪਰਮੇਸ਼ੁਰ ਉਸਦੇ ਦੁਆਰਾ ਪ੍ਰਾਪਤੀ ਕਰੇ? (ਖਾਸ ਤੌਰ ਤੇ ਲਿਖੋ)

ਜਿੰਨ੍ਹਾਂ ਦੇ ਨਾਮ ਤੁਸੀਂ ਲਿਖਦੇ ਹੋ ਉਨ੍ਹਾਂ ਦੀ ਆਤਮਿਕ ਅਗਵਾਈ ਕਰਨ ਦੇ ਲਈ ਕਦਮ ਚੁੱਕੋ। ਪਰਮੇਸ਼ੁਰ ਤੋਂ ਪੁੱਛੋ ਕੀ ਤੁਸੀਂ ਉਨ੍ਹਾਂ ਨੂੰ ਸੇਵਕਾਈ ਦੇ ਮੌਕਿਆਂ ਲਈ ਕਿਵੇਂ ਤਿਆਰ ਕਰ ਸਕਦੇ ਹੋ।

ਇੱਥੇ ਪ੍ਰਿੰਟ ਕਰਨ ਯੋਗ PDF ਹੈ।