Lesson 1: గొప్ప ఆజ్ఞను అంగీకరించుట

► ఒక విద్యార్థి, సమూహము కొరకు మత్తయి 28:18-20 వచనాలను చదవాలి.

ఈ ఆజ్ఞ అపొస్తలులకు మాత్రమే అని కొంతమంది నమ్ముచున్నారు.

► ఈ ఆజ్ఞ ఆ రోజు విన్న ప్రజలకు మాత్రమేనా? మీ సమాధానం వివరించండి.

విలియం కేరీ 1761-1834 నివసించారు. అతడు ఇంగ్లాండ్ నుండి వచ్చాడు. అతడు చెప్పులు కుట్టేవాడు, సువార్తను వ్యాప్తి చేయాలనే బలమైన కోరికతో రగిలిపోయేవాడు. అతడు ఉన్న సంఘానికి విదేశాలలో సువార్త ప్రకటించుట మీద పెద్దగా ఆసక్తి లేదు. వారు, దేవుడు ఇప్పటికే వీరిలో నిర్ణయించుకొన్న వారే వెళ్తారు దానికి మానవ సహాయం అక్కర లేదు అని నమ్మేవారు.

ఒక పాస్టర్స్ సమావేశంలో, కేరీ చర్చ కొరకు ఒక అంశమును సూచించాడు: భూదిగంతముల వరకు క్రీస్తు సంఘానికి ఈ గొప్ప ఆజ్ఞ ఇచ్చి ఉంటే, తప్పక క్రీస్తు ఈ గొప్ప ఆజ్ఞ నేరవేర్చు వరుకు అనగా, యుగ సమాప్తి వరకు తోడై ఉంటాడు, అని అన్నాడు. సమావేశ నాయకుడు, “యువకుడా, కూర్చోండి, మీరు అతి ఉత్సాహంగా ఉన్నారు (మతోన్మాదిలా). అన్యజనులను మార్చడానికి దేవుడు ఇష్టపడినప్పుడు, అతడు మీ సహాయం లేదా నా సహాయము లేకుండా చేస్తాడు,” అని అన్నాడు.

భూదిగంతముల వరకు సంఘానికి ఆజ్ఞ ఇవ్వబడిందని మనకు తెలుసు. సువార్తను ప్రకటించే వారితో, యుగ సమాప్తి వరకు తోడై ఉంటానని యేసు వాగ్దానం చేశాడు. ఈ సువార్త బాధ్యత అన్ని తరాల ద్వారా సంఘానికి చెపుతూనే ఉన్నాడు. అపొస్తలులు తమ జీవితకాలంలో ఆ పనిని పూర్తి చేయలేకపోయారు. కాని ప్రతి దేశంలోను, సకల జనులకు సువార్త ప్రకటించబడుతుందని యేసు చెప్పాడు (మత్తయి 24:14).

కాబట్టి సువార్త యొక్క బాధ్యత సంఘము యొక్క ప్రతి తరం ఒక వారసత్వంగా పొందుతుంది.

► మత్తయి 28:18-20 వివరాలను మళ్ళీ చూడండి. ప్రత్యేకంగా ఏమి ఆజ్ఞాపించబడింది?

యేసు యొక్క ఖచ్చితమైన ఆజ్ఞ ఏమిటంటే సంఘము ప్రతి స్థలానికి వెళ్లి శిష్యులనుగా చేయుట.

ఆజ్ఞలో సువార్త ప్రకటన ఉంటుంది, ఎందుకంటే అతడు మారుమనస్సు పొందితే తప్ప ఒక వ్యక్తి శిష్యుడిగా ఉండలేడు.

ఆజ్ఞ అంటే సంఘము సువార్త ప్రకటనకు మరియు శిష్యత్వ తర్ఫీదుకు ప్రాధాన్యత ఇవ్వాలి, మరియు ఉత్సాహపూరితమైన పరిచర్య చేయాలి; లేకపోతే, ఆదిమ సంఘము యొక్క ఉద్దేశము నెరవేర్చ జాలదు.

“సర్వ లోకము" (అంటే ప్రతి జాతి) అనే పదం విదేశాలకు సువార్త పని ఆజ్ఞాపించబడిందని చూపిస్తుంది, ఎందుకంటే ప్రతి జాతికి, సువార్తను వారి వద్దకు తీసుకొని వెళ్ళాలి. ఏ వర్గాన్ని, జాతిని మినహాయించకూడదు.

[1]ఆజ్ఞ అంటే సువార్త ప్రకటించడానికి మాత్రమే కాదు. బోధించే ప్రక్రియ కూడా అవసరం ఎందుకంటే యేసు మనకు ఆజ్ఞాపించిన ప్రతిదాన్ని బోధించాలి.

క్రీస్తు ఆజ్ఞలను పాటించటానికి ఉపాధ్యాయునికి పూర్తి వ్యక్తిగత సమర్పణ ఉండాలి, ఎందుకంటే అతడు మంచి మాదిరికలిగి ఉండాలి, క్రీస్తుకు విధేయత కలిగి జీవించటము ఎలాగో క్రొత్తగా నమ్మిన వారి ఎదుట దానిని చూపించాలి, విధేయతతో జీవించాలి.

మారుమనస్సు క్రీస్తుకు లోబడి ఉండుటకు కట్టుబడి ఉండాలి, ఎందుకంటే క్రీస్తు ఆజ్ఞలను నేర్చుకోవడము మాత్రమే సరిపోదు దాని ప్రకారము జీవించాలి. అతడు నేర్చుకున్న వాటిని పాటించకపోతే, అతడు శిష్యత్వపు పనిని వ్యతిరేకిస్తున్నవాడు. శిష్యత్వ ప్రక్రియ నేర్చుకొనుట మాత్రమే కాదు, దాని ప్రకారము జీవించుట.

గొప్ప ఆజ్ఞతో పాటు, సంఘానికి సువార్త ప్రకటన దేవుని ప్రాధాన్యత అని చూపించే అనేక లేఖనములు బైబిల్లో ఉన్నాయి.

తరగతి నాయకుడికి గమనిక: విద్యార్థులు ఈ క్రింది సూచనలను పరిశీలించి, సువార్త ప్రకటన ఒక లేఖన ప్రాధాన్యత అని ప్రతి ఒక్కరూ ఎలా నిరూపిస్తారో వారికి చెప్పాలి. అందించిన వ్యాఖ్యలను చూపుతూ వారికి సహాయం చేయండి.

మత్తయి 9:36-38. తన శిష్యులు పాపుల యెడల కనికరమును చూపాలని యేసు కోరుచున్నాడు. మరియు అధ్యాత్మిక కోతకు పనివారిని పంపుతామని, పంపుటకు దేవున్ని ప్రార్ధించమని కోరాడు.

అపొస్తలుల కార్యములు 4:29. సంఘము మొదట హింసను ఎదుర్కొన్నప్పుడు, వారి మొదటి ఆందోళన వారి శారీరక ప్రమాదం కాదు, గాని సువార్తకు ఆటంకం కలిగిందని భావించారు. హింస ఉన్నప్పటికీ దేవుని వాక్యం వ్యాపించాలని వారు ప్రార్థించారు.

అపొస్తలుల కార్యములు 11:18. అన్యజనులకు రక్షణ అనుగ్రహించబడినదని యూదుల సంఘము దేవుణ్ణి మహిమపరిచింది.

ఫిలిప్పీయులకు 1:18. తాను జైలుశిక్ష అనుభవించినప్పటికీ కూడా క్రీస్తు ప్రకటించబడ్డాడని పౌలు సంతోషించాడు.

ఎఫెసీయులకు 6:19. సమర్థవంతమైన సువార్త ప్రకటన కొరకు ప్రార్ధించమని పౌలు వేడుకొన్నాడు.

రోమా 10:13-15. సువార్త ప్రకటించు వారు కావాలని పౌలు నొక్కిచెప్పాడు, ఎందుకంటే రక్షణ విన్న మరియు విశ్వసించిన వారే పొందుదురు.

► ప్రజలు రక్షించబడుట చూడటానికి విశ్వసించినవాడు కోరుకోనే కొన్ని కారణాలు ఏమిటి?

• తప్పిపోయినవారు రక్షణపొందుటకై, మరణించడానికే పరలోకాన్ని విడిచి వచ్చిన యేసు మాదిరిని అనుసరించాలని విశ్వాసి కోరుకోవాలి.

• తిరుగుబాటుదారుడు దేవుని ఆరాధకుడిగా మార్పు చెందుట ద్వారా దేవుడు మహిమపరచబడాలని విశ్వాసి కోరుకోవాలి.

• సువార్త ప్రకటన క్రీస్తు ప్రాయశ్చిత్తము, మరియు క్రీస్తు విజయముగా విశ్వాసి చూడాలి.

• సువార్త ప్రకటన దేవుని ప్రాధాన్యమైన పనిగా ఉండగా, విశ్వాసి అందులో పాల్గొనాలి.

• వారి పాపాలకు నిత్యమైన తీర్పును ఎదుర్కొంటున్న తప్పిపోయిన పాపి పట్ల, విశ్వాసి కనికరము కలిగి ఉండాలి.

► ఒక వ్యక్తికి (తప్పు) కారణాలతో సువార్త ప్రకటించాలి అని కోరిక కలగడం సాధ్యమేనా? ఆ (తప్పు) కారణాలు ఏమైయివుంటాయి?

పరిచర్యలో విజయం సాధించాలని మరియు స్థానిక సంఘము అభివృద్ధి చెందాలని కోరుకోవడం తప్పు కాదు.

సఫలతను బట్టి అతిశయించక, ఇతర సంఘములతో పోటీ లేదా వాదనలు లేక ప్రేమతో మనం ప్రేరేపించబడటం ముఖ్యం.

కొంతమంది విశ్వాసులను సువార్త ప్రకటించడానికి దేవుడు ప్రత్యేకంగా పిలుస్తారు మరియు వారికి కృపావరములను ఇస్తాడు (ఎఫెసీయులకు 4:11). విశ్వాసులందరూ ఒకే విధంగా సువార్త ప్రకటించే నైపుణ్యం గలవారుగా ఉండరని నాయకులు గుర్తుంచుకోవాలి. ఏదేమైనా, ప్రతి విశ్వాసి, సంఘము సువార్త ప్రకటన నెరవేర్చడానికి సహాయపడుటలో కట్టుబడి ఉండాలి, మరియు సువార్తను పంచుకోవడానికి సిద్ధంగా ఉండాలి.

► క్రైస్తవులందరూ ఎందుకు సువార్త ప్రకటించరు?

తరగతి నాయకుడికి గమనిక: విద్యార్థులు ఈ క్రింద వ్రాయబడిన జాబితాను చూసే ముందు వారు తమకు తామే ఆలోచించగల కారణాలను జాబితా వ్రాయించాలి.

• సాధారణ అధ్యాత్మిక ఉత్సాహం లేకపోవడం

• సువార్త ప్రకటన వ్యక్తిగత బాధ్యతగా అనుకోరు

• అధ్యాత్మిక సంభాషణను ఎలా ప్రారంభించాలో తెలియదు.

• సువార్తను ఎలా ప్రకటించాలో తెలియదు.

• అభ్యంతరాలకు సమాధానం ఇవ్వలేమేమో అనే భయం.

• లోకానికి భిన్నంగా, ప్రత్యేకముగా ఉండటంలో ఇబ్బందిపడుదురు.

• అతని ప్రయత్నాలు ప్రభావవంతంగా ఉండవేమో అనే అనుమానము.

• హింసకు భయపడువారు.

► ఈ కారణాలు ఏవైనా సరిపోతాయా?

► నశించిపోయిన వారి రక్షణ నిమిత్తము ఒక వ్యక్తి ఏమీ చేయకపోతే, అతడు ఆ పని ప్రారంభించడానికి ఏమి అవసరం?

అతనికి అధ్యాత్మిక ఆసక్తి లేకపోతే, అతనికి వ్యక్తిగత, అధ్యాత్మిక పునరుజ్జీవ సలహా అవసరం.

ఒక వ్యక్తి అధ్యాత్మికంగా, సజీవంగా, ఉత్సాహంగా, మరియు గొప్ప ఆజ్ఞ నెరవేర్చుటలో పాల్గొనడానికి తన వ్యక్తిగత బాధ్యతను గ్రహించినట్లయితే, ఈ క్రింది రెండు అంశాలు అతడు ప్రారంభించడానికి అవసరమైనవి.

1. విశ్వాసం - సువార్తను శక్తివంతముగా ప్రకటించడానికి దేవుడు ఏమి చేస్తాడో అతడు నమ్మాలి.

2. సిద్ధపాటు - సువార్తను ప్రకటించడానికి ఆయనకు శిక్షణ అవసరం.

► ఒక విద్యార్థి సమూహము కొరకు యోహాను 4:28-30, 39 చదవాలి. ప్రజలను యేసు వద్దకు తీసుకురావడానికి సమరయ స్త్రీకి ఉన్న అర్హత ఏమిటి?

[1]ఆమెకు శిక్షణ లేదు. ఆమెకు కృప యొక్క అనుభవం మరియు యేసును గురించి ఇతరులకు చెప్పే ప్రాధాన్యత ఆమె హృదయములో ఉన్నది.

ఒక వ్యక్తికి ఆ రెండు విషయాలు ఉంటే, కృప యొక్క అనుభవం మరియు ఇతరులకు చెప్పాలనే కోరిక ఉంటే, అతనికి సువార్తికుని యొక్క అతి ముఖ్యమైన అర్హతలు ఉన్నాయి. శిక్షణ మంచిది, ఒక వ్యక్తికి ఆ రెండు అర్హతలు లేనట్లయితే, ఏ శిక్షణ అయినా అతన్ని సువార్త ప్రకటించువానిగా చేయజాలవు.

ముఖ్యమైన విషయం: మీకు సువార్త ప్రారంభించడానికి ఏమి కావాలి?

► సువార్తను వ్యాప్తి చేయడానికి మీరు ఇప్పటికే ఏమి చేస్తున్నారు? మీరు చేస్తున్న పనితో మీరు సంతృప్తి చెందుతున్నారా?

► సువార్తను మరింత ఉత్సాహంగా మరియు సమర్థవంతంగా ప్రకటించడానికి మీకు ఏది సహాయపడుతుంది?

[1]గొప్ప ఆజ్ఞను అంగీకరించగల వ్యక్తి గురించి మాట్లాడుదాం.

క్రొత్తగా మారుమనస్సు పొందిన వ్యక్తికూడా తన సాక్ష్యమును పంచుకోవచ్చు మరియు అతన్ని మారుమనస్సుకు నడిపించిన సత్యాలను వివరించవచ్చు.

ఏదేమైనా, సువార్తికుడుగా దీర్ఘకాలంగా ప్రభావవంతంగా దేవుడు ఉపయోగించగల వ్యక్తికి కొన్ని లక్షణాలు అవసరం. అవి.

(1) మారుమనస్సు పొందిన వ్యక్తి

సువార్తికుడు మారుమనస్సు పొందిన వ్యక్తియై ఉండాలి, ఎందుకంటే

1. సువార్త ప్రకటించడానికి సాక్ష్యం అవసరం.

2. మారుమనస్సు అనుభవము లేకుండా దానిని అర్థం చేసుకోలేరు.

3. మారుమనస్సు పొందిన సమయములో నిజమైన మార్పును కలిగి ఉండాలి.

మారుమనస్సు పొందని వ్యక్తి దేవుని పని చేస్తుంటే అతనికి ఏమి, ఎందుకు ఆ పని చేస్తున్నాడో అర్థం కాదు. ఆయన ఏమి చేస్తున్నాడో అర్థం చేసుకోరు మరియు తప్పు ఉద్దేశ్యాలతో ఉన్నారు.

(2) క్రైస్తవ జీవితములో స్థిరత

సువార్తను పంచుకునే అవకాశాన్ని మనం ఎప్పటికీ పోగొట్టుకొనకూడదు, ఒక వ్యక్తి తాను విశ్వసించిన వ్యక్తి నుండి సువార్తను విన్నప్పుడు ఆ సువార్త చాలా ప్రభావవంతంగా ఉంటుంది. మీరు ఎక్కువగా విశ్వసించే వ్యక్తులు మీకు బాగా తెలిసిన వ్యక్తులై ఉండాలి. సువార్తికుడు దేవునికి స్థిరమైన విధేయతతో, దేవునికి అంకితమైన జీవితాన్ని ప్రదర్శించాలి.

(3) స్థానిక సంఘానికి చెందినవాడై ఉండాలి

సువార్తికుడు సంఘములో సమర్పణ గల సభ్యుడిగా ఉండాలి, ఎందుకంటే

1. అతను ఇతరులను విశ్వస కుటుంబంలోనికి ఆహ్వానించగల సామర్ధ్యం కలిగి ఉండాలి

2. క్రొత్తగా నమ్మిన వారిని శిష్యులనుగా చేయుటలో అతను సంఘము యొక్క సహాయం తీసుకోవాలి.

3. అతనికి ఆధ్యాత్మిక జవాబుదారీతనం అవసరం

4. అతనికిసంఘము యొక్క మద్దతు మరియు ప్రోత్సాహం తప్పక అవసరం.

అతడు తన అధ్యాత్మిక సోదరులు మరియు సోదరీల నమ్మకమును కలిగి ఉండాలి. అతడు సంఘములో ఉన్న నాయకత్వమును మరియు పనిని గౌరవించాలి.

అతడు క్రైస్తవుడని మరియు సంఘము లేకుండా తన పరిచర్య చేయగలడని అనుకుంటే, అతడు సంఘాన్ని సరిగా అర్థం చేసుకోలేదు మరియు సువార్త ప్రకటనను సరిగా అర్థం చేసుకోలేదు.

(4) సత్యము విషయమై నమ్మకమైన వాడై ఉండాలి

సువార్తను పంచుకొనే సమయములో, దేవుని వాక్యం, సత్యం యొక్క నిధి అని సువార్తికుడు నమ్మాలి. రక్షణ మరియు దేవునితో సంబంధాల నిబంధనలను బైబిల్ తెలియజేయును. మన సందేశాన్ని మరింత ఆమోదయోగ్యంగా మార్చడానికి మనం ఎప్పటికీ సత్యాన్ని మార్చకూడదు (1 కొరింథీయులకు 4:1-2).

బైబిల్ లో వ్రాయబడిన దానిని బట్టి, ప్రతి వ్యక్తి చివరికి నిత్య పరలోకమునకు గాని లేదా నిత్యమైన నరకమునకు గాని, వెళ్తారని తెలుసుకోవాలి. సువార్తికుడు ఆ వాక్య నమ్మకంతో ప్రేరేపించబడాలి.

(5) పరిశుద్దాత్మతో నింపబడి ఉండాలి

పరిశుద్ధాత్మ సువార్త శక్తిని ఇస్తాడు. అతడు పాపాన్ని ఒప్పించి, అధ్యాత్మిక కోరికను ఇస్తాడు మరియు అప్పుడు పాపి విశ్వాసంతో ప్రతిస్పందించగలడు.

సువార్తికుడు పరిశుద్ధాత్మ చేత ఉపయోగించబడినప్పుడు మాత్రమే ప్రభావవంతంగా ఉంటాడు. అందువల్ల, అతడు వినయంగా దేవునిపై ఆధారపడాలి. అతడు ప్రార్థనాపూర్వకంగా ఉండాలి. అతడు దేవుని యొద్ద నుండి నడిపింపును కోరాలి.

సువార్తికుడు ఆత్మచేత నింపబడటానికి ప్రయత్నించాలి. హృదయాన్ని శుభ్రపరచుకోవాలి మరియు పరిచర్యకు శక్తినిచ్చే ఆత్మచేత నింపబడాలి. ఆత్మయొక్క ఈ పనికై కనిపెట్టమని యేసు అపొస్తలులకు చెప్పాడు (అపొస్తలుల కార్యములు 1:4-5). అపొస్తలులు పెంతేకొస్తు పండుగ సమయములో ఆత్మచేత నింపబడుట అనే అనుభవమును అనుభవించారు (అపొస్తలుల కార్యములు 1:8, 2:4, 15:8-9).

దేవుడు ప్రత్యేకమైన ఆత్మాభిషేకం ఇచ్చే సందర్భాలు కూడా ఉన్నాయి, తద్వారా సువార్తికుడు ఒక ఖచ్చితమైన సవాలును ఎదుర్కోగలడు (అపొస్తలుల కార్యములు 13:9-12).

(1) గడచిన 12 నెలల్లో మీరు వ్యక్తిగతంగా సువార్త ప్రకటన మరియు శిష్యత్వానికి సంబంధించిన విషయాలలో ఎలా పాల్గొన్నారో వివరించే కొన్ని పేరాలు వ్రాయండి. భవిష్యత్తు కొరకు మీ లక్ష్యాలు ఏమిటి? ఈ కోర్సు నుండి మీరు ఏమి నేర్చుకోవాలనుకుంటున్నారు?

(2) మీ ప్రాంతంలోని సంఘములు సువార్త వ్యాప్తి కొరకు ఏమి చేస్తున్నారు? గమనించి ప్రశ్నలు అడగండి, ఆపై 2-3 పేజీల వివరణ వ్రాయండి.