SGC کے کورسز مختلف قسم کے پروگراموں میں استعمال ہوتے ہیں۔ کچھ ہائی اسکولز بھی اِن کورسز کو استعمال کرتے ہیں۔ کچھ گرجا گھر اپنے سنڈے سکولز میں کورسز استعمال کرتے ہیں۔ کچھ ہوم بائبل اسٹڈی گروپس بھی مطالعہ کے لیے اِن کورسز کا انتخاب کرتے ہیں۔ بعض اوقات پادری مُنادی اور تعلیم میں استعمال کرنے کے لیے بھی کورسز سے مواد کا انتخاب کرتے ہیں۔

اس باب میں دی گئی ہدایات کا اطلاق اُن مقامی انسٹی ٹیوٹ پر ہوتا ہے جو مطالعہ کے مکمل پروگرام کے لیے SGC کے 20 کورسز کا استعمال کرتے ہیں۔

SGC کورسز کے مکمل سیٹ میں بائبل کالج کے نصاب کا سب سے اہم مواد شامل ہے۔ اِسے جان بوجھ کر مشکل الفاظ کے پاک رکھا گیا ہے۔

ایک طالب علم کو کورسز کا مطالعہ کرنے کے لیے اچھی طرح پڑھنے اور لکھنے کے قابل ہونا چاہیے جیسا کہ وہ ڈیزائن کیے گئے ہیں۔

کورسز نومرُید مسیحیوں کی شاگردیت کی غرض سے نہیں بنائے گئے ہیں، تاہم کورسز کے زیادہ تر مواد کو اِس مقصد کے لیے بھی استعمال کیا جا سکتا ہے۔

گروپ کے لیے بہترین طرز عمل کے لیے ہر طالبِ علم۔۔۔۔۔

1. کورس کی ایک کاپی رکھیں۔

2. تمام اسائنمنٹس کو مکمل کریں۔

3. کلاس کے دوران مواد پیش کرنے کی مشق کریں۔

4. مقامی چرچ کے ساتھ اچھے تعلقات میں ہوں۔

5. گروپ سے باہر باقاعدہ منسٹری میں سرگرم ہوں۔

ایک استاد جو ان طریقوں کی پیروی کرتا ہے وہ طلباء کو منسٹری کے لیے مؤثر طریقے سے تربیت دے گا۔

سٹوڈنٹ ایڈیشن اُن طلباء کے گروپس کے لئے دستیاب ہیں جن کا مقصد خود کو منسٹری کے لئے تیار کرنا نہیں ہے۔ سٹوڈنٹ ایڈیشن کورسز کا آسان ورژن ہے۔ یہ ہائی سکولز اور سنڈے اسکولز میں استعمال ہوتے ہیں۔ یہ طلباء باقاعدہ اسائنمنٹس نہیں کرتے کیونکہ وہ منسٹری کے لئے مشق نہیں کر رہے ہیں یا منسٹری کی تیاری نہیں کر رہے ہیں۔ ان طلباء کے اساتذہ کو اصل SGC کورسز کے متن سے پڑھانا چاہئے کیونکہ سٹوڈنٹ ایڈیشن مکمل نہیں ہے۔ نوٹ: سٹوڈنٹ ایڈیشن کا استعمال ان طلباء کے لئے نہیں کیا جانا چاہئے جو منسٹری کی تیاری کرنا چاہتے ہیں اور منسٹری کی تربیت کا سرٹیفکیٹ حاصل کرنے کا ارادہ رکھتے ہیں۔

SGC تعلیمی ڈگری نہیں دیتا۔ جو مقامی ادارے SGC کورسز کا استعمال کرتے ہیں اُن میں سے کچھ اپنی ضروریات کو مدِنظر رکھتے ہوئے پر ڈگری یا سرٹیفکیٹ دیتے ہیں۔ لیکن اِس کے لئے طالب علم کو ادارے کے ساتھ رجسٹر ہونا چاہیے اور جس ضرورت کے تحت ڈگری لی گئی ہے اُسے پورا کرنا چاہیے۔

ایسی جگہوں پر جہاں تعلیمی ڈگری دستیاب نہیں ہے، پروگرام کو پیشہ ورانہ تربیت سمجھا جانا چاہیے۔ کاروباری دنیا میں پیشہ ورانہ تربیتی پروگرام ایک شخص کو ایک ہنر مند پیشے میں کام کرنے کے لیے تیار کرتے ہیں۔ وہ پروگرام کی ڈگریاں فراہم نہیں کرتے ہیں۔ تاہم وہ اس بات کی تصدیق کرتے ہیں کہ ایک شخص کو تربیت دی گئی ہے۔ اسی طرح، SGC پروگرام منسٹری کے لیے پیشہ ورانہ تربیت ہے۔

مواد کے طور پر کورسز کے علاوہ صرف ایک بائبل ضروری ہے، لیکن کورسز مزید مطالعہ کے لیے مواد تجویز کرتے ہیں۔ کسی مقامی ادارے کو طالب علم کے استعمال کے لیے کوئی لائبریری تیار کرنے کی کوشش کرنی چاہیے۔

مقامی حالات کی بنیاد پر ایک مقامی ادارہ کلاسز کے لیے اپنا شیڈول بنا سکتا ہے۔ تاہم، یہ بات یقینی بنائی جانی چاہئے کہ اِسکے لئے کافی وقت طے کیا جائے. اگر کوئی استاد بحث و مباحثہ اور طالب علموں کی مشقی سرگرمیوں کے بغیر مواد کو پڑھاتا ہے، تو اِس سے وقت کی بچت تو ضرور ہو گی لیکن کلاس طلبہ کو اچھی طرح سے تیار کرنے میں ناکام رہے گی۔ اگر گروپ مواد اور مکمل اسائنمنٹس پر بحث کرنے میں وقت صرف کرتا ہے، تو ایک کورس کو پڑھانے کے لئے تیس گھنٹے سے زیادہ کا وقت درکار ہو گا۔ اپنی اسائنمنٹس کو پورا کرنے کے لئے طلباء کو کلاس کے بعد بھی اضافی وقت دینا پڑے گا۔

کورسسز کے لئے ایک خاص ترتیب ضروری نہیں ہے۔ ہر ایک کورس بحث کے سوالات اور مشقی سرگرمیوں کے ساتھ اپنے آپ میں مکمل ہے، یعنی کسی اضافی کورس کی ضرورت نہیں ہو گی۔ پروگرام کو ایک سلسلے کی صورت میں چلانا درست رہے گا، جس سے 20 کے دوران کسی بھی کورس کے آغاز میں نئے طلباء شامل ہو سکتے ہیں۔ اِس طرح ایک ادارہ نئے طلباء کو سال کے آغاز تک انتظار کروانے کی بجائے اُنہیں ہر ایک نئے کورس کے آغاز میں بھرتی کر سکتا ہے۔ انفرادی طلباء کسی بھی کورس کے آغاز میں داخلہ لیتے ہیں اور 20 کورسز کے ایک سلسلہ کا حصہ بن کر کلاسز اُس وقت تک جاری رکھ سکتے ہیں جب تک کہ اُن کے 20 کورسز مکمل نہ ہو جائیں۔

استاد کو طالب علم کی حاضری کا ریکارڈ رکھنا چاہیے۔ ایک طالب علم جو کلاسز کے کُل وقت کے کم از کم 75% میں شرکت نہیں کرتا اور اسائنمنٹس کو 100% پورا نہیں کرتا اسے کورس کے لیے کریڈٹ نہیں ملنا چاہیے۔ مخصوص حالات میں، استاد کلاس کے کھوئے ہوئے وقت کی تلافی کے لیے اضافی مطالعہ کی پیشکش کر سکتا ہے۔

اساتذہ کو طلباء کی طرف سے مکمل کی گئی اسائنمنٹس کا ریکارڈ رکھنا چاہیے تاکہ یہ یقینی بنایا جا سکے کہ حتمی گریڈ منصفانہ اور درست ہو۔ استاد کو یقینی بنانا چاہیے کہ ہر ایک طالبِ علم کو معلوم ہو کہ آیا ان کی اسائنمنٹس یا حاضری ان کے گریڈز کو کم تو نہیں کر رہی۔

اگر مقامی انسٹی ٹیوٹ اداروں کی انجمن کا حصہ ہے، تو حاضری اور اسائنمنٹ کا ریکارڈ علاقائی ٹرینرز کے معائنہ کے لیے دستیاب ہونا چاہیے۔ اگر ادارہ مطلوبہ معیار کو برقرار نہیں رکھتا ہے تو اُنکے دیئے گئے سرٹیفکیٹس قابلِ قدر نہیں ہوں گے۔

ہر ایک مقامی ادارے کی کلاس کو مقامی معاونت حاصل کرنی چاہیے۔ کلاس روم ایک مقامی گرجا گھر فراہم کرسکتا ہے۔ اساتذہ مقامی منسٹری میں خدمت کے طور پر کام کرسکتے ہیں۔ طباعت شدہ کورسز کی لاگت مقامی منسٹری یا طلباء کے ذریعے حاصل کی جاسکتی ہے۔ اگر کوئی انسٹی ٹیوٹ کسی انجمن کا حصہ ہے، تو مرکزی انتظامیہ طلباء کے لیے فیس مقرر کر سکتی ہے جو پرنٹ شدہ کورسز کی لاگت کو پورا کرسکے اور مقامی انسٹی ٹیوٹ کے عملے کی مدد کی جا سکے۔

مقامی انسٹی ٹیوٹ کے عملے کے لیے ضروری ہے کہ وہ تمام مالی معاملات میں ایماندار اور شفاف ہوں (2 کرنتھیوں21:8)۔ اس میں شامل ہر شخص کو معلوم ہونا چاہیے کتنا پیسہ جمع کیا جاتا ہے اور اسے کیسے خرچ کیا جاتا ہے۔ فنڈز کے انتظام میں ایک کمیٹی شامل ہونی چاہیے۔ مالی معاملات میں وہ فیسیں شامل ہیں جو طلباء مقامی انسٹی ٹیوٹ یا مرکزی انتظامیہ کو ادا کرتے ہیں، طباعت شدہ کورسز کی لاگت، مقامی اساتذہ کی معاونت، اور جمع کی گئی یا خرچ کی گئی کوئی بھی دوسری رقم۔

چونکہ ایمانداری ایک مسیحی کے کردار کا بنیادی عنصر ہے، اس لیے یہ ممکن نہیں ہے کہ ایک بے ایمان شخص ایک اچھی مسیحی مثال قائم کر سکے۔ ایک بے ایمان شخص کو کسی منسٹری کے عہدے پر فائز نہیں ہونا چاہیے۔ بے ایمانی کا کوئی بھی واقعہ SGC کے ساتھ لیڈر کے تعلقات کو متاثر کرے گا۔

یہ حصہ مقامی منسٹریز کی ٹیم کی مدد کے لیے تیار کیا گیا ہے تاکہ وہ نیا تربیتی پروگرام ترتیب دے سکیں۔ یہ پروگرام کے مختلف پہلوؤں کی منصوبہ بندی کے لیے ترتیب وار سوالات فراہم کرتا ہے۔ مقامی ٹیم کو چاہیے کہ وہ ہر سوال پر بات کرے اور اپنے جوابات لکھے۔

1. ذمہ دار منسٹری کی شناخت

◄ کون تربیتی پروگرام شروع کر رہا ہے؟ (کیا کوئی موجودہ ادارہ؟ چرچ ایسوسی ایشن؟ کوئی مقامی چرچ؟ کئی چرچوں یا پادریوں کی شراکت داری؟)

◄ کیا دوسروں کو اس پروگرام کے آغاز کی ذمہ داری بانٹنے کے لیے مدعو کرنا چاہیے؟

2. مشن اور مقصد

مشن بیانِ مقصد کو ظاہر کرتا ہے۔ مثال: "ہم مسیحی رہنماؤں کو بائبلی تعلیمات اور خدمت کے طریقوں سے تربیت دینا چاہتے ہیں۔"

مقصد وہ چیزیں ہیں جن کا حساب رکھا جا سکتا ہے۔ مثال: "ہمارا مقصد آئندہ پانچ سالوں میں ارکٹسک ریجن میں 20 نئے چرچ قائم کرنے کے لیے چرچ پلانٹرز کی تربیت کرنا ہے۔"

◄ نئے تربیتی پروگرام کا مشن کیا ہے؟

◄ نئے تربیتی پروگرام کا مقصد کیا ہے؟

3. تربیتی پروگرام کا نام

اگر نیا پروگرام کسی موجودہ ادارہ یا مقامی تربیتی مرکز کے نیٹ ورک کا حصہ نہیں ہے، تو مقامی منسٹری اس کے لیے نام منتخب کر سکتی ہے۔ ایسا نام چنیں جو آپ کے علاقے میں سمجھا جائے۔ (SGC چاہتا ہے کہ مقامی منسٹریز Shepherds Global Classroom کا نام استعمال نہ کریں۔)

◄ نئے تربیتی پروگرام کا نام کیا ہوگا؟

4. سہولت

◄ کلاسیں کہاں منعقد ہوں گی؟ کیا کوئی دفتر ہوگا؟ (کیا کوئی مقامی چرچ یا دوسری جگہ بغیر خرچ کے استعمال کی جا سکتی ہے؟ کیا کلاس روم مناسب جگہ، آرام دہ اور غیر منتشر ہوگا؟)

5. پرنٹ شدہ نصاب

◄ طلباء کو پرنٹ شدہ کورسز کیسے فراہم کیے جائیں گے؟ (کیا ہم خود پرنٹ کریں گے، مقامی کسی دکان سے پرنٹ کروائیں گے، یا کہیں سے خریدیں گے؟)

◄ لاگت کیا ہوگی؟

◄ ہم لاگت کیسے پورا کریں گے؟

◄ کیا طلباء ڈیجیٹل کورس موبائل ڈیوائس پر استعمال کرنے کو تیار اور قابل ہیں؟

6. شیڈول

کلاسوں کا مخصوص شیڈول طے کریں۔ مثالیں:

• طلباء ہر منگل اور جمعرات شام 7 سے 9 بجے ملیں گے۔

• ہم ایک کورس دو مہینے میں مکمل کریں گے۔

• پہلی کلاس 3 جون کو شروع ہو گی اور 29 جولائی کو ختم ہو گی۔

• نئے طلباء ہر نئے کورس کے شروع میں شامل ہو سکتے ہیں۔

◄ کلاسیں کون سے دن اور اوقات میں ہوں گی؟

◄ ہر کورس کے لیے کتنا وقت مختص کیا جائے گا؟

◄ کلاس کب شروع ہوگی؟

◄ نئے طلباء کب شامل ہو سکتے ہیں؟

7. اساتذہ

اساتذہ کو SGC کے ہدایت نامہ سے واقفیت ہونی چاہیے ۔ وہ قابل اعتماد اور تعلیم کی تیاری کے لیے وقت دینے والے ہوں۔ اچھا روحانی کردار اور مسیحی نمونہ ہونا ضروری ہے۔ اگر اساتذہ کو ادارہ جاتی تربیت بھی حاصل ہو تو بہتر ہے، لیکن ہمیشہ ممکن نہیں۔ اساتذہ کو اپنی موجودہ منسٹری میں اچھی شہرت حاصل ہونی چاہیے۔

◄ ہم اساتذہ سے کیا قابلیتیں توقع رکھتے ہیں؟

◄ کون دستیاب اور رضامند ہے شروع کرنے کے لیے؟

8. انتظامیہ

مثال کے طور پر عہدے:

• ڈائریکٹر

• رجسٹرار/سیکریٹری

• خزانچی

◄ تربیت کی قیادت کون کرے گا؟

◄ دیگر عملہ کون سا چاہیے؟

◄ممکنہ طلباء کے فون کالز کون وصول کرے؟

◄ ہر عہدے کی ذمہ داری کیا ہوگی؟

9. سرٹیفکیٹس

اگر آپ اپنی مقامی منسٹری کے سرٹیفکیٹ دینا چاہتے ہیں تو اپنی شرائط مقرر کریں۔ اگر SGC کے سرٹیفکیٹ دینا چاہتے ہیں تو SGC کے نمائندے سے رابطے میں رہنا ہوگا جو آپ کے پروگرام کی معیار کی تصدیق کرے گااورآپ کو SGC سرٹیفکیٹ دینے کی منظوری دے۔

مثال: طلباء ہر مکمل کورس پر مقامی منسٹری کا سرٹیفکیٹ حاصل کریں گے۔ 10 کورس مکمل کرنے والے طلباء کی گریجویشن ہوگی اور وہ SGC کا سرٹیفکیٹ حاصل کریں گے۔ مزید 10 کورس مکمل کرنے پر اعلیٰ سرٹیفکیٹ بھی مل سکتا ہے۔

◄ ہمارے گریجویٹس کون سے سرٹیفکیٹ حاصل کریں گے؟

◄سرٹیفکیٹ کون فراہم کرے گا اور پروگرام کا معیار کون طے کرے گا؟ (چرچ کا گروہ؟ مقامی چرچ بورڈ؟ SGC؟)

10. طلباء کا داخلہ

داخلے کے شرائط طے کریں۔ مثلاً:

طلباء کو چاہیے:

• اپنے مقامی پادری کا ریفرینس ہو۔

• نجات کی تحریری ذاتی گواہی جمع کروائیں۔

• طالبعلم معاہدے پر دستخط کریں۔

◄ پروگرام میں داخلے سے پہلے کیا ضروریات ہوں؟

• داخلے کے مالی پہلوؤں پر بھی غور کریں ۔غور کرنے کے ممکنہ تقاضے یہ ہو سکتے ہیں:

• طلباء کو ہر پرنٹ شدہ کورس کے لیے _______ روپے ادا کرنے ہوں گے۔

• طلباء کو استاد کی فیس کے طور پر _______ روپے ادا کرنے ہوں گے۔

• طلباء کو سہولیات کی فیس کے طور پر _______ روپے ادا کرنے ہوں گے۔

• طلباء اپنی خوراک اور سفر کے اخراجات خود برداشت کریں گے۔

◄ طلباء کی مالی ذمہ داریاں کیا ہوں گی؟

11. Shepherd نمائندہ

SGC نے ہر علاقے کی تربیتی منسٹریز کے ساتھ رابطے کے لیے ایک نمائندہ مقرر کیا ہے۔ آپ کی منسٹری کو چاہیے کہ وہ ایک شخص کو SGC نمائندے کے ساتھ رابطے کے لیے نامزد کرے۔

یہ نمائندہ آپ کے گریجویٹس کے لیے سرٹیفکیٹ کا انتظام کرے گا۔

◄ ہماری منسٹری میں کون شخص SGC نمائندے کے ساتھ رابطے میں رہے گا؟

ABC خیالی نام ہے ایک ایسی قومی منسٹری کا جو گرجا گھروں میں مقامی انسٹی ٹیوٹس کے قیام میں مدد کرتی ہے۔ سائٹ کا معاہدہ ABC مقامی انسٹی ٹیوٹس کے لیے استعمال کرتا ہے درج ذیل صفحہ پر میسر ہے۔ ABC کے نمائندے اس باب کے آخری صفحہ پر درج سوالات کا استعمال کرتے ہوئے مقامی انسٹی ٹیوٹس سائٹس کا باقاعدگی سے دورہ کرتے اور ان کا معائنہ کرتے ہیں۔

نمونہ سائٹ کا معاہد

ABC قومی منسٹری اور مقامی انسٹی ٹیوٹ کے درمیان تعلق کی وضاحت کے لیے اس فارم کا استعمال کرتا ہے۔

ABC کا مقصد کلیسیا کو منسٹری کے لیڈروں کو تیار کرنے کے لیے لیس کر کے مسیح کے بدن کی خدمت کرنا ہے۔ ایک مقامی چرچ یا منسٹری کی تنظیم کو SGC کورسز کا استعمال کرتے ہوئے منسٹری کے تربیتی پروگرام کو چلانے کی منظوری دی جا سکتی ہے۔

اگر کسی مقامی منسٹری نے اپنے وعدے پورے نہ کیے ہوں ABC اس معاہدے کو منسوخ کرنے کا حق محفوظ رکھتا ہے ۔

ABC مندرجہ ذیل فراہم کرتا ہے:

• منسٹری کے 20 تربیتی کورسز کا ایک سیٹ

• اساتذہ کے لیے ایک تربیتی سیمینار

• مقامی اساتذہ کی حوصلہ افزائی اور معیار کو بڑھانے کے لیے انتظامیہ کے تربیتی مقام کا دورہ

• ہر کورس کی تکمیل پر طلباء کے لیے سرٹیفکیٹ (ہر طالب علم کے سرٹیفکیٹ حاصل کرنے کے لیے اُسکے پاس کورس کی ذاتی کاپی ہونا ضروری ہے)

• پورے پروگرام کی تکمیل کا سرٹیفکیٹ

• ABC کا نشان منسٹری کی جگہ پر لگایا جائے گا۔

مقامی منسٹری مندرجہ ذیل کام کرتی ہے:

• ABCانتظامیہ کی منظوری سے وفادار، قابل مقامی اساتذہ کا تقرر کرنا

• اساتذہ کو ABC انتظامیہ سے تربیت پانے اور ہدایات پر عمل کرنے میں تعاون کرنے کی ضرورت ہو گی۔

• ایک ایسا کلاس روم فراہم کرنا جو اچھے مطالعہ کے لیے سازگار ہو۔

• ضرورت کے مطابق مقامی اساتذہ کی مالی مدد کرنا

• ہر کورس کی درکار کاپی کے لیے اندراج کی فیس جمع کرنا اور ABC کو بھیجنا

• ABCانتظامیہ کو طلبا کی حاضری اور مکمل اسائنمنٹس کے ریکارڈ فراہم کرنا

• ABCکی طرف سے فراہم کردہ نشان پوسٹ کرنے کے لیے۔ نشان ABC کی ملکیت ہے اور اس معاہدے کی منسوخی کی صورت میں اسے ہٹا دیا جائے گا۔

مقامی منسٹری کا نام __________________________________________

مقامی منسٹری کے نمائندے کے دستخط ____________________________________

ABC کے مجاز نمائندے کے دستخط ______________________________________

مقامی انسٹی ٹیوٹ کے معائنہ کے لیے نمونہ سوالات

جب ABC کے نمائندے سائٹس کا دورہ کرتے ہیں، تو وہ درج ذیل سوالات کا استعمال کرتے ہوئے تشخیص اور بہتری کے لیے رہنمائی کرتے ہیں۔

1. کیا سائٹ کے اساتذہ نے SGC اساتذہ کی تربیت حاصل کی ہے؟

2. کیا اساتذہ تدریس کے مختلف طریقے استعمال کرتے ہیں؟

3. کیا اساتذہ طلباء کو بحث اور سرگرمیوں میں شامل کرتے ہیں؟

4. کیا سائٹ کلاس میں پریکٹس کرنے والے اسسٹنٹ اساتذہ کو تیار کر رہی ہے؟

5. کیا کلاس روم مطالعہ کے لیے موزوں ہے (بیٹھنے کیلئے آرام دہ، روشن، خلفشار اور شور سے پاک)؟

6. کیا ہر طالب علم کے پاس زیر تعلیم کورس کی ذاتی کاپی ہے؟

7. کیا تمام طلباء اِتنے پڑھے لکھے ہیں کہ وہ اسائنمنٹس کو مکمل کرسکیں؟ (سرٹیفکیٹ کے لیے درکار ہے۔)

8. کیا کلاس کا شیڈول اسائنمنٹس کو مکمل کرنے میں گزارے گئے وقت کے علاوہ ہر کورس کے لیے تیس گھنٹے کلاس کا وقت فراہم کرتا ہے؟

9. کیا جانچ کے طریقہ کار اس بات کو یقینی بناتے ہیں کہ طلباء دوسروں کے جوابات یا تحریری مواد سے نقل نہ کریں؟

10. کیا اساتذہ طلباء کی حاضری کا درست ریکارڈ رکھتے ہیں؟ (ایک طالب علم جو کلاس حاضری کا 25% سے زیادہ غیر حاضر رہتا ہے تو اسے کورس کا کریڈٹ نہیں ملنا چاہیے۔)

11. کیا اساتذہ طلباء کی مکمل اسائنمنٹس کا ریکارڈ برقرار رکھتے ہیں؟ (سرٹیفکیٹ کے حصول کے لئے پہلے تمام اسائنمنٹس کو مکمل کیا جانا چاہیے۔)

12. کیا مقامی انسٹی ٹیوٹ مقامی مالی مدد کے لیے کوئی نظام وضع کر رہا ہے؟

13. کیا مقامی انسٹی ٹیوٹ کی مالیات کے انتظام کے لئے کوئی مقامی کمیٹی موجود ہے تاکہ جوابدہی اور شفافیت کو برقرار رکھا جا سکے۔