► Ыйсанын шакирти болуу деген эмнени билдирет?

Кээ бир адамдар негизи эле жакшы адамдардын баарын машайакчы деп ойлошот; башкалары машайакчы деген кайсы бир нерселерге ишенүүнү билдирет деп ойлошот. Адамдардын мындай түшүнүгү алардын жашоосуна көп деле таасир тийгизбейт.

Адамдардын кайсы бир бөлүгү чындыкка жакын. Алар адам машайакчыга айланган Кудайга кайрылуу учуру болорун жана адам кечирилгенине ишенгенде ушундай болорун билишет. Көпчүлүк адамдар чындап Кудайга кайрылгандар, кайрылгандан кийин эмне кылбасын бейишке баруу кепилдигине ээ деп эсептешет.

Ырас, адам Кудайга чын жүрөктөн кайрылыш керек. Кечирим ырайымдын негизинде ишенимге жооп катары берилери чын. Машайакчы Кудайга баш ийип жашаары чын, бирок булардын бардыгы адам Ыйсанын шакирти болуп калганын билдирбейт.

Биз ишеним машайакчы болуп калуу үчүн жалгыз талап болуп калганда эмне болорун көрө алабыз: антиномианизмге – Кудайдын талаптарынын баары машайакчыга тиешелүү эмес деген идеяга алып келет. Эркин ырайымдын ордун ойлоп табылган ырайым ээлейт, анын үстүнө ал күнөөнү актайт.

Ойлоп табылган ырайымды тараткан жыйын мүчөлөрү чогулуштарга катышат, бирок ачык эле күнөөдө жашайт. Алардын жыйын жетекчилери жана кызматчылары жамаатка караганда жакшыраак жашашат, бирок алардын да күнөөкөр адаттары болушу мүмкүн. Алар биз ырайымдын негизинде куткарылгандыктан, Кудайга толук баш ийип жашоонун кереги жок дешет. Натыйжада алар Ыйса жыйынга берген тапшырманы – адамдарды Машайактын осуяттарына баш ийүүгө алып келүү тапшырмасын унутуп коюшат. Жыйындын өзгөчө иши – күнөөкөрлөдү Кудайдын ыйык табынуучуларына айландыруу, жыйындын бар болууга башка себеби жок.

Кудайга баш ийүү керектигин колдогон жыйындарда да, башка каталарды кетирген адамдар бар. Алар жашоосун өздөрдү туура деп эсептеген талаптарга баш ийдирүүнү үйрөткөн, бирок алардын Машайактыкындай руху жок. Аларда зөөкүрлүк жана кечирбестик көп. Алар момундук менен кечирим сурай алышпайт. Алар башкаларды тез соттошот жана кээ бир адамдарга гана ишеним артышат. Алар өзүнүкүн дайыма туура деп ойлошот: алардын ар бир суроого жообу даяр, алар өздөрү менен макул болбогон адамды сыйлабайт. Аларда өлүмгө бара жаткандарды куткарууга кызганчаактык жок, бирок алар өзүнүн пикирин жулунуп коргоого даяр; алар өзүнө ыраазы жана өзгөрөйүн деген ою жок.

Мындай адамдар Машайакты чын эле тааныйбы жана Ага окшош болгусу келеби?

Машайакчы болуу деген Ыйсанын шакирти болууну билдирет.

Машайактын шакирти болуу деген эмнени билдирет? Ага баш ийүүнүбү? Албетте, бул керектүү учурлардын бири, бирок Улуу Тапшырмада Ыйса шакирттерине дүйнө жүзүндөгү бүт элдерге барып Анын «буйругандарынын баарын аткарууну» үйрөтүүнү камтыйт; бир гана баш ийүү Ыйсанын шакирти экенин дегенди билдирбейт.

Жүйүт раббилеринин шакирттери, алардын окутуусун гана эмес, жашоо стилин да үйрөнүшкөн; шакирттер алардын мамилелерин жана биринчи орунга койгон нерселерин үйрөнүшкөн.

Ыйса шакирттерин: «Келип, менин артымдан ээрчигиле» дегенде, эмнени айткысы келген? Ал жакшы кабар аркылуу дагы деле шакирттерди чакырып жатат.

Адам кантип шакирт боло алат?

Алгач Ага ишенүү керек, анткени ишенимсиз Машайактын артынан ээрчүүнүн мааниси жок.[1]

Иш-аракеттин багытын өзгөртүү керек. Эч ким жашоосун Машайактын жолдоочусу болуп баштабайт; ар бирибиз өз жолубузда бараткан болобуз. Анан Ыйсанын артынан кетүү чечимин чыгаруу керек болот; демек сиз бара жаткан жолуңуз туура эмес экенин түшүнөсүз. Ыйсаны жолдоо, тобо кылуудан башталат: сиз күнөөлөрүңүз үчүн тобо кылбай туруп Теңирдин артынан ээрчий албайсыз; эгер күнөөкөр иштерди кылууну токтоткудай өкүнбөсөңүз, анда дагы деле өзүңүздүн жолуңуз менен кетип бара жатасыз.

Тобо кылуудан кийин сиз Кудайдын кечиримин сезесиз жана Эң Жогорку Кудайды таанып билүү жана Машайактын образына окшошуу каалоосу аркылуу Аны менен мамилеңиз калыбына келет.

Матай 16:21-25ти окуңуз.

Бул сүйлөшүүдө Ыйса шакирттерине Өзүн күтүп турган өлүм жөнүндө айткан. Петир машайактын сөздөрүнөн нес болуп калган: ал өлүм менен Машайактын кандай байланышы бар экенин түшүнгөн эмес. Ал Ыйсаны бул жолдон кетирүүгө аракет кылып, өлүм жөнүндө ойлорду четке кагуу үчүн Ыйса менен талашып-тартыша баштаган.

Ыйса Петирди Кудай кылып жаткан ишти түшүнбөгөндүгү үчүн айыптады. Машайак Анын шакирти болуу үчүн өзүнөн баш тартып, айкаш жыгачын көтөрүп алып, Анын артынан ээрчүү керектигин айткан. Бул «мен» дегендин өлүмүн кабыл алууну билдирет. Ыйса адамдык өзүмчүлдүк, менменсинүү жана өзүн коргоо аракеттерин жемелеген – булардын баары чыныгы шакиртчиликке каршы келет.

► Эмне үчүн адам шакиртчиликке каршы чыкканы кадимки нерсе болуп эсептелет?

Шакирттер азап чегүү менен өлүм аларга туура келбейт деп ойлошкон. Алар Машайактын артынан ээрчүү деген эмне экенин дагы деле түшүнүшкөн эмес. Сиз кечирим алганыңыз үчүн эч нерсе төлөбөйсүз, бирок Ыйсанын артынан ээрчүү үчүн бардыгын беришиңиз керек болот: ал жүрөктү изилдөөнү, момун болууну жана өзгөрүүнү камтыйт.

► «Машайактын артынан ээрчүү үчүн сиз бардыгын беришиңиз керек» деген сөздөрдү түшүндүрүп бериңиз.

«Айкаш жыгачыңды көтөрүү» – Кудай менен түбөлүк жашоо үчүн өлүмдү кабыл алууну билдирет. Бул «мен» дегендин жеке көз карандысыздыктын өлүмү; бул жөн гана сырткы баш ийүү эмес: ал бүт жүрөктү ээлейт. Падышалыкка кирүү үчүн Ыйса ушундай момундук керектигин айткан.

Ыйсанын биринчи шакирттери сыяктуу эле бүгүнкү күндө көп адамдар шакирт болуу деген эмне экенин түшүнүшпөйт. Жыйындар тобо кылбаган адамдарга ырайым сунуш кылат, ошол себептен Кудайга кайрылгандар баштай турган жолун эмес, таптакыр башка нерседен башташат жана алар алдыда күтүп турган нерсеге даяр эмес. Бул чыныгы машайакчылык жашоодон ушунчалык айырмалангандыктан, таптакыр башка жашоо жолун билдирет.

Дитрих Бонхёффер Гитлер тарабынан өлүм жазасына айыпталган жыйын жетекчиси болгон. Ал өзүнүн «Шакиртчиликтин баасы» деген китебинде мындай саптарды жазган:

«Кымбат баалуу ырайым – ал талаада катылган казына; ага ээ болуу үчүн адам барат да кубаныч менен бардык мүлкүн сатып жиберет. Ал асыл берметтей: аны сатып алуу үчүн соодагер бардык буюмдарын сатып жиберет. Бул Машайактын падышалык башкаруусу, анда болуу үчүн адам азгырылбайын деп көзүн чукуп салууга даяр: бул Ыйсанын чакырыгы, ага жооп берип, шакирт торлорун таштап салып Аны ээрчийт… бул ырайым кымбат баалуу, анткени ал бизди Машайактын артынан ээрчүүгө чакырат.»

Анын артынан ээрчүү – Ага окшошуу. Бул өзүң үчүн өлүүнү билдирет, анткени Ал Өзүн толугу менен баш ийдирген. Бул кайсы бир туура эмес иш-аракеттерди кылууну токтотууну эле эмес, Ыйса кыла турганды кылууну билдирет. Биз Теңир Өзүнүн тазалыгы, мээримдүүлүгү, боорукерлиги жана кечирими менен кыла турган нерселерди кылууга аракет кылабыз.

Биз тандоо болгондо жана жүрөгүбүз кайсы бир нерсени жактырбаганда гана туура иш-аракет кылбайбыз: биз жүрөгүбүз Аныкына окшош болушун каалайбыз. Ал эч кимди жек көргөн эмес. Кээ бир адамдар атайлап Анын душманы болуп алышкан, бирок Ыйса эч кимдин душманы болгон эмес.

Анын чыныгы жолдоочулары жамандыкка толгон эмес. Алар өздөрүнө жамандык кылган адамдарга жакшылык кылышат. Алар батасын беришет жана эч качан каргашпайт. Алар кечиримин чектебейт. Алар өз укуктарынан баш тартышкан жана анын ордуна кызмат кылышат.

Ушундай өзүн баш ийдирип жашоону токтотуп коюу деген жок. Өз жанын сактап калууга аракет кылган адам аны жоготот; ал эми ким өз жанын берсе аны сактап калат.

► Адамдарды шакиртчиликке даярдоо үчүн аларды кантип куткарылууга тарта алабыз?

[1] «Ыйса Машайак биздин дүйнөнүн борборун ээлеген нерседен – буркандан бөлүнүүнү жана ал эмне болбосун ошол нерсенин ордун ээлөөнү каалайт. Бул бир нерсеге тиешелүү болууну кескин өзгөртүү, анын артынан Кудайга кайрылуу келет же жок дегенде башталат; анан Машайак Өзүнө тиешелүү орунду ээлегенден кийин, бардыгы өз ордунан жылыша баштайт»
(Бүткүл дүйнөдө жакшы кабар таратуу боюнча Лозан Комитети).