Lesson 11: సువార్త బోధ

► ఒక విద్యార్థి సమూహము కొరకు 1 కొరింథీయులకు 1:17-25 చదవాలి. నశించిపోయిన వారిని రక్షించడానికి దేవుని పద్ధతి ఏమిటి?

యూదులు తమ దేశాన్ని విడిపించుకొనుటకు అధికారం కొరకు చూస్తున్నారు. అది పనిచేస్తుందని నిరూపించడానికి శక్తి సాధనాలతో కూడిన శక్తివంతమైన సందేశాన్ని వారు కోరుకున్నారు.

అన్యజనులు జీవితాన్ని అర్థం చేసుకోవడానికి మరియు ప్రపంచంలో విజయం సాధించడానికి జ్ఞానం కోరుకున్నారు. వారు కోరుకున్నది ఎలా పొందవచ్చో అని వివరించే సందేశాన్ని వారు కోరుకున్నారు.

సిలువ అనగా అప్పగించుకోనుట మరియు త్యాగమును సూచిస్తుంది. శక్తికోరుకున్న యూదులకు, ఇది బలహీనతగా కనిపించింది. లోకసంబంధమైన జ్ఞానం కోరుకున్న అన్యజనులకు, ఇది అవివేకము వంటిదిగా కనిపించింది. వాస్తవానికి, క్రీస్తు మరణంలో దేవునిశక్తి మరియు దేవునిజ్ఞానం ప్రదర్శించబడ్డాయి. సిలువ దేవుని బలహీనత మరియు అజ్ఞానము లాగా ఉంటుంది, కాని ఇది మనుష్యుల ఉత్తమ ప్రయత్నాల కంటే గొప్పది.

సువార్త సందేశం మానవుల యొక్క సహజమైన, పాపపు కోరికలకు వ్యతిరేకంగా ఉంటుంది. ఇది పశ్చాత్తాపపడుటకు మరియు దేవునికి లోబడుటకు పిలుస్తుంది. ఇది ఒక అవివేక సందేశంగా అనిపిస్తుంది, ఎందుకంటే ప్రజలు తమకు కావలసినదాన్ని ఎలా పొందాలో వినాలని కోరుకుంటారు.

ప్రజలను రక్షించడానికి దేవుడు సువార్తను ఉపయోగించుకున్నాడు. అతడు విశ్వాసులకు సువార్తను సంభాషించే పనిని ఇచ్చాడు. బోధ అనేపదం సమూహముతో మాట్లాడే వ్యక్తిని మాత్రమే సూచించదు, కానీ సువార్తను వివిధ రూపాల్లో బోధ చేయడాన్ని సూచిస్తుంది. ఈ భాగం యొక్క వాదన దేవుడు కేవలం బహిరంగ బోధనే ఇష్టపడతాడని కాదు. అతి ప్రధాన విషయం ఏమిటంటే, సువార్త దేవుని పద్ధతి.

► సిలువను ప్రకటించడం, విశ్వాసములేనివారికి అవివేకమని చెప్పినప్పుడు ఈ వాక్యభాగముయొక్క అర్థము ఏమిటి?

దేవుని వాక్యాన్ని ప్రకటన చేసే వివిధ పద్ధతులను సూచించడానికి బోధ అనే పదాన్ని విస్తృత అర్థంలో ఉపయోగించవచ్చు. ఏదేమైనా, ఈ పాఠంలో, మనము బోధ అనే పదాన్ని దాని సాధారణ అర్థంలో ఉపయోగిస్తాము: దేవుని వాక్యాన్ని మాట్లాడే వ్యక్తి, ప్రజల సమావేశానికి దానిని వివరించడాన్ని ప్రకటన అని అంటాము.

సువార్తను ప్రజల సమావేశానికి వివరించడాన్ని సువార్త ప్రకటించడం అని అంటాము. ఇది కేవలం ఏదైనా అంశం లేదా గ్రంథంలోని భాగము యొక్క ప్రకటన కాదు. ఇది సువార్త యొక్క ప్రకటన.

సువార్త బోధకుడు సాధారణంగా తనవర్తమానము వినువారిని సందేశానికి తక్షణ ప్రతిస్పందన కొరకు ఒప్పించటానికి ప్రయత్నిస్తాడు, వారు వెంటనే మార్చబడతారు. ఆ నిర్ణయానికి వారిని పిలవడానికి సందేశం రూపొందించబడింది.

సువార్త సందేశంలోని సమాచారం జాగ్రత్తగా ఎంపిక చేయబడింది. సందేశం యొక్క ఉద్దేశ్యం ప్రధానంగా విద్య కాదు. మారుమనస్సు నిర్ణయం కొరకు వినువారికి అవసరమైన సమాచారాన్ని అందించడానికి బోధకుడు ప్రయత్నిస్తాడు. ఈ సమాచారంలో ప్రాథమికమైన సువార్త, వినేవారు ఎలా స్పందించాలి మరియు నిర్ణయం వల్ల కలిగే పరిణామాలు చక్కగా ఉంటాయి.

సంఘ భవనంలో, సంఘ సమాజం వంటి నిశ్శబ్దమైన, క్రమమైన వాతావరణములో లేదా మరేదైనా ప్రయోజనం కొరకు గుమిగూడిన ప్రజల సమూహానికి ఈ బోధ అందించవచ్చు. ప్రేక్షకులు సందేశానికి స్నేహపూర్వకంగా లోబడవచ్చు లేదా వారు లోబడకపోవచ్చు.

► సువార్త ప్రకటనను గూర్చి మీరు చూసిన వివిధ ప్రదేశాలను తెలియజేయండి?

సంఘములో బోధించడానికి మరియు వేరే రకమైన సమూహానికి బోధించడానికి మధ్య తేడాలు ఉన్నందున, మనము మొదట సంఘములో సువార్త బోధకు సంబంధించే మార్గదర్శకాలను చూద్దాము. ఈ పాఠంలో మరో విభాగంలో, మనము బహిరంగ ప్రకటనకు సంబంధించే మరికొన్ని మార్గదర్శకాలు చూద్దాము.

(1) ఒకలేఖన భాగాన్ని వివరించుట.

దేవుని వాక్యం శక్తివంతమైనది, కాబట్టి బోధకుడు దానిని ఉపయోగించాల్సిన అవసరం ఉంటుంది. భాగము పొడవుగా ఉండాల్సిన అవసరం లేదు, లేదా బోధకుడు దాని వివరాలను వివరిస్తూ ఎక్కువ సమయం గడపాలి. అతడు సువార్త సందేశానికి మద్దతు ఇచ్చే లేఖనాలను ఉపయోగించాలి. ఆయన తన అతి ముఖ్యమైన ప్రకటన గ్రంథం మీద ఆధారపడి ఉన్నాయని నిర్ధారించుకోవాలి, కాబట్టి డానికి దేవుని వాక్య శక్తి ఉపయోగించబడుతుంది. అతడు ఒక వచనం యొక్క భాగాన్ని దాని సందర్భంలో ఉన్న అర్థానికి భిన్నమైన అర్థంతో ఉపయోగించకూడదు.

(2) పశ్చాత్తాపం మరియు విశ్వాసం అనే పదాలను అతడు నిర్వచించాలి.

ఈ పదాల అర్థం గురించి వినువారికి తప్పుఆలోచనలు ఉండవచ్చు. పశ్చాత్తాపం అంటే మీ జీవితాన్ని మీరు సరిచేసుకోవడము ద్వారా దేవుడు మిమ్మల్ని అంగీకరిస్తాడు అని వారు అనుకోవచ్చు. పశ్చాత్తాపం అంటే మీ పాపాన్ని క్షమించటం అంటే మీరు దాని నుండి విడుదల పొందటానికి సిద్ధంగా ఉన్నారని వారికి తెలియజేయాలి.

విశ్వాసం అంటే ఒక మతాన్ని విశ్వసించడం లేదా మతపరమైన ఆచారాలను పాటించడం అని వినువారు అనుకోవచ్చు. రక్షణకు క్రీస్తు ప్రాయశ్చిత్తంపై మీ నమ్మకాన్ని పూర్తిగా ఉంచడమే విశ్వాసము అని వారికి తెలియజేయాలి, విశ్వాసాన్ని కాపాడుకొనుట అని వారు తెలుసుకోవాలి.

(3) మారుమనస్సు పొందిన క్షణంలో ఒక వ్యక్తి క్రైస్తవుడు అవుతాడని దానిని నొక్కి చెప్పండి.

క్రైస్తవుడిగా ఉండడం అంటే ఏమిటి మరియు ఒక వ్యక్తి క్రైస్తవుడు ఎలా అవుతాడనే దాని గురించి చాలా మందికి సరిగాని ఆలోచనలు ఉన్నాయి. బోధకుడు, వారు మరింత క్రైస్తవమతములోకి రావాలని లేదా తన సంఘములో సభ్యులుగా ఉండాలని కోరుకొంటున్నాడని, వారు కఠినమైన జీవితాన్ని గడపాలని ఆయన కోరుకుంటున్నారని వారు అనుకోవచ్చు. మారుమనస్సులో ఒక పాపి పశ్చాత్తాపపడతాడు, పాప క్షమాపణ పొందుతాడు మరియు దేవునితో వ్యక్తిగత సంబంధాన్ని ప్రారంభిస్తాడు ఇది అసలైన మారుమనస్సు.

(4) క్రైస్తవులుగా చెప్పుకోవటానికి ప్రజలు కలిగి ఉన్న సరిగాని కారణాలను విభేధించండి.

కొన్ని సమాజాలలో, చాలా మంది ప్రజలు తాము క్రైస్తవులు అని అనుకుంటారు. వారు సంఘములో ఉన్నారు, మంచి పనులు చేస్తారు, కొన్ని విషయాలు నమ్ముతారు లేదా కొంత అధ్యాత్మిక అనుభవం కలిగి ఉన్నారు కాబట్టి వారు క్రైస్తవులు అని వారు అనుకోవచ్చు. మారుమనస్సుకి ప్రాధాన్యత ఇవ్వడంతో పాటు, వారికి దేవునితో సంబంధము గల జీవితాన్ని మరియు పశ్చాత్తాపం తరువాత విధేయతను వివరించండి.

(5) సంఘము వెలుపల ఉన్న వ్యక్తులు మిమల్ని అర్థం చేసుకున్నారు అని నిర్ధారించుకోండి

బయటి వ్యక్తులకు, మత ప్రజలకు మాత్రమే తెలిసిన పదాలను ఉపయోగించవద్దు. బయటి వారికి అర్థం కాని మతపరమైన ఆచారాలను ప్రసంగములో సూచించవద్దు.

► మీ సంఘములో ఉపయోగించే పదాలు మీ పరిసరాల్లో ప్రజలు అర్థం చేసుకోలేని కొన్ని పదాలను సూచించండి?

(6) క్షమాపణ, దేవునితో సంబంధం మరియు నిత్య జీవమును తెలియజేయండి.

ఇవి అనగా (పై చెప్పబడిన విషయాలు) అనేవి రక్షణ పొందడం వాళ్ళ కలిగే ప్రయోజనాలు. పాపులపై వచ్చే తీర్పు మరియు నిత్యమైన శిక్షను వివరించడం ద్వారా పాపి పరిస్థితి యొక్క తీవ్రతను చూపించండి.

(7) సువార్తలో వాగ్దానం చేయబడని, మంచి ప్రయోజనాలను ఆశీర్వాదాలను చెప్పకండి.

రక్షణ యొక్క ప్రతిపాదనలో దేవుడు లేదా సంఘము నుండి లభించే భౌతిక ప్రయోజనాలు, భూసంబంధమైన శ్రేయస్సు, అనారోగ్యం నయం చేయడం లేదా జీవిత పరిస్థితుల యొక్క ఇతర రకాల మెరుగుదలలు ఉన్నాయని ప్రజలు అనుకుంటే, వారు నిజముగా పశ్చాత్తాపపడకుండా ఈ ప్రయోజనాలను అంగీకరించడానికి ప్రయత్నించవచ్చు.

దేవుడు ఒక వ్యక్తి యొక్క జీవితంపై నియంత్రణ కలిగి ఉన్నప్పుడు, వారికి సమస్యలు ఉన్నప్పటికీ వారిని తప్పక నడిపిస్తాడు, ఆశీర్వదిస్తాడు, మరియు సహాయము చేస్తాడు అని వివరించగలరు. అయితే, మనము వారు క్రైస్తవులుగా మారితే వారి సమస్యలు పరిష్కరించబడతాయి అని నొక్కి చెప్పకూడదు. కొంతమందికి, క్రైస్తవులు అయినందున హింస కారణంగా జీవితం మరింత కష్టము కావచ్చు.

(8) స్థానిక సంఘ సభ్యత్వంను మరియు మారుమనస్సు పొందడంను అనుబంధించవద్దు.

ఒక వ్యక్తి నిజముగా మారుమనస్సు పొందిన వెంటనే సంఘము సభ్యత్వం అందుబాటులో ఉండాలి, కాని మారుమనస్సు పొందిన తరువాత సభ్యత్వ నిబంధనలు వివరించాల్సిన అవసరం ఉంటుంది. ఒక వ్యక్తి తన పాపాలను పశ్చాత్తాపం చెందడానికి ఒప్పించేటప్పుడు సంఘము సభ్యత్వ అవసరాల గురించి మాట్లాడకండి. దేవునిని కలుసుకోవడానికి వినువారిని తీసుకురావడంపై సువార్తికుడు దృష్టిపెట్టాలి.

► రక్షణకు అవసరం లేని, మీ సంఘ సభ్యత్వ సంగతులు ఏమి ఉన్నాయి?

(9) పరిపక్వతతో వచ్చే సంగతులను మారుమనస్సు పొందవలిసిన వారికి అప్పుడే చెప్పకండి.

అతనికి అర్థమైన పాపాల నుండి పశ్చాత్తాపం చెందడానికి వినేవారిని పిలవండి. అతడు కొంతకాలంగా క్రైస్తవుడిగా జీవించెంత వరకు అతనికి అర్థం కాని జీవిత వివరాల గురించి నియమాల గురించి అతనికి చెప్పవద్దు. పశ్చాత్తాపం మరియు విశ్వాసానికి వారిని పిలవడము కష్టతరమైనదే. ఒక వ్యక్తి సువార్తను తిరస్కరించేలా చేసే ఇబ్బందికరమైన సంగతులను వివరించవద్దు.

(10) మీరు వారు ఏమి చేయాలనుకుంటున్నారో వివరించండి.

అతడు ప్రార్థన చేయాలని మరియు క్షమించమని దేవుణ్ణి అడగాలని, వినేవారికి తెలుసు అని మీరు అనుకోకండి. ముందుకు వచ్చి మోకరించడం అతనికి తెలుసు అని అనుకోకండి. మీరు వినువారిని ప్రతిస్పందించమని ఆహ్వానించి నప్పుడు, వారు ఏమి చేయాలనుకుంటున్నారో ఖచ్చితంగా వివరించండి. సంఘ వాతావరణంలో బలహీనమైన వ్యక్తికి సాధ్యమైనంత సులభతరం చేయడం ఎలాగో పరిశీలించండి.

అనేక కారణాల వల్ల ప్రజలు వేదిక వద్ద ప్రార్థన చేయటానికి గుమిగూడవచ్చు. కొన్నిసార్లు ఒక కాపరి వివిధ రకాల అవసరాల గురించి ప్రార్థన చేయమని ప్రజలను ఆహ్వానిస్తాడు. ఇక్కడ జాబితా చేయబడిన మార్గదర్శకాలు వేదిక వద్ద ప్రార్థన చేసే అన్ని సందర్భాలకు తప్పని సరిగా వర్తించవు. ఈ మార్గదర్శకాలు సువార్త సందేశము తర్వాత ఆహ్వానానికి ప్రతిస్పందించే వారితో ప్రార్థన చేయడానికి వర్తిస్తాయి.

రక్షణ కొరకు ప్రార్థిస్తున్న ప్రజలకు సహాయం చేయడానికి సంఘములోని కొంతమందికి శిక్షణ ఇవ్వాలని కాపరి నిర్ధారించుకోవాలి. అతడు సువార్త ఆహ్వానం ఇచ్చినప్పుడు సహాయం చేయడానికి ఈ వ్యక్తులను సిద్ధముగా ఉండాలి.

కొన్నిసార్లు ప్రజలతో ప్రార్థన చేయడంలో సహాయం చేయాలనుకునే వ్యక్తి సహాయానికి బదులుగా ఒక అవరోధంగా ఉంటుంది. కాపరి వేదిక వద్ద వారి సమస్యల కొరకు చూడాలి మరియు సహాయం చేయడానికి సిద్ధంగా ఉండాలి. తెలివిలేని ప్రవర్తన లేదా సరిగాని సలహాలతో ఒక వ్యక్తి వేదిక వద్ద ప్రార్థన సమయానికి ఆటంకం కలిగిస్తుంటే, కాపరి సమస్యను సరిదిద్దడానికి అవసరమైనది చేయాలి.

ఒక వ్యక్తి పశ్చాత్తాపం, విశ్వాసము మరియు మారుమనస్సుని వెంటనే అనుభవించగలడని మనము నమ్ముతున్నాము. ఆ నమ్మకం ప్రభువును వెదికేవారితో ప్రార్థన కొరకు మా విధానాలకు మార్గనిర్దేశం ఇస్తుంది.

(1) ప్రార్థన చేస్తు ప్రభువును వెదికే ప్రతి వాడికి కనీసం ఒక పరిణతి చెందిన విశ్వాసి సహాయం చేయాలి.

ఒంటరిగా ప్రార్థన చేయటానికి ప్రభువును వెదికేవాడిని వదిలివేయవద్దు మరియు సహాయం చేయకుండా వేదిక వద్ద వదిలివేయకండి. ప్రభువును వెదికేవాడు ఖచ్చితమైన తీర్మానానికి రావాలని మనము కోరుకుంటున్నాము.

(2) ప్రభువును వెదికేవాడు దేనికొరకు ప్రార్థిస్తున్నాడో తెలుసుకోండి.

అతడు రక్షణ కొరకు ప్రార్థిస్తున్నాడని అనుకోకండి. సువార్త సందేశము తర్వాత కూడా ప్రజలు వివిధ కారణాల వల్ల వేదిక వద్దకు వస్తారు. ప్రార్థన చేస్తున్న ప్రభువును వెదికేవాడికి అంతరాయం కలిగించడం అవసరం లేదు; కానీ ఏదో ఒక సమయంలో, అతనికి సహాయం చేస్తున్న విశ్వాసి, "దేవుడు మీ కొరకు ఏమి చేయాలనుకుంటున్నాడు?" అని అడిగి, అప్పుడు విశ్వాసి తనతో ఏమైనా అవసరాల గురించి అతనితో ప్రార్థించవచ్చు.

(3) పూర్తి పశ్చాత్తాపం పొందడానికి ప్రభువును వెదికేవాడిని ప్రోత్సహించండి.

"మీరు పాపం గురించి పశ్చాత్తాప పడటానికి సిద్ధంగా ఉన్నారా, దేవుడు మిమ్మల్ని పాపం నుండి విడిపించనివ్వండి" అని అడగండి. తన పశ్చాత్తాపం దేవునికి చెప్పమని ప్రోత్సహించండి. అతడు తన పాపాలను కాపరి లేదా మరే వ్యక్తితోనైనా ఒప్పుకోవలసిన అవసరం లేదు, ఆ వ్యక్తులపై వ్యతిరేకంగా నిర్దిష్ట అతిక్రమణలు చేసియుంటే తప్ఫ తప్ప.

(4) దేవుడు క్షమించాడని ప్రభువును వెదికేవాడికి నిశ్చయత ఇవ్వండి.

క్షమించమని దేవుణ్ణి అడగమని మరియు క్షమించమని దేవుని వాగ్దానాన్ని విశ్వసించమని అతనికి చెప్పండి. అతడు సందేహంతో పోరాడుతున్నట్లు అనిపిస్తే, అతనికి ఒక లేఖనాను సారమైన వాగ్దానం చూపించు. (1 యోహాను 1:9, యోహాను 3:16, రోమా 5:8).

ప్రభువును వెదికేవాడు తన సొంత మాటలతోనే ప్రార్థన చేయలేకపోతే, సహాయకుడు ప్రార్థనతో అతనికి సహాయం చేయగలడు. ఇది ఈ ప్రార్థన లాంటిది కావచ్చు:

"ప్రభువా, నేను పాపిని అని మరియు నిత్యమైన శిక్షకు అర్హుడని నాకు తెలుసు. నా పాపాలను క్షమించండి మరియు వాటిని విడిచిపెట్టడానికి నేను సిద్ధంగా ఉన్నాను. నన్ను క్షమించమని నేను మిమ్మల్ని అడుగుతున్నాను - నేను అర్హుడైనందువల్ల కాదు, యేసు నాకొరకు మరణించినందు వల్ల రక్షణ ఇచ్చినందుకు వందనాలు. ఈ సమయం నుండి, నేను మీ కొరకు జీవిస్తాను."

సాధారణంగా, ప్రభువును వెదికేవాడికి ఖచ్చితమైన విజయపొందడానికి ప్రార్థన కష్టమైతే, అతడు విడిచిపెట్టడానికి ఇష్టపడని పాపం ఏదో ఉంటుంది. అతడు నిజముగా పశ్చాత్తాపపడే వరకు క్షమాపణ కొరకు విశ్వాసం ఉంచలేదు.

(5) సాక్ష్యం చెప్పమని మారుమనస్సు పొందినవానిని అడగండి.

ప్రభువును వెదికేవాడు విజయం సాధించినట్లు అనిపిస్తే, “దేవుడు మీ కొరకు ఏమి చేసాడు?” అని ఎవరైనా అతనిని అడగాలి. ఖచ్చితమైన సాక్ష్యము చెప్పడానికి అతన్ని ప్రోత్సహించండి. అతడు సమాజం ఎదుట చెప్పవచ్చు, కానీ అతడు మొదట అతనితో ఎవరు ప్రార్ధించారో వారి ముందు చెప్పాలి.

(6) రక్షణను గురించి ముద్రించిన ఒక పత్రిక ఇవ్వండి.

మారుమనస్సు తనతో తీసుకెళ్లడానికి రక్షణను గురించి ముద్రించిన ఒక పత్రిక ఇవ్వాలి. ఇది రక్షణను స్పష్టముగా వివరించేదిగా ఉండాలి. తనకు ఏమి జరిగిందో అర్థం చేసుకోవడానికి అతనికి సహాయపడుతుంది మరియు ఇతరులకు వివరించడానికి కూడా సహాయపడుతుంది.

(7) శిష్యత్వానికి మొదటి అడుగు ఏమిటో చెప్పండి.

శిష్యత్వానికి మొదటి అడుగు సాధారణంగా కాపరి లేదా పరిణతి చెందిన విశ్వాసితో సమావేశం కావాలి. తనకు ఏమి జరిగిందో మారుమనస్సు అర్థం చేసుకున్నట్లు నిర్ధారించుకోవాలి. ఆ తరువాత, అతడు ఒక చిన్న సమూహంలో చేరవచ్చు లేదా క్రమం తప్పకుండా ఎవరితోనైనా ఒక విశ్వాస సామూహముతో కలవవచ్చు.

ఎవరైనా అతని కుటుంబాన్ని కూడా సందర్శించాలి, మారుమనస్సు గురించి వారికి తెలుసని నిర్ధారించుకోండి మరియు వారిని సంఘానికి ఆహ్వానించాలి. వారితో సువార్తను పంచుకునే అవకాశం ఉండవచ్చు.

► ప్రభువును వెదికేవారితో ప్రార్థన చేసినందుకు మీ సంఘము వద్ద ఉన్న పద్దతులు ఎలా ఉన్నాయి? పైన జాబితాలో ఉన్నవాటిని జోడించడానికి మీరు ఏమి చేయాలి?

సంఘానికి రాని ప్రజలను చేరుకోవడం కొరకు బయట బోధించాలి. ఇలా చెయ్యడం కొంచం కష్టంగా ఉండొచ్చు ఎందుకంటే వినేవారు వేరే వాటిని ఆశించి, వేరే ప్రయోజనం కొరకు అక్కడ ఉన్నారు మరియు వారు శ్రద్ధ చూపకపోవచ్చు. అక్కడ శబ్దం మరియు సరియైన క్రమము ఉండకపోవచ్చు. ఒక సంఘములో ఉన్నట్లుగా ఒక సమాజం సృష్టించిన ఆరాధన వాతావరణం అక్కడ ఉండదు.

బహిరంగ బోధకుని కొరకు ఒక స్పష్టమైన అవసరత ఉంటుంది, అతడు ప్రజలు వినడానికి శక్తివంతమైన తగినంత పెద్దస్వరం కలిగి ఉండాలి, లేదా అతడు ఒక ఎలక్ట్రానిక్ మధ్యమము(ఆంప్లిఫైయర్) ఉపయోగించాలి.

బయట బోధించడానికి మొదటి సవాలు, ప్రజల దృష్టిని ఆకర్షించడం. ఈ ప్రాంత ప్రజలు వినాలనుకుంటున్నారా లేదా అని త్వరగా నిర్ణయానికి రావాలి. కొందరు కొన్ని నిమిషాలు వింటారు. చాలామంది ఆసక్తి కలిగి ఉన్నారో లేదో నిర్ణయించే ముందు ఒక వాక్యం లేదా రెండు వాక్యాలు మాత్రమే వింటారు.

బోధకుడు తప్పనిసరిగా చిన్న వాక్యాలను ఉపయోగించాలి, మరియు ప్రతి వాక్యం తప్పక విలువైన ప్రకటనతో కూడినదిగా ఉండాలి. ప్రతి వాక్యం కొంతమంది వినే మొదటి వాక్యం అని ఆయన గుర్తుంచుకోవాలి. ప్రతి వాక్యంతో ఒక అంశము చెప్పడము వినేవారి దృష్టిని ఆకర్షించడంలో సహాయపడుతుంది. ఒక సమూహాన్ని వినడానికి అతడు తన వైపు ఆకర్షించినటైతే, అతడు దృష్టాంతాలను చెప్పగలడు మరియు పాయింట్లను మరింత సమగ్రంగా వివరించగలడు.

వీలైతే, బోధకుడు తనతో విశ్వాసుల సమూహాన్ని తీసుకొని వెళ్ళాలి. ప్రయాణిస్తున్న వ్యక్తులు ఇతరులు వినడం చూస్తే, వారు ఆగి వినే అవకాశం ఉంటుంది. బోధకు ముందు సంగీతాన్ని అందించగల సంగీతకారులు ఉంటే, అది సాధారణంగా జనాన్ని ఆకర్షించడానికి సహాయపడుతుంది.

బోధకుడు శ్రోతలను ముందుకు వచ్చి రక్షణ కొరకు ప్రార్థించమని ఆహ్వానించాలి.

సహాయకులు ఆ ప్రాంత ప్రజలకు ముందుగా ముద్రించిన సమాచారాన్ని పంపిణీ చేయాలి.

► మీ పరిసరాల్లో బహిరంగంగ ప్రబోధించడానికి ఏవేవి అవసరమో గుర్తించండి ?

ప్రతి విద్యార్థి ఇప్పుడు తనతో తెచ్చిన సువార్త సందేశము చూడాలి. సువార్త ప్రచారానికి 10 మార్గదర్శకాలను ఇది ఎలా వర్తిస్తోందో ఆయన పరిశీలించాలి. దాన్ని ఎలా సవరించాలో ఆయన ఆలోచన చేయాలి.

ప్రతి విద్యార్థి సందేశము గురించి చర్చించడానికి తరగతిలో సమయం ఉండకపోవచ్చు, కాని వారు ఉదాహరణలు ఇవ్వడానికి సందేశమును సిద్దం చేయాలి.

తదుపరి తరగతి సెషన్ పాఠాన్ని కవర్ చేయకూడదు. విద్యార్థులు తమ సువార్త ఉపన్యాసాలను సమర్పించి, ఆపై చర్చించాలి. వారు ఉపన్యాసాలను పూర్తిగా బోధించాల్సిన అవసరం లేదు, కానీ వాటిని 5-7 నిమిషాల క్లుప్త ప్రసంగాన్ని చెప్పనివ్వండి. ప్రసంగసాధన సెషన్ తర్వాత తదుపరి క్రమపరచిన సెషన్ పాఠం 12 ను ఉపయోగించాలి.

ఈ పాఠం యొక్క మార్గదర్శకాలను అనుసరించే సువార్త సందేశము అభివృద్ధి చేయండి. సందేశము పూర్తిగా వ్రాయవలసిన అవసరం లేదు, కానీ ప్రధాన అంశాలు వ్రాయబడాలి. చర్చ కొరకు తదుపరి తరగతి సెషన్‌కు తీసుకురండి.