Асуулт асууж, богино бөгөөд энгийн хариулт өгөх нь олон зууны туршид ашиглаж ирсэн үр дүнтэй сургалтын арга юм. Энэ номын асуулт, хариултууд нь христитгэлийн үндсэн итгэл үнэмшлүүдийг танилцуулдаг.

Зааварчилгаа 1 нь маш бага насны хүүхдүүдэд заахад тустай. Энэ нь тэднийг өсөхөд цаашдын зааварчилгааны бат бэх суурь байх болно.

Зааварчилгаа 2 нь хүүхдүүд болон итгэлд ирсэн шинэ хүнд заахад тустай. Өгөгдсөн хариултууд нь богино тайлбартай бөгөөд эдгээр нь цаашдын ярилцлага болон суралцах боломжуудыг олгоно. Энэхүү сургалт нь байшингийн торх адил (өөрөөрөө бүрэн гүйцэд биш ч) христитгэлийн нарийн ширийн зүйлийг барьж босгох бүтцийг танилцуулдаг.

Эдгээр эх сурвалжийн аль нэгийг зөв ашиглахын тулд асуулт бүрийн хариултыг яг бичсэнээр нь цээжлэх ёстой. Хариултуудыг хураангуйлах эсвэл дахин найруулах шаардлагагүй. Харин яг тэр чигээр нь унших хэрэгтэй. Тэр чигээр нь үгсийг цээжлэх нь урт хугацааны санах ойд тусалдаг бөгөөд суралцагчид нягт нарийвчлалтай байхад тусалдаг.

Энэ номын асуулт, хариултуудыг шалгахад өдөр бүр 10 минутыг зарцуулаарай. Зарим гэр бүл хамтдаа хооллох цагаа суралцахад хамгийн тохиромжтой цаг гэж үздэг.

Зөвхөн заах цагийг удирдаж буй хүн энэ номыг гартаа барих ёстой. Удирдагч асуултыг уншаад хариултыг хэлэхэд бусад нь сонсоно, дараа нь бүгд хамтдаа хэлнэ.

Асуулт, хариултыг уншихыг давтан, бага насны хүүхдийг дагуулан хэлүүлээрэй. Насанд хүрсэн хүн асуултыг үргэлжлүүлэн давтана. Аажмаар (хэдэн өдрийн хугацаанд). хүүхэд үгсийг цээжлээд, тусламжгүйгээр хэлж чаддаг болоход насанд хүрэгч хариултыг хэлэх шаардлагагүй болно. Насанд хүрэгч асууж, хүүхэд хариулна. Энэ бол асуулт-хариултаар суралцахын үндэс юм.

Зааварчилгаа 2-д зориулсан нэмэлт заавар

Өмнөх хариултыг бүгд бараг цээжилсэн тохиолдолд шинэ асуулт бүрийг нэмнэ үү.

Жагсаалтын дагуу уншихдаа, давтсаар, давтсаар, үргэлжлүүлэн давтсаар, сүүлийн асуулт-хариултын ихэнх үгсийг цээжилсэн тохиолдолд аажмаар асуултуудаа нэмээрэй.

Бүх хэсгийн асуултуудыг хамтад нь хэлж чаддаг болох, хариултуудыг богино хугацааны санах ойгоос урт хугацааны санах ойд авчрахын тулд долоо хоногт нэг удаа бүх хэсгийг давтаарай.

Шинэ зүйлсийг аажмаар нэмж, давталтыг үргэлжлүүлнэ үү – энэ хоёр арга нь багш, найз нөхөд эсвэл эцэг эхийн удирдлага дор багахан цаг зарцуулсан суралцагчдын хувьд гайхалтай үр дүнтэй байх болно. Суралцах хичээлийг хөгжилтэй болгож, суралцагчийн амжилтыг тэмдэглээрэй.

Та асуулт, хариултуудыг өдөр тутмын гэр бүлийн мөргөлийнхөө нэг хэсэг болгох ч боломжтой. Та тэдгээрийг хүүхдийн цуглааны үйлчлэлд болон хүүхдийн жижиг бүлгүүдийн хооронд тэмцээн уралдаан хийхдээ хамт ашиглаж болно. Та суралцагчдад ойлгоход туслах нэмэлт тайлбар, жишээг боловсруулж болно.