Lesson 3: Dharura ya Uinjilisti

► Je, inawezekana mtu kuokoka bila ya kusikia injili? Je, kazi ya uinjilisti ina ulazima wowote?

Katika Maandiko tunapata huko mifano ya watu waliofikiwa na injili kwa neema ya Mungu bila ya mawasiliano yeyote kutoka Israeli au kanisa. Ayubu alikuwa mtu mwenye haki na alikataa mambo ya uovu hata kabla Musa hajatokea kuishi na kabla Maandiko hayajaandikwa. Baalam alikuwa mwenye uhusiano na Mungu, na alijulikana kama mwonaji aliyekuwa akipokea ujumbe kutoka kwa Mungu bila ya kuwa katika hali ya kupagawa. Abimeleki alifanya mambo mazuri zaidi ya haki kuliko Abrahamu, baada Abrahamu kufikiri, “yakini hapana hofu ya Mungu mahali hapa.” Warumi 1:21-32 inaelezea kuhusu wapagani au makafiri waliokuwa kwenye hali ya mkengeuko wa tabia; siyo kwa sababu walikuwa hawamjui Mungu, bali kwa sababu walikataa kile ambacho walikuwa wanakijua.[1]

"Siri ya Bwana iko kwao wamchao, Naye atawajulisha agano lake” (Zaburi 25:14). Agano ni sharti la uhusiano wa Mungu na mwanadamu, ambalo linahitaji upatikanaji wa neema kwa sababu watu wote wametenda dhambi. Kama mtu akimheshimu Mungu kwa ukamilifu wote, Mungu atamwonyesha njia ya kuwa kwenye uhusiano na yeye.

Biblia inasema kwamba wala hakuna wokovu katika mwingine awaye yote, isipokuwa Yesu (Matendo 4:12). Hata hivyo, watu waliokuwa wameokolewa wakati wa Agano la Kale hawalijui jina la Yesu. Waliiweka imani yao kwenye ahadi ya Mungu ili kupata wokovu na msamaha, na aliwapatia kupitia kwa Yesu. Kwa hali hiyo hiyo, watu ambao hawajawahi kulisikia jina la Yesu wanaweza wakamwamini Mungu kwa ajili ya wokovu wao, anaokuwa anautoa kupitia kwa Yesu.

Kwa hiyo, inamaanisha nini kwa kusema kwamba wokovu hauwezi kupatikana kupitia kwa mtu mwingine yeyote? Inamaanisha kwamba mtu hawezi akaokolewa kupitia mpango mwingine wa ukombozi. Inamaanisha pia kwamba mtu asiyejua habari za Yesu hapaswi kumkataa yeye kwa sababu kumkataa Yesu itakuwa ni kuukataa wokovu au kutazamia njia nyingine ya ukombozi.

Yesu alisema, “Mtu yeyote akiyafanya mapenzi yake, ataijua kweli.” Hii ni ahadi kwamba kama mtu atamtafuta Mungu kwa uaminifu, Mungu atamjulisha analopaswa kulijua. “Kulikuwako Nuru halisi, amtiaye nuru kila mtu, akija katika ulimwengu” (Yohana 1:9). Roho Mtakatifu huleta nuru ya Yesu hata kwa wale watu ambao hawajawahi kusikia habari zake.

Watu wengi wamepokea maono au ufunuo mwingine ambao uliwaleta kwa Mungu hata kabla hawajasikia habari njema za injili kutoka kwa mjumbe mwanadamu. Kwa mfano, kwa wakati wa sasa Waislamu wengi wanakubali kubadilika baada ya kupokea ujumbe kutoka kwa Mungu

► Je, ulishawahi kusikia habari za mtu yeyote ambaye alipokea ujumbe maalumu kutoka kwa Mungu kabla ya kuielewa injili sawasawa?

Kwa hiyo, tunaona kwamba inawezekana kwa mtu kumpata Mungu na hata kuweza kuokoka bila ya kusikia injili kutoka kwa wajumbe wa kibinadanu. Lakini bado, Biblia inaelezea injili kama ni ujumbe ambao kila mtu kwa umuhimu wake anatakiwa kuisikia.

[2]Kitabu cha Warumi kinaelezea umuhimu wa injili. Mtume alisema kwamba injili “ni uweza wa Mungu uletao wokovu” (Warumi 1:16). Alisema kwamba anawiwa na deni kwa kila mtu, ambalo ni kupeleka injili kwao (Warumi 1:14). Anajenga ukweli kwamba sisi tunahesabiwa haki na Mungu kwa kuamini tu ahadi yake ya kusamehe (Warumi 3:26, Warumi 5:1).

Kisha linajitokeza wazo la udharura. Anasema, “Tena wamwaminije yeye wasiyemsikia? Tena wamsikieje pasipo mhubiri?” (Warumi 10:14). Akasema,”Basi imani, chanzo chake ni kusikia; na kusikia huja kwa neno la Kristo” (Warumi 10:17). Mungu huitumia injili kutengeneza imani iokoayo kwa wasikiaji wake. Mahubiri ya injili ni njia ya kawaida ya Mungu anayoitumia katika kuwaokoa wenye dhambi.

Kama wanaweza kuokolewa pasipokuwa na mjumbe wa kuwapelekea ujumbe wa injili, ni kwa nini uwepo wa mjumbe ni muhimu sana?

Mmishenari Steve Hight alilijibu swali hili la (Kwa nini Wamisionari Wanahitajika?) kama ifuatavyo:

Jibu rahisi ni kwamba, wakati wanadamu walipopata kuiona nuru, waliikataa. Yohana 1:9 anatupa taarifa kwamba Yesu ndiye amtiaye nuru kila mtu. Paulo anakiri kwamba uumbaji ulimfanya Mungu akajulikana (Warumi 1:19-20). na kwamba, hata wakati ambapo wanadamu “walimjua Mungu, hawakumtukuza kama ndiye Mungu” (Warumi 1:21). Yohana anaifanyia uchambuzi hali hiyo kama ifuatavyo: “Na hii ndiyo hukumu; ya kuwa nuru imekuja ulimwenguni, na watu wakapenda giza kuliko nuru” (Yohana 3:19). Moyo wa mwanadamu wa kupotea unapendelea giza. Kwa sababu ya moyo huwa mdanganyifu kuliko vitu vyote, na una ugonjwa wa kufisha; (Yeremia 17:9). moyo wa dhambi ulikengeuka ukatoka kwa Mungu.

Kwa hiyo, wamisionari ni lazima waichukue hiyo nuru tena! Mungu atoaye fursa nyingine huwatuma wawakilishi au mabalozi wake wakiwa na mwenge wa injili uwakao “kwa ajili ya kuwarejesha kutoka gizani na kuwapeleka tena kwenye nuru” (Matendo 26:18).

Wakati Yesu alipowatuma wanafunzi wake kuhubiri injili, alisema kwamba, kama jiji lolote halitakubaliana na ujumbe wao, wayakung’ute mavumbi ya miguu yao katika eneo hilo kama ushahidi dhidi yao wakati wa hukumu. Mavumbi kutoka katika miguu yao yalikuwa ni ushahidi kwamba ujumbe wa injili uliwahi kufika katika jiji lao. Kwa wale watakaokuwa wameikataa injili, watapokea adhabu mbaya zaidi kuliko wale ambao hawajawahi kamwe kuisikia. Yesu anasema kwamba watahukumiwa adhabu kubwa na kali sana kuliko ile iliyokuwa kwa watu wa Sodoma. Hali hii inatufunulia kwamba injili inaleta faida kubwa sana kwa wale wote wanaoisikia (Marko 6:11).

Pasta Eric Himelick alilijibu swali hili la (Kwa nini Wamisionari Wanahitajika?) kwa ufafanuzi ufuatao:

Huwa tunatuma wamisionari kwa sababu ujumbe wa injili unawasilishwa vizuri zaidi kimahusiano. Ukweli wa injili siyo mambo ya kibinadamu yanayohusiana na Mungu, au masanduku ya imani za kidini yanayohitaji kukaguliwa; bali ukweli huo upo katika jumla ya ubinadamu wa Yesu Kristo. Wamisionari ni mabalozi kwa ajili ya Kristo, ujumbe wake, na huduma yake ya upatanisho (2 Wakorintho 5:20).

Wamishenari wanahitajika kwa sababu bila ya uwasilishwaji wa uhusiano wa moja kwa moja wa ujumbe wa injili, watu wengi wataangamia. Hatutaki kuamini kwamba watu wengi wanaangamia kwa ajili ya kutowajibika kwetu, lakini katika Warumi 10:13-15 ni wazi: “Tena wamsikieje pasipo mhubiri?” Ukweli wa kusikitisha ni kwamba hawataweza. Kuwapeleka na kuwapa msaada wamisionari ni jambo la lazima. Tukitegemea kwamba Mungu atatufanyia kazi ambayo alituitia tuifanye haitakuwa suluhisho. Mungu ametupa sisi Agizo Kuu; na kwa yule aliyepewa zaidi, mengi yanahitajika kutoka kwake. Tunatuma wamisionari kuitikia wito wa neema ya Mungu na kwa imani kwamba Mungu yuko kazini katika ulimwengu wake akiwaleta watu na kuwaweka kwenye moyo wake mkuu.

[1]Injili ndiyo njia nzuri ya mafanikio ambayo Mungu ameiratibu kwa ajili ya kuwaokoa watu waliopotea. Ni “nguvu ya Mungu iletayo wokovu.” Tujaribu kufikiria swali hili tena: Kama mtu anaweza kuokolewa bila ya kuisikia injili, kwa nini tuwatume wamisionari? Tuyafikirie maswali mengine yanayofanana na hili. Kama mtu anaweza kuokolewa bila ya maombi yangu, kwa nini nimwombee? Kama mtu anaweza akaokolewa bila ya kuisikia injili zaidi ya mara moja, kwa nini tumwelezee tena mara nyingine? Kama mtu anaweza akaokolewa bila ya kanisa, kwa nini tuwe na makanisa? Jibu dhahiri ni “ndiyo, anaweza akaokolewa, lakini uwezekano ni mdogo sana.” Hizi ndizo njia alizoratibu Mungu za kuwaokoa watu.

Neno la Mungu ni chombo kinachotumiwa na Roho Mtakatifu katika kuwaleta watenda dhambi kwa Mungu. Hata Biblia inasema kwamba watu wanazaliwa upya kutokana na Neno la Mungu (1 Petro 1:23, 25).

Ni kama hakuna mtu ambaye wamishenari humkuta ameokoka kabla ya kusikia injili. Ukweli kwamba Mungu ataweza kumwokoa mtu mkweli bila ya injili kunaonesha alivyo mwenye haki, lakini jambo hili haliwezi kuwa ni uthibitisho wa sisi kuzembea katika njia za kawaida alizoratibu Mungu. Kwa ujumla, wale ambao hawataweza kuisikia injili wataangamia. “Ole wangu nisipoihubiri Injili” (1 Wakorintho 9:16).

► Soma Mathayo 9:35-38.

Yesu alikuwa na huruma sana kwa ajili ya mahitaji ya watu. Alikuwa na kazi kubwa ya kuhubiri na kuponya magonjwa yote na udhaifu wa kila aina.

Yesu alihusika sana na mahitaji ya kiroho ya watu. Aliwataka watu waokoke na wamjue Mungu. Katika kifungu hiki, tunasoma kwamba Yesu alipowaona makutano, aliwahurumia kwa ajili ya mahitaji yao ya kiroho. Aliwaona kwamba walikuwa kama kondoo wasio na mchungaji. Pia aliilinganisha huduma na mavuno, na alihuzunika kwamba watendakazi walikuwa wachache.

Yesu aliwapa wanafunzi wake hitaji la kuombea. Aliwaambia kwamba wamwombe Bwana wa mavuno, apeleke watenda kazi katika mavuno yake.

► Je, kwa nini Yesu aliwaambia wanafunzi wake waombe sala hii? Ni hakika kuwa Mungu anataka apeleke watenda kazi ikiwa tunaomba au hatuombi, si ni kweli?

Tunapokuwa tumeomba kwamba Mungu apeleke watenda kazi katika mavuno yake, tunaomba kwa mujibu wa mapenzi ya Mungu. Kwa sababu ya hilo, tunajua kwamba Mungu atakwenda kujibu maombi yetu.

Kuna sababu nyingine ambayo inawalazimu waamini kuomba maombi haya. Yesu aliwataka wanafunzi wake kushirikisha huruma yake na kushiriki katika umisheni wake wa kufanya uinjilisti. Kama watakuwa wanaomba maombi haya mara kwa mara, wataanza kuwa watu wa kujali sana kuhusu mavuno. Watapendelea kushiriki katika kazi hii na kuwashawishi watu wengine kufanya hivyo pia.

Tunapaswa tuwe watu wa kupenda kujali mambo yale ambayo Yesu naye alikuwa anayajali. Tunapaswa tuombe maombi aliyowapa wanafunzi wake, ili kwamba yaweze kuleta mafanikio yale yale kwa ajili yetu.

Kundi la wamishenari lilikwenda kuhubiri katika kambi moja ya gereza. Humo gerezani mlikuwa na maelfu ya wafungwa, na wengi wao walikuwa ni wauaji na magaidi. Wamishenari walikuwa wakihubiri kwenye jukwaa la nje ndani ya gereza. Kuzunguka eneo la jukwaa, walinzi waliokuwa na silaha waliwekwa ili kuwalinda. Mwishoni mwa mahubiri ya injili, mhubiri aliuliza kama kuna mfungwa yeyote anayetaka kusogea mbele kwenye jukwaa kwa ajili ya kupokea kitabu cha Agano Jipya. Wafungwa thelathini walijitokeza mbele ili kupokea kitabu.

Wiki chache baadaye, wamisheari walilitembelea tena gereza hilo. Kabla ya huduma, askari wa magereza aliwaeleza kwamba watu wote thelathini waliochukua Agano Jipya walikuwa wameuawa na wafungwa wengine. Wamishenari walihubiri tena ujumbe wa injili, na pale mwishoni tena, wakatangaza kutoa Agano Jipya kwa yeyote atakayejitokeza mbele. Wafungwa mia tatu walijitokeza. Walikuwa wakitambua kwamba wafungwa wenzao thelathini wlikufa kwa ajili ya kuipokea injli, lakini kwa kuwa injili ilionekana kuwa na umuhimu kwao, walikuwa tayari kuhatarisha maisha yao, Walitambua thamani ya ujumbe wa injli waliokuwa wameusikia.

(1) Andika sentensi chache katika kujibu mojawapo ya maswali haya mawili: Je, kuna fursa yeyote ya wokovu kwa mtu ambaye kamwe hajawahi kusikia ujumbe wa injili? Kwa nini tuwatume wamishenari na wainjilisti?

(2) Soma kitabu cha Yona. Jaribu kutambua udharura wa mjumbe wa injili. Mungu alikuwa anahusika na nini katika taarifa hii? Yona alikuwa anahusika na nini? Andika kurasa 1-2 za uchunguzi wako.