اگر ممکن ہو تو استاد کو کلاس شروع ہونے سے پہلے کلاس روم کو تیار کر لینا چاہیے۔ طلباء کو بیٹھانے کا طریقہ کار ایسا ہونا چاہیے جس طلبہ ایک دوسرے کو دیکھ سکیں۔ استاد کو اِس بات کو یقینی بنانا چاہیے کہ کلاس کے دوران جگہ پریشان کن سرگرمیوں اور شور سے خالی ہو۔ استاد کو یہ یقینی بنانے کی کوشش بھی کرنی چاہیے کہ وہاں بیٹھنے کا بندوست آرام دہ ہو، موسم کے مطابق سہولیات میسر ہوں، اور کمرے میں اچھی روشنی ہو۔ اگر کسی قسم دشواریاں خدشہ نہ ہو تو کسی کُھلے علاقے (پارک، صحن وغیرہ) میں کلاس لینا بھی اچھا رہے گا۔

کلاس روم میں لکھنے اور ڈرائنگ کے لیے ایک بڑا بورڈ ہونا چاہیے۔

اساتذہ کو اپنا تعارف کرانا چاہیے۔ اپنے خاندانوں، منسٹری کے تجربات، موجودہ خدمت، اور تعلیمی پس منظر کے بارے میں بتانا اچھا رہے گا۔ اپنی کامیابیوں کی فہرست بتانے سے گریز کریں گویا کہ وہ اعلیٰ مقام ظاہر کرنا چاہتے ہیں۔ اساتذہ کو یاد رکھنا چاہئے کہ ان معلومات کو شیئر کرنے کا مقصد محض طلباء کے ساتھ رشتہ استوار کرنا ہے۔

طلباء بھی اپنا مختصر تعارف کرائیں۔ استاد ہر ایک کے ساتھ مختصر بات چیت کر سکتے ہیں۔ دلچسپی ظاہر کرنے اور ان کے درمیان روابط بڑھانے کے لیے ایک یا دو سوالات پوچھنا کافی ہو گا۔

تعارف کے بعد دعا کی جاسکتی ہے۔ دعا کریں کہ خدا کلاس کو طلباء کی ضروریات کو پورا کرنے کے لیے استعمال کرے۔ ضروری ہے کہ استاد اِس تربیتی کورس کو طلبا کے لئے ذندگی تبدیل کرنے اور کارآمد بنانے کے لئے خُدا پر انحصار ظاہر کرے۔ ہر کلاس سیشن کا آغاز دعا سے ہونا چاہیے اور دعا سے پہلے دعائیہ درخواستوں کو مختصراً بیان کرنا اچھا رہے گا۔

اساتذہ کو طلباء کو بتانا چاہیے کہ کلاس کے لئے کس قسم کا مواد لانا ہے مثلاً بائبل، پرنٹ شدہ کورس، اور لکھنے کے لیے مواد وغیرہ۔ اساتذہ کو اس بات پر زور دینا چاہیے کہ طلبا محض ٹیسٹ میں استعمال کی غرض سے ہی نہیں بلکہ اِس بات کو ذہن میں رکھتے ہوئے نوٹس لیں بنائیں کہ یہ مستقبل میں بھی اُن کے لئے فائدہ مند ثابت ہو سکتے ہیں۔ (تمام امتحانی مواد کورس کے متن سے ہی لیا جاتا ہے۔)

تعارف کے بعد، پہلے دن کلاس کا وقت اُسی انداز میں گزرنا چاہیے جیسے آنے والی تمام کلاسز میں برقرار رکھا جائے گا، تاکہ طلباء کو معلوم ہو جائے کہ اُنہیں کلاس سے کیا توقعات رکھنی چاہیں۔

SGC کورسز محض کتابیں نہیں ہیں۔ بلکہ یہ تدریس کے لیے بنائے گئے کورسز ہیں۔ ہر کورس میں سامنےآنے والے استاد کے لیے ہدایات ہوتی ہیں۔ کورسز ایک دوسرے سے ملتے جلتے ہیں لیکن اُنکا خاکہ بالکل یکساں نہیں ہیں۔

کچھ کورسز کے اسباق سبق کے مقاصد بتانے سے شروع ہوتے ہیں۔ یہ ضروری نہیں کہ استاد اِن مقاصد کو کلاس میں پڑھے۔

بہت سے اسباق ایک سوال یا کسی کہانی یا دلچسپی حاصل کرنے کی کسی دوسری تکنیک کے ساتھ شروع ہوتے ہیں جو طالبا کو موضوع کی اہمیت سمجھنے میں مدد دے سکے۔

اساتذہ ہر سبق کو صفحہ بہ صفحہ پڑھا سکتے ہیں اور ساتھ ساتھ ہر ایک پیراگراف کی مختصر وضاحت کر سکتے ہیں۔ اُنہیں ہر ایک سبق کے لئے پیشگی تیاری کرنی چاہیے تاکہ اِس بات کو یقینی بنایا جا سکے کہ پڑھانے سے پہلے اُنہوں نے خود مواد کو سمجھ لیا ہے اور پڑھتے وقت وہ ہر ایک پیراگراف کی وضاحت کرنے میں مدد کے لیے کلیدی جملے کو انڈر لائن کر سکتے ہیں۔

بحث کے سوالات پورے متن میں ہوتے ہیں۔ بعض جگہوں پر سوال ذیل میں لکھے مواد کو متعارف کرواتا ہے۔ جبکہ بعض جگہوں پر سوال طلباء سے یہ پوچھنے کے لئے کیا جاتا ہے کہ انہوں نے گزشتہ مطالعہ کے دوران کیا سیکھا ہے۔ اِن سوالات کا جواب "ہاں" یا "نہیں" میں نہیں ہونا چاہیے بلکہ وضاحتی جواب دیئے جانے چاہیے۔ استاد کو ایک سے زیادہ طالب علموں کو جواب دینے کا موقع دینا چاہیے۔ یہ ضروری نہیں ہے کہ بحث ہر بار کسی حتمی نتیجے پر پہنچے، خاص طور پر جب سوال مندرجہ ذیل مواد کا تعارف کروا رہا ہو۔

اساتذہ کو بحث کے لئے اپنے طور پر اضافی سوالات شامل کرنے کی ضرورت پڑ سکتی ہے۔ جب بھی اُستاد کو یہ احساس ہو ہے کہ وہ طلباء سے بات چیت کرنے کے لئے وقفہ لئے بغیر ہی کئی منٹوں سے بات کر رہے ہیں، تو انہیں طلباء سے کوئی نہ کوئی سوال پوچھنا چاہیے۔

بات چیت کو وقت ضائع کرنے سے روکنا ہمیشہ ایک چیلنج ہوتا ہے۔تاہم زیادہ تر لوگ بحث کے بغیر اچھی طرح نہیں سیکھ پاتے۔ طلباء کو یہ سوچنے اور دوسروں کی بات سننے کے لیے وقت درکار ہوتا ہے کہ سیکھایا جانے والا مواد ان کی ثقافتوں اور چرچ کے حالات پر کیسے لاگو ہوتا ہے۔

زیادہ تر اسباق اسائنمنٹس کے ساتھ ختم ہوتے ہیں۔ استاد کو اسائنمنٹس کی وضاحت کرنی چاہیے۔ اگر کلاس کے ایک دن میں کئی اسباق شامل ہوتے ہیں، تو استاد کو اس بات کو یقینی بنانا چاہیے کہ طلباء اِن تمام اسائنمنٹس کو سمجھ رہے ہیں جو اگلی کلاس میں طلب کی جائیں گی۔

ہر ایک سبق کے اختتام پر اگلی کلاس میں اسائنمنٹ جمع کروانا لازمی ہو گا۔ استاد کو کلاس کے آغاز میں اسائنمنٹس جمع کر لینی چاہئیں۔ طالب علم کی کچھ پریزینٹیشنز شروع میں کی جا سکتی ہیں، اور کچھ بعد میں کلاس کے وقت میں دن میں کچھ مختلف قسمیں فراہم کرنے کے لیے۔

جب کوئی امتحان ہو یا یاداشت سے کچھ لکھنا ہو، تو اس بات کو یقینی بنانا ضروری ہے کہ طلباء کو ایسی ترتیب میں بٹھایا جائے جہاں اُنکے لئے یہ دیکھنا آسان نہ ہو کہ دوسرے طلباء کیا لکھ رہے ہیں۔

طلباء کی پریزینٹیشنز کے علاوہ، بعض اوقات استاد کو طالب علم سے کورس کے کسی حصے سے مواد پریزینٹ کرنے کے لیے بھی کہنا چاہیے۔ تاہم اِسکے بارے میں طلبہ کو وقت سے پہلے آگاہ کیا جانا چاہیے تاکہ وہ تیاری کر سکیں۔

سبق کی تیاری

1. سبق کو مکمل طور پر پڑھیں۔

2. ٹیسٹ پڑھیں تاکہ اہم نکات کا پتہ چل سکے جن پر زور دینا ہے۔

سبق میں وہ جملے لائن لگا کر نمایاں کریں جو ٹیسٹ میں شامل ہوں۔

3. دیگر اہم باتیں نشان زد کریں جو آپ چاہتے ہیں کہ طلباء سیکھیں۔

مثال کے طور پر، کسی اہم پیراگراف کو گول دائرے میں یا ستارے سے نشان زد کریں۔ سبق کے مقاصد کی بنیاد پر فیصلہ کریں کہ سب سے اہم کیا ہے۔

4. سبق کی شروعات کسی سوال یا کہانی سے کریں جو طلباء کی دلچسپی بڑھائے۔

5. سبق کے دوران پوچھنے کے لیے 2 سے 4 کھلے سوالات تیار کریں۔

سوالات کو اس طرح وقفہ دیں کہ طلباء شامل رہیں۔ مثلاً سبق کے شروع اور بیچ میں سوال کریں۔

گفتگو کو بڑھانے کے لیے سوالات کھلے ہونے چاہئیں، نہ کہ بند۔ مثال کے طور پر، "آپ یسعیاہ کے بارے میں کیا جانتے ہیں؟" ایک کھلا سوال ہے کیونکہ اس کے کئی درست جواب ہو سکتے ہیں اور آسان ہے۔ جبکہ "یسعیاہ کس سال میں پیدا ہوا؟" بند سوال ہے کیونکہ اس کا صرف ایک درست جواب ہوتا ہے۔

سبق پیش کریں

1. کتاب کے مواد پر مکمل توجہ دیں۔

صرف کتاب کو پڑھنا کافی نہیں ہے، لیکن جو بات آپ کہیں زیادہ تر وہ کتاب سے ہونی چاہیے۔

طلباء کو دکھائیں کہ آپ کی تعلیم کتاب پر مبنی ہے تاکہ وہ بھی خود پڑھا سکیں۔

اگر کوئی بات کتاب میں نہیں ہے تو اسے مختصر رکھیں۔

2. اگر طلباء آپ کی بات سمجھ نہ پائیں تو اسے مختلف الفاظ میں دہرائیں۔

مثلاً، اگر کوئی طالبعلم "ہم مسیح پر ایمان کے ذریعے راستباز ٹھہرائے جاتے ہیں" نہ سمجھے تو کہیں، "خدا ہمیں صحیح مانتا ہے جب ہم یسوع پر ایمان لاتے ہیں" یا "نجات خدا کی طرف سے ایمان کے ذریعے دی جانے والی ایک نعمت ہے۔"

3. سبق کے دوران طلباء کی توجہ برقرار رکھنے کے لیے سرگرمیاں کریں۔

مثلاً، سوال پوچھیں یا کسی طالبعلم کو بائبل کی آیت یا سبق کا پیراگراف پڑھنے کو کہیں۔

سبق کا اختتام کریں

1. اہم نکات کا جائزہ لیں۔

مثلاً، "آج ہم نے یہ سیکھا…" یا "خلاصہ کے طور پر…"

2. تمام اسائنمنٹس کی وضاحت کریں اور یقینی بنائیں کہ طلباء ہدایات سمجھ گئے ہیں۔

3. طلباء کو یاد دلائیں کہ اگلے سبق کی تیاری کے لیے اسے پڑھیں۔

سبق پر غور کریں

خود سے سوال کریں:

1. میں نے کیا اچھا کیا؟

2. اگلی بار کیا مختلف کروں؟

3. آج تعلیم دینے کے بارے میں میں نے کیا سیکھا؟

4. کیا میں نے سبق کے مقاصد حاصل کیے؟