Kufikia mwisho wa somo hili, mwanafunzi anapaswa: (1) Kufahamu Tarehe na mazingira ya kihistoria ya Nyaraka za watu wote. (2) Fupisha mada kuu na makusudi ya Nyaraka za watu wote. (3) Kuelewa fundisho la kibiblia la uthibitisho/uhakika. (4) Kuwa makini na hatari ya mafundisho ya uongo. (5) Kuhusianisha ujumbe wa vitabu hivi na mahitaji ya ulimwengu wa leo.

► Soma 1 na 2 Petro, 1–3 Yohana, na Yuda.

► Kariri 1 Petro 1:6-7, 1 Yohana 1:6-7, na Yuda 1:24-25.

Katika kila kizazi, kanisa limepitia changamoto. Hadi kufikia nusu ya mwisho ya karne ya kwanza, mateso kutoka nje na waalimu wa uongo kutokea ndani ilikuwa ni hatari kubwa kwa kanisa. Hatari hizi zimeendelea katika wakati wote wa historia ya kanisa. Nyaraka za Petro, Yohana, na Yuda zinaonya kuhusiana na hatari hizi. Muhimu zaidi, zinatutia moyo sisi kuendelea kuwa waaminifu tunapopitia hatari hizi. Nyaraka hizi fupi zimebeba ujumbe mkubwa: Mungu aliyetuita sisi ana uwezo wa kutupa ushindi juu ya kila kitu ambacho kinaweza kututenga sisi na Yeye.

Usuli wa Nyaraka za Petro

Mwandishi

Simoni Petro alikuwa mmojawapo wa viongozi waliojulikana sana katika kanisa la kwanza. Baada ya kutambulishwa kwa Yesu na ndugu yake Andrea, Petro alikuwa mwanafunzi mmojawapo kati ya wanafunzi watatu wa karibu sana wa Yesu. Jina lake kwa kwanza ni Simoni (“Amesikio”), lakini Yesu akabadilisha jina lake kuwa Petro (“mwamba”).

Uongeaji wake na ujasiri wake ulimsababishia matatizo yaliyojirudia rudia wakati wa huduma ya Yesu ya duniani, hasa wakati Petro alipomkana Yesu wakati wa kesi yake. Baada ya ufufuo, Petro alirejeshwa. Watu elfu tatu waliokoka chini ya huduma yake siku ya Pentekoste. Alisafiri kama mmishenari na kisha akasulubiwa huko Rumi wakati wa mateso ya Nero.[1] kulingana na utamaduni wa kanisa, Petro aliomba kwamba asulubiwe juu chini[2] kwa sababu aliona hakustahili kufa kifo sawa sawa na mwokozi ambaye alimkana.

► Ni kwa namna gani kushindwa kwa Petro wakati wa huduma ya Yesu ya duniani kulimsaidia wakati anawaandikia waamini, akiwatia moyo kubakia waaminifu katika nyakati ngumu? Alijifunza nini kutokana na uzoefu wake ambao ulikuwa na mchango mkubwa katika mfundisho yake katika nyaraka zake?

Wapokeaji na Sehemu ya Kuandikwa

Petro aliandika kutokea Rumi. Mwishoni mwa waraka wake, anaandika, “Mwenzenu mteule hapa Babeli awasalimu…” (1 Petro 5:13). Katika Biblia, Babeli mara nyingi iliwakilisha nguvu ambazo ziliwapinga watu wa Mungu. Petro anatumia Babeli kurejelea Rumi kama adui wa watu wa Mungu. Sambamba na Babeli kimafumbo, Petro anaelekeza waraka wake wa kwanza kwa waliotawanyika katika Asia Ndogo (1 Petro 1:1). Kama ambavyo Waisraeli walivyotawanyika wakati wa uhamisho, ndivyo ambavyo kanisa lilikuwa wakati wa mateso. Tofauti na Israeli, waamini waliteseka kwa ajili ya Imani yao badala ya kutotii kwao; walikuwa wakishiriki katika mateso ya Kristo (1 Petro 4:12-13).

Wapokeaji wa nyaraka hizi kimsingi ni Wamataifa. Hawa walikuwa waamini ambao hawakuishi tena katika tamaa ambazo walikuwa nazo wakati wa ujinga wao wa kwanza (1 Petro 1:14). 2 Petro haitambulishi wapokeaji, lakini ni waraka wa pili kwa kundi lile lile la wasomaji (2 Petro 3:1).

Tarehe

Inawezekana kwamba Petro aliandika nyaraka hizi muda mfupi kabla ya kifo chache mnamo kati kati ya miaka ya 60 K.K. Mara nyingi nyaraka zinawekwa katia ya mwaka 62 na 67 K.K.

Kusudi

1 na 2 Petro ainawatia moyo waamini wanaoteswa kubakia waaminifu. Kama vite tu Kristo alivyoteseka na akainuliwa, wafuasi wa Kristo wanateseka katika ulimwengu huu na kufurahia utukufuwa milele. Wanapaswa kuwa waaminifu kukabili vyote viwili yaani mateso (1 Petro) na mafundisho ya uongo (2 Petro). Petro anawahakikishia wasomaji wake kwamba Mungu atawapa tuzo wale wanaovumilia.

Mada Kuu za 1 Petro

Tumaini la mkristo

Kama waliochaguliwa kulingana na maarifa ya kabla ya Mungu Baba, waamini wameahidiwa urithi ambao hauharibiki, usio na uchafu, na usio nyauka, uliotunzwa mbinguni kwa ajili yao (1 Petro 1:2, 4). Kupitia mateso katika ulimwengu huu, tunalindwa na nguvu za Mungu kwa njia ya imani kwa ajili wa wokovu ambao umeandaliwa kufunuliwa wakati wa mwisho (1 Petro 1:5). Pasipo kujali majaribio ya imani yetu, tuna tumaini la utukufu wa milele. Tumaini hili linaleta furaha kwa waamini ambayo haielezeki kikamilifu (1 Petro 1:8).

Wito wa Utakatifu

Tumaini la utukufu wa milele linatuhamasisha sisi kuitikia wito wa Mungu wa Utakatifu. Akinukuu Mambo ya Walawi 19:2, Petro anawatia changamoto wasomaji wake kuwa watakatifu kama Mungu alivyo mtakatifu (1 Petro 1:16). Hii itaonekana katika upendo wetu kwa ndugu zetu (1 Petro 1:22), kiu yetu ya kweli ya kiroho (1 Petro 2:2), na mwenendo wetu safi (1 Petro 2:11).

Katika waraka kwa waamini wanaoteseka, inaweza kuwa ya kushangaza sana kwamba Petro anawasisitiza kutii mamlaka. Kwa kujua kwamba mateso yanaweza kuwajaribu wafuasi wa Kristo kuzikataa mamlaka zote duniani, Petro anaandika kwamba watu watakatifu wanapaswa kujiweka chini ya taasisi zote za wanadamu kwa ajili ya Bwana (1 Petro 2:13). Utii huu ni kwa ajili ya Kristo, ambaye alijitoa mwenyewe kwa viongozi wa kidunia. Waamini wanapaswa kutii mamlaka ya kisiasa na waajiri wao, na pia mamlaka sahihi ya familia (1 Petro 2:13-3:7). Endapo tunateseka, tunapaswa kuteseka kama Wakristo, na si kama watenda mabaya (1 Petro 3:17, 1 Petro 4:12-19).

[3]Kuteseka Juu ya Njia ya Kuelekea Utukufu

Manabii wa Agano la Kale walitabiri kwamba Kristo atateseka kabla ya kupokea utukufu (1 Petro 1:11). Kristo aliteseka kwa ajili yetu katika mwili (1 Petro 4:1), na sisi pia tunapaswa kutegemea mateso. Kama mabavyo Kristo aliinuliwa katika utukufu, sisi pia tutapokea utukufu ambao watoto wa Mungu wameahidiwa. Petro mwenyewe alishuhudia mateso ya Kristo na alipokea ahadi ya utukufu ambao utafunuliwa (1 Petro 5:1). Ahadi hiyo inamtia moyo kila mwamini anayeteseka.

Mada Kuu za 2 Petro

Kukua katika Uchaji wa Mungu

Katika waraka huu wa pili, Petro anawatia changamoto wafuasi wa Kristo kuendelea katika uchaji wa Mungu. Anasema kwamba kupitia ahadi ya Mungu ya thamani na iliyo kuu, waamini wanachukuwa asili ya uungu.

Naam, na kwa sababu iyo hiyo mkijitahidi sana kwa upande wenu, katika imani yenu tieni na wema, na katika wema wenu maarifa, na katika maarifa yenu kiasi, na katika kiasi chenu saburi, na katika saburi yenu utauwa, na katika utauwa wenu upendano wa ndugu, na katika upendano wa ndugu, upendo (2 Petro 1:4-7).

Onyo Dhidi ya Mafundisho Potofu

Mateso (jambo kuu katika 1 Petro) yanatoka nje ya kanisa; mafundisho potofu (jambo kuu katika 2 Petro) mara nyingi yanaibuka kutoka ndani ya kanisa. Petro anayafunua mafundisho ya manabii wa uongo ambao wamevamia na wanashiriki ndani ya kanisa. Hatari ya mafundisho inaweza kuonekana katika tabia zao zisizo za kimungu, zimefupishwa katika 2 Petro 2:10-19. Maelezo yanamaliza na mithali, “Mbwa ameyarudia matapiko yake mwenyewe, na nguruwe aliyeoshwa amerudi kugaa-gaa matopeni” (2 Petro 2:22).

Uaminifu katika Mwanga wa Ujio wa Bwana

Wapingaji walijaribu kuwavunja moyo wafuasi wa Kristo kwa maswali juu ya ujo wa Bwana. Walisisitiza kwamba mambo yote yameendelea kama yalivyokuwa tangu mwanzo wa uumbaji (2 Petro 3:4). Petro awajibu kwamba kuchelewa kwa Kristo ni matokeo ya uvumilivu wa rehema za Mungu. Mungu hataki kwamba tupotee, lakini tuje katika toba (2 Petro 3:9). Kuchelewa kwake kunawapa fursa ya kutubu. Hata hivyo, kuchelewa kwake kusitupekee sisi kutilia shaka kuhusiana na kweli ya kurudi kwa Kristo. “siku ya Bwana itakuja kama mwivi…” (2 Petro 3:10). Kwa sababu ya uhakika wa kurudi kwake, tunapaswa tuishi kama watu watakatifu; lazima tutafute kuwa na amani na Yeye, bila mawaa wala lawama; na, tunapaswa kuelendelea kukua katika neema na ufahamu wa Bwana na Mwokozi wetu Yesu Kristo (2 Petro 3:11, 14, 18).

Usuli wa Nyaraka za Yohana

Mwandishi na Tarehe

Mababa wa kwanza wa kanisa kama vile Irenaeus na Klementi wa Iskanderia wanamrejea mtume Yohana kama mwandishi wa vitabu hivi. Kama Petro, Yohana alikuwa mvuvi na akawa mmojawapo wa wanafunzi watatu wa Yesu waliokuwa karibu sana Naye. Alikuwepo wakati wa mashitaka ya Yesu na alikuwa pamoja na Mariamu wakati wa kusulubishwa. Pamoja na Petro, Yohana alikuwa shuhuda wa kwanza wa kaburi wazi. Katika Injili yake, Yohana anajirejelea kama “yule mwanafunzi mwingine” na mwanafunzi “ambaye Yesu alimpenda” (Yohana 20:2).

Kulingana na Eusebius, Yohana na wafuasi wengine wa Kristo walikimbia kutoka Yerusalemu muda mfupi kabla ya mji kuharibiwa na Rumi mwaka 70 K.K. waamini walikimbIlia mji wa Pella kule Perea (mwashariki mwa mto Yordani). Yohana baadae alihudumu huko Efeso. Nyaraka tatu kutoka kwa Yohana pengine ziliandikwa huko Efeso wakati wa sehemu ya mwisho ya karne ya kwanza.

Wapokeaji

1 Yohana haitaji mpokeaji mahususi. Yohana anawarejelea wasomaji wake kama “Watoto wangu wadogo” (1 Yohana 2:1), “Wapenzi” (1 Yohana 3:2), na “Ndugu” (1 Yohana 3:13). Maneno haya yanapendekeza kwamba alikuwa anawaelekezea waamini wenzake ambao alikuwa na mahusiano ya karibu.

2 Yohana inaelekezwa kwa “…mama mteule na watoto wake niwapendao katika kweli…” (2 Yohana 1:1). Kuna uwezekano wa tafsiri mbili za kifungu hiki cha maneno. “mama mteule” inaweza kurejelea:

• Mwanamke ambaye aliruhusu kanisa kukutana nyumbani kwake.

• Kanisa la mahali pamoja ambalo lilifahamika na Yohana. “Watoto wake” inaweza kurejelea washirika katika kanisa hilo.

3 Yohana inaelekezwa kwa Gayo, mwamini aliyeokoka katika huduma ya Yohana (3 Yohana 1:1).

Mada kuu za 1 Yohana

Waraka wa kwanza kati ya tatu ndio mrefu zaidi. Badala ya salamu ya kawaida, Yohana anaanza na maelezo yanayounga mkono mamlaka ya waraka wake. Haandiki kuhusiana na tetesi au habari zilizo tengenezwa, bali kuhusiana na mambo ambayo yeye mwenyewe ameyashuhudia: “Lile lililokuwako tangu mwanzo, tulilolisikia, tuliloliona kwa macho yetu, tulilolitazama, na mikono yetu ikalipapasa…” (1 Yohana 1:1). 1 Yohana inafanana na Injili ya Yohana katika msisitizo wake juu ya kweli zenye msingi za maisha ya Kristo.

Masharti ya Ushirika na Mungu

Yohana anataja kusudi lakela kuandika mwanzoni mwa waraka wake: “Na haya twayaandika, ili furaha yetu itimizwe” (1 Yohana 1:4). Furaha hii ni kupitia ushirika na Baba na Mwana wake Yesu Kristo (1 Yohana 1:3). Aliandika kuhusiana na ushirika na Mungu, Yohana anatumia neno Kujua (1 Yohana 2:3, 13-14, 1 Yohana 4:7-8). Kumjua Mungu ni zaidi ya ufahamu wa kiakili; ni uzoefu katika mahusiano. Yohana anataja masharti ya kutunza ushirika na Mungu:

• Lazima tutembee nuruni (1 Yohana 1:6-7).

• Tusitembee katika dhambi (1 Yohana 2:1-2).

Dhambi na Ushirika na Mungu

Mafundisho ya Yohana kuhusiana na dhambi yanahusisha kweli mbili muhimu:

• Mungu hutoa nguvu kwa ajili ya maisha ya ushindi. “Watoto wangu wadogo, nawaandikia haya ili kwamba msitende dhambi…” (1 Yohana 2:1). Endapo tutatuza ushirika na Mungu, hatutakuwa na ushirika na dhambi (1 Yohana 1:6–2:5, 1 Yohana 3:6-9). Kama watoto wa Mungu, hatutaendela kutenda dhambi ya makusudi. Hatuwezi kutembea katika dhambi na kutembea na Mungu kwa wakati mmoja.

• Mungu hutoa neema kwa wale walioanguka. “…Na kama mtu akitenda dhambi tunaye Mwombezi kwa Baba, Yesu Kristo mwenye haki” (1 Yohana 2:1). Ingawaje Mungu anataka maisha ya ushindi kila wakati, anaahidi neema kwa wale ambao watatubu baada ya kuanguka (1 Yohana 1:9, 1 Yohana 2:1-2).

Upendo na Ushirika na Mungu

Ushindi endelevu dhidi ya dhambi hauna msingi katika adabu binafsi au kudhibiti; bali una msingi katika upendo kwa Mungu (1 Yohana 2:5). Kanuni inayodhibiti maisha ya Kikristo ni Upendo kwa Mungu.[1] Ni kupitia upendo kwa Mungu kwamba tutatunza maagizo yake. Endapo tunampenda Mungu, hatutaupenda ulimwengu wala mambo yaliyomo ndani yake (1 Yohana 2:15).

Mtu asiyempenda ndugu yake huyo si wa Mungu. Kama tunampenda Mungu, tutawapenda watoto wa Mungu (1 Yohana 3:10-11, 1 Yohana 4:20-21). Ushahidi kwamba tulipita mautini na kuingia uzimani ni upendo wetu kwa ndugu Wakristo. Upendo huu ni zaidi ya maneno; unaonekana katika matendo yetu (1 Yohana 3:14-18).

Uhakika/Uthibitisho wa Watoto wa Mungu

Yohana aliandika ili kwamba wasomaji wake wafahamu ili kwamba wawe na uzima wa milele na ili kwamba waweze kumwamini Yesu (1 Yohana 5:13). Uhakika endelevu unahitaji utii. Tunafahamu kwamba sisi ni watoto wa Mungu wakati maisha yetu yana sifa tatu:

1. Kutii Kweli (1 Yohana 1:6-7). Nyanja hii ya uthibitishi iko sambamba na maneno ya Yesu yaliyonukuliwa katika Yohana 8:31: “Ninyi mkikaa katika neno langu, mmekuwa wanafunzi wangu kweli kweli.” Uthibitisho wetu kama wanafunzi wa Yesu una msingi katika umakini mkubwa na kutii neno lake.

2. Uhuru toka dhambi ya makusudi (1 Yohana 3:8-10). Kwa sababu hatuwezi kuwa na ushirika na Mungu endapo tunaendelea katika uasi wa makusudi dhidi ya Mungu, hatuna uthibitisho/uhakika endapo tutaendelea katika uasi wa namna hiyo.

3. Kuwapenda waamini wengine (1 Yohana 3:14-19). Yesu aliwaambia wanafunzi wake, “Hivyo watu wote watatambua ya kuwa ninyi mmekuwa wanafunzi wangu, mkiwa na upendo ninyi kwa ninyi” (Yohana 13:35). Yohana amerudia msisitizo huu katika nyaraka zake: “Sisi tunajua ya kuwa tumepita toka mautini kuingia uzimani, kwa maana twawapenda ndugu…” (1 Yohana 3:14).

Yaliyomo katika 2 Yohana

Ujumbe wa 2 Yohana uko sambamba na ule wa 1 Yohana. Ushirika na Mungu unahusisha maisha katika upendo wa Mungu na kutembea katika kweli ya Mungu. Upendo ulioamriwa katika 2 Yohana sio amri mpya; ilifundishwa tangu mwanzo (2 Yohana 1:5-6).

Upendo ulioamriwa katika 2 Yohana ni upendo unaotambua ambao unashikilia kweli. Utambuzi ni muhimu kwa sababu kuna wadanganyaji wengi ambao hawamkiri Kristo. Yohana anamuonya mama mteule kushikilia kweli ya ujio wa Yesu katika mwili (2 Yohana 1:7-8). Ushirika pamoja na Mungu unahitaji kwamba tukatae mafundisho yeyote potofu (2 Yohana 1:10-11).

Kusudi la 3 Yohana

Kusudi la msingi la 3 Yohana ni kufundisha kuhusiana na ukarimu wa Kikristo. Ukarimu wa Kikristo ni zaidi ya urafiki ambao unawaonesha watu wengine; unaonesha umoja wa kanisa. 2 Yohana anaonya dhidi ya kukaribisha wale wanaofundisha mafundisho potofu. 3 Yohana anaonya dhidi ya kukataa wale wanaofundisha mafundisho ya kweli.

Gayo aliwakaribisha wainjilisti wanaotembea kwa ukarimu wa Kikristo na kuwatendea wao kama watumishi wenza katika Kweli (3 Yohana 1:5-8). Kinyume chake, Diotrefe anakataa kuwapokea ndugu hawa. Diotrefe anatafuta nafasi kwa ajili yake mwenyewe, anakataa mamlaka ya kitume ya Yohana, na anawafukuza wafuasi wa Kristo ambao walimtia changamoto (3 Yohana 1:9-10).

3 Yohana analinganisha tabia ya Diotrefe dhidi ya ile ya upendo wa Kikristo inayooneshwa na Demetrio (3 Yohana 1:12). Waraka huu mfupi unaonesha matumizi ya kivitendo ya upendo wa Kikristo ambao unaamriwa katika 1 Yohana na umoja wa kanisa katika kufuatilia kweli ambayo inaamriwa katika 2 Yohana.

Usuli wa Yuda

Mwandishi na Tarehe

Yuda alikuwa kaka (kaka wa mama mmoja) wa kufikia wa Yesu. Kama kaka yake Yakobo, Yuda hakumwamini Yesu hadi alipofufuka.[1] Katika barua yake, Yuda anajitambulisha kama mtumishi wa Yesu Kristo na ndugu wa Yakobo (Yuda 1:1).

Ushahidi pekee kuhusiana na tarehe ya kuandikwa kwa waraka wa Yuda ni mfanano wake na 2 Petro. Ukweli kwamba nyaraka zinashughulikia jambo moja inaonesha kwamba Yuda inaweza kuwa iliandikwa wakati ule ule na 2 Petro, mwanzoni mwa miaka ya 60.

Wapokeaji

Yuda imeelekezwa kwa wale walioitwa, waliopendwa katika Mungu Baba na kuhifadhiwa kwa ajili ya Yesu Kristo (Yuda 1:1). Rejea kwa mada ya Kiyahudi inaonesha kwamba waraka huu ulielekezwa kwa Waamini wa Kiyahudi.

Kusudi na Yaliyomo katika Yuda

Yuda anaonesha kwamba alitumaini kuandika waraka wa mafundisho juu ya wokovu wetu (Yuda 1:3). Hata hivyo, kwa sababu ya waalimu wa uongo waliolivamia kanisa na kushiriki ndani yake, Roho Mtakatifu alimvuvia Yuda kuwaonya waamini wenzake dhidi ya mafundisho ya uongo.

Ujumbe wa Yuda unajumuisha:

• Onyo dhidi ya waalimu wa uongo na ujumbe wao

• Maelelezo ya hukumu ambayo itawajia waalimu hawa wa uongo

• Wito wa kuvumilia.

• Hitimisho la shangwe ya sifa “Yeye awezaye kuwalinda ninyi msijikwae, na kuwasimamisha mbele ya utukufu wake bila mawaa katika furaha kuu” (Yuda 1:24).

Nyaraka za watu wote, kimahususi kabisa 1 Petro, inatutia moyo sisi kubakia waaminifu katika mateso. Petro anawatia changamoto wasomaji wake kujinyenyekesha leo ili kwamba, kwa wakati sahihi, Mungu awainue (1 Petro 5:6). Mateso ni ya kawaida kwa maisha ya Mkristo, lakini mateso hupelekea utukufu. Ahadi hii iliwatia moyo waamini wa karne ya kwanza na inapaswa itutie moyo sisi katika karne ya 21.

Kila kimojawapo cha vitabu hivi kinahamasisha kuishi kikristo kivitendo. Wakati wito wa Petro ni kunyenyekea kwa mamlaka, ujumbe wa 1 Yohana ni upendo kwa ndugu zetu katika Bwana, mahusia ya 2 Yonaha kushikilia kweli, wito wa 3 Yohana ni ukarimu wa Kikristo, au onyo la Yuda dhidi ya waalimu wa uongo, Nyaraka za watu wote zinafundisha kanisa kweli ambayo ni zaidi ya ufahamu wa kiakili. Tunaitwa kuziishi kweli za kibiblia katika maisha yetu ya kila siku.

Katika karne ya kwanza, wafuasi wengi wa Yesu (wakiwemo mitume wengi) walikufa kwa ajili ya Imani yao. Katika karne ya pili, Polycarp aliuawa kwa ajili ya kukataa kuchoma uvumba kwa empara. Katika karne ya nne, Catherine wa Iskanderia alikatwa kichwa baada ya kumushuhudia Empara.

Katika karne ya 14, mwili wa John Wycliffe ulichomwa moto kwa sababu alitafsiri Biblia kwenda Kiingereza. Katika karne ya 15, John Huss alichomwa moto akiwa hai kwa sababu aliyakaa mafundisho ya Uromani Katoliki. Katika karne ya 16, waamini 26 walisulubiwa huko Nagasaki, Japan, wakati wa mateso wakati ambapo waamini waliabudu kwa siri.

Katika karne ya 20, maelfu ya wafuasi wa Kristo walikufa kama wafia Imani hiko China, umoja wa Kisovieti, na katika nchi zinazotawaliwa kwa mfumo wa kiimla. Katika karne ya 21, waamini katika nchi zenye waamini wengi wa dini nyingine kila siku wanapitia matishio ya kuteswa na vifo.

Katika kila kizazi, wafuasi wa Yesu wamekufa kwa ajili ya imani yao. Lakini kwa kanisa, hakuna sababu ya kuvunjika moyo. Petro anawakumbusha waamini wanaoteswa: “Na Mungu wa neema yote, aliyewaita kuingia katika utukufu wake wa milele katika Kristo, mkiisha kuteswa kwa muda kidogo, yeye mwenyewe atawatengeneza, na kuwathibitisha, na kuwatia nguvu” (1 Petro 5:10). Kanisa limeshinda! Hii ni ahadi ya Nyaraka za Watu Wote.

(1) Andaa ujumbe au somo la Biblia juu ya mojawapo ya mada zifuatazo. Unaweza kuwasilisha hii ama katika maandishi (kurasa 5-6) au wasilisha rekodi ukiwa unahubiri au kufundisha.

• “Mateso katika Maisha ya Kikristo.” Tumia kanuni zilizofundishwa katika 1 Petro na uzielezee kwa mifano kutoka historia ya kawaida, hasa hasa kutoka katika historia ya kanisa katika nchi yako.

• “Ushirika na Mungu.” Jumuisha vigezo vya ushirika na Mungu vinavyopatikana katika 1 Yohana.

(2) Mwanzoni mwa somo linalofuata, utafanya jaribio kulingana na somo hili. Soma maswali ya jaribio kwa umakini katika maandalizi.

(1) Ni kwa namna gani Petro anatumia neno Babeli katika 1 Petro 5:13?

(2) Ni nini ilikuwa hatari ya nje iliyolikumba kanisa katika 1 Petro?

(3) Ni nini ilikuwa hatari ya ndani iliyolikumba kanisa katika 2 Petro?

(4) 2 Yohana inaelekezwa kwa “mama mteule…” Hii inaweza kurejelea mambo gani mawili?

(5) Ni kweli gani mbili ambazo ni muhimu katika 1 Yohana zinafundisha kuhusu dhambi?

(6) Kulingana na 1 Yohana, sifa gani tatu ambazo zinatakiwa kuwa katika maisha ya watoto wa Mungu?

(7) Nini ni kusudi la msingi la 3 Yohana?

(8) Yuda alihusianaje na Yesu?

(9) Andika 1 Petro 1:6-7, 1 Yohana 1:6-7, na Yuda 1:24-25 kutoka katika kumbukumbu memory.