ਇਨ੍ਹਾਂ ਸੰਸਾਧਨਾਂ ਵਿੱਚੋਂ ਕਿਸੇ ਦੀ ਵੀ ਚੰਗੀ ਤਰ੍ਹਾਂ ਵਰਤੋਂ ਕਰਨ ਲਈ, ਹਰੇਕ ਸਵਾਲ ਲਈ ਦਿੱਤੇ ਗਏ ਜਵਾਬਾਂ ਨੂੰ ਓਵੇਂ ਹੀ ਯਾਦ ਕਰਨਾ ਚਾਹੀਦਾ ਹੈ ਜਿਵੇਂ ਉਹ ਲਿਖੇ ਹੋਏ ਹਨ। ਜਵਾਬ ਨੂੰ ਸੰਖੇਪ ਨਹੀਂ ਕਰਨਾ ਚਾਹੀਦਾ ਜਾਂ ਇਨ੍ਹਾਂ ਦਾ ਕੇਵਲ ਸਾਰ ਨਹੀਂ ਦੱਸਣਾ ਚਾਹੀਦਾ। ਇਸ ਦੇ ਬਜਾਏ, ਬਿਲਕੁਲ ਓਹੀ ਸ਼ਬਦਾਂ ਨੂੰ ਯਾਦ ਕੀਤਾ ਜਾਵੇ। ਬਿਲਕੁਲ ਓਹੀ ਸ਼ਬਦਾਂ ਨੂੰ ਯਾਦ ਕਰਨਾ ਲੰਬਾ ਸਮਾਂ ਯਾਦ ਰੱਖਣ ਵਿੱਚ ਮਦਦ ਕਰੇਗਾ ਅਤੇ ਵਿਦਿਆਰਥੀਆਂ ਦੀ ਦਰੁਸਤ ਰਹਿਣਾ ਸਿੱਖਣ ਵਿੱਚ ਮਦਦ ਕਰੇਗਾ।
ਇਸ ਪੁਸਤਕ ਵਿਚਲੇ ਸਵਾਲਾਂ ਅਤੇ ਜਵਾਬਾਂ ਦੀ ਸਮੀਖਿਆ ਕਰਨ ਲਈ ਹਰ ਦਿਨ 10 ਮਿੰਟ ਦਾ ਸਮਾਂ ਤੈਅ ਕਰੋ। ਕਈ ਪਰਿਵਾਰ ਇਹ ਭੋਜਨ ਦੇ ਸਮੇਂ ਕਰਦੇ ਹਨ, ਜਦੋਂ ਸਾਰੇ ਮੌਜੂਦ ਹੁੰਦੇ ਹਨ, ਉਨ੍ਹਾਂ ਲਈ ਅਧਿਐਨ ਕਰਨ ਦਾ ਇਹ ਸਮਾਂ ਸਭ ਤੋਂ ਉੱਤਮ ਹੁੰਦਾ ਹੈ।
ਜਿਹੜਾ ਵਿਅਕਤੀ ਸਿਖਾਉਣ ਦੇ ਸਮੇਂ ਦੀ ਅਗਵਾਈ ਕਰ ਰਿਹਾ ਹੈ ਕੇਵਲ ਉਸ ਦੇ ਹੱਥ ਵਿੱਚ ਹੀ ਇਹ ਪੁਸਤਕ ਹੋਵੇ। ਆਗੂ ਨੂੰ ਚਾਹੀਦਾ ਹੈ ਕਿ ਉਹ ਸਵਾਲ ਬੋਲੇ ਅਤੇ ਫਿਰ ਜਵਾਬ ਬੋਲੇ ਅਤੇ ਦੂਸਰੇ ਸੁਣਨ, ਫਿਰ ਉਹ ਇਸ ਨੂੰ ਮਿਲਕੇ ਬੋਲਣ।
ਸਵਾਲ ਅਤੇ ਜਵਾਬ ਨੂੰ ਦੁਬਾਰਾ ਪੜ੍ਹੋ, ਛੋਟੇ ਬੱਚਿਆਂ ਨੂੰ ਪਿੱਛੇ-ਪਿੱਛੇ ਬੋਲਣ ਦਿਓ। ਬਾਲਗ ਨੂੰ ਸਵਾਲ ਨੂੰ ਦੁਹਰਾਉਂਦੇ ਰਹਿਣਾ ਚਾਹੀਦਾ ਹੈ। ਹੌਲੀ-ਹੌਲੀ (ਕੁਝ ਦਿਨਾਂ ਦੇ ਸਮੇਂ ਵਿੱਚ) ਬਾਲਗ ਨੂੰ ਜਵਾਬ ਦੱਸਣਾ ਬੰਦ ਕਰ ਦੇਣਾ ਚਾਹੀਦਾ ਹੈ ਕਿਉਂਕਿ ਬੱਚਾ ਸ਼ਬਦਾਂ ਨੂੰ ਯਾਦ ਕਰਦਾ ਹੈ ਅਤੇ ਬਿਨਾਂ ਕਿਸੇ ਮਦਦ ਦੇ ਆਪ ਬੋਲ ਸਕਦਾ ਹੈ। ਬਾਲਗ ਪੁੱਛਦਾ ਹੈ, ਬੱਚਾ ਜਵਾਬ ਦਿੰਦਾ ਹੈ – ਸਵਾਲ-ਅਤੇ-ਜਵਾਬ ਦੁਆਰਾ ਸਿੱਖਣ ਦਾ ਸਾਰ ਹੈ।
ਸਾਧਨ 2 ਲਈ ਵਧੇਰੇ ਹਿਦਾਇਤਾਂ
ਜਦੋਂ ਹਰੇਕ ਨੇ ਜਵਾਬ ਨੂੰ ਲੱਗਭਗ ਯਾਦ ਕਰ ਲਿਆ ਹੈ ਤਦ ਹਰੇਕ ਨਵੇਂ ਸਵਾਲ ਨੂੰ ਜੋੜੋ।
ਸੂਚੀ ਦੇ ਵਿੱਚ ਅੱਗੇ ਵਧਦੇ ਜਾਓ, ਹਮੇਸ਼ਾ ਸਮੀਖਿਆ ਕਰਦੇ ਰਹੀ, ਸਮੀਖਿਆ ਕਰੋ, ਅਤੇ ਜਦੋਂ ਪਿਛਲੇ ਸਵਾਲ ਅਤੇ ਜਵਾਬ ਨੂੰ ਯਾਦ ਕਰ ਲਿਆ ਹੈ ਤਦ ਹੌਲੀ-ਹੌਲੀ ਹੋਰ ਸਵਾਲਾਂ ਨੂੰ ਜੋੜਦੇ ਜਾਓ।
ਜਦੋਂ ਸਵਾਲਾਂ ਦੇ ਇੱਕ ਪੂਰੇ ਭਾਗ ਨੂੰ ਇਕੱਠੇ ਬੋਲਿਆ ਜਾ ਸਕਦਾ ਹੈ, ਤਾਂ ਸਵਾਲਾਂ ਨੂੰ ਲੰਬੇ ਸਮੇਂ ਲਈ ਯਾਦ ਰੱਖਣ ਵਾਸਤੇ ਹਫਤੇ ਵਿੱਚ ਇੱਕ ਵਾਰ ਪੂਰੇ ਭਾਗ ਨੂੰ ਦੁਹਰਾਓ।
ਹੌਲੀ-ਹੌਲੀ ਨਵੀਆਂ ਚੀਜ਼ਾਂ ਨੂੰ ਜੋੜਦੇ ਜਾਓ ਅਤੇ ਦੁਹਰਾਉਣਾ ਜਾਰੀ ਰੱਖੋ – ਇਹ ਤਰੀਕੇ ਉਨ੍ਹਾਂ ਵਿਦਿਆਰਥੀਆਂ ਦੇ ਵਿਚਕਾਰ ਅਦਭੁਤ ਨਤੀਜੇ ਪੈਦਾ ਕਰਨਗੇ ਜੋ ਇੱਕ ਪਸੰਦੀਦਾ ਸਿੱਖਿਅਕ, ਦੋਸਤ, ਜਾਂ ਪਿਤਾ/ਮਾਤਾ ਦੀ ਅਗਵਾਈ ਦਾ ਅਨੁਸਰਣ ਕਰਨ ਵਿੱਚ ਥੋੜ੍ਹਾ ਸਮਾਂ ਹੀ ਬਿਤਾਉਂਦੇ ਹਨ। ਸਿੱਖਿਆ ਦੇ ਸ਼ੈਸ਼ਨ ਨੂੰ ਮਜ਼ੇਦਾਰ ਬਣਾਓ ਅਤੇ ਵਿਦਿਆਰਥੀ ਦੀ ਸਫ਼ਲਤਾ ਦਾ ਜਸ਼ਨ ਮਨਾਓ।
ਤੁਸੀਂ ਰੋਜ਼ਾਨ ਦੀ ਪਰਿਵਾਰਕ ਅਰਾਧਨਾ ਦੇ ਇੱਕ ਹਿੱਸੇ ਵਜੋਂ ਸਵਾਲਾਂ ਅਤੇ ਜਵਾਬਾਂ ਨੂੰ ਇਸ ਵਿੱਚ ਜੋੜ ਸਕਦੇ ਹੋ। ਤੁਸੀਂ ਉਨ੍ਹਾਂ ਦੀ ਵਰਤੋਂ ਬੱਚਿਆਂ ਦੀ ਕਲੀਸਿਯਾ ਸਭਾਵਾਂ ਵਿੱਚ ਕਰ ਸਕਦੇ ਹੋ, ਬੱਚਿਆਂ ਦੇ ਸਮੂਹਾਂ ਵਿੱਚ ਮੁਕਾਬਲਾ ਕਰਾਉਂਦੇ ਹੋਏ। ਤੁਸੀਂ ਵਿਦਿਆਰਥੀਆਂ ਦੀ ਸਮਝਣ ਵਿੱਚ ਮਦਦ ਕਰਨ ਲਈ ਹੋਰ ਵਿਆਖਿਆਵਾਂ ਅਤੇ ਉਦਾਹਰਣਾਂ ਨੂੰ ਵਿਕਸਤ ਕਰ ਸਕਦੇ ਹੋ।
