Maono ya SGC ni kutayarisha mwili wa Kristo kwa kufanya mafunzo ya huduma ya wenyeji kuwepo ulimwenguni kote.

Kampuni moja ya taksi iitwayo Uber husafirisha abiria wapatao milionio 5.5 kila siku. Hili linahitaji nguvu kazi kubwa ya madreva wenye magari. Uber hainunui maelfu ya magari; badala yake, wanakodisha madreva wenyeji kutumia magari yao wenyewe kubeba abiria wa Ubar. Wanatatua tatizo la kazi kwa kufanya biashara hiyo. Hivyo hivyo SGC inafanya mafunzo kupatikana kila mahali kwa kuwatayarisha waalimu wenye uwezo ambao tayari wapo mahali pale. Mungu amewapa waamini karama, uwezo na hamu ya kufundisha.

SGC haihusiani na dhehebu fulani. Tunaamini katika itikadi ya Utatu wa kihistoria kama inavyoelezwa katika kanuni ya imani ya Nisea, Kalsedonia na Athanasia. Tunaheshimu kuwa Biblia ina mamlaka yote. Tunafuata itikadi ya kievangeliko ya neema, imani, na wokovu. Tunaamini kwamba kazi ya neema ya Mungu kwa mwamini humfanya kuwa na moyo mtakatifu na kuishi maisha ya ushindi.

Walimu watarajiwa walioko kati ya wenyeji wanahitaji mtaala maalumu ambao utawatayarisha kutoa huduma ya mafunzo. Mtaala wa SGC umetayarishwa kipekee:

• Unagusa kikamilifu itikadi ya ki-evangelical katika masomo 20

• Umetayarishwa na wakufunzi mahiri, wenye uzoefu, na wenye uelewa wa tamaduni tofauti.

• Unafaa kwa kila tamaduni.

• Umeandikwa kwa lugha rahisi na unaeleweka.

• Unakazia ukweli wa kiinjili bila kuonyesha tofauti ya kimadhehebu.

• Ni wa kivitendo na unafaa katika maisha na huduma

• Unaweza kubadilika kulingana na mazingira na aina tofauti za makundi.

• Unapatikana katika lugha nyingi.

• Unatumia vipawa ambavyo Mungu ameviweka katika kanisa la wenyeji.

• Unatayarisha viongozi kuwa wakufunzi ambao wana imarisha mafunzo katika kanisa la wenyeji.

• Unatayarisha kwa haraka washiriki kufunza wengine.

• Umetayarishwa kujifunzia katika kundi lakini pia unafaa kujifunza kwa mtu binafsi.

• Unapatikana bure katika muundo wa nakala laini.

• Hauhitaji vitabu vingine vya rejea.

Waandishi wa masomo wamepata mafunzo katika elimu ya juu, wana uzoefu katika mafunzo, na kufanya huduma kati ya tamaduni tofauti.

Masomo ya SGC yana mambo ya msingi kuhusu mafunzo ya kufanya huduma. Yanafaa kwa kufundishia makundi mbalimbali, kama vile darasa la wachungaji au kundi la kujifunzia Biblia nyumbani.

Masomo yamepangiliwa ili kuharakisha utayarishaji walimu wenyeji kuendesha mafunzo. Mtu mwenye ukomavu wa kiroho, maarifa ya Biblia, na karama ya kufundisha anaweza kufundisha masomo haya hata kama hajawahi kupata mafunzo mengine.

Masomo yamepangiliwa kuwa rahisi kufundisha, yakiwa na maswali ya mjadala na mazoezi. Kuana sehemu ambazo washiriki wanaweza kufanya mazoezi ya kufundisha kwa vitendo. Urefu wa kila somo ni kurasa 160, zilizogawanywa katika masomo 7-19.

Mtaala wa SGC ni kasha la vitendea kazi vya thamani kwa ajili ya kutimiza umisheni wa kanisa.

Angalizo: Ni bora washiriki wawe na maarifa ya Biblia na ukomavu wa kiroho. Masomo haya hayakupangiliwa kwa ajili ya kufanya waamini wapya kuwa wafuasi. Tunapendekeza kutumia Cultivate Discipleship Lessons (ambayo pia yanapatikana kutoka SGC) kwa ajili ya wafuasi.

Washirika wenye mashirika ya umisheni/huduma za kitaifa Pamoja na Shepherds Global Classroom watahakikisha kuwa mafunzo ya wenyeji yanapatikana. Kila shirika la kimisheni/huduma za kitaifa zitatumikia makanisa kwa kuwasaidia kuanzisha taaasisi za wenyeji.

Orodha ifuatayo inaelezea majukumu na wajibu wa

1. Shepherds Global Classroom

2. Shirika la kimisheni/huduma kitaifa, na

3. Taasisi ya wenyeji

Wanaposhirikiana kwa mafunzo ya Huduma za kikristo.

Jukumu la Shepherds Global Classroom

• Kutoa masomo 20 ya huduma ya mafunzo.

• Kuhakikisha kuwa masomo ya kupakua katika tovuti ya SGC yanapatikana.

• Kutoa apps zenye masomo, video, na vifaa vya kufundishia.

• Kusimamia kutafsiri masomo katika lugha mbalimbali.

• Kutoa semina ya walimu wa mafunzo na kutuma wakufunzi kwenye matukio ya kikanda.

• Kutoa vyeti kwa wahitimu.

Jukumu la Shirika la Misheni/Huduma ya kitaifa

• Kutoa fursa kwa makanisa kuendesha taasisi za wenyeji.

• Kuwajulisha watu kuhusu mafunzo ya SGC na fundisha walimu wa taasisi za wenyeji.

• Washirika na SGC kutoa matukio ya mafunzo ya kikanda.

• Kupanga kuchapa na kusambaza masomo.

• Kushauri kutumia tovuti ya SGC na app za vifaa vya mafunzo.

• Kuwasiliana na walimu mara kwa mara ili kutoa ushauri na vifaa vipya.

• Kuhakiki masomo yaliyosomwa tayari kwa minajili ya kutoa vyeti.

Majukumu ya Taasisi ya wenyeji

• Kutoa mahali pa madarasa kukutania.

• Kuchagua walimu wenyeji na kuwapa msaada kama itahitajika.

• Kuandikisha na kufunza washiriki.

• Kulipia gharama za uchapishaji wa masomo.

• Kupanga ratiba na kuendesha mafunzo.

Sura ya 8 inaelezea kwa kina uhusiano kati ya shirika la kimisheni/huduma ya kitaifa na taasisi ya wenyeji.