(1) Mwanafunzi atakuwa na uwezo wa kuelezea:

• Matumizi ya Kibiblia ya neno utakatifu.

• Utakatifu wa Mungu kama msingi wa utakatifu wa Kikristo.

• Umuhimu wa utakatifu kwa ajili ya ibada na uhusiano na Mungu.

• Mifano ya kibiblia ya utakaso.

• Mazoezi ya ukuaji wa kiroho

• Tamko la Imani ya Kikristo kuhusiana na kuhusu utakatifu wa Kikristo.

(2) Mwanafunzi atakuwa na imani kuwa neema ya Mungu itamfanya awe mtakatifu katika ulimwengu wa sasa.

Neno la Kiebrania lililotafsiriwa utakatifu au utakaso linatokea zaidi ya mara 600 katika Agano la Kale. Maneno yote ya Kiebrania na Kiyunani ya utakatifu kimsingi yanamaanisha kutengwa, kujitoa kikamilifu kwenye kusudi. Kitu kilichotakaswa kimetengwa kutoka kwenye matumizi ya kale kwa ajili ya kusudi maalumu. Kumbuka kuna vitu kadhaa ambavyo vilitolewa na kuchukuliwa kuwa ni vitakatifu katika Agano la Kale:

• Nchi takatifu. Mungu alitenga mahali kama sehemu ya kukutania na Musa (Kutoka 3:5)

• Hema takatifu na hekalu. Vitu vingi vitakatifu vilihusishwa na hema na hekalu, ikiwemo mavazi ya kuhani (Mambo ya Walawi 16:32), mkate (Kutoka 29:34), na samani (Kutoka 40:9). Hivi vilitengwa kwa ajili ya ibada ya Mungu

• Siku takatifu. Siku ya Sabato ilitengwa kama takatifu (Mwanzo 2:3; Kutoka 20:8). Sikukuu nyingine za Kiyahudi kama Siku ya Upatanisho zilikuwa pia maalumu (Mambo ya Walawi 23:26-29). Siku hizi zilikuwa zimetengwa kutoka kwa nyingine ili kuwa maalumu kwa ajili ya kupumzika na kutafakari na ibada.

• Mungu Mtakatifu. Mfano mkubwa wa utakatifu katika Biblia ni Mungu mwenyewe. Kila kitu kuhusu Mungu ni kitakatifu. Jina lake ni takatifu (Mambo ya Walawi 22:2); maneno yake ni matakatifu (Yeremia 23:9); njia zake ni takatifu (Zaburi 77:13). Utakatifu unamaanisha Mungu ametengwa kabisa kutoka kwenye chochote chenye dhambi, uchafu, kawaida, cha kawaida au kisichofaa kulingana nafasi na nafsi yake ya kiuungu.

Katika AganoJipya Yesu anarejelewa kama mtakatifu (Yohana 17:19; Matendo ya Mitume 4:27, 30) na asiye na dhambi (2 Wakorintho 5:21). Malaika (Marko 8:38) na mitume na manabii (Waefeso 3:5) wanaelezewa kama watakatifu. Wote hawa walitengwa kwa ajili ya kusudi maalumu.

Biblia inawaagiza watu wa Mungu kuwa watakatifu (Mambo ya Walawi 11:44-45; 1 Wakorintho 1:2; 1 Petro 1:15-16). Somo hili litaelezea utakatifu ambao Mungu anautarajia kutoka kwetu.

► Soma Zaburi 119:33-40 pamoja. Je kifungu hiki kinatuambia nini kuhusu namna ambavyo Mungu anambadilisha mwamini?

Mungu alipoanza kujidhihirisha mwenyewe, kusudi lake la kwanza lilikuwa kuonesha ni Mungu wa namna gani. Mungu alijifafanua mwenyewe kimsingi kama mtakatifu. Isaya alimrejelea Mungu kama “Mtakatifu wa Israeli.”

Utakatifu wa Mungu ulikuwa ndiyo ujumbe wa ibada:

Na walishukuru jina lake kuu la kuhofiwa; Ndiye mtakatifu. Mtukuzeni BWANA, Mungu wetu; Sujuduni penye kiti cha miguu yake; Ndiye mtakatifu (Zaburi 99:3, 5).

Utakatifu wa Mungu ni msingi wa uhitaji wake kwa mwanadamu. Kwa sababu yeye ni mtakatifu, anawaita wanaomwabudu wawe watakatifu. Alisema, “Iweni watakatifu, kwa kuwa mimi ni mtakatifu” (Mambo ya Walawi 11:44-45, Mambo ya Walawi 19:2, Mambo ya Walawi 20:26, Mambo ya Walawi 21:8).

Mungu wa Israeli alikuwa tofauti na miungu ya uongo ya kipagani na alihitaji namna tofauti ya ibada.

Ni nani atakayepanda katika mlima wa BWANA? Ni nani atakayesimama katika patakatifu pake? Mtu aliye na mikono safi na moyo mweupe, Asiyeiinua nafsi yake kwa ubatili, Wala hakuapa kwa hila (Zaburi 24:3-4).

Swali hapa ni, “ibada ya nani Mungu anaikubali?” Sio kila mtu anakubaliwa kama mtu anayemwabudu Mungu. Mtu anayemwabudu Mungu lazima awe mtakatifu.

Matarajio ya Mungu mtakatifu sio kwa desturi au kujifanya; ni utakatifu halisi. The Kiwango vya utakatifu vya watu wanaomwabudu Mungu kinarudiwa katika Agano Jipya:

Bali kama yeye aliyewaita alivyo mtakatifu, ninyi nanyi iweni watakatifu katika mwenendo wenu wote; kwa maana imeandikwa, Mtakuwa watakatifu kwa kuwa mimi ni mtakatifu (1 Petro 1:15-16).

Mwenendo unahusu tabia na mtindo mzima wa maisha ya mtu. Mungu hawaiti wanaomwabudu kuwa watakatifu kwa desturi tu, au kwamba wanaitwa watakatifu wakati kiukweli sio. Anawatarajia wanaomwabudu kuishi maisha matakatifu.

► Ni zipi baadhi ya sababu kwamba utakatifu unahusiana na ibada?

Utakatifu ni muhimu katika ibada kwa sababu

1. Tunampenda Mungu na tunataka kuwa kama yeye. Kumwabudu Mungu ni kuona kwamba ni kiumbe wa ajabu ambacho kinaishi na kumwabudu yeye kama alivyo. Kuabudu ni kuthamini sifa za asili yake. Asili ya Mungu kimsingi ni mtakatifu, hivyo kama kweli tunaabudu asili ya Mungu, tutachukia dhambi na uchafu, hata kama tunaiona ndani yetu wenyewe

2. Tunampenda Mungu na tunataka kumpendeza yeye. Uhitaji wa Mungu hautushangazi kama tunaelewa ibada ni nini hasa. Hatumwabudu yeye kwa sababu ya hofu. Hatumwabudu kwa sababu tu anatubariki. Tunamwabudu kwa sababu tunampenda.

[1]Biblia inatumia neno utakaso kurejelea ambacho kimetokea katika maisha ya kila mwamwini. Paulo aliandika “kwa kanisa la Mungu lililoko Korintho, wale waliotakaswa katika Kristo Yesu, walioitwa wawe watakatifu” (1 Wakorintho 1:2). Paulo aliandika, “…mlioshwa, lakini mlitakaswa, lakini mlihesabiwa haki katika jina la Bwana Yesu Kristo, na katika Roho wa Mungu wetu.” (1 Wakorintho 6:11). Wakorinto walikuwa wamekwisha kutakaswa tayari ingawa walikuwa hawajakua kufikia ukomavu wa kiroho na walikuwa bado walikuwa watu wa mwili, kama wachanga katika Kristo (1 Wakorintho 3:1).

Neno kutakasa, wakati wa kuwarejelea hawa Wakorinto, linatumika katika maana yake ya jumla. Wakorinto waliitwa kutoka dhambini na ulimwengu na wametengwa kwa ajili ya Mungu. Kwa hakika walikuwa hawajkomaa katika utakaso, lakini walikuwa wametengwa kutoka kwenye maisha ya kale na walikuwa sasa ni sehemu ya familia ya Mungu.

Tunapokutana na Mungu kwa mara ya kwanza, dhambi ni kikwazo kwa uhusiano wetu na yeye. Ndiyo maana uhusiano wetu na Mungu hauwezi kuanza hadi tutubu, tusamehewe, na kupewa moyo mpya.

Wakati huo huo kwamba tumepatanishwa na Mungu, tumebadilishwa (Tito 3:5). Kiroho, tumefanywa viumbe vipya. Tumekombolewa kutoka kwenye nguvu ya dhambi, na tunatamani kumpendeza Mungu. Utakatifu wa Kikristo unaanza wakati mtu anapookoka.

Biblia inatufundisha kwamba wokovu hupelekea mara moja katika maisha matakatifu. Neema ya Mungu iletayo wokovu inatufundisha kuishi kwa kiasi, na haki, na utauwa, katika ulimwengu huu wa sasa (Tito 2:11-12). Kusudi la wokovu ni kututenga mbali na dhambi na kutufanya tuwe watakatifu, ili tuweze kuishi katika uhusiano na Mungu (Luka 1:74-75, Warumi 6:2, 11-16).

Tunapoishi katika uhusiano na Mungu, tunaendelea kukua katika utakatifu kadiri tunavyozidi kuilewa kweli yake. Kutembea katika nuru inamaanisha kuendelea kumtii Mungu kadiri tunavyozidi kujifunza kuhusu kweli yake (1 Yohana 1:7). Kadiri tunavyoelewa zaidi kipi kinampendeza na kipi hakimpendezi yeye, tunabadilishwa na kweli yake na kwa nguvu ya Roho Mtakatifu.

Mtu anayempenda Mungu atatamani kuwa mtakatifu kabisa. Hataki kubadilisha matendo yake tu. Anataka nia yake iwe safi kabisa. Daudi aliomba kwamba aweze kuishi katika ushindi kamili dhidi ya dhambi, kisha aliomba kuwa maneno yake na hata mawazo ya moyo wake kuwa yapate kibali mbele za Mungu (Zaburi 19:12-14. Angalia pia Zaburi 119:7, 34, 36, 69, 80, na 112.)

Mchakato mzima wa ukomavu wa kiroho unaitwa utakaso. Utakaso ni mchakato wa maisha yote wa kuzidi kutengwa kutoka kwenye dhambi na ulimwengu, na kuzidi kujitoa kwa Mungu. Hii inaoneshwa kwenye maonyo ya Paulo dhidi ya kufuatisha namna ya dunia na himizo lake “mgeuzwe [muendelezo] kwa kufanywa upya nia zenu” (Warumi 12:2). Kutengwa kutoka katika ulimwengu na mageuzi ya nia sio uzoefu ambao hukamilka kwenye muda maalumu katika maisha ya Mkristo. Mwamini siku zote anapitia maendeleo na ukuaji anapotembea na Kristo Haya yote yanajumuishwa katika neno utakaso.

Upotovu unaorithiwa ni ni upotovu wa asili ya maadili ya mtu unaompelekea kwenye dhambi tangu kuzaliwa. Wakati mwingine Wanatheolojia wanauita na “dhambi ya asili”, kwa sababu ni hali ya kuwa na dhambi ambayo ni asili yetu kwamba tumezaliwa nayo kwa sababu ya dhambi ya Adamu.

Kila mtu amezaliwa na nia ambayo ni ya kujifikiria yenyewe na inavutwa kuelekea kwenye dhambi. Nia zetu haziko huru kufanya uchaguzi sahihi isipokuwa Mungu atupatie shauku na nguvu (Warumi 6:16-17). Upotovu unaorithiwa unachochea dhambi za ndani kama vile kiburi, husuda, chuki, kutokusamehe. Unachochea pia matendo ya dhambi.

► Baada ya mtu kuokoka, anaendelea kuwa na upotovu unaorithiwa?

Mtu aliyeokoka haendelei kuwa chini ya utawala wa upotovu unaorithiwa. Kama alikuwa bado anaongozwa nao, atakuwa anaishi katika dhambi na hajaokoka. Biblia inatuambia kuwa mtu ambaye anatawaliwa na nia ya mwili amehukumiwa (Warumi 8:6-8, 13). Mtu aliyeokoka hatawaliwi na upotovu unaorithiwa na anaweza kuishi katika ushindi dhidi ya dhambi kwa nguvu ya Roho Mtakatifu (Warumi 8:1, 9, 13)

Hata hivyo, mtu aliyeokoka bado ana ushawishi wa upotovu unaorithiwa ndani yake hadi atakapotakaswa. Paulo aliwaambia Wakorinto kwamba bado walikuwa mwilini na walikuwa mitazamo kama watu wa dunia, imgawa walikuwa wamekwisha kuokoka (Soma 1 Wakorintho 3:1-3.) Alidokeza pia kuwa ilikuwa ni kawaida kwa Mkristo mpya kuwa katika hali hiyo. Alisema kuwa kuwa kimwili ilikuwa ni kama kuwa mchanga katika Kristo.

Mwamini katika hali hii anampenda Mungu, lakini hawezi kumpenda Mungu kwa moyo wake wote, roho yake yote, akili zake zote, na nguvu zake zote (Mathayo 22:37). Hawezi kusema kama Paulo, kwamba analo kusudi moja tu la kufuata wito wa Mungu (Wafilipi 3:13-15). Anajua kuwa baadhi ya mawazo ya moyo wake hayapati kibali mbele za Mungu (Zaburi 19:14).

[1]Mungu hatuachi katika hali hii. Hata katika nyakati za kale Mungu aliiahidi Israeli kuwa angefanya kazi ya neema ambayo ingewafanya waweze kumpenda kwa mioyo yao yote. (Soma Kumbukumbu la Torati 30:6.)

Daudi aliomba kwa ajili ya kazi ya neema ambayo ilikuwa zaidi ya msamaha. Alianguka katika dhambi na aligundua kuwa ilikuwa imeshatendeka kwa sababu ya tatizo katika moyo wake Alijua kuwa dhambi ilikuwa ni asili yake, lakini aliamini kuwa Mungu alimtaka awe mtakatifu kabisa. Aliomba kwa ajili ya utakaso wa jumla (Soma Zaburi 51:5-10.)

Waamini katika Agano Jipya waliitwa katika tukio jingine maalumu baada ya kuokoka. Waamini wa Thesalonike walikuwa ni mfano wa ajabu wa waamini waliokuwa wameikubali Injili, waligeuka kutoka kwenye miungu, walivumilia mateso, walikuwa na Furaha ya Roho Mtakatifu, na walikuwa wanasubiri kurudi kwa Yesu (1 Wathesalonike 1:6-10). Lakini bado kulikuwa na kitu kinapungua katika imani yao. Hakikuwa kitu ambacho kingetolewa katika mchakato mrefu au katika kifo, kwa sababu Paulo alisema kinaweza kutokea atakapo watembelea (Soma 1 Wathesalonike 3:10.) Aliomba:

Mungu wa amani mwenyewe awatakase kabisa; nanyi nafsi zenu na roho zenu na miili yenu mhifadhiwe mwe kamili, bila lawama, wakati wa kuja kwake Bwana wetu Yesu Kristo. Yeye ni mwaminifu ambaye awaita, naye atafanya (1 Wathesalonike 5:23-24).

Paulo aliomba kuwa waamini hawa watakaswe kabisa. Matokeo yake yatakuwa kwamba waamini watakuwa bila lawama katika mwili, na roho hata wakati wa kuja kwa Bwana.

Wanafunzi wa Yesu walipitia kazi maalumu ya neema kwenye Pentekoste. Tunajua kuwa walikuwa wamekwisha kuokolewa kabla ya muda huo, kwa sababu Yesu alisema hawakuwa wa ulimwengu, kwamba walikuwa wanamilikwa na Yeye na Baba, na kwamba majina yao yalikuwa yameandikwa mbinguni (Yohana 15:3, Yohana 17:14, 9-10; Luka 10:20). Lakini walikuwa wabinafsi na hawakuwa na vipaumbele vya Mungu. Mara kwa mara Yesu aliwasahihisha kwa sababu ya mitazamo yao yenye dhambi (Soma Marko 9:33-34; Marko 10:35-41; Luka 9:54-55.)

[2]Baada ya kufufuka kwa Yesu, muda mfupi kabla ya kurudi mbinguni aliwaambia wanafunzi wake kuwa watakuwa mashahidi kwa ulimwengu. Lakini aliwaambia kuwa ni lazima kwanza wabatizwe na Roho Mtakatifu. (Soma Luka 24:49; Yohana 20:22; Matendo ya Mitume 1:2-5, 8.) alikuwa tayari ameshawaambia sana kuhusu kazi ya Roho Mtakatifu, hasa katika Yohana 14-16.

Wanafunzi walijazwa na Roho Mtakatifu siku ya Pentekoste (Matendo ya Mitume 2:4). Kujazwa huku kulibadilisha nia zao, vipaumbele vyao na matendo yao. Katika matukio yote yaliyobaki ya agano Jipya, wanafunzi walionesha mitazamo na vipaumbele vinavyofanana na Kristo, ingawa bado walikuwa na kutokuelewana na walifanya makosa. Nyaraka ziliandikwa na Petro na Yohana anaonesha ujumbe na moyo wa Kristo. Kujazwa kwa Roho Mtakatifu kuliwawezesha kumpenda Bwana kama Mungu wao kwa mioyo yao yote, roho zao zote, akili zao zote, na nguvu zao zote na kuwapenda jirani zao kama wanavyojipenda (Mathayo 22:37-39). Kwa sababu walikuwa wamejisalimisha kabisa kwa Roho Mtakatifu, aliishi ndani yao, kama alivyoishi ndani ya Kristo (Luka 4:1, 14, 18; Matendo ya Mitume 2:22).

Baadhi ya walimu wa Kikristo wanazingatia mchakato wa utakaso, na wengine walizingatia tukio la dharura. Uzoefu wa Wapentekoste na ubatizo wa Roho Mtakatifu ni mfano wa watu kupitia tukio maalumu la utakaso. Ule ukweli kwamba jambo fulani linaweza kuwa kamili au kuwa na uzoefu kamili inamaanisha kwamba linafanyika katika wakati fulani. Ni muhimu kuwa tusiweke mipaka kwa kile ambacho Injili inaweza kufanya, hata katika muda mfupi wa imani na kujitoa kabisa (Warumi 12:1-2). Yote ambayo Yesu aliyatoa kupitia kifo chake na kufufuka kwake vinapatikana kwa wote ambao:

1. Wanajihesabu wamekufa kwa habari ya dhambi pamoja na Kristo (Warumi 6:11)

2. Hawaachi dhambi iitawale miili yao (Warumi 6:12)

3. Wanajitoa miili yao kuwa silaha za haki (Warumi 6:13)

Katika historia yote, Wakristo wenye imani wameshuhudia nyakati ambapo waliingia katika maisha yaliyojazwa na Roho na uhusiano wa ndani na Mungu, pamoja na wanaume na Wanawake kama vile Bunyan, Hudson Taylor, Dwight L. Moody, Sammy Morris, Oswald Chambers, Frances Ridley Havergal, na Amy Carmichael.[3]

Wakati ni muhimu kuwa tusimwekee Mungu mipaka kwa kile ambacho Mungu anaweza kufanya kwa wakati huo, ni muhimu pia kuwa tusisahau kazi ya Roho Mtakatifu kupitia michakato. Ingawa namna hii ya utakaso wakati mwingine inaelezewa kama ukamilifu, kiwango hiki hakimaanishi kuwa hakuwezi kuwa na maendeleo zaidi. Kwa mfano, ukijifunza Kifaransa haimaanishi mtu hawezi kuendelea kujifunza kuongea Kifaransa bora zaidi. Wale ambao wametakaswa kabisa wamefikia mahali ambapo walipata uzoefu wa utakaso ambao hawakuwahi kuupata hapo awali. Hata hivyo, hii sio hali kamili ya ukamilifu. Ni maisha ya utakatifu ambapo mwamini anaendelea kukua.

Biblia inafafanua maisha ya mkristo aliyekomaa. Roho mtakatifu anatenda kazi katika maisha ya mwamini kuendeleza sifa za Kikristo. Kazi ya Roho inajumuisha nyakati maalumu za kutakasa au kuweka wakfu na pia michakato ya hatua kwa hatua. Mwamini anatakiwa asiridhike na maisha ya kiroho abayo hayaendani na maelezo ya kibiblia ya mwamini aliyekomaa.

Mwandishi wa Waebrania alisema baadhi ya wasomaji wake walikuwa bado kama watoto (Waebrania 5:12). Aliwasihi kuacha mafundisho ya awali ya Kristo na waendelee kukomaa (Waebrania 6:1).

Maombi ya mitume kwa waamini yanatuonesha mapenzi ya Mungu kwetu.

Upendo

Paulo aliomba, “Bwana na awaongeze na kuwazidisha katika upendo, ninyi kwa ninyi, na kwa watu wote…” (1 Wathesalonike 3:12-13). Aliomba pia kwa ajili ya Waefeso:

… mkiwa na shina na msingi katika upendo; ili mpate kufahamu pamoja na watakatifu wote jinsi ulivyo upana, na urefu, na kimo, na kina; na kuujua upendo wake Kristo, upitao ufahamu kwa jinsi ulivyo mwingi (Waefeso 3:17-19).

Paulo alikuwa anaomba kuwa waamini hawa waongezeke na kuzidi katika upendo. katika 1 Wakorintho 13, Paulo anafafanua ambavyo upendo unapaswa kuonekana kwa mwamini aliyekomaa. Maisha ya utakaso ni kumpenda Mungu tu kwa moyo wako wote, roho yako yote, akili yako yote, na kumpenda jirani yako kama unavyojipenda (Luka 10:27). Hiyo ndiyo namna ya uhusiano ambayo watu watakatifu wanayo kwa Mungu na wanadamu wenzao.

Bila lawama

Paulo aliwaombea Wathesalonike, kwamba Mungu awaimarishe mioyo... bila lawama katika utakatifu (1 Wathesalonike 3:12-13). Sura mbili baadae, anaomba kwamba wawe wametakaswa kwa namna ambayo nafsi na roho zao na miili yao yote iwe bila lawama wakati wa kuja kwake Bwana Yesu Kristo (1 Wathesalonike 5:23). Bila lawama haimaanishi ukamilifu katika kila namna. Mtu asiye na lawama anaweza kufanya makosa ingawa ana mwenendo na tabia ambazo anapaswa kuwa nazo.

Nguvu ya ndani

Paulo aliwaombea waamini wa Efeso awajalieni, kwa kadiri ya utajiri wa utukufu wake, kufanywa imara kwa nguvu, kwa kazi ya Roho wake katika utu wao wa ndani (Waefeso 3:15-16). Tabia ya ndani hupata nguvu pale mtu anapoongezeka katika imani. Tabia ya ndani ni uwezo wa kufanya machaguo sahihi na kukataa maamuzi yasiyo sahihi.

Kristo ndani yetu

Paulo aliendelea na maombi ya Efeso kwa kuomba kwamba Kristo angekaa katika mioyo yao (Waefeso 3:17). Neno lililotafsiriwa “kaa/bakia” katika kifungu hiki linamaanisha kukaa moja kwa moja sio kukaa mahali fulani kwa muda tu. Neno hili la picha linadokeza kuwa Yesu anataka kuishi na sisi na sio kututembelea tu. Kristo anajisikia vizuri na kutosheka na wale wanaoishi maisha thabiti ya kiroho.

Utimilifu wa Mungu

Paulo anahitimisha sehemu ya sala ya maombi ya Efeso kwa kuomba kwamba kwamba watajazwa na utimilifu wote wa Mungu (Waefeso 3:14-19). Hii ni kutumia mfano wa vitendo kufafanua ukweli wa kiroho. Inamaanisha kuwa Mungu anataka kututawala kikamilifu maeneo yote, akili zetu, nia zetu, hisia zetu, shughuli zetu, mitazamo yetu, hamu zetu, na miitikio yetu. Katika ufafanuzi wote wa maisha matakatifu yanayopatikana katika Biblia, inaweza kuwa kubwa kuliko—kujazwa sana na ucha Mungu kwamba hakuna kutomcha Mungu(uasi) hapo.

Mistari miwili inayofuata inakamilisha maombi haya:

Basi atukuzwe yeye awezaye kufanya mambo ya ajabu mno kuliko yote tuyaombayo au tuyawazayo, kwa kadiri ya nguvu itendayo kazi ndani yetu; naam, atukuzwe katika Kanisa na katika Kristo Yesu hata vizazi vyote vya milele na milele. Amina (Waefeso 3:20-21).

Maombi ya mwisho yanaeleza kuwa Mungu anaweza kufanya zaidi ya tuyaombayo au tuyawazayo. Paulo hazungumzii kuhusu utoshelevu kiuchumi isipokuwa kuhusu maisha ya kiroho. Hatupaswi kuvidharau viwango vya utakatifu na ukomavu kwamba nguvu itendayo kazi ndani yetu inaweza kutufikisha.

Agano Jipya linatuma mazoezi ya kutukuza katika utakatifu na ukomavu.

Kuitunza dhamiri njema. Paulo anamfahamisha Timotheo kuwa namna ya kupiga vita vizuri (kielelezo cha maisha ya ushindi ya mkristo), ni kwa kuwa na imani na dhamiri njema [1](1 Timotheo 1:18-19).[2] Paulo pia alisema, “ninajizoeza katika neno hili niwe na dhamiri isiyo na hatia mbele za Mungu na mbele ya watu siku zote” (Matendo ya Mitume 24:16). Kusikiliza dhamiri zetu kunaweza kusababisha tukatubu, tukalipa fidia, kupatanishwa na mtu, au tukabadili tabia. Kuwa na dhamiri njema maana yake watu wataungama dhambi na kuzitubia mara wanapogundua wamefanya makosa.

Jitoe kwa Mungu. Katika himizo la nguvu katika Warumi 12:1, Paulo anaandika, “Basi, ndugu zangu, nawasihi, kwa huruma zake Mungu, itoeni miili yenu iwe dhabihu iliyo hai, takatifu, ya kumpendeza Mungu, ndiyo ibada yenu yenye maana.” Waamini wa Kirumi walikuwa tayari wameshajitoa wenyewe kwa Mungu walipookolewa. Hata hivyo, hapa Paulo anasihi ibada kamili kwa Mungu.

Msiifuatishe namna ya dunia (Warumi 12:2). Kuifatisha namna ya dunia ni kuchukuliwa na mitazamo ya jamii isiyoamini, kwa kiwango cha kushiriki maadili yake na kuenenda kama wasioamini wanavyoenenda. Watu wa ulimwengu wanatafuta visingizio vya kuwa wabinafsi na wasio haki na kutimiza tamaa za mwili kwa njia za dhambi. Mwamini ni wa tofauti (2 Wakorintho 10:3-4).

Fanywa upya nia yako. Paulo anaendelea kuwahimiza Warumi kwa kusema,

…bali mgeuzwe kwa kufanywa upya nia zenu, mpate kujua hakika mapenzi ya Mungu yaliyo mema, ya kumpendeza, na ukamilifu (Warumi 12:2).

Kadiri mtu anavyokana namna ambavyo dunia inawaza na kukubali namna ya Mungu anavyofikiri, ndivyo atakavyozidi Kubadilishwa.

Tembea nuruni. Yohana aliandika, “bali tukienenda nuruni, kama yeye alivyo katika nuru, twashirikiana sisi kwa sisi, na damu yake Yesu, Mwana wake, yatusafisha dhambi yote” (1 Yohana 1:7). Nuru ni tamathali ya semi inayomaanisha kweli. Hivyo, kutembea katika nuru inamaanisha kuendelea kujifunza kweli na kuifuata

Stahimili mateso kwa imani. Maombi ya mwisho ya Petro 1 Petro 5:10 anaonesha lengo la utukufu la kuwa mwamini aliyerejeshwa, mwenye nguvu, na mwamini thabiti , lakini anaelezea njia isiyopendeza ya kufikia hapo. “Na Mungu wa neema yote, aliyewaita kuingia katika utukufu wake wa milele katika Kristo, mkiisha kuteswa kwa muda kidogo, yeye mwenyewe atawatengeneza, na kuwathibitisha, na kuwatia nguvu” (1 Petro 5:10). Mateso yana namna ya kusafisha mitazamo yetu na kurekebisha tabia zetu. Mungu huruhusu mateso yanayotukuza kiroho. Ni lazima tuyakubali na tujaribu kujifunza ni nini Mungu anatufundisha (2 Wakorintho 12:7-10).

► Someni Tamko la Imani kwa pamoja angalau mara mbili.

Utakatifu wa kikristo unaanza pale mwenye dhambi anapotubu na Kubadilishwa kwa neema ya Mungu.Mwamini anakua kiroho kadiri anavyokua katika kuelewa mapenzi ya Mungu na kuendelea kutii. Utakaso ni kazi ya Mungu ambapo anamtakasa mwamini na kumpa tabia na maisha matakatifu.

(1) Zoezi la Kifungu: Kila mwanafunzi atapewa mojawapo ya vifungu vilivyoorodheshwa hapa chini. Kabla ya kipindi kinachofuata cha darasa, unapaswa kusoma kifungu na kuandika aya kuhusiana na somo la somo hili.

• Isaya 6:1-8

• Matendo ya Mitume 2:1-18

• 1 Wakorintho 10:1-13

• 1 Wathesalonike 5:14-24

• Tito 2:11-14

(2) Jaribio: Utaanza kipindi kijacho cha darasa kwa jaribio juu la Somo 13. Jifunze kwa umakini maswali wakati wa maandalizi.

(3) Zoezi la Kufundisha: Kumbuka kupanga na kuripoti muda wako wa kufundisha nje ya darasa.

(1) Ni nini maana ya msingi ya neno utakatifu?

(2) Inamaanisha nini kwa Mungu kuwa mtakatifu?

(3) Kwa nini utakatifu ni muhimu katika ibada?

(4) Ni wakati gani Utakatifu wa Kikristo unaanza?

(5) Inamaanisha nini kutembea nuruni?

(6) Nini kinatokea kwa mwamini wakati wa mchakato wa maisha yote wa utakato?

(7) Upotovu unaorithiwa ni nini?

(8) Ni kwa namna gani mwamini atakuwa aliyelaumiwa kimwili, nafsi, na roho wakati wa kurudi/kuja kwa Bwana?