(1) Mwanafunzi atakuwa na uwezo wa kuelezea:

• Sifa zinaoonesha kwamba Roho Mtakatifu ni nafsi.

• Ushahidi wa Kibiblia kuhusiana na nafsi na uungu wa Roho Mtakatifu.

• Kwa nini nafsi na uungu wa Roho Mtakatifu ni fundisho muhinu na la msingi.

• Kazi za kihistoria na za wakati uliopo za Roho Mtakatifu.

• Nyanja za kivitendo za mahusiano ya waamini pamoja na Roho Mtakatifu.

• Tamko la Imani ya Kikristo kuhusiana na Roho Mtakatifu.

(2) Mwanafunzi atatendea kazi baadhi ya kanuni kuhusiana na karama za Roho.

► Soma Zaburi 139 Kwa pamoja. Kifungu hiki kinatueleza nini kuhusiana na Roho wa Mungu?

Watu wengine wanamfikiria Roho Mtakatifu kama tu kitu cha kuamsha hisia zao, nguvu wanayojaribu kuitumia, nguvu isiyo ya kinafsi, au hata uwepo tu. Kwa mfano, Mashahidi wa Yeshova wangesema kitu kama hiki: “roho mtakatifu si nafsi, na si sehemu ya Utatu Mtakatifu. roho mtakatifu ni nguvu ilinayofanya kazi ambayo Mungu huitumia kutimiza mapenzi yake.... Kwa kiasi fulani, inaweza kufanana na umeme.”[1]

► Ni nini tatizo la dhana ya Mashahidi wa Yehova kuhusiana na Roho Mtakatifu?

Mashahidi wa Yehova wanamuona Roho Mtakatifu kama nguvu ambayo si nafsi. Kwa sababu hawana uelewa wa kibiblia wa Mungu, hawawezi kuwa na uhusiano sahihi na Yeye.[2]

Hatutegemewi kuelewa kila kitu kuhusiana na Roho Mtakatifu. Yesu alisema kazi ya Roho Mtakatifu ni kama upepo; unausikia lakini haufahamu unakotoka au unakokwenda (Yohana 3:8). Lakini kuna baadhi ya mambo ambayo tunaweza kuyafahamu kuhusiana na Roho, na ni muhimu kwa ajili ya mahusiano yetu na Mungu.

Sehemu ya Maandiko ambayo inatupa sisi maelezo ya muingiliano kati ya Roho Mtakatifu na kanisa ni kitabu cha Matendo ya Mitume. Hapo tunaona mfano wa namna ambavyo kanisa, katika Mwanzo wake, lilimwitikia Roho Mtakatifu.

1. Walimuheshimu Roho Mtakatifu katika uungu wake. (Soma Matendo ya Mitume 5:3-4.)

2. Walikuwa na ufahamu na uwepo, uongozi na kazi za Roho Mtakatifu. (Soma Matendo ya Mitume 15:28.)[3]

3. Walitambua utegemezi wao kwa Roho Mtakatifu na wajibu wao wa kumwitikia Yeye. (Soma Matendo ya Mitume 4:24, 31.)

Ili kuwa na aina hiyo ya mahusiano na Roho Mtakatifu, tunapaswa kutambua kwamba yeye ni Nafsi na kwamba Yeye ni Mungu.

Roho Mtakatifu hana mwili wa nyama kama Yesu alivyokuwa, lakini Yeye ni Nafsi. Nafsi halisi ana sifa za nafsi, ambazo ni akili, utashi, na hisia. Je, Roho Mtakatifu ana utashi? Anagawa karama kwa Wakristo kama apendavyo (1 Wakorintho 12:11). Je, Roho Mtakatifu ana akili? Yeye huchunguza yote, hata mafumbo ya Mungu na anayafahamu (1 Wakorintho 2:10). Je, Roho Mtakatifu ana hisia? Tunaelezwa kwamba tusimuhuzunishe Roho Mtakatifu (Waefeso 4:30). Endapo Roho Mtakatifu anaweza kuhuzunishwa, basi ana hisia. Kwa sababu Roho Mtakatifu ana akili, utashi, na hisia, tunafahamu kwamba yeye ni nafsi.

► Kwa nini ni muhimu kwa sisi kufahamu kwamba Roho Mtakatifu ni nafsi?

Nafsi ina uwezo wa mahusiano na wengine. Kama Roho Mtakatifu angekuwa si nafsi bali nguvu, tusingeweza kuwa na mahusiano na Yeye. Lakini kulingana na Wafilipi 2:1 na 2 Wakorintho 13:14, Roho ana uwezo wa ushirika pamoja nasi, na kwa hiyo lazima ni nafsi.

Angalizo kwa kiongozi wa darasa: Kwa Ushahidi zaidi kuhusiana na unafsi wa Roho Mtakatifu kuwa nafsi, ona sehemu karibu na mwisho wa somo hili lililo na kichwa cha Habari “Ushahidi wa Kiblia wa Roho Mtakatifu kuwa ni nafsi.”

Roho Mtakatifu ni Mungu anayejua yote, anayeona yote, aliyepo kila mahali kwa wakati mmoja. Kumbuka Habari ya Anania na Safira? Kabla Anania hajapigwa na kufa, Petro alimwambia, “kwa nini Shetani amekujaza moyo wako kumwambia uongo Roho Mtakatifu?…Hukumwambia uongo mwanadamu, bali Mungu” (Matendo ya Mitume 5:3-4). Kutokana na hili, tunaona kwamba kumdanganya Roho Mtakatifu ni sawasawa na kumdanganya Mungu; kwa hiyo, Roho Mtakatifu ni Mungu.

Roho Mtakatifu anajua mambo yote. Tunaona katika 1 Wakorintho 2:10-11 kwamba anafahamu mambo yote ya Mungu. Hilo lingehitaji akili isiyo na kikomo. Alivuvia maandiko ya Agano la Kale, ikiwemo unabii, ambayo ingehitaji ufahamu wa mambo yote. (Soma 2 Petro 1:21.) tunaambiwa kwamba Maandiko yamepuliziwa na Mungu (2 Timotheo 3:16), kwa hivyo Roho Mtakatifu ni Mungu.

Roho Mtakatifu yupo kila mahali kwa wakati mmoja. Zaburi 139:7-10 inatuambia sisi kwamba hakuna mahali popote ambapo anaweza kwenda ili kuukimbia uwepo wa Roho wa Mungu. Yeye yupo pamoja na kila mwamini, kwa sababu Biblia inasema endapo mtu hana Roho wa Kristo, huyo si wa Kristo (Warumi 8:9). Muktadha unaonesha kwamba Roho wa Kristo ni Roho Mtakatifu.

Roho Mtakatifu ana nguvu zote. Anafanya mambo ambayo ni Mungu tu ndiye anaweza kufanya. Anauhakikishia ulimwengu kwa habari ya dhambi, na haki, na hukumu (Yohana 16:8). Ili kufanya hivyo, angetakiwa kuwa na uwezo wa kuingia katika dhamiri ya kila mtu na kuwa na uwezo wa kushawishi akili zao kuhusiana na kweli fulani. Yeye pia anaweza kumpatia kila mwamini nguvu ya ndani. (Soma Waefeso 3:16.) Roho huzalisha tunda la Kiroho katika Maisha ya kila mwamini, kila mahali ulimwenguni. Soma Wagalatia 5:22-23.) Hakuna anayeweza ispokuwa nguvu ya uungu ndio inayoweza kufanya haya.

Tunaelezwa katika Luka 12:10 kwamba unaweza kumkufuru Roho Mtakatifu. Ni Mungu tu ndiye unayeweza kumkufuru, kwa hiyo Roho Mtakatifu lazima ni Mungu.

Roho Mtakatifu wa milele (Waebrania 9:14).

Miili yetu inaitwa hekalu la Mungu kwa sababu Roho Mtakatifu anaishi humo (1 Wakorintho 3:16).

Kutoka katika ushahidi wa Kibiblia, tunafahamu kwamba Roho Mtakatifu ni Mungu mwenyewe, nafsi ya tatu ya Utatu Mtakatifu.

► Kwa nini ni muhimu kwa sisi kuaminini katika uungu wa Roho Mtakatifu?

Ni muhimu kuamini uungu wa Roho Mtakatifu ili kwamba uweze kumpa yeye heshima na hofu anayostahili. Litakuwa ni jambo kubwa sana kama tukishindwa kumuabudu Roho Mtakatifu.

Kusema kwamba Roho Mtakatifu ni tofauti na Baba na Mwana haimaanishi kwamba wao ni tofauti kwa mtazamo ule ule kama wanadamu. Washiriki wa Utatu Mtakatifu wanakaa ndani ya kila mmoja na wote ni Mungu yule yule, lakini wana tofauti zinazo onekana kuweza kuzungumza kila mmoja na mwenzake, kupendana, na kuwa na mahusiano ya kibinafsi baina yao na pamoja na sisi.

Maandiko yanafundisha tofauti kati ya nafsi katika Utatu Mtakatifu. Kwa mfano, ten ana tena katika Yohana 14-16, Yesu anarejelea Msaidizi atakayemtuma Yeye akienda kwa Baba. (Soma Yohana 14:16-17, 26; Yohana 15:26; Yohana 16:7, 13-15.) msaidizi huyu aangewaongoza wanafunzi na kuwafundisha. Kama Yesu na Roho Mtakatifu wangekuwa nafsi moja, rejea ya Yesu kama Msaidizi mwingine isingeleta kimantiki. Yesu amekuwa anarejelea nafsi nyingine ambayo ni tofauti na Yeye.

Yesu alisema kwamba Roho Mtakatifu asingezungumza kwa shauri lake bali angefunua mambo ya Kristo, ambayo Kristo ameyapokea kutoka kwa Baba (Yohana 16:13-15). Kama Yesu na Baba wangekuwa ni nafsi moja na Roho Mtakatifu, sentensi hiyo isingeleta mantiki.

Yesu alipobatizwa, sauti kutoka mbinguni ilisema, “Wewe ndiwe Mwanangu, mpendwa wangu,” na Roho Mtakatifu, kama hua, akatua juu ya Yesu (Marko 1:10-11). Washiri wote watatu wa Utatu walihusika kwa wakati mmoja, nafsi moja tofauti na nyingine.

Kama nafsi tofauti, Roho Mtakatifu ameishi katika uhusiano wa upendo pamoja na Baba na Mwana tangu milele. Mungu alituumba sisi na kushiriki katika uhusiano huo. Mungu anataka sisi tufurahie ushirika pamoja naye (1 Yohana 1:3-4), kwa kadiri kila mshiriki wa Utatu anavyofurahia ushirika na washiriki wengine hata kabla ya Mwanzo wa wakati kuanza. (Soma Yohana 17:22-23.)

Tangu wakati wa uumbaji, Roho Mtakatifu amekuwa hai/halisi katika ulimwengu. Alikuwepo na alihusika ulimwengu ulipokuwa unaumbwa (Mwanzo 1:2, 26). Alitoa uwezo maalumu kwa watu ambao waliitwa kwa kazi maalumu (Kutoka 35:30-31; Waamuzi 3:9-10; Waamuzi 15:14-15). Alitoa ujumbe kwa manabii (Isaya 61:1). Alivuvia maandiko (2 Petro 1:21). Mara zote amefanya kazi ndani ya mioyo ya watu, akijitahidi kuwageuza kumwelekea Mungu (Matendo ya Mitume 7:51).

Anaitwa Roho wa uzima. (Soma Warumi 8:2.) ni Roho aliyetuumba na kutupa uzima. Kama tunapaswa kujiondoa ulimwenguni, maisha yangesimama, na mwanadamu angelirudi mavumbini. (Ayubu 33:4, Ayubu 34:14-15.)

Agano Jipya linatambulisha kipengere au nyanja mpya ya kazi ya Roho Mtakatifu. Yohana Mbatizaji alisema Yesu angewabatiza watu kwa Roho Mtakatifu (Mathayo 3:11). Yesu aliwaambia wanafunzi wake kutarajia ahadi kutoka kwa Baba, ubatizo wa Roho Mtakatifu ambao ulitokea wakati wa Pentekoste (Matendo ya Mitume 1:4-5, 8).

Yesu aliwaahidi wanafunzi kwamba Roho Mtakatifu atakuwa Pamoja nao, akiwakumbusha mambo ambayo Yesu aliwafundisha na kuwaongoza katika kweli (Yohana 14:26, Yohana 16:13). Yesu alisema kwamba Roho Mtakatifu atakuwa Msaidizi mwingine (Yohana 14:16, 26; Yohana 15:26; Yohana 16:7). Neno la Kiyunani ambalo Yesu alilitumia linarejelea mmoja atakaye kuwa Pamoja nasi, ambaye atatutia moyo na kutusaidia sisi. Pia linaweza kurejelea mwakilishi. Roho Mtakatifu anamwakilisha Yesu na kutukumbusha sisi maneno yake.[1]

► Ni mambo gani baadhi ambayo Roho Mtakatifu anafanya/anatenda?

Kazi za Roho Mtakatifu duniani haziwezi kuelezewa kikamailifu, lakini hapa kuna orodha ya baadhi ya kazi zake.

1. Anahakikisha kwa babari ya dhambi (Yohana 16:8; 1 Wakorintho 2:4; 1 Wathesalonike 1:5). Vinginevyo isingewezekana kwa mtu kutambua hitaji lake la kutubu na kusamehewa.

2. Huzaa upya, akimpa uzima mtu aliyekuwa amekufa dhambini (Tito 3:5; Waefeso 2:1; Yohana 3:5).

3. Humpa mwamini uthibitisho binafsi kwamba yeye ameokoka (Warumi 8:16).

4. Huishi ndani ya kila mwamini (kila mtu aliyeokoka ana Roho Mtakatifu) (Warumi 8:9; 1 Wakorintho 6:19).

5. Hutoa uelewa wa kweli ya Mungu (1 Wakorintho 2:9-10, 13-14; 2 Wakorintho 3:14-17; Waefeso 6:17).

6. Huita watu katika huduma maalumu na huongoza maamuzi katika huduma (Matendo ya Mitume 13:2-4, Matendo ya Mitume 15:28, Matendo ya Mitume 16:6-10).

7. Humtakasa mwamini, akiusafisha moyo wake na kumfanya mtakatifu (Matendo ya Mitume 15:8-9; 1 Petro 1:2).

8. Hutoa nguvu kwa ajili ya kuishi maisha ya ushindi dhidi ya dhambi (Warumi 8:1, 5, 13; Wagalatia 5:16).

9. Huzalisha tunda la Roho katika maisha ya mwamini (Wagalatia 5:22-23).

10. Hutoa karama kwa ajili ya huduma (1 Wakorintho 12:4-10, 28-30; Warumi 12:6-8; 1 Petro 4:10-11).

11. Hutoa upako maalumu wa nguvu kwa ajili ya huduma (Matendo ya Mitume 1:8, Matendo ya Mitume 13:9; Wagalatia 3:5; 1 Petro 1:12).

12. Humsaidia mwamini kuomba sawasawa na mapenzi ya Mungu (Warumi 8:26-27; Waefeso 6:18).

13. Hutengeneza au huzalisha umoja na ushirika wa kanisa (Waefeso 4:3; Wafilipi 2:1).

Angalizo kwa kiongozi wa darasa: Mshiriki wa darasa anaweza kuelezea sehemu hii.

1. Roho hufanya kazi kupitia karama, utendaji, na maongozi mbalimbali (1 Wakorintho 12:4-6).

2. Karama za Roho hugawanywa kulingana na mapenzi ya Mungu, sio kulingana na ukiroho wa mtu. (1 Wakorintho 12:11, 1 Wakorintho 4:7).

3. Kila mtu ana uwezo aliopewa na Roho (1 Wakorintho 12:7).

4. Hakuna kipawa fulani ambacho kitatarajiwa kwa kila mwamini (1 Wakorintho 12:8-11, 14-30).

5. Karama zinapaswa kutumiwa kuwahudumia wengine kwa ajili ya utukufu wa Mungu (1 Wakorintho 12:21-22, 25; 1 Petro 4:10-11).

Si Wakristo wote wanakubaliana kuhusinana na kufanyia mazoezi kipawa cha lugha. Baadhi ya Wakristo huamini kwamba kila mwamini atanena kwa lugha anapopokea Mtakatifu.

Wakristo wengine huamini kwamba karama ya lugha inatolewa kwa baadhi ya waamini kwa ajili ya kuwasiliana na watu ambao wanazungumza lugha tofauti. Wanaamini hivi kwa sababu katika siku ya Pentekoste waliozungumza walieleweka na watu wa lugha nyingi (Matendo ya Mitume 2:6). Waliamini kwamba Mungu hutoa karama, na karama zingine, kwa yeyote ambaye anamchagua (1 Wakorintho 12:4-11). Wanaamini kwamba hakuna karama moja ambayo waamini wote wanapaswa kuwa nayo (1 Wakorintho 12:29-30), na kwa hivyo karama si ushahidi wa kitu chochote kwa mwamini (1 Wakorintho 14:22), ingawaje kila mwamini ana Roho Mtakatifu (Warumi 8:9).

Mawazo tofauti tofauti kuhusiana na karama ya lugha inaweza kuwazuia waamini kufanya kazi pamoja kwa ukaribu katika baadhi ya huduma, lakini waamini hawapaswi kuhukumiana kutokana na mitazamo yao kuhusiana na suala hili.

Endapo upo katika mahusiano na Mungu, upo pia katika mahusiano na Roho Mtakatifu. Huwezi kumfahamu nafsi moja ya Utatu Mtakatifu na ushindwe kuwafahamu nafsi nyingine. (Soma Waefeso 2:18; Yohana 6:44.)

Mtu haitaji kuelewa fundisho la Roho Mtakatifu kabla hajaokoka. Wanafunzi hawakuelewa mengi kuhusiana na Roho, lakini Yesu aliwaambia kwamba walimfahamu Roho na kwamba tayari akikuwa ndani yao. (Soma Yohana 14:17.)

Kufahamu fundisho sahihi kuhusiana na Roho Mtakatifu hutusaidia sisi kuhusiana na Yeye katika namna sahihi na kumwacha atende zaidi katika maisha yetu. Kufahamu kwamba yeye ni nafsi hutusaidia sisi kufahamu kwamba tunaweza kuwa na mahusiano na Yeye. Tunaweza kuzungumza naye, ana anaweza kuzungumza na sisi. Kwa kawaida huwa azungumzi na sisi kwa sauti inayosikika, lakini hutusaidia sisi kuelewa mapenzi ya Mungu na upendo wa Mungu. Endapo tunataka kufanya mapenzi yake kiukweli, Roho Mtakatifu hutuongoza sisi ingawaje si mara zote sisi husikia au kuhisi kwamba anafanya hivyo.

Kufahamu kwamba Yeye ni nafsi ina maana kwamba hatutendi kama kwamba yeye ni nguvu tu tunayoihisi. Tunapomwabudu Mungu, sisi hufikiri kuhusiana na yeye ni nani na jinsi alivyo, na si tu kufurahia kusiko na ufahamu wa kiakili. Tunapoomba, sisi huongea kwa ufahamu na kujaribu kuelewa nini anaweza kutuonesha sisi kuliko kutumia maneno kwa namna ya kimaajabu na isiyo ya kimahusiano, kama watu wa dini nyingine wanavyofanya.

Kufahamu kwamba Roho Mtakatifu ni Mungu kunapaswa kutupa sisi mtazamo wa kuabudu katika hali ya kumuhofu Mungu. Tunapoomba na kuuhisi uongozi wake, tunahitaji kukumbuka kwamba yeye ni Mungu na anatupenda, anatufahamu kikamilifu, na anafahamu hatima yetu. Pia ana mamlaka makuu, ambayo tunapaswa kuyatii.

Yeye yupo pamoja na sisi kila wakati. Maandiko yanasema kwamba tukiishi kwa Roho na tuendende kwa Roho (Wagalatia 5:25). Tunapaswa kuishi kana kwamba tupo katika uwepo wake, na sio tu kufikiri kwamba tunaweza kuwa katika uwepo wake tunapokuja kanisani. Si tu kwamba yupo pamoja nasi, bali anaishi ndani yetu. Hiyo ndio sababu kwamba tuishi maisha ambayo ni safi na matakatifu. (Soma 1 Wakorintho 6:19.)

Tunapaswa kukumbuka kwamba kipaumbele kikubwa cha Roho ni kutupa sisi ushindi dhidi ya dhambi na kutakasa na kusafisha mioyo yetu (Warumi 8:13; Wagalatia 5:16; Matendo ya Mitume 15:8-9). Hatupaswi kuomba kwa ajili ya mambo mengine mama hatumruhusu Yeye kukamilisha kipaumbele chake kikuu. Tunapaswa kuomba kwa Imani, tukiamwamini Yeye kutufanya sisi watakatifu. (Soma 1 Wathesalonike 5:23.)

Katika mahangaiko ya maisha, anatupa nguvu ya ndani (Waefeso 3:16). Anatuelewa na anaelewa hali/Mazingira yetu, anaweza kutupa sisi kile tunachohitaji hasa.

Katika huduma, tunapaswa kumtegemea ili kutuongoza, kulipa nguvu Neno lake, na kuleta matokeo ya Kiroho katika mioyo ya wengine. Tunaona hili katika kitabu cha Matendo ya Mitume. Hakuna uwezo wa kibinadamu unaoweza kuwa mbadala wa kazi ya Roho.

Hata kama tayari umeshajazwa na Roho, haupaswi kusahamu mahusiano yako na Yeye. Agizo la mjazwe Roho ni agizo ambalo linaendelea kutimilizwa. (Soma Waefeso 5:18.) Tunahitaji kujazwa kila wakati, na hili linatokea katika mahusiano yetu na Yeye.

► Someni Tamko la Imani kwa pamoja angalau mara mbili.

The Roho Mtakatifu ni nafsi ya tatu ya Utatu Mtakatifu, Mungu kamili pamoja na Baba na Mwana. Huhakikisha kuhusiana na dhambi, huyabadilisha maisha ya kila mwamini, hutoa ushindi dhidi ya dhambi na hutakasa moyo. Yeye ni mleta umoja katika maisha ya kanisa, ambapo hubariki kwa tunda la Roho na karama za Kiroho kwa ajili ya huduma.

Angalizo kwa kiongozi wa darasa: Sehemu hii ni hiari na inaweza kushughulikiwa endapo darasa linafikiri kwamba kuna uhitaji wa ushahidi zaidi wa Kibiblia kuhusiana na dondoo hii.

Baadhi ya watu hukana ukweli wa Roho Mtakatifu kuwa nafsi na wanasema kwamba yeye ni nguvu isiyo nafsi kama vile nguvu ya umeme au nguvu ya uvutano. Hata hivyo, haiwezekani kwa nguvu isiyo nafsi kuelezewa kwa namna ambayo Roho Mtakatifu anaelezewa katika Biblia. Nguvu ya umeme haizungumzi na haifikiri kimantiki, nguvu ya uvutano haiwezi kudanganywa. Nguvu isiyo na akili haiwezi kuelewa mapenzi ya Mungu.

Baadhi ya watu husema maandiko haya ni lugha ya tashhisi, ikiongelea kitu ambacho si nafsi kana kwamba ni nafsi pasipo kumaanisha hasa. Hata hivyo, maandiko humzungumzia Roho katika maneno ya kuonesha nafsi, na watu humwitikia kama nafsi. Katika sehemu chache, Roho huzungumzwa katika luhga ya picha kana kwamba ni kitu, kama wakati ambapo Biblia inaposema Roho anamwagwa (Matendo ya Mitume 2:17). Hiyo inapaswa kuzingatiwa kuwa ni lugha ya picha kwa sababu Biblia kwa kawaida inamzungumzia Roho kama nafsi.

Ushahidi wa Kibilia kwa ajili ya nafsi Roho Mtakatifu:

• Katika Mathayo 28:19, tunaagizwa kubatiza katika Jina la Baba, Mwana, na Roho Mtakatifu, ambayo huashiria kwamba nafsi zote tatu zina mamlaka.

• 2 Wakorintho 13:14 inataja ushirika wa Roho Mtakatifu , ambao huashiria ufahamu wa mawasiliano.

• Katika Marko 13:11, waamini wanaahidiwa kwamba Roho Mtakatifu anazungumza kupitia wao katika nyakati za mateso.

• Katika Yohana 14:17, 26, Roho Mtakatifu anaitwa Roho wa kweli ambaye atafundisha na kukumbusha.

• Katika Yohana 16:7-11, Yesu anaahidi kwamba Roho Mtakatifu atauhakikishia ulimwengu kwa Habari ya dhambi, haki, na hukumu, ambapo hii inahitaji ufahamu wa mawasiliano.

• Yohana 16:13-15 inasema kwamba Roho Mtakatifu hatasema kwa mamlaka yake, bali atatangaza mambo ya Kristo.

• Kulingana na 1 Wakorintho 12:11, Roho Mtakatifu huchagua ni vipawa gani vinapaswa kutolewa.

• Hushuhudia na roho zetu ya kuwa sisi tu watoto wa Mungu (Warumi 8:16).

• Hutuombea sisi kwa Baba na ana akili ambayo inaweza kuelewa mapenzi ya Mungu (Warumi 8:26-27).

• Kulingana na Waefeso 4:30, anaweza kuhuzunishwa, ambayo ina maana anaelewa mwitikio wetu kwake na ana hisia.

• Anaweza kudangaywa, ambayo humaanisha anaelewa mawasiliano (Matendo ya Mitume 5:3).

• Anazungumza, anatoa maongozi, na ana mapenzi au matakwa ambayo watu wanapaswa kufuata. (Matendo ya Mitume 13:2-4).

• Aliwaongoza mitume katika katika safari zao za kimisheni na wakati mwingine aliwaambia kutokwenda mahali (Matendo ya Mitume 16:6).

(1) Zoezi la Kifungu: Kila mwanafunzi atapewa mojawapo ya vifungu vilivyoorodheshwa hapa chini. Kabla ya kipindi kinachofuata cha darasa, unapaswa kusoma kifungu na kuandika aya kuhusiana na somo la somo hili.

• Matendo ya Mitume 1:4-8

• Warumi 8:1-14

• 1 Wakorintho 2:9-16

• 1 Wakorintho 12:1-13

• Wagalatia 5:22-26

(2) Jaribio: Utaanza kipindi kijacho cha darasa kwa jaribio juu la Somo 10. Jifunze kwa umakini maswali wakati wa maandalizi.

(3) Zoezi la Kufundisha: Kumbuka kupanga na kuripoti muda wako wa kufundisha nje ya darasa.

(1) Orodhesha sifa tatu za mwitikio wa kanisa la kwanza kwa Roho Mtakatifu.

(2) Ni kwa jinsi gani tunafahamu kwamba Roho Mtakatifu ni nafsi?

(3) Orodhesha njia tano ambazo kwa hizo tunafahamu kwamba Roho Mtakatifu ni Mungu.

(4) Orodhesha shughuli tisa za Roho Mtakatifu.

(5) Kipaumbele kikubwa cha Roho kwetu sisi ni nini?