ਇਸ ਪਾਠ ਦੇ ਅੰਤ ਵਿੱਚ, ਵਿਦਿਆਰਥੀ ਹੇਠਾਂ ਦੱਸੇ ਕੰਮ ਕਰਨ ਦੇ ਯੋਗ ਹੋਣੇ ਚਾਹੀਦੇ ਹਨ:

(1) ਅਸਲ ਪਿਆਰ ਦੇ ਗੁਣਾਂ ਅਤੇ ਵਿਹਾਰਾਂ ਦਾ ਵਰਣਨ ਕਰਨਾ।

(2) ਇਹ ਸਮਝਾਉਣਾ ਕਿ ਕਿਸੇ ਨੂੰ ਬਿਨਾਂ ਸ਼ਰਤ ਦੇ ਪਿਆਰ ਕਰਨ ਦਾ ਕੀ ਅਰਥ ਹੈ।

(3) ਕਿਸੇ ਦੀ ਮੁੱਖ ਭਾਸ਼ਾ ਵਿੱਚ ਪਿਆਰ ਨੂੰ ਪਰਗਟ ਕਰਨ ਦੇ ਮਹੱਤਵ ਬਾਰੇ ਚਰਚਾ ਕਰਨਾ।

(4) ਪਿਆਰ ਵਿਖਾਉਣ ਅਤੇ ਪਰਿਵਾਰ ਦੇ ਇੱਕ ਮੈਂਬਰ ਦੇ ਨਿੱਜੀ ਗੁਣਾਂ, ਚਰਿੱਤਰ ਦੇ ਗੁਣਾਂ, ਅਤੇ ਸਖਸ਼ੀਅਤ ਦੇ ਗੁਣਾਂ ਦੀ ਪ੍ਰਸ਼ੰਸ਼ਾ ਕਰਨ ਲਈ ਪੁਸ਼ਟੀ ਦੇ ਸ਼ਬਦਾਂ ਦਾ ਇਸਤੇਮਾਲ ਕਰਨਾ।

ਜਸਵੰਤ ਨਿਰਾਸ਼ ਸੀ ਕਿਉਂਕਿ ਉਸ ਦੀ ਪਤਨੀ ਖੁਸ਼ ਨਹੀਂ ਸੀ। ਉਸ ਨੂੰ ਸਮਝ ਨਹੀਂ ਆਉਂਦਾ ਸੀ ਕਿ ਉਹ ਉਸ ਕੋਲੋਂ ਕੀ ਚਾਹੁੰਦੀ ਸੀ। ਜਸਵੰਤ ਸਖ਼ਤ ਮਿਹਨਤ ਕਰਦਾ ਸੀ ਅਤੇ ਉਸ ਨੇ ਆਪਣੀ ਪਤਨੀ ਅਤੇ ਆਪਣੇ ਬੱਚਿਆਂ ਲਈ ਇੱਕ ਘਰ ਅਤੇ ਭੋਜਨ ਅਤੇ ਜੀਵਨ ਲਈ ਲੋੜੀਂਦੀ ਹਰੇਕ ਚੀਜ਼ ਮੁਹੱਈਆ ਕਰਾਈ। ਉਸ ਨੇ ਆਪਣੀ ਪਤਨੀ ਨੂੰ ਅਨੁਮਤੀ ਦਿੱਤੀ ਕਿ ਉਹ ਜੋ ਵੀ ਚਾਹੁੰਦੀ ਹੈ ਉਹ ਖਰੀਦ ਸਕਦੀ ਹੈ। ਉਸ ਦੀ ਪਤਨੀ ਨੂੰ ਕਿਸੇ ਵੀ ਚੀਜ਼ ਲਈ ਚਿੰਤਾ ਕਰਨ ਦੀ ਲੋੜ ਨਹੀਂ ਪੈਂਦੀ ਸੀ। ਇੱਕ ਪਤਨੀ ਨੂੰ ਹੋਰ ਕੀ ਲੋੜ ਹੋ ਸਕਦੀ ਹੈ? ਜਸਵੰਤ ਨੇ ਮਹਿਸੂਸ ਕੀਤਾ ਕਿ ਉਸ ਦੀ ਪਤਨੀ ਉਸ ਦੇ ਕੰਮ ਦੀ ਪ੍ਰਸ਼ੰਸ਼ਾ ਨਹੀਂ ਕਰਦੀ ਸੀ।

ਰੁਪਿੰਦਰ ਨਾਖੁਸ਼ ਸੀ ਕਿਉਂਕਿ ਉਹ ਚਾਹੁੰਦੀ ਸੀ ਕਿ ਜਸਵੰਤ ਉਸ ਦੇ ਲਈ ਕਰਨ ਵਾਸਤੇ ਵਿਸ਼ੇਸ਼ ਚੀਜ਼ਾਂ ਸੋਚਣ ਦੇ ਦੁਆਰਾ ਉਸ ਨੂੰ ਪਿਆਰ ਵਿਖਾਵੇ। ਜਸਵੰਤ ਵੱਲੋਂ ਦਿੱਤਾ ਗਿਆ ਉਸ ਦਾ ਪਸੰਦੀਦਾ ਤੋਹਫ਼ਾ ਇੱਕ ਛੋਟਾ ਜਿਹਾ ਲੱਕੜੀ ਦਾ ਟੁਕੜਾ ਸੀ ਜਿਸ ਉੱਤੇ ਉਸ ਦਾ ਨਾਮ ਲਿਖਿਆ ਹੋਇਆ ਸੀ ਅਤੇ ਜਸਵੰਤ ਨੇ ਇਸ ਨੂੰ ਉਸ ਲਈ ਆਪਣੀ ਦੁਕਾਨ ਵਿੱਚ ਬਣਾਇਆ ਸੀ। ਉਹ ਚਾਹੁੰਦੀ ਸੀ ਕਿ ਉਸ ਨੂੰ ਉਸ ਦੀ ਇੱਛਾ ਦਾ ਸਭ ਕੁਝ ਖਰੀਦਣ ਦੀ ਅਨੁਮਤੀ ਦੇਣ ਦੇ ਬਜਾਏ, ਉਹ ਕਦੇ-ਕਦੇ ਉਸ ਲਈ ਫੁੱਲ ਖਰੀਦ ਕੇ ਲਿਆਵੇ।

ਜਸਵੰਤ ਅਤੇ ਰੁਪਿੰਦਰ ਨੇ ਉਨ੍ਹਾਂ ਦੀਆਂ ਭਾਵਨਾਵਾਂ ਬਾਰੇ ਗੱਲ ਕੀਤੀ ਅਤੇ ਇੱਕ ਦੂਸਰੇ ਦੀਆਂ ਲੋੜਾਂ ਨੂੰ ਸਮਝਣਾ ਸ਼ੁਰੂ ਕੀਤਾ।

► ਕਿਸੇ ਨੂੰ ਸੱਚਮੁੱਚ ਪਿਆਰ ਕਰਨ ਦਾ ਅਰਥ ਕੀ ਹੈ?

► ਇੱਕ ਵਿਦਿਆਰਥੀ ਨੂੰ ਸਮੂਹ ਲਈ 1 ਕੁਰਿੰਥੀਆਂ 13:4-8 ਨੂੰ ਪੜ੍ਹਨਾ ਚਾਹੀਦਾ ਹੈ। ਵਚਨ ਦੇ ਇਸ ਭਾਗ ਤੋਂ, ਪਿਆਰ ਦੇ ਗੁਣਾਂ ਅਤੇ ਵਿਹਾਰਾਂ ਦੀ ਸੂਚੀ ਬਣਾਓ। ਉਨ੍ਹਾਂ ਚੀਜ਼ਾਂ ਦੀ ਸੂਚੀ ਬਣਾਓ ਜੋ ਪਿਆਰ ਨਹੀਂ ਹੈ ਅਤੇ ਜੋ ਪਿਆਰ ਨਹੀਂ ਕਰਦਾ ਹੈ।

ਇੱਥੇ ਪ੍ਰਿੰਟ ਕਰਨ ਯੋਗ PDF ਹੈ।

ਇਸ ਭਾਗ ਤੋਂ ਇਸ ਤਰ੍ਹਾਂ ਲੱਗ ਸਕਦਾ ਹੈ ਕਿ ਪਿਆਰ ਉਸ ਦੇ ਲਈ ਜ਼ਿਆਦਾ ਜਾਣਿਆ ਜਾਂਦਾ ਹੈ ਜੋ ਇਹ ਨਹੀਂ ਹੈ, ਉਸ ਨਾਲੋਂ ਜੋ ਇਹ ਹੈ। ਪਰ ਪਿਆਰ ਜਿਸ ਤਰ੍ਹਾਂ ਦਾ ਨਹੀਂ ਹੈ ਉਸ ਬਾਰੇ ਵੇਰਵੇ ਸਾਨੂੰ ਸਿਖਾਉਂਦੇ ਹਨ ਕਿ ਪਿਆਰ ਕਿਸ ਤਰ੍ਹਾਂ ਦਾ ਹੈ। ਜੇ ਪਿਆਰ ਆਕੜਬਾਜ਼ ਨਹੀਂ ਹੈ, ਤਾਂ ਫਿਰ ਇਹ ਕੀ ਹੈ? ਇਹ ਇਸ ਦਾ ਉਲਟਾ ਹੈ। ਪਿਆਰ ਹਲੀਮ ਹੈ।

► ਜੋ ਗੱਲਾਂ ਪਿਆਰ ਦੇ ਬਾਰੇ ਸੱਚ ਨਹੀਂ ਹਨ ਉਸ ਦੇ ਉਲਟ ਗੱਲਾਂ ਦੀ ਸੂਚੀ ਬਣਾਓ, ਜਿਵੇਂ 1 ਕੁਰਿੰਥੀਆਂ 13:4-8 ਵਿੱਚ ਵਰਣਨ ਕੀਤਾ ਗਿਆ ਹੈ ਅਤੇ ਉੱਪਰ ਦਿੱਤੇ ਟੇਬਲ ਵਿੱਚ ਲਿਖਿਆ ਗਿਆ ਹੈ।

ਅਸਲ ਪਿਆਰ:

• ਇਹ ਕੇਵਲ ਇੱਕ ਭਾਵਨਾ ਨਹੀਂ ਹੈ (ਭਾਵੇਂ ਕਿ ਭਾਵਨਾਵਾਂ ਅਕਸਰ ਪਿਆਰ ਦੇ ਨਾਲ ਹੀ ਹੁੰਦੀਆਂ ਹਨ)।

• ਇਹ ਖੁਦ ਦੀ ਇੱਛਾ ਨਾਲ ਦਿੱਤਾ ਜਾਂਦਾ ਹੈ, ਨਾ ਕਿ ਕਿਸੇ ਸ਼ਰਤ ਦੇ ਕਾਰਣ।

• ਇਹ ਇੱਕ ਸਮਰਪਣ ਹੈ।

• ਇਹ ਬਲੀਦਾਨ ਹੈ।

• ਇਹ ਬਿਨਾਂ ਸ਼ਰਤ ਤੋਂ ਹੁੰਦਾ ਹੈ; ਇਹ ਦੂਸਰੇ ਵਿਅਕਤੀ ਦੇ ਵਿਹਾਰਾਂ ਉੱਤੇ ਨਿਰਭਰ ਨਹੀਂ ਹੁੰਦਾ।

• [1]ਇਹ ਸੋਚ ਸਮਝ ਕੇ ਕੀਤਾ ਜਾਂਦਾ ਹੈ, ਅਚਾਨਕ ਨਹੀਂ ਹੁੰਦਾ ਹੈ।

• ਇਸ ਦੇ ਲਈ ਕੁਝ ਕੀਮਤ ਚੁਕਾਉਣੀ ਪੈਂਦੀ ਹੈ।

• ਉਸ ਦੀ ਭਾਲ ਕਰਦਾ ਹੈ ਜੋ ਦੂਸਰੇ ਵਿਅਕਤੀ ਦੇ ਲਈ ਉੱਤਮ ਹੈ।

• ਦੇਣ ਦੁਆਰਾ ਆਪਣੇ ਨੂੰ ਪਰਗਟ ਕਰਦਾ ਹੈ।

“ਕਿਉਂਕਿ ਪਰਮੇਸ਼ੁਰ ਨੇ ਜਗਤ ਨੂੰ ਅਜਿਹਾ ਪਿਆਰ ਕੀਤਾ ਜੋ ਉਹ ਨੇ ਆਪਣੇ ਇਕਲੌਤਾ ਪੁੱਤ੍ਰ ਬਖ਼ਸ਼ ਦਿੱਤਾ...” (ਯੂਹੰਨਾ 3:16)। ਸੱਚਾ ਪਿਆਰ ਦੇਣ ਦੁਆਰਾ ਆਪਣੇ ਆਪ ਨੂੰ ਪਰਗਟ ਕਰਦਾ ਹੈ। ਇਹ ਹਮੇਸ਼ਾ ਠੋਸ, ਭੌਤਿਕ ਤੋਹਫ਼ੇ ਦੇਣਾ ਨਹੀਂ ਹੁੰਦਾ ਹੈ। ਕਈ ਵਾਰ ਤੋਹਫ਼ਾ ਪਿਆਰ ਭਰੇ ਸ਼ਬਦ ਹੁੰਦੇ ਹਨ। ਕਈ ਵਾਰ ਇਹ ਤੋਹਫ਼ਾ ਸਮਾਂ ਹੁੰਦਾ ਹੈ: ਕਿਸੇ ਦੇ ਨਾਲ ਹੋਣਾ ਅਤੇ ਉਨ੍ਹਾਂ ਦੇ ਲਈ ਉਪਲੱਬਧ ਹੋਣਾ। ਕਈ ਵਾਰ ਪਿਆਰ ਸੇਵਾ ਦੇ ਕੰਮਾਂ ਜਾਂ ਇੱਕ ਪਿਆਰ ਭਰੀ ਛੋਹ ਦੇ ਰਾਹੀਂ ਦਿੱਤਾ ਜਾਂਦਾ ਹੈ। ਪਰਮੇਸ਼ੁਰ ਪਿਤਾ ਨੇ ਸਾਨੂੰ ਐਨਾ ਪਿਆਰ ਕੀਤਾ ਜੋ ਉਸ ਨੇ ਸਾਨੂੰ ਉਹ ਉੱਤਮ ਦਿੱਤਾ ਜੋ ਉਸ ਕੋਲ ਸੀ, ਉਸ ਦਾ ਇਕਲੌਤਾ ਪੁੱਤਰ, ਤਾਂ ਕਿ ਅਸੀਂ ਵੀ ਉਸ ਦੇ ਪੁੱਤਰ ਬਣ ਸਕੀਏ। ਜਦੋਂ ਅਸੀਂ ਸੱਚਮੁੱਚ ਦੂਸਰਿਆਂ ਨੂੰ ਪਿਆਰ ਕਰਦੇ ਹਾਂ, ਤਾਂ ਅਸੀਂ ਵੀ ਦੇਵਾਂਗੇ।

ਅਸਲ ਪਿਆਰ ਵਿੱਚ ਕੋਈ ਸ਼ਰਤ ਨਹੀਂ ਹੁੰਦੀ ਹੈ। ਇਹ ਉਸ ਦੇ ਵਿਹਾਰ ਅਤੇ ਉਸ ਦੇ ਯੋਗ ਹੋਣ ’ਤੇ ਨਿਰਭਰ ਨਹੀਂ ਹੁੰਦਾ ਜਿਸ ਨੂੰ ਪਿਆਰ ਕੀਤਾ ਜਾ ਰਿਹਾ ਹੈ। ਇਹ ਇਸ ਤਰ੍ਹਾਂ ਨਹੀਂ ਆਖਦਾ, “ਜੇ ਤੁਸੀਂ ਇਹ ਕਰੋ ਅਤੇ ਇਸ ਤਰ੍ਹਾਂ ਮੈਨੂੰ ਖੁਸ਼ ਕਰੋ, ਤਾਂ ਮੈਂ ਤੁਹਾਨੂੰ ਪਿਆਰ ਕਰਾਂਗਾ; ਪਰ ਜੇ ਤੁਸੀਂ ਉਹ ਕਰੋ ਅਤੇ ਮੈਨੂੰ ਨਾਖੁਸ਼ ਕਰੋ, ਤਾਂ ਮੈਂ ਤੁਹਾਨੂੰ ਪਿਆਰ ਨਹੀਂ ਕਰਾਂਗਾ।”

ਸ਼ਰਤਾਂ ਵਾਲਾ ਪਿਆਰ ਆਖਦਾ ਹੈ, “ਜੇ ਤੁਹਾਡਾ ਵਿਹਾਰ ਮੈਨੂੰ ਖੁਸ਼ ਕਰਦਾ ਹੈ, ਤਾਂ ਮੈਂ ਪਿਆਰ ਵਿਖਾਉਣ ਦੁਆਰਾ ਤੁਹਾਨੂੰ ਫਲ ਦੇਵਾਂਗਾ ਜੋ ਤੁਹਾਡੇ ਲਈ ਅਰਥਪੂਰਣ ਹੈ। ਪਰ ਜੇ ਤੁਸੀਂ ਉਹ ਨਾ ਕਰੋ ਜੋ ਮੈਂ ਚਾਹੁੰਦਾ ਹਾਂ, ਤਾਂ ਮੈਂ ਪਿਆਰ ਦੇ ਅਰਥਪੂਰਣ ਪ੍ਰਗਟਾਵੇ ਨੂੰ ਰੋਕ ਦੇਵਾਂਗਾ।”

ਸੱਚੇ ਪਿਆਰ ਵਿੱਚ ਕੋਈ ਸ਼ਰਤ ਨਹੀਂ ਹੁੰਦੀ। ਸੱਚਾ ਪਿਆਰ ਆਪਣੇ ਆਪ ਨੂੰ ਪਰਗਟ ਕਰੇਗਾ ਭਾਵੇਂ ਉਹ ਵਿਅਕਤੀ ਕੁਝ ਵੀ ਕਰੇ ਜਾਂ ਨਾ ਕਰੇ ਜਿਸ ਨੂੰ ਪਿਆਰ ਕੀਤਾ ਜਾ ਰਿਹਾ ਹੈ। ਇਹ ਆਪਣੇ ਆਪ ਨੂੰ ਤਦ ਵੀ ਪਰਗਟ ਕਰੇਗਾ ਜਦੋਂ ਉਹ ਵਿਅਕਤੀ ਪਿਆਰ ਵਿਖਾਉਣ ਦੇ ਯੋਗ ਨਹੀਂ ਹੈ ਜਿਸ ਨੂੰ ਪਿਆਰ ਕੀਤਾ ਜਾ ਰਿਹਾ ਹੈ; ਜਦੋਂ ਬਦਲੇ ਵਿੱਚ ਦੇਣ ਲਈ ਉਸ ਕੋਲ ਕੁਝ ਵੀ ਨਹੀਂ ਹੈ।

ਇਹ ਜਾਣਨਾ ਵੀ ਮਹੱਤਵਪੂਰਣ ਹੈ ਕਿ ਕਿਸੇ ਨੂੰ ਬਿਨਾਂ ਸ਼ਰਤ ਦੇ ਪਿਆਰ ਕਰਨ ਦਾ ਅਰਥ ਇਹ ਨਹੀਂ ਹੈ ਅਸੀਂ ਉਨ੍ਹਾਂ ਨੂੰ ਉਹ ਸਭ ਦੇਈਏ ਜੋ ਉਹ ਚਾਹੁੰਦੇ ਹਨ। ਇਸ ਦਾ ਮਤਲਬ ਇਹ ਨਹੀਂ ਹੈ ਕਿ ਅਸੀਂ ਉਨ੍ਹਾਂ ਦੇ ਗਲਤ ਵਿਹਾਰ ਦੇ ਨਤੀਜਿਆਂ ਨੂੰ ਹਟਾ ਦਿੰਦੇ ਹਾਂ। ਇਸ ਦਾ ਮਤਲਬ ਹੈ ਕਿ ਅਸੀਂ ਹਮੇਸ਼ਾ ਉਹ ਕਰਨ ਦੀ ਕੋਸ਼ਿਸ਼ ਕਰਦੇ ਹਾਂ ਜੋ ਉਨ੍ਹਾਂ ਦੇ ਲਈ ਉੱਤਮ ਹੈ। ਕਿਸੇ ਪਿਆਰ ਨੂੰ ਦੁੱਖ ਝੱਲਦੇ ਹੋਏ ਵੇਖਣਾ ਮੁਸ਼ਕਲ ਹੈ, ਪਰ ਜੇ ਉਹ ਗਲਤ ਕਰ ਰਹੇ ਹਨ, ਦੁੱਖ ਦਾ ਅਨੁਭਵ ਕਰਨਾ ਹੀ ਇੱਕ ਚੀਜ਼ ਹੈ ਜੋ ਉਨ੍ਹਾਂ ਨੂੰ ਉਨ੍ਹਾਂ ਦੇ ਵਿਨਾਸ਼ਕਾਰੀ ਵਿਹਾਰ ਤੋਂ ਪਰੇ ਮੋੜ ਸਕਦੀ ਹੈ। ਕਈ ਵਾਰ ਸਾਡੇ ਪਿਆਰਿਆਂ ਦੇ ਲਈ ਇਹ ਉੱਤਮ ਹੁੰਦਾ ਹੈ ਕਿ ਉਨ੍ਹਾਂ ਨੂੰ ਸੰਘਰਸ਼ ਕਰਨ ਦਿੱਤਾ ਜਾਵੇ। ਹੋਰ ਸਮਿਆਂ ’ਤੇ, ਸਾਡੇ ਲਈ ਇਹ ਉੱਤਮ ਹੁੰਦਾ ਹੈ ਕਿ ਅਸੀਂ ਉਨ੍ਹਾਂ ਦੀ ਸੰਘਰਸ਼ ਵਿੱਚੋਂ ਬਾਹਰ ਨਿੱਕਲਣ ਵਿੱਚ ਮਦਦ ਕਰੀਏ। ਸਾਨੂੰ ਹਮੇਸ਼ਾ ਧਰਮੀ ਸਲਾਹ ਅਤੇ ਪਵਿੱਤਰ ਆਤਮਾ ਦੀ ਮਦਦ ਦੀ ਲੋੜ ਹੈ ਤਾਂ ਕਿ ਅਸੀਂ ਜਾਣ ਸਕੀਏ ਕਿ ਸਾਨੂੰ ਅਜਿਹੇ ਹਾਲਾਤਾਂ ਵਿੱਚ ਕੀ ਕਰਨਾ ਚਾਹੀਦਾ ਹੈ।

► ਦੂਸਰਿਆਂ ਨੂੰ ਬਿਨਾਂ ਸ਼ਰਤ ਦੇ ਪਿਆਰ ਕਰਨ ਲਈ, ਸਾਨੂੰ ਕੀ ਪ੍ਰੇਰਿਤ ਕਰੇਗਾ?

► ਇੱਕ ਵਿਦਿਆਰਥੀ ਨੂੰ ਸਮੂਹ ਲਈ ਰੋਮੀਆਂ 5:8 ਨੂੰ ਪੜ੍ਹਨਾ ਚਾਹੀਦਾ ਹੈ।

ਬਹੁਤ ਸਾਰੇ ਲੋਕ ਮਹਿਸੂਸ ਕਰਦੇ ਹਨ ਕਿ ਪਰਮੇਸ਼ੁਰ ਦਾ ਪਿਆਰ ਪ੍ਰਦਰਸ਼ਨ ’ਤੇ ਅਧਾਰਤ ਹੈ। ਇਸ ਦੇ ਕਾਰਣ, ਉਹ ਇਹ ਨਹੀਂ ਸਮਝਦੇ ਹਨ ਕਿ ਕਿਉਂ ਉਨ੍ਹਾਂ ਨੂੰ ਦੂਸਰਿਆਂ ਨਾਲ ਬਿਨਾਂ ਕਿਸੇ ਸ਼ਰਤ ਦੇ ਪਿਆਰ ਕਰਨਾ ਚਾਹੀਦਾ ਹੈ। ਪਰ ਰੋਮੀਆਂ 5:8 ਸਾਨੂੰ ਦੱਸਦੀ ਹੈ ਕਿ ਪਰਮੇਸ਼ੁਰ ਨੇ ਪਹਿਲਾਂ ਹੀ ਸਾਨੂੰ ਉਦੋਂ ਪਿਆਰ ਕੀਤਾ ਜਦੋਂ ਅਸੀਂ ਉਸ ਦੇ ਵੈਰੀ ਸੀ। ਉਸ ਨੇ ਸਾਨੂੰ ਤਦ ਮੁਕਤੀਦਾਤਾ ਦਿੱਤਾ ਜਦੋਂ ਅਸੀਂ ਪਾਪੀ ਸੀ। ਸਾਰੇ ਲੋਕਾਂ ਲਈ ਉਸ ਦਾ ਪਿਆਰ ਬਿਨਾਂ ਕਿਸੇ ਸ਼ਰਤ ਤੋਂ ਹੈ। ਉਸ ਦਾ ਪਿਆਰ ਤੁਹਾਡੇ ਵਿਹਾਰ ਜਾਂ ਤੁਹਾਡੀ ਸਿੱਧਤਾ ’ਤੇ ਅਧਾਰਤ ਨਹੀਂ ਹੈ। ਪਰਮੇਸ਼ੁਰ ਤੁਹਾਨੂੰ ਉਸ ਲਈ ਪਿਆਰ ਕਰਦਾ ਹੈ ਜੋ ਤੁਸੀਂ ਇੱਕ ਵਿਅਕਤੀ ਦੇ ਰੂਪ ਵਿੱਚ ਹੋ, ਉਸ ਦੇ ਸਰੂਪ ਉੱਤੇ ਬਣਾਏ ਗਏ।

ਉਹ ਚਾਹੁੰਦਾ ਹੈ ਕਿ ਅਸੀਂ ਵੀ ਦੂਸਰਿਆਂ ਨੂੰ ਉਸ ਤਰ੍ਹਾਂ ਹੀ ਪਿਆਰ ਕਰੀਏ ਜਿਵੇਂ ਉਹ ਸਾਨੂੰ ਕਰਦਾ ਹੈ (ਯੂਹੰਨਾ 15:12, ਅਫ਼ਸੀਆਂ 5:2, 1 ਯੂਹੰਨਾ 4:11)। ਸਾਨੂੰ ਦੂਸਰਿਆਂ ਨਾਲ ਬਿਨਾਂ ਸ਼ਰਤ ਦੇ ਪਿਆਰ ਕਰਨਾ ਚਾਹੀਦਾ ਹੈ, ਇਸ ਦਾ ਮੁੱਖ ਕਾਰਣ ਇਹ ਹੈ ਕਿ ਪਰਮੇਸ਼ੁਰ ਸਾਨੂੰ ਇਹ ਕਰਨ ਲਈ ਬੁਲਾਉਂਦਾ ਹੈ (ਮੱਤੀ 5:43-48, 1 ਪਤਰਸ 4:8)।

ਪਰਮੇਸ਼ੁਰ ਵਿਭਿੰਨਤਾ ਨੂੰ ਪਸੰਦ ਕਰਦਾ ਹੈ। ਉਹ ਲੋਕਾਂ ਨੂੰ ਅਨੋਖੀਆਂ ਸਖਸ਼ੀਅਤਾਂ ਦਿੰਦਾ ਹੈ। ਕੋਈ ਵੀ ਦੋ ਵਿਅਕਤੀਆਂ ਦੇ ਸੋਚਣ ਦਾ ਢੰਗ ਅਤੇ ਆਪਣੀਆਂ ਭਾਵਨਾਵਾਂ ਨੂੰ ਪਰਗਟ ਕਰਨ ਦਾ ਢੰਗ ਇੱਕੋ ਜਿਹਾ ਨਹੀਂ ਹੁੰਦਾ। ਸਖਸ਼ੀਅਤਾਂ ਦੇ ਵਿੱਚ ਭਿੰਨਤਾਵਾਂ ਦੇ ਕਾਰਣ, ਸਾਡੇ ਪਰਿਵਾਰਕ ਮੈਂਬਰਾਂ ਦੀਆਂ ਲੋੜਾਂ ਸਾਡੇ ਨਾਲੋਂ ਕੁਝ ਵੱਖਰੀਆਂ ਹੁੰਦੀਆਂ ਹਨ। ਸਾਡੀਆਂ ਭਿੰਨਤਾਵਾਂ ਹਰ ਰੋਜ਼ ਸਾਡੇ ਪਰਿਵਾਰਕ ਰਿਸ਼ਤਿਆਂ ਨੂੰ ਪ੍ਰਭਾਵਿਤ ਕਰਦੀਆਂ ਹਨ।

ਇੱਕ ਤਰੀਕਾ ਜਿਸ ਨਾਲ ਵਿਅਕਤੀ ਭਿੰਨ ਹੁੰਦੇ ਹਨ, ਉਹ ਹੈ ਕਿ ਉਹ ਆਪਣੇ ਪਿਆਰ ਨੂੰ ਕਿਵੇਂ ਪਰਗਟ ਕਰਦੇ ਹਨ ਅਤੇ ਦੂਸਰਿਆਂ ਨਾਲ ਆਪਣੇ ਰਿਸ਼ਤਿਆਂ ਵਿੱਚ ਕਿਵੇਂ ਪਿਆਰਾ, ਪ੍ਰਸ਼ੰਸ਼ਾ ਯੋਗ, ਅਤੇ ਸੁਰੱਖਿਅਤ ਮਹਿਸੂਸ ਕਰਦੇ ਹਨ।

ਪਿਆਰ ਨੂੰ ਪਰਗਟ ਕਰਨ ਦੇ ਬਹੁਤ ਸਾਰੇ ਢੰਗ ਹਨ, ਅਤੇ ਲੋਕਾਂ ਨੂੰ ਪਿਆਰਾ ਮਹਿਸੂਸ ਕਰਾਉਣ ਦੇ ਬਹੁਤ ਸਾਰੇ ਢੰਗ ਹਨ। ਗੈਰੀ ਚੈਪਮੈਨ ਪਿਆਰ ਨੂੰ ਪਰਗਟ ਕਰਨ ਦੀਆਂ ਪੰਜ ਆਮ ਸ਼੍ਰੇਣੀਆਂ ਦੀ ਸੂਚੀ ਦਿੰਦੇ ਹਨ।[1] ਉਹ ਉਨ੍ਹਾਂ ਨੂੰ ਪਿਆਰ ਦੀਆਂ ਪੰਜ ਭਾਸ਼ਾਵਾਂ ਆਖਦੇ ਹਨ। ਇਨ੍ਹਾਂ ਵਿੱਚੋਂ ਪਿਆਰ ਵਿਖਾਉਣ ਦਾ ਹਰੇਕ ਤਰੀਕਾ ਵਿਹਾਰ ਦੀ ਇੱਕ ਪੂਰਣ ਪ੍ਰਣਾਲੀ ਹੈ, ਕੋਈ ਇਕੱਲਾ ਕੰਮ ਨਹੀਂ ਹੈ।

ਭਾਵੇਂ ਕਿ ਹਰੇਕ ਨੂੰ ਇਨ੍ਹਾਂ ਸਾਰੇ ਪੰਜ ਤਰੀਕਿਆਂ ਨਾਲ ਪਿਆਰ ਪਾਉਣ ਦੀ ਲੋੜ ਹੈ, ਪਰ ਇਸ ਤਰ੍ਹਾਂ ਜਾਪਦਾ ਹੈ ਕਿ ਜ਼ਿਆਦਾਤਰ ਵਿਅਕਤੀ ਕਿਸੇ ਇੱਕ ਤਰ੍ਹਾਂ ਦੇ ਪ੍ਰਗਟਾਵੇ ਨਾਲ ਜ਼ਿਆਦਾ ਪਿਆਰ ਮਹਿਸੂਸ ਕਰਦੇ ਹਨ, ਉਸ ਨਾਲੋਂ ਜਿੰਨਾ ਉਹ ਦੂਸਰੇ ਪ੍ਰਗਟਾਵੇ ਨਾਲ ਪਿਆਰਾ ਮਹਿਸੂਸ ਕਰਦੇ ਹਨ। ਪਿਆਰ ਦਾ ਦੂਸਰਾ ਪਰਗਟਾਵਾ ਉਨ੍ਹਾਂ ਦੇ ਲਈ ਓਨਾ ਜ਼ਿਆਦਾ ਅਰਥ ਨਹੀਂ ਰੱਖਦਾ ਹੈ।

ਪਿਆਰ ਦੀਆਂ ਪੰਜ ਭਾਸ਼ਾਵਾਂ

ਲੋਕ ਇਨ੍ਹਾਂ ਦੇ ਦੁਆਰਾ ਪਿਆਰ ਵਿਖਾਉਂਦੇ ਹਨ:

1. ਪੁਸ਼ਟੀ ਦੇ ਸ਼ਬਦਾਂ ਦੁਆਰਾ

2. ਮਹੱਤਵਪੂਰਣ ਸਮਾਂ ਇਕੱਠੇ ਬਿਤਾਉਣ ਦੁਆਰਾ

3. ਤੋਹਫ਼ੇ ਦੇਣ ਦੁਆਰਾ

4. ਸੇਵਾ ਦੇ ਕੰਮਾਂ ਦੁਆਰਾ

5. ਸਰੀਰਕ ਸਪਰਸ਼ ਦੇ ਦੁਆਰਾ

ਇਸੇ ਤਰ੍ਹਾਂ ਹੀ, ਲੋਕ ਇਨ੍ਹਾਂ ਪੰਜ ਤਰੀਕਿਆਂ ਨਾਲ ਹੀ ਪਿਆਰ ਨੂੰ ਜਾਣਦੇ ਅਤੇ ਪ੍ਰਾਪਤ ਕਰਦੇ ਹਨ।

ਪਿਆਰ ਦੀ ਇੱਕ ਮੁੱਖ ਭਾਸ਼ਾ

ਬਹੁਤ ਸਾਰੇ ਲੋਕ ਸੁਭਾਵਿਕ ਤੌਰ ’ਤੇ ਇਨ੍ਹਾਂ ਪੰਜਾਂ ਵਿੱਚੋਂ ਇੱਕ ਜਾਂ ਦੋ ਤਰੀਕਿਆਂ ਨੂੰ ਹੀ ਜਾਣਦੇ ਹਨ ਅਤੇ ਇੱਕ ਜਾਂ ਦੋ ਤਰੀਕਿਆਂ ਦੇ ਰਾਹੀਂ ਹੀ ਪਿਆਰ ਪਰਗਟ ਕਰਦੇ ਹਨ। ਜੇ ਪਰਿਵਾਰ ਦੇ ਮੈਂ ਇੱਕ ਜੀਵਨ ਸਾਥੀ ਜਾਂ ਇੱਕ ਬੱਚੇ ਦੇ ਲਈ ਉਸ ਦੀ ਪਿਆਰ ਦੀ ਮੁੱਖ ਭਾਸ਼ਾ ਵਿੱਚ ਪਿਆਰ ਨੂੰ ਪਰਗਟ ਨਹੀਂ ਕਰਦੇ ਹਨ, ਤਾਂ ਉਹ ਜੀਵਨ ਸਾਥੀ ਜਾਂ ਬੱਚਾ ਪਿਆਰ ਮਹਿਸੂਸ ਨਹੀਂ ਕਰੇਗਾ, ਭਾਵੇਂ ਕਿ ਉਹ ਹੋਰ ਤਰੀਕਿਆਂ ਦੇ ਨਾਲ ਪਿਆਰ ਵਿਖਾ ਰਹੇ ਹੋਣ।

ਇੱਕ ਔਰਤ ਸ਼ਾਇਦ ਮੁੱਖ ਤੌਰ ’ਤੇ ਉਸ ਨਾਲ ਮਹੱਤਵਪੂਰਣ ਸਮਾਂ ਬਿਤਾਉਣ ਦੁਆਰਾ ਪਿਆਰ ਵਿਖਾ ਸਕਦੀ ਹੈ ਜਿਸ ਨੂੰ ਉਹ ਪਿਆਰ ਕਰਦੀ ਹੈ। ਉਹ ਜਿਸ ਨਾਲ ਪਿਆਰ ਕਰਦੀ ਹੈ ਉਸ ਨਾਲ ਗੱਲਬਾਤ ਕਰਨ ਲਈ ਉਪਲੱਬਧ ਰਹਿਣ ਦੀ ਕੋਸ਼ਿਸ਼ ਕਰਦੀ ਹੈ। ਉਹ ਮਿਲਕੇ ਕੁਝ ਕੰਮ ਕਰਨ ਲਈ ਸਮਾਂ ਕੱਢਦੀ ਹੈ। ਉਸੇ ਤਰ੍ਹਾਂ ਹੀ, ਕਿਉਂਕਿ ਇਹ ਮੁੱਖ ਤਰੀਕਾ ਹੈ ਜਿਸ ਦੁਆਰਾ ਉਹ ਪਿਆਰ ਵਿਖਾਉਂਦੀ ਹੈ, ਸੋ ਇਹੋ ਤਰੀਕਾ ਹੈ ਜਿਸ ਦੁਆਰਾ ਉਹ ਉਸ ਲਈ ਦੂਸਰਿਆਂ ਦੇ ਪਿਆਰ ਨੂੰ ਪਛਾਣਦੀ ਹੈ। ਜਦੋਂ ਕੋਈ ਉਸ ਨੂੰ ਆਪਣਾ ਸਮਾਂ ਦਿੰਦਾ ਹੈ ਤਾਂ ਉਹ ਸਭ ਤੋਂ ਜ਼ਿਆਦਾ ਪਿਆਰੀ ਮਹਿਸੂਸ ਕਰਦੀ ਹੈ। ਜੇ ਉਸ ਦਾ ਪਤੀ ਉਸ ਲਈ ਤੋਹਫ਼ੇ ਖਰੀਦਦਾ ਹੈ ਜਾਂ ਉਸ ਲਈ ਕੁਝ ਕਰਦਾ ਹੈ, ਇਹ ਉਸ ਲਈ ਓਨਾ ਮਹੱਤਵ ਨਹੀਂ ਰੱਖਦਾ ਜਿੰਨਾ ਕਿ ਇਹ ਮਹੱਤਵ ਰੱਖਦਾ ਹੈ ਕਿ ਉਹ ਉਸ ਨਾਲ ਕੇਂਦਰਿਤ ਸਮਾਂ ਬਿਤਾਵੇ।

ਕੋਈ ਪੁਰਸ਼ ਮੁੱਖ ਤੌਰ ’ਤੇ ਸਰੀਰਕ ਸਪਰਸ਼ ਦੇ ਦੁਆਰਾ ਆਪਣਾ ਪਿਆਰ ਪਰਗਟ ਕਰ ਸਕਦਾ ਹੈ। ਉਹ ਆਪਣੀ ਪਤਨੀ ਅਤੇ ਆਪਣੇ ਬੱਚਿਆਂ ਨੂੰ ਜੱਫੀ ਪਾਉਂਦਾ ਅਤੇ ਉਦੋਂ ਖੁਸ਼ ਹੁੰਦਾ ਹੈ ਜਦੋਂ ਉਹ ਉਸ ਨੂੰ ਜੱਫੀ ਪਾਉਂਦੇ ਹਨ ਅਤੇ ਉਸ ਦੇ ਨੇੜੇ ਰਹਿਣਾ ਚਾਹੁੰਦੇ ਹਨ। ਉਹ ਆਪਣੇ ਦੋਸਤਾਂ ਨੂੰ ਜੱਫੀ ਪਾ ਸਕਦਾ ਹੈ ਜਾਂ ਘੱਟੋ-ਘੱਟ ਉਨ੍ਹਾਂ ਦੇ ਮੋਢੇ ਨੂੰ ਥਪਥਪਾ ਸਕਦਾ ਹੈ ਜਾਂ ਉਨ੍ਹਾਂ ਨੂੰ ਪਿਆਰ ਨਾਲ ਧੱਕਾ ਮਾਰ ਸਕਦਾ ਹੈ ਜਾਂ ਹੱਥੋਪਾਈ ਕਰ ਸਕਦਾ ਹੈ। ਉਹ ਆਪਣੇ ਪਰਿਵਾਰ ਦੇ ਲਈ ਆਪਣੀ ਪਤਨੀ ਦੀ ਸਖ਼ਤ ਮਿਹਨਤ ਲਈ ਉਸ ਦੀ ਪ੍ਰਸ਼ੰਸ਼ਾ ਕਰ ਸਕਦਾ ਹੈ, ਪਰ ਕੰਮ ਉਹ ਨਹੀਂ ਹੈ ਜੋ ਉਸ ਨੂੰ ਮਹਿਸੂਸ ਕਰਾਉਂਦਾ ਹੈ ਕਿ ਉਹ ਉਸ ਨੂੰ ਪਿਆਰ ਕਰਦੀ ਹੈ। ਉਹ ਉਦੋਂ ਪਿਆਰ ਮਹਿਸੂਸ ਕਰਦਾ ਹੈ ਜਦੋਂ ਉਹ ਉਸ ਦੇ ਕੋਲ ਬੈਠਦੀ ਹੈ ਅਤੇ ਉਸ ਨੂੰ ਆਪਣੇ ਦੁਆਲੇ ਬਾਂਹ ਰੱਖਨ ਦਿੰਦੀ ਹੈ, ਜਾਂ ਜਦੋਂ ਉਹ ਉਸ ਨੂੰ ਬਹੁਤ ਸਾਰੇ ਪਿਆਰ ਭਰੇ ਤਰੀਕਿਆਂ ਨਾਲ ਸਪਰਸ਼ ਕਰਦੀ ਹੈ।

ਇੱਕ ਵਾਹਨ ਦੇ ਵਿੱਚ ਈਂਧਣ ਵਾਲੀ ਟੈਂਕੀ ਹੁੰਦੀ ਹੈ। ਜਦੋਂ ਟੈਂਕੀ ਖਾਲੀ ਹੋ ਜਾਂਦੀ ਹੈ, ਤਦ ਵਾਹਨ ਚੱਲਦਾ ਨਹੀਂ। ਜਦੋਂ ਇੱਕ ਵਿਅਕਤੀ ਉਸ ਤਰੀਕੇ ਨਾਲ ਪਿਆਰ ਨੂੰ ਪ੍ਰਾਪਤ ਕਰਦਾ ਹੈ ਜਿਸ ਨਾਲ ਉਹ ਪਿਆਰ ਨੂੰ ਪਛਾਣਦਾ ਹੈ ਅਤੇ ਜਿਸ ਤਰੀਕੇ ਨਾਲ ਉਸ ਨੂੰ ਪਿਆਰ ਦੀ ਲੋੜ ਹੈ, ਇਸ ਨਾਲ ਉਸ ਨੂੰ ਭਾਵਨਾਤਮਕ ਈਂਧਣ ਮਿਲਦਾ ਹੈ। ਜਦੋਂ ਇੱਕ ਵਿਅਕਤੀ ਦੀ ਭਾਵਨਾਤਮਕ ਟੈਂਕੀ ਭਰੀ ਹੁੰਦੀ ਹੈ, ਉਸ ਕੋਲ ਚੁਣੌਤੀਆਂ ਲਈ ਦਲੇਰੀ ਅਤੇ ਊਰਜਾ ਹੁੰਦੀ ਹੈ। ਉਹ ਦੂਸਰਿਆਂ ਦੇ ਨਾਲ ਸਹਿਯੋਗ ਕਰਨ ਦੇ ਜ਼ਿਆਦਾ ਯੋਗ ਹੁੰਦਾ ਹੈ। ਉਹ ਝਗੜਿਆਂ ਦਾ ਹੱਲ ਕਰਨ ਲਈ ਜ਼ਿਆਦਾ ਯੋਗ ਹੁੰਦਾ ਹੈ। ਉਹ ਸੁਧਾਰ ਕਰਨ ਅਤੇ ਪ੍ਰਾਪਤ ਕਰਨ ਲਈ ਜ਼ਿਆਦਾ ਪ੍ਰੇਰਿਤ ਮਹਿਸੂਸ ਕਰਦਾ ਹੈ।

ਜਦੋਂ ਇੱਕ ਵਿਅਕਤੀ ਉਸ ਢੰਗ ਨਾਲ ਪਿਆਰ ਪ੍ਰਾਪਤ ਨਹੀਂ ਕਰਦਾ ਜਿਸ ਤਰ੍ਹਾਂ ਉਸ ਨੂੰ ਲੋੜ ਹੈ, ਤਾਂ ਉਸ ਨੂੰ ਭਾਵਨਾਤਮਕ ਈਂਧਣ ਦੀ ਕਮੀ ਹੋ ਜਾਂਦੀ ਹੈ। ਜੇ ਉਹ ਪਿਆਰਾ ਮਹਿਸੂਸ ਨਹੀਂ ਕਰਦਾ ਹੈ ਤਾਂ ਉਹ ਕੁਝ ਪ੍ਰਾਪਤ ਕਰਨ ਲਈ ਜਾਂ ਸੁਧਾਰ ਕਰਨ ਲਈ ਘੱਟ ਹੀ ਕੋਸ਼ਿਸ਼ ਕਰਦਾ ਹੈ।

ਜੇ ਅਸੀਂ ਆਪਣੇ ਪਰਿਵਾਰ ਦੇ ਮੈਂਬਰਾਂ ਨੂੰ ਅਕਸਰ ਪਿਆਰ ਲਈ ਉਨ੍ਹਾਂ ਦੀ ਮੁੱਖ ਭਾਸ਼ਾ ਵਿੱਚ ਪਿਆਰ ਨਹੀਂ ਵਿਖਾਉਂਦੇ, ਤਾਂ ਸ਼ਾਇਦ ਉਨ੍ਹਾਂ ਨੂੰ ਅਹਿਸਾਸ ਹੀ ਨਹੀਂ ਹੋਵੇਗਾ ਕਿ ਅਸੀਂ ਉਨ੍ਹਾਂ ਨੂੰ ਕਿੰਨਾ ਪਿਆਰ ਕਰਦੇ ਹਾਂ। ਇਹ ਸੱਚ ਹੈ, ਭਾਵੇਂ ਅਸੀਂ ਕਿੰਨਾ ਵੀ ਮਹਿਸੂਸ ਕਰੀਏ ਕਿ ਅਸੀਂ ਉਨ੍ਹਾਂ ਨੂੰ ਪਿਆਰ ਕਰਦੇ ਹਾਂ। ਸਾਨੂੰ ਆਪਣੇ ਪਿਆਰ ਦਾ ਸੰਚਾਰ ਉਸ ਢੰਗ ਨਾਲ ਕਰਨਾ ਚਾਹੀਦਾ ਹੈ ਜਿਸ ਨੂੰ ਉਹ ਸਮਝਦੇ ਹਨ।

ਜੇ ਅਸੀਂ ਕਿਸੇ ਦੀ ਪਿਆਰ ਦੀ ਮੁੱਖ ਭਾਸ਼ਾ ਵਿੱਚ ਉਨ੍ਹਾਂ ਨੂੰ ਠੇਸ ਪਹੁੰਚਾਉਂਦੇ ਹਾਂ, ਤਾਂ ਇਹ ਹੋਰ ਵੀ ਬੁਰਾ ਹੈ। ਉਦਾਹਰਣ ਦੇ ਲਈ, ਜੇ ਪੁਸ਼ਟੀ ਦੇ ਸ਼ਬਦ ਸਭ ਤੋਂ ਮਹੱਤਵਪੂਰਣ ਤਰੀਕਾ ਹਨ ਜਿਸ ਦੁਆਰਾ ਅਸੀਂ ਆਪਣੇ ਬੱਚੇ ਲਈ ਪਿਆਰ ਵਿਖਾ ਸਕਦੇ ਹਾਂ, ਤਾਂ ਸਾਡੇ ਅਲੋਚਨਾ ਦੇ ਸ਼ਬਦ ਸਾਡੇ ਬੱਚੇ ਨੂੰ ਉਸ ਨਾਲੋਂ ਜ਼ਿਆਦਾ ਠੇਸ ਦੇਣਗੇ, ਜਿੰਨੀ ਠੇਸ ਉਸ ਨੂੰ ਤਦ ਪਹੁੰਚੇਗੀ ਜਦੋਂ ਅਸੀਂ ਪਿਆਰ ਦੀ ਵੱਖਰੀ ਮੁੱਖ ਭਾਸ਼ਾ ਦੇ ਵਿੱਚ ਪਿਆਰ ਵਿਖਾਉਂਦੇ ਹਾਂ।

ਪਾਠ 1 ਵਿੱਚ, ਅਸੀਂ ਸਿੱਖਿਆ ਹੈ ਕਿ ਪਰਮੇਸ਼ੁਰ ਨੇ ਕਿਵੇਂ ਸਾਰੇ ਲੋਕਾਂ ਨੂੰ ਉਸ ਨਾਲ ਅਤੇ ਦੂਸਰਿਆਂ ਨਾਲ ਰਿਸ਼ਤਾ ਰੱਖਣ ਲਈ ਬਣਾਇਆ ਹੈ। ਪਿਆਰ ਦੇ ਪ੍ਰਗਟਾਵੇ ਹਰੇਕ ਰਿਸ਼ਤੇ ਦਾ ਇੱਕ ਮਹੱਤਵਪੂਰਣ ਹਿੱਸਾ ਹਨ। ਸਾਡੇ ਲਈ ਇਹ ਮਹੱਤਵਪੂਰਣ ਹੈ ਕਿ ਅਸੀਂ ਉਨ੍ਹਾਂ ਤਰੀਕਿਆਂ ਨੂੰ ਸਮਝੀਏ ਜਿਨ੍ਹਾਂ ਦੁਆਰਾ ਸਾਡੇ ਜੀਵਨ ਸਾਥੀ, ਬੱਚੇ, ਅਤੇ ਪਰਿਵਾਰ ਦੇ ਹੋਰ ਕਰੀਬੀ ਮੈਂਬਰ ਸਭ ਤੋਂ ਜ਼ਿਆਦਾ ਪਿਆਰੇ ਮਹਿਸੂਸ ਕਰਦੇ ਹਨ। ਇਹ ਜਾਣਕਾਰੀ ਸਾਨੂੰ ਸਾਡੇ ਪਰਿਵਾਰਾਂ ਨੂੰ ਉਨ੍ਹਾਂ ਤਰੀਕਿਆਂ ਨਾਲ ਪਰਗਟ ਕਰਨ ਦੇ ਯੋਗ ਬਣਾਉਂਦੀ ਹੈ ਜੋ ਉਨ੍ਹਾਂ ਦੇ ਲਈ ਨਿੱਜੀ ਤੌਰ ’ਤੇ ਮਹੱਤਵਪੂਰਣ ਹਨ।

ਵਿਆਹੁਤਾ ਰਿਸ਼ਤਾ ਘੱਟ ਹੀ ਬਿਲਕੁਲ ਉਸ ਵਰਗਾ ਹੁੰਦਾ ਹੈ ਜਿਸ ਤਰ੍ਹਾਂ ਦੀ ਉਮੀਦ ਲੋਕ ਇਸ ਬਾਰੇ ਰੱਖਦੇ ਹਨ। ਲੋਕ ਅਕਸਰ ਆਪਣੇ ਅਤੇ ਆਪਣੇ ਜੀਵਨ ਸਾਥੀਆਂ ਵਿਚਕਾਰ ਮਤਭੇਤਾਂ ਦੇ ਕਾਰਣ ਨਿਰਾਸ਼ ਹੋ ਜਾਂਦੇ ਹਨ। ਜਦੋਂ ਪਿਆਰ ਦੇ ਪ੍ਰਗਟਾਵੇ ਦੀ ਗੱਲ ਆਉਂਦੀ ਹੈ, ਤਾਂ ਇਸ ਤਰ੍ਹਾਂ ਲੱਗ ਸਕਦਾ ਹੈ ਕਿ ਸਭ ਤੋਂ ਵਧੀਆਂ ਸਥਿੱਤੀ ਇਹ ਹੈ ਕਿ ਦੋਵਾਂ ਦੀ ਪਿਆਰ ਦੀ ਮੁੱਖ ਭਾਸ਼ਾ ਇੱਕੋ ਹੀ ਹੋਵੇ। ਜੇ ਉਹ ਇਸ ਤਰੀਕੇ ਨਾਲ ਇੱਕੋ ਜਿਹੇ ਹੁੰਦੇ ਹਨ ਤਾਂ ਬਹੁਤ ਸਾਰੀਆਂ ਗਲਤਫਹਿਮੀਆਂ ਅਤੇ ਨਿਰਾਸ਼ਾਵਾਂ ਤੋਂ ਬਚਿਆ ਜਾ ਸਕਦਾ ਹੈ। ਹਾਲਾਂਕਿ, ਜੇ ਜੀਵਨ ਸਾਥੀ ਆਪਣੇ ਵਿਆਹੁਤਾ ਰਿਸ਼ਤੇ ਦੇ ਪ੍ਰਤੀ ਸਮਰਪਿਤ ਹਨ ਅਤੇ ਇੱਕ ਦੂਸਰੇ ਲਈ ਆਪਣੇ ਪਿਆਰ ਵਿੱਚ ਵਧਣ ਪ੍ਰਤੀ ਸਮਰਪਿਤ ਹਨ ਤਾਂ ਇਸ ਤਰ੍ਹਾਂ ਦੇ ਮਤਭੇਤ ਵਿਆਹੁਤਾ ਰਿਸ਼ਤਿਆਂ ਨੂੰ ਮਜ਼ਬੂਤ ਬਣਾ ਸਕਦੇ ਹਨ।

[1]ਇੱਕ ਦੂਸਰੇ ਨੂੰ ਸਮਝਣ ਦੀ ਕੋਸ਼ਿਸ਼ ਕਰਨ, ਇੱਕ ਦੂਸਰੇ ਦੇ ਅਨਕੂਲ ਬਣਨ, ਅਤੇ ਅਰਥਪੂਰਣ ਤਰੀਕਿਆਂ ਨਾਲ ਦੇਖਭਾਲ ਕਰਨ ਦੀ ਪ੍ਰਕਿਰਿਆ ਹਰੇਕ ਵਿਅਕਤੀ ਨੂੰ ਵਿਕਸਤ ਕਰਦੀ ਹੈ ਅਤੇ ਅਸਲ ਪਿਆਰ ਦਾ ਅਦਭੁਤ ਪਰਗਟਾਵਾ ਬਣ ਜਾਂਦੀ ਹੈ। ਜਦੋਂ ਅਸੀਂ ਆਪਣੇ ਪਰਿਵਾਰਕ ਮੈਂਬਰਾਂ ਦੇ ਲਈ ਉਨ੍ਹਾਂ ਤਰੀਕਿਆਂ ਨਾਲ ਪਿਆਰ ਵਿਖਾਉਣ ਦੁਆਰਾ ਉਨ੍ਹਾਂ ਦੀ ਸੇਵਾ ਕਰਦੇ ਹਾਂ ਜਿਨ੍ਹਾਂ ਦੁਆਰਾ ਉਹ ਪਿਆਰੇ ਮਹਿਸੂਸ ਕਰਦੇ ਹਨ, ਤਾਂ ਅਸੀਂ ਆਪਣੀ ਸਮਝ ਅਤੇ ਚਰਿੱਤਰ ਵਿੱਚ ਵਧਦੇ ਹਾਂ।

ਜਦੋਂ ਸਾਡੇ ਜੀਵਨ ਸਾਥੀਆਂ ਅਤੇ ਪਰਿਵਾਰ ਦੇ ਹੋਰ ਮੈਂਬਰਾਂ ਲਈ ਪਿਆਰ ਵਿਖਾਉਣ ਦੀ ਗੱਲ ਆਉਂਦੀ ਹੈ, ਤਾਂ ਇਹ ਜਾਣਨਾ ਮਹੱਤਵਪੂਰਣ ਹੈ ਕਿ ਅਸੀਂ ਆਪਣੇ ਖੁਦ ਦੇ ਤਰੀਕੇ ਨਾਲ ਪਿਆਰ ਪਰਗਟ ਨਹੀਂ ਕਰ ਸਕਦੇ, ਜਾਂ ਅਸੀਂ ਤਦ ਹੀ ਪਿਆਰ ਪਰਗਟ ਨਹੀਂ ਕਰ ਸਕਦੇ ਜਦੋਂ ਅਸੀਂ ਮਹਿਸੂਸ ਕਰਦੇ ਹਾਂ। ਪਿਆਰ ਉਹ ਚੋਣ ਅਤੇ ਇੱਕ ਸਮਰਪਣ ਹੈ ਜੋ ਰਿਸ਼ਤੇ ਦੀਆਂ ਕਦਰਾਂ ਕੀਮਤਾਂ ਦੇ ਦੁਆਰਾ ਪ੍ਰੇਰਿਤ ਹੁੰਦੀ ਹੈ। ਕੁਝ ਮਸਲਿਆਂ ਵਿੱਚ, ਸਾਨੂੰ ਪਿਆਰ ਵਿਖਾਉਣ ਦੇ ਨਵੇਂ ਤਰੀਕਿਆਂ ਨੂੰ ਸਿੱਖਣਾ ਪਵੇਗਾ। ਸ਼ਾਇਦ ਅਸੀਂ ਉਸ ਪਰਿਵਾਰ ਦੇ ਵਿੱਚ ਵੱਡੇ ਨਹੀਂ ਹੋਏ ਹੋਵਾਂਗੇ ਜਿਸ ਨੇ ਇੱਕ ਵਿਸ਼ੇਸ਼ ਤਰੀਕੇ ਨਾਲ ਪਿਆਰ ਵਿਖਾਇਆ ਸੀ, ਪਰ ਅੱਜ ਪਰਿਵਾਰ ਦੇ ਇੱਕ ਮੈਂਬਰ ਨੂੰ ਉਸ ਤਰ੍ਹਾਂ ਪਿਆਰ ਕੀਤੇ ਜਾਣ ਦੀ ਲੋੜ ਹੈ। ਇਸ ਤਰ੍ਹਾਂ ਦੇ ਹਾਲਾਤਾਂ ਵਿੱਚ, ਜਿਸ ਤਰੀਕੇ ਬਾਰੇ ਅਸੀਂ ਜਾਣਦੇ ਨਹੀਂ ਹਾਂ ਉਸ ਤਰੀਕੇ ਨਾਲ ਪਿਆਰ ਵਿਖਾਉਣਾ ਪਹਿਲੀ ਵਾਰ ਅਜ਼ੀਬ ਜਾਂ ਇੱਕ ਅਸੁਵਿਧਾ ਲੱਗ ਸਕਦਾ ਹੈ, ਪਰ ਅਸੀਂ ਸਿੱਖ ਸਕਦੇ ਹਾਂ! ਇਹ ਮਹੱਤਵਪੂਰਣ ਹੈ ਕਿ ਕਦੇ ਵੀ ਇਸ ਤਰ੍ਹਾਂ ਵਿਹਾਰ ਨਾ ਕਰੀਏ ਕਿ ਇਹ ਇੱਕ ਨਾਖੁਸ਼ ਕਰਨ ਵਾਲਾ ਫਰਜ਼ ਹੈ ਜਾਂ ਸਾਡੇ ਪਿਆਰ ਨੂੰ ਪਰਗਟ ਕਰਨਾ ਇੱਕ ਅਸੁਵਿਧਾ ਹੈ। ਜੇ ਇਸ ਤਰ੍ਹਾਂ ਲੱਗਦਾ ਹੈ ਕਿ ਅਸੀਂ ਬੱਸ ਆਪਣੇ ਫਰਜ਼ ਨੂੰ ਪੂਰਾ ਕਰ ਰਹੇ ਹਾਂ, ਤਾਂ ਸਾਡਾ ਪਿਆਰ ਦਾ ਪਰਗਟਾਵਾ ਅਸਲ ਪਿਆਰ ਦਾ ਸੰਚਾਰ ਨਹੀਂ ਕਰੇਗਾ।

► ਵਿਦਿਆਰਥੀਆਂ ਨੂੰ ਸਮੂਹ ਲਈ ਰੋਮੀਆਂ 12:9-10, 16 ਅਤੇ 1 ਪਤਰਸ 3:7-8 ਨੂੰ ਪੜ੍ਹਨਾ ਚਾਹੀਦਾ ਹੈ। ਇਨ੍ਹਾਂ ਵਚਨਾਂ ਤੋਂ, ਇਸ ਲਈ ਬਹੁਤ ਸਾਰੇ ਕਾਰਣਾਂ ਨੂੰ ਦੱਸੋ ਕਿ ਸਾਨੂੰ ਉਨ੍ਹਾਂ ਤਰੀਕਿਆਂ ਨਾਲ ਦੇਖਭਾਲ ਕਰਨੀ ਚਾਹੀਦੀ ਹੈ ਜਿਨ੍ਹਾਂ ਨਾਲ ਸਾਡੇ ਪਰਿਵਾਰ ਦੇ ਮੈਂਬਰ ਸਭ ਤੋਂ ਜ਼ਿਆਦਾ ਪਿਆਰੇ ਮਹਿਸੂਸ ਕਰਦੇ ਹਨ।

ਇਹ ਯਾਦ ਰੱਖਣਾ ਮਹੱਤਵਪੂਰਣ ਹੈ ਕਿ ਪਿਆਰ ਦੂਸਰੇ ਵਿਅਕਤੀ ਦੀ ਸਭ ਤੋਂ ਵੱਡੀ ਭਲਾਈ ਦੀ ਭਾਲ ਵਿੱਚ ਸਵੈ-ਬਲੀਦਾਨ ਦਾ ਇੱਕ ਸਮਰਪਣ ਹੈ।

ਅਸੀਂ ਸਵੈ-ਕੇਂਦਰਿਤ ਸੁਭਾਅ ਦੇ ਨਾਲ ਪੈਦਾ ਹੋਏ ਹਾਂ। ਦੂਸਰਿਆਂ ਦੇ ਲਈ ਸੱਚਾ ਪਿਆਰ ਸਾਡੇ ਵਿੱਚੋਂ ਕਿਸੇ ਦੇ ਅੰਦਰ ਵੀ ਸੁਭਾਵਕ ਤੌਰ ’ਤੇ ਨਹੀਂ ਆਉਂਦਾ। ਸੱਚੇ ਪਿਆਰ ਨੂੰ ਸਾਡੇ ਦਿਲਾਂ ਦੇ ਵਿੱਚ ਪਵਿੱਤਰ ਆਤਮਾ ਦੇ ਕੰਮ ਦੁਆਰਾ ਸੰਭਵ ਬਣਾਇਆ ਜਾਂਦਾ ਹੈ (ਰੋਮੀਆਂ 5:5)। ਵਿਸ਼ਵਾਸੀ ਹੋਣ ਦੇ ਨਾਤੇ, ਸਾਨੂੰ ਮਸੀਹ ਦੇ ਸੋਚਣ ਦਾ ਤਰੀਕਾ ਸਿੱਖਣਾ ਚਾਹੀਦਾ ਹੈ, ਜਿਵੇਂ ਪੌਲੁਸ ਨੇ ਫਿਲਿੱਪੀਆਂ 2 ਵਿੱਚ ਵਰਣਨ ਕੀਤਾ ਹੈ। ਜਦੋਂ ਅਸੀਂ ਇਹ ਕਰਦੇ ਹਾਂ, ਤਾਂ ਅਸੀਂ:

• ਸਵਾਰਥੀ ਲਾਲਸਾਵਾਂ ਦੇ ਦੁਆਰਾ ਪ੍ਰੇਰਿਤ ਨਹੀਂ ਹੋਵਾਂਗੇ (ਆਇਤ 3)

• ਸਾਡੇ ਆਪਣੇ ਮਹੱਤਵ ਦੇ ਬਾਰੇ ਇੱਕ ਘਮੰਡੀ ਨਜ਼ਰੀਆ ਨਹੀਂ ਰੱਖਾਂਗੇ (ਆਇਤ 3)

• ਦੂਸਰਿਆਂ ਨੂੰ ਆਪਣੇ ਨਾਲੋਂ ਜ਼ਿਆਦਾ ਮਹੱਤਵਪੂਰਣ ਸਮਝਾਂਗੇ (ਆਇਤ 3)

• ਦੂਸਰਿਆਂ ਦੇ ਹਿਤਾਂ ਬਾਰੇ ਸੋਚਾਂਗੇ (ਆਇਤ 4)

ਸਾਨੂੰ ਸਾਡੇ ਪਰਿਵਾਰ ਦੇ ਮੈਂਬਰਾਂ ਲਈ ਸਾਡੇ ਪਿਆਰ ਵਿੱਚ ਵਧਣ ਵਾਸਤੇ ਇੱਕ ਸਮਰਪਣ ਕਰਨਾ ਚਾਹੀਦਾ ਹੈ। ਸਾਨੂੰ ਉਨ੍ਹਾਂ ਦੀਆਂ ਲੋੜਾਂ ਉੱਤੇ ਧਿਆਨ ਦੇਣਾ ਚਾਹੀਦਾ ਹੈ ਅਤੇ ਉਨ੍ਹਾਂ ਨੂੰ ਪੂਰਾ ਕਰਨ ਦੇ ਤਰੀਕਿਆਂ ਨੂੰ ਭਾਲਣਾ ਚਾਹੀਦਾ ਹੈ। ਸਾਡਾ ਟੀਚਾ ਉਨ੍ਹਾਂ ਨੂੰ ਆਪਣੇ ਪਿਆਰ ਨੂੰ ਉਸ ਤਰੀਕੇ ਨਾਲ ਵਿਖਾਉਣ ਦਾ ਹੋਣਾ ਚਾਹੀਦਾ ਹੈ ਜਿਸ ਤਰੀਕੇ ਨਾਲ ਉਹ ਸਭ ਤੋਂ ਜ਼ਿਆਦਾ ਪਿਆਰੇ ਮਹਿਸੂਸ ਕਰਦੇ ਹਨ।

ਮਾਪੇ ਹੋਣ ਦੇ ਨਾਤੇ ਸਾਨੂੰ ਆਪਣੇ ਬੱਚਿਆਂ ਨੂੰ ਵੀ ਸਿਖਾਉਣਾ ਚਾਹੀਦਾ ਹੈ ਕਿ ਉਹ ਵੀ ਆਪਣੇ ਭੈਣ-ਭਰਾਵਾਂ, ਮਾਪਿਆਂ, ਅਤੇ ਦਾਦਾ-ਦਾਦੀ ਦਾ ਇਨ੍ਹਾਂ ਤਰੀਕਿਆਂ ਨਾਲ ਧਿਆਨ ਰੱਖਣ। ਸਾਡੇ ਬੱਚਿਆਂ ਨੂੰ ਲੋੜ ਹੈ ਕਿ ਉਹ ਆਪਣੇ ਪਰਿਵਾਰਾਂ ਨੂੰ ਪਿਆਰ ਕਰਨਾ ਅਤੇ ਉਨ੍ਹਾਂ ਦੀ ਸੇਵਾ ਕਰਨਾ ਸਿੱਖਣ। ਉਹ ਸਿੱਖ ਸਕਦੇ ਹਨ ਕਿ ਉਨ੍ਹਾਂ ਨੇ ਆਪਣੇ ਪਰਿਵਾਰ ਦੇ ਲਈ ਆਪਣੇ ਪਿਆਰ ਨੂੰ ਸਭ ਤੋਂ ਅਰਥਪੂਰਣ ਢੰਗ ਦੇ ਨਾਲ ਕਿਵੇਂ ਵਿਖਾਉਣਾ ਹੈ। ਸਾਨੂੰ ਮਿਸਾਲ ਦੇ ਦੁਆਰਾ ਸਿਖਾਉਣਾ ਚਾਹੀਦਾ ਹੈ। ਸਾਨੂੰ ਇਸ ਲਈ ਵੀ ਸਮਾਂ ਕੱਢਣਾ ਚਾਹੀਦਾ ਹੈ ਕਿ ਅਸੀਂ ਉਨ੍ਹਾਂ ਨੂੰ ਇਹ ਵਿਸ਼ੇ ਸਮਝਾਈਏ ਅਤੇ ਇਨ੍ਹਾਂ ਨੂੰ ਉਨ੍ਹਾਂ ਦੇ ਰਿਸ਼ਤਿਆਂ ਵਿੱਚ ਲਾਗੂ ਕਰਨ ਵਿੱਚ ਉਨ੍ਹਾਂ ਦੀ ਅਗਵਾਈ ਕਰੀਏ।

► ਉਹ ਕਿਹੜੇ ਤਰੀਕੇ ਹਨ ਜਿਨ੍ਹਾਂ ਦੁਆਰਾ ਮਾਪੇ ਆਪਣੇ ਬੱਚਿਆਂ ਦੀ ਦੂਸਰਿਆਂ ਲਈ ਖੁਦ ਦਾ ਤਿਆਗ ਕਰਨ ਵਾਲਾ ਪਿਆਰ ਸਿੱਖ ਵਿੱਚ ਮਦਦ ਕਰ ਸਕਦੇ ਹਨ, ਉਨ੍ਹਾਂ ਦੇ ਆਪਣੇ ਪਰਿਵਾਰ ਤੋਂ ਸ਼ੁਰੂ ਕਰਦੇ ਹੋਏ?

ਜਿਨ੍ਹਾਂ ਲੋਕਾਂ ਦੀ ਪਿਆਰ ਦੀ ਮੁੱਖ ਭਾਸ਼ਾ ਪੁਸ਼ਟੀ ਦੇ ਸ਼ਬਦ ਹੈ ਉਹ ਤਦ ਸਭ ਤੋਂ ਜ਼ਿਆਦਾ ਪਿਆਰੇ ਮਹਿਸੂਸ ਕਰਦੇ ਹਨ ਜਦੋਂ ਦੂਸਰੇ ਗੰਭੀਰਤਾ ਦੇ ਨਾਲ ਉਨ੍ਹਾਂ ਦੀ ਪ੍ਰਸ਼ੰਸ਼ਾ ਦੇ ਲਈ ਸ਼ਬਦਾਂ ਦੀ ਵਰਤੋਂ ਕਰਦੇ ਹਨ। ਜੇ ਇੱਕ ਇਸਤਰੀ ਦੀ ਪਿਆਰ ਦੀ ਮੁੱਖ ਭਾਸ਼ਾ ਪੁਸ਼ਟੀ ਦੇ ਸ਼ਬਦ ਹੈ, ਉਸ ਦਾ ਪਤੀ ਉਸ ਨਾਲ ਗੱਲ ਕਰਦੇ ਹੋਏ ਜਾਂ ਉਸ ਬਾਰੇ ਗੱਲ ਕਰਦੇ ਹੋਏ ਉਸ ਲਈ ਆਪਣੇ ਪਿਆਰ ਨੂੰ ਪਰਗਟ ਕਰ ਸਕਦਾ ਹੈ। ਉਹ ਉਸ ਦੇ ਲਈ ਇੱਕ ਨੋਟ ਲਿਖ ਸਕਦਾ ਹੈ, ਕੁਝ ਵਿਸ਼ੇਸ਼ ਕਾਰਣ ਦੱਸਦੇ ਹੋਏ ਜਿਨ੍ਹਾਂ ਲਈ ਉਹ ਉਸ ਦੀ ਪ੍ਰਸ਼ੰਸ਼ਾ ਕਰਦਾ ਹੈ। ਉਹ ਆਪਣੀ ਪਤਨੀ ਦੇ ਚੰਗੇ ਚਰਿੱਤਰ ਜਾਂ ਕੰਮ ਦੇ ਬਾਰੇ ਕਿਸੇ ਹੋਰ ਨਾਲ ਗੱਲ ਕਰ ਸਕਦਾ ਹੈ। ਜਦੋਂ ਉਸ ਦੀ ਪਤਨੀ ਉਸ ਦੇ ਸ਼ਬਦ ਸੁਣਦੀ ਹੈ, ਉਹ ਪਿਆਰੀ ਅਤੇ ਮਹੱਤਵਪੂਰਣ ਮਹਿਸੂਸ ਕਰਦੀ ਹੈ।

ਅਸੀਂ ਆਪਣੇ ਮਿੱਤਰਾਂ ਤੋਂ ਉਸ ਤਰੀਕੇ ਨਾਲ ਸਲਾਹ ਮੰਗ ਸਕਦੇ ਹਾਂ ਜੋ ਉਨ੍ਹਾਂ ਦੇ ਮਹੱਤਵ ਦੀ ਪੁਸ਼ਟੀ ਕਰਦਾ ਹੈ। ਉਦਾਹਰਣ ਦੇ ਲਈ:

• “ਤੁਸੀਂ ਹਮੇਸ਼ਾ ਇੱਕ ਮਦਦਗਾਰ ਨਜ਼ਰੀਆ ਜੋੜਦੇ ਹੋ, ਇਸ ਲਈ ਮੈਂ ਇਸ... ਬਾਰੇ ਤੁਹਾਡੇ ਵਿਚਾਰ ਜਾਣਨਾ ਚਾਹੁੰਦਾ ਹਾਂ।”

• ਤੁਸੀਂ ਇਸ ਮਾਮਲੇ ਵਿੱਚ ਅਨੁਭਵੀ ਹੋ, ਅਤੇ ਮੈਂ ਤੁਹਾਡੀ ਸਲਾਹ ਲੈਣਾ ਪਸੰਦ ਚਾਹਾਂਗਾ।”

• ਤੁਸੀਂ ________ ਬਾਰੇ ਮੇਰੇ ਨਾਲੋਂ ਜ਼ਿਆਦਾ ਜਾਣਦੇ ਹੋ, ਇਸ ਲਈ ਜੇ ਮੇਰੇ ਲਈ ਤੁਹਾਡੇ ਕੋਲ ਕੋਈ ਸੁਝਾਅ ਜਾਂ ਮਸ਼ਵਰਾ ਹੈ ਤਾਂ ਮੈਨੂੰ ਸੁਣਕੇ ਖੁਸ਼ੀ ਹੋਵੇਗੀ।”

ਪੁਸ਼ਟੀ ਦੇ ਸਾਰੇ ਸ਼ਬਦਾਂ ਨੂੰ ਗੰਭੀਰਤਾ ਦੇ ਨਾਲ ਬੋਲਿਆ ਜਾਵੇ। ਨਹੀਂ ਤਾਂ ਵਿਅਰਥ ਜਾਂ ਠੇਸ ਪਹੁੰਚਾਉਣ ਵਾਲੇ ਹੋਣਗੇ। ਪੁਸ਼ਟੀ ਦੇ ਜਿਹੜੇ ਸ਼ਬਦ ਗੰਭੀਰਤਾ ਦੇ ਨਾਲ ਨਹੀਂ ਬੋਲੇ ਜਾਂਦੇ ਹੋ ਰਿਸ਼ਤਿਆਂ ਨੂੰ ਕਮਜ਼ੋਰ ਬਣਾਉਂਦੇ ਹਨ। ਉਹ ਸੱਚਾਈ ’ਤੇ ਅਧਾਰਤ ਨਹੀਂ ਹੁੰਦੇ ਹਨ, ਇਸ ਲਈ ਸੁਣਨ ਵਾਲਾ ਵਕਤਾ ਦੀ ਪ੍ਰੇਰਣਾ ਉੱਤੇ ਭਰੋਸਾ ਨਹੀਂ ਕਰ ਸਕਦਾ।

ਗੰਭੀਰਤਾ ਦੇ ਨਾਲ ਬੋਲੇ ਗਏ ਪੁਸ਼ਟੀ ਦੇ ਸ਼ਬਦ ਹਕੀਕਤ ਦੇ ਲਈ ਸੱਚੇ ਹੁੰਦੇ ਹਨ। ਉਹ ਝੂਠੇ ਜਾਂ ਵਧਾ ਚੜ੍ਹਾ ਕੇ ਬੋਲੇ ਹੋਏ ਨਹੀਂ ਹੁੰਦੇ। ਸੱਚੀ ਪੁਸ਼ਟੀ ਨੂੰ ਦਿਲ ਤੋਂ ਪਰਗਟ ਕੀਤਾ ਜਾਂਦਾ ਹੈ। ਜੋ ਆਖਿਆ ਗਿਆ ਹੈ ਉਹੋ ਹੀ ਹੈ ਜੋ ਬੋਲਣ ਵਾਲਾ ਸੱਚਮੁੱਚ ਮਹਿਸੂਸ ਕਰਦਾ ਹੈ ਅਤੇ ਵਿਸ਼ਵਾਸ ਕਰਦਾ ਹੈ।

ਪੁਸ਼ਟੀ ਦੇ ਸ਼ਬਦ ਸੁਣਨ ਵਾਲੇ ਨੂੰ ਅੱਗੇ ਉੱਨਤੀ ਅਤੇ ਭਵਿੱਖ ਵਿੱਚ ਸਫ਼ਲਤਾ ਦੇ ਲਈ ਪ੍ਰੇਰਿਤ ਕਰ ਸਕਦੇ ਹਨ ਪਰ ਇਹ ਕਦੇ ਵੀ ਫੁਸਲਾਉਣ ਵਾਲੇ ਨਹੀਂ ਹੋਣੇ ਚਾਹੀਦੇ। ਸਾਨੂੰ ਪੁਸ਼ਟੀ ਦੇ ਸ਼ਬਦਾਂ ਨਾਲ ਦੂਸਰਿਆਂ ਨੂੰ ਨਿਯੰਤਰਿਤ ਕਰਨ ਦੀ ਕੋਸ਼ਿਸ਼ ਨਹੀਂ ਕਰਨੀ ਚਾਹੀਦੀ।

► ਇੱਕ ਵਿਦਿਆਰਥੀ ਨੂੰ ਸਮੂਹ ਲਈ ਅਫ਼ਸੀਆਂ 4:29 ਨੂੰ ਪੜ੍ਹਨਾ ਚਾਹੀਦਾ ਹੈ। ਜਿਹੜੀਆਂ ਗੱਲਾਂ ਨਹੀਂ ਆਖੀਆਂ ਜਾਣੀਆਂ ਚਾਹੀਦੀਆਂ ਉਨ੍ਹਾਂ ਦੇ ਲਈ ਇੱਥੇ ਕੀ ਵੇਰਵਾ ਦਿੱਤਾ ਗਿਆ ਹੈ? ਸਾਡੇ ਸ਼ਬਦਾਂ ਨੂੰ ਕੀ ਪੂਰਾ ਕਰਨਾ ਚਾਹੀਦਾ ਹੈ? ਕੀ ਕੁਝ ਸ਼ਬਦ ਹਨ ਜੋ ਇੱਕ ਹਾਲਾਤ ਵਿੱਚ ਢੁੱਕਵੇਂ ਹਨ ਅਤੇ ਦੂਸਰੀ ਹਾਲਾਤ ਵਿੱਚ ਨਹੀਂ?

ਜੋ ਅਸੀਂ ਦੂਸਰਿਆਂ ਨੂੰ ਆਖਦੇ ਹਾਂ ਉਹ ਹਮੇਸ਼ਾ ਢੁੱਕਵਾਂ ਅਤੇ ਦਿਆਲੂ ਹੋਣਾ ਚਾਹੀਦਾ ਹੈ। ਜਿਹੜੀਆਂ ਗੱਲਾਂ ਅਸੀਂ ਆਖਦੇ ਹਾਂ ਉਹ ਉਨ੍ਹਾਂ ਦੇ ਦਿਲਾਂ ਵਿੱਚ ਪਰਮੇਸ਼ੁਰ ਨੂੰ ਕੰਮ ਕਰਨ ਦਾ ਮੌਕਾ ਦੇਣ, ਜਿਨ੍ਹਾਂ ਨੂੰ ਅਸੀਂ ਆਖ ਰਹੇ ਹਾਂ। ਜੋ ਅਸੀਂ ਆਖਦੇ ਹਾਂ ਉਹ ਉਸਾਰੀ ਕਰਨ ਵਾਲਾ ਹੋਣਾ ਚਾਹੀਦਾ ਹੈ, ਵਿਨਾਸ਼ਕਾਰੀ ਨਹੀਂ। ਇਹ ਸਿਹਤ ਅਤੇ ਚੰਗਾਈ ਨੂੰ ਵਧਾਵੇ, ਅਤੇ ਕਦੇ ਵੀ ਨੁਕਸਾਨ ਪਹੁੰਚਾਉਣ ਵਾਲਾ ਨਾ ਹੋਵੇ।

ਪੁਸ਼ਟੀ ਦੇ ਵਿਸ਼ੇ

ਪੁਸ਼ਟੀ ਦੇ ਸ਼ਬਦਾਂ ਦੀਆਂ ਵੱਖ-ਵੱਖ ਕਿਸਮਾਂ ਹਨ। ਪੁਸ਼ਟੀ ਦੇ ਸਾਰੇ ਸ਼ਬਦ ਇੱਕੋ ਜਿਹਾ ਮਹੱਤਵ ਜਾਂ ਇੱਕੋ ਜਿਹੀਆਂ ਕਦਰਾਂ ਕੀਮਤਾ ਨਹੀਂ ਰੱਖਦੇ। ਪੁਸ਼ਟੀ ਦੇ ਸ਼ਬਦਾਂ ਦੀ ਉੱਚ ਗੁਣਵੱਤਾ ਦੇ ਲਈ ਬੋਲਣ ਵਾਲੇ ਵਿਅਕਤੀ ਵੱਲੋਂ ਜ਼ਿਆਦਾ ਵਿਚਾਰ ਅਤੇ ਕੋਸ਼ਿਸ਼ ਕਰਨ ਦੀ ਲੋੜ ਹੁੰਦੀ ਹੈ; ਇੱਥੋਂ ਤਕ ਕਿ ਕਈ ਵਾਰ ਉਨ੍ਹਾਂ ਨੂੰ ਬੋਲਣਾ ਭੱਦਾ ਲੱਗ ਸਕਦਾ ਹੈ; ਪਰ ਉਹ ਸ਼ਬਦ ਪਿਆਰ ਨੂੰ ਸਭ ਤੋਂ ਦ੍ਰਿੜ੍ਹ ਅਤੇ ਸਭ ਤੋਂ ਅਰਥਪੂਰਣ ਢੰਗਾਂ ਦੇ ਨਾਲ ਪਰਗਟ ਕਰਦੇ ਹਨ।

ਦਿੱਖ ਦੀ ਪ੍ਰਸ਼ੰਸ਼ਾ ਕਰਨਾ

ਕਿਸੇ ਦੀ ਦਿੱਖ ਦੀ ਪ੍ਰਸ਼ੰਸ਼ਾ ਕਰਨਾ ਪੁਸ਼ਟੀ ਕਰਨ ਦਾ ਇੱਕ ਢੰਗ ਹੋ ਸਕਦਾ ਹੈ, ਖਾਸ ਕਰਕੇ ਜੇ ਇਹ ਉਨ੍ਹਾਂ ਦੀ ਮਿਹਨਤ ਦੇ ਲਈ ਪ੍ਰਸ਼ੰਸ਼ਾ ਨੂੰ ਵਿਖਾਉਂਦਾ ਹੈ ਜਾਂ ਉਨ੍ਹਾਂ ਦੇ ਆਪਣੀ ਸਖਸ਼ੀਅਤ ਨੂੰ ਪਰਗਟ ਕਰਨ ਦੇ ਢੰਗ ਲਈ ਪ੍ਰਸ਼ੰਸ਼ਾ ਵਿਖਾਉਂਦਾ ਹੈ। ਪਰ, ਕਿਸੇ ਦੀ ਦਿੱਖ ਦੀ ਪ੍ਰਸ਼ੰਸ਼ਾ ਕਰਨਾ ਇੱਕ ਖੋਖਲੀ ਪੁਸ਼ਟੀ ਹੈ, ਖਾਸ ਕਰਕੇ ਜਦੋਂ ਇਹ ਵਿਅਕਤੀ ਦੀ ਅਸਲੀਅਤ ਦੇ ਨਾਲ ਸੰਬੰਧਤ ਨਹੀਂ ਹੁੰਦੀ ਹੈ।

ਬਹੁਤ ਜ਼ਿਆਦਾ ਆਕਰਸ਼ਿਤ ਲੋਕ ਜਿਨ੍ਹਾਂ ਦੀ ਅਕਸਰ ਪ੍ਰਸ਼ੰਸ਼ਾ ਕੀਤੀ ਜਾਂਦੀ ਹੈ ਉਹ ਆਪਣੀ ਦਿੱਖ ਦੇ ਬਾਰੇ ਅਸੁਰੱਖਿਅਤ ਹੋ ਸਕਦੇ ਹਨ, ਕਿਉਂਕਿ ਉਹ ਇਹ ਮਹਿਸੂਸ ਕਰਨ ਲੱਗਦੇ ਹਨ ਕਿ ਉਨ੍ਹਾਂ ਦਾ ਮਹੱਤਵ ਇਸ ’ਤੇ ਹੀ ਨਿਰਭਰ ਹੈ, ਅਤੇ ਉਹ ਸੋਚਦੇ ਹਨ ਕਿ ਇਹ ਸੰਪੂਰਣ ਹੋਣੀ ਚਾਹੀਦੀ ਹੈ।

ਨਿੱਜੀ ਯੋਗਤਾ ਨੂੰ ਆਕਰਸ਼ਣ ਦੇ ਦੁਆਰਾ ਨਿਰਧਾਰਤ ਨਹੀਂ ਕੀਤਾ ਜਾਂਦਾ ਹੈ। ਅਤੇ ਜੋ ਇੱਕ ਵਿਅਕਤੀ ਆਪਣੇ ਸਰੀਰ ਨੂੰ ਆਕਰਸ਼ਿਤ ਬਣਾਉਂਦੇ ਲਈ ਕਰ ਸਕਦਾ ਹੈ, ਉਹ ਸੀਮਿਤ ਵੀ ਹੈ। ਇਨ੍ਹਾਂ ਗੱਲਾਂ ਦੇ ਕਾਰਣ, ਇਸ ਤਰ੍ਹਾਂ ਦੀ ਪੁਸ਼ਟੀ ਦਾ ਇਸਤੇਮਾਲ ਲੋੜ ਤੋਂ ਜ਼ਿਆਦਾ ਨਹੀਂ ਕਰਨਾ ਚਾਹੀਦਾ।

ਪ੍ਰਾਪਤੀਆਂ ਅਤੇ ਸੇਵਾ ਦੀ ਪ੍ਰਸ਼ੰਸ਼ਾ ਕਰਨਾ

ਸ਼ਬਦਾਂ ਦੇ ਨਾਲ ਕਿਸੇ ਲਈ ਪੁਸ਼ਟੀ ਦੇਣ ਦਾ ਹੋਰ ਤਰੀਕਾ ਉਸ ਦੀਆਂ ਪ੍ਰਾਪਤੀਆਂ ਅਤੇ ਉਸ ਦੇ ਪ੍ਰਦਰਸ਼ਨ ਦੀ ਪ੍ਰਸ਼ੰਸ਼ਾ ਕਰਨਾ ਹੈ। ਉਨ੍ਹਾਂ ਦੇ ਕੰਮਾਂ ਨੂੰ ਹਲਕੇ ਵਿੱਚ ਲੈਣ ਦੇ ਬਜਾਏ, ਜਿਹੜਾ ਵਿਅਕਤੀ ਬੋਲ ਰਿਹਾ ਹੈ ਉਹ ਉਸ ਲਈ ਪ੍ਰਸ਼ੰਸ਼ਾ ਕਰਨ ਵਾਸਤੇ ਸਮਾਂ ਲੈਂਦਾ ਹੈ ਜੋ ਦੂਸਰੇ ਵਿਅਕਤੀ ਨੇ ਕੀਤਾ ਹੈ।

ਉਦਾਹਰਣਾਂ:

• ਇੱਕ ਪਤਨੀ ਆਪਣੇ ਪਤੀ ਦੀ ਉਸ ਮੁਸ਼ਕਲ ਟੀਚੇ ਨੂੰ ਪੂਰਾ ਕਰਨ ਲਈ ਪ੍ਰਸ਼ੰਸ਼ਾ ਕਰਦੀ ਹੈ ਜਿਸ ਲਈ ਉਹ ਕੰਮ ਕਰ ਰਿਹਾ ਸੀ।

• ਇੱਕ ਪਤੀ ਉਸ ਲਈ ਆਪਣੀ ਪਤਨੀ ’ਤੇ ਧਿਆਨ ਦਿੰਦਾ ਹੈ ਅਤੇ ਉਸ ਬਾਰੇ ਸੋਚਦੇ ਹੈ ਜੋ ਉਸ ਨੇ ਉਸ ਪ੍ਰੋਜੈਕਟ ਵਿੱਚ ਮਦਦ ਕਰਨ ਲਈ ਕੀਤਾ ਸੀ ਜਿਸ ਉੱਤੇ ਉਹ ਕੰਮ ਕਰ ਰਿਹਾ ਸੀ।

• ਪਰਿਵਾਰ ਦੇ ਮੈਂਬਰ ਰਸੋਈਏ ਦੇ ਸਵਾਦੀ ਖਾਣੇ ਲਈ ਉਸ ਦੀ ਪ੍ਰਸ਼ੰਸ਼ਾ ਕਰਦੇ ਹਨ ਜੋ ਉਸ ਨੇ ਉਨ੍ਹਾਂ ਦੇ ਲਈ ਬਣਾਇਆ ਸੀ।

ਪ੍ਰਦਰਸ਼ਨ ਜਾਂ ਪ੍ਰਾਪਤੀ ਦੀ ਪ੍ਰਸ਼ੰਸ਼ਾ ਕਰਦੇ ਹੋਏ, ਇਸ ਤੋਂ ਬਚੋ ਕਿ ਵਿਅਕਤੀ ਇਹ ਨਾ ਸੋਚੇ ਕਿ ਤੁਹਾਡਾ ਪਿਆਰ ਉਸ ਵਿਅਕਤੀ ਦੇ ਪ੍ਰਦਰਸ਼ਨ ’ਤੇ ਅਧਾਰਤ ਹੈ। ਉਦਾਹਰਣ ਦੇ ਲਈ, ਤੁਹਾਡੇ ਪੁੱਤਰ ਨੂੰ ਇਹ ਦੱਸਣਾ ਕਿ ਉਸ ਨੇ ਤੁਹਾਨੂੰ ਮਾਣ ਮਹਿਸੂਸ ਕਰਾਇਆ ਹੈ ਕਿਉਂਕਿ ਉਸ ਨੇ ਚੰਗੇ ਨੰਬਰ ਲਏ ਹਨ, ਤੁਹਾਡੇ ਪੁੱਤਰ ਨੂੰ ਇਹ ਮਹਿਸੂਸ ਕਰਾ ਸਕਦਾ ਹੈ ਕਿ ਜੇ ਉਹ ਘੱਟ ਨੰਬਰ ਲੈਂਦਾ ਹੈ ਤਾਂ ਤੁਸੀਂ ਉਸ ਨੂੰ ਘੱਟ ਪਿਆਰ ਕਰੋਗੇ। ਇੱਕ ਵਿਅਕਤੀ ਦੇ ਮਹੱਤਵ ਦੀ ਪੁਸ਼ਟੀ ਕਰਨ ਦਾ ਇੱਕ ਤਰੀਕਾ ਇਹ ਆਖਣਾ ਹੈ, “ਮੈਂ ਖੁਸ਼ ਹਾਂ ਕਿ ਤੂੰ ਉਸ ਪ੍ਰੀਖਿਆ ਦੇ ਵਿੱਚ ਬਹੁਤ ਵਧੀਆ ਕੀਤਾ ਹੈ। ਮੈਨੂੰ ਤੇਰੇ ਉੱਤੇ ਮਾਣ ਹੈ ਕਿ ਤੂੰ ਪੜ੍ਹਨ ਅਤੇ ਆਪਣਾ ਉੱਤਮ ਦੇਣ ਦੀ ਜ਼ਿੰਮੇਵਾਰੀ ਲਈ ਹੈ।” ਪਰ ਜਦੋਂ ਤੁਸੀਂ ਇਹ ਕਰਦੇ ਹੋ, ਤਾਂ ਉਨ੍ਹਾਂ ਪ੍ਰਾਪਤੀਆਂ ਦੇ ਲਈ ਪ੍ਰਸ਼ੰਸ਼ਾ ਕਰਨਾ ਨਾ ਭੁੱਲੋ ਜੋ ਉਨ੍ਹਾਂ ਦੇ ਲਈ ਮਹੱਤਵਪੂਰਣ ਹਨ।

ਚਰਿੱਤਰ ਅਤੇ ਮਿਹਨਤ ਨੂੰ ਮਾਨਤਾ ਦੇਣਾ

ਕੇਵਲ ਚੰਗੇ ਪ੍ਰਦਰਸ਼ਨ ਦੀ ਪ੍ਰਸ਼ੰਸ਼ਾ ਕਰਨ ਦੇ ਬਜਾਏ, ਇੱਕ ਵਿਅਕਤੀ ਦੇ ਚਰਿੱਤਰ ਅਤੇ ਉਸ ਨੂੰ ਸਫਲ ਬਣਾਉਣ ਵਾਲੀ ਕੋਸ਼ਿਸ਼ ਦੀ ਪੁਸ਼ਟੀ ਕਰਨਾ ਉੱਤਮ ਹੈ। ਉਦਾਹਰਣ ਦੇ ਲਈ, ਇੱਕ ਅਥਲੀਟ ਬੱਚੇ ਦੀ ਇੱਕ ਖੇਡ ਨੂੰ ਜਿੱਤਣ ਨਾਲੋਂ ਉਸ ਦੀ ਲਗਨ ਨਾਲ ਕੀਤੀ ਗਈ ਕੋਸ਼ਿਸ਼ ਅਤੇ ਚੰਗੇ ਰਵੱਈਏ ਲਈ ਜ਼ਿਆਦਾ ਪ੍ਰਸ਼ੰਸ਼ਾ ਕਰਨੀ ਚਾਹੀਦੀ ਹੈ। ਬਹੁਤੇ ਲੋਕ ਹਮੇਸ਼ਾ ਪ੍ਰਦਰਸ਼ਨ ਦੇ ਵਿੱਚ ਉੱਤਮ ਨਹੀਂ ਕਰ ਸਕਦੇ ਹਨ, ਪਰ ਇੱਕ ਵਿਅਕਤੀ ਚੰਗਾ ਚਰਿੱਤਰ ਵਿਖਾਉਣ ਦੀ ਚੋਣ ਕਰ ਸਕਦਾ ਹੈ, ਅਤੇ ਚਰਿੱਤਰ ਸਭ ਤੋਂ ਜ਼ਿਆਦਾ ਮਹੱਤਵਪੂਰਣ ਹੈ।

ਇੱਕ ਵਿਅਕਤੀ ਜੋ ਵੀ ਹੈ, ਉਸ ਲਈ ਉਸ ਨਾਲ ਜਸ਼ਨ ਮਨਾਉਣਾ

ਉੱਤਮ ਪੁਸ਼ਟੀ ਕਿਸੇ ਦੇ ਗੁਣਾਂ ਦੀ ਪਛਾਣ ਕਰਦੀ ਹੈ: ਨਿੱਜੀ ਗੁਣ, ਚਰਿੱਤਰ ਦੇ ਗੁਣ, ਅਤੇ ਸਖਸ਼ੀਅਤ ਦੇ ਗੁਣ। ਇਸ ਤਰ੍ਹਾਂ ਦੀ ਪੁਸ਼ਟੀ ਪ੍ਰਾਪਤੀਆਂ ਦੇ ਲਈ ਪੁਸ਼ਟੀ ਨਾਲੋਂ ਦ੍ਰਿੜ੍ਹ ਹੁੰਦੀ ਹੈ ਕਿਉਂਕਿ ਇਹ ਵਿਅਕਤੀ ਦੇ ਆਪਣੇ ਮਹੱਤਵ ’ਤੇ ਅਧਾਰਤ ਹੁੰਦੀ ਹੈ, ਬਦਲਣ ਵਾਲੇ ਹਾਲਾਤਾਂ ’ਤੇ ਨਹੀਂ।

ਉਦਾਹਰਣਾਂ:

• “ਬੱਚੇ ਤੁਹਾਡੇ ਵੱਲ ਖਿੱਚੇ ਆਉਂਦੇ ਹਨ! ਤੁਸੀਂ ਉਨ੍ਹਾਂ ਨੂੰ ਸਮਝਾਉਣ ਵਿੱਚ ਬਹੁਤ ਹੀ ਚੰਗੇ ਹੋ, ਅਤੇ ਤੁਸੀਂ ਉਨ੍ਹਾਂ ਦੇ ਸਵਾਲਾਂ ਦੇ ਲਈ ਬਹੁਤ ਧੀਰਜਵਾਨ ਹੋ।”

• “ਮੈਂ ਤੁਹਾਡੇ ਉੱਤੇ ਭਰੋਸਾ ਕਰਦਾ ਹਾਂ, ਕਿਉਂਕਿ ਮੈਂ ਵੇਖਿਆ ਹੈ ਕਿ ਤੁਸੀਂ ਭਰੋਸੇਯੋਗ ਹੋ।”

ਇਸ ਪ੍ਰਕਾਰ ਦੀ ਪੁਸ਼ਟੀ ਦੇ ਨਾਲ ਬਹੁਤ ਜ਼ਿਆਦਾ ਸੰਬੰਧਤ ਇਹ ਜਾਣਨਾ ਹੈ ਕਿ ਪਰਮੇਸ਼ੁਰ ਕਿਵੇਂ ਕਿਸੇ ਵਿਅਕਤੀ ਦੇ ਜੀਵਨ ਵਿੱਚ ਕੰਮ ਕਰ ਰਿਹਾ ਹੈ, ਉਨ੍ਹਾਂ ਨੂੰ ਕਿਸੇ ਤਰ੍ਹਾਂ ਦੇ ਬਣਨ ਜਾਂ ਕੁਝ ਕਰਨ ਦੇ ਯੋਗ ਬਣਾਉਂਦੇ ਹੋਏ।

ਉਦਾਹਰਣਾਂ:

• ਮੈਂ ਉਹ ਵੇਖਕੇ ਬਹੁਤ ਖੁਸ਼ ਹਾਂ ਜਿਵੇਂ ਪਰਮੇਸ਼ੁਰ ਤੁਹਾਨੂੰ ਉਨ੍ਹਾਂ ਜਵਾਨ ਲੋਕਾਂ ਦੇ ਜੀਵਨਾਂ ਵਿੱਚ ਇਸਤੇਮਾਲ ਕਰ ਰਿਹਾ ਹੈ ਜਿਨ੍ਹਾਂ ਨੂੰ ਤੁਸੀਂ ਸਿਖਾ ਰਹੇ ਹੋ। ਉਨ੍ਹਾਂ ਵਿੱਚੋਂ ਇੱਕ ਨੇ ਮੈਨੂੰ ਦੱਸਿਆ ਕਿ ਉਹ ਤੁਹਾਡੇ ਜੀਵਨ ਨੂੰ ਵੇਖਣ ਦੇ ਕਾਰਣ ਯਿਸੂ ਲਈ ਜੀਣਾ ਚਾਹੁੰਦੀ ਹੈ।”

• “ਮੈਨੂੰ ਵਿਸ਼ਵਾਸ ਹੈ ਕਿ ਪਰਮੇਸ਼ੁਰ ਤੁਹਾਡੀ ਉਸ ਚੁਣੌਤੀਪੂਰਣ ਕੰਮ ਵਿੱਚ ਮਦਦ ਕਰੇਗਾ ਜੋ ਤੁਹਾਨੂੰ ਦਿੱਤਾ ਗਿਆ ਹੈ। ਮੈਂ ਤੁਹਾਡੇ ਲਈ ਪ੍ਰਾਰਥਨਾ ਕਰਾਂਗਾ!”

ਕਿਸੇ ਵਿਅਕਤੀ ਦੀ ਮੌਜੂਦਗੀ ਅਤੇ ਰਿਸ਼ਤੇ ਦੇ ਲਈ ਅਨੰਦ ਅਤੇ ਧੰਨਵਾਦ ਦੇ ਪ੍ਰਗਟਾਵੇ ਪੁਸ਼ਟੀ ਦੇ ਸਭ ਤੋਂ ਜ਼ਿਆਦਾ ਦ੍ਰਿੜ੍ਹ ਸ਼ਬਦ ਹਨ। ਉਹ ਉਸ ਵਿਅਕਤੀ ਦੇ ਮਹੱਤਵ ਨੂੰ ਪਰਗਟ ਕਰਦੇ ਹਨ।

ਉਦਾਹਰਣਾਂ:

• “ਜਦੋਂ ਤੁਸੀਂ ਇੱਥੇ ਹੁੰਦੇ ਹੋ ਤਾਂ ਪਰਿਵਾਰਕ ਇਕੱਠ ਹਮੇਸ਼ਾ ਹੋਰ ਵੀ ਖਾਸ ਬਣ ਜਾਂਦੇ ਹਨ।”

• “ਮੈਨੂੰ ਤੁਹਾਡੇ ਨਾਲ ਰਹਿਣਾ ਪਸੰਦ ਹੈ।”

• “ਤੁਸੀਂ ਮੇਰੇ ਲਈ ਬੇਸ਼ਕੀਮਤੀ ਹੋ, ਅਤੇ ਮੈਂ ਤੁਹਾਨੂੰ ਪਿਆਰ ਕਰਦਾ ਹਾਂ!”

ਸ਼ਬਦਾਂ ਅਤੇ ਪੁਸ਼ਟੀ ਨਾਲ ਸੰਬੰਧਤ ਮਹੱਤਵਪੂਰਣ ਨੋਟਸ

1. ਇੱਕ ਵਿਅਕਤੀ ਦੇ ਸਰੀਰਕ ਗੁਣਾਂ ਦੀ ਕਦੇ ਵੀ ਅਲੋਚਨਾ ਨਾ ਕਰੋ ਜਾਂ ਕਦੇ ਵੀ ਮਖੌਲ ਨਾ ਉਡਾਓ। ਲੋਕਾਂ ਦੇ ਸਰੀਰਕ ਗੁਣਾਂ ਜੀਵਨ ਭਰ ਉਨ੍ਹਾਂ ਦੇ ਨਾਲ ਰਹਿੰਦੇ ਹਨ। ਕਦੇ ਵੀ ਕਿਸੇ ਨੂੰ ਉਸ ਦੇ ਸਰੀਰਕ ਗੁਣਾਂ ਦੇ ਅਨੁਸਾਰ ਛੋਟਾ ਨਾਮ ਨਾ ਦਿਓ, ਖਾਸ ਕਰਕੇ ਇੱਕ ਨੁਕਸ ਦੇ ਲਈ।

2. ਤਾਕਤਾਂ, ਗੁਣਾਂ, ਅਤੇ ਚੰਗੇ ਵਿਹਾਰ ਦੀ ਪੁਸ਼ਟੀ ਕਰਨਾ ਸੁਣਨ ਵਾਲੇ ਨੂੰ ਉਸ ਵਿੱਚ ਬਣੇ ਰਹਿਣ ਅਤੇ ਉੱਨਤੀ ਕਰਨ ਦੇ ਲਈ ਪ੍ਰੇਰਿਤ ਕਰਦਾ ਹੈ। ਗਲਤੀਆਂ ਕੱਢਣਾ ਘੱਟ ਹੀ ਮਦਦ ਕਰਦਾ ਹੈ।

3. ਇੱਕ ਸਲਾਹ ਦੇਣਾ ਅਸਿੱਧੇ ਤੌਰ ’ਤੇ ਸੁਣਨ ਵਾਲੇ ਵਿਚਲੇ ਨੁਕਸ ਨੂੰ ਦੱਸ ਸਕਦਾ ਹੈ। ਪੁਸ਼ਟੀ ਸਲਾਹ ਪ੍ਰਾਪਤ ਕਰਦੇ ਹੋਏ ਵਿਅਕਤੀ ਦੀ ਸੁਰੱਖਿਅਤ ਮਹਿਸੂਸ ਕਰਨ ਵਿੱਚ ਮਦਦ ਕਰ ਸਕਦੀ ਹੈ। ਜੇ ਤੁਹਾਨੂੰ ਕਿਸੇ ਨੂੰ ਸਲਾਹ ਦੇਣ ਦੀ ਲੋੜ ਹੈ, ਤਾਂ ਸਲਾਹ ਦੇ ਨਾਲ-ਨਾਲ ਦ੍ਰਿੜ੍ਹ ਪੁਸ਼ਟੀ ਵੀ ਦਿਓ।

4. ਸ਼ਕਾਇਤਾਂ ਦੇ ਰੂਪ ਵਿੱਚ ਦਿੱਤੇ ਗਏ ਸੁਝਾਅ ਪ੍ਰੇਰਿਤ ਨਹੀਂ ਕਰਦੇ ਹਨ। ਉਦਾਹਰਣ ਦੇ ਲਈ, ਇਹ ਆਖਣਾ ਕਿ ਇੱਕ ਕੰਮ ਪਹਿਲਾਂ ਹੀ ਹੋ ਜਾਣਾ ਚਾਹੀਦਾ ਸੀ, ਜਾਂ ਕਿਸੇ ਦੇ ਇਸ ਨੂੰ ਕਰਨ ਵਿੱਚ ਅਸਫ਼ਲ ਹੋਣ ’ਤੇ ਸ਼ਰਮਿੰਦਗੀ ਪਰਗਟ ਕਰਨਾ, ਮਦਦਗਾਰ ਨਹੀਂ ਹੁੰਦਾ ਹੈ। ਇਸ ਤਰ੍ਹਾਂ ਦੇ ਕਥਨ ਵਿਅਕਤੀ ਨੂੰ ਮਹਿਸੂਸ ਕਰਾਉਂਦੇ ਹਨ ਕਿ ਉਹ ਪਹਿਲਾਂ ਹੀ ਅਸਫ਼ਲ ਹੋ ਗਿਆ ਹੈ; ਜੇ ਉਹ ਕੰਮ ਦੇਰੀ ਨਾਲ ਕਰਦਾ ਹੈ, ਉਹ ਫਿਰ ਵੀ ਮਹਿਸੂਸ ਕਰੇਗਾ ਕਿ ਉਹ ਅਸਫ਼ਲ ਹੋਇਆ ਹੈ।

ਠੇਸ ਪਹੁੰਚਾਉਣ ਵਾਲੇ ਸ਼ਬਦ

ਜਿਹੜੇ ਵਿਅਕਤੀ ਨੂੰ ਸਭ ਤੋਂ ਜ਼ਿਆਦਾ ਪੁਸ਼ਟੀ ਦੇ ਸ਼ਬਦਾਂ ਦੀ ਲੋੜ ਹੁੰਦੀ ਹੈ ਉਹ ਇਸ ਤੋਂ ਉਲਟੇ ਸ਼ਬਦਾਂ ਦੇ ਨਾਲ ਸਭ ਤੋਂ ਜ਼ਿਆਦਾ ਦੁਖੀ ਹੁੰਦਾ ਹੈ। ਅਲੋਚਨਾ ਖਾਸ ਕਰਕੇ ਦਰਦਨਾਕ ਹੁੰਦੀ ਹੈ ਅਤੇ ਉਸ ਨੂੰ ਆਪਣੇ ਖੁਦ ਦੇ ਮਹੱਤਵ ਉੱਤੇ ਸ਼ੱਕ ਕਰਨ ਵੱਲ ਲੈ ਜਾਂਦੀ ਹੈ। ਰੁੱਖੇ, ਗੁੱਸੇ ਵਾਲੇ ਸ਼ਬਦ ਭਾਵਨਾਤਮਕ ਜਖਮ ਦਿੰਦੇ ਹਨ ਜਿਸ ਤੋਂ ਇੱਕ ਵਿਅਕਤੀ ਸ਼ਾਇਦ ਹੀ ਪੂਰੀ ਤਰ੍ਹਾਂ ਠੀਕ ਹੋ ਸਕੇ। ਇਹ ਖਾਸ ਕਰਕੇ ਉਦੋਂ ਸੱਚ ਹੁੰਦਾ ਹੈ ਜਦੋਂ ਬੋਲਣ ਵਾਲਾ ਉਸ ਦਰਦ ਨੂੰ ਨਹੀਂ ਸਮਝਦਾ ਜੋ ਉਸ ਦੇ ਸ਼ਬਦਾਂ ਨੇ ਦਿੱਤਾ ਹੈ ਅਤੇ ਕਦੇ ਵੀ ਮਾਫ਼ੀ ਨਹੀਂ ਮੰਗਦਾ।

ਜਿਵੇਂ ਕਿ ਪੁਸ਼ਟੀ ਦੇ ਸਭ ਤੋਂ ਦ੍ਰਿੜ੍ਹ ਸ਼ਬਦ ਵਿਅਕਤੀ ਦੇ ਮਹੱਤਵ ਨਾਲ ਸੰਬੰਧ ਰੱਖਦੇ ਹਨ, ਉਸੇ ਤਰ੍ਹਾਂ ਸਭ ਤੋਂ ਬੁਰੇ, ਅਤੇ ਦੁਖਦਾਇਕ ਕਥਨ ਇੱਕ ਨਿੱਜੀ ਹਮਲਾ ਹੁੰਦੇ ਹਨ। ਉਦਾਹਰਣ ਦੇ ਲਈ, “ਕਾਸ਼ ਮੈਂ ਤੁਹਾਨੂੰ ਕਦੇ ਮਿਲਿਆ ਹੀ ਨਾ ਹੁੰਦਾ।”

ਅਗਲੇ ਬੁਰੇ ਕਥਨ ਉਹ ਹਨ ਜੋ ਵਿਅਕਤੀ ਦੇ ਜ਼ਰੂਰੀ ਚਰਿੱਤਰ ਦੇ ਬਾਰੇ ਕੁਝ ਘੋਸ਼ਣਾ ਕਰਦੇ ਹਨ “ਤੁਸੀਂ_______ ਹੋ।” ਵਿਹਾਰ ਦੇ ਬਾਰੇ ਵਿਨਾਸ਼ਕਾਰੀ ਕਥਨ ਇਹ ਹਨ “ਤੁਸੀਂ ਹਮੇਸ਼ਾ ________” ਜਾਂ ਤੁਸੀਂ ਕਦੇ ਵੀ _________ ।” ਇਹ ਕਥਨ ਸਪਸ਼ਟ ਕਰਦੇ ਹਨ ਕਿ ਇੱਕ ਵਿਅਕਤੀ ਜ਼ਰੂਰੀ ਅਤੇ ਨਾ ਬਦਲਣ ਵਾਲਿਆਂ ਗਲਤੀਆਂ ਦੇ ਕਾਰਣ ਸੁਧਾਰ ਨਹੀਂ ਕਰ ਸਕਦਾ ਹੈ।

ਜੇ ਕੋਈ ਜਖਮੀ ਹੁੰਦਾ ਹੈ – ਖਾਸ ਕਰਕੇ ਜੇ ਕੋਈ ਪਿਆਰ ਦੀ ਪਾਣੀ ਮੁੱਖ ਭਾਸ਼ਾ ਦੇ ਵਿੱਚ ਜਖਮੀ ਹੁੰਦਾ ਹੈ – ਉਹ ਸੁਭਾਵਕ ਤੌਰ ’ਤੇ ਹੋਰ ਜਖਮ ਤੋਂ ਬਚਣ ਦੀ ਕੋਸ਼ਿਸ਼ ਕਰੇਗਾ। ਜਿਹੜੇ ਲੋਕ ਨਕਾਰਾਤਮਕ ਸ਼ਬਦਾਂ ਦਾ ਇਸਤੇਮਾਲ ਕਰਦੇ ਹਨ ਉਹ ਆਮ ਤੌਰ ’ਤੇ ਸਕਾਰਾਤਮਕ ਸ਼ਬਦ ਵਰਤਣ ਲਈ ਉਦਾਰ ਨਹੀਂ ਹੁੰਦੇ ਹਨ, ਇਸ ਲਈ ਸੁਣਨ ਵਾਲੇ ਨੂੰ ਇਸ ਦੀ ਘੱਟ ਹੀ ਉਮੀਦ ਹੁੰਦੀ ਹੈ ਕਿ ਉਹ ਆਪਣੇ ਵਿਹਾਰ ਨੂੰ ਸੁਧਾਰਨ ਦੁਆਰਾ ਬਿਹਤਰ ਵਿਹਾਰ ਹਾਸਲ ਕਰ ਸਕਦਾ ਹੈ। ਉਹ ਆਪਣੇ ਵਿਹਾਰ ਵਿੱਚ ਸੁਧਾਰ ਕਰਨ ਲਈ ਪ੍ਰੇਰਿਤ ਨਹੀਂ ਹੋਵੇਗਾ ਤਾਂ ਕਿ ਉਹ ਪਿਆਰ ਨੂੰ ਹਾਸਲ ਕਰ ਸਕੇ।

ਕਈ ਵਾਰ ਜਿਹੜੇ ਲੋਕ ਗੁੱਸੇ ਵਿੱਚ ਹੁੰਦੇ ਹਨ ਉਹ ਦੁੱਖ ਦੇਣ ਵਾਲੀਆਂ ਗੱਲਾਂ ਆਖਦੇ ਹਨ ਕਿਉਂਕਿ ਉਹ ਕਿਸੇ ਨੂੰ ਦੁਖੀ ਕਰਨਾ ਚਾਹੁੰਦੇ ਹਨ। ਕਈ ਵਾਰ, ਬੋਲਣ ਵਾਲੇ ਦੇ ਇਰਾਦੇ ਨੇਕ ਹੁੰਦੇ ਹਨ, ਪਰ ਫਿਰ ਵੀ ਉਸ ਦੇ ਸ਼ਬਦ ਦੁੱਖ ਦੇਣ ਵਾਲੇ ਹੁੰਦੇ ਹਨ। ਕਈ ਵਾਰ ਲੋਕ ਕਿਸੇ ਨੂੰ ਬਿਹਤਰ ਰਵੱਈਆ ਅਪਣਾਉਣ ਲਈ ਮਜ਼ਬੂਰ ਕਰਨ ਵਾਸਤੇ ਨਕਾਰਾਤਮਕ ਸ਼ਬਦਾਂ ਦਾ ਇਸਤੇਮਾਲ ਕਰਦੇ ਹਨ, ਪਰ ਇਹ ਕਦੇ ਵੀ ਕੰਮ ਨਹੀਂ ਕਰਦਾ ਹੈ।

► ਇੱਕ ਵਿਦਿਆਰਥੀ ਨੂੰ ਸਮੂਹ ਲਈ ਕੁਲੁੱਸੀਆਂ 3:8 ਨੂੰ ਪੜ੍ਹਨਾ ਚਾਹੀਦਾ ਹੈ। ਵਿਸ਼ਵਾਸੀਆਂ ਨੂੰ ਇਨ੍ਹਾਂ ਤਰੀਕਿਆਂ ਨਾਲ ਪਰਮੇਸ਼ੁਰ ਦੇ ਵਿਰੋਧ ਵਿੱਚ ਅਤੇ ਦੂਸਰਿਆਂ ਦੇ ਵਿਰੋਧ ਵਿੱਚ ਪਾਪਾ ਕਰਨਾ ਜਾਰੀ ਨਹੀਂ ਰੱਖਣਾ ਚਾਹੀਦਾ।

► ਆਪਣੇ ਖੁਦ ਦੇ ਸ਼ਬਦਾਂ ਵਿੱਚ, ਸੱਚੇ ਪਿਆਰ ਦਾ ਵਰਣਨ ਕਰੋ। ਕਿਉਂ ਪਵਿੱਤਰ ਆਤਮਾ ਸਾਡੀ ਦੂਸਰਿਆਂ ਨੂੰ ਉਸ ਤਰ੍ਹਾਂ ਪਿਆਰ ਕਰਨ ਦੇ ਯੋਗ ਬਣਨ ਵਿੱਚ ਮਦਦ ਕਰੇ ਜਿਵੇਂ ਸਾਨੂੰ ਪਿਆਰ ਕਰਨਾ ਚਾਹੀਦਾ ਹੈ?

► ਵਿਆਖਿਆ ਕਰੋ ਕਿ ਕਿਸੇ ਨੂੰ ਬਿਨਾਂ ਸ਼ਰਤ ਦੇ ਪਿਆਰ ਕਰਨ ਦਾ ਕੀ ਅਰਥ ਹੈ। ਤੁਹਾਡੇ ਲਈ ਪਰਮੇਸ਼ੁਰ ਦੇ ਬਿਨਾਂ ਸ਼ਰਤ ਦੇ ਪਿਆਰ ਦਾ ਕੀ ਮਹੱਤਵ ਹੈ?

► ਤੁਹਾਡੇ ਲਈ ਇਹ ਖਾਸ ਮਹੱਤਵਪੂਰਣ ਕਿਉਂ ਹੈ ਕਿ ਤੁਸੀਂ ਆਪਣੇ ਜੀਵਨ ਸਾਥੀ ਜਾਂ ਬੱਚੇ ਲਈ ਪਿਆਰ ਨੂੰ ਉਨ੍ਹਾਂ ਦੀ ਪਿਆਰ ਦੀ ਆਪਣੀ ਮੁੱਖ ਭਾਸ਼ਾ ਵਿੱਚ ਪਰਗਟ ਕਰੋ?

► ਪੁਸ਼ਟੀ ਦੇ ਸ਼ਬਦਾਂ ਨੂੰ ਪ੍ਰਾਪਤ ਕਰਨਾ ਤੁਹਾਡੇ ਲਈ ਮਦਦਗਾਰ ਕਿਵੇਂ ਰਿਹਾ ਹੈ?

► ਇਸ ਹਫਤੇ ਪੁਸ਼ਟੀ ਦੇ ਸ਼ਬਦਾਂ ਨਾਲ ਤੁਸੀਂ ਆਪਣੇ ਪਰਿਵਾਰ ਦੇ ਮੈਂਬਰਾਂ ਲਈ ਆਪਣੇ ਪਿਆਰ ਨੂੰ ਕਿਵੇਂ ਵਿਖਾਇਆ ਹੈ?

ਸਵਰਗੀ ਪਿਤਾ,

ਮੈਨੂੰ ਸੱਚੇ, ਬਿਨਾਂ ਸ਼ਰਤ ਦੇ ਪਿਆਰ ਸਿਖਾਉਣ ਲਈ ਤੇਰਾ ਧੰਨਵਾਦ। ਇਸ ਦਾ ਆਪਣੇ ਖੁਦ ਦੇ ਸ਼ਬਦਾਂ ਵਿੱਚ ਵਰਣਨ ਕਰਨ ਲਈ ਤੇਰਾ ਧੰਨਵਾਦ ਅਤੇ ਮੇਰੇ ਲਈ ਤੇਰੇ ਪਿਆਰ ਦੁਆਰਾ ਇਸ ਨੂੰ ਵਿਖਾਉਣ ਲਈ ਤੇਰਾ ਧੰਨਵਾਦ।

ਮੇਰੀ ਮਦਦ ਕਰ ਕਿ ਮੈਂ ਉਸ ਤਰ੍ਹਾਂ ਆਪਣੇ ਪਰਿਵਾਰ ਨੂੰ ਪਿਆਰ ਕਰਾਂ ਅਤੇ ਉਨ੍ਹਾਂ ਦੀ ਸੇਵਾ ਕਰਾਂ ਜਿਵੇਂ ਮਸੀਹ ਨੇ ਮੈਨੂੰ ਪਿਆਰ ਕੀਤਾ ਹੈ ਅਤੇ ਮੇਰੀ ਸੇਵਾ ਕੀਤੀ ਹੈ। ਮੈਨੂੰ ਇਸ ਯੋਗ ਬਣਾ ਕਿ ਮੈਂ ਆਪਣੇ ਜੀਵਨ ਸਾਥੀ, ਬੱਚਿਆਂ, ਭੈਣ-ਭਰਾਵਾਂ, ਅਤੇ ਮਾਪਿਆਂ ਦੇ ਭਲੇ ਉੱਤੇ ਧਿਆਨ ਦੇਵਾਂ।

ਮੈਨੂੰ ਉਨ੍ਹਾਂ ਸ਼ਬਦਾਂ ਦੇ ਮਹੱਤਵ ਬਾਰੇ ਯਾਦ ਕਰਾਉਣ ਲਈ ਤੇਰਾ ਧੰਨਵਾਦ, ਜੋ ਸ਼ਬਦ ਮੈਂ ਬੋਲਦਾ ਹਾਂ। ਮੈਨੂੰ ਉਨ੍ਹਾਂ ਸ਼ਬਦਾਂ ਦੇ ਲਈ ਮਾਫ਼ੀ ਮੰਗਦਾ ਹਾਂ ਜੋ ਮੈਂ ਆਖੇ ਸਨ ਜੋ ਦੂਸਰਿਆਂ ਨੂੰ ਠੇਸ ਦੇਣ ਵਾਲੇ ਸਨ ਅਤੇ ਤੇਰਾ ਨਿਰਾਦਰ ਕਰਨ ਵਾਲੇ ਸਨ। ਮੇਰੀ ਇਹ ਯਾਦ ਰੱਖਣ ਵਿੱਚ ਮਦਦ ਕਰ ਕਿ ਮੇਰੇ ਸ਼ਬਦ ਪੁਸ਼ਟੀ ਕਰਨ ਵਾਲੇ, ਉਸਾਰੀ ਕਰਨ ਵਾਲੇ, ਅਤੇ ਚੰਗਾਈ ਦੇਣ ਵਾਲੇ ਹੋਣੇ ਚਾਹੀਦੇ ਹਨ।

ਆਮੀਨ

(1) ਇੱਕ ਜੋੜੇ ਨਾਲ ਗੱਲ ਕਰੋ ਜਿਨ੍ਹਾਂ ਦਾ ਵਿਆਹੁਤਾ ਰਿਸ਼ਤਾ ਮਜ਼ਬੂਤ ਹੈ, ਉਨ੍ਹਾਂ ਦੇ ਜੀਵਨਾਂ ਤੋਂ ਸਿੱਖਣ ਲਈ ਸਵਾਲ ਪੁੱਛਦੇ ਹੋਏ। ਜਦੋਂ ਤੁਸੀਂ ਗੱਲਬਾਤ ਨੂੰ ਖਤਮ ਕਰ ਲੈਂਦੇ ਹੋ, ਤਾਂ ਉਨ੍ਹਾਂ ਸਿੱਖਿਆਵਾਂ ਬਾਰੇ ਅਤੇ ਜੋ ਕੁਝ ਤੁਸੀਂ ਆਪਣੇ ਵਿਆਹੁਤਾ ਰਿਸ਼ਤੇ ਵਿੱਚ ਲਾਗੂ ਕਰਨਾ ਚਾਹੁੰਦੇ ਹੋ ਉਸ ਬਾਰੇ ਦੋ ਪੈਰੇ ਲਿਖੋ।

ਇੱਥੇ ਸਵਾਲ ਪੁੱਛਣ ਦੇ ਲਈ ਕੁਝ ਸੁਝਾਅ ਦਿੱਤੇ ਗਏ ਹਨ:

• ਤੁਹਾਡੀਆਂ ਸਖਸ਼ੀਅਤਾਂ ਵਿਚਲੀਆਂ ਕਿਹੜੀਆਂ ਕੁਝ ਭਿੰਨਤਾਵਾਂ ਹਨ ਜਿਨ੍ਹਾਂ ਨੇ ਤੁਹਾਡੇ ਰਿਸ਼ਤੇ ਨੂੰ ਪ੍ਰਭਾਵਿਤ ਕੀਤਾ ਹੈ?

• ਇਨ੍ਹਾਂ ਭਿੰਨਤਾਵਾਂ ਦੇ ਕਾਰਣ ਤੁਹਾਡੇ ਵਿੱਚੋਂ ਹਰੇਕ ਕਿਵੇਂ ਵਧਿਆ ਹੈ?

• ਇੱਕ ਦੂਸਰੇ ਦਾ ਆਦਰ ਕਰਨ ਅਤੇ ਇੱਕ ਦੂਸਰੇ ਦੀ ਸੇਵਾ ਕਰਨ ਲਈ ਤੁਹਾਨੂੰ ਆਪਣੀਆਂ ਉਮੀਦਾਂ, ਨਜ਼ਰੀਏ, ਅਤੇ ਵਿਹਾਰ ਦੇ ਵਿੱਚ ਕੀ ਬਦਲਾਅ ਕਰਨੇ ਪਏ?

• ਕਿਹੜੇ ਕੁਝ ਵਿਹਾਰਕ ਢੰਗ ਹਨ ਜਿਨ੍ਹਾਂ ਦੁਆਰਾ ਤੁਸੀਂ ਇੱਕ ਦੂਸਰੇ ਲਈ ਆਪਣੇ ਪਿਆਰ ਨੂੰ ਵਿਖਾਉਂਦੇ ਹੋ?

• ਤੁਹਾਡਾ ਜੀਵਨ ਸਾਥੀ ਉਹ ਕਿਵੇਂ ਕਰਦਾ ਜਾਂ ਆਖਦਾ ਹੈ ਜੋ ਤੁਹਾਨੂੰ ਪਿਆਰੇ ਮਹਿਸੂਸ ਕਰਨ ਵਿੱਚ ਮਦਦ ਕਰਦਾ ਹੈ?

• ਤੁਹਾਡੇ ਜੀਵਨ ਸਾਥੀ ਨਾਲ ਤੁਹਾਡੇ ਰਿਸ਼ਤੇ ਨੇ ਪਰਮੇਸ਼ੁਰ ਨਾਲ ਤੁਹਾਡੇ ਰਿਸ਼ਤੇ ਨੂੰ ਕਿਵੇਂ ਪ੍ਰਭਾਵਿਤ ਕੀਤਾ ਹੈ?

(2) ਕਹਾਉਤਾਂ 31:10-31 ਵਿੱਚ, ਲੇਖਕ ਆਪਣੀ ਪਤਨੀ ਦੇ ਲਈ ਬਹੁਤ ਸਾਰੇ ਪੁਸ਼ਟੀ ਦੇ ਸ਼ਬਦਾਂ ਨੂੰ ਸ਼ਾਮਲ ਕਰਦਾ ਹੈ। ਉਸ ਦੇ ਵਿਹਾਰ ਅਤੇ ਉਸ ਦੇ ਸ਼ਬਦਾਂ ਬਾਰੇ ਵੇਰਵੇ ਸਾਨੂੰ ਉਸ ਦੇ ਚਰਿੱਤਰ ਬਾਰੇ ਦੱਸਦੇ ਹਨ। ਕਿਸ ਪ੍ਰਕਾਰ ਦੀਆਂ ਚੀਜ਼ਾਂ ਦੇ ਲਈ ਉਹ ਆਪਣੀ ਪਤਨੀ ਲਈ ਪੁਸ਼ਟੀ ਦਿੰਦਾ ਹੈ? ਇਨ੍ਹਾਂ ਚੀਜ਼ਾਂ ਦੇ ਲਈ ਵਚਨ ਦੇ ਇਸ ਭਾਗ ਨੂੰ ਵੇਖੋ:

• ਉਸ ਦੀ ਦਿੱਖ

• ਉਸ ਦੀਆਂ ਪ੍ਰਾਪਤੀਆਂ ਅਤੇ ਉਸ ਦੀ ਸੇਵਾ

• ਉਸ ਦਾ ਚਰਿੱਤਰ ਅਤੇ ਉਸ ਦੀ ਮਿਹਨਤ

• ਇੱਕ ਵਿਅਕਤੀ ਦੇ ਰੂਪ ਵਿੱਚ ਉਹ ਕੌਣ ਹੈ

• ਇੱਕ ਵਿਸ਼ਵਾਸੀ ਦੇ ਰੂਪ ਵਿੱਚ ਉਹ ਕੌਣ ਹੈ

ਜਿਸ ਗੱਲ ਉੱਤੇ ਇਸ ਭਾਗ ਵਿੱਚ ਜ਼ੋਰ ਦਿੱਤਾ ਗਿਆ ਹੈ ਉਸ ਤੋਂ ਅਸੀਂ ਕੀ ਸਿੱਖ ਸਕਦੇ ਹਾਂ?