Lesson 4: యెహోవా సాక్షులు

వారు సామ్యూయల్ ఇంటి తలుపు తట్టి, ఒక 'అవేక్' పత్రిక ఇవ్వాలని కోరారు. ఆ సందర్శకులలో ఒక మహిళతో ఇద్దరు పిల్లలు వచ్చారు. వారు బాగా సాంప్రదాయకంగా, స్నేహపూర్వకంగా ఉన్నారు. ఆ పత్రిక ముఖచిత్ర కథనంలో పిల్లల విద్యలో మెరుగ్గా ఉండటానికి ఎలా సహాయం చేయాలి అని ఉంది. ఆ మహిళ ఒక వచనం చదివి, దాని పై వ్యాఖ్య చేసింది, ఆ తరువాత సామ్యూయల్‌ను బైబిల్ అధ్యయనానికి తనను కలవమా అని అడిగింది. సామ్యూయల్, నేను ఆలోచించి చెప్పాను అని అన్నాడు.

► అందరూ కలిసి హెబ్రీయులకు 1ని చదవండి. ప్రతి విద్యార్థి ఒక పేరా లో ఈ గ్రంథ భాగానికి సారాంశం వ్రాయాలి. ఈ వచనం యేసు క్రీస్తు గురించి మనకు ఏమి చెబుతుందో తెలపండి? ప్రతి విద్యార్థి ఒక ప్రకటన జాబితా వ్రాసి వాటిని సమూహంగా చర్చించండి. ప్రతి విద్యార్థి ఒక పేరా లో ఈ గ్రంథ భాగాన్ని ఈ సారాంశం రాసి

చరిత్ర

చార్లెస్ రస్సెల్ 1881లో 'జియాన్’స్ వాచ్ టవర్ ట్రాక్ట్ సొసైటీ' ని తన విలక్షణమైన బోధనలు ప్రచురించడానికి స్థాపించాడు. 1931లో ఆ సంస్థ పేరు 'యెహోవా సాక్షులు' గా మారింది.

రస్సెల్ బైబిల్ అధ్యయనాల మీద ఆరు వాల్యూమ్ పుస్తకాలు రాశాడు. అతను, ఆయన పుస్తకాలు లేకుండా బైబిల్ చదవడం కంటే బైబిల్ లేకుండా ఆయన పుస్తకాలు చదవడం మంచిదని అన్నాడు. ఒక వ్యక్తి తన పుస్తకాలను చదవడం మానేసి, బైబిల్ మాత్రమే చదివితే, అతను రెండు సంవత్సరాలలో చీకటిలో ఉంటాడని, కానీ బైబిల్ లేకుండా తన పుస్తకాలను మాత్రమే చదివితే, అతను వెలుగులో ఉంటాడని చెప్పాడు.

దేవుని వాక్యం మనకు మార్గనిర్దేశం చూపే వెలుగు అని బైబిలు చెబుతోంది, (కీర్తనలు 119:105 చూడండి). పరిశుద్ధ ఆత్మ మానవ ఉపాధ్యాయులు లేకపోయినా క్రీస్తు శిష్యులను బోధిస్తుంది అని చెబుతుంది, (1 యోహాను 2:27 చూడండి).

యెహోవా సాక్షుల సిద్ధాంతాలు చాలా సార్లు మారాయి.

వారి నాయకులు ఎన్నో ప్రవచనాలు చెప్పిన అవి నిజం కాలేదు. ఉదాహరణకు, రెండవ నాయకుడు రూథర్ ఫోర్డ్, 1925లో అబ్రాహం, ఇసాక్, యాకోబు పునరుత్థానం చెంది ఒక సొగసైన ఇంటిలో నివసిస్తారని ఒక ఇంటిని కట్టించాడు. వారు రాలేదు కానీ రూథర్ ఫోర్డ్ ఆ ఇంట్లోనే నివసించాడు.

బైబిల్ మనకు, ఒక ప్రవచనం నిజం కాకపోతే ఆ ప్రవక్త నమ్మదగిన వాడు కాదని చెబుతుంది, (ద్వితీయోపదేశకాండము 18:22 చూడండి).

యెహోవా సాక్షులు అన్ని ఇతర సంఘాలను శైతానుకు సంబందించినవాని నమ్ముతారు. వారి సంస్థలో తప్ప మరెక్కడా రక్షణ దొరకదని వారు నమ్ముతారు.

యేసు క్రీస్తు తన శిష్యులకు దేవుని సేవకులందరూ ఒకే సంస్థలో ఉండరని చెప్పారు, (లూకా 9:49-50 చూడండి). రక్షణ ఒక సంస్థ ద్వారా కాదు, యేసు క్రీస్తు ద్వారా మాత్రమే లభిస్తుంది, (అపొస్తలుల కార్యములు 4:10, 12 చూడండి).

► యెహోవా సాక్షుల మతం నిజమైన క్రైస్తవ సిద్దాంతాలను పాటించకపోవడం ఏ విషయంలో కనిపిస్తోంది?

ప్రస్తుత ప్రభావం

యెహోవా సాక్షులు 239 దేశాల్లో పనిచేస్తున్నారని, 900 కంటే ఎక్కువ భాషల్లో ప్రచురణలు చేస్తున్నారని వారు ప్రకటిస్తారు. వారు సుమారు 40 బిలియన్ ప్రచురణలను ముద్రించారు అని చెబుతారు .[1] వీరు సుమారు 118,000 సంఘాలు మరియు 80 లక్షలపైగా సభ్యులు ఉన్నారు చెబుతారు.[2]

యెహోవా సాక్షుల ప్రధాన కార్యాలయం న్యూయార్క్‌లోని బ్రూక్లిన్‌లో ఉంది.

యెహోవా సాక్షుల కఠినమైన సిద్ధాంతాలు

వారు ప్రపంచ రాజ్యాల నుండి వేరుగా ఉన్నారని నమ్ముతారు, అందుకే యెహోవా సాక్షులు ప్రభుత్వ ఎన్నికల్లో పాల్గొనరు లేదా ప్రభుత్వ పదవులను చేపట్టరు.

బైబిల్లో, నెహెమ్యా, మోర్దెకయి, డానియేలు వంటి వ్యక్తులు దేవుని సేవ చేశారే కానీ అన్య దేశాలలో కూడా పని చేశారు (నెహెమ్యా 1:11-2:1, ఎస్తేరు 8:2, ఎస్తేరు 10:3, డానియేలు 6:1-3 చూడండి).

వారు సైనిక సేవ చెయ్యరు మరియు యుద్ధం ఎప్పుడూ సమర్థనీయం కాదని వారు నమ్ముతారు.

వారు జాతీయ పండుగలు, క్రైస్తవ పండుగలు లేదా పుట్టినరోజులు జరుపుకోవద్దని నమ్ముతారు, ఎందుకంటే ఆ పండుగలు అన్యుల సంప్రదాయాల నుండి వచ్చాయని వారు భావిస్తారు.

రక్తాన్ని తినకుండా ఉండాలని వచనాలు చెబుతాయి కాబట్టి వారు ప్రాణాన్ని రక్షించడానికి కూడా రక్తమార్పిడిని అంగీకరించరు.

[3]వారు దశమ భాగం చెల్లించరు, వారి పాస్టర్లు జీతం పొందరు.

యెహోవా సాక్షులు, మనిషి తన విశ్వాసాన్ని యేసు క్రీస్తుపై ఉంచితే రక్షణ వస్తాడని నమ్మరు. వారి సంస్థలో చేరి, వారి సిద్ధాంతాలను నేర్చుకుని, వారి నియమాలను పాటించడం ద్వారా మాత్రమే రక్షణ పొందుతాడని నమ్ముతారు. రక్షణ ఒక ప్రక్రియ, ఆ వ్యక్తి ఎప్పుడు రక్షించబడతాడో నిర్ధారించబడలేదు.

కొత్త నిబంధనలో, మనుషులు పశ్చాత్తాపాడి క్రీస్తుపై విశ్వాసం ఉంచిన క్షణంలోనే క్రైస్తవులు అయ్యారు (అపొస్తలులు 2:41, 8:26-39 చూడండి). ఇది కృప ద్వారానే సాధ్యమవుతుంది, కర్మల ద్వారా కాదు.

ప్రతి సభ్యుడు నెలవారీ సాక్ష్య ప్రదర్శన కార్యకలాపాల నివేదికలను ఇవ్వాలి. నివేదికలు ఇవ్వని సభ్యుడు క్రియాశీలంగా ఉన్న లెక్కనుంది తీసేస్తారు మరియు అతను రక్షించబడలేదని పరిగణించబడతారు.

బైబిల్ మనకు, దేవుడు పరలోకంలో రక్షించబడినవారి జాబితాను కలిగి ఉన్నాడు (లూకా 10:20, ప్రకటన గ్రంథం 21:27 చూడండి). ఆ జాబితా భూమిపై ఒక సంస్థకు చెందినది కాదాని చెబుతుంది.

► యెహోవా సాక్షుల ప్రకారం, ఒక వ్యక్తి ఎలా రక్షణ పొందుతాడు?

యెహోవా సాక్షులు క్రీస్తు గుర్తుగా సిలువను అంగీకరించరు. వారు కొయ్యపైన యేసు క్రీస్తు చనిపోయాడని నమ్ముతారు.

వారు త్రిత్వ సిద్ధాంతాన్ని తిరస్కరించాల్సిందిగా చెబుతారు, ఎందుకంటే అది తర్కసహితం కాదని, మన మనసుకు అందనిదని భావిస్తారు, దేవుని స్వభావంలో మన అవగాహనకు మించినది ఏదీ లేనట్టుగానే మాట్లాడతారు.

యెహోవా సాక్షులు పరిశుద్ధాత్మ దేవుడని నమ్మరు, కానీ అది దేవుని నుండి వచ్చే ఒక అనామక శక్తి మాత్రమేనని, ఇది విద్యుత్తు శక్తితో సమానమని భావిస్తారు.

వారు యేసు పునరుత్థానం జరిగినట్లు నమ్ముతున్నట్లు చెబుతారు, కానీ, ఆయన శరీరం కాకుండా ఆయన ఆత్మ మాత్రమే లేచిందని నమ్ముతారు.

► ఎందుకు ఈ సిద్ధాంతాలను “కఠినమైన సిద్ధాంతాలు” అని పిలవాలి?

యెహోవా సాక్షుల అత్యంత పెద్ద సిద్ధాంత వాస్తవదోషం క్రీస్తు దేవత్వాన్ని, పరిశుద్ధాత్మ దేవత్వాన్ని తిరస్కరించడం.

యెహోవా సాక్షులు తమను నిజమైన క్రైస్తవులు అని చెప్పుకుంటారు. ఇతర సంఘ్లన్నీ తప్పుడువాని వారు నమ్ముతారు. కానీ ఒక వ్యక్తి యెహోవా సాక్షుల అన్ని సిద్ధాంతాలను అర్థం చేసుకుని నమ్మితే, అతను యథార్థమైన బైబిలు సువార్తను నమ్మడంలేదు, కాబ్బట్టి క్రైస్తవుడుకాదు.

యెహోవా సాక్షుల వ్యూహాలు

[4] యెహోవా సాక్షులలో చేరాలనుకునే వ్యక్తి, యెహోవా సాక్షుల ద్వారా నిర్వహించబడే బైబిల్ అధ్యయనాన్ని చాలా నెలలు చేయాల్సి ఉంటుంది. అతను నేర్చుకుంటున్న విషయాలను అనుసరించేందుకు తన జీవితంలో మార్పులు చేసుకోవాలి. ఆ తరువాత అతను బాప్తిస్మం పొందుతాడు మరియు "ప్రచురణకర్త" అవుతాడు, ఆ సంస్థ ప్రచురించే పుస్తకాలను పంచిపెట్టవలసినవాడిగా మారతాడు.

ఒక కొత్త సభ్యుడిని పొందడానికి ప్రచురణకర్తలు 10,000 గంటల సాక్ష్యాన్ని ఖర్చు చేస్తారు.[5] ప్రతి సభ్యుడు సంస్థ నుండి ముద్రిత పత్రాలను కొనుగోలు చేసి వాటిని పంచిపెడతాడు.

వారు కలిసి ఆరాధించే స్థలాలను సంఘం అని పిలవరు. సంఘాలన్నీ సాతానుకు చెందినవని వారు నమ్ముతారు. వారు తమ సంఘలను "రాజ్యం సభా మందిరం" అని పిలుస్తారు.

కొత్త నిబంధన సంఘలకే రాసివుంది (ప్రకటన గ్రంథం 1:4, 1 కొరింథీయులకు 14:33 చూడండి).

వారు బైబిలు గురించి ఎక్కువగా తెలియని వారికి తమ సిద్ధాంతాలను నిరూపించడానికి వచనాలను ఉపయోగిస్తారు.వారు తమ సిద్ధాంతాలకు అనుకూలంగా మార్పులు చేసిన తమ స్వంత బైబిలు అనువాదం "ది న్యూ వరల్డ్ ట్రాన్స్‌లేషన్" ను ప్రచురిస్తారు. వీరు యేసు క్రీస్తు దైవత్వాన్ని చూపించే వచనాలను మార్చారు కాబట్టి ఈ అనువాదాన్ని నిజమైన బైబిలు భాషా నిపుణులు తయారు చేయలేదు.

వారు యేసు క్రీస్తు దేవుని కుమారుడని, లోక రక్షకుడని, ఆయన రక్షణను సాధ్యం చేసాడని చెబుతారు. కానీ వారు యేసు క్రీస్తును దేవుడు కాదని, దేవుడు సృష్టించిన మొదటి సృష్టి మాత్రమేనని భావిస్తారు. యేసు క్రీస్తు కేవలం పరిపూర్ణమైనన మనిషు, దేవుడు కాదనినమ్ముతారు.

► కొలస్సెయులకు 1:16-17 ది న్యూ వరల్డ్ ట్రాన్స్‌లేషన్లో, "ఇతర" అనే పదాన్ని చేర్చారు. దీని ప్రకారం, యేసు అన్ని ఇతర సృష్టులను సృష్టించాడని, అన్ని ఇతర విషయాల ముందు ఉన్నాడని, అన్ని ఇతర విషయాలు ఆయన కోసం ఉన్నాయని ఈ వచనాలు చెబుతాయి. మీరు ఈ పదాన్ని ఎందుకు యెహోవా సాక్షులు చేర్చారాణి అనుకుంటున్నారు?

► ఇప్పుడు తిరిగి వెళ్లి బోల్డ్ మరియు ఇటాలిక్ లో ఉన్న పాఠ్యాన్ని మరియు ప్రతి లేఖన భాగాన్ని చదవండి.

ముద్రించగల PDF ఇక్కడ మరియు Additional Files/అనుబంధం/అదనపు ఫైళ్ళు లో అందుబాటులో ఉంది.

► కింద ఉన్న సిద్ధాంతాలను యెహోవా సాక్షులు తీరస్కరిస్తారు. ఈ సిద్ధాంతాల ప్రాముఖ్యతను, వాటిని నిర్ధారించే ఆధారాలను "సిద్ధాంతాల చేతి పుస్తకాన్ని" లో చూడండి. ప్రతి వచనం సిద్ధాంతాలన్ని ఎలా నిర్ధారిస్తుందో తెలుసుకోండి.

(5) యేసు క్రీస్తు దేవుడు.

(6) యేసు క్రీస్తు మృతులలోనుండి శారీరకంగా లేచాడు.

(7) పరిశుద్ధాత్మ దేవుడు.

(8) దేవుడు త్రిత్వం.

(9) రక్షణ కేవలం క్రీస్తు ప్రాయశ్చిత్తంతోనే సాధ్యం.

(11) మన నమ్మకం ద్వారా మాకు రక్షణ లభిస్తుంది.

(12) మనకు వ్యక్తిగత రక్షణ హామీ ఉండవచ్చు.

(13) రక్షణ పొందనివారు శాశ్వత శిక్షను అనుభవిస్తారు

యెహోవా సాక్షులతో మంచిగా ప్రవర్తించండి. వారు నిజాన్ని చెబుతున్నందుకు తాము హింసను అనుభవిస్తున్నామనే భావన కలిగి ఉంటారు. అందుకే సువార్త ప్రచారకులు వారిని తప్పుగా వ్యవహరిస్తారని ఆశిస్తారు. బదులుగా, క్రీస్తు ప్రేమను చూపండి, వారిని పట్టించుకొండి.ఈ విధానమే వారిని క్రీస్తుకు అనుసరణ చేయించడానికి సఫలమైన మార్గం.

పండుగ జరపడం లేదా సైన్యంలో చేరడం వంటి చిన్న విషయాల గురించి వాదించవద్దు. సువార్త సారాంశం, రక్షణలో భరోసా మరియు మన విశ్వాసం గురించి మాట్లాడడం ఎక్కువగా అవసరం.

ప్రధానంగా సువార్తను పంచుకోవడమే ముఖ్యమైంది. యెహోవా సాక్షులకు వ్యక్తిగత రక్షణ హామీ లేదా దేవునితో సంబంధం ఉండదు.

రమేష్ యెహోవా సాక్షుల కుటుంబంలో పెరిగాడు, అతని అనేక బంధువులు ఇప్పటికీ ఆ కల్ట్ లోనే ఉన్నారు.పెద్దవాడు అయ్యాక ఆయన ఆ సంస్థను వదిలిపెట్టాడు, కానీ వారు చెప్పేది నిజమని నమ్మేవాడు. అతని భార్య క్రైస్తవురాలయ్యింది, కాబట్టి ఆయన యెహోవా సాక్షులు నిజమైనవారని నిరూపించుకోవాలని నిర్ణయించుకున్నాడు. తన అధ్యయనంలో ఆయన వారికి అనేక తప్పుడు ప్రవచనాలు ఉన్నాయని కనుగొన్నాడు. ఆయన బైబిలును చదవడం ప్రారంభించాడు, యేసు దేవుడని, తాను చెప్పుకున్నట్టు దూత కాదని తెలుసుకున్నాడు. యోహాను 14:6 వచనంలో "నేనే మార్గమును, సత్యమును, జీవమును" యేసు క్రీస్తు చెప్పిన మాటల ద్వారా ఆయన తెలుసుకున్నాడు, తనకు కేవలం మతపరమైన నమ్మకాలు కాకుండా, యేసుతో వ్యక్తిగత సంబంధం ఆవరసమని తెలుసుకున్నాడు.

ఇప్పుడు హెబ్రీయులు 1 మళ్ళీ చదవండి. ప్రతి విద్యార్థి యెహోవాసాక్షి కోసం ఈ భాగంలో ఉన్న సందేశాన్ని వివరిస్తూ ఒక పేరా రాయాలి. విద్యార్థులు వారు రాసిన వాటిని తరగతి గదిలో పంచుకోవచ్చు.

ఈ మత సమూహంలోని ఎవరికైనా సువార్తను అందించే అవకాశాన్ని కనుగొనడం గుర్తుంచుకోండి. మీరు జరిపిన సంభాషణ గురించి మీ సహవిద్యార్థులతో పంచుకోవడానికి సిద్ధంగా ఉండండి. మీ రెండు పేజీల లిఖిత నివేదికను వ్రాసి, మీ తరగతి నాయకుడికి ఇవ్వండి.