వీలైతే బోధకుడు తరగతి గదిని ముందుగానే సిద్ధపరచాలి. విద్యార్థులు ఒకరినొకరు చూచుకొను విధముగా వారిని కూర్చోబెట్టాలి. ఆ స్థలములో తరగతి సమయములో ఆటంకములు కలిగించు క్రియాకలాపాలు మరియు శబ్దములు లేకుండా బోధకుడు చూచుకోవాలి. సౌకర్యవంతమైన కుర్చీలు, సౌకర్యవంతమైన వాతావరణం, మరియు మంచి వెలుగు ఉండునట్లు బోధకుడు చూడాలి. ఎక్కువ అంతరాయములు లేని యెడల ఆరుబయట అధ్యయనమును చేయుట కూడా మంచిదే.

వ్రాయుటకు మరియు గీయుటకు తరగతిగదిలో పెద్ద బోర్డు ఉండాలి.

బోధకులు తమను తాము పరిచయం చేసుకోవాలి, వారి కుటుంబములను గూర్చి, పరిచర్య అనుభవములు, ప్రస్తుత పరిచర్యలు, మరియు అధ్యయన నేపథ్యములను గూర్చి పంచుకోవాలి. ఉన్నతమైన స్థితిని చూపుకొనుటకు ప్రయత్నించునట్లు వారి సాధింపులను లెక్కబెట్టకుండా జాగ్రత్తపడాలి. ఈ సమాచారమును పంచుకొనుట వెనుక ఉన్న ఉద్దేశ్యము విద్యార్థులతో సంబంధమును కట్టుట అని వారు గుర్తుంచుకోవాలి.

విద్యార్థులు తమను తాము క్లుప్తంగా పరిచయం చేసుకోవాలి. బోధకుడు ఆసక్తి చూపుటకు మరియు వారి మధ్య సంబంధమును పెంపొందించుటకు ఒకటి రెండు ప్రశ్నలను అడుగుట ద్వారా ప్రతి ఒక్కరితో క్లుప్తంగా సంభాషించవచ్చు.

పరిచయముల తరువాత ప్రార్థన కొరకు సమయమును కేటాయించవచ్చు. విద్యార్థుల యొక్క అవసరతలను తీర్చుటకు దేవుడు తరగతిని ఉపయోగించుకోవాలని ప్రార్థించండి. బోధనను జీవితమును మార్చునదిగా మరియు ఉపయోగకరముగా చేయుటకు బోధకుడు దేవుని మీద ఆధారపడుతున్నట్లు చూపాలి. భవిష్యత్ తరగతి సెషన్లు ప్రార్థనలో ఆరంభము కావాలి మరియు ప్రార్థనా అవసరతలను క్లుప్తంగా పంచుకొనవచ్చు.

బైబిళ్ళు, ప్రింటెడ్ కోర్సులు, మరియు వ్రాయు వస్తువులతో సహా ఏ వస్తువులను తీసుకొనిరావాలో బోధకులు విద్యార్థులకు చెప్పాలి. పరీక్షించు ఉద్దేశ్యముల కొరకుగాక, తమ సొంత భవిష్యత్ ప్రయోజనము కొరకు విద్యార్థులు నోట్స్ తీసుకోవాలని బోధకులు ఉద్ఘాటించాలి. (పరీక్షా వనరులు అన్నీ కోర్సు టెక్స్ట్ లో ఉన్నాయి.)

పరిచయముల తరువాత, మొదటి దినమున తరగతి సమయము భవిష్యత్తులో తరగతి అనుసరించు శైలికి అనుగుణంగా ఉండాలి, తద్వారా ఏమి ఆశించాలో విద్యార్థులకు తెలుస్తుంది.

SGC కోర్సులు కేవలం పుస్తకములు మాత్రమే కావు; అవి బోధన కొరకు రూపించబడిన కోర్సులైయున్నవి. ప్రతి కోర్సు యొక్క ఆరంభములోను బోధకుని కొరకు కొన్ని నిర్దేశనములు ఉన్నాయి. కోర్సులు ఒకదానిని ఒకటి పోలియుంటాయిగాని రూపరచనలో మాత్రమే ఒకే విధముగా ఉండవు.

కొన్ని కోర్సుల యొక్క పాఠములు పాఠ్య ఉద్దేశ్యములతో ఆరంభమవుతాయి. బోధకుడు వాటిని తరగతిలో చదవనవసరములేదు.

అనేక పాఠములు ఒక ప్రశ్న లేక కథ లేక ఏదో ఒక ఇతర ఆసక్తిని ఆకర్షించు విధానమును మరియు ఆ అంశము ప్రాముఖ్యమైనది అని విద్యార్థి భావించునట్లుచేయు విధానమును కలిగియుంటాయి.

బోధకులు పేరాలను వివరిస్తూ పాఠములోని ఒక్కొక్క పేజీని బోధించవచ్చు. వారు విషయములను అర్థము చేసుకొనుట కొరకు ముందుగానే సిద్ధపడి, ప్రతి పేరాను వివరించుటలో సహాయపడు ముఖ్యమైన పదములను అండర్లైన్ చేయవలెను.

చర్చా ప్రశ్నలు బోధనా భాగము అంతటిలో ఉంటాయి. కొన్నిసార్లు ఒక ప్రశ్న రాబోవు విషయములను పరిచయం చేస్తుంది. ఇతర సమయాలలో, ఒక ప్రశ్న విద్యార్థులు అంతకు ముందే చదివిన ఒక విషయమునకు స్పందించమని కోరుతుంది. ప్రశ్నలు “అవును” లేక “కాదు” అను జవాబులను ఆశించవు. అనేకమంది విద్యార్థులు స్పందించుటకు బోధకుడు అవకాశం ఇవ్వాలి. ప్రతిసారి సంభాషణ ఒక నిశ్చితమైన పరిష్కారమునకు రావలసిన అవసరతలేదు, ముఖ్యముగా ఒక ప్రశ్న రాబోవు విషయములను పరిచయం చేయుచున్నప్పుడు.

బోధకులు తమ సొంత అదనపు సంభాషణ ప్రశ్నలను చేర్చవలసియున్నది. విద్యార్థులతో ఏ విధమైన సంభాషణ లేకుండా అనేక నిమిషములపాటు తామే మాట్లాడుచున్నామని బోధకులు గమనించిన ప్రతిసారి, వారు విద్యార్థులను ఒక ప్రశ్న అడగాలి.

సంభాషణలు సమయమును వృధా చేయకుండా చూచుకొనుట కష్టమైన పనే. అయితే, సంభాషణ లేకుండా చాలామంది సరిగా చదవలేరు. అంశములు వారి సంస్కృతులు మరియు సంఘ పరిస్థితులకు ఏ విధముగా అనువర్తించబడతాయో ఆలోచించుటకు మరియు ఇతరులు మాట్లాడుచుండగా వినుటకు విద్యార్థులకు సమయము కావాలి.

ఎక్కువ పాఠములు అభ్యాసములతో ముగుస్తాయి. బోధకుడు అభ్యాసమును వివరించాలి. తరగతి దినమున అనేక పాఠములు ఉంటే, తరువాత తరగతిలో అప్పగించవలసిన అభ్యాసములను విద్యార్థులు అర్థము చేసుకొనునట్లు బోధకుడు చూచుకోవాలి.

మొదటి దినము తరువాత ప్రతి తరగతి దినమున అభ్యాసములు అప్పగించవలసియుంటుంది. తరగతి యొక్క ఆరంభములో బోధకుడు అభ్యాసములను సేకరించాలి. కొన్ని విద్యార్థుల ప్రెసెంటేషన్లను ఆరంభములో చేయవచ్చు, మరికొన్నిటిని భిన్నత్వము కొరకు రోజులో మరొక సమయములో చేయవచ్చు.

జ్ఞాపకశక్తిలో నుండి ఒక పరీక్షను వ్రాయవలసి వచ్చినప్పుడు, ఇతర విద్యార్థులు వ్రాయుచున్న దానిని చూడకుండా ఉండునట్లు విద్యార్థులను కూర్చోబెట్టుట చాలా అవసరము.

ఇవ్వబడిన విద్యార్థుల ప్రెసెంటేషన్లతో పాటు, కోర్సులోని ఒక భాగములో నుండి విషయములను ప్రెసెంట్ చేయమని బోధకుడు విద్యార్థిని తరచుగా అడగాలి. విద్యార్థి సిద్ధపడునట్లు దీనిని ముందుగానే నిర్ణయించాలి.