SGCمسیح کے بدن کو تیار کرنے کے لیے موجود ہے، تاکہ وہ دنیا بھر میں مسیحی راہنماؤں کی تربیت کے لیے نصاب فراہم کر سکے۔

ہم راہنماؤں کو وہ ٹولز مہیا کرتے ہیں جن کی انہیں ضرورت ہے تاکہ مقامی کلیسیاؤں میں خدمت کی تربیت ہر جگہ ممکن بنائی جا سکے۔ ہمارا 20 کورسز پر مشتمل نصاب اُن مقامی اُستادوں کے لیے دستیاب ہے جنہیں خدا نے ہر ملک میں بُلایا اور ان میں صلاحیت رکھی ہے۔اس پروگرام کی لچک کی وجہ سے گھر، کلیسیا کی عمارتیں، کیفے، اور حتیٰ کہ درختوں کے سائے بھی تربیتی مراکز بن سکتے ہیں جہاں مسیحی راہنماؤں کو خدمت کے لیے تیار کیا جاتا ہے۔

Uber نامی ٹیکسی کمپنی روزانہ 5.5 ملین مسافروں کو ایک جگہ سے دوسری جگہ پہچاتی ہے۔ اس کے لیے کاروں کے ساتھ ڈرائیوروں کی ایک بڑی لیبر فورس کی ضرورت ہے۔ Uber نے ہزاروں کاریں نہیں خریدیں۔ اس کی بجائے، انہوں نے Uber کے مسافروں کو لے جانے کے لیے اپنی کاریں استعمال کرنے کے لیے مقامی ڈرائیوروں کی خدمات حاصل کیں۔ انہوں نے اپنے کاروبار کے لیے مزدوری کا مسئلہ حل کیا۔ اِسی طرح، SGC پہلے سے موجود ممکنہ اساتذہ کو لیس کرکے ہر جگہ تربیت فراہم کرتا ہے۔ خدا نے مقامی ایمانداروں کو تعلیم دینے کی صلاحیت اور خواہش سے نوازا ہے۔ ہمارا مشن ہے کہ ہم اُنہیں تیار کریں!

SGC کسی خاص مسیحی فرقے سے وابستہ نہیں ہے۔ ہم اُن تمام تاریخی تثلیثی عقائد پر ایمان رکھتے ہیں جن کا بیان نقائیہ، خلقیدون ، اور ایتھانیشین جیسے عقیدوں میں کیا گیا ہے۔ ہم بائبل کے مطلق اختیار کی پیروی کرتے ہیں۔ ہم فضل، ایمان، اور نجات کے بارے میں ایوینجلسٹک عقائد رکھتے ہیں۔ ہمارا یقین ہے کہ ایماندار کی زندگی میں خدا کے فضل کی مداخلت اسے ایک پاک دل اور فاتحانہ زندگی کی طرف لے جاتی ہے۔

ب ممکنہ مقامی اساتذہ کو ایک خصوصی نصاب کی ضرورت ہوتی ہے جو انہیں فوری طور پر منسٹری کی تربیت کے لیے لیس کرسکے۔ SGC کا نصاب اِس مقصد کے لئے خصوصی طور پر ڈیزائن کیا گیا ہے:

• یہ 20 کورسز کے ذریعے ایوینجلیکل عقائد کا مکمل احاطہ کرتا ہے۔

• اِسے اہل، تجربہ کار، بین الثقافتی ٹرینرز نے تیار کیا ہے۔

• یہ کسی بھی ثقافت میں قابلِ استعمال ہے ۔

• یہ آسان اور سادہ زبان میں لکھا گیا ہے۔

• یہ فرقہ وارانہ امتیازات کے بغیر صرف ایوینجلیکل سچائیوں پر زور دیتا ہے۔

• یہ عملی زندگی اور منسٹری سے متعلق ہے۔

• یہ مختلف سیاق و سباق اور گروپس کی اقسام کے مطابق مُناسب ہے۔

• یہ متعدد زبانوں میں دستیاب ہے۔

• یہ ان نعمتوں کا استعمال کرتا ہے جو خدا مقامی گرجا گھروں کو دیتا ہے۔

• یہ ایسے لیڈروں کو ٹرینرز بننے کے لیے لیس کرتا ہے جو مقامی پروگرام چلانا چاہتے ہیں۔

• یہ تیزی سے طلباء کو دوسروں کو سکھانے کے لیے تیار کرتا ہے۔

• یہ گروپ کی صورت میں سیکھنے کے لیے ڈیزائن کیا گیا ہے لیکن یہ انفرادی مطالعہ کے لیے بھی مفید ہے۔

• یہ ڈیجیٹل شکل میں مفت دستیاب ہے۔

• اس کے لیے کسی اور نصابی کتاب کی ضرورت نہیں ہے۔

کورس کے مصنفین کے پاس جدید تعلیمی تربیت، تدریسی تجربہ، اور بین الثقافتی منسٹری کا تجربہ ہے۔

SGC کورسز میں منسٹری انسٹی ٹیوٹ پروگرام کے لئے درکار تمام لوازمات موجود ہیں۔ یہ مختلف گروہوں کو سکھانے کے لیے مفید ہیں، جیسے کہ پادریوں کی کلاس یا ہوم بائبل اسٹڈی گروپ۔

یہ کورسز اِس طرح تیار کئے گئے ہیں کہ مقامی اساتذہ کو مقامی تربیتی پروگرام چلانے کے لیے تیزی سے تیار کیا جا سکے۔ ایک شخص جس کے پاس روحانی پختگی، بائبل کا علم، اور تدریس کی نعمت ہے وہ بغیر کسی خصوصی تربیت کے کورس سکھا سکتا ہے۔

کورسز کو اس طرح بنایا گیا ہے کہ اِن کے ذریعے سیکھنے اور سکھانے کے عمل کو آسان بنایا جا سکے۔ اِس میں بحث کے سوالات اور اسائنمنٹس کے ساتھ۔ ساتھ ایسے حصے بھی شامل ہیں جنہیں طلباء مشق کے لیے استعمال کر سکتے ہیں۔ ہر ایک کورس اوسطاً 160 صفحات پر مشتمل ہے، جسے 7-19 اسباق میں تقسیم کیا گیا ہے۔

SGC کا نصاب کلیسیا کے مشن کو پورا کرنے کے لیے ایک بہترین تحفہ ہے۔

نوٹ: یہ بہتر ہے کہ طالب علموں کو پہلے سے ہی بائبل کا کچھ علم اور روحانی پختگی حاصل ہو۔ یہ کورسز نو مرُید مسیحیوں کی شاگردیت کی غرض سے ترتیب نہیں دیئے گئے ہیں۔ شاگردیت کے عمل کے لیے ہم Cultivate Discipleship Lessons (SGC کے توست سے بھی دستیاب ہیں) استعمال کرنے کی تجویز کرتے ہیں۔

Shepherds Global Classroom مشن آرگنائزیشن / قومی منسٹری کے ساتھ کام کرتا ہے تاکہ مقامی تربیت کو قابلِ حصول بنایا جاسکے۔ ہر مشن آرگنائزیشن / قومی منسٹری مقامی گرجا گھروں کو مقامی انسٹی ٹیوٹس شروع کرنے میں مدد دے کر خدمت کام کرتی ہے۔

مندرجہ ذیل فہرستیں ان کے کردار اور ذمہ داریوں کو بیان کرتی ہیں

1. Shepherds Global Classroom

2. مشن آرگنائزیشن /قومی منسٹری

3. مقامی انسٹی ٹیوٹ

جیسا کہ وہ مسیحی خادمین کی تربیت کے لیے تعاون کرتے ہیں۔

Shepherds Global Classroom کا کردار

• منسٹری کے لئے 20 تربیتی کورسز کا ایک سیٹ فراہم کرنا۔

• SGC ویب سائٹ سے ڈاؤن لوڈ کرنے کے لیے کورسز دستیاب کرنا۔

• کورسز، ویڈیوز اور تربیتی مواد کے ساتھ ایک SGC موبائل ایپ فراہم کرنا۔

• مختلف زبانوں میں کورسز کے ترجمہ کی نگرانی کرنا۔

• اساتذہ کی تربیت کے لیے ایک کورس مہیا کرنا اور علاقائی تقریبات کے لیے ٹرینرز بھیجنا۔

• منظور شدہ تربیتی پروگراموں میں داخل طلبہ کو کورس مکمل کرنے پر اسناد فراہم کرنا۔

مشن آرگنائزیشن/قومی منسٹری کا کردار

• گرجا گھروں کو مقامی اداروں کو چلانے کا موقع فراہم کرنا۔

• SGC مواد کو فروغ دینا اور مقامی اداروں کے لیے اساتذہ کو تربیت دینا۔

• علاقائی تربیتی پروگرام فراہم کرنے کے لیے SGC کے ساتھ شراکت داری کرنا۔

• کورسز کی پرنٹنگ اور تقسیم کا بندوبست کرنا۔

• تربیتی مواد کے لیے SGC کی ویب سائٹ اور ایپ کے بارے میں معلومات فراہم کرنا۔

• مشاورت اور نیا مواد پیش کرنے کے لیے اساتذہ سے باقاعدگی سے رابطہ کرنا۔

• مقامی تربیتی مراکز کو اسناد جاری کرنے کی منظوری دینا۔

مقامی انسٹی ٹیوٹ کا کردار

• کلاسز کو ملنے کے لیے جگہ فراہم کریں۔

• مقامی اساتذہ کو منتخب کرنا اور اگر ضروری ہو تو انکی مدد کرنا۔

• طلباء کو بھرتی کرنا اور رجسٹر کرنا۔

• پرنٹ شدہ کورسز کی قیمت ادا کرنا۔

• شیڈول اور کلاسز کا انعقاد کرنا۔

• طلبہ کی حاضری اور اسائنمنٹس کا ریکارڈ محفوظ رکھنا۔

اب 8 مشن آرگنائزیشن/قومی منسٹری اور مقامی انسٹی ٹیوٹ کے درمیان تعلقات کے بارے میں مزید تفصیلات دیتا ہے۔

◄ آپ اپنی خدمتی صورتحال میں SGC کورسز کے ممکنہ استعمال کو کس طرح بیان کریں گے؟