(1) ਕਲੀਸਿਆ ਨੂੰ ਆਤਮਿਕ ਜੀਵਨ ਦੇਣ ਵਾਲੇ ਛੋਟੇ ਸਮੂਹ ਕਿੱਥੇ ਹਨ?
ਇੱਕ ਤੰਦਰੁਸਤ ਕਲੀਸਿਆ ਦੇ ਵਿੱਚ ਆਮ ਤੌਰ ਤੇ ਕੁਝ ਕਿਸਮ ਦੇ ਛੋਟੇ ਸਮੂਹ ਹੁੰਦੇ ਹਨ ਜਿੱਥੇ ਆਤਮਿਕ ਜੀਵਨ ਨੂੰ ਬਰਕਰਾਰ ਰੱਖਿਆ ਜਾਂਦਾ ਹੈ। ਇਹ ਸਮੂਹ ਘਰੇਲੂ ਕਲੀਸਿਆਵਾਂ, ਸੰਡੇ ਸਕੂਲ ਦੀਆਂ ਕਲਾਸਾਂ, ਜਾਂ ਹੋਰ ਕਿਸਮ ਦੇ ਸਮੂਹ ਹੋ ਸਕਦੇ ਹਨ। ਇਹ ਵਿਵਸਥਿਤ ਹੋ ਸਕਦੇ ਹਨ ਜਾਂ ਆਮ ਜਿਹੇ ਵੀ ਹੋ ਸਕਦੇ ਹਨ। ਆਤਮਿਕ ਬੇਦਾਰੀ ਆਮ ਤੌਰ ਤੇ ਛੋਟੇ ਸਮੂਹਾਂ ਦੇ ਵਿੱਚ ਹੀ ਸ਼ੁਰੂ ਹੁੰਦੀ ਹੈ। ਕਲੀਸਿਆ ਦਾ ਆਤਮਿਕ ਜੀਵਨ ਸਿਰਫ਼ ਅਰਾਧਨਾ ਸਭਾਵਾਂ ਦੇ ਵਿੱਚ ਹੀ ਬਰਕਰਾਰ ਜਾਂ ਬੇਦਾਰ ਨਹੀਂ ਹੁੰਦਾ। ਆਤਮਿਕ ਜੁਆਬਦੇਹੀ ਅਤੇ ਜੀਵਨ ਬਦਲਾਅ ਅਕਸਰ ਛੋਟੇ ਸਮੂਹਾਂ ਦੇ ਵਿੱਚ ਹੁੰਦਾ ਹੈ। ਕਲੀਸਿਆ ਦੇ ਆਗੂਆਂ ਨੂੰ ਇਸ ਗੱਲ ਨੂੰ ਪੱਕਿਆਂ ਕਰਨਾ ਚਾਹੀਦਾ ਹੈ ਕਲੀਸਿਆ ਦੇ ਵਿੱਚ ਅਜਿਹੇ ਛੋਟੇ ਸਮੂਹ ਹੋਣ ਤੇ ਉਹ ਆਪਣੇ ਉਦੇਸ਼ ਦੀ ਪੂਰਤੀ ਕਰਨ। ਜੇਕਰ ਮੌਜੂਦਾ ਢਾਂਚੇ ਕਲੀਸਿਆ ਨੂੰ ਆਤਮਿਕ ਜੀਵਨ ਦੇ ਯੋਗ ਨਹੀਂ ਬਣਾ ਰਹੇ ਤਾਂ ਫਿਰ ਬਦਲਾਵਾਂ ਦੀ ਜਰੂਰਤ ਹੈ।
(2) ਕਲੀਸਿਆ ਦਾ ਮਾਲਕ ਕੌਣ ਹੈ?
ਇੱਕ ਕਲੀਸਿਆ ਉਸ ਸਮੇਂ ਤੱਕ ਪਰਿਪੱਕ ਨਹੀਂ ਹੈ ਜਦੋਂ ਤੱਕ ਇਸਦੇ ਕੁਝ ਅਜਿਹੇ ਸਮਰਪਿਤ ਲੋਕ ਨਾ ਹੋਣ ਜੋ ਸੇਵਕਾਈ ਅਤੇ ਆਰਥਿਕ ਸਮਰਥਨ ਦੀ ਜਿੰਮੇਵਾਰੀ ਲੈਂਦੇ ਹਨ।
ਜੇਕਰ ਸੇਵਕਾਈ ਨੂੰ ਪਾਸਬਾਨ ਦੇ ਨਿੱਜੀ ਵਿਉਪਾਰ ਦੀ ਤਰ੍ਹਾਂ ਚਲਾਇਆ ਜਾਂਦਾ ਹੈ, ਤਾਂ ਕਲੀਸਿਆ ਕਦੇ ਵੀ ਪਰਿਪੱਕ ਨਹੀਂ ਹੋ ਪਾਏਗੀ। ਜੇਕਰ ਇਮਾਰਤ ਕਿਰਾਏ ਤੇ ਲਈ ਹੋਈ ਹੈ ਅਤੇ ਸਿਰਫ਼ ਇੱਕ ਹੀ ਵਿਅਕਤੀ ਜਾਂ ਕੋਈ ਬਾਹਰੀ ਸੰਸਥਾ ਕਿਰਾਇਆ ਭਰਦੀ ਹੈ ਤਾਂ ਕਲੀਸਿਆ ਪਰਿਪੱਕ ਨਹੀਂ ਹੈ।
ਆਦਰਸ਼ਕ ਤੌਰ ਤੇ, ਇਮਾਰਤ ਅਤੇ ਸੇਵਕਾਈ ਦੀ ਜਿੰਮੇਵਾਰੀ ਕਲੀਸਿਆ ਦੇ ਮੈਂਬਰਾਂ ਦੇ ਇੱਕ ਸਮੂਹ ਦੀ ਹੋਣੀ ਚਾਹੀਦੀ ਹੈ। ਜੇਕਰ ਇਮਾਰਤ ਕਿਰਾਏ ਤੇ ਲਈ ਗਈ ਹੈ, ਤਾਂ ਕਲੀਸਿਆ ਨੂੰ ਮਿਲ ਕੇ ਕਿਰਾਇਆ ਦੇਣ ਦੀ ਜ਼ਿੰਮੇਵਾਰੀ ਲੈਣੀ ਚਾਹੀਦੀ ਹੈ।
ਸਥਾਨਕ ਕਲੀਸਿਆ ਦੀ ਸੇਵਕਾਈ ਇਸ ਪ੍ਰਕਾਰ ਸਥਾਪਿਤ ਹੋਣੀ ਚਾਹੀਦੀ ਹੈ ਕਿ ਇਹ ਮਸੀਹ ਦੇ ਆਉਣ ਤੱਕ ਇੱਕ ਸੰਸਥਾਨ ਦੇ ਤੌਰ ਤੇ ਚੱਲਦੀ ਰਹੇ।
(3) ਸਥਾਨਕ ਸੇਵਕਾਈ ਦਾ ਆਰਥਿਕ ਸਮਰਥਨ ਕਿਵੇਂ ਕੀਤਾ ਜਾਣਾ ਚਾਹੀਦਾ ਹੈ?
ਕਲੀਸਿਆ ਦੀ ਬਿਹਤਰ ਹਾਲਾਤ ਇਹ ਹੈ ਕਿ ਇਸਦਾ ਸਮਰਥਨ ਦਸਵੰਧ ਦੇਣ ਵਾਲੇ ਮੈਂਬਰਾਂ ਦੁਆਰਾ ਕੀਤਾ ਜਾਵੇ। ਜੇਕਰ ਕਲੀਸਿਆ ਦਾ ਸਮਰਥਨ ਕਿਸੇ ਬਾਹਰੀ ਸੰਸਥਾ ਦੇ ਦੁਆਰਾ ਹੋ ਰਿਹਾ ਹੈ ਤਾਂ ਇਹ ਪਰਿਪੱਕ ਕਲੀਸਿਆ ਨਹੀਂ ਹੈ ਸਗੋਂ ਬਹੁਤ ਕਮਜ਼ੋਰ ਹੈ। ਜੇਕਰ ਇਸਦਾ ਸਮਰਥਨ ਪੂਰੀ ਕਲੀਸਿਆ ਦੇ ਦੁਆਰਾ ਹੋਣ ਦੀ ਬਜਾਏ ਪਾਸਬਾਨ ਜਾਂ ਕੁਝ ਦਾਨੀਆਂ ਦੇ ਦੁਆਰਾ ਹੁੰਦਾ ਹੈ, ਤਾਂ ਫਿਰ ਅਜੇ ਤੱਕ ਕਲੀਸਿਆ ਵਿਸ਼ਵਾਸ ਦੇ ਪਰਿਪੱਕ ਪਰਿਵਾਰ ਵੱਜੋਂ ਉੱਨਤ ਨਹੀਂ ਹੋਈ ਹੈ।
ਦਸਵੰਧ ਸਥਾਨਕ ਕਲੀਸਿਆ ਦਾ ਸਮਰਥਨ ਕਰਨ ਦਾ ਪਰਮੇਸ਼ੁਰ ਦੁਆਰਾ ਦਿੱਤਾ ਤਰੀਕਾ ਹੈ। ਕਲੀਸਿਆ ਦੇ ਆਗੂਆਂ ਨੂੰ ਦਸਵੰਧ ਦੇ ਬਾਰੇ ਸਿਖਾਉਣਾ ਚਾਹੀਦਾ ਹੈ ਅਤੇ ਹੌਲੀ-ਹੌਲੀ ਕਲੀਸਿਆ ਦੀ ਸੇਵਕਾਈ ਦੇ ਲਈ ਸਥਾਨਕ ਸਮਰਥਨ ਨੂੰ ਖੜਾ ਕਰਨਾ ਚਾਹੀਦਾ ਹੈ। ਕਲੀਸਿਆ ਨੂੰ ਇਸਦੇ ਕੰਮਾਂ ਦੇ ਲਈ ਬਾਹਰੀ ਸਮਰਥਨ ਦੇ ਨਿਰਭਰ ਨਹੀਂ ਹੋਣਾ ਚਾਹੀਦਾ। ਬਾਹਰੀ ਸਮਰਥਨ ਦੇ ਦੁਆਰਾ ਅਜਿਹੇ ਪ੍ਰਜੈਕਟ ਕਰਨੇ ਚਾਹੀਦੇ ਹਨ ਜਿਸਦੇ ਨਾਲ ਕਲੀਸਿਆ ਦੀ ਸਮਰੱਥਾ ਨੂੰ ਵਧਾਇਆ ਜਾ ਸਕੇ।
(4) ਕੀ ਕਲੀਸਿਆ ਨੂੰ ਕਿਸੇ ਪੂਰੇ ਸਮੇਂ ਦੀ ਸੇਵਕਾਈ ਕਰਨ ਵਾਲੇ ਪਾਸਬਾਨ ਨੂੰ ਆਰਥਿਕ ਸਮਰਥਨ ਦੇਣਾ ਚਾਹੀਦਾ ਹੈ?
ਇੱਕ ਪਾਸਬਾਨ ਦੇ ਲਈ ਬਾਈਬਲ ਆਧਾਰਿਤ ਯੋਜਨਾ ਇਹ ਹੈ ਕਿ ਉਹ ਆਪਣੇ ਸਮੇਂ ਨੂੰ ਪੂਰੀ ਤਰ੍ਹਾਂ ਦੇ ਨਾਲ ਸੇਵਕਾਈ ਦੇ ਵਿੱਚ ਲਗਾਏ। ਕਈ ਵਾਰ ਇਹ ਕਿਸੇ ਨਵੀਂ ਕਲੀਸਿਆ ਦੇ ਲਈ ਸੰਭਵ ਨਹੀਂ ਹੁੰਦਾ, ਪਰ ਕਲੀਸਿਆ ਦੇ ਕੋਲ ਆਰਥਿਕ ਸਮਰਥਨ ਦਾ ਅਜਿਹਾ ਟੀਚਾ ਹੋਣਾ ਚਾਹੀਦਾ ਹੈ ਜਿਸਦੇ ਨਾਲ ਪਾਸਬਾਨ ਆਪਣੀਆਂ ਆਰਥਿਕ ਲੋੜਾਂ ਦੀ ਫਿਕਰ ਨੂੰ ਛੱਡ ਕੇ ਪੂਰਾ ਧਿਆਨ ਆਪਣੀ ਸੇਵਕਾਈ ਤੇ ਲਗਾ ਸਕੇ।
(5) ਆਤਮਿਕ ਜੁਆਬਦੇਹੀ ਦੀ ਕੀ ਪ੍ਰਣਾਲੀ ਹੈ?
ਦਾਨ ਨੂੰ ਇੱਕ ਤੋਂ ਜਿਆਦਾ ਵਿਅਕਤੀਆਂ ਦੇ ਦੁਆਰਾ ਇਕੱਠਾ ਕੀਤਾ ਜਾਣਾ ਅਤੇ ਗਿਣਿਆ ਜਾਣਾ ਚਾਹੀਦਾ ਹੈ। ਕੁਝ ਭਰੋਸੇਯੋਗ ਲੋਕਾਂ ਨੂੰ ਕਲੀਸਿਆ ਦੀਆਂ ਆਰਥਿਕ ਪ੍ਰਾਥਮਿਕਤਾਵਾਂ ਅਤੇ ਨੀਤੀਆਂ ਨੂੰ ਨਿਰਧਾਰਿਤ ਕਰਨ ਦੇ ਵਿੱਚ ਸ਼ਾਮਿਲ ਹੋਣਾ ਚਾਹੀਦਾ ਹੈ। ਕਲੀਸਿਆ ਦੇ ਮੈਂਬਰਾਂ ਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਕਲੀਸਿਆ ਦੀ ਆਰਥਿਕ ਪ੍ਰਣਾਲੀ ਕਿਵੇਂ ਕੰਮ ਕਰਦੀ ਹੈ।
(6) ਕਲੀਸਿਆ ਤੋਂ ਬਾਹਰ ਵਾਲੇ ਲੋਕਾਂ ਤੱਕ ਸ਼ੁਭਸਮਾਚਾਰ ਪਹੁੰਚਾਉਣ ਦੇ ਲਈ ਕਿਹੜੇ ਸਾਧਨਾਂ ਦਾ ਉਪਯੋਗ ਕੀਤਾ ਜਾ ਰਿਹਾ ਹੈ?
[1] ਕਲੀਸਿਆ ਦੀ ਪਹਿਲੀ ਜਿੰਮੇਵਾਰੀ ਇਸਦੇ ਸਮਰਪਿਤ ਮੈਂਬਰਾਂ ਦੀ ਦੇਖਭਾਲ ਕਰਨਾ ਹੈ। ਪਰ ਕਲੀਸਿਆ ਨੂੰ ਹਮੇਸ਼ਾਂ ਆਸ-ਪਾਸ ਦੇ ਲੋਕਾਂ ਸਹਾਇਤਾ ਕਰਨੀ ਚਾਹੀਦੀ ਹੈ। ਕਲੀਸਿਆ ਦੇ ਕੋਲ ਅਜਿਹੀਆਂ ਕਿਰਿਆਵਾਂ ਹੋਣੀਆਂ ਚਾਹੀਦੀਆਂ ਹਨ ਜੋ ਇਸ ਗੱਲ ਨੂੰ ਪੱਕਿਆਂ ਕਰਦੇ ਹੋਣ ਬਾਹਰੀ ਲੋਕ ਕਲੀਸਿਆ ਦੇ ਕੰਮਾਂ ਨੂੰ ਵੇਖ ਸਕਣ ਅਤੇ ਸ਼ੁਭਸਮਾਚਾਰ ਸੁਣ ਸਕਣ। ਸ਼ਾਇਦ ਅਜਿਹੇ ਕੁਝ ਕੰਮ ਆਪਣੇ ਆਪ ਹੀ ਹੋ ਸਕਦੇ ਹਨ। ਆਗੂਆਂ ਨੂੰ ਦੂਸਰਿਆਂ ਨੂੰ ਵੀ ਵਿਵਸਥਿਤ ਕਰਨਾ ਚਾਹੀਦਾ ਹੈ। ਯੋਗਤਾਵਾਂ ਵਾਲੇ ਮੈਂਬਰਾਂ ਨੂੰ ਸੱਦਾ ਦਿੱਤਾ ਜਾਣਾ ਚਾਹੀਦਾ ਹੈ ਅਤੇ ਉਨ੍ਹਾਂ ਕੰਮਾਂ ਦੀ ਸਿਖਲਾਈ ਦਿੱਤੀ ਜਾਣੀ ਚਾਹੀਦੀ ਹੈ।
(7) ਕਲੀਸਿਆ ਆਸ-ਪਾਸ ਦੇ ਲੋਕਾਂ ਦੀ ਲੋੜਾਂ ਦੇ ਪ੍ਰਤੀ ਕੀ ਕਰਦੀ ਹੈ?
ਕਲੀਸਿਆ ਨੂੰ ਆਸ-ਪਾਸ ਦੇ ਲੋਕਾਂ ਦੀ ਜਰੂਰਤਾਂ ਪੂਰੀਆਂ ਕਰਨ ਦੇ ਤਰੀਕੇ ਲੱਭਣੇ ਚਾਹੀਦੇ ਹਨ। ਇਸਦੀ ਪਹਿਲ ਹਮੇਸ਼ਾਂ ਪਰਮੇਸ਼ੁਰ ਦੇ ਪਿਆਰ ਅਤੇ ਬਾਈਬਲ ਦੇ ਸਿਧਾਂਤਾਂ ਨੂੰ ਵਿਖਾਉਣ ਦੇ ਲਈ ਹੋਣੀ ਚਾਹੀਦੀ ਹੈ।
(8) ਕੀ ਕੁਝ ਨਸਲੀ ਜਾਂ ਆਰਥਿਕ ਸ਼੍ਰੇਣੀਆਂ ਦੇ ਅਜਿਹੇ ਲੋਕ ਹਨ ਜਿਨ੍ਹਾਂ ਨੂੰ ਕਲੀਸਿਆ ਦੀ ਸਹਾਇਤਾ ਤੋਂ ਬਾਹਰ ਰੱਖਿਆ ਗਿਆ ਹੈ?
ਕੀ ਗ਼ਰੀਬ ਲੋਕ ਆਪਣੇ ਮਾੜੇ ਕੱਪੜਿਆਂ ਦੇ ਵਿੱਚ ਵੀ ਕਲੀਸਿਆ ਦੇ ਵਿੱਚ ਆਪਣੇ ਲਈ ਸੁਆਗਤ ਨੂੰ ਵੇਖ ਪਾਉਂਦੇ ਹਨ? ਕੀ ਸਮਾਜ ਦੇ ਬੱਚਿਆਂ ਨੂੰ ਕਲੀਸਿਆ ਦੇ ਵਿੱਚ ਆਉਣ ਦੀ ਪ੍ਰਵਾਨਗੀ ਦਿੱਤੀ ਜਾਂਦੀ ਹੈ ਭਾਵੇਂਕਿ ਉਨ੍ਹਾਂ ਦੇ ਮਾਤਾ-ਪਿਤਾ ਨਹੀਂ ਆਉਂਦੇ ਹਨ? ਕੀ ਕੋਈ ਅਜਿਹੀ ਨਸਲ ਦੇ ਲੋਕ ਹਨ ਜੋ ਮਹਿਸੂਸ ਕਰਦੇ ਹਨ ਕਿ ਕਲੀਸਿਆ ਉਨ੍ਹਾਂ ਦੇ ਲਈ ਨਹੀਂ ਹੈ?
(9) ਬਾਹਰੀ ਲੋਕਾਂ ਦਾ ਸੁਆਗਤ ਕਿਵੇਂ ਕੀਤਾ ਜਾਂਦਾ ਹੈ?
ਕਲੀਸਿਆ ਨੂੰ ਇਸਦੇ ਲੋਕਾਂ ਨੂੰ ਸਿਖਾਉਣਾ ਚਾਹੀਦਾ ਹੈ ਕਿ ਉਹ ਇਸਦੇ ਵਿੱਚ ਆਉਣ ਵਾਲੇ ਲੋਕਾਂ ਦਾ ਸੁਆਗਤ ਕਰਨ। ਮਹਿਮਾਨਾਂ ਦਾ ਸੁਆਗਤ ਕਰਨ ਦਾ ਸਭ ਤੋਂ ਮਹੱਤਵਪੂਰਨ ਉਦੇਸ਼ ਮਹਿਮਾਨ ਨੂੰ ਆਦਰਯੋਗ ਅਤੇ ਆਰਾਮਦਾਇਕ ਮਹਿਸੂਸ ਕਰਵਾਉਣਾ ਹੈ। ਕਈ ਲੋਕਾਂ ਦੀ ਮਹਿਮਾਨ ਦੇ ਨਾਲ ਜਾਣ-ਪਛਾਣ ਕਰਵਾਉਣ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ। ਉਸਨੂੰ ਨਾ ਸਿਰਫ਼ ਕਿਸੇ ਹੋਰ ਅਰਾਧਨਾ ਸਭਾ ਦੇ ਲਈ ਸੱਦਾ ਦਿੱਤਾ ਜਾਣਾ ਚਾਹੀਦਾ ਹੈ, ਸਗੋਂ ਇੱਕ ਛੋਟੀ ਸਮੂਹ ਸਭਾ ਜਾਂ ਘਰੇਲੂ ਸਭਾ ਦੇ ਲਈ ਵਿੱਚ ਵੀ ਸੱਦਾ ਦਿੱਤਾ ਜਾਣਾ ਚਾਹੀਦਾ ਹੈ ਜਿੱਥੇ ਉਹ ਸਿੱਖ ਸਕਦਾ ਹੈ ਅਤੇ ਪ੍ਰਸ਼ਨ ਪੁੱਛ ਸਕਦਾ ਹੈ।
(10) ਕਲੀਸਿਆ ਦੀ ਪਰਿਵਰਤਿਤ ਹੋਏ ਲੋਕਾਂ ਨੂੰ ਤੁਰੰਤ ਚੇਲ੍ਹੇਪਨ ਦੀ ਸਿੱਖਿਆ ਦੇਣ ਦੀ ਕੀ ਵਿਧੀ ਹੈ?
ਜਦੋਂ ਕੋਈ ਵਿਅਕਤੀ ਬਚਾਇਆ ਜਾਂਦਾ ਹੈ, ਚਾਹੇ ਉਹ ਕਲੀਸਿਆ ਦੇ ਵਿੱਚ ਹੋਵੇ ਜਾਂ ਬਾਹਰ, ਤਾਂ ਉਸਨੂੰ ਸਿਰਫ਼ ਅਰਾਧਨਾ ਦੇ ਲਈ ਹੀ ਸੱਦਾ ਨਹੀਂ ਦਿੱਤਾ ਜਾਣਾ ਚਾਹੀਦਾ, ਪਰ ਨਾਲ ਹੀ ਉਸਨੂੰ ਤੁਰੰਤ ਚੇਲ੍ਹੇਪਨ ਦੀ ਸਿਖਲਾਈ ਦੇ ਲਈ ਵੀ ਸੱਦਾ ਦਿੱਤਾ ਜਾਣਾ ਚਾਹੀਦਾ ਹੈ। ਇਹ ਪਾਸਬਾਨ ਦੇ ਕੋਲ ਨਿੱਜੀ ਤੌਰ ਤੇ ਆਉਣ ਦੇ ਨਾਲ ਵੀ ਸ਼ੁਰੂ ਹੋ ਸਕਦਾ ਹੈ। ਉਹ ਇੱਕ ਅਜਿਹੇ ਛੋਟੇ ਸਮੂਹ ਦੇ ਵਿੱਚ ਬੁਲਾਇਆ ਜਾ ਸਕਦਾ ਹੈ ਜੋ ਹਫ਼ਤੇ ਦੇ ਵਿੱਚ ਇੱਕ ਵਾਰ ਮਿਲਦਾ ਹੈ। ਕਲੀਸਿਆ ਨਵੇਂ ਪਰਿਵਰਤਿਤ ਹੋਏ ਲੋਕਾਂ ਦੀ ਸੇਵਾ ਕਰਨ ਦੇ ਲਈ ਤਿਆਰ ਹੋਣੀ ਚਾਹੀਦੀ ਹੈ।
(11) ਕਲੀਸਿਆ ਆਤਮਿਕ ਪਰਿਪੱਕਤਾ ਨੂੰ ਕਿਵੇਂ ਪਰਿਭਾਸ਼ਿਤ ਕਰਦੀ ਹੈ?
ਆਤਮਿਕ ਤੌਰ ਤੇ ਪਰਿਪੱਕ ਲੋਕ ਕਿਸ ਪ੍ਰਕਾਰ ਦੇ ਵਿੱਖਦੇ ਹਨ? ਕਲੀਸਿਆ ਨੂੰ ਆਤਮਿਕ ਪਰਿਪੱਕਤਾ ਦੀਆਂ ਵਿਸ਼ੇਸ਼ਤਾਵਾਂ ਸਿਖਾਈਆਂ ਜਾਣੀਆਂ ਚਾਹੀਦੀਆਂ ਹਨ। ਇਹ ਵਿਸ਼ੇਸ਼ਤਾਵਾਂ ਹਮੇਸ਼ਾ ਆਗੂਪੁਣੇ ਦੀ ਯੋਗਤਾ ਜਾਂ ਹੁਨਰ ਦੇ ਨਾਲ ਨਹੀਂ ਹੁੰਦੇ, ਪਰ ਇਹਨਾਂ ਗੁਣਾਂ ਵਾਲੇ ਲੋਕਾਂ ਦਾ ਉਦਾਹਰਨ ਵਜੋਂ ਆਦਰ ਕੀਤਾ ਜਾਣਾ ਚਾਹੀਦਾ ਹੈ।
(12) ਉਦੇਸ਼ਪੂਰਨ ਆਤਮਿਕ ਉੱਨਤੀ ਦੀ ਕੀ ਪ੍ਰਣਾਲੀ ਹੈ?
ਕਲੀਸਿਆ ਦਾ ਮਹੱਤਵਪੂਰਨ ਕੰਮ ਇਸਦੇ ਮੈਂਬਰਾਂ ਦੀ ਆਤਮਿਕ ਉੱਨਤੀ ਕਰਨਾ ਹੈ (ਅਫ਼ਸੀਆਂ ਨੂੰ 4:11-13)। ਕਲੀਸਿਆ ਦੇ ਆਗੂ ਆਤਮਿਕ ਉੱਨਤੀ ਦੇ ਆਪਣੇ ਆਪ ਹੋਣ ਦੀ ਉਮੀਦ ਨਹੀਂ ਕਰ ਸਕਦੇ। ਉਨ੍ਹਾਂ ਨੂੰ ਸਾਧਾਰਨ ਤੌਰ ਤੇ ਕਲੀਸਿਆ ਨੂੰ ਪ੍ਰਚਾਰ ਕਰਕੇ ਸਾਰੀ ਉੱਨਤੀ ਨਿੱਜੀ ਵਿਅਕਤੀਆਂ ਤੇ ਨਹੀਂ ਛੱਡ ਦੇਣੀ ਚਾਹੀਦੀ। ਪਾਸਬਾਨਾਂ ਦੇ ਕੋਲ ਲੋਕਾਂ ਨੂੰ ਆਤਮਿਕ ਅਨੁਸ਼ਾਸਨ ਦਾ ਉਪਯੋਗ ਕਰਨ ਦੇ ਲਈ ਉਤਸ਼ਾਹਿਤ ਕਰਨ ਦੀ ਪ੍ਰਣਾਲੀ ਹੋਣੀ ਚਾਹੀਦੀ ਹੈ। ਉਨ੍ਹਾਂ ਨੂੰ ਅਜਿਹੇ ਸਾਰੇ ਲੋਕਾਂ ਦੇ ਲਈ ਜੁਆਬਦੇਹੀ ਪ੍ਰਦਾਨ ਕਰਨੀ ਚਾਹੀਦੀ ਹੈ ਜੋ ਇਸਨੂੰ ਸਵੀਕਾਰ ਕਰਦੇ ਹਨ। ਇਹ ਨਿੱਜੀ ਗੱਲਬਾਤ, ਛੋਟੇ ਸਮੂਹਾਂ, ਕਲਾਸਾਂ ਜਾਂ ਹੋਰ ਤਰੀਕਿਆਂ ਦੇ ਦੁਆਰਾ ਕੀਤਾ ਜਾ ਸਕਦਾ ਹੈ।
[2] (13) ਕੀ ਮੈਂਬਰਸ਼ਿਪ ਦਾ ਕੋਈ ਅਜਿਹਾ ਢਾਂਚਾ ਹੈ ਜੋ ਲੋਕਾਂ ਨੂੰ ਕਲੀਸਿਆ ਦੇ ਪ੍ਰਤੀ ਸਮਰਪਿਤ ਹੋਣ ਦਾ ਰਾਹ ਪ੍ਰਦਾਨ ਕਰਦਾ ਹੈ?
ਜੋ ਕਲੀਸਿਆ ਦੇ ਪ੍ਰਤੀ ਸਮਰਪਣ ਕਰਨਾ ਚਾਹੁੰਦੇ ਹਨ ਉਨ੍ਹਾਂ ਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਇਸ ਸਮਰਪਣ ਦਾ ਕੀ ਅਰਥ ਹੈ। ਕਈ ਕਲੀਸਿਆਵਾਂ ਕਿਸੇ ਵੀ ਮੈਂਬਰਸ਼ਿਪ ਢਾਂਚੇ ਦੇ ਨਾ ਹੋਣ ਦਾ ਦਾਅਵਾ ਕਰਦੀਆਂ ਹਨ, ਪਰ ਹਰੇਕ ਕਲੀਸਿਆ ਦੇ ਕੋਲ ਇਹ ਜਾਣਨ ਦਾ ਕੋਈ ਨਾ ਕੋਈ ਤਰੀਕਾ ਹੈ ਕਿ ਇਸਦੇ ਮੈਂਬਰ ਕੌਣ ਹਨ। ਹਰੇਕ ਵਿਅਕਤੀ ਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਉਹ ਕਿਹੜੇ ਲੋਕ ਹਨ ਜੋ ਕਲੀਸਿਆ ਦੇ ਵਿੱਚ ਹਨ।
(14) ਕੀ ਹਰੇਕ ਵਿਅਕਤੀ ਦੇ ਲਈ ਮੈਂਬਰਸ਼ਿਪ ਦੀਆਂ ਮੰਗਾਂ ਸਪੱਸ਼ਟ ਹਨ ਅਤੇ ਸਭ ਲੋਕ ਇੰਨ੍ਹਾਂ ਨੂੰ ਜਾਣਦੇ ਹਨ?
ਹਰੇਕ ਵਿਅਕਤੀ ਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਮੈਂਬਰਸ਼ਿਪ ਦੇ ਲਈ ਕਿਹੜੇ ਸਮਰਪਣ ਜਰੂਰੀ ਹਨ। ਕਲੀਸਿਆ ਦਾ ਮੈਂਬਰ ਬਣਨ ਦੀਆਂ ਮੰਗਾਂ ਅਤੇ ਵਰਣਨ ਦੀ ਪ੍ਰਕਿਰਿਆ ਨੂੰ ਪ੍ਰਿੰਟ ਕੀਤਾ ਜਾਣਾ ਚਾਹੀਦਾ ਹੈ।
(15) ਕੀ ਮੈਂਬਰਸ਼ਿਪ ਦੀਆਂ ਮੰਗਾਂ ਕਿਸੇ ਪਰਿਵਰਤਿਤ ਹੋਏ ਵਿਅਕਤੀ ਨੂੰ ਤੁਰੰਤ ਕਲੀਸਿਆ ਦੇ ਕੰਮਾਂ ਵਿੱਚ ਸ਼ਾਮਿਲ ਹੋਣ ਦੀ ਪ੍ਰਵਾਨਗੀ ਦਿੰਦੇ ਹਨ?
ਇੱਕ ਪਰਿਵਰਤਿਤ ਹੋਇਆ ਵਿਅਕਤੀ ਸਮਰਪਿਤ ਹੋਣ ਦੇ ਲਈ ਤਿਆਰ ਹੈ ਤੁਰੰਤ ਕਲੀਸਿਆ ਦੀ ਸਹਾਇਤਾ ਕਰਨ ਦੇ ਲਈ ਯੋਗ ਹੋਣਾ ਚਾਹੀਦਾ ਹੈ। ਇਸਦਾ ਇਹ ਅਰਥ ਨਹੀਂ ਹੈ ਕਿ ਉਸਨੂੰ ਕੋਈ ਅਹੁਦਾ ਜਾਂ ਆਗੂ ਹੋਣ ਦਾ ਸਥਾਨ ਦਿੱਤਾ ਜਾਣਾ ਚਾਹੀਦਾ ਹੈ, ਪਰ ਉਸਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਉਹ ਕਲੀਸਿਆ ਦਾ ਹਿੱਸਾ ਹੈ।
(16) ਕਿਹੜਾ ਸਮੂਹ ਕਲੀਸਿਆ ਦੇ ਵਿੱਚ ਇਸ ਦੀਆਂ ਕਦਰਾਂ-ਕੀਮਤਾਂ ਅਤੇ ਮਿਆਰ ਨੂੰ ਬਣਾਈ ਰੱਖਣ ਦੇ ਲਈ ਜਿੰਮੇਵਾਰ ਹੈ?
ਕਲੀਸਿਆ ਦੇ ਵਿੱਚ ਸਮਰਪਿਤ ਮੈਂਬਰਾਂ ਦਾ ਅਜਿਹਾ ਸਮੂਹ ਹੁੰਦਾ ਹੈ ਜੋ ਕਲਿਸਿਆ ਦੀ ਪ੍ਰਵਿਰਤੀ ਨੂੰ ਨਿਰਧਾਰਿਤ ਕਰਦਾ ਹੈ। ਉਹ ਸੇਵਕਾਂ ਦਾ ਇੱਕ ਬੋਰਡ ਜਾਂ ਸੰਚਾਲਨ ਕਮੇਟੀ ਦੇ ਮੈਂਬਰਾਂ ਦਾ ਸਮੂਹ ਹੋ ਸਕਦਾ ਹੈ। ਆਗੂਆਂ ਨੂੰ ਇਸ ਸਮੂਹ ਨੂੰ ਉੱਨਤ ਕਰਨ ਦੇ ਵੱਲ ਖਾਸ ਧਿਆਨ ਦੇਣਾ ਚਾਹੀਦਾ ਹੈ। ਸਮੂਹ ਦੇ ਵਿੱਚ ਕੀਤੇ ਜਾਣ ਵਾਲੇ ਬਦਲਾਅ ਕਲੀਸਿਆ ਦੇ ਭਵਿੱਖ ਨੂੰ ਨਿਰਧਾਰਿਤ ਕਰਨਗੇ। ਪਾਸਬਾਨ ਉਨ੍ਹਾਂ ਦੇ ਪ੍ਰਤੀ ਜੁਆਬਦੇਹ ਹੋਣਾ ਚਾਹੀਦਾ ਹੈ ਅਤੇ ਉਸਨੂੰ ਉਨ੍ਹਾਂ ਨੂੰ ਜਾਣਕਾਰੀ ਦਿੰਦੇ ਰਹਿਣਾ ਚਾਹੀਦਾ ਹੈ। ਉਨ੍ਹਾਂ ਦੇ ਕੋਲ ਆਗੂਆਂ ਦੀ ਟੀਮ ਦੇ ਕੋਲ ਇੱਕ ਸਮਾਨ ਪ੍ਰਾਥਮਿਕਤਾਵਾਂ ਹੋਣੀਆਂ ਚਾਹੀਦੀਆਂ ਹਨ।
(17) ਕੀ ਕਲੀਸਿਆ ਇੱਕ ਸਪੱਸ਼ਟ ਦਰਸ਼ਨ ਦੇ ਪ੍ਰਤੀ ਸਮਰਪਿਤ ਹੈ?
ਪਾਸਬਾਨ, ਆਗੂਆਂ ਦੀ ਟੀਮ, ਅਤੇ ਸਮਰਪਿਤ ਮੈਂਬਰਾਂ ਦੇ ਸਮੂਹ ਨੂੰ ਕਲੀਸਿਆ ਦੇ ਉਦੇਸ਼ ਅਤੇ ਟੀਚਿਆਂ ਬਾਰੇ ਚਰਚਾ ਕਰਨ ਵਿੱਚ ਬਹੁਤ ਸਮਾਂ ਬਿਤਾਉਣਾ ਚਾਹੀਦਾ ਹੈ। ਉਨ੍ਹਾਂ ਨੂੰ ਕਲੀਸਿਆ ਦਾ ਇੱਕ ਦਰਸ਼ਨ ਵਿਕਸਿਤ ਕਰਨਾ ਚਾਹੀਦਾ ਹੈ ਜਿਸਦਾ ਉਹ ਸਮਰਥਨ ਕਰ ਸਕਣ। ਕਲੀਸਿਆ ਦੇ ਸਾਰੇ ਮੈਂਬਰਾਂ ਨੂੰ ਇਸਦੇ ਦਰਸ਼ਨ ਤੋਂ ਜਾਣੂ ਕਰਵਾਉਣਾ ਚਾਹੀਦਾ ਹੈ।
(18) ਕੀ ਕਲੀਸਿਆ ਦੇ ਮੈਂਬਰ ਇਸਦੇ ਧਰਮ ਸਿਧਾਂਤਾਂ ਨੂੰ ਜਾਣਦੇ ਹਨ?
ਕਲੀਸਿਆ ਨੂੰ ਇਸਦੇ ਮੈਂਬਰਾਂ ਅਰਾਧਨਾ ਦੇ ਵਿੱਚ ਅਗਵਾਈ ਕਰਨ ਅਤੇ ਆਤਮਿਕ ਅਨੁਭਵ ਦੇਣ ਨਾਲੋਂ ਕਿਤੇ ਜਿਆਦਾ ਸੇਵਾ ਕਰਨੀ ਚਾਹੀਦੀ ਹੈ। ਜਦੋਂ ਕੋਈ ਬਾਹਰੀ ਵਿਅਕਤੀ ਇੱਕ ਮੈਂਬਰ ਤੋਂ ਪੁੱਛਦਾ ਹੈ, “ਤੁਹਾਡੀ ਕਲੀਸਿਆ ਦੇ ਵਿਸ਼ਵਾਸ ਕੀ ਹਨ?” ਤਾਂ ਮੈਂਬਰ ਦੇ ਕੋਲ ਇੱਕ ਚੰਗਾ ਉੱਤਰ ਹੋਣਾ ਚਾਹੀਦਾ ਹੈ। ਮੈਂਬਰ ਮਸੀਹਤ ਦੇ ਮੁੱਢਲੇ ਧਰਮ ਸਿਧਾਂਤਾਂ ਅਤੇ ਆਪਣੀ ਕਲੀਸਿਆ ਦੇ ਖਾਸ ਧਰਮ ਸਿਧਾਂਤਾਂ ਨੂੰ ਸਮਝਾਉਣ ਦੇ ਯੋਗ ਹੋਣਾ ਚਾਹੀਦਾ ਹੈ।
(19) ਕੀ ਕਲੀਸਿਆ ਦੇ ਮੈਂਬਰ ਕਲੀਸਿਆ ਅਤੇ ਇਸਦੀ ਐਸੋਸੀਏਸ਼ਨ ਦੇ ਵਿੱਚਕਾਰ ਸੰਬੰਧ ਨੂੰ ਸਮਝਦੇ ਹਨ?
ਕਲੀਸਿਆ ਨੂੰ ਆਪਣੀ ਐਸੋਸੀਏਸ਼ਨ ਦੇ ਪ੍ਰਤੀ ਆਪਣੇ ਸਮਰਪਣ ਨੂੰ ਪੂਰਾ ਕਰਨਾ ਚਾਹੀਦਾ ਹੈ। ਐਸੋਸੀਏਸ਼ਨ ਦੇ ਵਿੱਚ ਸੰਗਤੀ ਰੱਖਣ ਦੇ ਨਾਲ ਕਲੀਸਿਆ ਦੇ ਧਰਮ ਸਿਧਾਂਤਾਂ ਨੂੰ ਸਮਰਥਨ ਮਿਲਦਾ ਹੈ। ਕਲੀਸਿਆ ਦੇ ਲੋਕਾਂ ਨੂੰ ਐਸੋਸੀਏਸ਼ਨ ਦੇ ਪ੍ਰੋਗ੍ਰਾਮਾਂ ਵਿੱਚ ਹਿੱਸਾ ਲੈਣ ਲਈ ਉਤਸ਼ਾਹਿਤ ਕਰਨਾ ਚਾਹੀਦਾ ਹੈ।
(20) ਅਰਾਧਨਾ ਸਭਾਵਾਂ ਦੀ ਯੋਜਨਾ ਅਤੇ ਮੁਲਾਕਣ ਕਿਵੇਂ ਕੀਤੇ ਜਾਂਦੇ ਹਨ?
ਆਗੂਆਂ ਨੂੰ ਅਰਾਧਨਾ ਸਭਾਵਾਂ ਦੀ ਪ੍ਰਾਥਨਾਪੂਰਵਕ ਯੋਜਨਾ ਬਣਾਉਣੀ ਚਾਹੀਦੀ ਹੈ। ਜੇਕਰ ਪਵਿੱਤਰ ਆਤਮਾ ਸਭਾ ਦੀ ਅਗਵਾਈ ਕਿਸੇ ਅਣਮਿਥੀ ਦਿਸ਼ਾ ਦੇ ਵੱਲ ਕਰਦਾ ਹੈ ਤਾਂ ਇਹ ਸਹੀ ਹੈ; ਪਰ ਇਸ ਤੋਂ ਇਲਾਵਾ, ਆਗੂਆਂ ਦੇ ਕੋਲ ਇਸਨੂੰ ਚਲਾਉਣ ਦੀ ਯੋਜਨਾ ਜਰੂਰ ਹੋਣੀ ਚਾਹੀਦੀ ਹੈ। ਅਜਿਹੀਆਂ ਸਭਾਵਾਂ ਹੋਣੀਆਂ ਚਾਹੀਦੀਆਂ ਹਨ ਜਿੱਥੇ ਕੁਝ ਮੈਂਬਰ ਮਿਲ ਕੇ ਸਭਾ ਦੇ ਵੇਰਵਿਆਂ ਦੇ ਬਾਰੇ ਚਰਚਾ ਕਰ ਸਕਣ।
ਜੇਕਰ ਕਲੀਸਿਆ ਦੇ ਕੋਲ ਚੰਗੀ ਅਰਾਧਨਾ ਹੈ ਤਾਂ ਕਲੀਸਿਆ ਇਸਦੇ ਵਿੱਚ ਸ਼ਾਮਿਲ ਹੁੰਦੀ ਹੈ ਅਤੇ ਰੁਚੀ ਰੱਖਦੀ ਹੈ। ਕਲੀਸਿਆ ਨੂੰ ਸਭਾ ਦੇ ਅਲੱਗ-ਅਲੱਗ ਹਿੱਸਿਆਂ ਵਿੱਚ ਬਹੁਤ ਸਾਰੇ ਵੱਖ-ਵੱਖ ਲੋਕਾਂ ਦਾ ਉਪਯੋਗ ਕਰਨ ਦਾ ਯਤਨ ਕਰਨਾ ਚਾਹੀਦਾ ਹੈ ਤਾਂ ਜੋ ਵਧੇਰੇ ਲੋਕਾਂ ਨੂੰ ਇਸਦੇ ਦਿਲਚਸਪ ਅਤੇ ਸਮਰਪਿਤ ਰੱਖਿਆ ਜਾ ਸਕੇ।
(21) ਕੀ ਬਪਤਿਸਮੇ ਅਤੇ ਪ੍ਰਭੂ ਭੋਜ ਦਾ ਅਭਿਆਸ ਵਚਨਾਂ ਦੇ ਆਧਾਰ ਤੇ ਅਤੇ ਅਰਥਪੂਰਨ ਤਰੀਕੇ ਨਾਲ ਕੀਤਾ ਜਾਂਦਾ ਹੈ?
ਹਰੇਕ ਸੱਚਾ ਪਰਿਵਰਤਿਤ ਹੋਇਆ ਵਿਅਕਤੀ ਜਾਂ ਤਾਂ ਬਪਤਿਸਮਾ ਪਾਇਆ ਹੋਣਾ ਚਾਹੀਦਾ ਹੈ ਜਾਂ ਉਸਦੇ ਬਪਤਿਸਮੇ ਲੈਣ ਦਾ ਸਮਾਂ ਨਿਰਧਾਰਿਤ ਕੀਤਾ ਹੋਣਾ ਚਾਹੀਦਾ ਹੈ। ਪ੍ਰਭੂ ਭੋਜ ਉਨ੍ਹਾਂ ਨੂੰ ਦਿੱਤਾ ਜਾਣਾ ਚਾਹੀਦਾ ਹੈ ਜਿੰਨ੍ਹਾਂ ਦੇ ਕੋਲ ਕ੍ਰਿਪਾ ਦੀ ਗਵਾਹੀ ਹੈ। ਪ੍ਰਭੂ ਭੋਜ ਦਾ ਅਭਿਆਸ ਇਸ ਤਰੀਕੇ ਨਾਲ ਕੀਤਾ ਜਾਣਾ ਚਾਹੀਦਾ ਹੈ ਜੋ ਭਾਗ ਲੈਣ ਵਾਲਿਆਂ ਦੀ ਅਰਾਧਨਾ ਕਰਨ ਦੇ ਵਿੱਚ ਸਹਾਇਤਾ ਕਰੇ।
(22) ਕੀ ਕਲੀਸਿਆ ਬਾਈਬਲ ਵਿੱਚ ਦੱਸੇ ਕਲੀਸਿਆਈ ਅਨੁਸ਼ਾਸਨ ਦਾ ਅਭਿਆਸ ਕਰਦੀ ਹੈ?
ਕਲੀਸਿਆ ਨੂੰ ਪਾਪ ਦੇ ਵਿਰੁੱਧ ਖੜਾ ਹੋਣਾ ਚਾਹੀਦਾ ਹੈ। ਜੇਕਰ ਕਲੀਸਿਆ ਦਾ ਕੋਈ ਮੈਂਬਰ ਪਾਪ ਕਰਨ ਦਾ ਦੋਸ਼ੀ ਹੈ, ਤਾਂ ਉਸਦਾ ਸਾਹਮਣਾ ਕੀਤਾ ਜਾਣਾ ਚਾਹੀਦਾ ਹੈ। ਇਸਦਾ ਟੀਚਾ ਉਸਨੂੰ ਤੌਬਾ ਦੇ ਵਿੱਚ ਲਿਆਉਣਾ ਅਤੇ ਆਤਮਿਕ ਜਿੱਤ ਦੇ ਵਿੱਚ ਮੁੜ-ਬਹਾਲ ਕਰਨਾ ਹੋਣਾ ਚਾਹੀਦਾ ਹੈ।
(23) ਕੀ ਕੋਈ ਅਜਿਹੀ ਟੀਮ ਹੈ ਜੋ ਸੇਵਕਾਈ ਦੀਆਂ ਜਿੰਮੇਵਾਰੀਆਂ ਨੂੰ ਸਾਂਝਾ ਕਰਦੀ ਹੈ?
ਜਦੋਂ ਤੱਕ ਕਲੀਸਿਆ ਦੇ ਵਿੱਚ ਆਗੂਆਂ ਦੀ ਟੀਮ ਵਿਕਸਿਤ ਨਹੀਂ ਹੋਵੇਗੀ ਤਦ ਤੱਕ ਸੇਵਕਾਈ ਦਾ ਵਿਕਾਸ ਨਹੀਂ ਹੋਵੇਗਾ। ਹਰੇਕ ਵਿਅਕਤੀ ਕੁਝ ਸੀਮਿਤ ਲੋਕਾਂ ਨੂੰ ਹੀ ਪ੍ਰਭਾਵਿਤ ਕਰ ਸਕਦਾ ਹੈ ਅਤੇ ਸੀਮਿਤ ਜਿੰਮੇਵਾਰੀਆਂ ਹੀ ਲੈ ਸਕਦਾ ਹੈ। ਕਲੀਸਿਆ ਦੀ ਸੇਵਕਾਈ ਕਿਸੇ ਇੱਕ ਵਿਅਕਤੀ ਦੀ ਸੇਵਕਾਈ ਨਹੀਂ ਹੋਣੀ ਚਾਹੀਦੀ।
[3] (24) ਸੇਵਕਾਈ ਦੀ ਟੀਮ ਨੂੰ ਚੁਣਨ, ਸਿਖਲਾਈ ਦੇਣ, ਅਤੇ ਟੀਮ ਦੇ ਵਿੱਚ ਮੈਂਬਰਾਂ ਨੂੰ ਸ਼ਾਮਿਲ ਕਰਨ ਦੀ ਪ੍ਰਣਾਲੀ ਕੀ ਹੈ?
ਆਗੂਆਂ ਦੀ ਟੀਮ ਦੇ ਲਈ ਨਵੇਂ ਮੈਂਬਰ ਵਿਕਸਿਤ ਕਰਨ ਤੋਂ ਬਿਨਾਂ ਸੇਵਕਾਈ ਅੱਗੇ ਨਹੀਂ ਵੱਧ ਸਕਦੀ ਹੈ। ਟੀਮ ਦੇ ਮੈਂਬਰਾਂ ਦੀ ਚੋਣ ਬਹੁਤ ਧਿਆਨਪੂਰਵਕ ਕੀਤੀ ਜਾਣੀ ਚਾਹੀਦੀ ਹੈ, ਪਰ ਕਲੀਸਿਆ ਨੂੰ ਹਮੇਸ਼ਾਂ ਅਜਿਹੇ ਲੋਕਾਂ ਦੀ ਭਾਲ ਅਤੇ ਵਿਕਸਿਤ ਕਰਦੇ ਰਹਿਣਾ ਚਾਹੀਦਾ ਹੈ ਜੋ ਭਵਿੱਖ ਦੇ ਵਿੱਚ ਜਿੰਮੇਵਾਰੀ ਲੈ ਸਕਣ। ਸੇਵਕਾਈ ਦਾ ਵਿਕਾਸ ਜਿਆਦਾ ਆਗੂਆਂ ਨੂੰ ਵਿਕਸਿਤ ਕਰਨ ਤੇ ਨਿਰਭਰ ਕਰਦਾ ਹੈ।
(25) ਕਲੀਸਿਆ ਦੇ ਵਿੱਚ ਕਿਸੇ ਵਿਵਾਦ ਜਾਂ ਸਮੱਸਿਆ ਨੂੰ ਸੁਲਝਾਉਣ ਦੇ ਲਈ ਕੀ ਪ੍ਰਣਾਲੀ ਹੈ?
ਨਾ ਸੁਲਝੇ ਹੋਏ ਵਿਵਾਦ ਕਲੀਸਿਆ ਨੂੰ ਅਪਾਹਜ ਬਣਾ ਦਿੰਦੇ ਹਨ। ਕਲੀਸਿਆ ਨੂੰ ਸਿਖਾਇਆ ਜਾਣਾ ਚਾਹੀਦਾ ਹੈ ਕਿ ਲੋਕਾਂ ਦੇ ਨਾਲ ਆਪਣੇ ਨਿੱਜੀ ਵਿਵਾਦਾਂ ਨੂੰ ਕਿਵੇਂ ਸੁਲਝਾਉਣਾ ਹੈ। ਕਲੀਸਿਆ ਦੇ ਆਗੂਆਂ ਨੂੰ ਵਿਵਾਦਾਂ ਨੂੰ ਨਜ਼ਰ-ਅੰਦਾਜ ਨਹੀਂ ਕਰਨਾ ਚਾਹੀਦਾ ਪਰ ਸਹਾਇਤਾ ਕਰਕੇ ਸੁਲਾਹ ਕਰਾਉਣ ਦੇ ਲਈ ਤਿਆਰ ਰਹਿਣਾ ਚਾਹੀਦਾ ਹੈ।
(26) ਕੀ ਕਲੀਸਿਆ ਬਾਕੀ ਕਲੀਸਿਆਵਾਂ ਦੇ ਨਾਲ ਮਿਲ ਕੇ ਮਿਸ਼ਨ ਦੇ ਕੰਮ ਦਾ ਸਮਰਥਨ ਕਰ ਰਹੀ ਹੈ?
ਜੇਕਰ ਕੋਈ ਕਲੀਸਿਆ ਸੱਚਮੁੱਚ ਪਰਮੇਸ਼ੁਰ ਦੇ ਕੰਮ ਨੂੰ ਅੱਗੇ ਵਧਾਉਣਾ ਚਾਹੁੰਦੀ ਹੈ, ਤਾਂ ਇਹ ਕੰਮ ਸਿਰਫ਼ ਸਥਾਨਕ ਪ੍ਰਭਾਵ ਦੇ ਨਲ ਹੀ ਨਹੀਂ ਹੋਵੇਗਾ, ਪਰ ਹੋਰ ਸੇਵਕਾਈਆਂ ਦਾ ਸਮਰਥਨ ਕਰਨਾ ਪਵੇਗਾ। ਜਦੋਂ ਕਲੀਸਿਆ ਕਿਸੇ ਅਜਿਹੀ ਸੇਵਕਾਈ ਦੇ ਲਈ ਦਿੰਦੀ ਹੈ ਜਿਸ ਨਾਲ ਇਸਨੂੰ ਸਿੱਧੇ ਤੌਰ ਤੇ ਕੋਈ ਲਾਭ ਨਹੀਂ ਹੁੰਦਾ ਤਾਂ ਇਸਦੇ ਨਾਲ ਇਹ ਪਰਮੇਸ਼ੁਰ ਦੀ ਮਹਿਮਾ ਦਾ ਪ੍ਰਦਰਸ਼ਨ ਕਰਦੀ ਹੈ।
(27) ਕੀ ਕਲੀਸਿਆ ਕਿਸੇ ਨਵੀਂ ਕਲੀਸਿਆ ਦੇ ਸ਼ੁਰੂ ਹੋਣ ਦੇ ਵਿੱਚ ਸਹਾਇਤਾ ਕਰ ਰਹੀ ਹੈ?
ਇੱਕ ਪਰਿਪੱਕ ਕਲੀਸਿਆ ਨੂੰ ਉਸ ਇਲਾਕੇ ਦੇ ਵਿੱਚ ਨਵੀਂ ਕਲੀਸਿਆ ਸ਼ੁਰੂ ਕਰਨ ਦੇ ਵਿੱਚ ਸਹਾਇਤਾ ਕਰਨੀ ਚਾਹੀਦੀ ਹੈ। ਨਵੀਂ ਕਲੀਸਿਆ ਉਨ੍ਹਾਂ ਲੋਕਾਂ ਤੱਕ ਵਚਨ ਲੈ ਕੇ ਜਾਵੇਗੀ ਜਿੱਥੇ ਮੌਜੂਦਾ ਕਲੀਸਿਆ ਨਹੀਂ ਲੈ ਕੇ ਜਾ ਸਕਦੀ।
(28) ਕੀ ਕਲੀਸਿਆ ਦੀ ਸੇਵਕਾਈ ਇਸਦੇ ਵਿੱਚ ਮੌਜੂਦ ਹਰੇਕ ਉਮਰ ਅਤੇ ਸ਼੍ਰੇਣੀ ਦੇ ਲੋਕਾਂ ਲਈ ਹੈ?
ਕਲੀਸਿਆ ਦੇ ਵਿੱਚ ਬੱਚਿਆਂ, ਬਜ਼ੁਰਗਾਂ, ਜੁਆਨ ਜੋੜਿਆਂ, ਜੁਆਨ ਪਰਿਵਾਰਾਂ,ਪੁਰਸ਼ਾਂ, ਅਣਵਿਆਹੇ ਲੋਕਾਂ ਨੂੰ ਮਹੱਤਵ ਦਿੱਤਾ ਜਾਣਾ ਚਾਹੀਦਾ ਹੈ। ਕਲੀਸਿਆ ਨੂੰ ਹਰੇਕ ਤਰ੍ਹਾਂ ਦੇ ਆਤਮਿਕ ਪਰਿਪੱਕ ਲੋਕਾਂ ਦੇ ਪੱਧਰ ਅਨੁਸਾਰ ਵੀ ਸਹਾਇਤਾ ਕਰਨ ਤੇ ਵਿਚਾਰ ਕਰਨਾ ਚਾਹੀਦਾ ਹੈ।
(29) ਕੀ ਕਲੀਸਿਆ ਦੇ ਮੈਂਬਰ ਮਿਲ ਜੁਲ ਕੇ ਦੂਸਰੇ ਮੈਂਬਰਾਂ ਦੀਆਂ ਜਰੂਰਤਾਂ ਦੇ ਵੱਲ ਧਿਆਨ ਦਿੰਦੇ ਹਨ?
ਕਲੀਸਿਆ ਨੂੰ ਇਸਦੇ ਲੋਕਾਂ ਦੀਆਂ ਆਰਥਿਕ ਲੋੜਾਂ ਦੇ ਵਿੱਚ ਵੀ ਸਹਾਇਤਾ ਕਰਨੀ ਚਾਹੀਦੀ ਹੈ। ਜਿਆਦਾਤਰ ਜਰੂਰਤਾਂ ਦੀ ਪੂਰਤੀ ਕਲੀਸਿਆ ਦੇ ਸੰਚਾਲਨ ਦੀ ਦਖਲਅੰਦਾਜੀ ਤੋਂ ਬਿਨਾਂ ਦੀ ਦੂਸਰੇ ਮੈਂਬਰਾਂ ਦੁਆਰਾ ਕਰ ਦਿੱਤੀ ਜਾਣੀ ਚਾਹੀਦੀ ਹੈ। ਜੇਕਰ ਜਿਆਦਾਤਰ ਮੈਂਬਰ ਦੂਸਰਿਆਂ ਦੀ ਸਹਾਇਤਾ ਕਰਨ ਦੀ ਜਿੰਮੇਵਾਰੀ ਨੂੰ ਮਹਿਸੂਸ ਨਹੀਂ ਕਰਦੇ, ਤਾਂ ਕਲੀਸਿਆ ਅਜੇ ਪਰਿਪੱਕ ਨਹੀਂ ਹੋਈ ਹੈ।
(30) ਕਲੀਸਿਆ ਇਸ ਗੱਲ ਨੂੰ ਕਿਵੇਂ ਪੱਕਿਆਂ ਕਰ ਸਕਦੀ ਹੈ ਕਿ ਇਸਦੇ ਮੈਂਬਰਾਂ ਦੀਆਂ ਜਰੂਰਤਾਂ ਦੀ ਪੂਰਤੀ ਹੋ ਗਈ ਹੈ?
ਕਲੀਸਿਆ ਦੇ ਵਿੱਚ ਅਜਿਹੇ ਸੇਵਕ ਹੋਣੇ ਚਾਹੀਦੇ ਹਨ ਜੋ ਇਸ ਗੱਲ ਨੂੰ ਪੱਕਿਆਂ ਕਰਨ ਦੀ ਜਰੂਰਤਾਂ ਦੇ ਵੱਲ ਧਿਆਨ ਦਿੱਤਾ ਜਾਵੇ। ਰਸੂਲਾਂ ਦੇ ਕਰਤੱਬ ਵਿੱਚ ਪਹਿਲੇ ਸੇਵਕਾਂ ਦੀ ਚੌਣ ਇਸੇ ਉਦੇਸ਼ ਦੇ ਲਈ ਹੋਈ ਸੀ।
[1]
“ਮਸੀਹਤ ਦੇ ਮਿਸ਼ਨ ਨੂੰ ਪੂਰਾ ਕਰਨ ਦੇ ਲਈ ਪਰਮੇਸ਼ੁਰ ਦੁਆਰਾ ਠਹਿਰਾਏ ਬਾਕੀ ਸਾਰੇ ਸਾਧਨਾਂ ਦੇ ਵਿੱਚ, ਮੁੱਖ ਸਥਾਨ ਸ਼ੁਭਸਮਾਚਾਰ ਦੇ ਪ੍ਰਚਾਰ ਨੂੰ ਸੌਂਪਿਆ ਗਿਆ ਹੈ।”
- ਜੋਨ੍ਹ ਮਿਲੇ,ਕ੍ਰਿਸਚਨ ਥਿਓਲੋਜੀ
[2]
“ਯਿਸੂ ਨੇ ਚੇਲ੍ਹਿਆਂ ਨੂੰ ਨਿੱਜੀ ਰੂਪ ਦੇ ਵਿੱਚ ਬੁਲਾ ਕੇ, ਰਸੂਲਾਂ ਨੂੰ ਇਕੱਠਿਆਂ ਕਰਕੇ, ਸਿਖਲਾਈ ਦੇ ਕੇ, ਅਨੁਸ਼ਾਸਨ ਸਿਖਾ ਕੇ ਅਤੇ ਘੋਸ਼ਣਾ ਕਰਨ ਅਤੇ ਧਾਰਮਿਕ ਵਿਧੀਆਂ ਨੂੰ ਕਰਨ ਦੇ ਲਈ ਨਿਯੁਕਤ ਕਰਕੇ, ਅਜਿਹੇ ਸਮੁਦਾਏ ਨੂੰ ਬਣਾਉਣ ਦਾ ਇਰਾਦਾ ਰੱਖ ਕੇ ਕਲੀਸਿਆ ਨੂੰ ਸਥਾਪਿਤ ਕੀਤਾ ਜਿੰਨ੍ਹਾਂ ਦੇ ਕੋਲ ਬਪਤਿਸਮਾ ਦੇਣ, ਪ੍ਰਚਾਰ ਕਰਨ ਦੀ ਸਮਰੱਥਾ, ਅਨੁਸ਼ਾਸਨ ਬਣਾਈ ਰੱਖਣ ਅਤੇ ਜਿਉਂਦੇ ਪ੍ਰਭੂ ਦੇ ਪ੍ਰਭੂ ਭੋਜ ਨੂੰ ਦੇਣ ਦੀ ਸਮੱਰਥਾ ਅਤੇ ਅਧਿਕਾਰ ਹੋਵੇਗਾ।”
- ਥੋਮਸ ਓਡੇਨ,
[3]
“ਉਹੀ ਇੱਕ ਦੇਹ ਜੋ ਅੰਧਕਾਰ ਦੇ ਅਧਿਕਾਰੀਆਂ ਅਤੇ ਸ਼ਕਤੀਆਂ ਦੇ ਵਿਰੁੱਧ ਸੰਘਰਸ਼ ਕਰਦੀ ਹੈ, ਅਤੇ ਭਵਿੱਖ ਦੇ ਵਿੱਚ ਹੋਰ ਵੀ ਜਿਆਦਾ ਮੁਸ਼ਕਿਲਾਂ ਦੀ ਉਮੀਦ ਰੱਖਦੀ ਹੈ, ਉਹ ਸਵਰਗੀ ਨਗਰ ਦੇ ਮੁਖੀ ਨਾਲ ਜੁੜ ਕੇ ਪਹਿਲਾਂ ਹੀ ਜੇਤੂ ਹੋ ਚੁੱਕੀ ਹੈ, ਅਤੇ ਪ੍ਰਭੂ ਦੇ ਵਿੱਚ ਸੰਪੂਰਨ ਅਨੰਦ ਨੂੰ ਮਨਾਉਣ ਦੇ ਲਈ ਤਿਆਰ ਹੈ ਜਿੱਥੇ ਅੰਤ ਦੇ ਦਿਨ ਸਾਰੇ ਵਫ਼ਾਦਾਰ ਮਿਲ ਕੇ ਪਰਮੇਸ਼ੁਰ ਦੀ ਸਤੂਤੀ ਕਰਨਗੇ।”
ਵਿਲੀਅਮ ਪੋਪ,ਏ ਕੋਮਪੈਂਡਿਅਮ ਆੱਫ ਕ੍ਰਿਸਚਨ ਥਿਓਲੋਜੀ
