Utangulizi Wa Elimu Ya Kuitetea Imani

Kozi hii inafundisha misingi ya kisayansi, kihistoria, na kifalsafa kwa mtazamo wa ulimwengu wa Kikristo, na inaonyesha jinsi gani imani ya Kikristo ni thabiti katika hoja na hali halisi.

Maelezo na maelekezo kwa viongozi wa madarasa.

Kozi hii inatambulisha kanuni ya msingi ya elimu ya kuitetea imani. Unapaswa uratibu dakika 90-120 kwa kila mnapokutana darasani. Na muda zaidi wa kufanya kazi za nyumbani nje ya darasa.

Alama ► inaashiria swali linalopaswa kujadiliwa. Wakati wowote unapokuja katika hayo, uliza hayo maswali yanayokuja mbele yake, na uwaachie wanafunzi wajadili jibu lake. Jitahidi kuhakikisha kwamba wanafunzi wote darasani wanahusika katika majadiliano. Ikiwa ni lazima, waite wanafunzi kwa majina yao.

Kila tanbihi chini ya ukurasa inarejea Andiko la Biblia. Kama aya haijatolewa au hazijatolewa kutoka kwenye fungu, tafadhali wafanye wanafunzi waziangalie na wazisome wakati wa kipindi darasani. Labda iwe imeelekezwa vinginevyo, nukuu ya maandiko yanatoka katika Biblia Takatifu ya Kiswahili, (SUV®).

Kila somo lina kazi tatu za kufanya. Kazi za kufanya zinatakiwa zimalizike na kuwakilishwa kabla ya muda wa kipindi kingine.

1.  Kazi ya kwanza itaelekezwa kwenye kichwa. Hii itakuwa ni jaribio linalotakiwa lifanyike kila mwanzo wa kipindi kingine cha darasa baada ya somo kumalizika. Majaribio yote yafanyike bila ya kutazama kutoka kwenye daftari la somo, vidokezo vilivyoandikwa au kwa mwanafunzi mwingine. Kitabu chenye majibu ya majaribio yote kinaweza kupatikana kwa kupakua kwenye tovuti ya ShepherdsGlobal.org

2.  Kazi ya pili itaelekezwa kwenye moyo. Hizi kazi fupi fupi zinakusudiwa kuwakumbusha wanafunzi elimu ya kuitetea imani ya kweli inazungumza kuliko akili. Kazi hizi mara nyingine zinakuwa ni ushuhuda wa mtu binafsi. Chukua muda darasani wa kushirikishana shuhuda hizi.

3.  Kazi ya tatu itaelekezwa kwenye mikono. Hii ni nafasi ya wanafunzi kuyaweka kwenye matendo yale yote waliyojifunza. Kwa njia nyingi, hii ni sehemu muhimu sana katika kozi. Kama wanafunzi hawatazifanyia mazoezi kanuni walizofundishwa kwenye kozi, wanaweza wasiweze kuzikumbuka au kuzitumia kanuni hizo baadaye. Chukua muda kuzijadili kanuni hizi kila wiki.

Kwenye kila mwanzo wa kipindi cha darasa, kiongozi anapaswa kutoa jaribio dogo linalohusiana na somo lililopita. Uchambuzi wa somo la 7 ni kwa ajili ya mjadala wa darasa, unaofanyika kabla ya somo la 8. Kama kiongozi wa darasa, wajibu wako katika mjadala ni kuwakilisha kila hoja dhidi ya Ufufuo zitokanazo na Somo la 7. Hakikisha kwamba kila mwanafunzi anapata nafasi ya kushiriki angalau katika mojawapo ya hoja husika.

Pia katika kila mwanzo wa kipindi cha darasa, kila mwanafunzi atapaswa kutoa muhtasari wa mjadala wao na kazi ya kufanya kuhusu “Elimu ya kuitetea Imani na Mikono” kwa ajili ya somo lililopita.

Kama mwanafunzi atataka apewe cheti cha kuhitimu Shepherds Global Classroom, ni lazima ahudhurie vipindi vyote na akamilishe kazi zote za kufanya. Fomu itatolewa kila mwisho wa kozi kwa ajili ya kuweka kumbukumbu ya kazi zote zilizomalizika.