Surbey ng Kasaysayan ng Iglesia 1

Ang kursong ito ay naglalahad kung paano ginampanan ng Iglesia ang kanyang misyon at iningatan ang kanyang mahahalagang doktrina mula sa panahon ng sinaunang Iglesia hanggang sa panahon ng Repormasyon.

Ang kursong ito ay nagbibigay ng panimulang pagsasaliksik sa kasaysayan ng iglesya mula A.D. 30 hanggang A.D. 1517.

Istruktura ng Leksiyon

(1) Kung nag-aaral bilang isang grupo, maghalinhinan sa pagbasa ng mga materyal. Sa pana-panahon ay dapat kayong tumigil para sa anumang pagtatalakayan sa klase. Bilang tagapanguna sa klase, ikaw ay may tungkulin na pigilin na mapalayo ang talakayan mula sa materyal na kasalukuyang pinag-aaralan. Makatutulong na magkaroon ng limitasyon sa oras para sa bawat panahon ng talakayan.

(2) Sa bawat pagkakataon na dumarating sa tanda na ►, hayaan ang mga mag-aaral na talakayin ang katanungan. Mahalaga na maipakita kung paanong ang pag-aaral sa kasaysayan ng iglesya ay napapanahon para sa iglesya sa kasalukuyan. Karamihan sa mga tanong para sa talakayan sa kursong ito ay nagsasabi sa mga mag-aaral na iugnay kung ano ang kanilang natutuhan tungkol sa kasaysayan sa kanilang kasalukuyang kalagayan. Mag-laan ng sapat na oras para sa mga talakayang ito. Kung wala ito, maaaring mabigo ang mga mag-aaral na iugnay ang kanilang pag-aaral sa nakaraan tungo sa mga pangangailangan ng iglesya sa kasalukuyan.

(3) Ang bawat leksiyon ay may kasamang isang takdang-aralin. Kapag ang takdang aralin ay isang presentasyon sa grupo, magbigay ng oras sa simula ng susunod na klase para sa mga oral presentation. Dapat gawin ng bawat mag-aaral ang proyekto para sa Leksiyon 1. May mga dagdag na proyekto para sa bawat leksiyon. Dapat tapusin ng mga mag-aaral ang hindi kukulangin sa limang takdang-aralin para sa Leksiyon 2-8.

(4) Ang bawat leksiyon ay may kasamang mga tanong sa pagsusulit. Sa katapusan ng bawat klase, maaaring pagbalik-aralan ng tagapanguna sa klase ang mga tanong na ito kasama ng mga mag-aaral. Ang mga petsa at pangalan ay mahalaga sa kurso sa kasaysayan ng iglesya kaysa sa maraming iba pang kurso. Maglaan ng sapat na panahon upang pagbalik-aralan ang “Mga Pangunahing Pangyayari” at “Mga Pangunahing Tao” na nakalista sa dulo ng bawat kabanata. Ang susunod na sesyon ng klase ay dapat magsimula sa isang maigsing pagsusulit gamit ang mga tanong na ito. Ang pagsusulit ay maaaring gawin sa pamamagitan ng pagsasalita o sa paraang isusulat.

(5) Mayroong walong leksiyon sa kursong ito. Ang bawat leksiyon ay tumatalakay sa malaking ng bahagi ng material at mangangailangan ng hindi kukulangin sa 3-4 na oras. Kung kayo ay nag-aaral sa mas maiikling sesyon, dapat ninyong planuhin ang dalawang sesyon para sa bawat leksiyon.