Eschatology

Ang kursong ito ay nag-aaral sa mga doktrinang Kristiyano tungkol sa mga huling panahon, batay sa Kasulatang propetiko sa Biblia.  Binibigyang-diin ng kurso ang mga pangunahing doktrina tulad ng pagbabalik ni Kristo, ang huling paghuhukom, at ang walang hanggng kaharian ng Diyos.  Ang kurso ay naghahayag ng iba’t-ibang kontrobersiya hinggil sa mga huling panahon subali’t hindi nito nilulutas ang lahat ng usapin.  Kabilang sa kurso ang pag-aaral sa Biblia sa mga aklat ni Daniel at Pahayag, kasama ang iba pang seksyon ng mga Kasulatang propetiko.

Paglalarawan sa Kurso

Ang kursong ito ay nag-aaral sa mga doktrinang Kristiyano tungkol sa mga huling panahon, batay sa Kasulatang propetiko sa Biblia.  Binibigyang-diin ng kurso ang mga pangunahing doktrina tulad ng pagbabalik ni Kristo, ang huling paghuhukom, at ang walang hanggng kaharian ng Diyos.  Ang kurso ay naghahayag ng iba’t-ibang kontrobersiya hinggil sa mga huling panahon subali’t hindi nito nilulutas ang lahat ng usapin.  Kabilang sa kurso ang pag-aaral sa Biblia sa mga aklat ni Daniel at Pahayag, kasama ang iba pang seksyon ng mga Kasulatang propetiko.

Mga Layunin ng Kurso

(1) Upang basahin at obserbahan ang nilalaman ng propetikong Kasulatan.

(2) Upang matutuhan ang mga salita at mga dakilang tema ng eschatology.

(3) Upang makita ang kaugnayan sa pagitan ng mga doktrina eschatology at iba pang doktrinang Kristiyano.

(4) Upang makita ang kaibahan ng kinakailangan at mga mapagtatalunang  doktrina ng eschatology.

(5) Upang maunawaan kung paano mapananatili ng isang Kristiyano ang pananampalataya sa panahon ng paghihirap, sa mga sakuna, at mga kalagayan sa mundo na tila sumasalungat sa pananampalataya.

(6) Upang matutuhan ang di-nagbabagong pamumuhay Kristiyano na naaayon sa mensahe ng propetikong Kasulatan.

Mga Paliwanag at Direksyon Para sa Tagapanguna sa Klase

Ang mga leksiyon ay may iba’t-ibang haba, at ang ilan sa mga ito ay may kontrobersiyal na paksa.  Ang pagtapos sa isang leksiyon sa bawat sesyon sa klase ay hindi laging posible.  Kung ang isang leksiyon ay hindi matapos sa isang sesyon sa klase, dapat maging handa ang tagapanguna sa klase na muling ipakilala ang leksiyon uli at tapusin iyon sa susunod na klase. 

Maraming iba’t-ibang mga palagay tungkol sa mga paksang tinalakay sa kursong ito.  Dapat malaman ng tagapanguna sa klase na maaaring maging imposible na talakayin ang isang paksa hanggang ang bawat isa ay sumasang-ayon na.  Kapag ang isang paksa ay napag-usapan na nang sapat, ang grupo ay dapat nang magpatuloy sa susunod na paksa.  Hindi dapat pahintulutan ng tagapanguna sa klase na ang sinumang mag-aaral ay magalit at mag-akusa sa mga pagtatalakayan.

Ang mga notes sa tagapanguna ng klase ay isinama sa kabuuan ng kurso na may mga direksiyon para sa mga tiyak na mga bahagi ng leksiyon.  Ang mga ito ay italized.

Ang simbolong ► ay nagpapahiwatig ng tanong para sa talakayan. Dapat magtanong ang tagapanguna ng klase at bigyan ng sapat na panahon ang mga mag-aaral upang talakayin ang sagot.  Kung ang parehong mag-aaral ang karaniwang unang sumasagot, o kung ang ilang mag-aaral ay hindi agad sumasagot, maaaring idirekta ng tagapanguna ang tanong sa isang mag-aaral: “Igor, paano mo sasagutin ang tanong?”

Maraming  Kasulatan ang ginamit sa kursong ito.  Ang mga talata na dapat  basahin nang malakas sa klase ay ipinahihiwatig ng simbolong ► o kaya’y may makapal na sulat – kamay.  Sa ibang mga pagkakataon ang mga reperensiya sa Kasulatan ay ibinibigay na may parentheses sa teksto.  Halimbawa: (1 Corinto 12:15). Ang mga reperensiyang iyon ay suporta para sa mga nasa mga parentheses.

Paminsan minsan, mayroong block quote mula sa isang teologo.  Kapag dumating ang klase  sa isang block quote, maaaring tumawag ang tagapanguna sa klase ng isang mag-aaral upang basahin at ipaliwanag ang quote. Hindi tayo kinakailangang sumang-ayon sa lahat ng itinuturo ng mga teologong ito, subalit maaari tayong matuto mula sa kanila.

Ang bawat leksiyon ay nagtatapos sa isang takdang-aralin.  Ang mga takdang aralin ay dapat matapos at maireport bago ang susunod na oras ng leksiyon.  Kapag hindi natapos ng isang mag-aaral ang takdang-aralin, maari niya itong gawin sa ibang pagkakataon.  Gayunman, dapat hikayatin ng tagapanguna sa klase ang mga mag-aaral na gawin iyon sa tamang iskedyul upang mas marami silang matututuhan mula sa klase. 

Sa simula ng bawat sesyon sa klase, dapat kolektahin ng tagapanguna sa klase ang mga isinulat na takdang-aralin mula sa sinundang leksiyon.  Sa ilang mga pagkakataon, maaaring tawagin ng tagapanguna ang ilan sa mga mag-aaral upang ibahagi ang kanilang isinulat para sa kanilang takdang-aralin.

Isa sa mga layunin ng kursong ito ay ihanda ang mga mag-aaral upang maging mga tagapagturo.  Dapat bigyan ng pagkakataon ng tagapanguna sa klase ang mga mag-aaral upang mapaunlad ang kanilang kakayahang magturo.  Halimbawa, dapat paminsan-minsan ay hayaan ng tagapanguna sa klase ang isang mag-aaral upang magturo ng maikling bahagi ng leksiyon sa klase.

Kung nais ng mag-aaral na magkaroon ng sertipiko mula sa Shepherds Global Classroon, dapat siyang dumalo sa mga sesyon ng klase at tapusin ang lahat ng mga takdang-aralin.  May isang form na matatagpuan sa dulo ng kurso para sa pagtatala ng mga natapos na takdang-aralin.