Surbey ng Kasaysayan ng Iglesia 2

Ang kursong ito ay nagbibigay ng pambungad na surbey sa kasaysayan ng iglesia simula A.D. 1517-2000.

Ang kursong ito ay nagbibigay ng pambungad na surbey sa kasaysayan ng iglesia simula A.D. 1517-2000.

Istraktura ng Aralin

Kung pag-aaralan ito bilang isang grupo, salit-salitan ninyong basahin ang materyales. Maaari kayong huminto sa pagbabasa kapag may mga bagay na gustong talakayin. Bilang namumuno sa klase, tungkulin mo na panatilihin ang talakayan ayon sa paksang inyong pinag-aaralan sa materyales. Makakatulong kung mayroong limitasyon ng oras sa bawat talakayan.

Sa tuwing marating ninyo ang tanda na ►, hayaang talakayin ng mga mag-aaral ang katanungan. Mahalagang ipakita kung paanong ang pag-aaral ng kasaysayan ng Iglesia ay napapanahon sa kalagayan ng simbahan ngayon. Halos karamihan sa mga tatalakaying mga tanong sa kursong ito ay hinihiling ang mga mag-aaral na i-ugnay ang kanilang mga natutunan sa kasaysayan sa kanilang kasalukuyang kalagayan. Mahalagang may sapat na oras para sa talakayan. Kung hindi ninyo ito gagawin, maaaring mabigo ang mga mag-aaral na i-ugnay ang kanilang pag-aaral sa kasaysayan sa kasalukuyang pangangailangan ng simbahan.

Mayroong itinakdang proyekto sa kurso para sa mga mag-aaral. Bilang namumuno sa klase, maaari mong matulungan ang mga mag-aaral na matagumpay na tapusin ang kurso kung palagi mo silang paalalahanan na gawin ang proyekto. Ang mga alituntunin para sa proyekto ng kurso ay nasa huling bahagi ng una at huling aralin.

Dagdag sa proyekto ng kurso, bawat aralin ay naglalaman ng mga takdang aralin. Ang takdang aralin ay dapat na gawin matapos ang aralin. Ibibigay ng mga mag-aaral ang kanilang natapos na gawain sa namumuno ng klase sa susunod na pagkikita para sa bagong aralin. Kung hindi nagawa ng isang mag-aaral ang isang aralin at ang mga takdang aralin nito, maaari niya itong tapusin sa ibang pagkakataon. Subalit, dapat na hikayatin ng tagapamuno ang mga mag-aaral na tapusin ang mga gawain ayon sa itinakdang oras upang mas marami pa silang matutuhan sa klase. Mayroong tsart na ibinigay sa likod na bahagi ng kurso upang maitala ang mga natapos na takdang aralin ng mga mag-aaral.

Mayroong pitong aralin para sa kursong ito. Bawat aralin ay tumatalakay sa malawak na paksa na mangangailangan ng 3-4 na oras. Kung maikli ang oras ng inyong pagtitipon, gawin ninyong dalawang sesyon ang bawat aralin. Gugulin ninyo ang 5 minuto para sa pagbabalik-aral sa mga mahahalagang puntos ng nakaraang aralin at magbigay rin kayo ng dagdag na sandali na mai-presenta ng mga mag-aaral ang mga sagot sa kanilang mga takdang-aralin.