Lesson 2: మతపరమైన సంఘర్షణను అర్థం చేసుకోవడం

► మతపరమైన సంఘర్షణ ఎందుకు ఉనికిలో ఉంది? మతపరమైన సంఘర్షణ అవసరమా? లేదా దానిని నివారించవచ్చా?

► ఈ ప్రశ్నల గురించి క్లుప్తంగా చర్చించిన తరువాత, తరగతి ఈ క్రింది గ్రంథ సూచనలను చూడాలి 1 తిమోతికి 3:15, యూదా 1:3; మత్తయి 16:6, 12; తీతుకు 1:9; and 1 పేతురు 3:15. మతపరమైన సంఘర్షణ గురించి ఈ వచ్చనలు ఏమి సూచిస్తున్నాయో క్లుప్తంగా చర్చించండి.

సమరయుల ఆరాధనలో సమస్య ఏమిటంటే, వారు ఎవరిని ఆరాధిస్తున్నారో వారికి తెలియకపోవడమేనని యేసు బావి వద్ద ఉన్న సమరయ స్త్రీకి చెప్పాడు (యోహాను 4:22). దేవుని గురించి మనిషి యొక్క భావన అతని అత్యంత ముఖ్యమైన లక్షణం మరియు ఖచ్చితంగా అతని మొత్తం మతానికి పునాది. దేవుడు ఎలా ఉంటాడనే దాని గురించి తప్పుగా చెప్పడం కంటే తీవ్రమైన తప్పు మరొకటి ఉండదు.

దేవుని గురించి దేనినైనా నమ్మకుండా ఆయనను ఆరాధించడం అసాధ్యం. ఒక వ్యక్తికి దేవుని గురించి తప్పుడు భావన ఉంటే, అతను దేవునికి లేని లక్షణాలను గౌరవిస్తాడు మరియు దేవునికి ఉన్న లక్షణాలను గౌరవించడంలో విఫలమవుతాడు. దేవుడి స్వభావాన్ని తప్పుగా అర్థం చేసుకుంటే, ఆరాధకుడి స్వభావం తప్పుడు మార్గంలో మారుతుంది.

ఒక వ్యక్తి యేసు క్రీస్తు గురించి సరైన నమ్మకము లేకుండా రక్షణ కోసం ఆయనపై తన విశ్వాసాన్ని ఉంచలేడు. ఒక వ్యక్తి యేసు క్రీస్తు గురించి తప్పుడు విషయాలను విశ్వసిస్తే, అతనికి సువార్తకు మద్దతు ఇవ్వని సిద్ధాంతం ఉంటుంది. అతను తనను రక్షించలేని తప్పుడు సువార్తను నమ్మవచ్చు.

సత్యాన్ని స్థాపించే బాధ్యత సంఘనికి ఉంది. అపోస్తలుడైన పౌలు సంఘము సత్యానికి మూలస్తంభము మరియు ఆధారస్తంభము అని చెప్పాడు (1 తిమోతికి 3:15). సత్యాన్ని స్థాపించడానికి, దానిని వివరించి, రక్షించాల్సిన బాధ్యత సంఘనిపై ఉంది. మనుషులు తప్పుడు సిద్ధాంతాలను బోధిస్తున్నప్పుడు, మనం “పరిశుద్ధులకు ఒక్కసారే అప్పగింపబడిన బోధ నిమిత్తము మీరు పోరాడవలెనని” అపోస్తలుడైన యూదా మనకు చెబుతాడు (యూదా 1:3).

తప్పుడు సిద్ధాంతం దాని ఫలితాలను వ్యాప్తి చేసే వ్యాధి లాంటిది (2 తిమోతికి 2:17). తప్పుడు సిద్ధాంతాన్నిపులిసిన పిండి తో పోల్చారు, ఇది క్రమంగా రొట్టె రొట్టెను ప్రభావితం చేస్తుంది (మత్తయి 16:6).

సత్యాన్ని రక్షించడంలో నాయకులుగా ఉండమని దేవుడు పాస్టర్లను పిలుస్తాడు. పౌలు తీతుతో ఒక సంఘ కాపరి మంచి సిద్ధాంతంలో బోధన ఇవ్వాలని మరియు దానిని వ్యతిరేకించేవారిని కూడా మందలించాలని చెప్పాడు (తీతుకు 1:9). మోసగాళ్ల కారణంగా మొత్తం కుటుంబాలు సత్యం నుండి దూరం అవుతున్నాయని కూడా ఆయన అన్నారు (తీతుకు 1:10-11).

ఈ కోర్సు వివిధ క్రైస్తవ సంఘలను మెథడిస్ట్, బాప్టిస్ట్ లేదా పెంటెకోస్టల్ వంటి వర్గాలుగా విభజించే సిద్ధాంతాల గురించి కాదు. ఈ సంఘలు సాధారణంగా ఈ కోర్సు వెనుక సిద్ధాంతాల చేతి పుస్తకాన్ని ప్రస్తావించబడిన ముఖ్యమైన బైబిల్ సిద్ధాంతాలపై అంగీకరిస్తాయి. బదులుగా, ఈ కోర్సు క్రైస్తవ విశ్వాసానికి పునాది అయిన సిద్ధాంతాలను తిరస్కరించే మత సమూహాలను చూస్తుంది.

ఈ పాఠంలో మతపరమైన సంఘర్షణలను ఎదుర్కోవడానికి క్రైస్తవులు సిద్ధం కావాల్సిన ఎనిమిది ముఖ్యమైన మార్గాలను మనం అధ్యయనం చేస్తాము. అవి:

1. వ్యక్తిగతంగా రక్షణని అనుభవించండి.

2. బైబిలు సిద్ధాంతంలో స్థిరపడండి.

3. పొరపాటు ప్రమాదాన్ని అర్థం చేసుకోండి.

4. కల్ట్ సభ్యులను అర్థం చేసుకోండి.

5. తప్పుడు మతాల మూలాలను అర్థం చేసుకోండి.

6. సువార్త పంచండి.

7. సంఘాన్ని ప్రదర్శించండి.

8. పరిశుద్ధాత్మ మీద ఆధారపడండి.

► ఒక వ్యక్తి మతపరమైన వాదనలు మొదలుపెట్టకముందే రక్షించబడటం ఎందుకు ముఖ్యం?

ఒక వ్యక్తి వ్యక్తిగతంగా దేవుని కృపను అనుభవించకపోతే,

1. అతనికి సత్యం గురించి ఆధ్యాత్మిక అవగాహన ఉండదు.

2. ఆయన తన ప్రయత్నాలలో పరిశుద్ధాత్మ యొక్క శక్తిని మరియు జ్ఞానాన్ని కలిగి ఉండడు.

3. మతపరమైన సంఘర్షణకు అతనికి తప్పుడు ఉద్దేశాలు ఉంటాయి.

క్రైస్తవ పునాది సిద్ధాంతాన్ని అర్థం చేసుకోవడం ఒక విశ్వాసి విశ్వాసంలో స్థిరంగా నిలబడతాడు అలాగే తప్పుడు బోధనను ఎదుర్కొన్నప్పుడు కూడా ఉపయోగపడుతుంది (ఎఫెసీయులకు 4:14). బైబిల్ సిద్ధాంతం యొక్క అధ్యయనం తప్పుడు బోధనను ఖండించడం మరియు సత్యాన్ని వివరించడం ద్వారా ఇతరులను చురుకుగా ప్రభావితం చేయడానికి విశ్వాసిని సిద్ధం చేస్తుంది. అందుకే, ఈ కోర్సు అంతటా తప్పుడు బోధన వివరించబడినట్లుగా, ఇది దేవుని సత్యానికి విరుద్ధంగా చూపబడుతుంది. అబద్ధ బోధకుల మోసాన్ని ఖండించడానికి మీరు సిద్ధాంతాల చేతి పుస్తకాన్ని ఉపయోగిస్తూ, బోధించిన గ్రంథాలను, సిద్ధాంతాలను ఉపయోగించినప్పుడు, మీ విశ్వాసం బలపడుతుంది.

ప్రతి విశ్వాసి దేవుని వాక్యమంతా చదివి అధ్యయనం చేయాలి (2 తిమోతికి 3:15-17). ఇది ఆధ్యాత్మిక విజయానికి దేవుడు అందించిన ఖడ్గం (ఎఫెసీయులకు 6:17).

క్రైస్తవ విశ్వాసం యొక్క సిద్ధాంతాలను క్రమపద్ధతిలో చదివి అర్ధం చేసుకోడం కూడా ఆధ్యాత్మికంగా స్థిరపడటానికి ఒక ముఖ్యమైన మార్గం. Shepherds Global Classroom (షెపర్డ్స్ గ్లోబల్ క్లాస్ రూమ్) అందించే మొదటి సిద్ధాంతాల కోర్సు క్రైస్తవ నమ్మకాలు, కానీ ఇతర సిద్ధాంత కోర్సులు కూడా అందుబాటులో ఉన్నాయి.

క్రొత్త విశ్వాసులు సరైన సిద్ధాంతంలో స్థిరపడటం చాలా అవసరం, కానీ నిజమైన యేసు క్రీస్తు యొక్క శిష్యులు వారి జీవితమంతా దేవుని సత్యంలో పెరుగుదలను కొనసాగిస్తూనే ఉన్నాడు. (ఫిలిప్పీయులకు 1:9).

మతపరమైన తప్పులకు వ్యతిరేకంగా వాదించడానికి మనం సిద్ధంగా ఉండాలి. మతపరమైన తప్పిదాలు తీవ్రమైన పరిణామములకు దారి తీస్తాయి ఎందుకంటేః.

(1) అన్ని మతాలు మనకు దేవున్నీ నమ్మి స్వర్గానికి వెళ్లమని చేప్పవు.

కొన్ని మతాలు ఒక వ్యక్తి అయిన సర్వోన్నతుడైన దేవుడిని నమ్మవు (బౌద్ధమతం). లక్షలాది మంది మతపరమైన వ్యక్తులు తాము ఒక వ్యక్తిగ కొనసాగే స్వర్గానికి వెళ్లగలమని నమ్మరు (బౌద్ధమతం మరియు హిందువులో చాలమంది).

(2) కొన్ని మతాలు చెడు స్వభావాన్ని, చెడు కార్యాలను ప్రేరేపిస్తాయి.

హిట్లర్ లక్షలాది మంది యూదులను హత్య చేయడం వంటి మానవజాతి యొక్క అత్యంత ఘోరమైన కార్యాలను మతం కొన్నిసార్లు సమర్థించింది. మతం ఇస్లామిక్ ఉగ్రవాదులను వేలాది మందిని చంపడానికి ప్రేరేపిస్తుంది.

(3) మతపరమైన అభిప్రాయం అనేది వ్యక్తిగత అభిరుచికి సంబంధించిన విషయం కాదు.

ఒక వ్యక్తి తనకు ఇష్టమైన మిఠాయిని ఎంచుకున్నట్లుగా తన మతపరమైన అభిప్రాయాలను ఎంచుకోకూడదు. ప్రతి మతం వాస్తవికతను నిర్వచిస్తుందని చెప్పుకుంటుంది. ప్రజలు నిజమైతే, విశ్వం నిజమైతే, భగవంతుడు నిజమైతే, కొన్ని మతాలు తప్పుగా తేలుతాయి అలాగే వాస్తవాన్ని వివరించే విధానంలో కూడా తప్పు చేస్తాయి. ఉదాహరణకు, ప్రపంచానికి తీర్పు చెప్పే సర్వోన్నతుడైన దేవుడు ఉంటే, అప్పుడు ఆత్మలను ఆరాధించే మరియు ఆత్మలు తమ జీవితాలను నియంత్రించడానికి అనుమతించే వ్యక్తులు (యానిమిజం మరియు వూడూ) తీర్పుకు సిద్ధంగా ఉండరు. ఒక వ్యక్తి తనకు ఇష్టమైన మతాన్ని కాకుండా వాస్తవికతకు సరిపోయే మతాన్ని ఎంచుకోవాలి.

(4) ఒక వ్యక్తి దేవుణ్ణి ఎలా వర్ణిస్తున్నాడో అది ముఖ్యం.

ఒక వ్యక్తి నిజం కాని దాని గురించి మాట్లాడుతుంటే, అతను దానిని ఎలా వివరిస్తున్నాడో పట్టింపు లేదు. కానీ దేవుడు నిజమైతే, ఆయన గురించి కొన్ని ఆలోచనలు సరైనవి, కొన్ని తప్పు. మీ గురించి కొన్ని ప్రకటనలు చేయడం తప్పో అలాగే, అలాగే దేవుని గురించి కొన్ని ప్రకటనలు చెయ్యడం కూడా అలాగే తప్పు, ఎందుకంటే ఆయన నిజమైనవాడు. యేసు క్రీస్తు దేవుడని, ఆరాధించబడాలి. కాబట్టి, అనేక మతాల ఆయన ఒక మనిషి మాత్రమే అని చెప్పడం భయంకరమైన తప్పు అవుతుంది.

(5) ఒక వ్యక్తి యొక్క శాశ్వతమైన విధి సత్యం మీద ఆధారపడి ఉంటుంది.

మనుష్యులు తమను నిజంగా రక్షించలేని రక్షణ కోసం దేనినైనా విశ్వసిస్తున్నప్పుడు, వారు ఎప్పటికీ నశించిపోయే ముందే వారి మనస్సులను మార్చడానికి మనం ప్రయత్నించాలి.

► మతపరమైన తప్పిదాలు తీవ్రమైన ఫలితాలను కలిగించే ఐదు కారణాల జాబితాను సమీక్షించండి. పేజీని చూడకుండా మీరు ఎన్ని కారణాలను గుర్తుంచుకోగలరో చూడండి.

ఒక ధనవంతుడి ఇంటికి మంటలు అంటుకొని కాల్తుంది. లోపల అతను కాపాడాలన్న అనేక విలువైన వస్తువులు ఉన్నాయి. మనుషులు సహాయం చేయడానికి వచ్చినప్పుడు, వారు మండుతున్న ఇంటిలోపలికి వెళ్ళడానికి భయపడ్డారు. ఇంటి యజమాని వెంటనే వారికి అన్ని ప్లాస్టిక్ రెయిన్కోట్లను ఇచ్చాడు. మంట నుండి వారిని రక్షించడానికి కోట్లు ప్రత్యేకంగా చెయ్యబడ్డాయని ఆయన వారికి చెప్పారు. అతన్ని నమ్మి, వారు ఇంటిలోకి వెళ్లి, అతను కోరుకున్న వస్తువులను బయటకు తీసుకురావడానికి ప్రయత్నించారు. కోటులు వారిని రక్షించలేకపోవడంతో వారిలో కొందరు మరణించారు. వారి విశ్వాసం వారిని రక్షించలేదు ఎందుకంటే వారు నిజం కానిదాన్ని విశ్వసించరు కాబ్బట్టి.

దేవుడు నిజమైనవాడు, మరియు స్వర్గం మరియు నరకం నిజమైనవి.అన్ని పాపాలపై తుది/ఆకరి తీర్పు ఉంటుంది, మరియు ప్రతి వ్యక్తి శాశ్వతంగా స్వర్గానికి లేదా నరకానికి వెళ్తాడు. ఒక వ్యక్తికి తప్పు విషయాన్ని విశ్వసించేలా చేసే మతం ఉంటే, ఫలితాలు భయంకరంగా మరియు శాశ్వతమైనవిగా ఉంటాయి. ఒక వ్యక్తికి తప్పు విషయాన్ని విశ్వసించేలా చేసే మతం ఉంటే, ఫలితాలు భయంకరంగా మరియు శాశ్వతమైనవిగా ఉంటాయి. అది నిజం కాకపోతే అతని మతం అతన్ని రక్షించలేదు. అందుకే మతపరమైన వాదన ఉండాలి.

కల్ట్ సభ్యులు ఎలా ఆలోచిస్తారో, ఎలా భావిస్తారో అర్థం చేసుకోవడం చాలా ముఖ్యం. మనం వారి అవసరాలను పట్టించుకోకపోతే, వారి దృష్టిని ఆకర్షించే విధంగా సువార్తను అందించడంలో విఫలమవుతాము.

మీరు మొదట సంఘంలోకి ఎలా వచ్చారో ఆలోచించండి.ఇది బహుశా ఒక వాదనలో ఎవరైనా మిమ్మల్ని ఓడించడం వల్ల కాకపోవచ్చు. అందువల్ల, తప్పుడు నమ్మకంలో చిక్కుకున్న వారితో చర్చలో గెలవడం ద్వారా మాత్రమే మనం అతన్ని మారమని ఒప్పించగలమని అనుకోవద్దు.

సత్యాన్ని స్థాపించడంలో కారణం ఉపయోగకరంగా ఉన్నప్పటికీ, ఎవరైనా వారి నమ్మకాలను మార్చేలా చేయడం సరిపోదు.

మతపరమైన కల్ట్ లో చేరాలని నిర్ణయించుకున్న వారి యొక్క కొన్ని లక్షణాలు ఈ విభాగంలో జాబితా చేయబడ్డాయి. మతంతో కూడిన సంస్కృతి ఉన్న వ్యక్తి తప్పనిసరిగా ఈ లక్షణాలను ప్రదర్శించడు.

► ఒక కల్ట్ లో చేరిన వ్యక్తుల గురించి మీకు ఏమి తెలుసు? వారు సాధారణంగా ఏ లక్షణాలను కలిగి ఉంటారు?

(1) కల్ట్ సభ్యుడు తన నాయకులు మాత్రమే సత్యానికి మూలం అని నమ్ముతారు.

అతను తన నమ్మకాలను వ్యవస్థాపకుడి బోధనల నుండి మరియు కల్ట్ యొక్క గ్రంథాల నుండి పొందుతున్నాడని అనుకోవచ్చు, కానీ నాయకులు తనకు చెప్పే దాని ద్వారా అతను వాటిని అర్థం చేసుకుంటాడు. ఆ విధంగా అతను కల్ట్ యొక్క రచనలు మరియు వెల్లడిలో వైరుధ్యాలను విస్మరించగలడు.

తమ అనుచరుల ఏకైక సత్య వనరుగా తమను తాము స్థాపించుకోవడానికి, మత నాయకులు అన్నిటికీ భిన్నమైన నమ్మకాలను అందిస్తారు. వారు బైబిలుపై నమ్మకం ఉన్నట్లు ప్రకటించినప్పటికీ, వారు తుది అధికారాన్ని అందిస్తారు-వ్రాతపూర్వకంగా లేదా సజీవంగా-ఇది ఆచరణాత్మక అనువర్తనంలో బైబిల్ కంటే ప్రాధాన్యతనిస్తుంది.

(2) కల్ట్ సభ్యులకు సాధారణంగా క్రైస్తవ సాగనిపై అపనమ్మకం ఉంటుంది

క్రైస్తవ సంఘలు మతభ్రష్టమైనవని, సత్యాన్ని కలిగి లేవని, దేవుని ఆశీర్వాదం లేదని కల్ట్ సభ్యులకు బోధిస్తారు. కల్ట్ నాయకులు నిరంతరం క్రైస్తవ సంఘం లను ఎగతాళి చేయవచ్చు. దీనికి విరుద్ధంగా, నిజమైన క్రైస్తవ సంఘలు ఇతర సంఘలలో కూడా ఒక వ్యక్తి దేవుణ్ణి తెలుసుకుని పరలోకానికి చేరుకోవడానికి అవసరమైన సత్యం ఉందని అంగీకరిస్తాయి.

కొంతమంది కల్ట్ నాయకులు వారి అనుచరులు తాము సత్యానికి ప్రధాన వనరు అని నమ్మలని నిరంతరం తాజా సమాచారాన్ని బహిర్గతం చేస్తారు.

(3) సంఘ చరిత్ర మరియు సంప్రదాయం గురించి కల్ట్ సభ్యుడికి తెలియదు.

గతంలో సంఘం సమస్యలను ఎలా నిర్వహించిందో మతాల సభ్యులకు చాలా అరుదుగా తెలుసు. బైబిలు ఎలా భద్రపరచబడిందో వారికి అర్థం కాలేదు. సువార్తకు పునాది మరియు క్రైస్తవ మతానికి అవసరమైన సిద్ధాంతాలు ఏమిటో వారికి తెలియదు. సంఘం తన చరిత్రలో చాలా వరకు దాని అత్యంత ముఖ్యమైన సిద్ధాంతాలలో తప్పు చేసిందని వారు భావిస్తారు. పునాది సిద్ధాంతాలను తిరస్కరించడం ద్వారా వారు కొత్త మతంలో భాగమయ్యారని వారు గ్రహించరు.

(4) కల్ట్ సభ్యుడు హింస మరియు సంఘర్షణను ఆశిస్తాడు.

మీరు ఒక మతపరమైన సభ్యుడితో వాదిస్తే, మీరు మోసపోయారని, అజ్ఞానులు అని, తప్పుడు ఉద్దేశాలను అనుసరిస్తున్నారని, బహుశా సాతాను నియంత్రణలో ఉన్నారని అతను భావిస్తాడు.

కల్ట్ సభ్యులు ఇతర మతపరమైన వ్యక్తులచే హింసించబడతారని ఆశిస్తారు. ఎవరైనా వారితో అసభ్యంగా ప్రవర్తిస్తే, అది వారు సరైనదేనని ధృవీకరిస్తుంది.

(5) కల్ట్ సభ్యుడికి ఒకదానికొకటి విరుద్ధమైన నమ్మకాలు ఉంటాయి.

ఇది కల్ట్ సభ్యుడు తన నమ్మకాలను వివిధ విభాగాలలో ఉంచినట్లుగా ఉంటుంది. అతను ఒక భాగం నుండి మరొక భాగం లోని నమ్మకాలతో పోల్చడు. ఎవరైనా వైరుధ్యాలను ఎత్తి చూపినప్పుడు అతను ఆశ్చర్యపోతాడు, వాటిని పరిష్కరించాల్సిన అవసరం అతనికి అనిపించదు.

(6) కల్ట్ సభ్యుడు కారణం కంటే అనుభవం ద్వారా ఎక్కువగా ఒప్పించబడ్డాడు.

కల్ట్ సభ్యులు తమ సిద్ధాంతాలను బయటివారికి సమర్పించినప్పుడు తర్కాన్ని ఉపయోగించినట్లు అనిపిస్తుంది. అయితే, వారి తర్కం కల్ట్ యొక్క గుడ్డి నమ్మకంపై ఆధారపడి ఉంటుంది. వారు ఇప్పటికే నమ్ముతున్నదానికి మద్దతు ఇవ్వడానికి కారణాలు రూపొందించబడ్డాయి.

అతను సభ్యులచే ప్రేమించబడ్డాడని మరియు అంగీకరించబడ్డాడని భావించాడు, లేదా వారి ఆరాధన సమయంలో అతను భావించిన విధానం లేదా వ్యక్తిగత ఆధ్యాత్మిక అనుభవం కారణంగా అతను ఈ కల్ట్ ను అంగీకరించాడు.అతను ఆరాధనతో సంబంధాన్ని ఏర్పరచుకున్న తరువాత, అతను వారి బోధనలను అంచనా వేయకుండా అంగీకరించడం ప్రారంభిస్తాడు. బయటి వ్యక్తులు సిద్ధాంతాలతో వాదించినప్పుడు, అతను అనుభవించినది వారికి అర్థం కాలేదని అతను భావిస్తాడు. అతను వాటిని వాదనలను దాటి అనుభవంలోకి తీసుకురాగలిగితే, వారు ఒప్పించబడతారని అతను భావిస్తాడు.

(7) కల్ట్ సభ్యుడు వేరే సువార్తను నమ్ముతాడు.

విశ్వాసులు లను విధేయతతో ఉండేలా చేయడానికి, ఒక కల్ట్ చిన్న సిద్ధాంతాలలో మాత్రమే ప్రత్యేకమైనది కాదు; ఇది అవసరమైన వాటిలో ప్రత్యేకమైనదిగా ఉండాలి. అందుకే ఒక కల్ట్ యొక్క విలక్షణమైన సిద్ధాంతాలలో భిన్నమైన సువార్త ఉంటుంది. కల్ట్ సభ్యులు రక్షణ అనేది కల్ట్ ద్వారా మాత్రమే అని నమ్ముతారు

(8) మతపరమైన కల్ట్ సభ్యుడు ఆధ్యాత్మికంగా అసంతృప్తి చెందాడు.

అతను రక్షింపబడలేనందుకు, అతనికి క్షమాపణ యొక్క హామీ లేదు; అతనికి పాపం యొక్క శక్తిపై విజయం లేదు; దేవునితో సంబంధం నుండి వచ్చే ఆనందం అతనికి లేదు; మరియు అతనికి తన తోటి ఆరాధనా సభ్యులతో నిజమైన క్రైస్తవ సహవాసం లేదు. అతను సువార్త వినాలి.

► తప్పుడు మతాలు ఎక్కడ నుండి వస్తాయి?

ఒక తప్పుడు మతం కేవలం లాభ ప్రయోజనం నుండి, తప్పుడు అనుభవం నుండి లేదా రాక్షసులు నుండి మాత్రమే వస్తుందని భావించడం అంటే మతం యొక్క సంక్లిష్టతను తప్పుగా అర్థం చేసుకోవడం.తప్పుడు మతాలకు ప్రతిస్పందించడంలో, వాటి మూలానికి సంబంధించిన అనేక అంశాలను మనం అర్థం చేసుకోవాలి.

(1) మానవ తర్కం

దేవుని వెల్లడి మరియు పరిశుద్ధాత్మ మార్గదర్శకత్వం లేకుండా మత విశ్వాసాల గురించి తర్కించే తెలివైన వ్యక్తులు తరచుగా తప్పుడు మతాలను అభివృద్ధి చేసి వివరిస్తారు (1 కొరింథీయులకు 2:6-9).

(2) వ్యక్తిగత లాభ ప్రయోజనం

మత గురువులందరూ నిజాయితీగా ఉండరు. తమ మనస్సాక్షిని ఉల్లంఘించి, సత్యాన్ని తిరస్కరించి, కపటంగా ప్రవర్తించే వ్యక్తులు తప్పుడు సిద్ధాంతాలను బోధిస్తారని బైబిలు బోధిస్తుంది (1 తిమోతికి 1:5-6, 19, 1 తిమోతికి 4:2). కొంతమంది మత నాయకులు తమ తప్పుడు సిద్ధాంతాలతో ధనవంతులయ్యారు (2 పేతురు 2:1-3).

(3) ఆధ్యాత్మిక గుడ్డితనంద్వారా

దేవునితో సంబంధం లేని వ్యక్తులు ఆధ్యాత్మికంగా గుడ్దులుగా అవుతారు. వారికి ఆధ్యాత్మిక అవగాహన లేకపోవడమే కాకుండా, వారి సహజ అవగాహనలు కూడా సరైనవి కావు (2 కొరింథీయులకు 4:3-4).

(4) సత్యాన్ని తిరస్కరించడం

పాపము, నీతి మరియు తీర్పు గురించి మనుషులను ఒప్పించడంలో పరిశుద్ధాత్మ నమ్మదగినది (యోహాను 16:7-11) సత్యాన్ని తిరస్కరించే వ్యక్తి ఉద్దేశపూర్వకంగా ఎంపిక చేసుకుంటాడు. అందువల్ల, ఒప్పించడం మరియు వివరణలు అతని అభిప్రాయాన్ని మార్చులేవు.అవసరమైన సిద్ధాంతాలను తప్పుదోవ పట్టించే వ్యక్తి పాపం చేస్తున్నందున సంఘం నుండి తిరస్కరించబడాలని బైబిలు చెబుతోంది (తీతుకు 3:10-11).

(5) ఆధ్యాత్మిక అనుభవం

అబద్ధ మతం కేవలం ఏమీలేని ఆచారలు కావు. దయ్యాలు తప్పుడు ఆరాధనలో పాల్గొంటాయి.విగ్రహాలను పూజించే మనుషులు రాక్షసులను పూజిస్తున్నారని బైబిలు చెబుతోంది (1 కొరింథీయులకు 10:20-21). అంటే తప్పుడు మతాలకు చెందిన వారికి ఆధ్యాత్మిక అనుభవాలు ఉండవచ్చు.

(6) తప్పుడు దర్శనం

తప్పుడు మతాల సిద్ధాంతాలన్నీ మానవ ఆవిష్కరణలు కావు. దయ్యాల నుండి వచ్చిన సిద్ధాంతాలు ఉన్నాయని బైబిలు మనకు చెబుతుంది (1 తిమోతికి 4:1).

► తప్పుడు మతం ఏర్పడటానికి కనీసం ఆరు అంశాలు కారణమని చెప్పవచ్చు. ఆ వచనాన్ని మళ్ళీ ప్రస్తావించకుండా, వీటిలో ఎన్ని మీకు గుర్తున్నాయి?

కల్ట్ యొక్క సాధారణ లక్షణాలు [1]

• ఈ సంస్థ తన మానవ నాయకుడి పట్ల ఉత్సాహపూరితమైన మరియు అచంచలమైన భక్తిని ప్రదర్శిస్తుంది, అతని పద్ధతులు మరియు నమ్మకాలను మార్చలేని వాస్తవికతగా అంగీకరిస్తుంది.

• ప్రశ్నచడం, సందేహంపాడడాం మరియు వ్యతిరేకంగామాట్లాడడాం నిరుత్సాహపరచబడతాయి లేదా శిక్షిస్తారు.

• ఆ విశ్వాసులు మనస్సును మార్చే పద్ధతులను ఉపయోగిస్తుంది (ధ్యానం, కీర్తన మరియు పరమానంద ఆరాధన వంటివి).

• సభ్యులు ఎలా ఆలోచించాలి, వ్యవహరించాలి మరియు అనుభూతి చెందాలి అని నాయకులు నిర్దేశిస్తారు (ఉదాహరణకు, సభ్యులు కొన్నిసార్లు వివాహం చేసుకోవడానికి లేదా ఉద్యోగాలు మార్చడానికి అనుమతి పొందాలి. నాయకులు ఏమి ధరించాలో, ఎక్కడ నివసించాలో, సభ్యులకు పిల్లలు ఉండాలా వద్దా అని సూచిస్తారు).

• తమ విశ్వాసులుకు, వారి నాయకుడికి మరియు వారి సభ్యులకు ప్రత్యేకమైన, ఉన్నతమైన హోదాను పేర్కొంది. (ఉదాహరణకు, నాయకుడిని ప్రత్యేక వ్యక్తిగా లేదా మెస్సీయగా పరిగణిస్తారు).

• నాయకుడు ఏ అధికారికి జవాబుదారీగా ఉండడు.

• నాయకుడు సభ్యులను నియంత్రించడానికి సిగ్గు మరియు/లేదా అపరాధ భావాలను ప్రేరేపిస్తుంది.

• నాయకుడు లేదా ఆ సంస్థకు లొంగిపోవడానికి సభ్యులు కుటుంబం మరియు స్నేహితులతో సంబంధాలను తెంచుకోవాలి మరియు వారి వ్యక్తిగత లక్ష్యాలను సమూలంగా మార్చుకోవాలి.

• ఈ బృందం కొత్త సభ్యులను తీసుకురావడంలో నిమగ్నమై ఉంది

• సంస్థ/బృందం డబ్బు సంపాదించడంలో నిమగ్నమై ఉంది.

• సభ్యులు సంస్థ మరియు సంస్థ సంబంధిత కార్యకలాపాలకు అధిక డబ్బులను కేటాయించాలని భావిస్తున్నారు.

• సభ్యులు తమ సంస్థ సభ్యులతో మాత్రమే జీవించడానికి మరియు/లేదా సాంఘికీకరించడానికి ప్రోత్సహించబడతారు.

ఒక కల్ట్ యొక్క ప్రత్యేక లక్షణాలు మరియు లోపాలను ఎలా ఖండించాలో తెలుసుకోవడం మంచిది. అయితే, సువార్తను పంచుకోవడం చాలా ముఖ్యం.

సువార్తను పంచుకునే అవకాశాన్ని పొందడానికి, చిన్న విషయాల గురించి వాదిస్తూ సమయాన్ని వృథా చేయవద్దు. మీరు నిరూపించలేని అతని కల్ట్ గురించి చారిత్రక వాస్తవాల గురించి వాదించడం ద్వారా కల్ట్ సభ్యుడిని బాధపెట్టవద్దు. సువార్తకు అవసరమైన అంశాలపై దృష్టి పెట్టండి ఆ అంశాలనుండి వారిని తప్పించుకోనివ్వవద్దు.

మాట్లాడడం అయిపోయాక, ఎలా రక్షించబడాలి అనే సందేశాన్ని వారు వినడం చాలా ముఖ్యం. మీరు వారి కంటే బాగా వాదించినప్పటికీ ఇతర విషయాలపై వాదనలు గురించి వాదిస్తే వారికి రక్షిరాదు.

ఒక కల్ట్ సభ్యుడితో మాట్లాడేటప్పుడు, ఒక క్రైస్తవుడు ఆ వ్యక్తి పట్ల నిజాయితీ మరియు శ్రద్ధ చూపించడం చాలా ముఖ్యం. ఒక క్రైస్తవుడు స్నేహితుడి గురించి ఆందోళన చెందుతున్న వ్యక్తిల ఉండాలి. హాని చేయబడిన వ్యక్తి పట్ల ఒక స్నేహితుడు కోపంగా ఉన్న విధంగానే ఒక క్రైస్తవుడు కూడా ఆ విధంగా ఉండాలి. కల్ట్ సభ్యుడు మిమ్మల్ని శత్రువుగా చూస్తే, అతను ఒప్పించడానికి నిరాకరిస్తాడు. చర్చ పోటీగా అనిపిస్తే, అతను ఓడిపోవడానికి నిరాకరిస్తాడు.

ఒక క్రైస్తవుడు ప్రేమ, అంగీకారం, నిజమైన శ్రద్ధ మరియు సత్యం పట్ల నిష్కపటతను చూపించాలి-అతను నిజాయితీగా అర్థం చేసుకోవాలనుకుంటున్నాడని చూపించాలి.

ఒక సమాజంలో కల్ట్ ప్రభావంపై తుది విజయం బలమైన స్థానిక సంఘం.

కల్ట్ సభ్యుల సువార్త ప్రకటనా అనేది వ్యక్తిగతంగా ఒప్పించేరీతిగా మాత్రమే కాదు. ఒక వ్యక్తి సాధారణంగా తాను విడిచిపెట్టబోయే విశ్వాస సమాజం గురించి, తాను ప్రవేశించబోయే సమాజం గురించి ఆలోచించకుండా తన మతాన్ని మార్చుకోడు. ఒక కల్ట్ సభ్యుడు ఒక వ్యక్తిగత క్రైస్తవుని సాక్ష్యం ద్వారా ఆకర్షించబడటం ప్రారంభిస్తే,ఒక కల్ట్ సభ్యుడు ఒక వ్యక్తిగత క్రైస్తవుని సాక్ష్యం ద్వారా అతని మీద ప్రభావం చూపితే, అతను క్రైస్తవుడు ప్రాతినిధ్యం వహిస్తున్న మత సమాజాన్ని చూసేందుకు అతను ఆసక్తి కనబరుస్తాడు. ఆ మతం జీవన విధానం ఎలా ఉంటుందో, ఆ విశ్వాసం ఎలా ఆచరించబడుతోందో తెలుసుకోవాలని ప్రయత్నిస్తాడు. అతను వినిపించుకుంటున్న సందేశం ఇప్పటికే ఒక విశ్వాస సమాజాన్ని సృష్టించిందని, తన మతం మార్చుకుంటే ఆ సమాజంలోకి తాను అడుగుపెడతానని భావిస్తాడు.

అంటే స్థానిక సంఘ స్వరూపం చాలా ముఖ్యమైంది. ఒక వ్యక్తి తన మతాన్ని మార్చుకోవాలని భావించినప్పుడు, ఆ సంఘం కొన్ని లక్షణాలు కలిగి ఉండాలి.

► వ్యక్తులను మతసంఘం నుంచి ఆకర్షించగలిగే సంఘ లక్షణాలు ఏమిటి?

ఆకర్షణీయమైన స్థానిక సంఘం యొక్క లక్షణాలు

• సభ్యులు దేవునితో తమ సంబంధం నిజమైనదిగా, తృప్తిపరచేదిగా చూపిస్తారు. (కల్ట్ సభ్యులకు దేవునితో సంబంధం ఉండదు.)

• సంఘం సిద్దాంతాలను వాస్తవం గురించి వివరణగామరియు దేవునితో సంబంధం ఏర్పరచుకునేందుకు మార్గంగా పరిచయం చేస్తుంది. (కల్ట్ సంఘ సిద్దాంతాలు పరస్పరం విరుద్ధంగా ఉంటాయి, దేవునితో సంబంధం కల్పించవు.)

• సంఘ సభ్యులు దేవుని ఆరాధనను ఆనందించడాన్ని చూపిస్తారు. (కల్ట్ యొక్క ఆరాధన మానవీయ, శారీరక మరియు దుష్టపరమైనది.)

• సంఘ సభ్యులు శాశ్వత దృష్టితో జీవితానికి ఉద్దేశాన్ని చూపిస్తారు. (కల్ట్ సంఘం శాశ్వత ప్రాధాన్యతల కోసం పని చేస్తున్నట్లు చెప్పుకొంటుంది. సంఘం శాశ్వత విలువలతో ఎలా జీవించాలో చూపాలి.)

• సంఘం లోకసంబంధమైన లక్ష్యాలకంటే సేవను ప్రధానంగా చేస్తుంది. (కల్ట్ సంఘం సేవకు కట్టుబాటు కోరుతుంది, కానీ వారి నాయకులకు లోకసంబంధమైన లక్షణాలు కలిగుంటారు.)

• సంఘ సందేశం వ్యక్తి లోతైన ఆధ్యాత్మిక అవసరాలను తీర్చగలుగుతుంది (కల్ట్ ఆధ్యాత్మిక అవసరాలను తీర్చే సువార్తను కలిగి ఉండదు.)

• సంఘం విశ్వాస కుటుంబంగా, ప్రేమతో మరియు శ్రద్ధతో సభ్యుల్ని సంరక్షిస్తుంది. (కల్ట్ కూడా ప్రేమ చూపిస్తామని చెబుతుంది కానీ నిజమైన క్రైస్తవ సహవాసాన్ని కలిగి ఉండదు.)

► ఈ లక్షణాలతో కూడిన సంఘంలో మీరు చూడవలసిన ప్రత్యేకమైన చర్యలు అలాగే ఆ సంఘం లో జరగవలసిన కార్యాలేమిటి ఏమిటి?

పాపులు తమ తప్పును గుర్తించడం, సత్యాన్ని అర్థం చేసుకోవడం మరియు దేవునిని కోరుకోవడం పరిశుద్ధాత్మ వల్లనే సాధ్యమవుతుంది. పరిశుద్ధాత్మ ద్వారా నడిపించబడకుండా మరియు అభిషేకింపబడకుండా ఒక ప్రసంగకర్త ప్రభావవంతంగా ఉండలేడు.

► పరిశుద్ధాత్మపై ఆధారపడే వ్యక్తి మరియు ఆధారపడని వ్యక్తి మధ్య తేడా ఎలా వివరిస్తారు?