Lesson 17: అధ్యాత్మిక పరిపక్వత వైపు

మారుమనస్సు వద్ద పరివర్తన జరుగుతుంది. మారుమనస్సు క్రొత్త కోరికలు మరియు క్రొత్త ప్రాధాన్యతలను కలిగి ఉంటుంది - మార్పు చాలా గొప్పది, బైబిల్ అతన్ని "క్రొత్త సృష్టి" గా అభివర్ణిస్తుంది (2 కొరింథీయులకు 5:17).

కానీ, కొన్ని విషయాలు నేర్చుకొనుటకు సమయం పడుతుంది. మారుమనస్సు తన జీవితంలోని అన్ని భాగాలకు క్రైస్తవ సూత్రాలను ఎలా అన్వయించుకోవాలో వెంటనే నేర్చుకోలేదు. ముందు అతడు సూత్రాలను నేర్చుకోవాలి, తరువాత వాటిని తన మార్గాలకు అన్వయించుకొంటాడు.

ఇందులో వ్యక్తిగత అధ్యాత్మిక పరిపక్వత యొక్క ప్రక్రియ కూడా ఉంటుంది. క్రొత్తగా మారుమనస్సు పొందినవ్యక్తి "క్రీస్తులో శిశువే."

► ఒక విద్యార్థి, సమూహం కొరకు 1 కొరింథీయులకు 3:1-2 చదవాలి. ఈ వచనాల ప్రకారం, క్రొత్తగా మారుమనస్సు పొందిన వ్యక్తి యొక్క విలక్షణత ఏమిటి?

► ఒక విద్యార్థి, సమూహం కొరకు హెబ్రీయులకు 5:13-14 చదవాలి. ఈ వచనాలలో పాలు అంటే ఏమిటి ? మాంసము అంటే ఏమిటి? అధ్యాత్మిక పరిపక్వత యొక్క లక్షణం ఏమిటి?

ప్రారంభ ఈ కోర్సులో, యేసు సంఘము ఇచ్చిన గొప్ప ఆజ్ఞను చూశాము. దాన్ని మళ్ళీ చూద్దాం.

► ఒక విద్యార్థి, సమూహం కొరకు మత్తయి 28:18-20 చదవాలి. ఈ భాగములో, సువార్త ప్రచారానికి మించి యేసు ఏ బాధ్యత ఇచ్చాడు?

గొప్ప ఆజ్ఞ ఇచ్చే ముందు, పరలోకమందును మరియు భూమిమీదను నాకు సర్వాధికారము ఇవ్వబడినది అని యేసు చెప్పాడు. ఈ బాధ్యతను సంఘమునకు ఇచ్చినందున ప్రజలను తన అధికారంనకు విధేయత చూపుటకు నడిపించాలి.

సువార్త ప్రకటించడము మాత్రమే కాదు, తాను ఆజ్ఞాపించినవ దానిని వారికి బోధించమని శిష్యులకు చెప్పారు. సువార్త అనేది పని యొక్క మొదటి భాగం మాత్రమే. యేసు ఆజ్ఞలన్నింటికీ కట్టుబడి ఉండాలని బోధించడం శిష్యత్వ ప్రక్రియ. శిష్యత్వంలో విఫలం కావడం సువార్త ప్రకటనలో విఫలమైనంత తీవ్రమైనది.

సంఘము యొక్క బోధనా పరిచర్య మారుమనస్సు పొందినవారిని అధ్యాత్మిక పరిపక్వతలోనికి తీసుకొని వచ్చేది.

విశ్వాసులను పెంపొందించుకునే ఉద్దేశ్యంతో దేవుడు తన ప్రజలకు ప్రత్యేకమైన పరిచర్యను అప్పగించాడు, తద్వారా వారు పసిపిల్లలుగా ఉండరని ఎఫెస్సి లేఖనలో మనకు చెప్పబడింది (ఎఫెసీయులకు 4:11-14). ఈ బోధన ఫలితము ద్వారా వారు అధ్యాత్మిక యుక్తవయస్సు చేరుకున్న ఫలితంగా సిద్ధాంత స్థిరత్వం కలిగి ఉందురు.

ఒక కాపరి శిష్యులను తయారు చేయుట ముఖ్య బాధ్యతగా వహిస్తాడు. పౌలు తిమోతితో ఇలా అన్నాడు, "చదువుటయందును, హెచ్చరించుటయందును, బోధించుటయందును జాగ్రత్తగా ఉండుము" (1 తిమోతి 4:13). అతడు ప్రధానంగా తిమోతి వ్యక్తిగత అధ్యయనము గురించి ప్రస్తావించలేదు; అతడు పరిచర్య గురించి మాట్లాడుతున్నాడు. తిమోతి పరిచర్య ఏమిటంటే, గ్రంథాన్ని చదవడం మరియు వివరించడం, అధ్యాత్మిక పద్ధతిని చూపడం మరియు క్రైస్తవ సిద్ధాంతాన్ని బోధించడం. బోధించడం కాపరి యొక్క అర్హతలలో ఒకటి (1 తిమోతి 3:2).

నేర్చుకొనుట అధ్యాత్మిక నిర్మాణంలో భాగం కాబట్టి, బోధ అనేది శిష్యత్వపు పనిలో భాగం. సంఘములో ఉపాధ్యాయులు ముఖ్యమైనవారు, మరియు ఉపాధ్యాయులు అభివృద్ధి చెందడానికి సంఘము ఎల్లప్పుడూ కృషి చేయాలి.

[1]" నీవు అనేక సాక్షులయెదుట నావలన వినిన సంగతులను ఇతరులకును బోధించుటకు సామర్థ్యముగల నమ్మకమైన మనుష్యులకు అప్పగింపుము" (2 తిమోతి 2:2). అనుభవజ్ఞుడైన సువార్తికుడు మరియు కాపరి నుండి యవ్వన పరిచారకుని వరకు ఈ సూచనను పౌలు తిమోతికి ఇచ్చాడు. బోధించడం ద్వారా మాత్రమే విశ్వాసం కొనసాగుతుందని పౌలు నమ్మలేదు. వ్యక్తులు ప్రత్యేక ప్రయత్నంతో శిక్షణ పొందాలి మరియు ఇతరులకు శిక్షణ ఇవ్వడానికి సిద్ధంగా ఉండాలి.

సమాజమంతటికీ బోధించడం ద్వారా అలాంటి శిక్షణ సాధించకపోతే, ఈ "నమ్మకమైన పురుషులు" వ్యక్తిగతంగా లేదా చిన్న సమూహాలలో శిక్షణ పొందవలసి ఉంటుంది.

బోధించడానికి చాలా బోధ ఉంటుంది. ఏ కాపరికి ఇవన్నీ చేయడానికి సమయం ఉంటుంది, ప్రత్యేకించి అందరూ ఒకే సమయంలో ఒకే బోధకు సిద్ధంగా ఉండరు కాబట్టి? కానీ ఎఫెసీయులకు 4:11, "అతడు ఒక కాపరిని ఇచ్చాడు" (అంటే ఒక వ్యక్తి మాత్రమే మరియు ఒక పాత్ర మాత్రమే) అని చెప్పలేదు. బదులుగా, వివిధ పాత్రలు మరియు వాటిని పూరించడానికి చాలా మంది ఉన్నారు. దేవుడు ఉపాధ్యాయులను అనుగ్రహించాడు, వారికి బోధనా సామర్థ్యాన్ని ఇస్తాడు మరియు సంఘము ద్వారా బోధనా పరిచర్య కొరకు వారిని సిద్ధం చేస్తాడు.

నిజమైన శిష్యత్వం అంటే సమాచారము బోధించుట కంటే ఎక్కువైనది; ఇది విలువలు, ప్రాధాన్యతలు, వైఖరులు మరియు జీవనశైలిని రూపుదిద్దడము ఇందులో భాగము. ఈ ప్రక్రియ అధ్యాత్మిక జవాబుదారీతనం ఉన్న క్రైస్తవ సమాజంలో మాత్రమే జరుగుతుంది.

ఆదాము ఒంటరిగా ఉండకూడదని దేవుని మాటతో మొదలుపెట్టి, ప్రజలు సమాజంలో జీవించాలని దేవుడు ఉద్దేశించినట్లు మనం గ్రంథం అంతటా చూశాము (ఆదికాండము 2:18).

సమాజంలోని కొన్ని ప్రయోజనాలు ప్రసంగి 4:9-10లో వివరించబడ్డాయి.

ఇద్దరి కష్టముచేత ఉభయులకు మంచిఫలముకలుగును గనుక ఒంటిగాడైయుండుటకంటె ఇద్దరు కూడి యుండుట మేలు. వారు పడిపోయినను ఒకడు తనతోడివానిని లేవనెత్తును; అయితే ఒంటరిగాడు పడిపోయినయెడల వానికి శ్రమయే కలుగును, వాని లేవనెత్తువాడు లేక పోవును.

ఇశ్రాయేలీయులు యాజక రాజ్యముగాను పరిశుద్ధమైన జనముగా ఉండాలని (నిర్గమకాండము 19:6). దేవుడు మోషేకు చెప్పాడు. వారసత్వాన్ని కుటుంబాల ద్వారా ఇవ్వవలసి ఉంటుంది, దీనిని "గొప్ప ఆజ్ఞ" అని పిలుస్తారు (ద్వితీయోపదేశకాండము 6:4-9).

పరిశుద్ధాత్మ క్రొత్త నిబంధన రచయితలను సంఘానికి సూచించడానికి క్రొత్త నిబంధనలోని పదాలను ఉపయోగించమని ప్రేరేపించాడు (1 పేతురు 2:9).

దేవుడు ఎల్లప్పుడూ తనతో సంబంధం ఉన్న వ్యక్తులు, ఒకరితో ఒకరు సంబంధం కలిగి ఉండాలని కోరుకొంటున్నాడు. దేవునితో మనకున్న సంబంధం మనల్ని విశ్వాస సమాజంగా ఏర్పరుస్తుంది. దేవునితో మన సంబంధం సమర్పణకు పిలుపునిచ్చినట్లే, దేవుని ప్రజలతో మన సంబంధం సమర్పణ కొరకు పిలుస్తుంది. ఒక వ్యక్తి దేవుని ప్రజలతో సంబంధం కలిగి ఉండకుండా, తాను దేవునితో సరైన సంబంధంలో ఉండగలనని అనుకోవడం తప్పుది.

సంఘము సభ్యుల మధ్య సంబంధాన్ని వివరించడానికి పౌలు శరీరము అనే రూపకాన్ని ఉపయోగించాడు (1 కొరింథీయులకు 12). శరీరం నుండి స్వతంత్రంగా ఉండటానికి ప్రయత్నిస్తే ఏ సభ్యుడు సరిగా పనిచేయలేరు. సభ్యులు సహకరించాలి మరియు ఒకరినొకరు చూసుకోవాలి, లేదా శరీరం సరియైన రీతిగా పని చేయదు. ఒక సభ్యుడికి హాని జరిగితే, అందరు బాధపడతారు. ఒక సభ్యుడి క్రియలు మొత్తం శరీరాన్ని ప్రభావితం చేస్తాయి. అక్రమ సంబంధంలో మానవుని యొక్క పరిస్థితిని పరిష్కరించి నప్పుడు పౌలు ఈ విషయం గురించి మాట్లాడాడు, అయినప్పటికీ పౌలు రొట్టె యొక్క రూపకాన్ని ఉపయోగించాడు. " పులిసిన పిండి కొంచెమైనను ముద్దంతయు పులియజేయునని మీరెరుగరా?" (1 కొరింథీయులకు 5:6). మనల్ని మనం క్రైస్తవ సమాజంలో కీలక భాగాలుగా ఎంచుకోవాలి.

సమాజ భావన లేకుండా క్రొత్త నిబంధన ఆజ్ఞలను పాటించలేము. దేవుని ఆజ్ఞలను నెరవేర్చడానికి, క్రైస్తవులు ఒకరికొకరు సమర్పణతో జీవించాలి. క్రైస్తవ సమాజం అధ్యాత్మిక జవాబుదారీతనానికి దారితీస్తుందని దీని అర్థం.

క్రైస్తవ సమాజం అధ్యాత్మిక జవాబుదారీతనంతో అనుసంధానించబడిన అనేక ప్రదేశాలను మనం బైబిల్లో కనుగొన్నాము.

మీపైని నాయకులుగా ఉన్నవారు లెక్క ఒప్పచెప్పవలసినవారివలె మీ ఆత్మలను కాయుచున్నారు; వారు దుఃఖముతో ఆ పని చేసిన యెడల మీకు నిష్‌ప్రయోజనము గనుక దుఃఖముతో కాక, ఆనందముతో చేయునట్లు వారి మాట విని, వారికి లోబడియుండుడి (హెబ్రీయులకు 13:17).

ఈ వచనం విశ్వాసులకు, అధ్యాత్మిక అధికారం ఉన్నవారికి లోబడమని చెబుతుంది. ఈ ఆజ్ఞ అధ్యాత్మిక నాయకులకు గొప్ప బాధ్యత ఇస్తుంది. వారి బాధ్యత కేవలం అధికారం ద్వారా నడిపించడమే కాదు, వారి సంరక్షణలో ఉన్న ఆత్మలను జాగ్రత్తగా చూడటం. అలా చేయడానికి, వారు వ్యక్తిగత అధ్యాత్మిక పద్ధతిని ఇవ్వడానికి వారు ప్రజలతో బాగా పరిచయం కలిగి ఉండాలి మరియు అలాంటి పద్ధతిని సాధ్యం చేసే వారి ప్రజలతో వారు సరియైన సంబంధాన్ని కలిగి ఉండాలి.

క్రైస్తవ సమాజం మరియు అధ్యాత్మిక జవాబుదారీతనం కూడా ఈ భాగంలో వివరించబడ్డాయి:

► ఒక విద్యార్థి, సమూహం కొరకు హెబ్రీయులకు 10:24-26 చదవాలి. ఈ భాగములో ఏమి ఆదేశించబడింది?

ఇతర క్రైస్తవుల అవసరాలను తెలుసుకోవాలని మరియు సరైనది చేయమని వారిని ప్రోత్సహించమని ఇక్కడ మనకు ఆజ్ఞాపించబడింది.

► ఈ బాధ్యతను నెరవేర్చడానికి విశ్వాసుల మధ్య అవసరమైన సంబంధాన్ని వివరించండి.

ఇతరులతో సరైన సంబంధం లేకపోతే మన ప్రోత్సాహం ప్రభావవంతం కాదు. మనం వారిని బాగా తెలుసుకోవాలి మరియు ప్రేమ మరియు శ్రద్ధ చూపించాలి. లేకపోతే, వారు వ్యక్త సలహాలతో మనస్తాపం చెందుతారు.

సహోదరులారా, జీవముగల దేవుని విడిచిపోవునట్టి విశ్వాసములేని దుష్టహృదయము మీలో ఎవనియందైనను ఒకవేళ ఉండునేమో అని జాగ్రత్తగా చూచుకొనుడి. నేడు మీరాయన శబ్దమును వినినయెడల, కోపము పుట్టించి నప్పటివలె మీ హృదయములను కఠినపరచుకొనకుడని ఆయన చెప్పెను గనుక, పాపమువలన కలుగు భ్రమచేత మీలో ఎవడును కఠినపరచబడకుండునట్లు–నేడు అనబడు సమయముండగానే, ప్రతిదినమును ఒకనికొకడు బుద్ధిచెప్పుకొనుడి (హెబ్రీయులకు 3:12-15).

మనము ఒకరినొకరు జవాబుదారీగా ఉండుటకు పిలువబడ్డాము. "ఈ చెప్పుకొనుడి" ఆరాధన సేవ కోసం ఆదివారం సమావేశమయ్యే విశ్వాసులలో సాధ్యమయ్యే దానికంటే ఎక్కువగా ఉండాలి. ఎందుకంటే "ప్రతిరోజు" "చెప్పుకొనుడి" అని మనకు ఆజ్ఞాపించబడింది. దీనికి వ్యక్తిగత లేదా చిన్న సమూహము ప్రాతిపదికన సహవాసము అవసరం. ఈ రకమైన సహవాసము కేవలం కలిసి తినడం లేదా సందర్శించడం కాదు, కానీ అధ్యాత్మిక ప్రయోజనం ఉంటుంది. ఈ ప్రయోజనం నెరవేర్చడానికి, సంభాషణలతో మరియు చిన్న సమూహము సమావేశాలను ఉద్దేశపూర్వకంగా ప్రణాళిక చేయాలి.

మనం ఒకరికొకరు ప్రయోజనం పొందే విధానం సామెతలు 27:17 లో వివరించబడింది:

ఇనుము చేత ఇనుము పదునగును, అట్లు ఒకడు తన చెలికానికి వివేకము పుట్టించును.

ఆధ్యాత్మిక మార్గదర్శకత్వం మరియు ప్రోత్సాహంతో ప్రయోజనం పొందడానికి ముందు ఒక వ్యక్తి మరొకరి కంటే గొప్పగా ఉండవలసిన అవసరం లేదు. నిజానికి, వినయంగా ఇచ్చిన ఆధ్యాత్మిక దిశను అంగీకరించే అవకాశం ఎక్కువగా ఉంటుంది.

మీ పాపములను ఒకనితోనొకడు ఒప్పుకొనుడి; మీరు స్వస్థతపొందునట్లు ఒకనికొరకు ఒకడు ప్రార్థనచేయుడి. నీతిమంతుని విజ్ఞాపన మనఃపూర్వకమైనదై బహు బలముగలదై యుండును (యాకోబు 5:16).

వ్యక్తిగత తప్పులను అంగీకరించడం సాధారణంగా పెద్ద సమూహాలలో జరగదు; అందువల్ల, ఈ ఆదేశం సంఘము సేవలలో సులభంగా అమలు చేయబడదు. ఆదేశానికి కారణాన్ని సందర్భం చూపిస్తుంది: తప్పు చేసిన వారిని పునరుద్ధరించవచ్చు.

ఒకని భారముల నొకడు భరించి, యీలాగు క్రీస్తు నియమమును పూర్తిగా నెరవేర్చుడి (గలతీయులకు 6:2).

తరచుగా ఒక క్రైస్తవుడు తాను ఏమి అనుభవిస్తున్నాడో ఎవరూ పట్టించుకోరని భావిస్తాడు. తోటి క్రైస్తవులు అతడు బాధపడుతున్నదానిని నిజంగా అర్థం చేసుకోగలిగితే పట్టించుకుంటారు, కానీ సాధారణంగా వారు అతనిని దగ్గరగా తెలియనందున అతడు ఏంతో బాధపడుతున్నాడో అర్థం చేసుకోలేరు. మరొకరి భారాలను మనము ఎలా భరించగలం, ఆ భారాలు ఏమిటో మనకు నిజంగా తెలియకపోతే?

సంఘ ప్రారంభ రోజుల్లో, విశ్వాసుల మధ్య సన్నిహిత సంబంధం ఆదర్శంగా ఉండేది.

వారేకమనస్కులై ప్రతిదినము దేవాలయములో తప్పక కూడుకొనుచు ఇంటింట రొట్టె విరుచుచు, దేవుని స్తుతించుచు, ప్రజలందరివలన దయపొందినవారై. (అపొస్తలుల కార్యములు 2:46).

జాన్ వెస్లీ మాట్లాడుతూ, ఒంటరిగా క్రైస్తవుడిగా ఉండటం లాంటిది ఏదీ లేదులేదని అన్నారు.

► వెస్లీ తన ప్రకటన ద్వారా ఏమి అర్థం చేసుకున్నాడు?

ఆరోగ్యకరమైన క్రైస్తవ సమాజంలో అధ్యాత్మిక జవాబుదారీతనం ఏర్పడుతుంది.

అధ్యాత్మిక జవాబుదారీతనం కలిగి ఉండటం అంటే, మన అధ్యాత్మిక స్థితిని, అధ్యాత్మిక విభాగాలలో మన విజయం లేదా వైఫల్యాన్ని మరియు అభివృద్ధికి మన తీర్మానాలును నివేదించే వ్యక్తి లేదా సమూహంతో సంబంధాన్ని ఏర్పరచుకోవడం.

అధ్యాత్మిక జవాబుదారీతనం లేకుండా మనము గ్రంథంలోని అన్ని ఆజ్ఞలను నెరవేర్చలేము, మరియు దేవుడు మనకు కృప ఇవ్వడానికి రూపొందించిన మార్గాలను విస్మరిస్తాము.

అధ్యాత్మికంగా పరిణతి చెందడం అంటే ఏమిటి? పరిణతి చెందిన క్రైస్తవుడిని మీరు ఎలా వర్ణిస్తారు?

పరిపక్వతకు సమయం పడుతుంది కాబట్టి, ఇది వయస్సుతో వస్తుంది (తీతు 2:1-5). సహజంగానే, కొంతమంది అధ్యాత్మికగా పరిపక్వం చెందకుండా వృద్ధాప్యం పొందుతారు మరియు మరి కొందరు అసాధారణ పరిపక్వతను ప్రదర్శించే యువకులు కూడా ఉన్నారు.

పరిపక్వత యొక్క చాలా లక్షణాలు ఒక ఖచ్చితమైన సమయంలో పూర్తిగా సాధించబడవు, కానీ క్రమంగా పరిపక్వతను పొందగలము. అధ్యాత్మిక అనుభవం లేదా జీవితంలో ఒక అనుభవం కారణంగా కొన్ని సమయాల్లో అవి అకస్మాత్తుగా వృద్ధిచెందుతాయి. ఒక వ్యక్తి తన జీవితమంతా అభివృద్ధి చెందడం కొనసాగించినప్పటికీ, అతడు చేరుకోగల స్థాయి ఒకటి ఉంటుంది, దానిని అధ్యాత్మిక పరిపక్వత అని పిలుస్తారు.

అధ్యాత్మిక పరిపక్వత యొక్క లక్షణాలు అనేక లేఖనాలలో వివరించబడ్డాయి.

► సమూహానికి వివిధ విద్యార్థులు ఈ భాగాలను చదవాలి: ఎఫెసీయులకు 4:11-14, హెబ్రీయులకు 5:12-6:1, 1 కొరింథీయులకు 3:1-2, మరియు 1 యోహాను 2:12-14.

అధ్యాత్మిక పరిపక్వతకు చిహ్నాలుగా ఉన్న లక్షణాల క్రింది జాబితాలో ఉన్నాయి. ఇది పూర్తి జాబితా కాదు, మరియు జాబితాలోని కొన్ని అంశాలు ఇతర అంశాల నుండి పూర్తిగా వేరు చేయబడవు.

పరిణతి చెందిన క్రైస్తవుడు ఈ లక్షణాలన్నింటినీ పూర్తిగా ప్రదర్శించకపోవచ్చు, కానీ అవి క్రమ క్రమముగా అభివృధి చెందును. అతడు తన కొన్ని లోపాలను గ్రహించలేకపోవచ్చు, కానీ తన హృదయంలో పరిశుద్ధాత్మ యొక్క నిరంతర పనికి అతడు తప్పక ప్రతిస్పందిస్తాడు.

(1) ఉద్దేశ్యాలు, వైఖరులు మరియు క్రియలలో క్రీస్తును పోలి ఉండుట

క్రీస్తును పోలి ఉండుట, క్రీస్తును తెలుసుకొనే అభిరుచి నుండి వస్తుంది. ఆయనతో అధ్యాత్మిక అనుభవము ద్వారా, ఆయన మరణం మరియు పునరుత్థానంలో పాలివారమగుట ద్వారా కలుగుతుంది (ఫిలిప్పీయులకు 3:10). ఇందులో ఆయన శ్రమలలో హింసలో పాలు పంచుకోవడము ఒక భాగము. ఇలా క్రీస్తును ప్రేమించే వ్యక్తి ఆయనలాగా రూపాంతరం చెందుతాడు.

క్రీస్తు ఉండాలనే కోరిక, ఆయన పైనున్న ప్రేమను బట్టి ఉంటుంది, మరియు స్వార్ధం లేదా అహంకారం ద్వారా కలుగదు. ఒక క్రైస్తవుడు క్రీస్తులాగా ఉండాలని కోరుకుంటాడు మరియు అతడు చెప్పిన లేదా చేసిన పనిలో తాను క్రీస్తు లాగా లేడని తెలుసుకున్నప్పుడల్లా విచారంగా ఉంటుంది.

(2) దేవునితో సన్నిహిత సంబంధం

ఒక వ్యక్తి దేవునితో తన సంబంధంలో దగ్గరవ్వాలి. దేవునితో మంచి సంబంధానికి గుర్తులు దేవుని సన్నిధిని అనుభవించడం, దేవుని వాక్యంపై ప్రేమ మరియు ప్రార్థనలో గడిపిన సమయం దేవునికి దగ్గర చేస్తుంది.

(3) ఆత్మ ఫలము యొక్క ప్రదర్శన

విశ్వాసి జీవితంలో పరిశుద్ధాత్మ ఫలాలను ఇస్తాడు, ఇందులో ప్రేమ, సంతోషం, సహనం మరియు ఆత్మ నియంత్రణ ఉన్నాయి. పరిశుద్ధాత్మ తన స్వభావంతో పనిచేయడానికి అనుమతించినందున ఒక నమ్మినవాడు మరింత కృపతో మరియు సున్నితంగా ఉంటాడు.

(4) బాహ్య మరియు అంతరంగ పాపంపై విజయం

శోధనలపై విజయం కొరకు దేవునిపై ఎలా ఆధారపడాలో నమ్మినవాడు నేర్చుకుంటాడు. అతడు దేవుని పరిశుద్ధతకు దగ్గర అవుతాడు కాబట్టి ఆయనకు పరిశుద్ధ హృదయం ఉంటుంది. అతడు విజయంతో స్థిరంగా జీవించడానికి సహాయపడే అలవాట్లు మరియు క్రమశిక్షణలను అభివృద్ధి చేసుకొంటాడు.

అతడు ఒక శోధనకు లోనవుతుంటే, అతడు దానిని దేవునితో ఒప్పుకుంటాడు మరియు క్షమాపణ మరియు బలం కొరకు ప్రార్థిస్తాడు. అతడు తన వైఫల్యాలను తన కొరకు ప్రార్థించే సన్నిహిత క్రైస్తవ మిత్రులతో పంచుకోవాలి (యాకోబు 5:16).

(5) అధ్యాత్మిక క్రమశిక్షణ స్థాపించుకొంటాడు

అధ్యాత్మిక క్రమశిక్షణ దేవునితో మన సంబంధానికి మొదటి ప్రాధాన్యతనిచ్చే మార్గాలు. స్థిరంగా ప్రార్థన చేయని, బైబిల్ చదవని, సంఘానికి హాజరుకాని వ్యక్తి పరిణతి చెందిన క్రైస్తవుడు కాడు.

(6) అభివృద్ధి చెందిన క్రైస్తవ స్వభావము

ఒక క్రైస్తవుడు తన జీవితాన్ని నిజాయితీ, విశ్వసనీయత మరియు నమ్మకమైన పని, క్రైస్తవ సూత్రాలపై నేర్చుకుంటాడు.

(7) స్థిరమైన క్రైస్తవ జీవితం

ఒక విశ్వాసి క్రైస్తవ సూత్రాలను జీవితానికి అన్వయించుకొనుట నేర్చుకుంటాడు. పరిణతి చెందిన క్రైస్తవుడు తన ప్రవర్తన మరియు వైఖరిలో క్రైస్తవుడిలా కనిపించాలని కోరుకుంటాడు. అతడు చెప్పే లేదా చేసేది తన హృదయంలోని ప్రేమకు అనుగుణంగా లేదని అతడు గ్రహించినప్పుడు, అతడు మార్చుకొనుటకు దేవుని బలం మీద ఆధారపడును.

(8) ఆరోగ్యకరమైన సంబంధాలు

పరిణతి చెందిన క్రైస్తవుడు ఇతర క్రైస్తవులతో లోతైన స్నేహాన్ని పెంచుకుంటాడు. అతడు నిజాయితీ, సహనం మరియు క్షమాపణ చూపించడం ద్వారా సంబంధాలను కొనసాగిస్తాడు. అతడు దీనుడై మరియు తన తప్పులను అంగీకరిస్తాడు. అతడు ఒక పరిస్థితిని తప్పు విధముగా అర్ధం చేసుకొన్నప్పుడు, అతడు వెంటనే దానిని అంగీకరించి, ఇతర వ్యక్తులను గురించి సరైన అభిప్రాయం కలిగి ఉంటాడు.

(9) వ్యక్తిగత పరిచర్య

ఒక విశ్వాసి తన అధ్యాత్మిక వరములను గుర్తించాలి. ఇతరులకు దీవెనగా ఉండటానికి సంఘములో తన స్థానాన్ని కనుగొనాలి. ఒక విశ్వాసి క్రైస్తవ జీవితంలో ఇతరులను సువార్త మరియు శిష్యులకు సహాయం చేయడం ద్వారా సంఘములో సేవ చేయవచ్చు.

(10) కఠినమైన పరిస్థితుల మధ్య ఓర్పు

కీడు జరిగినప్పుడు నమ్మినవాడు దేవుణ్ణి విశ్వసించడం నేర్చుకోవాలి. అతడు క్లిష్ట పరిస్థితుల్లో ఉన్నప్పుడు దేవునిపై ఆధారపడాలి. పరిణతి చెందిన విశ్వాసి ఏదో ఎందుకు జరుగుతుందో అర్థం కాకపోయినప్పుడు విశ్వాసం కోల్పోకూడదు.

అధ్యాత్మిక పరిపక్వత యొక్క లక్షణాలు సహజ ప్రతిభపై ఆధారపడి ఉండవు.

అధ్యాత్మిక పరిపక్వత యొక్క లక్షణాలు పరిచర్య నైపుణ్యాలకు సమానం కాదు.

అధ్యాత్మిక పరిపక్వత యొక్క లక్షణాలు గలవారు నాయకత్వ సామర్థ్యంతో కలిసి ఉండరు. ఒక నాయకుడు అధ్యాత్మికగా పరిణతి చెందినట్లయితే మంచిది, కానీ కొన్నిసార్లు ఒక వ్యక్తి తన సామర్ధ్యాల వల్ల నాయకుడవుతాడు, అతడు ఇంకా అధ్యాత్మికముగా పరిణతి చెందలేదు. కొన్నిసార్లు ఒక వ్యక్తి అధ్యాత్మికగా పరిణతి చెందుతాడు, కాని నాయకత్వ సామర్థ్యం ఉండదు.

కొందరి వ్యక్తిత్వాలలో సహజంగా మరింత ఓపికగా మరియు కృపగా కనిపిస్తారు. వ్యక్తిత్వం యొక్క సహజ లక్షణాలు అధ్యాత్మిక పరిపక్వతకు సమానం కాదు. దేవుడు మన వ్యక్తిత్వాల ద్వారా పనిచేస్తాడు మరియు మన ధోరణులకు సమతుల్యతను తీసుకురావడానికి సహాయం చేస్తాడు. మనము ఒక ఖచ్చితమైన వ్యక్తిని విశ్లేషించినట్లయితే, అతని సహజ వ్యక్తిత్వం మరియు అధ్యాత్మిక అభివృద్ధి లక్షణాల మధ్య మనం ఖచ్చితంగా గుర్తించలేము.

ఆరోగ్య సమస్యలు ఒక వ్యక్తి యొక్క వివేచన మరియు ప్రతిక్రియలను కూడా ప్రభావితం చేస్తాయి. మనము ఇతరులను త్వరగా తీర్పు తీర్చకూడదు.

(1) అధ్యాత్మిక పరిపక్వత యొక్క 10 లక్షణాల ద్వారా మిమ్మల్ని మీరు పరిశీలించుకొండి. వీటిలో మీకు ఏది ఎక్కువగా లేదని ప్రార్థనాపూర్వకంగా పరిగణించండి. ప్రార్థన, అధ్యయనము, ఇతరుల సలహాలు మరియు దేవుని సహాయంపై ఆధారపడటం ద్వారా వాటిలో ఉద్దేశపూర్వకంగా ఎలా అభివృద్ధి చెందాలో ప్రణాళిక వేసుకోండి.

(2) బోధ మరియు అధ్యాత్మిక జవాబుదారీతనం కొరకు సంఘము తన బాధ్యతను ఉద్దేశపూర్వకంగా ఎలా నెరవేరుస్తుంది? సంఘము కొరకు కార్యాచరణ ప్రణాళికను వివరిస్తూ రెండు పేజీలు వ్రాయండి.