सम्भव भएसम्म शिक्षकले कक्षाकोठा पहिले नै मिलाउनु पर्छ। विद्यार्थीहरूले एकअर्कालाई देख्ने गरी बस्ने ठाउँलाई मिलाउनु पर्छ। शिक्षकले कक्षाको समयमा ध्यान भंग गर्ने गतिविधि र हल्ला नहुने ठाउँ निश्चित गर्नुपर्छ। शिक्षकले आरामदायी बस्ने ठाउँ, आरामदायी तापक्रम र राम्रो प्रकाश आउने ठाउँको व्यवस्था गर्ने प्रयास गर्नुपर्छ। यदि हल्ला नहुने ठाउँ छ भने बाहिरी अध्ययन क्षेत्र राम्रो हुन सक्छ।

कक्षा कोठामा लेख्न र चित्र बनाउनको लागि ठूलो बोर्ड हुनुपर्छ।

शिक्षकहरूले आफ्नो परिचय दिनुपर्छ, आफ्नो परिवार, सेवकाईका अनुभवहरू, अहिले गरिरहेको सेवकाईहरू, र शैक्षिक पृष्ठभूमिहरू बाडचुड गर्नुपर्छ। तिनीहरूले आफैलाई विशिष्ट देखाउन खोजेको जस्तो उपलब्धिहरू सूचीबद्ध गर्नु हुँदैन। तिनीहरूले यो जानकारी साझा गर्नुको उद्देश्य विद्यार्थीहरूसँग सम्बन्ध निर्माण गर्नु हो भनेर सम्झनु पर्छ।

विद्यार्थीहरूले आफ्नो परिचय संक्षिप्तमा दिनुपर्छ। शिक्षकले तिनीहरुको चासो बढाउन र तिनीहरू बीचको सम्बन्ध निर्माण गर्न एक वा दुई प्रश्नहरू सोधेर प्रत्येकसँग छोटो अन्तरक्रिया गर्न सक्छन्।

परिचय पछि प्रार्थनाको समय हुनसक्छ। विद्यार्थीहरूको आवश्यकताहरू पूरा गर्न परमेश्वरले कक्षाको प्रयोग गर्नुभएको होस् भनेर प्रार्थना गर्नुहोस्। शिक्षणलाई जीवन परिवर्तन गर्ने र उपयोगी बनाउन शिक्षकले परमेश्वरमा भर परेको देखाउनुपर्छ। भविष्यका कक्षाहरू प्रार्थनाबाट सुरु हुनुपर्छ र प्रार्थनाको आवश्यकताहरूको छोटो वाख्या समावेश गर्न सकिन्छ।

शिक्षकहरूले विद्यार्थीहरूलाई बाइबल, छापिएको कोर्स र लेखन सामग्रीहरू सहित कुन सामग्री ल्याउने भनेर बताउनुपर्छ। शिक्षकहरूले विद्यार्थीहरूले आफ्नो भविष्यको फाइदाको लागि नोटहरू लिनुपर्छ भन्ने कुरामा जोड दिनुपर्छ, जाच्ने उद्देश्यको लागि होइन। (सबै परीक्षण सामग्री कोर्स को पाठहरुमा छन्।)

परिचय पछि, पहिलो दिनको कक्षाको समय भविष्यमा हुने कक्षा अनुरुप हुनुपर्छ, ताकि विद्यार्थीहरूले के आशा गर्ने भनेर जान्न सकून्।

SGC का कोर्सहरू किताबहरू मात्र होइनन्; तिनीहरू सिकाउनको लागि तयार गरिएका कोर्सहरू हुन्। प्रत्येक कोर्स मा अगाडि शिक्षकको लागि निर्देशनहरू छन्। कोर्सहरू एकअर्कासँग मिल्दोजुल्दो छन् तर तयारीमा भने उस्तै छैनन्।

केही कोर्सहरूको पाठ, पाठको उद्देश्यहरूबाट सुरु हुन्छ। शिक्षकले त्यसलाई कक्षामा पढ्नु आवश्यक छैन।

धेरै जसो पाठहरू प्रश्न वा कथा वा विद्यार्थीलाई चासो जगाउने र विषय महत्त्वपूर्ण छ भन्ने महसुस गराउन अन्य कुनै तरिकाबाट सुरु हुन्छन्।

शिक्षकहरूले पाठको पृष्ठ-पृष्ठ जान सक्छन्, सामग्रीका अनुच्छेदहरू व्याख्या गर्न सक्छन्। तिनीहरूले सामग्री बुझेको हुनुपर्दछ र प्रत्येक अनुच्छेदलाई व्याख्या गर्न मुख्य वाक्यांशहरूलाई रेखांकित गरेर अग्रिम तयारी गर्नुपर्छ।

प्रत्येक पाठमा जादाँ छलफलका प्रश्नहरू देखा पर्नेछ । कहिलेकाहीँ एउटा प्रश्नले पछि आउने सामग्रीको परिचय दिन्छ। अरु समयमा, प्रश्नले विद्यार्थीहरूलाई भर्खरै अध्ययन गरेको कुराको जवाफ दिन आग्रह गर्छ। प्रश्नहरूले "हो" वा "होइन" उत्तरको लागि नभएर व्याख्याको लागि आह्वान गर्छ। शिक्षकले धेरै विद्यार्थीहरूलाई उत्तर दिन लगाउनुपर्छ। छलफल प्रत्येक पटक निश्चित निष्कर्षमा पुग्नु आवश्यक छैन, विशेष गरी जब प्रश्नले पछि आउने सामग्रीको परिचय दिइरहेको हुन्छ।

शिक्षकहरूले छलफलका लागि आफ्नै थप प्रश्नहरू थप्नुपर्नेछ। कुनै पनि समयमा जब शिक्षकहरूले विद्यार्थीहरूसँग कुनै कुराकानी बिना धेरै समयदेखि कुरा गरिरहेको महसुस गर्छन्, तिनीहरूले विद्यार्थीहरूलाई प्रश्न सोध्नु पर्छ।

छलफलमा समय खेर जान नदिन सधैं चुनौतीपूर्ण हुन्छ। यद्यपि, धेरैजसो मानिसहरूले छलफल बिना राम्रोसँग सिक्दैनन्। विद्यार्थीहरूलाई तिनीहरूको संस्कृति र मण्डलीको परिस्थितिमा अवधारणाहरू कसरी लागू हुन्छन् भन्ने बारेमा सोच्न अरूले कुरा गरेको सुन्न समय चाहिन्छ।

धेरैजसो पाठहरू कार्यभारमा समाप्त हुन्छन्। शिक्षकले कार्यभारहरू व्याख्या गर्नुपर्छ। यदि कक्षाको दिनमा केहि पाठहरू समावेश छन् भने, शिक्षकले विद्यार्थीहरूले अर्को कक्षाको लागि बाकीं रहेको सबै कार्यभारहरू बुझेको निश्चित गर्नुपर्छ।

प्रत्येक पाठको कार्यभारहरू अर्को कक्षाको समय आघि पूरा गरिसक्नुपर्छ। शिक्षकले प्रत्येक दिन कक्षाको सुरुमा कार्यभारहरू सङ्कलन गर्नुपर्छ। प्रत्येक कक्षाको दिनमा केही फरक विचार प्रदान गर्न केही विद्यार्थीको प्रस्तुतीहरू सुरुमा र केही कक्षाको समयमा पछि गर्न सकिन्छ।

जब त्यहाँ कुनै परीक्षा वा सम्झनाबाट लेख्नुपर्ने कुरा हुन्छ, विद्यार्थीहरुलाई यसरि बसाइएको छ भनी सुनिश्चित गर्नु महत्त्वपूर्ण हुन्छ ताकि तिनीहरूले अन्य विद्यार्थीहरूले के लेखिरहेका छन् भनेर सजिलै देख्न नसकून्।

दिइएको विद्यार्थीले प्रस्तुतीको अतिरिक्त, शिक्षकले बारम्बार विद्यार्थीलाई कोर्स को कुनै खण्डबाट सामग्री प्रस्तुत गर्नु भन्नु पर्छ। यो समय अगावै व्यवस्थित गरिनुपर्छ ताकि विद्यार्थीले तयारी गर्न सकोस्।

पाठ तयार गर्नु

१. पाठलाई पूर्ण रुपमा पढेर सकाउनु

२. जोड दिनुपर्ने महत्त्वपूर्ण बुँदाहरू फेला पार्न परीक्षामा भएका कुराहरु पढ्नुहोस्।

पाठमा, परीक्षामा जे छ त्यसमा रेखांकित गर्नुहोस्।

३. तपाईले विद्यार्थीहरूलाई सिकाउन चाहनुहुने अन्य महत्त्वपूर्ण कुराहरूमा चिन्ह लगाउनुहोस्।

उदाहरणका लागि, मुख्य अनुच्छेदमा रेखा वा तारा लगाउनुहोस्। सबैभन्दा महत्त्वपूर्ण के हो भनेर निर्णय गर्न पाठको उद्देश्यहरू प्रयोग गर्नुहोस्।

४. विद्यार्थीहरूको पाठप्रति रुचि निर्माण गर्न प्रश्न वा कथाबाट पाठ सुरु गर्नुहोस्।

५. पाठको समयमा सोध्नको लागि २-४ वटा खुल्ला प्रश्नहरू तयार गर्नुहोस्।

विद्यार्थीहरूलाई सहभागी गराउन प्रश्नहरू पछी खाली समय दिनुहोस्। उदाहरणका लागि, पाठको सुरुमा एउटा प्रश्न सोध्नुहोस् र पाठको बीचमा दोस्रो प्रश्न सोध्नुहोस्।

छलफललाई प्रोत्साहन गर्न, प्रश्नहरू बन्दको सट्टा खुला-अन्त्य हुनुपर्छ। उदाहरणका लागि, "यशैयाको बारेमा तपाईंलाई के थाहा छ?" एउटा खुला-अन्त्य प्रश्न हो किनभने यसमा धेरै सही उत्तरहरू छन् र उत्तर दिन सजिलो छ। "यशैया कति वर्ष बाँचे?" एउटा बन्द प्रश्न हो किनभने यसको एउटा मात्र सही उत्तर छ।

पाठलाई प्रस्तुत गर्नु

१. पाठ्यपुस्तकको विषयमा केन्द्रित रहनु।

पाठ्यपुस्तकलाई साधारण रुपमा पढ्ने मात्र नगर्नुहोस्, तर तपाईंले भन्नुभएको धेरैजसो कुरा पाठबाटै आउनुपर्छ। विद्यार्थीहरूले तपाईंले सिकाउनुभएको कुरा पुस्तकबाट आएको हो भनेर हेर्नु आवश्यक छ ताकि तिनीहरूले आफैंले त्यो कुरा सिकाउन सकून्।

यदि तपाईंले पाठ्यपुस्तकमा नभएको कुरा भन्नुभयो भने, त्यसलाई छोटो गर्नुहोस्।

२. यदि विद्यार्थीहरूले तपाईले भनेको बुझेनन् भने, एउटै बुँदालाई फरक-फरक शब्दमा दोहोर्याउनुहोस्।

उदाहरणका लागि, यदि कुनै विद्यार्थीले तपाईंले "हामी ख्रीष्टमा विश्वासद्वारा धर्मी ठहरिन्छौं" भन्नुहुँदा बुझेनन् भने, तपाईंले भन्न सक्नुहुन्छ, "हामी येशूलाई विश्वास गर्दा परमेश्वरले हामीलाई धर्मी ठहराउनुहुन्छ" वा "मुक्ति परमेश्वरको उपहार हो जुन विश्वासद्वारा प्राप्त हुन्छ।"

३. पाठको समयमा आफ्ना विद्यार्थीहरूको ध्यान खिच्नका लागि केहि कार्य गर्नुहोस्।

उदाहरणका लागि, प्रश्न सोध्नुहोस् वा विद्यार्थीलाई बाइबलको पद वा पाठको हरफ पढ्न भन्नुहोस्।

पाठको निस्कर्षमा पुग्नु

१. मुख्य बुदाँहरुको समिक्षा गर्नु।

उदाहरणको लागि, “आज, हामीले सिक्यौं...” अथवा “ सारांशमा......”

२. सबै कार्यभारहरुको वाख्या गर्नु, विद्यार्थीहरूले निर्देशनहरू बुझेको छ भनेर निश्चित गर्नु।

३. अर्को कक्षाको तयारीको लागि विद्यार्थीहरूलाई अर्को पाठ पढ्न सम्झाउनुहोस्।

पाठमा मनन गर्नुहोस्

आफैलाई सोध्नुहोस्:

१. म कसरि राम्रो गर्न सक्छु?

२. अब मैले के फरक गर्नु पर्छ?

३. आज मैले पढाउने बारेमा के सिके?

४. के मैले पाठको उद्देश्य प्राप्त गरें?