ਪੰਤੇਕੁਸਤ ਦੇ ਬਾਅਦ ਕਲੀਸਿਆ
► ਇੱਕ ਵਿਦਿਆਰਥੀ ਨੂੰ ਸਮੂਹ ਦੇ ਲਈ ਰਸੂਲਾਂ ਦੇ ਕਰਤੱਬ 2:42-47 ਪੜਣਾ ਚਾਹੀਦਾ ਹੈ। ਪੰਤੇਕੁਸਤ ਦੇ ਬਾਅਦ ਤੁਸੀਂ ਕਲੀਸਿਆ ਦੀ ਸੰਗਤੀ ਦੇ ਬਾਰੇ ਕਿਹੜੇ ਵੇਰਵਿਆਂ ਨੂੰ ਵੇਖਦੇ ਹੋ?
[1]ਪੰਤੇਕੁਸਤ ਦੇ ਬਿਲਕੁਲ ਬਾਅਦ, ਰਸੂਲਾਂ ਦੇ ਕਰਤੱਬ ਕਲੀਸਿਆ ਦੇ ਜੀਵਨ ਬਾਰੇ ਜਾਣਕਾਰੀ ਦਿੰਦਾ ਹੈ। “ਜਿਨ੍ਹਾਂ ਨੇ ਨਿਹਚਾ ਕੀਤੀ ਸੀ ਓਹ ਸਭ ਇਕੱਠੇ ਸਨ ਅਤੇ ਸਾਰੀਆਂ ਵਸਤਾਂ ਵਿੱਚ ਭਾਈਵਾਲ ਸਨ ।” ਬਹੁਤ ਸਾਰੇ ਲੋਕਾਂ ਨੇ ਕਲੀਸਿਆ ਦੇ ਭਾਈਚਾਰਕ ਜੀਵਨ ਦਾ ਸਮਰਥਨ ਕਰਨ ਦੇ ਲਈ ਆਪਣੀਆਂ ਜਾਇਦਾਦਾਂ ਨੂੰ ਵੇਚ ਦਿੱਤਾ। ਉਹ ਅਕਸਰ ਅਰਾਧਨਾ ਦੇ ਲਈ ਹੈਕਲ ਅਤੇ ਘਰਾਂ ਦੇ ਵਿੱਚ ਸੰਗਤੀ ਦੇ ਲਈ ਇਕੱਠੇ ਹੁੰਦੇ ਸਨ।
ਉਸ ਸਮੇਂ ਜਦੋਂ ਉਨ੍ਹਾਂ ਵਿੱਚ ਪਵਿੱਤਰ ਆਤਮਾ ਦਾ ਕੰਮ ਆਪਣੇ ਸਿਖਰ ਤੇ ਸੀ, ਕਲੀਸਿਆ ਦਾ ਭਾਈਚਾਰਕ ਜੀਵਨ ਆਪਣੇ ਸਭ ਤੋਂ ਡੂੰਘੇ ਪੱਧਰ ਤੇ ਸੀ। ਉਨ੍ਹਾਂ ਮੁੱਢਲੇ ਵਿਸ਼ਵਾਸੀਆਂ ਲਈ, ਕਲੀਸਿਆ ਦਾ ਹਿੱਸਾ ਹੋਣ ਦਾ ਅਰਥ ਐਤਵਾਰ ਨੂੰ ਸਭਾ ਵਿੱਚ ਸ਼ਾਮਲ ਹੋਣ ਨਾਲੋਂ ਕਿਤੇ ਜ਼ਿਆਦਾ ਸੀ। ਵਿਸ਼ਵਾਸੀ ਰੋਜ਼ਾਨਾ ਇਕੱਠੇ ਜੀਵਨ ਸਾਂਝਾ ਕਰਦੇ ਸਨ।
“ਪਵਿੱਤਰ ਵਚਨਾਂ ਅਤੇ ਵਿਸ਼ਵਾਸ ਕਥਨ ਦੋਨਾਂ ਦੇ ਵਿੱਚ ਹੀ ਮਸੀਹੀ ਸੰਗਤੀ ਨੂੰ ਕ੍ਰਿਪਾ ਦੇ ਸਾਧਨ ਵੱਜੋਂ ਦਰਸਾਇਆ ਗਿਆ ਹੈ।”
- ਵਿਲੇ ਅਤੇ ਕਲਬਰਟਸਨ,
ਨਿੰਟ੍ਰੋਡਕਸ਼ਨ ਟੂ ਕ੍ਰਿਸਚਨ ਥਿਓਲੋਜੀ
