SGC बाटको कोर्सहरु विभिन्न कार्यक्रमहरुमा प्रयोग गरिन्छ । उच्च विद्यालयले (कहिलेकाँही माध्यमिक विद्यालय भनिन्छ) कुनै विशेष कोर्स प्रयोग गर्छन् । केहि मण्डलीहरुले योकोर्स बाल संगतिमा प्रयोग गर्छन । घरेलु बाइबल अध्ययन समुहले यो कोर्स अध्ययन गर्न प्रयोग गर्छन । पास्टरले कोर्स को केहि विषयवस्तु छानेर प्रवचनमा र शिक्षा दिने काममा प्रयोग गर्नुहुन्छ ।

यस अध्यायको निर्देशिका २० SGC कोर्स प्रयोग गरि यस कार्यक्रमको अध्ययन पुरा गर्ने स्थानीय संस्थाको संचालनको लागि लागु हुन्छ।

SGC कोर्स को सम्पूर्ण संकलनले बाइबल कलेजको पाठ्यक्रमको निकै महत्वपुर्ण बिषयसूची संलग्न गरेको छ । यसलाई जानीबुझिकन अप्ठेरो शब्दावली बिना लेखिएको छ । 

यस कोर्स जुन अनुरुपले तयार गरिएको छ सो अनुसार अध्ययन गर्न विद्यार्थी कम्तिमा राम्रोसँग पढ्न लेख्न सक्ने हुनुपर्छ ।

यो कोर्स नयाँ विश्वासीहरुलाई चेलापनमा हुर्काउनको निम्ति तयार पारिएको होइन यद्यपि यसका धेरै जसो सामाग्रीहरु त्यसको लागी उपयोगी छन् ।

समुहको असल अभ्यासहरुको लागि प्रत्येक विद्यार्थीले गर्नु पर्ने

१. कोर्स को लागि कापी हुनुपर्छ ।

२. सबै कार्यभारहरू पुरा गर्नुपर्छ ।

३. कक्षाको समय भित्र सामाग्रीहरु प्रस्तुत गर्ने अभ्यास गर्नुपर्छ ।

४. स्थानीय मण्डली सँग राम्रो सम्बन्धमा रहनुपर्छ ।

५. समुहभन्दा बाहिर निरन्तर सेवकाई गर्नुपर्छ ।

एक शिक्षक जसले यी अभ्यासहरु कायम राख्नुहुन्छ, विद्यार्थीलाई सेवाकाईको निम्ति प्रभावकारी रुपले तालिम दिन सक्छन ।

सेवाकाईको निम्ति तयारी नगर्नुहुने विद्यार्थीहरुको समुहको लागि विद्यार्थी संस्करण पनि उपलब्ध छ । विद्यार्थी संस्करण चाँही कोर्स को संक्षिप्त स्वरूप हो । तिनीहरु उच्च विद्यालयमा (माध्यमिक विद्यालयहरु) र बाल संगतिमा प्रयोग गरिन्छ । ती विद्यार्थीहरुले सामान्यतया कार्यभार गर्दैनन् किनकि तिनीहरु सेवकाई अभ्यास गर्दैनन् वा सेवकाईको लागि तयारी गर्दै हुँदैनन् । यस्ता विद्यार्थीहरुको शिक्षकहरुले SGC को वास्तविक कोर्स को पुस्तकबाट सिकाउनु पर्छ किनकि विद्यार्थी संस्करण अपूर्ण छ । नोट: विद्यार्थी संस्करण सेवकाईको निम्ति तयार गरिरहेका र सेवकाई तालिमको प्रमाणपत्र प्राप्त गर्ने योजना गर्ने विद्यार्थीहरुको लागि प्रयोग गर्नु हुँदैन ।

SGC ले शैक्षिक डिग्री वा उपाधि दिंदैन । केहि स्थानहरुमा स्थानीय वा राष्ट्रिय संस्थाहरु जसले SGC को कोर्स प्रयोग गरेर आफ्नै आवश्यकताहरु राखेर डिग्री वा प्रमाणपत्र दिन्छन । विद्यार्थीले सो संस्थामा नाम दर्ता गर्नुपर्छ र आवश्यकताहरु पुरा गर्नुपर्छ ।

शैक्षिक डिग्री उपलब्ध नभएको ठाउँहरुमा, यस कार्यक्रमलाई व्यवसायिक तालिमको रुपमा विचार गर्न सक्छन् । व्यवसायको संसारको व्यवसायिक तालिम कार्यक्रमले एक व्यक्तिलाई दक्षता सँग पेशा गर्न तयार गर्छ । ती कार्यक्रमहरुले डिग्री दिंदैन, तर यी व्यक्ति तालिम प्राप्त हो भनि प्रमाणित गर्छ। ठिक त्यस्तै SGC कार्यक्रम सेवकाईको निम्ति व्यवसायिक तालिम हो ।

कोर्स बाहेक केवल बाइबलको मात्रै आवश्यकता पर्छ, तर कोर्स ले थप अध्ययनको लागि अरु सामाग्रीहरु सिफारिस गर्दछ । स्थानीय संस्थाले विद्यार्थीको प्रयोगको लागि पुस्तकालय विकास गर्न कोसिस गर्नुपर्छ ।

स्थानीय संस्थाले कक्षाहरुको लागि स्थानीय परिस्थितिहरु अनुसार आफ्नो तालिका बनाउन सक्छन् । यद्यपि, पर्याप्त समयको प्रतिबद्धता गर्नुपर्छ । यदि एक शिक्षकले छलफल र विद्यार्थीको अभ्यास बिना केवल विषयवस्तु मात्रै पढाउनुहुन्छ भने बिताउने समय त थोरै हुन्छ, तर यस्ता कक्षाले विद्यार्थीहरुलाई राम्रो सँग सुसज्जित गराउँदैंनन् । यदि समुहले सामग्री र पुरा गरेको कार्यभारमा छलफल गर्दा समय लिन्छन भने, कोर्स ले तीस घण्टा भन्दा धेरै कक्षाकोठाको समय लिन्छ । विद्यार्थीहरुले कार्यभार गर्नको लागि कक्षा बाहिर पनि अतिरिक्त समय बिताउनु पर्छ ।

निश्चित क्रमबद्धता आवश्यक छैन । प्रत्येक कोर्स पूर्ण छ र अगाडी बढ्न अर्को कोर्स मा भर पर्दैन । कार्यक्रमलाई चक्रीय रुपमा संचालन गर्न सम्भव छ, कि नयाँ विद्यार्थीहरु कुनै कोर्स को सुरुवातमा जोडिन सक्छन् । संस्थाले विद्यार्थीहरुलाई बर्षको सुरुवातको समय सम्म पर्खन लगाउनु भन्दा लगातार नयाँ विद्यार्थीहरु भर्ना गर्न सक्छन् । हरेक विद्यार्थीहरु कोर्स को सुरुवातमा भर्ना हुन्छन् र सबै कोर्स नसकिएसम्म चक्रीय रुपमा निरन्तरता दिन सक्छन् ।

शिक्षकले विद्यार्थीको हाजिरको अभिलेख राख्नुपर्छ । विद्यार्थी जसले ७५% कक्षामा हाजिर नहुने र आवश्यक कार्य १००% पुरा नगर्नेले कोर्स को कक्षाको अङ्क पाउन सक्दैनन् । केहि बिशेष परिस्थितिहरुमा, शिक्षकले छुटेको कक्षाको सट्टा केहि थप अध्ययनको लागि आवश्यकताको कार्य दिन सक्छन् ।

शिक्षकले विद्यार्थीहरुको पूर्ण कार्यभारको विचारपुर्वक अभिलेख राख्नु पर्छ ताकि अन्तिम ग्रेड स्पष्ठ र सठीक हुन सकोस् । शिक्षकले यो कुरा पक्का गर्नुपर्छ कि हरेक विद्यार्थीहरुले तिनीहरुको कार्यभार वा हाजिरको कारण तिनीहरुको ग्रेड कम भएको हो ।

यदि स्थानीय संस्थाहरुको महासंघको भाग हुनुहुन्छ भने विद्यार्थीहरुको हाजिर र कार्यभारहरू क्षेत्रीय तालिमकर्ताले अनुगमन गर्न उपलब्ध हुनुपर्छ । यदि संस्थाले आवश्यकताहरु लगातार कायम राख्न नसकेको अवस्थामा प्रमाणपत्रको कुनै मूल्य रहदैन ।

प्रत्येक स्थानीय संस्थाको ठाउँ स्थानीय बाटै सहयोग भएको हुनुपर्छ । कक्षाकोठा स्थानीय मण्डलीबाट प्रदान गरिदिनुपर्छ । शिक्षकले स्थानीय सेवकाईको एक भागको रुपमा सेवा गर्नु पर्छ । छापिएको कोर्स को खर्च स्थानीय सेवकाई वा विद्यार्थी द्वारा बेहोर्नु पर्छ । यदि एउटा संस्था संस्थाहरुको महासंघको भाग हो भने केन्द्रीय प्रशासनले विद्यार्थीको भर्ना रकम उठाएर त्यसबाट छापिएको कोर्स को खर्च र स्थानीय संस्थाको कर्मचारीलाई सहायता गर्न सक्छन् ।

स्थानीय संस्थाको कर्मचारी इमान्दार र सबै आर्थिक कुराहरुमा पारदर्शी हुनु आवश्यक हुन्छ (२ कोरिन्थी ८:२१)। संलग्न भएका सबै जनाले कति रकम उठ्यो र कति रकम खर्च भयो भनि जान्नुपर्छ । आर्थिक कुराहरु व्यवस्थित गर्नको लागि समिति संलग्न हुनुपर्छ । आर्थिक कुराहरुको उदाहरणमा विद्यार्थीले स्थानीय संस्था वा केन्द्रीय प्रशासनलाई तिर्ने भर्ना रकम, छापिएको कोर्स को खर्च, स्थानीय शिक्षकको सहायता, र कुनै अरु उठाएको वा खर्च गरेको रकम संलग्न हुन्छ ।

किनकि इमान्दारिता ख्रीष्टियन चरित्रको आधारभूत तत्व हो, एक बेईमानी व्यक्ति असल ख्रीष्टियनको उदाहरण हुन सम्भव हुँदैन । एक बेईमानी व्यक्तिले कुनै पनि सेवाकाईको पद सम्हाल्नु हुँदैन । कुनै पनि बेईमानीको घटनाले SGC सँगको अगुवाको सम्बन्धमा असर गर्छ ।

यो खण्ड स्थानीय सेवकाई समुहलाई नयाँ तालिम कार्यक्रमलाई तयारी गर्नको लागि मद्दत गर्न बनाईएको हो । यसले कार्यक्रमको पक्षहरुको योजना गर्न एउटा तरिका दिन्छ । स्थानीय सेवकाई समुहले छलफल र प्रत्येक प्रश्नको उत्तरको अभिलेख राख्नु पर्छ ।

१. जिम्मेवार सेवकाईको परिचय

► तालिम कार्यक्रम कसले सुरुवात गर्दै हुनुहुन्छ? (पहिले अवस्थित संस्था? एक मण्डली समिति? एक स्थानीय मण्डली? विभिन्न मण्डलीहरु वा पास्टरहरुको साझेदारी?)

► के यो कार्यक्रम सुरुवात गर्ने जिम्मेवारीको बाँडचुँड गर्नको लागि अरुहरुलाई पनि आमन्त्रण गर्नु पर्छ?

२. मिसन र लक्ष्य

मिसनको सारले उद्देश्यलाई वर्णन गर्छ । मिसनको सारको उदाहरण: “हाम्रो मिसन भनेको ख्रीष्टियन अगुवाहरुलाई बाइबलीय सिद्धान्त र सेवकाईको तरिकाहरुमा तालिम दिने हो ।”

लक्ष्यको मापनयोग्य विवरण हुन्छ । सेवकाईको लक्ष्यको उदाहरण: “हाम्रो लक्ष्य भनेको मण्डली स्थापकहरुलाई २० वटा नयाँ मण्डलीहरु ईच्छुक क्षेत्रमा अर्को पाँच वर्षमा स्थापना गर्न तालिम दिने हो ।”

► नयाँ तालिम कार्यक्रममा तपाईंको मिसनको सार के हो?

► नयाँ तालिम कार्यक्रमको लक्ष्य के हो?

३. तालिम कार्यक्रमको नाम

यदि नयाँ तालिम कार्यक्रम पहिले अवस्थित संस्थामा वा स्थानीय तालिम केन्द्रहरुको सन्जालमा आवद्ध नभएको खण्डमा स्थानीय सेवकाईले नयाँ नाम छान्न सक्छन् । आफ्नो स्थानीय सन्धर्भमा बुझ्ने किसिमको नाम निर्णय गर्नुहोस् । (SGC स्थानीय सेवकाईले Shepherds Global Classroom नाम नछानेको चाहन्छ ।)

► नयाँ तालिम कार्यक्रमको नाम के हो?

४. सुबिधा

► कक्षाहरु कहाँ आयोजना हुन्छ? के त्यहाँ कार्यालय हुन्छ? (के स्थानीय मण्डली वा कुनै अरु भवन बिना मूल्य प्रयोग गर्न सकिन्छ? के कक्षाकोठा पर्याप्त ठाउँ र आनन्द दायक र ध्यान भंग गर्ने थोक विहिन छ?)

५. छापिएको पाठ्यक्रम

► हामी कसरी छापिएको कोर्सहरु विद्यार्थीहरुलाई प्रदान गर्न सक्छौं? (के हामी हाम्रो आफ्नो उपकरणमा छाप्छौँ, स्थानीय व्यवसायमा छाप्छौँ, वा अरु कुनै तालिम कार्यालयबाट किन्छौं?)

► खर्च कति हुन्छ?

► खर्च पूर्ति गर्न कसरी योजना गर्छौ?

► के विद्यार्थीहरु छापिएको प्रति भन्दा मोबाइल उपकरणमा डिजिटल कोर्सहरु प्रयोग गर्न इच्छुक हुन्छ?

६. तालिका

कक्षाको लागि विशिष्ट तालिकामा निर्णय गर्नुहोस । उदाहरणहरु:

• विद्यार्थीहरु हरेक मंगलबार र विहिबार बेलुका ७-९ भेट्छौं ।

• हामी यो एउटा कोर्स दुई महिनामा पढाउने योजना गर्छौं ।

• पहिलो कक्षा जुन ३ मा सुरु र जुलाई २९ मा सक्किन्छ ।

• नयाँ विद्यार्थीहरु हरेक नयाँ कोर्सको सुरुवातमा जोडिन सक्नुहुन्छ ।

► कक्षाहरु कुन कुन दिन र कति पटक भेटघाट हुन्छ?

► प्रत्येक कोर्सको लागि हामी कति समयको योजना गर्छौं?

► हामी कहिले सुरुवात गर्छौं?

► नयाँ विद्यार्थीहरुले कुन समयमा जोडिन सक्छन्?

७. शिक्षकहरु

शिक्षकहरु SGC को पुस्तिका सँग परिचित हुनुपर्छ । उनीहरु भरपर्दो र शिक्षणको लागि तयारी गर्न समय लिन इच्छुक हुनुपर्छ । एक असल आत्मिक चरित्र र ख्रीष्टियन उदाहरण अत्यन्त आवश्यक हुन्छ । यदि शिक्षक कुनै संस्थाको तालिम गर्नु भएको छ भने अझै असल हुन्छ तर यो सधैं सम्भव हुँदैन । शिक्षकहरु पहिले नै आफ्नो सेवकाईमा असल प्रतिष्ठा भएको हुनुपर्छ ।

► शिक्षकहरुमा हामी कस्तो योग्यताहरुको अपेक्षा गर्छौ?

► को उपलब्ध हुनुहुन्छ र को सुरुवात गर्न इच्छुक हुनुहुन्छ?

८. प्रशासन

पदहरुको उदाहरणहरु:

• निर्देशक

• रजिस्ट्रार/सचिव

• कोषाध्यक्ष

► तालिम कसले निर्देशन गर्नुहुन्छ?

► अरु कुन कर्मचारीको आवश्यकता हुन्छ?

► सम्भावित विद्यार्थीहरुबाट फोन सम्पर्क कसले प्राप्त गर्नुपर्छ?

► प्रत्येक पदको लागि कार्य विवरण के हो?

९. प्रमाणपत्रहरु

यदि तपाई आफ्नो विद्यार्थीहरुलाई आफ्नो स्थानीय सेवकाईबाट प्रमाणपत्र प्रदान गर्न चाहनुहुन्छ भने तपाईंले आफ्नो आवश्यकताहरु निर्धारण गर्न सक्नुहुन्छ । यदि तपाईं SGC बाट प्रमाणपत्र दिन चाहनुहुन्छ भने तपाईले SGC को प्रतिनिधिसँग सम्पर्कमा हुनुपर्छ जसले तपाईंको तालिम कार्यक्रमको गुणस्तर प्रमाणित गर्नुहुन्छ र तपाईंलाई SGC को प्रमाणपत्र दिन पुस्टि गर्नुहुन्छ ।

प्रमाणपत्र योजनाको उदाहरण: विद्यार्थीहरुलाई स्थानीय सेवकाई बाट प्रत्येक कोर्स पुरा गर्नुहुँदा प्रमाणपत्र प्रदान गरिन्छ । विद्यार्थीहरु जसले १० कोर्सहरु पुरा गर्नुहुन्छ भने उहाँहरु दिक्षान्तित हुनुहुनेछ र SGC बाट प्रमाणपत्र प्राप्त गर्नुहुन्छ । विद्यार्थीहरुले यदि इच्छा भए अरु थप १० कोर्सहरु र उच्च प्रमाणपत्रको लागि निरन्तरता गर्न सक्नुहुन्छ ।

► हाम्रा दिक्षान्तितहरुले कुन प्रमाणपत्र (हरु) प्राप्त गर्नुहुन्छ?

► कसले प्रमाणपत्र उपलब्ध गराउनुहुन्छ र कार्यक्रमको स्तर स्थापित गर्नुहुन्छ? (एक मण्डली सम्प्रदाय? एक मण्डली परिषद? SGC?)

१०. विद्यार्थी भर्ना

भर्नाको आवश्यकताहरुमा निर्णय गर्नुहोस । उदाहरणको लागि:

विद्यार्थीहरुले गर्नुपर्छ:

• तिनीहरुको स्थानीय पास्टरबाट सिफारिस लिने ।

• मुक्तिको व्यक्तिगत जीवन गवाही लिखित पेश गर्ने ।

• विद्यार्थी सम्झौतामा हस्ताक्षर गर्ने ।

► कसैले यस कार्यक्रममा भर्ना हुनु अघि के आवश्यक छ?

भर्नाको लागि कुनै आर्थिक दायित्वहरुमा निर्णय गर्नुहोस् । विचार गर्ने सम्भावित दायित्वहरु:

• विद्यार्थीहरुले प्रत्येक छापिएको कोर्सको लागि $________ तिर्नुपर्छ

• विद्यार्थीहरुले शिक्षक शुल्कको रुपमा $________ तिर्नुपर्छ

• विद्यार्थीहरुले सुबिधा शुल्कको रुपमा $________ तिर्नुपर्छ

• विद्यार्थीहरुले आफ्नो खाना र यात्रा खर्चहरु उपलब्ध गराउनु पर्छ ।

► विद्यार्थीहरुको आर्थिक दायित्व के हो?

११. गोठालो प्रतिनिधि

SGC सँग तपाईको क्षेत्रमा सेवाकाई प्रशिक्षणसँग संचार गर्नको लागि एक तोकिएको व्यक्ति हुन्छ । तपाईको सेवकाईले SGC को प्रतिनिधिसँग संचार गर्नको लागि एक व्यक्ति निर्धारण गर्नु पर्छ । SGC को प्रतिनिधिले दिक्षान्तित हरुको लागि प्रमाणपत्रको व्यवस्था गर्नेछ ।

► हाम्रो सेवकाईको कुन व्यक्तिले SGC को प्रतिनिधिसँग संचार गर्नेछन् ?

ABC एक राष्ट्रिय सेवाकाईको काल्पनिक नाम हो जसले मण्डलीहरुले स्थानीय संस्थाहरु स्थापना गर्न मदत गर्छ । ABC ले स्थानीय संस्थाहरुको लागि प्रयोग गर्ने स्थान सम्झौता यसपछिको पानामा पाइन्छ । ABC प्रतिनिधिहरुले प्राय जसो स्थानीय संस्थाको स्थानहरु यस अध्यायको अन्तिम पानामा भएका उल्लिखित प्रश्नहरु प्रयोग गरि भ्रमण र अनुसन्धान गर्छन् ।

साइट सम्झौताको नमूना

ABC ले राष्ट्रिय सेवाकाई र स्थानीय संस्था बीचको सम्बन्धलाई स्पष्ट गर्नको लागि यस फर्मको प्रयोग गर्दछ।

मण्डलीलाई सेवकाईको अगुवा विकास गर्न सुसज्जित गरेर ख्रीष्टको शरीरको लागि सेवा गर्ने ABC को उद्देश्य हो । स्थानीय मण्डली वा सेवकाईको संगठनलाई SGC को कोर्सहरू प्रयोग गरेर सेवकाईको तालिम कार्यक्रम सञ्चालन गर्न अनुमोदन गर्न सकिन्छ।

ABC ले स्थानीय सेवकाईले आफ्नो प्रतिबद्धताहरू पूरा नगरेमा यो सम्झौता रद्द गर्ने अधिकार सुरक्षित राख्छ।

ABC ले निम्न कुराहरु प्रदान गर्दछ:

• २० वटा सेवकाईको प्रशिक्षण कोर्सहरूको सेट

• शिक्षकहरूको लागि तालिम सेमिनार

• स्थानीय शिक्षकहरूलाई प्रोत्साहन गर्न र गुणस्तर वृद्धि गर्न प्रशासनको तालिम हुने ठाउँको भ्रमण

• प्रत्येक कोर्स सम्पन्न गरे पछि विद्यार्थीहरूको लागि प्रमाणपत्र (प्रत्येक विद्यार्थीले प्रमाणपत्र प्राप्त गर्न कोर्सको व्यक्तिगत प्रतिलिपि आवश्यक छ)

• सम्पूर्ण कार्यक्रम सफल सम्पन्नको लागि प्रमाणपत्र

• सेवकाईको साइटमा ABC को संकेत पोस्ट गर्ने

स्थानीय सेवकाईले निम्न कुराहरूलाई प्रतिबद्धता गर्छ:

• ABC प्रशासनको स्वीकृति सँग विश्वसनीय, सक्षम स्थानीय शिक्षकलाई नियुक्त गर्न

• आवश्यक शिक्षकलाई ABC प्रशासनबाट तालिम र निर्देशनमा सहयोग गर्न

• असल अध्ययनको लागि सुविधाजनक कक्षाकोठाको प्रदान गर्न

• आवश्यकता अनुसार स्थानीय शिक्षकलाई आर्थिक सहयोग गर्न

• प्रत्येक कोर्सको प्रतिलिपि आवश्यकताको लागि नयाँ भर्ना शुल्क सङ्कलन गर्न र ABC मा पठाउन

• विद्यार्थीको उपस्थिति र पूरा भएका कार्यभारहरूको अभिलेख ABC प्रशासनलाई प्रदान गर्न

• ABC द्वारा प्रदान गरिएका संकेतलाई पोस्ट गर्न। यो संकेत ABC को सम्पत्ति हो र यस सम्झौतामा रद्द हुने घटनामा हटाइनेछ ।

स्थानीय सेवकाईको नाम __________________________________________

स्थानीय सेवकाईको प्रतिनिधिको हस्ताक्षर ____________________________________

ABC का आधिकारिक प्रतिनिधिको हस्ताक्षर ___________________________________

स्थानीय संस्थाको निरीक्षणको लागि नमुनाका प्रश्नहरू

जब ABC का प्रतिनिधिहरू साइटहरूमा भ्रमण गर्छन, तब तिनीहरूले सुधारको मूल्यांकन र मार्गदर्शनका लागि निम्न प्रश्नहरू प्रयोग गर्छन्।

१. के साइटका शिक्षकहरूले SGC शिक्षक तालिम प्राप्त गरेका छन् ?

२. के शिक्षकहरूले विभिन्न शिक्षण विधिहरूको प्रयोग गर्छन्?

३. के शिक्षकहरूले विद्यार्थीहरूलाई छलफल र सहभागितामा संलग्न गराउँदछन्?

४. के यो साइटमा कक्षामा अभ्यास गर्ने सहायक शिक्षकहरूलाई विकसित गर्दैछ?

५. के कक्षाकोठा अध्ययनको लागि सुविधाजनक छ (बस्ने ठाउँ, प्रकाश, ध्यानभंग र आवाजबाट मुक्त)?

६. के प्रत्येक विद्यार्थीसँग अध्ययन भइरहेको कुनै पनि कोर्सको व्यक्तिगत प्रतिलिपि छ?

७. के सबै विद्यार्थीहरूले कार्यभार पूरा गर्न राम्रोसँग पढ्न र लेख्न सक्षम छन्? (प्रमाणपत्रको लागि आवश्यक।)

८. के कक्षाको तालिकाले प्रत्येक कोर्सको लागि कार्यभार पूरा गर्नको लागि बिताइएको समयको अतिरिक्त तीस घण्टा कक्षाको समय प्रदान गर्दछ?

९. के परीक्षण प्रक्रियाहरूले विद्यार्थीहरूले अरूको उत्तरहरू वा लेखिएको सामग्री प्रतिलिपि गर्दैन भन्ने सुनिश्चित गर्छ ?

१०. के शिक्षकहरूले विद्यार्थीहरूको उपस्थितिको सही अभिलेख राख्छन्? (यदि कुनै विद्यार्थीले कक्षाको समयमा २५% भन्दा बढी छुट्यो भने कोर्सको लागि क्रेडिट प्राप्त गर्नु हुँदैन।)

११. के शिक्षकहरूले विद्यार्थीको पूरा गरिएको कामको अभिलेख राख्छन्? (प्रमाणपत्रको लागि सबै काम पूरा हुनुपर्छ।)

१२. के स्थानीय संस्थाले स्थानीय वित्तीय सहयोगको लागि एक प्रणाली विकास गर्दै छ?

१३. के स्थानीय संस्थाको वित्त स्थानीय समितिद्वारा पारदर्शिता र जवाफदेहिता हुनका लागि व्यवस्थापन गरिएको छ?