1. ایک ٹرینر مقامی اساتذہ کو تیار کرنے کے لیے اس باب میں دیے گئے طریقے استعمال کر سکتا ہے۔ اگر مقامی گرجہ گھر میں کوئی ایسا شخص نہیں ہے جو سکھانے کے قابل محسوس ہو، تو ٹرینر کوئی ایسا مقامی پروگرام شروع نہیں کر سکتا جو فوری طور پر آزادانہ حثیت سے کام کرسکے۔ ٹرینر کو ممکنہ اساتذہ کو دریافت اور تیار کرنا چاہیے۔ یہ باب ٹرینر کو بتاتا ہے کہ مقامی اساتذہ کو شروعات میں کیسے تیار کیا جائے۔

2. ٹرینر ہی مقامی اساتذہ کو اپنے طلباء کے لیے یہ طریقہ کار استعمال کرنے کے لیے تیار کرتا ہے۔ اگر نئے گروپ کے مقامی اساتذہ پہلے ہی پڑھانے کے قابل ہیں، تو ٹرینر کو اس باب میں مشقیں استعمال کرنے کی ضرورت نہیں ہوگی۔ ٹرینر کو مقامی اساتذہ کو طریقہ سکھانا چاہیے تاکہ وہ اپنے طلباء کی ترقی کے لیے مشقوں کا استعمال کر سکیں۔

3. ایک مقامی استاد طلباء کو تیار کرتا ہے۔ ہر استاد کو طلبہ کی منسٹری کی صلاحیتوں کو نکھارنے کی کوشش کرنی چاہیے۔ اس باب میں بیان کردہ طریقے طلباء کو گروپس سے بات کرنا شروع کرنے میں مدد کرنے کے لیے مفید ہوں گے۔

بعض اوقات جب SGC کے نمائندے گرجا گھروں کا دورہ کرتے ہیں تو انہیں ایسے لوگ ملتے ہیں جو فوری طور پر کورسز پڑھانے کے لیے تیار ہوتے ہیں۔ عام طور پر، یہ ممکنہ اساتذہ ایسے لوگ ہوتے ہیں جن کے پاس کچھ تعلیمی تربیت اور تدریس کا تجربہ ہوتا ہے۔ وہ کورسز کو دیکھتے ہیں اور سمجھ جاتے ہیں کہ انہیں پڑھانا آسان ہے۔ ہدایات ہر کورس کے پہلے صحفہ پر دی جاتی ہیں۔ بحث کے سوالات بھی فراہم کیے گئے ہیں۔ کورسز صرف کتابیں نہیں ہیں بلکہ وہ جیسے ہیں سکھایا جا سکتا ہے۔

کورسز کو اس طرح ڈیزائن کیا گیا ہے کہ پڑھنے کی مہارت، بائبل کا علم، اور پڑھانے کی صلاحیت رکھنے والا شخص جلدی سے ان کا استعمال سیکھ سکے۔ تاہم، بعض اوقات وہ لوگ جو تعلیمی اعتبار سے زیادہ پختہ نہیں ہوتے یہ محسوس کرتے ہیں کہ وہ کورسز کو پڑھانے کے قابل نہیں ہیں۔ وہ سمجھتے ہیں کہ صرف ایک اعلیٰ تربیت یافتہ شخص ہی سکھاسکتا ہے۔

خُدا نے بہت سے ایسے لوگوں کو بھی پڑھانے کی صلاحیت دی ہے جنہیں کبھی کسی یونیورسٹی میں پڑھنے کا موقع نہیں ملا۔ چونکہ کلیسیا کے لیے اساتذہ ضروری ہیں، اِس لئے ہم یقین رکھتے ہیں کہ جہاں بھی کلیسیا موجود ہے وہاں کچھ لوگوں کو خدا نے ضرور تدریسی صلاحیتیں دی ہوں گی (افسیوں12:11-4)۔

بہت سے لوگوں کو یہ احساس نہیں ہوتا کہ وہ پہلے ہی اپنی عام زندگی میں اپنی تدریسی صلاحیتوں کو نکھار چکے ہیں۔ وہ گھر اور اپنے کام کی جگہ پر مختلف چیزوں کے بارے میں اچھی بحث کر لیتے ہیں۔ وہ لوگوں کے مسائل حل کرنے میں مدد کرتے ہیں۔ وہ چیزوں کی وضاحت کرنے کے قابل ہوتے ہیں۔ جب وہ اسکول میں طالب علم تھے تو وہ پڑھنے اور سمجھنے اور سمجھانے میں ماہر تھے۔ وہ نہیں جانتے کہ ان میں پڑھانے کی صلاحیت ہے۔

ایک ٹرینر کو ممکنہ اساتذہ کو ہدایت یافتہ بولنے کے تجربات کے ذریعے ان کی صلاحیت کو دریافت کرنے میں مدد کرنی چاہیے۔ تجربے کے ذریعے، ایک شخص گروہوں سے بات کرنے کے لیے اعتماد حاصل کرتا ہے۔

1. آسان مضوعات پر بولنے کی اسائنمنٹس دیں۔ تقریر صرف چند منٹ کی ہو سکتی ہے۔ اگر طلباء بولنے کے لیے گروپ کے سامنے کھڑے ہونے سے گھبراتے ہیں، تو وہ اپنی پہلی تقریر کرسیوں پر بیٹھ کر کر سکتے ہیں۔

تقریر کی آسان اسائنمنٹس کی چند مثالیں:

• اپنے بچپن میں پیش آئی کسی مشکل بارے میں بتائیں۔

• کسی رشتہ دار کے بارے میں بتائیں جو آپ کے لیے اہم تھا۔

• کسی دوسرے طالب علم سے کچھ سوالات پوچھیں پھر اس طالب علم کا گروپ سے تعارف کرائیں۔

• آپ کونسی جگہ جانا چاہیں گے؟ کیوں؟

• بائبل کی اپنی پسندیدہ آیات میں سے کسی ایک کے بارے میں بتائیں۔

• اپنے کام کی جگہ پر گزرنے والے وقت کے بارے میں بتائیں۔

• آپ کو حال ہی میں سنے گئے کسی واعظ میں سے کیا یاد ہے؟

2. کلاس میں کسی فرد کو سوال بھیجیں۔ ایسا سوال پوچھیں جسکا جواب وضاحتی ہو، نہ کہ صرف ہاں یا نہ میں دیا گیا جواب۔ سوال کچھ ایسا ہونا چاہیے جس کا جواب وہ شخص دے سکے، تاکہ وہ زیادہ پر اعتماد ہو جائے اور شرمندہ نہ ہوں ۔

3. طلباء سے کہیں کہ وہ گروپ کے سامنے اپنی تحریری اسائنمنٹس کی وضاحت کریں۔ کورسز میں تحریری اسائنمنٹس کی ضرورت ہوتی ہے۔ یہاں تک کہ اگر ٹرینر صرف ایک دن کے لیے موجود ہے، تب بھی طلبہ کو کم از کم ایک اسائنمنٹ مکمل کر کے پیش کرنے کے لئے کچھ وقت دیں۔

4. تدریسی مشق کے لیے طلبا کو تین تین کے گروہوں میں تقسیم کریں۔ ہر فرد کو گروپ کے سامنے سبق کے کسی ایک مختصر حصے کو سکھانے کو کہیں۔ اس سے سامعین کی تعداد کم ہوتی ہے اور کئی طلباء کو بیک وقت مشق کرنے کی اجازت ملتی ہے۔

5. کسی طالب علم سے سبق کے مواد کے کسی حصے کی وضاحت کرنے کو کہیں۔ کورسز کے بہت سے حصوں میں صرف چند پیراگراف ہیں جو کسی ایک تصور کی وضاحت کرتے ہیں۔ وقت سے پہلے کسی طالب علم سے کہیں کہ وہ چند منٹوں میں کسی حصے کی وضاحت کے لیے تیار رہے۔

6. کسی باصلاحیت طالب علم سے کہیں کہ وہ کسی ایک کورس سے سبق سکھائے۔ کسی طالب علم کے لیے یہ اسائنمنٹ سب سے زیادہ آسان ہو سکتی ہے اگر وہ کوئی ایسا سبق پڑھائے جو اس نے کسی اور کو پڑھاتے ہوئے سنا ہو۔ طالب علم اس وقت اعلیٰ درجے کی قابلیت کا مظاہرہ کرتا ہے جب وہ ایسا سبق تیار کرتا اور سکھاتا ہے جو اسے کسی نے نہیں سکھایا۔ ٹرینر محسوس کر سکتا ہے کہ اسے زیادہ سے زیادہ سکھانا چاہیے، اور کلاس ٹرینر کو سننا پسند کر سکتی ہے، لیکن مقصد دوسروں کو سکھانے کے لیے تیار کرنا ہے۔

7. "ٹیبل ٹاک" کا طریقہ استعمال کریں۔ اِس طریقہ کار میں طلباء طباعت شدہ کورسز کے ساتھ ایک میز کے گرد بیٹھتے ہیں۔ کوئی ٹیچر میز پر نہیں ہوتا۔ مختلف طالب علم باری باری سبق میں سے کسی حصے کے بارے میں بات کرتے ہیں۔ میز پر موجود اشخاص میں سے ایک کی یہ ذمہ داری لگائیں کہ وہ مختلف طلباء سے ارا کے حصول کے لیے بحث کی قیادت کرے۔ ذمہ داری لینے والا شخص اُستاد نہیں ہو گا بلکہ طلبا میں سے ہی کسی کو اِسکے لئے چُنا جائے گا۔ اِس مشق کے ذریعے گروپ دریافت کرے گا کہ وہ استاد کے بغیر بھی بات چیت کے ذریعے کام کر سکتے ہیں اور سیکھ سکتے ہیں۔ یہ طریقہ مطالعاتی گروپوں کو ان جگہوں پر تشکیل پانے کے قابل بناتا ہے جہاں کسی ایسے شخص کی کمی ہوتی ہے جو پڑھانے کے لیے اہل ہے۔

SGCکی رویا یہ ہے کہ ہر جگہ منسٹری کی تربیت کو مقامی بنانا ہے۔ تربیت ہر جگہ ان لوگوں کے ذریعے ممکن ہو سکتی ہے جنہیں خدا نے قابلیت اور بائبل کو سمجھنے کی نعمت دی ہے۔ اساتذہ کو یاد رکھنا چاہیے کہ ان کا مقصد صرف علم دینا نہیں ہے بلکہ طلبہ کو دوسروں کو سچ سمجھانے کے لیے تیار کرنا ہے۔