► ਕੀ ਕੋਈ ਵਿਅਕਤੀ ਇੱਕ ਮਸੀਹੀ ਹੁੰਦਾ ਹੋਇਆ ਕਲੀਸਿਆ ਦੇ ਬਿਨਾਂ ਮਸੀਹੀ ਜੀਵਨ ਨੂੰ ਜੀ ਸਕਦਾ ਹੈ?

[1]ਲੋਕਾਂ ਦੁਆਰਾ ਕਲੀਸਿਆ ਦੇ ਆਉਣ ਦੇ ਬਹੁਤ ਸਾਰੇ ਚੰਗੇ ਕਾਰਨ ਹੋ ਸਕਦੇ ਹਨ। ਕੋਈ ਵਿਅਕਤੀ ਸਿੱਖਣ ਦੇ ਲਈ, ਪਰਮੇਸ਼ੁਰ ਦੀ ਹਜ਼ੂਰੀ ਨੂੰ ਮਹਿਸੂਸ ਕਰਨ ਦੇ ਲਈ, ਸਵੀਕਾਰ ਕੀਤੇ ਜਾਣ ਅਤੇ ਦੋਸਤੀ ਦੇ ਲਈ, ਉਤਸ਼ਾਹਿਤ ਹੋਣ ਦੇ ਲਈ, ਪਰਿਵਰਤਿਤ ਹੋਣ ਦੇ ਲਈ, ਦੂਸਰਿਆਂ ਦੇ ਨਾਲ ਮਿਲ ਕੇ ਪਰਮੇਸ਼ੁਰ ਦੀ ਅਰਾਧਨਾ ਕਰਨ ਦੇ ਲਈ, ਪਰਮੇਸ਼ੁਰ ਅਤੇ ਉਸਦੇ ਲੋਕਾਂ ਦੇ ਪ੍ਰਤੀ ਸਮਰਪਣ ਵਿਖਾਉਣ ਦੇ ਲਈ, ਕਲੀਸਿਆ ਦੀ ਸੇਵਾ ਵਿੱਚ ਸਹਿਯੋਗ ਕਰਨ ਦੇ ਲਈ ਜਾਂ ਪਰਮੇਸ਼ੁਰ ਦੇ ਕੰਮ ਨੂੰ ਵੇਖਣ ਦੇ ਲਈ ਕਲੀਸਿਆ ਦੇ ਵਿੱਚ ਆ ਸਕਦਾ ਹੈ।

ਜੇਕਰ ਕੋਈ ਵਿਅਕਤੀ ਕਲੀਸਿਆ ਦੇ ਵਿੱਚ ਨਹੀਂ ਆ ਰਿਹਾ ਤਾਂ ਉਸਦੇ ਲਈ ਉੱਪਰ ਦੱਸੀਆਂ ਗੱਲਾਂ ਜਰੂਰੀ ਨਹੀਂ ਹਨ। ਕਿਸ ਤਰ੍ਹਾਂ ਦਾ ਵਿਅਕਤੀ ਉਨ੍ਹਾਂ ਗੱਲਾਂ ਦੀ ਪਰਵਾਹ ਨਹੀਂ ਕਰੇਗਾ?

ਮੌਜੂਦ ਹੋਣਾ ਇਹ ਸਾਬਿਤ ਨਹੀਂ ਕਰਦਾ ਕਿ ਕੋਈ ਵਿਅਕਤੀ ਮਸੀਹੀ ਹੈ, ਪਰ ਜੇਕਰ ਕੋਈ ਵਿਅਕਤੀ ਕਲੀਸਿਆ ਦੇ ਵਿੱਚ ਨਹੀਂ ਜਾ ਰਿਹਾ ਜਦੋਂ ਕਿ ਇਹ ਸੰਭਵ ਹੈ, ਤਾਂ ਉਹ ਸ਼ਾਇਦ ਮਸੀਹੀ ਨਹੀਂ ਹੈ।

► ਕਲੀਸਿਆ ਦਾ ਮੈਂਬਰ ਹੋਣਾ ਕਿਉਂ ਜਰੂਰੀ ਹੈ? ਕੀ ਸਿਰਫ਼ ਕਲੀਸਿਆ ਦੇ ਵਿੱਚ ਜਾਣਾ ਅਤੇ ਮਸੀਹੀ ਹੋਣਾ ਹੀ ਕਾਫੀ ਨਹੀਂ ਹੈ?

ਪਿੱਛਲੇ ਭਾਗ ਦੇ ਵਿੱਚ ਅਸੀਂ ਵੇਖਿਆ ਕਿ ਪੌਲੁਸ ਦੀ ਸੇਵਕਾਈ ਦੀ ਪ੍ਰਾਥਮਿਕਤਾ ਕਲੀਸਿਆ ਦੀ ਵਿਆਖਿਆ ਕਰਨੀ ਸੀ। ਪੌਲੁਸ ਨੇ ਕਲੀਸਿਆ ਤੇ ਜ਼ੋਰ ਦਿੱਤਾ ਕਿਉਂਕਿ ਕਲੀਸਿਆ ਪੂਰੇ ਸੰਸਾਰ ਦੇ ਵਿੱਚ ਮੁਕਤੀ ਦੀ ਯੋਜਨਾ ਨੂੰ ਲਾਗੂ ਕਰਨ ਦਾ ਪਰਮੇਸ਼ੁਰ ਦਾ ਤਰੀਕਾ ਹੈ।

ਪੌਲੁਸ ਰਸੂਲ ਨੂੰ ਬੁਲਾਇਆ ਗਿਆ ਸੀ

ਇਸ ਗੱਲ ਦਾ ਪਰਕਾਸ਼ ਕਰਾਂ ਕਿ ਉਸ ਭੇਤ ਦੀ ਕੀ ਜੁਗਤੀ ਹੈ ਜਿਹੜਾ ਆਦ ਤੋਂ ਪਰਮੇਸ਼ੁਰ ਵਿੱਚ ਗੁਪਤ ਰਿਹਾ ਹੈ... ਭਈ ਹੁਣ ਕਲੀਸਿਯਾ ਦੇ ਰਾਹੀਂ ...ਪਰਮੇਸ਼ੁਰ ਦਾ ਨਾਨਾ ਪਰਕਾਰ ਦਾ ਗਿਆਨ ਪਰਗਟ ਕੀਤਾ ਜਾਵੇ... (ਅਫ਼ਸੀਆਂ ਨੂੰ 3:9-10)।

ਇਹ “ਭੇਤ” ਕਲੀਸਿਆ ਦੇ ਦੁਆਰਾ ਪਰਮੇਸ਼ੁਰ ਦੀ ਭਰਪੂਰੀ ਅਤੇ ਉਸਦੀ ਬੁੱਧ ਨੂੰ ਪ੍ਰਗਟ ਕਰਨ ਦੀ ਯੋਜਨਾ ਹੈ। ਕਲੀਸਿਆ ਉਨ੍ਹਾਂ ਲੋਕਾਂ ਦੀ ਸੰਗਤੀ ਹੈ ਜਿਨ੍ਹਾਂ ਨੇ ਪਰਮੇਸ਼ੁਰ ਦੀ ਯੋਜਨਾ ਪ੍ਰਤੀ ਹੁੰਗਾਰਾ ਭਰਿਆ ਹੈ ਅਤੇ ਆਪਣੇ ਆਪ ਨੂੰ ਇਸ ਪ੍ਰਤੀ ਸਮਰਪਿਤ ਕੀਤਾ ਹੈ। ਜੇਕਰ ਕੋਈ ਵਿਅਕਤੀ ਕਲੀਸਿਆ ਦੇ ਪ੍ਰਤੀ ਵਚਨਬੱਧ ਨਹੀਂ ਹੈ, ਤਾਂ ਉਹ ਪਰਮੇਸ਼ੁਰ ਦੀ ਯੋਜਨਾ ਪ੍ਰਤੀ ਵਚਨਬੱਧ ਨਹੀਂ ਹੈ।

► ਲੋਕਾਂ ਦੁਆਰਾ ਕਲੀਸਿਆ ਦੀ ਮੈਂਬਰਸ਼ਿਪ ਤੋਂ ਇਨਕਾਰ ਕਰਨ ਦੇ ਕੁਝ ਕਾਰਨ ਕੀ ਹਨ?

ਪਰਮੇਸ਼ੁਰ ਹਰੇਕ ਵਿਸ਼ਵਾਸੀ ਦੇ ਅੰਦਰ ਵਾਸ ਕਰਦਾ ਹੈ, ਪਰ ਉਹ ਕਲੀਸਿਆ (ਸਮਰਪਿਤ ਵਿਸ਼ਵਾਸੀਆਂ ਦੇ ਇੱਕ ਸਮੂਹ) ਵਿੱਚ ਖਾਸ ਤੌਰ ਤੇ ਵਾਸ ਕਰਦਾ ਹੈ। ਵੇਖੋ ਕਿ ਇੰਨ੍ਹਾਂ ਵਚਨਾਂ ਦੇ ਅਨੁਸਾਰ ਪਰਮੇਸ਼ੁਰ ਕਿੱਥੇ ਵਾਸ ਕਰਦਾ ਹੈ:

ਜਿਹ ਦੇ ਵਿੱਚ [ਯਿਸੂ ਮਸੀਹ] ਸਾਰੀ ਇਮਾਰਤ ਇੱਕ ਸੰਗ ਜੁੜ ਕੇ ਪ੍ਰਭੁ ਵਿੱਚ ਪਵਿੱਤਰ ਹੈਕਲ ਬਣਦੀ ਜਾਂਦੀ ਹੈ ਜਿਸ ਵਿੱਚ ਤੁਸੀਂ ਵੀ ਆਤਮਾ ਵਿੱਚ ਪਰਮੇਸ਼ੁਰ ਦਾ ਭਵਨ ਹੋਣ ਲਈ ਇੱਕ ਸੰਗ ਬਣਾਏ ਜਾਂਦੇ ਹੋ (ਅਫ਼ਸੀਆਂ ਨੂੰ 2:21-22)।

ਪਰਮੇਸ਼ੁਰ ਕਲੀਸਿਆ ਦੇ ਵਿੱਚ ਵੱਸਦਾ ਹੈ। ਕਲੀਸਿਆ, ਜੋ ਕਿ ਵਿਸ਼ਵਾਸੀਆਂ ਦਾ ਸਮੂਹ ਹੈ, ਉਹ ਅਜਿਹਾ ਘਰ ਹੈ ਜਿੱਥੇ ਪਰਮੇਸ਼ੁਰ ਆਪਣੇ ਆਤਮਾ ਦੁਆਰਾ ਵਾਸ ਕਰਦਾ ਹੈ।[1] ਕਲੀਸਿਆ ਦੇ ਵਿੱਚ ਪਰਮੇਸ਼ੁਰ ਦਾ ਨਿਵਾਸ ਵਿਅਕਤੀਆਂ ਦੁਆਰਾ ਪੂਰਾ ਕੀਤੇ ਜਾ ਸਕਣ ਵਾਲੇ ਉਦੇਸ਼ਾਂ ਤੋਂ ਪਰੇ ਹੈ। ਜੇਕਰ ਕੋਈ ਵਿਅਕਤੀ ਕਲੀਸਿਆ ਦੇ ਪ੍ਰਤੀ ਵਚਨਬੱਧ ਹੋਣ ਤੋਂ ਇਨਕਾਰ ਕਰਦਾ ਹੈ, ਤਾਂ ਉਹ ਪਰਮੇਸ਼ੁਰ ਦੀ ਇਸ ਯੋਜਨਾ ਦਾ ਹਿੱਸਾ ਬਣਨ ਤੋਂ ਇਨਕਾਰ ਕਰ ਰਿਹਾ ਹੈ।

ਜਦੋਂ ਕੋਈ ਵਿਅਕਤੀ ਪਾਪ ਦੇ ਵਿਖੇ ਕਾਇਲ ਹੋ ਜਾਂਦਾ ਹੈ, ਫਿਰ ਪਰਮੇਸ਼ੁਰ ਦੇ ਪਿਆਰ, ਉਸਦੀ ਕ੍ਰਿਪਾ ਅਤੇ ਸਵੀਕਾਰ ਕੀਤੇ ਜਾਣ ਦਾ ਅਨੁਭਵ ਕਰਦਾ ਹੈ ਉਹ ਆਤਮਿਕ ਪਰਿਵਾਰ ਨਾਲ ਜੁੜ ਜਾਂਦਾ ਹੈ। ਜਦੋਂ ਉਹ ਤੋਬਾ ਕਰਕੇ ਮਸੀਹ ਤੇ ਵਿਸ਼ਵਾਸ ਕਰਦਾ ਹੈ, ਤਾਂ ਉਹ ਪਰਮੇਸ਼ੁਰ ਦੀ ਸੰਤਾਨ ਬਣ ਜਾਂਦਾ ਹੈ। ਇਹ ਕਿਸੇ ਵਿਅਕਤੀ ਨੂੰ ਮਿਲਣ ਵਾਲੀ ਸਭ ਤੋਂ ਮਹੱਤਵਪੂਰਨ ਪਹਿਚਾਣ ਹੈ।

ਇੱਕ ਵਿਸ਼ਵਾਸੀ ਦੇ ਕੋਲ ਪਰਮੇਸ਼ੁਰ ਦੇ ਪਰਿਵਾਰ ਦਾ ਮੈਂਬਰ ਹੋਣ ਦੇ ਨਾਤੇ ਇੱਕ ਆਤਮਿਕ ਪਹਿਚਾਣ ਵੀ ਹੈ (ਅਫ਼ਸੀਆਂ ਨੂੰ 2:19)। ਬਾਕੀ ਦੇ ਵਿਸ਼ਵਾਸੀ ਉਸਦੇ ਆਤਮਿਕ ਭੈਣਾਂ ਅਤੇ ਭਾਈ ਹਨ। ਉਹ ਆਪਣੇ ਨਾਲ ਮਿਲਣ ਵਾਲੇ ਹਰੇਕ ਮਸੀਹੀ ਦੇ ਨਾਲ ਇੱਕ ਸੰਬੰਧ ਨੂੰ ਮਹਿਸੂਸ ਕਰਦਾ ਹੈ।

ਕਲੀਸਿਆ ਪਰਮੇਸ਼ੁਰ ਦੇ ਵਿਸ਼ਵਵਿਆਪੀ ਪਰਿਵਾਰ ਦੇ ਰੂਪ ਵਿੱਚ ਹੋਂਦ ਵਿੱਚ ਹੈ ਅਤੇ ਨਾਲ ਹੀ ਇੱਕ ਸਥਾਨਕ ਕਲੀਸਿਆ ਦੇ ਰੂਪ ਵਿੱਚ ਵੀ ਜੋ ਪਰਮੇਸ਼ੁਰ ਦੇ ਸਥਾਨਕ ਪਰਿਵਾਰ ਦੇ ਤੌਰ ਤੇ ਕੰਮ ਕਰਦਾ ਹੈ। ਜੇਕਰ ਕਿਸੇ ਭਰਾ ਜਾਂ ਭੈਣ ਨੂੰ ਕੋਈ ਲੋੜ ਹੈ, ਤਾਂ ਇਹ ਉਸਦਾ ਸਥਾਨਕ ਆਤਮਿਕ ਪਰਿਵਾਰ ਹੈ ਜੋ ਉਸਦੀ ਮਦਦ ਕਰਦਾ ਹੈ। ਜਿਵੇਂ ਇੱਕ ਵਿਸ਼ਵਾਸੀ ਆਪਣੇ ਆਤਮਿਕ ਪਰਿਵਾਰ ਤੋਂ ਉਸਦੀ ਮਦਦ ਕਰਨ ਲਈ ਤਿਆਰ ਹੋਣ ਦੀ ਉਮੀਦ ਕਰ ਸਕਦਾ ਹੈ, ਉਸਨੂੰ ਪਰਿਵਾਰ ਪ੍ਰਤੀ ਵਚਨਬੱਧ ਅਤੇ ਦੂਜਿਆਂ ਦੀ ਮਦਦ ਕਰਨ ਲਈ ਤਿਆਰ ਰਹਿਣਾ ਚਾਹੀਦਾ ਹੈ। ਜੇਕਰ ਵਿਸ਼ਵਾਸੀ ਨਾ ਹੁੰਦੇ ਤਾਂ ਪਰਿਵਾਰ ਤੋਂ ਮਦਦ ਮੌਜੂਦ ਨਾ ਹੁੰਦੀ ਨਾ ਅਜਿਹੇ ਲੋਕ ਹੁੰਦੇ ਜੋ ਆਪਣਾ ਸਮਾਂ ਅਤੇ ਸ੍ਰੋਤ ਇਸ ਦੇ ਲਈ ਸਮਰਪਿਤ ਕਰਦੇ ਹਨ।

ਕੁਝ ਲੋਕ ਸਹਾਇਤਾ ਦੀ ਮੰਗ ਕਰਦੇ ਹਨ ਪਰ ਉਹ ਆਪ ਕਦੇ ਵੀ ਦੂਸਰਿਆਂ ਦੀ ਸਹਾਇਤਾ ਦੇ ਲਈ ਉਪਲੱਭਧ ਨਹੀਂ ਹੁੰਦੇ। ਉਹ ਇਸ ਗੱਲ ਨੂੰ ਨਹੀਂ ਸਮਝਦੇ ਕਿ ਪਰਿਵਾਰ ਦੇ ਪ੍ਰਤੀ ਸਮਰਪਿਤ ਹੋਣ ਦਾ ਕੀ ਮਤਲਬ ਹੈ।

ਕੁਝ ਹੋਰ ਲੋਕ ਆਪਣੀ ਦੇਖਭਾਲ ਕਰਦੇ ਹਨ ਅਤੇ ਚਾਹੁੰਦੇ ਹਨ ਕਿ ਦੂਸਰੇ ਲੋਕ ਵੀ ਆਪਣੀ ਦੇਖਭਾਲ ਆਪ ਕਰਨ। ਉਹ ਦੂਸਰਿਆਂ ਦੀ ਜਰੂਰਤ ਦੇ ਪ੍ਰਤੀ ਆਪਣੀ ਜਿੰਮੇਵਾਰੀ ਨੂੰ ਨਹੀਂ ਸਮਝਦੇ ਹਨ।

► ਤੁਸੀਂ ਕਿਸੇ ਵਿਅਕਤੀ ਨੂੰ ਇਹ ਕਿਵੇਂ ਸਮਝਾ ਸਕਦੇ ਹੋ ਕਿ ਉਸਨੂੰ ਪਰਮੇਸ਼ੁਰ ਦੇ ਪਰਿਵਾਰ ਦੇ ਪ੍ਰਤੀ ਸਮਰਪਿਤ ਹੋਣ ਦੀ ਜਰੂਰਤ ਹੈ?

ਇੱਕ ਵਿਅਕਤੀ ਨੂੰ ਵਿਅਕਤੀਗਤ ਤੌਰ ਤੇ ਪਰਮੇਸ਼ੁਰ ਦੀ ਸਚਿਆਈ ਤੇ ਵਿਸ਼ਵਾਸ ਕਰਨਾ ਚਾਹੀਦਾ ਹੈ ਅਤੇ ਨਿੱਜੀ ਤੌਰ ਤੇ ਪਰਮੇਸ਼ੁਰ ਦੀ ਆਗਿਆਕਾਰੀ ਕਰਨ ਦੀ ਚੋਣ ਕਰਦਾ ਹੈ। ਇੱਕ ਵਿਅਕਤੀ ਦਾ ਪਰਮੇਸ਼ੁਰ ਨਾਲ ਸੰਬੰਧ ਉਦੋਂ ਸ਼ੁਰੂ ਹੁੰਦਾ ਹੈ ਜਦੋਂ ਉਹ ਤੋਬਾ ਕਰਦਾ ਹੈ ਅਤੇ ਮਸੀਹ ਵਿੱਚ ਵਿਸ਼ਵਾਸ ਕਰਦਾ ਹੈ। ਪਰਮੇਸ਼ੁਰ ਨਾਲ ਉਸਦਾ ਸੰਬੰਧ ਕਿਸੇ ਹੋਰ ਗੱਲ ਤੇ ਨਿਰਭਰ ਨਹੀਂ ਹੋ ਸਕਦਾ। ਹਰੇਕ ਵਿਸ਼ਵਾਸੀ ਕੋਲ ਪਰਮੇਸ਼ੁਰ ਦੇ ਵਚਨ ਨੂੰ ਸਮਝਣ ਵਿੱਚ ਉਸਦੀ ਅਗਵਾਈ ਕਰਨ ਲਈ ਪਵਿੱਤਰ ਆਤਮਾ ਹੁੰਦਾ ਹੈ।

ਪਰ ਫਿਰ ਵੀ, ਕੁਝ ਵਿਸ਼ਵਾਸੀ ਉਨ੍ਹਾਂ ਦੇ ਰਵੱਈਏ ਦੇ ਵਿੱਚ ਬਹੁਤ ਜਿਆਦਾ ਆਜਾਦ ਹੋ ਚੁੱਕੇ ਹਨ। ਉਨ੍ਹਾਂ ਦੀਆਂ ਆਪਣੀਆਂ ਧਾਰਨਾਵਾਂ ਉਨ੍ਹਾਂ ਦਾ ਅੰਤਿਮ ਅਧਿਕਾਰ ਬਣ ਗਈਆਂ ਹਨ। ਉਹ ਸਿਰਫ਼ ਪਵਿੱਤਰ ਵਚਨਾਂ ਦੀ ਆਪਣੀ ਵਿਆਖਿਆ ਤੇ ਹੀ ਭਰੋਸਾ ਕਰਦੇ ਹਨ। ਉਹ ਆਪਣੇ ਵਰਦਾਨਾਂ ਨੂੰ ਕਲੀਸਿਆ ਦੀ ਸਫਲਤਾ ਲਈ ਸਮਰਪਿਤ ਕਰਨ ਦੀ ਬਜਾਏ ਵਿਅਕਤੀਗਤ ਤੌਰ ਤੇ ਸਫਲ ਹੋਣ ਲਈ ਵਰਤਣਾ ਚਾਹੁੰਦੇ ਹਨ। ਉਨ੍ਹਾਂ ਦੇ ਮਹੱਤਵਪੂਰਨ ਫੈਸਲੇ ਕਲੀਸਿਆ ਦੀ ਬੁੱਧ ਦੁਆਰਾ ਨਿਰਦੇਸ਼ਿਤ ਨਹੀਂ ਹੁੰਦੇ ਸਗੋਂ ਉਨ੍ਹਾਂ ਦੇ ਆਪਣੇ ਵਿਚਾਰਾਂ, ਆਪਣੀਆਂ ਭਾਵਨਾਵਾਂ ਅਤੇ ਆਪਣੀਆਂ ਇੱਛਾਵਾਂ ਤੇ ਅਧਾਰਤ ਹੁੰਦੇ ਹਨ।

ਬਹੁਤ ਸਾਰੇ ਲੋਕ ਕਲੀਸਿਆ ਦੇ ਉਦੇਸ਼ ਦੀ ਵਿਆਖਿਆ ਨਹੀਂ ਕਰ ਸਕਦੇ। ਉਹ ਇਸਨੂੰ ਸਿਰਫ਼ ਵਿਅਕਤੀਆਂ ਨੂੰ ਕੁਝ ਲਾਭ ਪ੍ਰਦਾਨ ਕਰਨ ਲਈ ਹੀ ਮੁੱਲਵਾਨ ਸਮਝਦੇ ਹਨ। ਉਹ ਇੱਕ ਪਰਿਵਾਰ ਵਾਂਗ ਇਸ ਪ੍ਰਤੀ ਵਚਨਬੱਧ ਨਹੀਂ ਹੁੰਦੇ। ਉਹ ਕਿਸੇ ਵੀ ਆਤਮਿਕ ਅਧਿਕਾਰ ਨੂੰ ਸਵੀਕਾਰ ਨਹੀਂ ਕਰਦੇ। ਜੇਕਰ ਕੋਈ ਸਮੱਸਿਆ ਆ ਜਾਂਦੀ ਹੈ ਤਾਂ ਉਹ ਜਲਦੀ ਇੱਕ ਕਲੀਸਿਆ ਨੂੰ ਛੱਡ ਕੇ ਅਤੇ ਦੂਸਰੀ ਕਲੀਸਿਆ ਦੀ ਭਾਲ ਕਰਨ ਲੱਗ ਜਾਂਦੇ ਹਨ। ਇਹ ਸਮੱਸਿਆ ਹਰ ਜਗ੍ਹਾ ਮੌਜੂਦ ਹੈ, ਪਰ ਕੁਝ ਸਭਿਆਚਾਰਾਂ ਦੇ ਲੋਕਾਂ ਵਿੱਚ ਆਤਮਿਕ ਤੌਰ 'ਤੇ ਸੁਤੰਤਰ ਹੋਣ ਦੀ ਕੋਸ਼ਿਸ਼ ਕਰਨ ਦੀ ਵਧੇਰੇ ਪ੍ਰਵਿਰਤੀ ਹੁੰਦੀ ਹੈ ਕਿਉਂਕਿ ਉਨ੍ਹਾਂ ਦਾ ਸਭਿਆਚਾਰ ਵਿਅਕਤੀਗਤ ਆਜ਼ਾਦੀ ਤੇ ਵਧੇਰੇ ਜ਼ੋਰ ਦਿੰਦਾ ਹੈ।

ਬਹੁਤ ਸਾਰੇ ਲੋਕਾਂ ਨੇ ਇਸ ਕਾਲਪਨਿਕ ਧਾਰਨਾ ਨੂੰ ਸਵੀਕਾਰ ਕਰ ਲਿਆ ਹੈ ਕਿ ਲੋਕ ਆਤਮਿਕ ਤੌਰ ਤੇ ਆਜਾਦ ਹਨ। ਪ੍ਰਚਾਰ ਦੇ ਵਿੱਚ ਉਦਾਹਰਨਾਂ ਦਿੱਤੀਆਂ ਜਾਂਦੀਆਂ ਹਨ ਕਿ ਕਿਵੇਂ ਕੋਈ ਵਿਅਕਤੀ ਅਜਿਹੇ ਨਿੱਜੀ ਫੈਸਲੇ ਲੈ ਸਕਦਾ ਹੈ ਅਤੇ ਵਧੀਆ ਨਤੀਜੇ ਪ੍ਰਾਪਤ ਕਰ ਸਕਦਾ ਹੈ। ਬਹੁਤ ਸਾਰੀਆਂ ਕਲੀਸਿਆਵਾਂ ਦੀ ਅਗਵਾਈ ਅਜਿਹੇ ਲੋਕਾਂ ਦੀ ਟੀਮ ਦੁਆਰਾ ਕੀਤੀ ਜਾਂਦੀ ਹੈ ਜੋ ਇੱਕ ਪ੍ਰੋਗਰਾਮ ਚਲਾਉਂਦੇ ਹਨ, ਅਤੇ ਕਲੀਸਿਆ ਦਰਸ਼ਕਾਂ ਦੀ ਭੀੜ ਮਾਤਰ ਹੁੰਦੀ ਹੈ। ਇੱਕ ਹੋਰ ਕਿਸਮ ਦੀ ਕਲੀਸਿਆ ਇੱਕ ਪਾਸਟਰ ਦਾ ਨਿੱਜੀ ਉੱਦਮ ਹੁੰਦਾ ਹੈ, ਅਤੇ ਉਹ ਲੋਕਾਂ ਨੂੰ ਰੱਖਣ ਅਤੇ ਉਨ੍ਹਾਂ ਤੋਂ ਆਰਥਿਕ ਸਹਾਇਤਾ ਇਕੱਠੀ ਕਰਨ ਲਈ ਉਨ੍ਹਾਂ ਨੂੰ ਕਾਫ਼ੀ ਲਾਭ ਪ੍ਰਦਾਨ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ।

ਨਵੇਂ ਨੇਮ ਦੇ ਵਿੱਚ ਇੱਕ ਕਲੀਸਿਆ ਦੀ ਤਸਵੀਰ ਇੱਕ ਸਥਾਨਕ ਕਲੀਸਿਆ ਦੀ ਹੈ ਜੋ ਜਿੰਮੇਵਾਰੀਆਂ ਦੇ ਵਿੱਚ ਸਾਂਝੀ ਹੁੰਦੇ ਹਨ। ਕਿਸੇ ਕਲੀਸਿਆ ਦੇ ਲਈ ਇੱਕ ਸਮਰਪਿਤ ਅਤੇ ਸਹਿਯੋਗ ਕਰਨ ਵਾਲੇ ਲੋਕਾਂ ਦਾ ਸਮੂਹ ਹੋਣ ਤੋਂ ਬਿਨਾਂ ਇਸ ਦੀਆਂ ਜਿੰਮੇਦਾਰੀਆਂ ਨੂੰ ਪੂਰਾ ਕਰ ਪਾਉਣਾ ਅਸੰਭਵ ਹੈ। ਨਵੇਂ ਨੇਮ ਦੀਆਂ ਜਿਆਦਾਤਰ ਪੱਤ੍ਰੀਆਂ ਵਿਅਕਤੀਆਂ ਨੂੰ ਨਿੱਜੀ ਤੌਰ ਤੇ ਨਹੀਂ ਬਲਕਿ ਕਲੀਸਿਆਵਾਂ ਨੂੰ ਲਿਖੀਆਂ ਗਈਆਂ ਹਨ, ਇਸ ਲਈ ਇੰਨ੍ਹਾਂ ਦੀ ਵਿਆਖਿਆ ਤੇ ਅਭਿਆਸ ਵੀ ਇਸੇ ਪ੍ਰਕਾਰ ਕੀਤਾ ਜਾਣਾ ਚਾਹੀਦਾ ਹੈ।

► ਸੂਚੀ ਦੇ ਵਿੱਚ ਦੱਸੀ ਹਰੇਕ ਚੀਜ਼ ਦੇ ਲਈ, ਚਰਚਾ ਕਰੋ ਕਿ ਇੱਕ ਕਲੀਸਿਆ ਇਸ ਜਿੰਮੇਵਾਰੀ ਨੂੰ ਕਿਵੇਂ ਕਰ ਸਕਦੀ ਹੈ, ਅਤੇ ਕਿਸੇ ਇੱਕ ਵਿਅਕਤੀ ਦੇ ਕਰਨ ਨਾਲੋਂ ਮਿਲ ਕੇ ਕਿਵੇਂ ਬਿਹਤਰ ਕਰ ਸਕਦੀ ਹੈ।

1. ਸ਼ੁਭਸਮਾਚਾਰ ਪ੍ਰਚਾਰ (ਮੱਤੀ 28:18-20)।

2. ਕਲੀਸਿਆ ਦੇ ਤੌਰ ਤੇ ਅਰਾਧਨਾ ਕਰਨੀ (੧ ਕੁਰਿੰਥੀਆਂ ਨੂੰ 3:16)।

3. ਧਰਮ ਸਿਧਾਂਤਾਂ ਨੂੰ ਫੜੀ ਰੱਖਣਾ (ਤਿਮੋਥਿਉਸ ਨੂੰ ਪਹਿਲੀ ਪੱਤ੍ਰੀ 3:15, ਯਹੂਦਾਹ 1:3)।

4. ਪਾਸਟਰਾਂ ਦੀ ਆਰਥਿਕ ਤੌਰ ਤੇ ਸਹਾਇਤਾ ਕਰਨੀ (ਤਿਮੋਥਿਉਸ ਨੂੰ ਪਹਿਲੀ ਪੱਤ੍ਰੀ 5:17-18)।

5. ਮਿਸ਼ਨਰੀਆਂ ਨੂੰ ਸਮਰਥਨ ਭੇਜਣਾ (ਰਸੂਲਾਂ ਦੇ ਕਰਤੱਬ 13:2-4, ਰੋਮੀਆਂ ਨੂੰ 15:24)।

6. ਲੋੜਵੰਦ ਮੈਂਬਰਾਂ ਦੀ ਸਹਾਇਤਾ ਕਰਨੀ (ਤਿਮੋਥਿਉਸ ਨੂੰ ਪਹਿਲੀ ਪੱਤ੍ਰੀ 5:3)।

7. ਪਾਪ ਵਿੱਚ ਡਿੱਗਣ ਵਾਲੇ ਮੈਂਬਰਾਂ ਨੂੰ ਅਨੁਸ਼ਾਸਿਤ ਕਰਨਾ (੧ ਕੁਰਿੰਥੀਆਂ ਨੂੰ 5:9-13)।

8. ਬਪਤਿਸਮੇ ਅਤੇ ਪ੍ਰਭੂ ਭੋਜ ਨੂੰ ਕਰਨਾ (ਮੱਤੀ 28:19, ੧ ਕੁਰਿੰਥੀਆਂ ਨੂੰ 11:23-26)।

9. ਚੇਲ੍ਹੇਪਨ ਦੁਆਰਾ ਵਿਸ਼ਵਾਸੀਆਂ ਨੂੰ ਪਰਿਪੱਕ ਕਰਨਾ (ਅਫ਼ਸੀਆਂ ਨੂੰ 4:12-13)।

ਇੰਨ੍ਹਾਂ ਵਿੱਚੋਂ ਜਿਆਦਾਤਰ ਕੰਮ ਆਜਾਦ ਤੌਰ ਤੇ ਕਿਸੇ ਇੱਕ ਵਿਅਕਤੀ ਵੱਲੋਂ ਨਹੀਂ ਕੀਤੇ ਜਾ ਸਕਦੇ। ਇਹ ਵਿਸ਼ਵਾਸੀਆਂ ਦੇ ਸਮੂਹਿਕ ਸਹਿਯੋਗ ਅਤੇ ਅਗਵਾਈ ਦੇ ਢਾਂਚੇ ਤੇ ਨਿਰਭਰ ਕਰਦੇ ਹਨ।

[1]ਪਰਮੇਸ਼ੁਰ ਹਰੇਕ ਵਿਸ਼ਵਾਸੀ ਨੂੰ ਇੱਕ ਸਥਾਨਕ ਕਲੀਸਿਆ ਵਿੱਚ ਸਮਰਪਿਤ ਹੋਣ ਅਤੇ ਉਸ ਕਲੀਸਿਆ ਨੂੰ ਸੰਸਾਰ ਵਿੱਚ ਉਸਦੇ ਉਦੇਸ਼ ਨੂੰ ਪੂਰਾ ਕਰਨ ਵਿੱਚ ਸਹਾਇਤਾ ਕਰਨ ਲਈ ਕਹਿੰਦਾ ਹੈ। ਜਦੋਂ ਤੱਕ ਕੋਈ ਮੈਂਬਰ ਕਲੀਸਿਆ ਦੇ ਵਿੱਚ ਸੇਵਾ ਨਹੀਂ ਕਰਦਾ, ਉਹ ਮਸੀਹ ਦੇ ਸਰੀਰ ਦੇ ਮੈਂਬਰ ਵਜੋਂ ਆਪਣੇ ਉਦੇਸ਼ ਨੂੰ ਪੂਰਾ ਨਹੀਂ ਕਰ ਰਿਹਾ ਹੁੰਦਾ।

ਪਰਮੇਸ਼ੁਰ ਦੇ ਕੋਲ ਵਿਸ਼ਵਾਸੀਆਂ ਦੇ ਸਥਾਨਕ ਸਮੂਹ ਦੇ ਲਈ ਯੋਜਨਾ ਹੈ। ਉਹ ਲੋੜੀਂਦੀਆਂ ਵਸਤਾਂ ਪ੍ਰਦਾਨ ਕਰਦਾ ਹੈ ਅਤੇ ਮੈਂਬਰਾਂ ਤੋਂ ਸਮਰਪਣ ਦੀ ਮੰਗ ਕਰਦਾ ਹੈ।

► ਇੱਕ ਵਿਦਿਆਰਥੀ ਨੂੰ ਸਮੂਹ ਦੇ ਲਈ ੧ ਕੁਰਿੰਥੀਆਂ ਨੂੰ 12:12-27 ਪੜਣਾ ਚਾਹੀਦਾ ਹੈ।

ਪੌਲੁਸ ਨੇ ਦੱਸਿਆ ਕਿ ਕਲੀਸਿਆ ਦੇ ਮੈਂਬਰਾਂ ਨੂੰ ਸਰੀਰਕ ਦੇਹ ਦੇ ਹਿੱਸਿਆਂ ਦੀ ਤਰ੍ਹਾਂ ਮਿਲ ਕੇ ਕੰਮ ਕਰਨਾ ਚਾਹੀਦਾ ਹੈ। ਕਿਸੇ ਇੱਕ ਅੰਗ ਨੂੰ ਦੂਸਰਿਆਂ ਨਾਲੋਂ ਆਜਾਦ ਹੋਣ ਦਾ ਯਤਨ ਨਹੀਂ ਕਰਨਾ ਚਾਹੀਦਾ ਹੈ। ਇੱਕ ਅੰਗ ਬਾਕੀਆਂ ਤੋਂ ਬਿਨਾਂ ਜਿਆਦਾ ਕੁਝ ਪ੍ਰਾਪਤ ਨਹੀਂ ਕਰ ਸਕਦਾ।

ਇੱਕ ਮਸੀਹੀ ਨੂੰ ਇਹ ਅਹਿਸਾਸ ਹੋਣਾ ਚਾਹੀਦਾ ਹੈ ਕਿ ਉਸਦੀਆਂ ਯੋਗਤਾਵਾਂ ਕਲੀਸਿਆ ਦੇ ਜੀਵਨ ਵਿੱਚ ਹੀ ਆਪਣੀ ਕੀਮਤ ਨੂੰ ਪਾਉਂਦੀਆਂ ਹਨ। ਜਿਸ ਤਰ੍ਹਾਂ ਇੱਕ ਅੱਖ ਜਾਂ ਕੰਨ ਸਰੀਰ ਦੇ ਲਈ ਕੰਮ ਨਾ ਕਰਨ ਤੇ ਬੇਕਾਰ ਹੁੰਦਾ ਹੈ, ਉਸੇ ਤਰ੍ਹਾਂ ਇੱਕ ਵਿਅਕਤੀ ਨੂੰ ਪਰਮੇਸ਼ੁਰ ਦੀ ਇੱਛਾ ਵਿੱਚ ਕੋਈ ਮਹੱਤਵਪੂਰਨ ਉਦੇਸ਼ ਮਿਲਣ ਦੀ ਸੰਭਾਵਨਾ ਨਹੀਂ ਹੁੰਦੀ ਜਦੋਂ ਤੱਕ ਉਹ ਕਲੀਸਿਆ ਦੇ ਵਿੱਚ ਇੱਕ ਵਚਨਬੱਧ ਮੈਂਬਰ ਵਜੋਂ ਕੰਮ ਨਹੀਂ ਕਰਦਾ।

► ਇੱਕ ਵਿਦਿਆਰਥੀ ਨੂੰ ਸਮੂਹ ਦੇ ਲਈ ਰਸੂਲਾਂ ਦੇ ਕਰਤੱਬ 2:46-47 ਪੜਣਾ ਚਾਹੀਦਾ ਹੈ।

ਪ੍ਰਭੂ ਹਰ ਰੋਜ਼ ਕਲੀਸਿਆ ਦੇ ਵਿੱਚ ਲੋਕਾਂ ਨੂੰ ਸ਼ਾਮਿਲ ਕਰਦਾ ਸੀ। ਕਲੀਸਿਆ ਦੇ ਸ਼ੁਰੂਆਤੀ ਦਿਨਾਂ ਦੇ ਵਿੱਚ ਕਲੀਸਿਆ ਦੇ ਨਾਲ ਜੁੜਣਾ ਕੋਈ ਔਖੀ ਗੱਲ ਨਹੀਂ ਸੀ। ਪਰਿਵਰਤਨ ਦੀ ਗਵਾਹੀ ਅਤੇ ਵਿਸ਼ਵਾਸ ਮਾਤਰ ਹੀ ਮੈਂਬਰਸ਼ਿਪ ਦਾ ਆਧਾਰ ਸੀ। ਰਸਮੀ ਮੈਂਬਰਸ਼ਿਪ ਪ੍ਰਕਿਰਿਆ ਜਾਂ ਮੈਂਬਰਸ਼ਿਪ ਨਿਯਮਾਂ ਦੀ ਸੂਚੀ ਤੋਂ ਬਿਨਾਂ ਵੀ, ਇਹ ਵੇਖਣਾ ਸੌਖਾ ਸੀ ਕਿ ਕਲੀਸਿਆ ਦੇ ਵਿੱਚ ਕੌਣ ਸੀ।

ਅਕਸਰ ਇੱਕ ਕਲੀਸਿਆ ਰਸਮੀ ਮੈਂਬਰਸ਼ਿਪ ਤੋਂ ਬਿਨਾਂ ਸ਼ੁਰੂ ਹੁੰਦਾ ਹੈ। ਪਹਿਲਾਂ ਤਾਂ ਕਲੀਸਿਆ ਦੇ ਵਿੱਚ ਸੇਵਕਾਈ ਟੀਮ ਹੁੰਦੀ ਹੈ। ਫਿਰ, ਸਥਾਨਕ ਲੋਕਾਂ ਨੂੰ ਸ਼ਾਮਲ ਕੀਤਾ ਜਾਂਦਾ ਹੈ ਜੋ ਸੇਵਕਾਈ ਦੇ ਪ੍ਰਤੀ ਪ੍ਰਤੀਕਿਰਿਆ ਕਰਦੇ ਹਨ ਅਤੇ ਕਲੀਸਿਆ ਦੇ ਵਿੱਚ ਸ਼ਾਮਲ ਹੋ ਜਾਂਦੇ ਹਨ। ਇਹ ਸਮੂਹ ਵਿਹਾਰਕ ਮਾਮਲਿਆਂ, ਆਤਮਿਕ ਮੁੱਦਿਆਂ, ਭਵਿੱਖ ਲਈ ਦ੍ਰਿਸ਼ਟੀਕੋਣ, ਅਤੇ ਇਕੱਠੇ ਜੀਵਨ ਸਾਂਝਾ ਕਰਨ ਦੇ ਪਹਿਲੂਆਂ ਬਾਰੇ ਚਰਚਾ ਲਈ ਅਕਸਰ ਮਿਲਦਾ ਹੈ। ਇਸਦੇ ਵਿੱਚ ਕੋਈ ਮੈਂਬਰਸ਼ਿਪ ਸੂਚੀ ਨਹੀਂ ਹੁੰਦੀ, ਪਰ ਹਰ ਕੋਈ ਜਾਣਦਾ ਹੈ ਕਿ ਕਿਹੜੇ ਲੋਕ ਵਚਨਬੱਧ ਹਨ।

ਜਿਵੇਂ ਕਲੀਸਿਆ ਵਿਕਸਿਤ ਹੁੰਦੀ ਹੈ, ਇੱਕ ਪ੍ਰਸ਼ਨ ਉੱਠਦਾ ਹੈ। ਬਹੁਤ ਸਾਰੇ ਲੋਕ ਕਲੀਸਿਆ ਦੇ ਵਿੱਚ ਆਉਂਦੇ ਹਨ ਅਤੇ ਕੰਮਾਂ ਦੇ ਵਿੱਚ ਹਿੱਸਾ ਲੈਂਦੇ ਹਨ; ਪਰ ਕਲੀਸਿਆ ਦੇ ਲੋਕ ਕੌਣ ਹਨ? ਇੱਕ ਕਲੀਸਿਆ ਗਵਾਹ ਹੋਣੀ ਚਾਹੀਦੀ ਹੈ, ਪਰ ਜਦੋਂ ਤੱਕ ਸਮਾਜ ਦੇ ਲੋਕ ਜਾਣਦੇ ਹੀ ਨਹੀਂ ਹਨ ਕਿ ਕਲੀਸਿਆ ਦੇ ਲੋਕ ਕੌਣ ਹਨ ਤਾਂ ਇਹ ਗਵਾਹ ਕਿਵੇਂ ਬਣ ਸਕਦੀ ਹੈ? ਅਸੀਂ ਕਲੀਸਿਆ ਨੂੰ ਸਿਖਾਉਂਦੇ ਹਾਂ ਕਿ ਉਹ ਸਮੂਹ ਵਿੱਚ ਰਹਿਣ ਵਾਲੇ ਦੂਜਿਆਂ ਦੀ ਸਹਾਇਤਾ ਕਰਨ ਲਈ ਸਮਰਪਿਤ ਹੋਣ, ਪਰ ਉਹ ਕਿਵੇਂ ਜਾਣ ਸਕਦੇ ਹਨ ਕਿ ਉਹ ਕੌਣ ਹਨ? ਜੇਕਰ ਕੋਈ ਵਿਅਕਤੀ ਸੁਧਾਰ ਦੇ ਪ੍ਰਤੀ ਪ੍ਰਤੀਕਿਰਿਆ ਕਰਨ ਤੋਂ ਇਨਕਾਰ ਕਰਦਾ ਹੈ ਅਤੇ ਖੁੱਲ੍ਹੇਆਮ ਪਾਪ ਵਿੱਚ ਰਹਿੰਦਾ ਹੈ, ਤਾਂ ਉਸਨੂੰ ਵਿਸ਼ਵਾਸੀਆਂ ਦੇ ਅਜਿਹੇ ਮੁੱਖ ਸਮੂਹ ਤੋਂ ਵੱਖਰਾ ਕਿਵੇਂ ਕੀਤਾ ਜਾ ਸਕਦਾ ਹੈ ਜੋ ਵਫ਼ਾਦਾਰੀ ਨਾਲ ਰਹਿਣ ਲਈ ਸਮਰਪਿਤ ਹਨ?

ਬਹੁਤ ਸਾਰੀਆਂ ਆਧੁਨਿਕ ਕਲੀਸਿਆਵਾਂ ਵਿੱਚ ਮੈਂਬਰਸ਼ਿਪ ਦੀਆਂ ਵਿਆਪਕ ਮੰਗਾਂ ਹੁੰਦੀਆਂ ਹਨ। ਉਹਨਾਂ ਦੇ ਕੋਲ ਧਰਮ ਸਿਧਾਂਤ ਦੇ ਕਥਨ, ਮੈਂਬਰ ਦੀ ਜੀਵਨ ਸ਼ੈਲੀ ਲਈ ਨਿਯਮ, ਅਤੇ ਕੱਚੇ ਤੌਰ ਤੇ ਨਾਲ ਜੁੜਣ ਦੀ ਮਿਆਦ ਹੁੰਦੀ ਹੈ। ਇੱਕ ਨਵੇਂ ਪਰਿਵਰਤਿਤ ਹੋਏ ਵਿਅਕਤੀ ਦੇ ਲਈ ਉਹਨਾਂ ਕਲੀਸਿਆਵਾਂ ਦਾ ਜਲਦੀ ਮੈਂਬਰ ਬਣਨਾ ਆਸਾਨ ਨਹੀਂ ਹੁੰਦਾ।

ਇੱਕ ਨਵੇਂ ਪਰਿਵਰਤਿਤ ਹੋਏ ਵਿਅਕਤੀ ਨੂੰ ਤੁਰੰਤ ਹੀ ਸੰਗਤੀ ਦੇ ਵਿੱਚ ਸ਼ਾਮਿਲ ਕਰ ਲੈਣਾ ਚਾਹੀਦਾ ਹੈ। ਉਸਨੂੰ ਵਿਸ਼ਵਾਸੀਆਂ ਦੇ ਅਜਿਹੇ ਸਮੂਹ ਦਾ ਹਿੱਸਾ ਬਣਨ ਦੀ ਜਰੂਰਤ ਹੈ ਜੋ ਇੱਕ ਦੂਸਰੇ ਦੇ ਪ੍ਰਤੀ ਸਮਰਪਿਤ ਹਨ। ਜਦੋਂ ਉਹ ਪਰਿਵਰਤਿਤ ਹੁੰਦਾ ਹੈ ਤਾਂ ਉਹ ਆਪਣੇ ਉਨ੍ਹਾਂ ਦੋਸਤਾਂ ਨੂੰ ਗੁਆ ਦਿੰਦਾ ਹੈ ਜੋ ਮਸੀਹੀ ਨਹੀਂ ਹਨ, ਅਤੇ ਫਿਰ ਉਸਨੂੰ ਮਸੀਹੀ ਸੰਗਤੀ ਦੀ ਜਰੂਰਤ ਹੁੰਦੀ ਹੈ।

ਨਵੇਂ ਪਰਿਵਰਤਿਤ ਹੋਏ ਵਿਅਕਤੀ ਨੂੰ ਚੇਲ੍ਹੇਪਨ ਦੀ ਵੀ ਜਰੂਰਤ ਹੁੰਦੀ ਹੈ ਜੋ ਉਸਨੂੰ ਦੂਸਰੇ ਮਸੀਹੀਆਂ ਦੀ ਨੇੜਤਾ ਦੀ ਸੰਗਤੀ ਤੋਂ ਮਿਲਦੀ ਹੈ। ਉਹ ਉਨ੍ਹਾਮ ਲੋਕਾਂ ਦੀਆਂ ਕਦਰਾਂ ਕੀਮਤਾਂ ਦੇ ਦੁਆਰਾ ਬਦਲ ਜਾਂਦਾ ਹੇ ਜੋ ਉਸਦੇ ਨਾਲ ਜੀਵਨ ਸਾਂਝਾ ਕਰਦੇ ਹਨ।

ਕੀ ਹੋਵੇਗਾ ਜੇਕਰ ਕੋਈ ਪਰਿਵਰਤਿਤ ਹੋਇਆ ਵਿਅਕਤੀ ਅਜਿਹੀ ਉੱਚ ਮੈਂਬਰਸ਼ਿਪ ਦੀਆਂ ਮੰਗਾਂ ਦੇ ਕਾਰਨ ਕਲੀਸਿਆ ਦੇ ਵਿੱਚ ਸ਼ਾਮਲ ਨਹੀਂ ਹੋ ਸਕਦਾ ਜਿੰਨ੍ਹਾਂ ਨੂੰ ਉਹ ਸਮਝ ਵੀ ਨਹੀਂ ਸਕਦਾ? ਜੇਕਰ ਉਸਨੂੰ ਮੈਂਬਰਸ਼ਿਪ ਤੋਂ ਬਾਹਰ ਰੱਖਿਆ ਜਾਂਦਾ ਹੈ, ਤਾਂ ਉਹ ਮਹਿਸੂਸ ਕਰਦਾ ਹੈ ਕਿ ਉਸਨੂੰ ਕਲੀਸਿਆ ਵਿੱਚ ਸਵੀਕਾਰ ਨਹੀਂ ਕੀਤਾ ਗਿਆ। ਉਸਨੂੰ ਤੁਰੰਤ ਕਿਸੇ ਕਿਸਮ ਦੀ ਮੈਂਬਰਸ਼ਿਪ ਦੀ ਲੋੜ ਹੁੰਦੀ ਹੈ। ਸ਼ੁਰੂਆਤੀ ਕਲੀਸਿਆ ਤੁਰੰਤ ਹੀ ਪਰਿਵਰਤਿਤ ਹੋਏ ਮੈਂਬਰਾਂ ਕਲੀਸਿਆ ਦੇ ਵਿੱਚ ਵਜੋਂ ਸ਼ਾਮਲ ਕਰਨ ਦੇ ਯੋਗ ਸੀ।

ਆਮ ਮੈਂਬਰਸ਼ਿਪ/ਸੰਗਤੀ ਦੀ ਮੈਂਬਰਸ਼ਿਪ

ਜੇਕਰ ਕੋਈ ਕਲੀਸਿਆ ਪਰਿਵਰਤਿਤ ਹੋਏ ਲੋਕਾਂ ਨੂੰ ਜਲਦੀ ਨਾਲ ਮੈਂਬਰ ਬਣਾਉਣ ਵਿੱਚ ਵਧੀਆ ਕੰਮ ਕਰਦੀ ਹੈ, ਤਾਂ ਇਸ ਕਲੀਸਿਆ ਦੇ ਮੈਂਬਰਾਂ ਵਿੱਚ ਅਜਿਹੇ ਲੋਕ ਸ਼ਾਮਿਲ ਹੋ ਜਾਣਗੇ ਜੋ ਪਰਿਪੱਕ ਮਸੀਹੀ ਨਹੀਂ ਹਨ। ਨਵੇਂ ਪਰਿਵਰਤਿਤ ਹੋਏ ਲੋਕ ਕਲੀਸਿਆ ਦੇ ਧਰਮ ਸਿਧਾਂਤਾਂ ਦੇ ਮਹੱਤਵ ਨੂੰ ਨਹੀਂ ਸਮਝਦੇ ਹਨ। ਉਨ੍ਹਾਂ ਨੇ ਅਜੇ ਤੱਕ ਇੱਕ ਪਰਿਪੱਕ ਮਸੀਹੀ ਜੀਵਨ ਸ਼ੈਲੀ ਵਿਕਸਿਤ ਨਹੀਂ ਕੀਤੀ ਹੈ। ਇਸ ਕਰਕੇ ਉਨ੍ਹਾਂ ਦੇ ਕੋਲ ਕਲੀਸਿਆ ਦੇ ਵਿੱਚ ਫੈਸਲੇ ਲੈਣ ਦੀ ਜਿੰਮੇਦਾਰੀ ਨਹੀਂ ਹੋਣੀ ਚਾਹੀਦੀ। ਕਿਉਂਕਿ ਕਲੀਸਿਆ ਦੇ ਮੈਂਬਰਾਂ ਦੇ ਵਿੱਚ ਅਜਿਹੇ ਲੋਕ ਸ਼ਾਮਿਲ ਹਨ ਜੋ ਪਰਿਪੱਕ ਮਸੀਹੀ ਨਹੀਂ ਹਨ, ਇਸ ਲਈ ਕਲੀਸਿਆ ਦੀ ਆਮ ਮੈਂਬਰਸ਼ਿਪ ਨੂੰ ਕਲੀਸਿਆ ਦੀ ਦਿਸ਼ਾ ਦੇ ਬਾਰੇ ਫੈਸਲੇ ਨਹੀਂ ਲੈਣੇ ਚਾਹੀਦੇ।

ਆਮ ਮੈਂਬਰਸ਼ਿਪ ਦੇ ਅੰਦਰ ਅਜਿਹੇ ਮੈਂਬਰ ਹੋਣੇ ਚਾਹੀਦੇ ਹਨ ਜੋ ਇੱਕ ਪ੍ਰਬੰਧਕ ਸਭਾ ਬਣਾਉਣ। ਕਲੀਸਿਆ ਦੀ ਪ੍ਰਬੰਧਕ ਸਭਾ ਉਨ੍ਹਾਂ ਪਰਿਪੱਕ ਮਸੀਹੀਆਂ ਤੋਂ ਬਣੀ ਹੋਣੀ ਚਾਹੀਦੀ ਹੈ ਜੋ ਕਲੀਸਿਆ ਦੁਆਰਾ ਸਿਖਾਏ ਗਏ ਧਰਮ ਸਿਧਾਂਤਾਂ ਅਤੇ ਜੀਵਨ ਸ਼ੈਲੀ ਨੂੰ ਸਮਝਦੇ ਹਨ। ਇਹ ਉਹ ਸਮੂਹ ਹੈ ਜੋ ਕਲੀਸਿਆ ਦੇ ਲਈ ਫੈਸਲੇ ਲੈਂਦਾ ਹੈ। ਇਸ ਸਮੂਹ ਵਿੱਚ ਮੈਂਬਰਸ਼ਿਪ ਲਈ ਕਲੀਸਿਆ ਦੀ ਆਮ ਮੈਂਬਰਸ਼ਿਪ ਨਾਲੋਂ ਜਿਆਦਾ ਉੱਚੀਆਂ ਮੰਗਾਂ ਹੋਣੀਆਂ ਚਾਹੀਦੀਆਂ ਹਨ। ਇਸ ਸਮੂਹ ਦੇ ਲੋਕ ਕਲੀਸਿਆ ਦੇ ਵਿੱਚ ਸਿੱਖਿਅਕਾਂ ਅਤੇ ਆਗੂਆਂ ਵਜੋਂ ਸੇਵਾ ਕਰ ਸਕਦੇ ਹਨ। ਪ੍ਰਬੰਧਕ ਸਭਾ ਇਸ ਗੱਲ ਨੂੰ ਪੱਕਿਆਂ ਕਰਦੀ ਹੈ ਕਿ ਕਲੀਸਿਆ ਆਪਣੇ ਧਰਮ ਸਿਧਾਂਤ ਅਤੇ ਉਦੇਸ਼ ਪ੍ਰਤੀ ਸੱਚੀ ਬਣੀ ਰਹੇ।

ਆਮ ਮੈਂਬਰਸ਼ਿਪ ਉਨ੍ਹਾਂ ਸੱਚੇ ਪਰਿਵਰਤਿਤ ਹੋਏ ਲੋਕਾਂ ਨੂੰ ਸਵੀਕਾਰ ਕਰਦੀ ਹੈ ਜੋ ਕਲੀਸਿਆ ਦੇ ਪ੍ਰਤੀ ਸਮਰਪਣ ਕਰਦੇ ਹਨ। ਆਮ ਮੈਂਬਰਸ਼ਿਪ ਦੀਆਂ ਮੰਗਾਂ ਮਸੀਹਤ ਦੇ ਮੁੱਢਲੇ ਸਿਧਾਂਤ ਹਨ ਅਤੇ ਕਿਸੇ ਖਾਸ ਕਲੀਸਿਆ ਦੇ ਪ੍ਰਤੀ ਸਮਰਪਣ ਹੈ। ਇੱਕ ਪਰਿਵਰਤਿਤ ਹੋਏ ਵਿਅਕਤੀ ਨੂੰ ਆਮ ਮੈਂਬਰਸ਼ਿਪ ਵਿੱਚ ਜਲਦੀ ਸਵੀਕਾਰ ਕੀਤਾ ਜਾ ਸਕਦਾ ਹੈ ਜੇਕਰ ਉਹ ਸੱਚਮੁੱਚ ਪਰਿਵਰਤਿਤ ਹੋਇਆ ਪ੍ਰਤੀਤ ਹੁੰਦਾ ਹੈ। ਇੱਕ ਪਰਿਵਰਤਿਤ ਵਿਅਕਤੀ ਨੂੰ ਕਲੀਸਿਆ ਦੇ ਵਿੱਚ ਸੰਗਤੀ ਅਤੇ ਸ਼ਮੂਲੀਅਤ ਮਿਲਦੀ ਹੈ ਜਿਸਦੀ ਉਸਨੂੰ ਤੁਰੰਤ ਲੋੜ ਹੁੰਦੀ ਹੈ। ਕੁਝ ਕਲੀਸਿਆਵਾਂ ਦੇ ਵਿੱਚ ਆਮ ਮੈਂਬਰਸ਼ਿਪ ਨੂੰ "ਸੰਗਤੀ" ਵੀ ਕਿਹਾ ਜਾਂਦਾ ਹੈ।

► ਕਿਸੇ ਨਵੇਂ ਪਰਿਪਰਤਿਤ ਹੋਏ ਵਿਅਕਤੀ ਨੂੰ ਤੁਰੰਤ ਹੀ ਕਲੀਸਿਆ ਦੇ ਵਿੱਚ ਸ਼ਾਮਿਲ ਹੋਣ ਦੀ ਜਰੂਰਤ ਕਿਉਂ ਹੁੰਦੀ ਹੈ?

► ਉੱਪਰ ਦੱਸੀ ਮੈਂਬਰਸ਼ਿਪ ਦੀ ਪ੍ਰਣਾਲੀ ਦੇ ਵਿੱਚ, ਸੰਗਤੀ ਕੀ ਹੈ, ਅਤੇ ਕਿਸ ਕਿਸਮ ਦਾ ਵਿਅਕਤੀ ਇਸਦਾ ਮੈਂਬਰ ਬਣਦਾ ਹੈ? ਪ੍ਰਬੰਧਕ ਸਭਾ ਕੀ ਹੈ, ਅਤੇ ਕਿਸ ਤਰ੍ਹਾਂ ਦਾ ਵਿਅਕਤੀ ਇਸਦਾ ਮੈਂਬਰ ਹੁੰਦਾ ਹੈ?

ਪਰਿਪੱਕ ਮਸੀਹੀਆਂ ਦੀ ਮੈਂਬਰਸ਼ਿਪ

ਇਸ ਦੂਸਰੀ ਕਿਸਮ ਦੀ ਮੈਂਬਰਸ਼ਿਪ ਦੇ ਵਿੱਚ ਕਿਸੇ ਵਿਅਕਤੀ ਦੇ ਮੈਂਬਰ ਹੋਣ ਲਈ ਉਸਦੇ ਕੋਲ ਸਹੀ ਧਰਮ ਸਿਧਾਂਤ ਹੋਣੇ ਚਾਹੀਦੇ ਹਨ ਅਤੇ ਉਹ ਇੰਨਾਂ ਪਰਿਪੱਕ ਹੋਣੇ ਚਾਹੀਦੇ ਹਨ ਕਿ ਕਲੀਸਿਆ ਦੇ ਫੈਸਲਿਆਂ ਵਿੱਚ ਵੋਟ ਕਰਨ ਦੇ ਲਈ ਉਨ੍ਹਾਂ ਤੇ ਭਰੋਸਾ ਕੀਤਾ ਜਾ ਸਕੇ। ਇਹ ਸਮੂਹ ਲੋਕਾਂ ਨੂੰ ਸੇਵਾ ਦੇ ਅਹੁਦਿਆਂ ਦੇ ਲਈ ਆਪਣੇ ਨਾਲ ਜੋੜਦਾ ਹੈ ਜਿਸਦੇ ਵਿੱਚ ਪਾਸਟਰ ਦਾ ਅਹੁਦਾ ਵੀ ਸ਼ਾਮਿਲ ਹੈ। ਉਹ ਜਾਂ ਤਾਂ ਕਾਰੋਬਾਰੀ ਫੈਸਲਿਆਂ ਤੇ ਵੋਟ ਪਾਉਂਦੇ ਹਨ ਜਾਂ ਪ੍ਰਤੀਨਿਧੀਆਂ ਦੇ ਇੱਕ ਸਮੂਹ ਦੀ ਚੋਣ ਕਰਦੇ ਹਨ ਜੋ ਉਹ ਫੈਸਲੇ ਲੈਂਦਾ ਹੈ।

ਕਿਉਂਕਿ ਇਹ ਮੈਂਬਰਸ਼ਿਪ ਕਲੀਸਿਆ ਦੇ ਸੰਚਾਲਨ ਨੂੰ ਨਿਯੰਤਰਿਤ ਕਰਦੀ ਹੈ, ਇਸ ਲਈ ਇੱਕ ਨਵੇਂ ਪਰਿਵਰਤਿਤ ਹੋਏ ਵਿਅਕਤੀ ਦਾ ਇਸ ਮੈਂਬਰਸ਼ਿਪ ਵਿੱਚ ਜਲਦੀ ਸਵਾਗਤ ਨਹੀਂ ਕੀਤਾ ਜਾ ਸਕਦਾ। ਕਲੀਸਿਆ ਜਿੰਨੀ ਜ਼ਿਆਦਾ ਰੂੜੀਵਾਦੀ ਅਤੇ ਸਾਵਧਾਨ ਹੋਵੇਗੀ, ਮੈਂਬਰਸ਼ਿਪ ਦੀਆਂ ਮੰਗਾਂ ਦੀ ਸੂਚੀ ਓਨੀ ਹੀ ਲੰਬੀ ਹੋਵੇਗੀ ਅਤੇ ਪਰਿਵਰਤਨ ਅਤੇ ਮੈਂਬਰਸ਼ਿਪ ਦੇ ਵਿਚਕਾਰ ਸਮਾਂ ਓਨਾ ਹੀ ਲੰਬਾ ਹੋਵੇਗਾ। ਕਲੀਸਿਆ ਮੈਂਬਰਸ਼ਿਪ ਦੀਆਂ ਮੰਗਾਂ ਨੂੰ ਇੱਕ ਨਵੇਂ ਪਰਿਵਰਤਿਤ ਹੋਏ ਵਿਅਕਤੀ ਦੇ ਮੂਲ ਵਰਣਨ ਦੀ ਬਜਾਏ, ਇੱਕ ਪਰਿਪੱਕ ਮਸੀਹੀ ਨੂੰ ਹੋਣ ਵਾਲੀ ਹਰ ਚੀਜ਼ ਨੂੰ ਸ਼ਾਮਲ ਕਰਨ ਲਈ ਨਿਰਧਾਰਤ ਕਰਦੀ ਹੈ। ਇੱਕ ਪਰਿਵਰਤਿਤ ਹੋਏ ਵਿਅਕਤੀ ਜਾਂ ਨਵੇਂ ਵਿਸ਼ਵਾਸੀ ਨੂੰ ਮੈਂਬਰ ਬਣਨ ਦੇ ਯੋਗ ਹੋਣ ਤੋਂ ਬਿਨਾਂ ਸਾਲਾਂ ਤੱਕ ਕਲੀਸਿਆ ਦੇ ਜੀਵਨ ਵਿੱਚ ਹਿੱਸਾ ਲੈ ਸਕਦਾ ਹੈ। ਕੁਝ ਪਰਿਵਰਤਿਤ ਹੋਏ ਵਿਅਕਤੀ ਅਰਥਾਤ ਨਵੇਂ ਵਿਸ਼ਵਾਸੀ ਇਸ ਲਈ ਵੀ ਛੱਡ ਸਕਦੇ ਹਨ ਕਿਉਂਕਿ ਉਨ੍ਹਾਂ ਨੂੰ ਜਲਦੀ ਨਾਲ ਮੈਂਬਰ ਨਹੀਂ ਬਣਾਇਆ ਜਾਂਦਾ।

ਕਲੀਸਿਆਈ ਮੈਂਬਰਸ਼ਿਪ

ਕੁਝ ਕਲੀਸਿਆਵਾਂ ਦੇ ਵਿੱਚ ਜੋ ਲੋਕ ਆਮ ਤੌਰ ਤੇ ਅਰਾਧਨਾ ਦੇ ਵਿੱਚ ਆਉਂਦੇ ਹਨ ਉਨ੍ਹਾਂ ਨੂੰ ਵੀ ਮੈਂਬਰ ਮੰਨਿਆ ਜਾਂਦਾ ਹੈ। ਕਲੀਸਿਆ ਦੇ ਕੰਮਾਂ ਨੂੰ ਕਰਨ ਦਾ ਅਧਿਕਾਰ ਦੂਸਰੇ ਅਧਿਕਾਰ ਪਾਏ ਵਿਅਕਤੀਆਂ ਦੇ ਕੋਲ ਹੋ ਸਕਦਾ ਹੈ, ਪਰ ਜੋ ਕੋਈ ਵੀ ਕਲੀਸਿਆ ਦੇ ਵਿੱਚ ਆਉਂਦਾ ਹੈ ਉਸਨੂੰ ਮੈਂਬਰ ਮੰਨਿਆ ਜਾਂਦਾ ਹੈ। ਕਲੀਸਿਆ ਦਾਅਵਾ ਕਰ ਸਕਦੀ ਹੈ ਕਿ ਉਸਦੇ ਕੋਲ ਮੈਂਬਰਾਂ ਦੀ ਕੋਈ ਸੂਚੀ ਨਹੀਂ ਹੈ। ਪਰ ਫਿਰ ਵੀ, ਜੋ ਕਲੀਸਿਆ ਦਾਅਵਾ ਕਰਦੀ ਹੈ ਕਿ ਉਸਦੇ ਮੈਂਬਰਾਂ ਦੀ ਕੋਈ ਸੂਚੀ ਨਹੀਂ ਹੈ, ਉੱਥੇ ਵੀ ਇਹ ਨਿਰਧਾਰਤ ਕਰਨ ਦੀ ਇੱਕ ਅਣਲਿਖਤ ਪ੍ਰਣਾਲੀ ਹੈ ਕਿ ਇਸਦੇ ਵਿੱਚ ਕੌਣ ਸ਼ਾਮਿਲ ਹੈ ਅਤੇ ਕੌਣ ਨਹੀਂ ਹਨ।

ਜਿਸ ਕਲੀਸਿਆ ਦੇ ਵਿੱਚ ਕਲੀਸਿਆਈ ਮੈਂਬਰਸ਼ਿਪ ਹੁੰਦੀ ਹੈ, ਉੱਥੇ ਨਿਯੰਤਰਣ ਕਿਸੇ ਪਾਸਟਰ ਜਾਂ ਪ੍ਰਭਾਵਸ਼ਾਲੀ ਪਰਿਵਾਰਾਂ ਦੇ ਆਗੂਆਂ ਦੇ ਹੱਥਾਂ ਵਿੱਚ ਹੋ ਸਕਦਾ ਹੈ।

ਜੇਕਰ ਕਿਸੇ ਨਵੀਂ ਕਲੀਸਿਆ ਦੇ ਵਿੱਚ ਕਲੀਸਿਆਈ ਮੈਂਬਰਸ਼ਿਪ ਅੰਤਿਮ ਅਧਿਕਾਰ ਦੇ ਵੱਜੋਂ ਹੈ, ਤਾਂ ਇਹ ਨਹੀਂ ਕਿਹਾ ਜਾ ਸਕਦਾ ਕਿ ਕੁਝ ਸਾਲਾਂ ਤੋਂ ਬਾਅਦ ਇਹ ਕਿਸ ਪ੍ਰਕਾਰ ਦੀ ਹੋਵੇਗੀ।

ਜੇਕਰ ਕਿਸੇ ਪੁਰਾਣੀ ਕਲੀਸਿਆ ਦੇ ਵਿੱਚ ਕਲੀਸਿਆਈ ਮੈਂਬਰਸ਼ਿਪ ਦੀ ਸਥਿਰਤਾ ਹੈ, ਤਾਂ ਜਾਂ ਇਸ ਤੇ ਕਿਸੇ ਪਰਿਵਾਰਿਕ ਸਮੂਹ ਜਾਂ ਫਿਰ ਕਿਸੇ ਮਜ਼ਬੂਤ ਲੰਬੇ ਸਮੇਂ ਦੇ ਪਾਸਟਰ ਦਾ ਨਿਯੰਤਰਣ ਹੋਵੇਗਾ। ਉਨ੍ਹਾਂ ਦੇ ਲਈ ਚੀਜਾਂ ਨੂੰ ਕਰਨ ਦੇ ਨਿਯਮਾਂ ਦੀ ਵਿਆਖਿਆ ਕਰ ਪਾਉਣਾ ਬਹੁਤ ਕਠਿਨ ਹੋਵੇਗਾ, ਪਰ ਉਹ ਆਗੂ ਲੋਕਾਂ ਤੇ ਭਰੋਸਾ ਕਰਦੇ ਹਨ। ਇੱਥੇ ਸ਼ਾਇਦ ਲਿਖਤੀ ਨੀਤੀਆਂ ਮੌਜੂਦ ਨਾ ਹੋਣ ਜਾਂ ਅਣਡਿੱਠ ਕੀਤੀਆਂ ਗਈਆਂ ਹੋਣ। ਜਦੋਂ ਪਾਸਟਰ ਜਾਂ ਹੋਰ ਆਗੂਆਂ ਨੂੰ ਬਦਲਿਆ ਜਾਂਦਾ ਹੈ, ਤਾਂ ਫਿਰ ਕਲੀਸਿਆ ਦੇ ਵਿੱਚ ਵੱਡੀਆਂ ਤਬਦੀਲੀਆਂ ਆ ਸਕਦੀਆਂ ਹਨ।

► ਤੁਸੀਂ ਉੱਪਰ ਦੱਸੀਆਂ ਦੋ ਮੈਂਬਰਸ਼ਿਪ ਪ੍ਰਣਾਲੀਆਂ ਦੇ ਵਿੱਚ ਕਿਹੜੇ ਲਾਭ ਜਾਂ ਹਾਨੀਆਂ ਨੂੰ ਵੇਖਦੇ ਹੋ?

► ਅੱਗੇ ਦੱਸੀਆਂ ਦੋ ਉਦਾਹਰਨਾਂ ਨੂੰ ਵੇਖੋ ਜਿੰਨ੍ਹਾਂ ਵਿੱਚੋਂ ਇੱਕ ਅਮਰੀਕਾ ਦੀ ਇੱਕ ਕਲੀਸਿਆ ਦੀ ਹੈ ਅਤੇ ਦੂਸਰੀ ਫਿਲੀਪੀਨਸ ਦੀ ਇੱਕ ਕਲੀਸਿਆ ਦੀ ਹੈ। ਚਰਚਾ ਕਰੋ ਕਿ ਇਹ ਦੋਵੇਂ ਵਰਣਨ ਉਨ੍ਹਾਂ ਕਲੀਸਿਆਵਾਂ ਦੀ ਮੈਂਬਰਸ਼ਿਪ ਦੇ ਨਾਲ ਤੁਲਨਾ ਕਿਵੇਂ ਕਰ ਸਕਦੇ ਹੋ ਜਿੰਨ੍ਹਾਂ ਨੂੰ ਤੁਸੀਂ ਜਾਣਦੇ ਹੋ।

ਦਿ ਵਿਕਟਰੀ ਚੈਪਲ ਫੈਲੋਸ਼ਿਪ

ਲੋਕਾਂ ਨੂੰ ਵਿਕਟਰੀ ਚੈਪਲ ਦੀਆਂ ਜਿਆਦਾਤਰ ਸਭਾਵਾਂ ਦੇ ਵਿੱਚ ਆਉਣ ਦਾ ਸੱਦਾ ਦਿੱਤਾ ਜਾਂਦਾ ਹੈ, ਜਿਸਦੇ ਵਿੱਚ ਅਰਾਧਨਾ ਸਭਾਵਾਂ, ਕਲੀਸਿਆ ਦੀਆਂ ਘਰੇਲੂ ਸਭਾਵਾਂ ਅਤੇ ਬਾਈਬਲ ਅਧਿਐਨ ਸ਼ਾਮਿਲ ਹਨ। ਸਾਰੇ ਲੋਕ ਅਰਾਧਨਾ, ਜਰੂਰਤਾਂ ਨੂੰ ਸਾਂਝਾ ਕਰਨ, ਪ੍ਰਾਥਨਾ, ਕਲੀਸਿਆਈ ਭੋਜਨ, ਤਰਤੀਬਵਾਰ ਚਰਚਾ, ਅਤੇ ਗੈਰ-ਰਸਮੀ ਸੰਗਤੀ ਦੇ ਵਿੱਚ ਹਿੱਸਾ ਲੈ ਸਕਦੇ ਹਨ। ਪਰ, ਨਵਾਂ ਨੇਮ ਇਹ ਦਰਸਾਉਂਦਾ ਹੈ ਕਿ ਸਥਾਨਕ ਕਲੀਸਿਆ ਬਣਾਉਣ ਵਾਲੇ ਲੋਕਾਂ ਦੇ ਸਮੂਹ ਨੂੰ ਪਛਾਣਿਆ ਜਾਣਾ ਚਾਹੀਦਾ ਹੈ। ਇਹ ਜਨਤਕ ਤੌਰ ਤੇ ਪਤਾ ਹੋਣਾ ਚਾਹੀਦਾ ਹੈ ਕਿ ਕਲੀਸਿਆ ਦੇ ਲੋਕ ਕਿਹੜੇ ਹਨ। ਅਜਿਹੇ ਪਹਿਚਾਣਯੋਗ ਸਮੂਹ ਤੋਂ ਬਿਨਾਂ, ਇਹ ਅਸੰਭਵ ਹੈ ਕਿ ਕਲੀਸਿਆ ਦੇ ਕੋਲ ਸੰਸਾਰ ਦੇ ਸਾਹਮਣੇ ਇੱਕ ਸਪੱਸ਼ਟ ਗਵਾਹੀ ਹੋ ਸਕੇ, ਸੱਚੀ ਮਸੀਹਤ ਨੂੰ ਸੰਗਤ ਸਾਂਝੀ ਕਰੇ ਜੋ ਦੋਸਤੀ ਤੋਂ ਪਰੇ ਮਸੀਹੀ ਏਕਤਾ ਤੇ ਅਧਾਰਤ ਹੋਵੇ, ਬਾਈਬਲ ਦੇ ਵਿੱਚ ਦੱਸੇ ਕਲੀਸਿਆ ਅਨੁਸ਼ਾਸਨ ਦਾ ਅਭਿਆਸ ਕਰੇ, ਅਤੇ ਕਲੀਸਿਆ ਦੀ ਸੇਵਕਾਈ ਲਈ ਇਕੱਠੇ ਜ਼ਿੰਮੇਵਾਰੀ ਨਿਭਾਏ। ਇਸ ਲਈ, ਵਿਕਟਰੀ ਚੈਪਲ ਦੀਆਂ ਸੇਵਕਾਈਆਂ ਦੀ ਜ਼ਿੰਮੇਵਾਰੀ ਕਲੀਸਿਆ ਦੇ ਅੰਦਰ ਇੱਕ ਸਮੂਹ 'ਤੇ ਹੈ ਜਿਸਨੂੰ "ਫੈਲੋਸ਼ਿਪ" (ਸੰਗਤੀ) ਕਿਹਾ ਜਾਂਦਾ ਹੈ।

ਸੰਗਤੀ ਦੇ ਵਿੱਚ ਮਿਲਣ ਵਾਲੇ ਲੋਕਾਂ ਦੁਆਰਾ ਮਾਪਦੰਡ ਨੂੰ ਪੂਰਾ ਕੀਤਾ ਗਿਆ

ਅਸੀਂ ਇਸ ਗੱਲ ਨੂੰ ਸਮਝਦੇ ਹਾਂ ਕਿ ਹੋਰ ਵੀ ਬਹੁਤ ਸਾਰੀਆਂ ਖਾਸ ਗੱਲਾਂ ਹਨ ਜੋ ਆਤਮਿਕ ਵਿਕਾਸ ਦੇ ਚਿੰਨ੍ਹ ਹਨ, ਪਰ ਹੇਠਾਂ ਦੱਸੀ ਸੂਚੀ ਉਨ੍ਹਾਂ ਮੁੱਢਲੀਆਂ ਚੀਜ਼ਾਂ ਦੀ ਗੱਲ ਕਰਦੀ ਹੈ ਜੋ ਏਕਤਾ ਅਤੇ ਸੱਚੀ ਮਸੀਹੀ ਸੰਗਤੀ ਦੇ ਲਈ ਜਰੂਰੀ ਹਨ।

(1) ਆਤਮਿਕ ਜੀਵਨ

ਮਨ ਦੇ ਪਰਿਵਰਤਨ, ਆਤਮਿਕ ਇੱਛਾ ਅਤੇ ਪਰਮੇਸ਼ੁਰ ਦੇ ਨਾਲ ਆਗਿਆਕਾਰੀ ਦੇ ਵਿੱਚ ਚੱਲਣ ਦੇ ਪ੍ਰਮਾਣ ਵਿਖਾਉਣਾ।

(2) ਬਾਈਬਲ ਆਧਾਰਿਤ ਨੈਤਿਕਤਾ

ਵਿਭਚਾਰ, ਗ਼ੈਰ-ਕਾਨੂੰਨੀ ਨਸ਼ਿਆਂ, ਤੰਬਾਕੂ ਅਤੇ ਸ਼ਰਾਬ ਦੇ ਸੇਵਨ ਤੋਂ ਦੂਰ ਰਹਿਣਾ।

(3) ਕਲੀਸਿਆ ਦੇ ਲਈ ਸਮਰਪਣ

ਵਫ਼ਾਦਾਰੀ ਦੇ ਨਾਲ ਕਲੀਸਿਆ ਦੇ ਵਿੱਚ ਆਉਣਾ ਅਤੇ ਸਿਰਫ਼ ਉਸ ਹਾਲਾਤ ਵਿੱਚ ਗ਼ੈਰ-ਹਾਜ਼ਰ ਹੋਣਾ ਜੇਕਰ ਬਿਮਾਰ ਹੋਵੇ, ਦੂਸਰੀ ਸੇਵਕਾਈ ਕਰ ਰਿਹਾ ਹੋਵੇ, ਜਾਂ ਕਿਸੇ ਅਜਿਹੇ ਰੁਜ਼ਗਾਰ ਦੇ ਵਿੱਚ ਹੋਵੇ ਜੋ ਐਤਵਾਰ ਨੂੰ ਵੀ ਕੰਮ ਕਰਦੇ ਹਨ।

ਕਲੀਸਿਆ ਦੀ ਭੇਂਟ ਦੇ ਵਿੱਚ ਲਗਾਤਾਰ ਦਸਵੰਧ ਦੇਣਾ।

(4) ਧਰਮ ਸਿਧਾਂਤ ਦੇ ਵਿੱਚ ਏਕਤਾ

ਵਿਕਟਰੀ ਚੈਪਲ ਦੇ ਵਿਸ਼ਵਾਸ ਕਥਨਾਂ ਦੀ ਸਮਝ ਅਤੇ ਏਕਤਾ ਜਰੂਰੀ ਹਨ। ਪਾਸਬਾਨ ਹਰੇਕ ਉਮੀਦਵਾਰ ਦੇ ਨਾਲ ਸਮਾਂ ਕੱਢ ਕੇ ਚਰਚਾ ਕਰੇਗਾ ਅਤੇ ਉਨ੍ਹਾਂ ਨੂੰ ਹਦਾਇਤਾਂ ਦੇਵੇਗਾ।

(5) ਵਿਹਾਰਕ ਨੈਤਿਕਤਾ

ਸਾਰੇ ਸੰਬੰਧਾਂ ਦੇ ਵਿੱਚ ਇਮਾਨਦਾਰੀ ਬਣਾਈ ਰੱਖਣਾ ਅਤੇ ਸਮਰਪਣਾਂ ਨੂੰ ਪੂਰਾ ਕਰਨਾ। ਸੰਗਤੀ ਦੇ ਦੂਸਰੇ ਲੋਕਾਂ ਦੇ ਪ੍ਰਤੀ ਪਿਆਰ ਅਤੇ ਵਫ਼ਾਦਾਰੀ ਵਾਲਾ ਵਿਵਹਾਰ ਰੱਖਣਾ।

ਨੀਤੀਆਂ

ਅਸੀਂ ਜਾਣਦੇ ਹਾਂ ਕਿ ਕੁਝ ਨਵੇਂ ਮੈਂਬਰ ਛੱਡ ਕੇ ਚਲੇ ਜਾਣਗੇ, ਪਰ ਅਸੀਂ ਪਰਖ ਕਰਨ ਦੇ ਸਮੇਂ ਨੂੰ ਨਾ ਰੱਖਣ ਦੀ ਚੋਣ ਕਰਦੇ ਹਾਂ, ਕਿਉਂਕਿ ਨਵੇਂ ਪਰਿਵਰਤਿਤ ਹੋਏ ਲੋਕਾਂ ਨੂੰ ਕਲੀਸਿਆ ਦੇ ਵਿੱਚ ਤੁਰੰਤ ਸ਼ਮੂਲੀਅਤ ਦੀ ਲੋੜ ਹੁੰਦੀ ਹੈ।

ਪ੍ਰਬੰਧਕ ਸਭਾ ਪਾਸਟਰ ਦੁਆਰਾ ਉਮੀਦਵਾਰ ਦਾ ਇੰਟਰਵਿਊ ਲੈਣ ਤੋਂ ਬਾਅਦ ਫੈਲੋਸ਼ਿਪ ਲਈ ਪ੍ਰਸਤਾਵਿਤ ਨਾਮ ਦਾ ਮੁਲਾਂਕਣ ਕਰੇਗੀ।

ਜੇਕਰ ਪਰਿਵਰਤਿਤ ਹੋਏ ਵਿਅਕਤੀ ਨੇ ਪਹਿਲਾਂ ਬਪਤਿਸਮਾ ਨਹੀਂ ਲਿਆ ਹੋਵੇ ਤਾਂ ਫੈਲੋਸ਼ਿਪ ਵਿੱਚ ਸਵੀਕਾਰ ਜਾਣ ਤੋਂ ਬਾਅਦ ਉਸਨੂੰ ਬਪਤਿਸਮਾ ਦੇਣ ਦਾ ਸਮਾਂ ਤਹਿ ਕੀਤਾ ਜਾਵੇਗਾ।

ਜੇਕਰ ਫੈਲੋਸ਼ਿਪ ਵਿੱਚ ਵਿਸ਼ਵਾਸੀ ਨੂੰ ਨਿਯਮਾਂ/ਮੰਗਾਂ ਦੀ ਉਲੰਘਣਾ ਕਰਦੇ ਪਾਇਆ ਜਾਂਦਾ ਹੈ, ਤਾਂ ਪ੍ਰਬੰਧਕ ਸਭਾ ਜਾਂ ਤਾਂ ਵਿਸ਼ਵਾਸੀ ਨੂੰ ਫੈਲੋਸ਼ਿਪ ਤੋਂ ਬਾਹਰ ਕਰ ਸਕਦੀ ਹੈ ਜਾਂ ਉਸਦੇ ਪਰਖ ਕੀਤੇ ਜਾਣ ਅਤੇ ਜਵਾਬਦੇਹੀ ਦੀ ਮਿਆਦ ਦੀ ਆਗਿਆ ਦੇ ਸਕਦੀ ਹੈ, ਜਿਸ ਤੋਂ ਬਾਅਦ ਉਸਦੇ ਮੁੱਦੇ ਤੇ ਦੁਬਾਰਾ ਵਿਚਾਰ ਕੀਤਾ ਜਾਵੇਗਾ।

ਫਿਲੀਪੀਨ ਬਾਈਬਲ ਮੈਥੋਡੋਸਿਟ ਚਰਚ

ਯਿਸੂ ਮਸੀਹ ਨੂੰ ਮੇਰੇ ਮੁਕਤੀਦਾਤਾ ਅਤੇ ਪ੍ਰਭੂ ਦੇ ਤੌਰ ਤੇ ਸਵੀਕਾਰ ਕਰਕੇ, ਉਸਦੀ ਮੌਤ ਤੇ ਵਿਸ਼ਵਾਸ ਕਰਕੇ, ਉਸਦੇ ਲਹੂ ਵਹਾਉਣ ਅਤੇ ਮੁਰਦਿਆਂ ਵਿੱਚੋਂ ਜੀ ਉੱਠਣ ਅਤੇ ਮੇਰੀ ਮੁਕਤੀ ਦੇ ਕੰਮ ਨੂੰ ਪੂਰਾ ਕਰਨ ਤੇ ਪੂਰਾ ਵਿਸ਼ਵਾਸ ਕਰਦਾ ਹਾਂ, ਅਤੇ ਹੁਣ ਮੈਂ ਮਸੀਹ ਦੀ ਵਿਸ਼ਵਵਿਆਪੀ ਦੇਹ ਦੇ ਨਾਲ ਆਪਣੇ ਆਪ ਨੂੰ ਜੋੜ ਲਿਆ ਹੈ। ਪਰ ਜਿਵੇਂ ਸਰੀਰ ਦੇ ਬਹੁਤ ਸਾਰੇ ਅੰਗ ਹਨ, ਉਸੇ ਪ੍ਰਕਾਰ ਮਸੀਹ ਦੀ ਦੇਹ ਦੇ ਬਹੁਤ ਸਾਰੇ ਮੈਂਬਰ ਹਨ। ਦਿਲੀ ਪ੍ਰਾਰਥਨਾ ਦੇ ਦੁਆਰਾ, ਮੈਂ ਪਵਿੱਤਰ ਆਤਮਾ ਦੀ ਅਗਵਾਈ ਹੇਠ ਫਿਲੀਪੀਨ ਬਾਈਬਲ ਮੈਥੋਡਿਸਟ ਚਰਚ ਪਰਿਵਾਰ ਨਾਲ ਜੁੜਨ ਲਈ ਮਹਿਸੂਸ ਕਰਦਾ ਹਾਂ - ਇਸਦੀ ਸੰਗਤ, ਵਿਸ਼ਵਾਸ ਅਤੇ ਆਤਮਿਕ ਅਨੁਸ਼ਾਸਨਾਂ ਲਈ ਜਿਵੇਂ ਕਿ ਪਰਮੇਸ਼ੁਰ ਮੈਨੂੰ ਵੱਧ ਤੋਂ ਵੱਧ ਸਮਰੱਥ ਬਣਾਉਂਦਾ ਹੈ। ਅਜਿਹਾ ਕਰਨ ਵਿੱਚ, ਮੈਂ ਆਪਣੇ ਆਪ ਨੂੰ ਪਰਮੇਸ਼ੁਰ ਅਤੇ ਦੂਜੇ ਮੈਂਬਰਾਂ ਨੂੰ ਹੇਠ ਲਿਖੇ ਕੰਮ ਕਰਨ ਲਈ ਸਮਰਪਿਤ ਕਰਦਾ ਹਾਂ:

ਪਹਿਲਾ, ਮੇਰੀ ਕਲੀਸਿਆ ਦੀ ਏਕਤਾ ਦਾ ਬਚਾਅ ਕਰਨ ਦੇ ਲਈ

• ਦੂਸਰੇ ਮੈਂਬਰਾਂ ਦੇ ਪ੍ਰਤੀ ਪਿਆਰ ਵਾਲਾ ਭਾਵ ਰੱਖ ਕੇ (ਪਤਰਸ ਦੀ ਪਹਿਲੀ ਪੱਤ੍ਰੀ 1:22)

• ਚੁਗਲੀ ਨਿੰਦਿਆ ਤੋਂ ਦੂਰ ਰਹਿ ਕੇ (ਅਫ਼ਸੀਆਂ ਨੂੰ 4:29)

• ਨਿਯੁਕਤ ਕੀਤੇ ਹੋਏ ਆਗੂਆਂ ਦੇ ਪਿੱਛੇ ਚੱਲ ਕੇ (ਇਬਰਾਨੀਆਂ ਨੂੰ 13:17)

• ਉਨ੍ਹਾਂ ਭਰਾਵਾਂ ਤੇ ਦਇਆ ਭਰੀ ਨਜ਼ਰ ਰੱਖ ਕੇ ਜੋ ਪਰਮੇਸ਼ੁਰ ਦੀ ਕ੍ਰਿਪਾ ਤੋਂ ਹੇਠਾ ਡਿੱਗ ਪਏ ਹਨ (ਗਲਾਤੀਆਂ ਨੂੰ 6:1-2)

ਦੂਸਰਾ, ਕਲੀਸਿਆ ਦੇ ਵਿੱਚ ਮੇਰੀ ਜਿੰਮੇਵਾਰੀ ਨੂੰ ਸਾਂਝੀ ਕਰਕੇ

• ਇਸਦੀ ਉੱਨਤੀ ਦੇ ਲਈ ਪ੍ਰਾਥਨਾ ਕਰਨ ਦੁਆਰਾ (1 ਥੱਸਲੁਨੀਕੀਆਂ ਨੂੰ 1:1-2)

• ਨਾ-ਪਹੁੰਚੇ ਹੋਏ ਲੋਕਾਂ ਨੂੰ ਆਉਣ ਦਾ ਸੱਦਾ ਦੇਣ ਦੁਆਰਾ (ਲੂਕਾ 14:23)

• ਆਉਣ ਵਾਲਿਆਂ ਦਾ ਨਿੱਘਾ ਸੁਆਗਤ ਕਰਨ ਦੁਆਰਾ (ਰੋਮੀਆਂ ਨੂੰ 15:7)

• ਲੋਕਾਂ ਨੂੰ ਯਿਸੂ ਮਸੀਹ ਬਾਰੇ ਜਾਣ-ਪਛਾਣ ਕਰਾਉਣ ਦੁਆਰਾ (ਰਸੂਲਾਂ ਦੇ ਕਰਤੱਬ 8:33-35)

ਤੀਸਰਾ, ਮੇਰੀ ਕਲੀਸਿਆ ਦੀ ਸੇਵਕਾਈ ਦੇ ਵਿੱਚ ਸੇਵਾ ਕਰਕੇ

• ਆਤਮਾ ਵਰਦਾਨਾਂ ਦੀ ਖੋਜ ਕਰਨ ਦੁਆਰਾ (ਪਤਰਸ ਦੀ ਪਹਿਲੀ ਪੱਤ੍ਰੀ 4:10)

• ਪਾਸਬਾਨਾਂ ਦੇ ਨਾਲ ਸੇਵਾ ਕਰਨ ਦੀ ਤਿਆਰੀ ਕਰਨ ਦੁਆਰਾ (ਅਫ਼ਸੀਆਂ ਨੂੰ 4:11-12)

• ਸੰਤਾਂ, ਅਤੇ ਭੁੱਖਿਆਂ, ਨੰਗੇ, ਬਿਮਾਰਾਂ, ਵਿਧਵਾਵਾਂ ਅਤੇ ਅਨਾਥਾਂ, ਅਤੇ ਕੈਦੀਆਂ ਦੀ ਸੇਵਾ ਕਰਨ ਲਈ ਇੱਕ ਸੇਵਕ ਦੇ ਦਿਲ ਨੂੰ ਵਿਕਸਤ ਕਰਕੇ – ਦਿੱਤੇ ਹੋਏ ਸਾਧਨਾਂ ਅਤੇ ਮੌਕਿਆਂ ਦੇ ਅਨੁਸਾਰ (ਮੱਤੀ 25:31-46, ਫ਼ਿਲਿੱਪੀਆਂ ਨੂੰ 2:3-7)।

ਚੌਥਾ, ਮੇਰੀ ਕਲੀਸਿਆ ਦੀ ਗਵਾਹੀ ਦਾ ਸਮਰਥਨ ਕਰਨ ਦੁਆਰਾ

• ਵਫ਼ਾਦਾਰੀ ਦੇ ਨਾਲ ਉੱਥੇ ਜਾਣ ਦੁਆਰਾ (ਇਬਰਾਨੀਆਂ ਨੂੰ 10:25)

• ਸੁਣੇ ਹੋਏ ਪ੍ਰਚਾਰ ਨੂੰ ਹਲੀਮੀ ਦੇ ਨਾਲ ਸਵੀਕਾਰ ਕਰਕੇ, ਅਤੇ ਇਸਦੇ ਚਾਨਣ ਵਿੱਚ ਚੱਲਣ ਦੁਆਰਾ (ਯੂਹੰਨਾ ਦੀ ਪਹਿਲੀ ਪੱਤ੍ਰੀ 1:9-10)

• ਪਵਿੱਤਰ ਜੀਵਨ ਦਾ ਪਿੱਛਾ ਕਰਨ ਦੁਆਰਾ (ਇਬਰਾਨੀਆਂ ਨੂੰ 12:14, ਫ਼ਿਲਿੱਪੀਆਂ ਨੂੰ 1:27)

• ਪਾਪਾਂ ਦਾ ਇਕਰਾਰ ਕਰਨ ਦੁਆਰਾ (ਯਾਕੂਬ 5:16)

• ਪ੍ਰਭੂ ਭੋਜ ਦੇ ਵਿੱਚ ਹਿੱਸਾ ਲੈਣ ਦੁਆਰਾ (੧ ਕੁਰਿੰਥੀਆਂ ਨੂੰ 11:23-26)

• ਲਗਾਤਾਰ ਦਾਨ ਦੇਣ ਦੁਆਰਾ (ਲੇਵੀਆਂ ਦੀ ਪੋਥੀ 27:30, ੧ ਕੁਰਿੰਥੀਆਂ ਨੂੰ 16:2, ੨ ਕੁਰਿੰਥੀਆਂ ਨੂੰ 9:7)

ਦਸਤਖਤ ____ ਮਿਤੀ ______________

ਮੈਂਬਰ ਦੇ ਦਸਤਖਤ _______________________________

ਮਨਜ਼ੂਰ ਕਰਨ ਵਾਲਾ: _______________________________ ਸਥਾਨਕ ਚਰਚ ਪਾਸਟਰ

1. ਪਰਮੇਸ਼ੁਰ ਵਿਸ਼ਵਾਸੀਆਂ ਦੇ ਸਮੂਹ ਵਿੱਚ ਖਾਸ ਤਰੀਕੇ ਨਾਲ ਵਾਸ ਕਰਦਾ ਹੈ।

2. ਕਲੀਸਿਆ ਪਰਮੇਸ਼ੁਰ ਦਾ ਪਰਿਵਾਰ ਹੈ, ਜਿੱਥੇ ਵਿਸ਼ਵਾਸੀ ਪਰਿਵਾਰਿਕ ਸੰਬੰਧ ਦੇ ਲਈ ਸਮਰਪਣ ਕਰਦੇ ਹਨ।

3. ਕਲੀਸਿਆ ਦੀ ਮੈਂਬਰਸ਼ਿਪ ਲੈਣਾ ਕਲੀਸਿਆ ਦੇ ਲਈ ਪਰਮੇਸ਼ੁਰ ਦੀ ਯੋਜਨਾ ਵਿੱਚ ਭਾਗੀਦਾਰ ਹੋਣ ਦਾ ਤਰੀਕਾ ਹੈ।

4. ਇੱਕ ਵਿਸ਼ਵਾਸੀਆਂ ਦੇ ਸਮੂਹ ਨੂੰ ਮਿਲ ਕੇ ਕਲੀਸਿਆ ਦੀਆਂ ਜਿੰਮੇਵਾਰੀਆਂ ਸਾਂਝੀਆਂ ਕਰਨੀਆਂ ਚਾਹੀਦੀਆਂ ਹਨ।

5. ਜਦੋਂ ਕਿਸੇ ਵਿਅਕਤੀ ਦੀਆਂ ਯੋਗਤਾਵਾਂ ਕਲੀਸਿਆ ਦੇ ਵਿੱਚ ਉਪਯੋਗ ਹੁੰਦੀਆਂ ਹਨ ਤਾਂ ਉਹ ਬਹੁਤ ਮੁੱਲਵਾਨ ਹੋ ਜਾਂਦੀਆਂ ਹਨ।

6. ਇੱਕ ਪਰਿਵਰਤਿਤ ਹੋਏ ਵਿਅਕਤੀ ਨੂੰ ਜਲਦੀ ਦੇ ਨਾਲ ਕਲੀਸਿਆ ਦੇ ਵਿੱਚ ਸ਼ਾਮਿਲ ਕਰ ਲੈਣਾ ਚਾਹੀਦਾ ਹੈ।

7. ਕਲੀਸਿਆ ਦੀ ਮੈਂਬਰਸ਼ਿਪ ਦੇ ਲਈ ਪਰਿਪੱਕਤਾ ਇੱਕ ਮੰਗ ਨਹੀਂ ਹੋਣੀ ਚਾਹੀਦੀ ਹੈ।

1. ਪਾਠ 5 ਲਈ ਸੱਤ ਸੰਖੇਪ ਬਿਆਨ ਯਾਦ ਰੱਖੋ। ਸੱਤ ਸੰਖੇਪ ਬਿਆਨਾਂ (ਸੱਤ ਪੈਰੇ) ਵਿੱਚੋਂ ਹਰੇਕ ਦੇ ਅਰਥ ਅਤੇ ਮਹੱਤਤਾ ਕਿਸੇ ਅਜਿਹੇ ਵਿਅਕਤੀ ਨੂੰ ਸਮਝਾਉਂਦੇ ਹੋਏ ਇੱਕ ਪੈਰਾ ਲਿਖੋ ਜੋ ਇਸ ਕਲਾਸ ਵਿੱਚ ਨਹੀਂ ਹੈ। ਅੱਗਲੀ ਕਲਾਸ ਤੋਂ ਪਹਿਲਾਂ ਇਸਨੂੰ ਕਲਾਸ ਦੇ ਆਗੂ ਨੂੰ ਸੌਂਪ ਦਿਓ। ਜੇਕਰ ਕਲਾਸ ਦਾ ਆਗੂ ਤੁਹਾਨੂੰ ਚਰਚਾ ਸਮੇਂ ਦੌਰਾਨ ਪੁੱਛਦਾ ਹੈ ਤਾਂ ਸਮੂਹ ਨਾਲ ਇੱਕ ਪੈਰਾ ਸਾਂਝਾ ਕਰਨ ਲਈ ਤਿਆਰ ਰਹੋ। ਅੱਗਲੇ ਕਲਾਸ ਸੈਸ਼ਨ ਦੇ ਸ਼ੁਰੂ ਵਿੱਚ ਆਪਣੀ ਯਾਦਦਾਸ਼ਤ ਤੋਂ ਬਿਆਨ ਲਿਖੋ।

2. ਯਾਦ ਰੱਖੋ ਕਿ ਕਲਾਸ ਤੋਂ ਬਾਹਰ ਆਪਣੇ ਪੜ੍ਹਾਉਣ ਦੇ ਮੌਕਿਆਂ ਦਾ ਸਮਾਂ ਖੁਦ ਤੈਅ ਕਰੋ ਅਤੇ ਪੜ੍ਹਾਉਣ ਤੋਂ ਬਾਅਦ ਕਲਾਸ ਆਗੂ ਨੂੰ ਇਸਦੇ ਬਾਰੇ ਰਿਪੋਰਟ ਕਰੋ।

3. ਲਿਖਣ ਵਾਲਾ ਅਸਾਇਨਮੈਂਟ: ਤੁਹਾਡੀ ਕਲੀਸਿਆ ਦੇ ਵਿੱਚ ਆਉਣ ਵਾਲੇ ਉਨ੍ਹਾਂ ਲੋਕਾਂ ਦੀ ਪ੍ਰਤੀਸ਼ਤਤਾ ਦਾ ਅੰਦਾਜ਼ਾ ਲਗਾਓ ਜੋ ਵਚਨਬੱਧ ਮੈਂਬਰ ਹਨ। ਵਰਨਣ ਕਰੋ ਕਿ ਕੋਈ ਵਿਅਕਤੀ ਤੁਹਾਡੇ ਕਲੀਸਿਆ ਵਿੱਚ ਕਿਵੇਂ ਮੈਂਬਰ ਬਣਦਾ ਹੈ।