یہ ٹول امثال کی کتاب سے زندگی کے اصول مہیا کرتا ہے، جنہیں گھر، اسکول، یا مطالعہ کے کسی اور ماحول میں استعمال کیا جا سکتا ہے۔ یہ مواد ایک ہی وقت میں مکمل سبق کے طور پر سکھانے کے لیے تیار نہیں کیا گیا۔ بہتر ہے کہ ہر دن ایک یا دو اصولوں پر بات چیت اور تعلیم دی جائے۔

1. کسی کو چاہیے کہ وہ اس اصول کے ساتھ دی گئی آیات کو پڑھے۔ اگر کئی آیات دی گئی ہوں، تو والدین/استاد منتخب کر سکتے ہیں کہ کون سی آیات استعمال کرنی ہیں۔

2. والدین/استاد کو یہ یقینی بنانا چاہیے کہ سننے والے آیات کے الفاظ اور بیانات کو اچھی طرح سمجھ لیں۔

3. اس کے بعد والدین/استاد وہ اصول بتائیں جو آیت پر مبنی ہے۔

4. والدین/استاد اور دوسرے افراد ایسی زندگی کی صورتِ حال بیان کر سکتے ہیں جہاں وہ اصول لاگو ہوتا ہو۔.

خدا کا خوف کتابِ امثال کا ایک اہم موضوع ہے۔ خدا سے صحیح طریقے سے خوف ماننے کا مطلب ہے کہ ہم تین باتیں جانیں:

• خدا کون ہے؟

• ہمیں اس کی فرمانبرداری کرنی ہے

• نافرمانی کی صورت میں ہمیں عدالت کا سامنا کرنا ہو گا

حکمت امثال کا مرکزی موضوع ہے۔حکمت یہ ہے کہ ہم خدا کے نظریات اور اقدار کو قبول کریں اور ان پر عمل کریں۔ خدا چیزوں کو ویسا ہی دیکھتا ہے جیسی وہ حقیقت میں ہیں۔ اس لیے جب ہم اُس کی باتوں پر ایمان رکھتے اور اُس کی ہدایات پر چلتے ہیں تو ہم دانشمند ہوتے ہیں۔

والدین اور اساتذہ کو چاہیے کہ وہ ان اصولوں پر ذاتی طور پر عمل کرنے کا عہد کریں۔ انہیں اپنی زندگی میں ان اصولوں کا مظاہرہ کرنا چاہیے۔ انہیں اپنے بچوں اور طلباء کو یہ اصول سکھانے چاہئیں اور زندگی کی مختلف صورتوں میں ان اصولوں کے اطلاق کے مواقع تلاش کرنے چاہئیں۔