Lesson 3: Ho Batsoali: Lisebelisoa 1 & 2

Ho botsa lipotso le ho fana ka likarabo tse khutšoane, tse bonolo ke mokhoa o bobebe oa ho ruta o ‘nileng oa sebelisoa ka makholo a lilemo.

Lipotso le Likarabo tse bukeng ena li hlahisa litumelo tsa motheo tsa Bakreste.

Sesebelisoa 1 se bohlokoa bakeng sa ho ruta bana ba banyenyane haholo. Se fana ka motheo o tiileng oa thuto e eketsehileng ha ba ntse ba hola.

Sesebelisoa 2 se bohlokoa bakeng sa ho ruta bana le basokolohi ba bacha. Likarabo tse fanoeng ke litlhaloso tse khutšoane tse hlahisang menyetla ea puisano e eketsehileng le ho ithuta. Thuto ena e tšoana le sebōpeho sa ntlo: ha e-ea fella ka bo-eona, empa e fana ka motheo oo ho ona lintlha tsa tumelo ea Mokreste e tlang ho ahuoa holim’a oona.

Hore lisebelisuoa tsena li tle li sebetse hantle, likarabo ho potso ka ‘ngoe li lokela ho bolokoa ka hloohong hantle feela joalo ka ha li ngoliloe. Likarabo ha lia lokela ho akaretsoa kapa ho ho hlalosoa ka mantsoe a mang. Ho e-na le hoo, mantsoe a lokela ho phetoa a le joalo hantle. Ho boloka ka hloohong mantsoe ao e leng ona hantle ho thusana ka khopolo ea nako e telele ‘me ho thusa baithuti ho ithuta ho nepa.

Behella ka thoko metsotso e 10 letsatsi le letsatsi hlahlobisisa lipotso le likarabo ho tsoa bukeng ena. Malapa a mang a fumana hore nako tsa lijo, ha e mong le e mong a le teng, ke nako tse ntle tsa ho ithuta.

Ke motho ea etellang pele nako ea ho ruta feela ea lokelang ho tšoara buka ena. Moeta-pele o lokela ho bala potso ebe o fana ka karabo ha ba bang ba ntse ba mametse, ebe ba e bua hammoho.

Phetha hape o bale potso le karabo, ebe ngoana e monyenyane o ntse a o sala morao. Motho e moholo o lokela ho tsoela-pele ho pheta potso. Butle-butle (ka matsatsi le matsatsi) motho e moholo o lokela ho emisa ho bolela likarabo ha ngoana a ntse a boloka mantsoe ka hloohong a se a tseba ho a bua ntle le ho thusoa. Motho e moholo o tla botsa, ngoana a arabe—ona ke motheo oa thuto ea lipotso le likarabo.

Eketsa potso e le ’ngoe le e ‘nge e ncha ha bohle ba se ba batla ba bolokile ka hloohong karabo e fetileng.

Tsoela-pele ho theosa le lethathamo, ka nako tsohle o ntse o hlahloba, o hlahloba, o hlahlobisisa, o ntse o eketsa butle-butle lipotso ha boholo ba mantsoe a ho qetela a potso le karabo a se a tšoeroe ka hlooho.

Ha mokhahlelo oohle oa lipotso o se o phetoa kaofela ‘moho, pheta mokhahlelo kaofela hang ka beke ho thusa ho tlosa likarabo ho hopoloeng ka nako e khutšoane ho isa ho hore li hopoloe nako e telele.

Butle eketsa lintho tse ncha ‘me o tsoele-pele ka pheta-pheto—mekhoa ena e ‘meli e tla hlahisa liphetho tse ntle ka mokhoa o makatsang ka hara baithuti ba qetang nako e fokolang ba ntse ba latela boetapele ba mosuoe ea nang le thahasello, motsoalle, kapa motsoali. Etsa hore mokhahlelo oa thuto o be monate ‘meu keteke katleho ea moithuti.

U ka kenyelletsa lipotso le likarabo e le karolo ea borapeli ba lelapa ba letsatsi le letsatsi. U ka ’na ua li sebelisa litšebeletsong tsa kereke tsa bana’, ka tlhōlisano pakeng tsa lihlopha tsa bana. U ka hlahisa litlhaloso le lipapiso tse eketsehileng ho thusa baithuti ho utloisisa.