१. एक प्रशिक्षकले यस अध्यायमा दिइएका तरीकाहरू प्रयोग गरेर स्थानीय शिक्षकहरू विकास गर्न सक्छन्। यदि स्थानीय मण्डलीमा सिकाउन सक्षम महसुस गर्ने कोही छैन भने, प्रशिक्षकले तुरुन्तै आत्मनिर्भर रूपमा सञ्चालन हुने स्थानीय कार्यक्रम सुरु गर्न सक्दैन। प्रशिक्षकले सम्भावित शिक्षकहरू पत्ता लगाउनुपर्छ र विकास गर्नुपर्छ। यस अध्यायले सुरुवातमा प्रशिक्षकले स्थानीय शिक्षकहरूलाई कसरी प्राप्त गर्न सकिन्छ भनेर बताउँछ।

२. प्रशिक्षकले स्थानीय शिक्षकहरूलाई आफ्ना विद्यार्थीहरूको लागि यो विधि प्रयोग गर्न तयारी गर्छन्। यदि नयाँ क्षेत्रका स्थानीय शिक्षकहरू पहिले नै पढाउन सक्षम छन् भने, प्रशिक्षकले यो अध्यायमा अभ्यासहरू प्रयोग गर्नु आवश्यक पर्दैन। प्रशिक्षकले स्थानीय शिक्षकहरूलाई यो विधि सिकाउनु पर्छ ताकि तिनीहरूले आफ्ना विद्यार्थीहरूको विकास गर्न अभ्यासहरू प्रयोग गर्न सक्छन्।

३. स्थानीय शिक्षकले विद्यार्थीहरूको विकास गर्छन्। प्रत्येक शिक्षकले विद्यार्थीहरूको सेवकाईको सीप विकास गर्ने प्रयास गर्नुपर्छ। यस अध्यायमा वर्णन गरिएका विधिहरू विद्यार्थीहरूलाई समूहहरूमा बोल्ने बानीको विकास गर्न सहायोग पुर्याउन उपयोगी हुनेछन्।

कहिलेकाहीँ जब SGC को प्रतिनिधिहरू मण्डलीहरूमा जान्छन्, तिनीहरूले कोर्सहरू पढाउन तुरुन्तै तयार हुने मानिसहरू भेट्टाउँछन्। सामान्यतया, यी सम्भावित शिक्षकहरू ती व्यक्तिहरू हुन् जससँग केही शैक्षिक तालिम र शिक्षण अनुभव हुन्छ। तिनीहरूले कोर्सहरू हेर्छन् र ती सिकाउन सजिलो छन् भन्ने महसुस गर्छन् । प्रत्येक कोर्स को अगाडि निर्देशनहरू दिईएका हुन्छ। छलफल प्रश्नहरू प्रदान गरिन्छ। कोर्सहरू केवल पुस्तकहरू होइनन्; तिनीहरूमा जे तस्तै छ त्यस्तै सिकाउन सकिन्छ।

पढ्ने खुबी, बाइबल ज्ञान र शिक्षण क्षमता भएको व्यक्तिले तिनीहरूलाई छिट्टै प्रयोग गर्न सिक्ने गरि कोर्सहरू तयार गरिएका छन् । यद्यपि, कहिलेकाहीं धेरै शैक्षिक तालिम नलिएका मानिसहरूलाई सिकाउन सक्षम छैनौ जस्तो लाग्न सक्छ । उच्च प्रशिक्षित व्यक्तिले मात्र सिकाउन सक्छ भन्ने तिनीहरू सोच्छन् ।

विश्वविद्यालयमा अध्ययन गर्ने अवसर नपाएका धेरै मानिसहरूलाई परमेश्वरले सिकाउने क्षमता दिनुभएको छ। मण्डली जहाँ भए पनि परमेश्वरले सामान्यतया मानिसहरूलाई शिक्षण क्षमता प्रदान गर्नुहुन्छ भनेर हामी विश्वस्त हुन सक्छौं किनभने शिक्षकहरू मण्डलीको लागि आवश्यक छन् (एफिसी ४:११-१२)।

तिनीहरूले आफ्नो सामान्य जीवनमानै शिक्षण सीप विकास गरिसकेका छन् भन्ने धेरै मानिसहरूलाई थाहा हुँदैन । तिनीहरू घर र काममा वस्तुहरूको व्याख्या गर्छन्। तिनीहरू मानिसहरूलाई समस्याहरू समाधान गर्न सहयोग गर्छन्। तिनीहरूलाई कुनैपनि कुराहरूको व्याख्या गर्न सक्षम हुने प्रतिष्ठा छ। जब तिनीहरू स्कूलमा विद्यार्थी थिए, तिनीहरू पढ्न, बुझ्न र व्याख्या गर्नमा निपुण थिए। तिनीहरूलाई थाहा नहुन सक्छ कि तिनीहरूमा सिकाउने क्षमता छ।

प्रशिक्षकले बोल्ने अनुभवहरू मार्फत निर्देशित भएका सम्भावित शिक्षकहरूलाई उनीहरूको क्षमता पत्ता लगाउन मद्दत गर्नुपर्छ। अनुभव मार्फत, एक व्यक्तिले समूहहरूमा बोल्ने आत्मविश्वास प्राप्त गर्छ।

१. सजिलो विषयहरूमा बोल्ने कार्यभारहरू दिनुहोस्। सन्देश केही मिनेट लामो हुन सक्छ। यदि विद्यार्थीहरू समूहको अगाडि उभिएर बोल्न केहि असजीलो मान्छन् भने, तिनीहरूले आफ्नो कुर्सीमा बसेर आफ्नो पहिलो पसन्देश दिन सक्छन्।

बोल्ने कार्यभारहरूको लागि सजिलो उदाहरणहरू:

• तपाईको बाल्यकालको चुनौतीको बारेमा बताउनुहोस्।

• तपाईंको लागि महत्त्वपूर्ण भएको आफन्तको बारेमा बताउनुहोस्।

• अर्को विद्यार्थीलाई केही प्रश्नहरू सोध्नुहोस् र त्यसपछि त्यो विद्यार्थीलाई समूहमा परिचय गराउनुहोस्।

• तपाईं कुन ठाउँ भ्रमण गर्न चाहनुहुन्छ? किन?

• धर्मशास्त्रमा तपाईको मनपर्ने पदहरू मध्ये एकको बारेमा बताउनुहोस्।

• तपाईंको कार्यस्थलको कुनै एक दिनको बारेमा बताउनुहोस्।

• तपाईंले हालसालै सुनेको उपदेशबाट के सम्झना गर्नु भएको छ?

२. एक व्यक्तिलाई कक्षामा सोधिएको प्रश्न। प्रश्नको लागि केहि व्याख्या आवश्यक पर्छ, छोटो उत्तर मात्र होईन। प्रश्न यस्तो हुनुपर्छ जसको उत्तर व्यक्तिले दिन सकोस्, ताकि ऊ बढी आत्मविश्वासी होस् र लज्जित नहोस्।

३. विद्यार्थीहरूलाई समूहमा आफ्नो लेखन कार्यहरू व्याख्या गर्न लगाउनुहोस्। कोर्सहरूमा विभिन्न लेखन कार्यभारहरू आवश्यक पर्दछ। प्रशिक्षक केवल एक दिनको लागि मात्र भए पनि, विद्यार्थीहरूलाई एउटा कार्यभारहरु लेख्न र प्रस्तुत गर्न केही समय दिन सकिन्छ।

४. शिक्षण अभ्यासको लागि तीन जनाको समूहमा विभाजन गर्नुहोस्। प्रत्येक व्यक्तिलाई समूहमा छोटो खण्ड सिकाउन लगाउनुहोस्। यसले गर्दा थोरै श्रोताहरु हुन्छन् र एकै समयमा धेरै विद्यार्थीहरूलाई अभ्यास गर्न अनुमति दिन्छ।

५. विद्यार्थीलाई पाठबाट सामग्रीको एक खण्ड व्याख्या गर्न लगाउनुहोस्। कोर्सहरूमा धेरै खण्डहरूको अवधारणा व्याख्या गर्ने केही अनुच्छेदहरू मात्र हुन्छन्। थोरै समयमा खण्ड व्याख्या गर्न तयार हुन विद्यार्थीलाई अग्रिम अनुरोध गर्नुहोस्।

६. एक प्रगतिशील विद्यार्थीलाई कुनै एक कोर्स बाट पाठ सिकाउन भन्नुहोस्। सबैभन्दा सजिलो तरिका भनेको विद्यार्थीले अरू कसैले सिकाएको र सुनेको पाठ सिकाउनु हो। विद्यार्थीले उसलाई कसैले नपढाएको पाठ तयारी गर्दा र सिकाउँदा उच्च स्तरको क्षमता प्रदर्शन गर्दछ। शिक्षकलाई लाग्न सक्छ कि ऊ आफैले सकेसम्म धेरै सिकाउनु पर्छ, र कक्षाले शिक्षकलाई सुन्न रुचाउन सक्छ, तर लक्ष्य भनेको अरूलाई सिकाउन सुसज्जित गर्नु हो।

७. "टेबल टक" विधि प्रयोग गर्नुहोस्। विद्यार्थीहरू छापिएका कोर्सहरू भएको टेबल वरिपरि बस्छन्। टेबलमा कुनै शिक्षक हुँदैनन्। विभिन्न विद्यार्थीहरूले पालैपालो पाठमा केही कुराको बारेमा कुरा गर्छन्। टेबलमा एक व्यक्तिलाई विभिन्न विद्यार्थीहरूलाई सुझाव माग्दै छलफललाई अगाडि बढाउन र नेतृत्व गर्न नियुक्त गरिन्छ। अगुवा शिक्षक होइनन्। समूहले पत्ता लगाउनेछ कि तिनीहरू शिक्षक बिना छलफलद्वारा काम गर्न र सिक्न सक्छन्। यो विधिले अध्ययन समूहहरूलाई ती ठाउँहरूमा गठन गर्न सक्षम बनाउँछ जहाँ पढाउन योग्य महसुस गर्ने व्यक्तिको अभाव हुन्छ।

SGC को दर्शन भनेको सेवकाईको तालिमलाई सबै ठाउँमा स्थानीय बनाउनु हो। तालिम सबैतिर परमेश्वरले वरदान दिनुभएको र बाइबलीय समझ प्रदान गर्नुभएका मानिसहरू मार्फत हुन सक्छ। शिक्षकहरूले यो कुरा बिर्सनु हुँदैन। तिनीहरूको उद्देश्य केवल ज्ञान दिनु मात्र होइन तर विद्यार्थीहरूलाई अरूलाई सत्य व्याख्या गर्न सुसज्जित गर्नु पनि हो।