Doktrina at mga Gawain ng Iglesya

► Bakit ka pumupunta sa iglesya?

Kapag nag-uusap ang mga tao tungkol sa “pagpunta sa iglesya” ang ibig nilang sabihin ay ang pagpunta sa isang gusaling sambahan para sa isang nakatakdang serbisyo ng pagsamba.

Maraming tao ang nagsasabi na sila ay pumupunta sa iglesya upang higit pang matuto tungkol sa Diyos. Kung minsan ang mga taong may pakiramdam na sila ay malayo sa Diyos ay pumupunta sa iglesya at umaasa na doon mararamdaman niya ang presensiya ng Diyos. Ang mga taong nakakikila sa Diyos ay nagtutungo sa iglesya at umaasang mararanasan ang Kanyang presensiya sa pagsamba. Ang iglesya ay tungkol sa Diyos. Dapat maranasan ng mga tao ang presensiya ang Diyos sa mga gawain ng pagsamba sa iglesya.

Subali’t ang iglesya ay hindi isang gusali, at hindi rin ito ang mga pagtitipon lamang para sa pagsamba. Ang iglesya ay ang kalipunan ng mga mananampalataya na naglalaan ng sarili upang magsama-sama upang siyang maging iglesya. Kaya’t kung nag-uusap tayo tungkol sa mga tao na makikipagkita sa iglesya o kaya’y pupunta sa iglesya, ang tinutukoy natin ay ang grupo ng mga mananampalataya. Kapag sinasabi natin na ang iglesya ay tungkol sa Diyos, hindi natin ibig sabihin na tanging ang gusali at ang gawain ng pagsamba ang tungkol sa Diyos. Ang buhay na taglay na sama-samang inilaan ng mga mananampalataya ay tungkol sa Diyos.