اساتذہ خاص لوگ ہوتے ہیں۔ یعقوب رسول ہمیں متنبہ کرتا ہے کہ ہر کسی کو استاد نہیں ہونا چاہیے، کیونکہ اساتذہ کی خُدا کے سامنے خاص جوابدہی ہوتی ہے اور اگر وہ وفادار نہیں ہیں تو اُنہیں ملامت اُٹھانا پڑ سکتی ہے (یعقوب1:3)۔

پولوس رسول نے خبردار کیا کہ ایک انسان علم پر فخر کر سکتا ہے اور دوسروں کو حقیر سمجھ سکتا ہے (1 کرنتھیوں 1:8)۔ انہوں نے کہا کہ محبت ہمیں خود پر غرور کرنے کی بجائے دوسروں کی تعمیر کرنے کی تحریک دیتی ہے۔ علم رکھنے والے لوگوں کو اسے دوسروں کی مدد کرنے کا ایک ذریعہ سمجھنا چاہئے بجائے اِس کے کہ وہ کسی ایسی چیز کے طور پر لیں جو انہیں دوسروں سے برتر بناتی ہے۔ اگر وہ علم کے ذریعے عزت کی تلاش کر رہے ہیں تو اُن کی تحریک غلط ہے اور نقصان اُٹھائیں گے۔

یہ انتباہات ان لوگوں کے لیے اہم ہیں جو تعلیم یا منسٹری کے کسی بھی کردار میں خدمت کرنا چاہتے ہیں، کیونکہ انہیں اپنے علم کے ساتھ خدمت کرنے کے لیے مطالعہ کرنے کی خود ترغیبی ہونی چاہیے۔

بائبل کا مطالعہ طالبِ علم سے ایک خاص رویہ اختیار کرنے کا مطالبہ کرتا ہے۔ لوگ سائنس یا ریاضی جیسے اسباق کا تو اپنے کردار پر اطلاق کئے بغیر مطالعہ کر سکتے ہیں۔ اور ہو سکتا ہے کہ ایسے علم کے حصول سے اُن میں کوئی تبدیلی واقع نہ ہو۔ تاہم بائبل کا مطالعہ مختلف ہے۔ بائبل کے طلباء مطالعہ کرتے وقت یہ محسوس کرتے ہیں کہ اُنہیں اپنے کردار میں تبدیلی لانے کی ضرورت ہے۔ یہ کہ انہیں عاجزی کے ساتھ روح القدس کو اجازت دینی چاہیے کہ وہ اُس سچائی کے ذریعے اُنکے کردار میں تبدیلی لا سکے جو وہ سیکھ رہے ہیں۔ بائبل کی سچائی زندگی تبدیل کرنے کی قدرت رکھتی ہے۔

◄اُس اُستاد کی کون سی اہم خصوصیات تھیں جس نے آپ پر گہرا اثر ڈالا؟ اُس کی تعلیم کو مؤثر بنانے والی باتیں کیا تھیں؟

اس باب میں بیان کردہ خصوصیات کے علاوہ، اساتذہ کے تربیتی کورس کو پڑھ رہے طالب علم کو اپنے مقامی چرچ کا حصہ ہونا چاہیے اور اس کے پاس پادری کی طرف سے جاری کیا گیا ایک اجازت نامہ ہونا چاہیے۔

ایک SGC استاد کو روحانی طور پر بالغ، پڑھانے میں ہنر مند، اور بائبل کا علم رکھنے والا ہونا چاہیے۔ جب اہل اُساتذہ کی تلاش ہو، تو سب سے پہلے اُن کے کردار کو مدِ نظر رکھیں۔ اچھا کردار مہارتوں کی ترقی کی بنیاد ہوتا ہے۔

تعلیمی تقاضے: ایک استاد کو کورس کے مواد کو اچھی طرح سے پڑھنے، سمجھنے اور سمجھانے کے قابل ہونا چاہیے۔ اگرچہ ایک تعلیمی ڈگری ایک استاد کو سیکھانے کے طریقوں اور گہرے علم سے آراستہ کر سکتی ہے، لیکن SGC کی رویا ایسے اساتذہ کو تیار کرنا ہے جو اُس تربیت کو دوسروں تک منتقل کرنے کے قابل ہوں جو وہ SGC سے خود حاصل کریں گے ۔ اِس وجہ سے، ہم ایسے اساتذہ کی تلاش میں نہیں ہیں جو تعلیمی ڈگری رکھتے ہوں بلکہ ہم ہر جگہ ایسے ممکنہ اساتذہ کو تلاش کرتے ہیں جو روحانی نعمتوں کے حصول اور اُن میں ترقی کے لیے خدا کی وفاداری پر انحصار کرتے ہیں۔ ہم ایسے لوگوں کو تلاش کرنے اور اُنکی تربیت کرنے کی توقع رکھتے ہیں جو خُدا داد تدریسی صلاحیتوں سے مالا مال ہیں۔

نیچے دی گئی فہرست میں چند دیگر اہم خصوصیات شامل ہیں۔ ایک استاد ہر معیار میں سبقت نہیں لے جا سکتا لیکن اُسے ہمیشہ اِن سب میں پہلے سے بہتر بننے کی کوشش کرتے رہنا چاہیے۔ جن اساتذہ میں اِن میں سے کسی ایک کی بھی کمی ہے وہ کم موثر ہوں گے۔

1. روحانی طور پر بالغ۔ ایک استاد کو روحانی خوبیوں کا بہترین نمونہ ہونا چاہیے۔ اگر اساتذہ کی مسیحی زندگیاں اور رویے ہمیشہ یکساں نہیں ہیں، تو وہ طلباء کے لیے اچھی مثال نہیں ہیں۔

2. دستیاب۔ اگر کوئی شخص پہلے ہی بہت زیادہ مصروف ہے اور اُسکا شیڈیول اچھی طرح سے منظم نہیں ہے، تو وہ تدریسی خدمت کے لیے باقاعدگی سے دستیاب نہیں ہو سکے گا۔ اساتذہ کو تعلیم و تدریس کے کام کو ترجیح دینے کے لیے تیار ہونا چاہیے۔ کسی شخص کی محض قابلیت کی وجہ سے اُسے یہ خدمت نہیں سونپی جانی چاہیے کیونکہ زیادہ مصروفیت کے باعث اُسکی دوسری سرگرمیاں اِس کی راہ میں رُکاوٹ کا باعث بنیں گی۔

3. قابل اعتماد۔ اساتذہ کو ایسے لوگ ہونا چاہئے جو اپنی کہی بات پر قائم رہیں اور اپنے وعدے پورے کریں۔ انہیں وقت کا پابند اور شیڈول پر سختی سے عملدرامد کرنے والا ہونا چاہیے۔ اگر اساتذہ زیادہ چھُٹیاں کرتے ہیں یا کلاسز میں دیر سے آتے ہیں تو طلبہ مایوس ہوں گے۔

4. پر اعتماد۔ اساتذہ کو پُر اعتماد ہونا چاہیے کہ وہ ایک گروپ کی قیادت کرنے کا طریقہ سیکھنے کے قابل ہیں۔ انہیں کچھ زیر نگرانی مشق کی ضرورت ہو سکتی ہے جس سے ان کا اعتماد بڑھے گا۔

5. تنازعات کو حل کرنے کے قابل ہوں۔ جب لوگ اختلافات اور مسائل پیدا کرتے ہیں تو اُن سے نمٹنے کے لئے اساتذہ کو صحیح رویہ رکھنے کے قابل ہونا چاہیے۔ انہیں دوسروں کے درمیان پائے جانے والے تنازعات کو حل کرنے میں مدد کرنے کے قابل ہونا چاہیے۔

6. سکھانے کے قابل۔ کیا لوگ استاد کی وضاحت کو سمجھ پاتے ہیں؟ استاد ایسا ہونا چاہیے جو لوگوں کو الجھائے نہ رکھے۔

7. خُدا کے کلام کے لیے بھوک رکھنے والے۔ اساتذہ کو ایسے لوگ ہونا چاہیے جو خدا کے کلام سے لطف اندوز ہوتے ہوں، تاکہ وہ دوسروں کو بھی اس سے لطف اندوز ہونے کی دعوت دے سکیں۔ انہیں خدا کے ساتھ اپنے تعلقات میں بائبل کو اہمیت دینی چاہیے۔

8. خدا پر انحصار کرنا۔ اساتذہ کو یہ سمجھ رکھنی چاہیے کہ روحانی نتائج صرف روح القدس کے کام کے ذریعے ہی حاصل ہو سکتے ہیں۔ انہیں روح القدس کے ساتھ تعاون کرنے کے لیے تیار ہونا چاہیے۔ انہیں خدا کی طرف سے بخشے گئے مسح پر انحصار کرنا چاہئے۔ انہیں یہ نہیں سوچنا چاہئے کہ ان کا درس و تدریس کا عمل صرف ان کی صلاحیتوں کی وجہ سے کامیاب ہوجائے گا۔

9. خدمت کے لیے تیار۔ اساتذہ کو ایسے لوگ نہیں ہونا چاہئے جو خدمت پانا چاہتے ہیں۔ اُنکے اندر اپنی صلاحیتوں کے اظہار کے لیے کسی مخصوص منسٹری کے ساتھ کام کرنے کی خواہش نہیں ہونی چاہیے۔ بلکہ جہاں ضرورت دِکھے وہ وہاں رضاکارانہ طور پر خدمت کرنے کے لئے تیار ہوں۔

10. روحانی اختیار کے ماتحت۔ اساتذہ کو روحانی طور پر دوسرے افراد کے سامنے جوابدہ ہونا چاہیے۔ انہیں روحانی پیشواؤں کی ہدایات پر عمل کرنا چاہیے۔

11. چرچ کے ساتھ وفادار۔ اساتذہ کو مقامی گرجا گھروں کے پابند اراکین ہونا چاہیے۔ ان کی تعلیم کو لوگوں کو چرچ کی تعریف کرنے کا سبب بننا چاہیے اور اراکین چرچ کے ساتھ پہلے سے زیادہ پابند ہو سکیں۔

12. کامیاب ہونے کے لیے پرجوش۔ اگر اساتذہ میں کامیابی کا جوش ہے، تو وہ جلدی ہار نہیں مانیں گے۔ وہ خود کو حالات کے مطابق ڈھال لیں گے -وہ مزید موثر ہونے میں مدد کے لیے معلومات تلاش کریں گے۔ جب مواقع ملیں یا مسائل پیدا ہوں تو وہ کچھ کرنے میں پہل کریں گے۔ ان میں توانائی اور ولولہ ہوگا۔

13. نظریاتی طور پر درست۔ ہر استاد کے پاس بائبل کے، ایوینجیلیکل عقیدہ کی درست بنیاد ہونی چاہیے۔

14. وزارت میں تجربہ کار۔ اساتذہ کو ایسے لوگ ہونا چاہئیں جو کچھ عرصے سے چرچ کے ساتھ وفاداری سے خدمت کرتے رہے ہوں۔