Жаңы Келишим дүйнөсү

Бул сабак Жаңы Келишимдеги 27 китептин негизги окутууларын жана мазмунун карайт.

(1) Көбүнчө сабактар сабак учурунда изилденүүчү китеп же китептерди окуу тапшырмасынан башталат; тапшырманы алдын ала кылуу керек. Ар бир сабактын аягында студенттерге кийинки сабактын материалын окуп келүү жөнүндө эскертүү берүү керек. Ошентип окугандар изилденип жаткан китептин негизги мазмунун алдын ала билип келишет.

(2) Ар бир сабак Ыйык Жазуудан аят жаттоо тапшырмасынан башталат. Үзүндү изилденип жаткан китептин негизги аяттарынан турат.

(3) Изилдөөнүн убагында силер мезгил-мезгили менен топто изилденип жаткан суроолорду талкуулоо үчүн токтоп, окуу материалын кезектешип окусаңар болот. Окутуучу катары, сиз студенттердин темадан алыстап кетпөөсүнө жоопкерчиликтүүсүз. Талкуулоо убагында убакытты чектеп коюу пайдалуу болот.

(4) Тексттен ► белгисин жолуктурганыңарда, суроо бериңиз жана студенттерге жоопторду талкуулоого мүмкүнчүлүк бериңиз.

(5) Көбүнчө шилтемелер Ыйык Жазууга тиешелүү: аларды топтогу студенттердин бирөөсүнөн ачып окуп берүүнү сураныңыз.

(6) Ар бир сабакта тапшырма болот. Топ менен талкуулоо болгон учурда кийинки сабактын башталышына убакыт бөлүү керек.

(7) Сабактардын текшерүүчү суроолору бар. Ар бир сабактын аягында окутуучу студенттер менен текшерүүчү суроолорду карап чыкса болот. Кийинки сабактын башталышы ушул кыскача текшерүүчү суроолор менен башталышы керек; текшерүүчү суроолорго жооп берүүнү оозеки жана жазуу түрүндө өткөрсө болот.