Lesson 9: Ang “Tulay” bilang Pagbabahagi ng Ebanghelyo

Paalala sa Tagapanguna ng Klase: Sa simula ng sensyon na ito, dapat i-ulat ng mag-aaral ang kanilang karanasan sa pagbabahagi ng ebanghelyo sa paraang natutunan nila sa nakaraang leksiyon. Alalahanin na dapat hikayatin ng bawat mag-aaral ang bawat isa. Ang bawat mag-aaral na nagbahagi ng ebanghelyo ay nagawa ang isang bagay na mahalaga, kahit na ang tagapakinig ay hindi nagpakita ng isang positibong tugon.

Bilang paghahanda para sa leksiyong ito, dapat siguraduhin ng tagapanguna ng klase na mayroong isang pisara, whiteboard, o isang malaking papel para sa pagpapakita ng diagram sa klase.

“Ipinapahayag namin sa inyo ang aming nakita at narinig, upang makasama kayo sa aming pakiisa sa Ama at sa kanyang Anak na si Jesu-Cristo”
(1 Juan 1:3).

► Ano ang dahilan ng ibinigay ng apostol sa pagbabahagi ng ebanghelyo?

Naranasan natin ang kahulugan ng makatagpo natin ang Dios at maligtas, at magsimula ng isang relasyong may kaugnayan sa Kanya. Tayo din ay may espesyal na relasyon sa mga taong may relasyon sa Dios. Kapag tayo ay nagbabahagi ng ebanghelyo, inaanyayahan natin ang iba na makasama sa pakikipag-ugnayang mayroon tayo sa Dios at sa iba pang taong may pakikipag-ugnayan sa ating Dios.

Ang paraan na ito ng pagbabahagi ng ebanghelyo ay maigsi at di malilimutan. Gumagamit ito ng larawang ginuguhit na madaling maalala ng sinumang makakakita nito. Maaari itong ibahagi sa loob ng dalawang minuto, o mas mahaba upang isama ang talakayan at paliwanag kung interesado ang nakikinig.

Hindi kinakailangan na ikaw ay isang bihasa sa pagguhit. Ang iguguhit ay simple lamang, at ang pagiging simple nito ang tumutulong sa nakikinig na maalala ito.

Tayo ngayon ay pupunta sa mga yugto ng larawan na iguguhit, kasama ang paliwanag na mga salita para sa bawat bahagi ng larawang iguguhit.

Ang tagapanguna ng klase ay dapat na ipakita ang pagbabahagi habang ang mga mag-aaral ay nanonood. Ang tagapanguna ng klase ay dapat subukang huwag magdagdag ng mga paliwanag sa ipapakitang halimbawa ng pagbabahagi. Ito ay dapat na maikli lamang upang madali itong matutunan ng mga mag-aaral. Hindi dapat subukan ng mag-aaral na iguhit ang mga larawan habang nakikita nila sa unang pagkakataon ang ipapakitang halimbawa.

Para sa pangalawang ipapakitang halimbawa, dapat iguhit ng mga mag-aaral ang bawat yugto ng larawan habang iginuguhit ito ng tagapanguna ng klase sa isang bagay na sapat para makita ng buong klase. Ang tagapanguna ng klase ay dapat subukang huwag magdagdag ng mga paliwanag sa ipapakitang halimbawa ng pagbabahagi. Ito ay dapat na maikli lamang upang madali itong matutunan ng mga mag-aaral. Pagkatapos ng pangalawang demonstrayon, dapat na magpatuloy ang klase upang matalakay ang mga paliwanag na ibinigay sa susunod na bahagi, at pagkatapos ay bumalik sa pagsasanay ng pagbabahagi ng ebanghelyo gamit ang pamamaraang ito.

PDF na handa nang i-print

#1

“Nilikha ng Dios (God) ang bawat tao upang makipag-ugnayan sa Kanya at mamuhay ng isang pinagpalang buhay. Hindi niya dinesenyo ang buhay na puno ng mga problema at pagdurusa.”

#2

“Ang tao ay nahiwalay sa Dios dahil sa kasalanan (sin). Ang unang tao ay nagkasala, at bawat tao simula noon ay nakakagawa ng kasalanan laban sa Dios.”

#3

“Ang Dios ay isang matuwid na Hukom, at ang mga makasalanan ay hahatulan balang araw aywalang hanggang parurusahan sa impiyerno maliban kung makatagpo sila ng awa at bumalik sa pakikipag-ugnayan sa Dios.”

[Iguhit ang arrow at ang salitang impiyerno (hell).]

#4

“Walang tayong magagawa upang mailapit tayong muli sa Dios o makagawa ng bagay upang makamit ang awa‒hindi ang mabubuting gawa, o pagpunta sa iglesia, o mga relihiyosong kaugalian, o pagbibigay ng pera . . . .”

[Gumuhit ng mga arrow sa bawat item sa listahan.]

#5

“Ang ating sitwasyon ay walang pag-asa kung hindi gumawa ang Dios ng paraan upang makabalik tayo sa Kanya. Si Jesus ang Anak ng Dios ay namatay sa isang krus bilang isang handog upang tayo ay mapatawad. Pagkaraan ng tatlong araw, binuhay siya mula sa mga patay.”

[Iguhit ang isang krus.]

#6

“Ngunit hindi sapat na malaman lang ang mga ito. Ang bawat tao ay dapat personal na piliin ang desisyong maligtas at bumalik sa Dios. Ang isang tao ay dapat na magsisi, na nangangahulugang mayroong pagnais na humingi ng kapatawaran na handang niyang talikuran ang kanyang mga kasalanan. Ang isang taong nagsisi ay maaaring tumanggap ng kapatawaran sa pamamagitan ng panalangin sa Dios.”

[Iguhit ang arrow at isulat ang salitang magsisi (Repent) at tumanggap (Receive).]

#7

"Sa plagay mo nasaan ka sa diagram na ito? May espesyal ba na oras sa iyong buhay kung saan nagsisi ka sa iyong mga kasalanan, tumanggap ng kapatawaran ng Dios, at nagsimulang mabuhay para sa Dios; o, ikaw ay nananatiling hiwalay mula sa Dios dahil sa iyong mga kasalanan?"

[Hintayin ang kanyang sagot. Maraming tao ang aaminin na sila ay nananatiling hiwalay parin sa Dios.]

"Handa ka bang gawin ang hakbang na ito – na magsisi, tumanggap ng kapatawaran, at magsimulang mabuhat para sa Dios? Masaya akong manalangin kasama ka ngayon."

Manalangin ng isang katulad ng sumusunod:

"Panginooon, alam Kong na Ako ay isang makasalanan at karapat-dapat tumanggap ng walang hanggang parusa. Hinihiling ko po na sana ay patawarin mo ako at ako po ay handang talikuran ang aking mga kasalanan.Patawarin nyo po ako, hindi dahil karapat-dapat Ako, kundi dahil namatay si Jesus para sa akin. Salamat po sa kaligtasan. Simula sa oras na ito, Ako ay mabubuhay para sayo."

Paalala sa Tagapanguna ng Klase:

Pagkatapos ipakita ng tagapanguna ng klase ang halimbawa ng pagbabahagi, dapat talakayin ng klase ang mga sumusunod na paliwanag tungkol sa bawat yugto ng pagbabahagi.

#1

Ang simula ng pagbabahagi ay maaaring miakma upang mailapat sa tagapakinig. Sa halip na “buhay na puno ng mga problema at pagdurusa,” maaaring banggitin ng nagbabahagi ng ebanghelyo ang mas tiyak na bagay na nauugnay sa karanasan ng nakikinig.

#2

Mahalaga para sa nakikinig na maunawaan na tunay siyang personal na nagkasala at nahiwalay sa Dios. Hindi lamang siya nasa isang sitwasyon na resulta ng kasalanan ni Adan.

#3

Ipinapakita nito ang pinaka-seryosong aspeto ng kondisyon ng makasalanan.

#4

Ang layunin ng bahaging ito ay upang ipakita sa tagapakinig na hindi siya dapat magtiwala sa mga maling bagay upang magkaroon ng kaligtasan. Ang bahaging ito ay maaaring maiakma sa mga pangangailangan ng tagapakinig. Ang tagapagbahagi ng ebanghelyo ay dapat subukang pangalanan ang mga bagay na malamang na pinagkakatiwalaan ng tagapakinig.

#5

Ang pinakasimpleng paraan upang maipaliwanag ang pagbabayad-sala ay ang pagsasabi na “namatay si Jesus sa krus bilang isang handog upang mapatawad tayo.” Ang layunin ng bahaging ito ay tulungan ang nakikinig na maunawaan na dapat siyang umasa sa kaligtasan na ibinigay ng Dios.

#6

Sa bahaging ito ay dapat subukan ng nagbabahagi ng ebanghelyo na dalhin ang tagapakinig sa isang sandali ng pagpapasya. Kailangang maunawaan ng tagapakinig na kailangan niyang gumawa ng isang personal na desisyon. Dapat niyang malaman ang tamang kahulugan ng pagsisisi, upang malaman niya na ang pagsisisi ay higit pa sa pagsasabi at pag-iisip na siya ay nagsisisi. Dapat niyang malaman na dapat siyang manalangin upang humingi ng tawad sa Dios.

#7

Sa puntong ito, dapat sikapin ng nagbabahagi ng ebanghelyo na aminin ng tagapakinig na kailangan niya ang kaligtasan. Ang paraan ng pagbabahagi ng ebanghelyong ito ay nakadisenyo upang tulungan maunawaan ng mga taong hindi pa ligtas na siya ay nananatiling hindi ligtas. Ang tanog ay maingat na binibigkas. Maraming tao ang nag-iisip na dapat silang araw-araw na humingi ng kapatawaran habang patuloy silang namumuhay sa kasalanan. Ang tanong ay tumutukoy sa isang espesyal na oras kung kailan naligtas ang isang tao at nagkaroon ng pagsisimula sa bagong buhay. Dapat niyang maunawaan na kung hindi niya naranasan ang pagbabalik-loob, siya ay nananatiling hiwalay sa Dios dahil sa kanyang mga kasalanan. Pagkatapos, ay mag-aalok ang nagbabahagi ng ebanghelyo ng magkasamang pananalangin para sa kanyang kaligtasan.

Kung hindi maunawaan ng tagapakinig ang kanyang pangangailangan o hindi handang magsisi, hindi dapat itulak sa kanya ng nagbabahagi ng ebanghelyo ang pananalangin. Kung siya ay mananalangin ng walang tunay na pagsisisi at tunay na karanasan ng pagbabalik-loob, maaaring magkaroon siya ng isang maling garantiya ng kaligtasano maaaring paniwalaan niya na ang pagbabalik-loob ay hindi maaaring mangyari para sa kanya. Kahit alin, maaaring mas maliit ang posibilidad na siya ay maligtas sa mga susunod na pagkakataon.

Ang pagguhit ay maaaring maibahagi ng mabilis. Kung mayroon kang pagkakataon na ibahagi ang ebanghelyo, maaari mong itanog, "Maaari ko bang mahiram ang iyong dalawang minuto upang ipakita sayo ang isang drawing na naglalarawan kung ano ang sinasabing paraan ng Biblia upang masigurado mong ikaw ay ligtas?" Iyon ang nagpapaalam sa tao na hindi ka humihingi sa kanya ng maraming oras. Kung siya ay magiging interesado at nais na pag-usapan ito, maaari kang magbigay ng mas maraming oras.

Karaniwan, ang mga tao ay nagiging interesado dahil sa mga larawan. Kadalasan ay hinihiling ng isang tao na itatabi niya ang ginuhit na larawan pagkatapos magpresenta ng tagapagbahagi ng ebanghelyo.

Sumunod, dapat ipakita ng tagapanguna ng klase ang presentasyon nang mas marami pang beses. Dapat niyang iwasan ang pagdagdag ng mga komento o paliwanag sa presentasyon sapagkat mas madali itong matututunan ng mga mag-aaral kung maikli ito. Pagkatapos ng maraming pagpapakita ng halimbawa, iba’t-ibang mag-aaral ang maaaring magpalit-palit sa pagpapakita ng demonstraston sa grupo, habang tinutulungan sila ng mga miyembro ng pangkat na alalahanin ang mga detalye. Pagkatapos, ang mga mag-aaral ay maaaring hatiin sa mga pares at pagsanayan ang pagbabahagi sa bawat isa.

1. Ipakita ang ebanghelyo gamit ang diagram ng tulay sa hindi bababa sa tatlong hindi mananampalataya. Magsulat ng isang talata na naglalarawan sa bawat karanasan at maging handa na sabihin ito sa susunod na sesyon ng klase.
2. Bilang paghahanda para sa susunod na leksiyon, basahin at pagbulay-bulayan ang Romakabanata 1-3, 5, and 10.